HUWEBES SANTO

KASAULOGAN SA MGA PAGBASA

P : O Ginoo, buk-ha ang akong mga ngabil.

T : Ug ang akong baba molitok sa imong kadayganan.

Salmo 94

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

1. Dali kamo, magsadya kita sa Ginoo / maninggit kita sa kalipay sa Dios nga atong
manluluwas.
2. Uban sa mga salmo / maninggit kita sa kalipay nganha Kaniya.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

3. Kay Dios nga dako ang Ginoo / hari nga dako ibabaw sa tanang mga Dios.
4. Naa sa iyang kamot ang kautlanan sa yuta / ug ang mga kahitas-an sa kabukiran Iya man.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

5. Iya ang dagat ug siya gayo’y mibuhat kaniya / ug ang kamad-an gitukod sa iyang mga
kamot.
6. Dali kamo, atong simbahon ug manghapa kita / atubangan sa Ginoo nga mibuhat kanato.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

7. Kay siya gayod ang atong Dios / ug kita iyang lungsod, ang mga karnero sa iyang panon.
8. Sa kap-atan ka tuig gisulayan ako niining kaliwatana ug miingon ko: Kanunay silang
nahisalaag sa kasing-kasing / wa mag-ila sa akong mga dalan.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

9. Sa ingon nanumpa ko suod sa akong kaligutgut / nga dili sila makasulod sa akong
pahulayanan.
10.Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Dali kamo, simbahon ta si Kristo atong Ginoo nga alang kanato gisulay ug
gisakit.

O Jesus

O Jesus nga mahigugmaon, gimahal mo ang pagpa-ubos,

Ug kami ang kamapahitas-on, ingon man ang pagpanimalos.
Ang kalinaw mo ihatag kanamo nga imong katawhan,
Ug mamunga siya og panaghiusa alang kanamong tanan.
Ayaw tagda ang kasal-anan, ang sala ng’among nahimo
Hinonoa hinudumi lamang ang ubos namong pag-too.
 Salmo 69-I

Antipona : Gilapoy na ako og sininggit / samtang nagpaabot ako sa akong Dios.

1. Luwasa ako, O Dios / kay gisanapan na ako sa mga katubigan.

2. Nataop ako sa halawom nga kalapokan / nahiabot ako sa kinahiladman sa dagat.
3. Gilapoy na ako og siningit / ug nauga na ang akong tutonlan.
4. Nagdulom na ang akong mga mata / samtang nagapaabot ako sa akong Dios.
5. Labaw sa gidaghanon sa akong mga buhok / misanay ang sa wa’y naingnan nanagdumot
kanako.
6. Nagmalig-on ang nanag-gukod kanako / ug sa butang nga wa ko hilabti ako’y gipabayad.
7. O Dios, sayud ka sa akong ka boang / ug ang akong mga sala kanimo wala matago.
8. Dili unta manglipaghong ang nanagpaabot kanimo / O Ginoo sa kagahuman.
9. Dili maulawan tungod kanako ang mga nangita kanimo, / O Dios sa Israel.
10.Alang kanimo nag-antus ako sa pagtamay / ug ang kaulaw mitabon sa akong nawong.
11.Nahimo akong dagsa alang sa akong kaigsoonan / ug lumalangyaw diha sa mga anak sa
akong inahan.
12.Kay ang pagpanalipod ko sa balay mo nagpasilaob kanako / mga pagtamay nga alang
kanimo gidawat nako.
13.Kon sakiton ko ang akong kalag sa pagpuasa, ila kong tamayon / kon magsul-ob ko’g sako,
ila kong kataw-an.
14.Gilibak sa nanglingkod sa ganghaan sa syudad / gihimo mo kong alawiton sa mga
palahubog.
15.Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Gilapoy na ako og sininggit / samtang nagpaabot ako sa akong Dios.

Salmo 69-II

Antipona : Gibutangan nila’g apdo ang akong kalan-on, / sa akong kauhaw gipainum ko
nila’g suka.

