SABADO SANTO

KASAULOGAN SA MGA PAGBASA

P : O Ginoo, buk-ha ang akong mga ngabil.

T : Ug ang akong baba molitok sa imong kadayganan.

Salmo 94

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

1. Dali kamo, magsadya kita sa Ginoo / maninggit kita sa kalipay sa Dios nga atong
manluluwas.
2. Uban sa mga salmo / maninggit kita sa kalipay nganha Kaniya.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

3. Kay Dios nga dako ang Ginoo / hari nga dako ibabaw sa tanang mga Dios.
4. Naa sa iyang kamot ang kautlanan sa yuta / ug ang mga kahitas-an sa kabukiran Iya man.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

5. Iya ang dagat ug siya gayo’y mibuhat kaniya / ug ang kamad-an gitukod sa iyang mga
kamot.
6. Dali kamo, atong simbahon ug manghapa kita / atubangan sa Ginoo nga mibuhat kanato.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

7. Kay siya gayod ang atong Dios / ug kita iyang lungsod, ang mga karnero sa iyang panon.
8. Sa kap-atan ka tuig gisulayan ako niining kaliwatana ug miingon ko: Kanunay silang
nahisalaag sa kasing-kasing / wa mag-ila sa akong mga dalan.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

9. Sa ingon nanumpa ko suod sa akong kaligutgut / nga dili sila makasulod sa akong
pahulayanan.
10.Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

KINSA’Y DILI MAKADAYEG

1. Kinsa’y dili makadayeg kanimo Ginoo ko.
Kon akong pagahandumon ang dakong kaayo mo?
Ang pagdayeg mo kanunay akong pagalitokon
Ug kining kaugalingon imo, imo na karon.

2. Tudloi kami, Ginoo, sa pagpasalamat

 Nadtong mga kaayohan nga among nadawat
Imong grasyang panulondon ‘ning anak naangkon.
Ug ang imong gingharian amo, amo na karon.

3. Kalawom ba sa kalipay nga gipatagamtam mo:

Unsay imong kahimut-an, mao da’ng pangitaon ko.
Pagkalipay sa kawad-on, gugma sa isigkaingon,
Sanglit imong gipaambit, ako, ako na karon.

4. Tuyo ko ang pagmatuod nga nabanhaw si Jesus.

Gani lang way pagkatapos ang pagpas-an nianang krus.
Buhi S’ya pagdawat nako sa bug-at nga pas-anon
Ang tanan kong kasakitan iya, iya man karon. Amen.
Salmo 4
Antipona : Sa dakong kalinaw ako mohigda ug mahikatulog.

1. Sa pagsangpit ko tubaga ko, Dios sa katarongan / sa akong kayugot kaloy-I ako ug

pamatia ang akong pag-ampo.
2. Mga anak sa katawhan, hangtod kanus-a takpan ninyo ang inyong mga kasingkasing, /
nganong gihigugma ninyo ang kawang ug gipangita ninyo ang bakak?
3. Ang Ginoo naghimo’g katingad-an sa iyang mga santos / busa pamation ko sa Ginoo sa
pagsangpit ko kaniya.
4. Kahadloki siya ug ayaw pagpakasala, sa inyong higdaan pamalandong sa kahilom. / Ihalad
ang katarongan ug saligi ang Ginoo.
5. Unsay makahatag kanamo’g kalipay, pangutana sa katawhan? / Kahimuot sa Dios maoy
makahatag kanato’g kalipay.
6. Labaw sa pag-abunda sa trigo ug sa bag-ong bino, nga gikalipay sa daghang katawhan, /
mao ang kalipay ko nga gikan kanimo.
7. Malinawon, gilayon mahikatulog ako ug makapahulay / kay ikaw Ginoo ang akong
kasegurohan.
8. Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Sa dakong kalinaw ako mohigda ug mahikatulog.

Salmo 16

Antipona : Ug kining akong lawas sa paglaum mopahulay.