1. Ako hinoon nagpataas sa akong pag-ampo nganha kanimo, Ginoo. / Mahigugmaon tubaga
ako uba’g pagtabang nga dili mapakyas.
2. Ilingkawas ako sa kalapokan aron dili ko motaop. / Aron maluwas ako gikan sa nagdumot
kanako.
3. Nga dili ko motidlom sa bul-og sa katubigan / ni lamyom ako sa baba sa kahiladman.
4. Dungga ako, Ginoo, kay malumo ang imong kalooy / ayaw ilingiw ang imong nawong kay
nagkalisod-lisod ako.
5. Atimana ang akong kalag ug luwasa ako, / gikan sa gahum sa mga kaaway sakgawa ako.
6. Sayud ka sa pagtamay nila kanako, / sa atubangan mo ang tanan nga nagpanamastamas
kanako.
7. Pagtamay ug kaalaut mibuak sa kasingkasing ko, / nagpaabot ko nga may moduyog sa
kasubo ko, apan wa’y usa.
8. Gibutangan nila’g apdo ang akong kalan-on, / sa akong kauhaw gipainum ko nila’g suka.
9. Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.
Antipona : Gibutangan nila’g apdo ang akong kalan-on, / sa akong kauhaw gipainum ko
nila’g suka.

Salmo 69-III

Antipona : Pangitaa ang Ginoo, ug hikaplagan mo ang kinabuhi.

1. Ako kabus man ug gisakit. / Ang imong pagluwas, Ginoo, maoy nagsagop kanako.
2. Daygon ko ang ngalan sa Dios dinuyuga’g awit, / himayaon ko siya uban sa pagpasalamat.
3. Kay kini usa ka gasa nga makapahimuot sa Dios / labaw sa mga hayop nga isakripisyo.
4. Kon makakita niini ang kabus, sila mangalipay / ang mangita sa Dios makakaplag og
kinabuhi.
5. Kay ang kabus gidungog gayod sa Ginoo, / dili niya tamayon ang mga binilanggo.
6. Nga daygon siya sa kalangitan ug yuta, / sa dagat ug sa tanang may kinabuhi dinha
kaniya.
7. Kay ang Dios moluwas sa Sion / ug mamatukod ang mga syudad sa Hudeya.
8. Ug mamuyo sila didto / ug angkonon siya nila nga ilang kabilin.
9. Ang mga anak sa iyang ulipon manag-iya kaniya, / ang mga nahigugma sa iyang ngalan
mopuyo dinha kaniya.
10.Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Pangitaa ang Ginoo, ug hikaplagan mo ang kinabuhi.

P : Kon ako iisa na gikan sa yuta

T : Kabigon ko ang tanang katawhan ngari kanako.

UNANG PAGBASA, SA SULAT NGADTO SA MGA HEBREO, 4 :14-5 :10

Busa lig-onon ta ang atong pagtoo…

RESPONSORIO 1

Cantor : Bisan siya anak sa Dios, si Kristo nakakat-on sa pagsugot gikan niadtong
iyang
mga giantus.

Choir : Ug karon nahimo siyang tinubdan sa kinabuhing dayon alang sa tanan nga
masinugtanon kaniya.

Cantor : Sa dinhi pa siya sa yuta naghalad siya’g mga pag-ampo, dinuyoga’g kusog
nga
pagtu-aw. Ug nahimo siyang mapaubsanon, sa ingon nga gidungog gayud
ang
iyag pag-ampo.

Choir : Ug karon nahimo siyang tinubdan sa kinabuhing dayon alang sa tanan nga
masinugtanon kaniya.

IKADUHANG PAGBASA GIKAN SA SERMON SA PAGKABANHAW NI SAN MELITO SARDES,

OBISPO

Daghan ang gitagna sa mga propeta…

 RESPONSORIO 2

Cantor : Ang tanan nakasala ug busa gihikawan sa Diosnong himaya. Kita naluwas
gumikan sa graya sa Dios, ug sa pagbayad nga gihimo ni Hesukristo.

Choir : Gihimo sa Dios nga ang sakripisyo ni Kristo maoy bayad alang sa mga kasal-
anan
sa mga magtutu-o.

Cantor : Kini mao ang kordero sa Dios nga nagawagtang sa mga sala sa kalibutan.