1. Palungtara ako, O Ginoo, / diha kanimo ako nangitag panalipod.

2. Giingon ko ang Ginoo: Ikaw akong Ginoo / ikaw da gayud ang akong kalipay.
3. Alang sa mahigugmaon kaniya / gihatagan ako niya’g dakong paghigugma.
4. Napilo-pilo ang ilang mga kaalautan, / kadtong nagsimba sa laing mga ginoo.
5. Di ko motipon sa dugoon nilang tigom / ni ngani litokon ko ang ilang ngalan.
6. O Ginoo, ikaw ang akong kabilin ug akong kopa, / ikaw mismo mao ang akong ganti.
7. Daygon ko ang Ginoo nga naghatag kanako’g maayong tambag / bisan sa kagabhion siya
nagtudlo sa akong kasingkasing.
8. Sud-ongon ko, kanunay ang Ginoo sa atubangan ko / kay nia siya sa akong tuo aron dili ko
matarog.
9. Tungod niini nagmalipayon ang akong kasingkasing ug kalag. / Bisan gani ang akong
lawas mopahulay sa way kukahadlok.
 10.Kay di mo biyaan ang akong kalag diha sa lubnganan, / di mo itugot nga ang imong
pinalangga madunot.
11.Pakitaon mo ako’g kinabuhi ug tumang kalipay, / dinha sa imong kiliran malipay ako sa
kahangturan.
12.Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Ug kining akong lawas sa paglaum mopahulay.

Salmo 24

Antipona : Pata-as kamo, mga pultahang tunhay, mosulod ang hari sa himaya.

1. Sa Ginoo man ang yuta ug ang iyang kapuno, / ang kalibutan ug ang tanan nga nagpuyo
kaniya.
2. Ibabaw sa kadagatan gitukod niya kini, / ibabaw sa katubigan iyang gihimong malig-on.
3. Kinsay motungas sa santos niya nga bukid? / Kinsay mobarog sa balaan niya nga dapit?
4. Ang limpyo’g kamot, putli’g kasingkasing nga wa mangandoy sa mgakakawang-an, / ug
wa manumpa sa limbong ngadto sa iyang silingan.
5. Siya nakadawat sa bendisyon ug ganti gikan sa Ginoong manluluwas. / ingon gayod niini
ang nagpangita sa nawong sa Dios ni Hakob.
6. Mga puno-an, isaha ang inyong mga pultahan, pataas mga pultahang tunhay! / mosulod
ang hari sa himaya.
7. Kinsa man kining hari sa himaya? Ang Ginoong kusgan ug gamhanan, / Ginoong
gamhanan sa gubat.
8. Mga puno-an, isaha ang inyong mga pultahan, pataas mga pultahang tunhay! / mosulod
ang hari sa himaya.
9. Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Pata-as kamo, mga pultahang tunhay, mosulod ang hari sa himaya.

P : Dapigi ang akong kausa, ug luwasa ako.

T : Pagmatinumanon sa imong pulong, ug hatagi ko’g kinabuhi.

UNANG PAGBASA: SA SULAT NGADTO SA MGA HEBREO 4:1-13

Samtang nagpadayon ang saad sa Dios…

RESPONSORIO 6

Cantor : Gilubong nila ang Ginoo ug gitakpan pag-ayo ang lubnganan. Ilang giligid ang
dakong bato atubangan niini.

Choir : Ug dayon ila kining gipagwardiahan sa mga sundalo.

Cantor : Ang mga pangulo’ng pari nangayo kang Pilato og gwardia alang sa iyang
lubong.

Choir : Ug dayon ila kining gipagwardiahan sa mga sundalo.

IKADUHANG PAGBASA: GIKAN SA KARAANG SERMON SA SABADO SANTO

Adunay kahibulongang hitabo, niining adlawa…

 RESPONSORYO 7

Cantor : Ang atong magbalantay, ang tinubdan sa atong kinabuhi gipatay.

Nangitngitan
ang adlaw sa dihang siya nawala. Apan karon ang nagbilanggo sa tawo
nahimong binilanggo.

Choir : Kini mao ang adlaw kanus-a ang Manunubos milumpag sa ganghaan sa
kamatayon.

Cantor : Nalumpag na ang barikada sa impyerno, natapos na ang paghari sa yawa.

Choir : Kini mao ang adlaw kanus-a ang Manunubos milumpag sa ganghaan sa
kamatayon.

PAGDAYEG SA BUNTAG
Salmo 63

Antipona : Bisan way sala ang Ginoo gipatay / Isip og alang sa bugtong anak / ang
kalibutan
nagbangutan.

1. Pamatia, O Dios ang akong sumbong / ug panalipdi sa manggibuhato’g dautan. / Kay

nahait daw hinagiban ang ilang mga dila, / ug ilang mga pulong daw pana.
2. Paglag-lag gikan sa tago sa tawo nga way sala / ilang gibansay lakip ang paglimod sa ilang
gilaraw. / Miingon sila: Kinsa ma’y nakakita sa atong gibuhat / ug nasayud sa gitagoan ta?
3. Apan siksikon sila sa kamao gayong mosiksik, / sa nasayod sa mga tinago sa kasingkasing.
/ Giigo sila sa Dios sa iyang pana ug samdan na sila. / Batok da kanila ang ilang mga baba
ug giktaw-an sila sa tanan.
4. Ug unya ang tanang katawhan mangahadlok, / mag-asoy sila unsa diay kagamhanan ang
Dios. / Ang tawo nga matarong malipay sa Ginoo nga nanalipod, / ang mga matarong og
kasingkasing mangalipay.
5. Himaya sa Amahan, ug sa Anak, / ug sa Espiritu Santo / maingon sa sinugdan, karon ug sa
gihapon, / sa katuigan nga tanan. Amen.

Antipona : Bisan way sala ang Ginoo gipatay / Isip og alang sa bugtong anak / ang
kalibutan
nagbangutan.
Isaias 38

Antipona : Gikan sa baba sa kamatayon, Ginoo, luwasa kami!

1. Ug miingon ko: sa udtong tutok sa akong kinabuhi ako mabiya, / sa kalibutan sa kangitngit
didto ko magpuyo.
2. Miingon sab ko: di ko na makita ang Ginoo sa yuta sa mga buhi/ mga kauban ning
kalibutan di ko na makita.
3. Ang akong puloy-anan, ingo’g tolda gihipos na nimo, / gipilo mo na’ng akong kinabuhi,
ingo’g mananahi nga nagputol sa katapusang hilo.
4. Sinakit adlaw’g gabii, nagdanguy-ngoy hangtod sa kaadlawon, / Ug wa ako’y bukog nga
wa mabali daw sa baba sa liyon.
5. Ang akong hinilakan daw tingog sa sayaw / ang akong aguo daw aguo sa pati.
6. Ngit-ngit na ang akong mga mata, bisa’g sa langit ko pa itan-aw. / Napiit ko pag-ayo
Ginoo, tabangi ko.
7. Kon dili man mopasalamat kanimo ang kangitngitan, / dili man modayeg kanimo ang
kamatayon.
 8. Ug ang atua sa kinahiladman / dili na man molaom sa imong kaayo.
9. Ang nangabuhi maoy mopasalamat kanimo / sama sa gibuhat ko karon.
10.Gikan sa mga amahan ngadto sa mga anak. / Gimantala ang magkamaloloy-on mo.
11.Ang Ginoo atong manluluwas, / uban sa alpa awitan ta siya dinha sa iyang balay sa tanang
adlaw sa atong kinabuhi.
12.Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Gikan sa baba sa kamatayon, Ginoo, luwasa kami!

Salmo 150

Antipona : Ako namatay apan karon buhi sa hangtod. / Ako ang nagkupot sa yawe sa
kamatayon.

Dayga sa tingog sa trompeta. Dayga sa alpa ug lira.

Dayga sa tambor ug plahota. Kaskasi, sayawi siya.
Diha sa halaran, dayga ang Ginoo siyang gahum.
Tungod sa buhat sa iyang kamot, dayga ang iyang kahalangdon.
Dayga sa tingog sa trompeta. Dayga sa alpa ug lira.
Dayga sa tambor ug plahota. Kaskasi, sayawi siya.
Ang mga lingganay patunoga. Ang mga piyangpiyang pakagaya.
Dayga sa tingog sa trompeta. Dayga sa alpa ug lira.
Dayga sa tambor ug plahota. Kaskasi, sayawi, tanan nga adunay gininhawa,
dayga ang Ginoo! Dayga ang Ginoo!