Choir : Gihimo sa Dios nga ang sakripisyo ni Kristo maoy bayad alang sa mga kasal-
anan
sa mga magtutu-o.

PAGDAYEG SA BUNTAG

Antipona : Tan-awa, Ginoo, ang akong mga gi-antos / ug dali sa pagtabang kanako.

1. Dungga kami, ikaw nga nagmando sa Israel, / nga nagmando ingo’g mga karnero sa
katawhan ni Jose, / sidlak na gikan sa imong trono ibabaw sa mga Kerubin, / hayagi si
Epraim, Benjamin ug Manase.
2. Pugwata ang imong kusog ug luwasa kami, / pabalika kami, ipakita ang imong nawong ug
luwasa kami. / Ginoong Dios sa kagahuman, anus-a man nimo tagda / ang pangamuyo sa
imong katawhan.
3. Gipakaon mo kami’g luha isip og pan, / nahimo kaming kataw-anan alang sa among mga
kaaway, / O Dios pabalika kami, / ipakita ang imong nawong ug luwasa kami.
4. Parras gilalin mo gikan sa Ehipto, / gipalagpot mo ang mga kanasuran aron itanom mo
siya, / gihawanan mo ang iyang yuta, / migamot siya ug milukop sa yuta.
5. Ang iyang landong mitabon sa kabukiran, / gitabonan lakip ang mga sedro sa Dios, /
mikaylap ang iyang mga sanga hangtod sa dagat / ug ang iyang mga subol hangtod sa
dakong suba.
6. Nganong giguba mo man ang iyang paril? / Gikutlo siya sa tanang molabay sa dalan. /
Gilaglag siya sa mga baboy sa kalasangan, / gilamoy siya sa mga mananap sa kapatagan.
7. Dios sa kagahuman, dung-aw gikan sa langit, / ug panalipdi kining imong parasan / nga
ang kamot mo magpaibabaw sa tawo nga imong pinili / kinsa gihatagan mo sa imong
dakong kusog.
8. Ug dli na kami mobulag kanimo. / Buhia kami aron magsangpit sa imong ngalan. / O Dios,
pabalika kami, / ipakita ang imong nawong ug luwasa kami!
9. Himaya sa Amahan, ug sa Anak, / ug sa Espiritu Santo / maingon sa sinugdan, karon ug sa
gihapon, / sa katuigan nga tanan. Amen.

Antipona : Tan-awa, Ginoo, ang akong mga gi-antos / ug dali sa pagtabang kanako.

Isaias 12 (1-6)

Antipona : Ang Ginoo mao ang akong manluluwas. / Misalig ko kaniya ug busa wala
ako’y
kahadlokan.

1. Nagpasalamat ko, Ginoo, bisa’g nasuko ka kanako. / Nahanaw ang imong kapungot ug
gihupay mo ako.
2. Ang Dios akong manluluwas, wala ko’y kahadlokan. / Siya ang akong kalig-on ug akong
manluluwas.
 3. Magakawos kamo og tubig diha sa kalipay, / gikan sa tuburan sa manluluwas ug kamo
maga-ingon:
4. Ipaila ninyo ang mga buhat sa Dios, / ipakita ang kabantog sa iyang ngalan sa tibook
kalibutan.
5. Pagsadya ug pagdayeg, lungsod sa Sion, / diha sa taliwala mo halangdon ang Santos sa
Israel.
6. Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Ang Ginoo mao ang akong manluluwas. / Misalig ko kaniya ug busa wala
ako’y
kahadlokan.

Salmo 81

Antipona : Ang Ginoo nagpakaon sa labing maayong trigo, / gipuno kita niya’g dugos
gikan sa bato.