Antipona : Ako namatay apan karon buhi sa hangtod. / Ako ang nagkupot sa yawe sa
kamatayon.

PAGBASA GIKAN NI PROPETA OSEA 5 :15-16

Ang katawhan miingon: Ngari kamo…

Antipona Responsoryo : Alang kanato si Cristo nagmasinugtanon ug siya midawat sa

kamatayon, kamatayon sa krus. Busa giisa siya sa Dios ug
gihata’g ngalan labaw sa tanang ngalan.

Antipona sa Awit : Luwasa kami, O Manunubos sa kalibutan. / Mituaw kining imong

mga tinubos / pinaagi sa imong dugoong kamatayon didto sa
krus.

1. Daygon ta ang Ginoong Dios sa Israel / nga miduaw ug miluwas sa iyang katawhan.
2. Gisaaran kita niya’g manluluwas gikan sa banay ni David iyang sulogoon /aron kita
maluwas gikan sa kamot sa atong mga kaaway
3. Ngadto kang Abraham gisaad niya kining kalooy: / Gawasnon nga magsimba kita ug
magbuhat sa matarong.
4. Ug ikaw, bata, pagatawgo’g Propeta sa Labing Halangdon. / Mag-una ka sa Ginoo aron
andamon nimo ang iyang agianan.
5. Aron ang iyang katawhan masayod nga sila adunay kaluwasan / gumikan sa pagpasaylo
sa ilang mga sala.
6. Pinaagi sa Diosnong kalooy / mosidlak ang banagbanag nganhi kanato.
7. Aron molamdag niadtong nagpuyo sa kangitngitan ubos sa landong sa kamatayon / ug
paghatod kanato ngadto sa dalan sa panagdait.
8. Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.
Antipona sa Awit : Luwasa kami, O Manunubos sa kalibutan. / Mituaw kining imong
mga tinubos / pinaagi sa imong dugoong kamatayon didto sa
krus.

KATILINGBANONG PAG-AMPO

P : Ang Manluluwas nag-antos, namatay, ug gilubong alang kanato aron kita usab
mabanhaw. Uban sa gugmang tiunay simbahon nato siya, ingnon nato siya:

T : Ginoo, kaloy-I kami.

1. Miadto ka sa Jerusalem aron mag-antos, ug human niana mosulod sa imong himaya. Sa

kataposan dad-a ang imong Simbahan sa bangkite sa Pasko didto sa langit…
2. Giisa ka sa krus ug gitusok sa bangkaw sa usa ka sundalo. Nangamuyo kami, tambali ang
among mga samad…
3. Gihimo mo ang krus nga tinubdan sa kinabuhi. Patagamtama sa iyang kabulahanan
kadtong natawo pag-usab pinaagi sa bunyag…
4. Gikan sa krus gipasaylo mo ang naghinulsol nga kawatan. Kami usab pasayloa sa among
mga sala…

P : Amahan namo…

O Dios nga makagagahum ug buhi sa kanunay, ang imong Bugtong Anak mikanaog
ug nakig-uban sa mga minatay, ug dayon siya nabanhaw uban sa dakong himaya. Sa imong
kaayo, banhawa ang mga matoohon kanimo nga gilubong uban kaniya pinaagi sa ilang
pagbunyag aron maghiusa uban kaniya dinha sa langit, diin sila magpuyo ug maghari uban
kanimo ug sa Espiritu Santo, Dios nga usa hangtod sa kahangturan. Amen.

P : Ang Ginoo maanaa kaninyo.

T : Maanaa usab kanimo.

P : Manalangin kaninyo ang Dios Makagagahom sa tanan, Amahan, Anak + ug Espiritu

Santo.

T : Amen.

P : Daygon ta ang Ginoo.

T : Salamat sa Dios.