1. Lukso sa kalipay sa Dios magtatabang nato / singgit sa kadaugan ngadto sa Dios ni

Jacob. / Gamita ang salmo ug basali ang tambor, / huypa ang trompeta sa bag-ong buwan
ug sa atong pangilin.
2. Kay sugo sa Dios alang sa Israel, katawhan ni Jose / sa paggowa niini sa yuta sa Ehipto. /
Tingog nga wa ko hiilhi miingon kanako; / giiway ko ang imong karga, giluwas ko ikaw sa
katalagman.
3. Sa tago gitubag ko ikaw didto sa Meriba / busa maminaw ka sa akong pasidaan ug
pahimangno. / Way diyos nga bag-o madia kanimo kay ako ang nagluwas kanimo gikan sa
Ehipto / ngangha ang imong baba ug pun-on ko siya.
4. Apan wa magpatalinghog ang lungsod ko / busa gibiyaan ko sila sumala sa pangandoy sa
ilang mga kasingkasing. / Kon ang Israel maglakat pa lang sa akong dala / imudmod ko
ang ilang kaaway ug laglagon ko kini.
5. Ang mga kaaway sa Ginoo mokamang sa ilang tiilan / aron magsilbi kanila sa
kahangturan. / Apan ang Israel pakan-on ko sa labing maayong trigo / ug pun-on ko siya
sa dugos gikan sa bato.
6. Himaya sa Amahan, ug sa Anak, / ug sa Espiritu Santo / maingon sa sinugdan, karon ug sa
gihapon, / sa katuigan nga tanan. Amen.

Antipona : Ang Ginoo nagpakaon sa labing maayong trigo, / gipuno kita niya’g dugos
gikan sa bato.

PAGBASA GIKAN SA SULAT NGADTO SA MGA HEBREO 2:9-10

Ang nakita nato mao si Jesus…

RESPONSORIO 3

Cantor : Pinaagi sa imong kaugalingong dugo, O Ginoo, gipabalik mo kami ngadto sa

Dios.

Choir : Pinaagi sa imong kaugalingong dugo, O Ginoo, gipabalik mo kami ngadto sa

Dios.

Cantor : Gikan sa tanang tribu, pinulongan, katawhan ug kanasuran.

Choir : Gipabalik mo kami ngadto sa Dios. Himaya sa Amahan, ug sa Anak, ug sa

Espiritu Santo.
Choir : Pinaagi sa imong kaugalingong dugo, O Ginoo, gipabalik mo kami ngadto sa
Dios.

ANG AWIT NI ZACARIAS

Antipona : Dugay na akong nangadoy nga makigsalo kaninyo / sa dili pa ako paantuson.

1. Daygon ta ang Ginoong Dios sa Israel / nga miduaw ug miluwas sa iyang katawhan.
2. Gisaaran kita niya’g manluluwas gikan sa banay ni David iyang sulogoon /aron kita
maluwas gikan sa kamot sa atong mga kaaway
3. Ngadto kang Abraham gisaad niya kining kalooy: / Gawasnon nga magsimba kita ug
magbuhat sa matarong.
4. Ug ikaw, bata, pagatawgo’g Propeta sa Labing Halangdon. / Mag-una ka sa Ginoo aron
andamon nimo ang iyang agianan.
5. Aron ang iyang katawhan masayod nga sila adunay kaluwasan / gumikan sa pagpasaylo
sa ilang mga sala.
6. Pinaagi sa Diosnong kalooy / mosidlak ang banagbanag nganhi kanato.
7. Aron molamdag niadtong nagpuyo sa kangitngitan ubos sa landong sa kamatayon / ug
paghatod kanato ngadto sa dalan sa panagdait.
8. Himaya sa Amahan, ug sa Anak, ug sa Espiritu Santo / maingon sa sinugdan, karon ug sa
gihapon, sa katuigan nga tanan. Amen.

Antipona : Dugay na akong nangadoy nga makigsalo kaninyo / sa dili pa ako paantuson.

KATILINGBANONG PAG-AMPO

P : Ang Manluluwas nag-antos, namatay, ug gilubong alang kanato aron kita usab
mabanhaw. Uban sa gugmang tiunay simbahaon nato siya. Sa atong
panginahanglan, ingnon nato siya:

T : Ginoo, kaloy-I kami.

1. Cristo, among Manluluwas, ang masulob-on mong Inahan mibarog uban kanimo sa imong
kamatayon ug paglubong. Kon kami usab maguol, himoa nga kami makaambit sa imong
mga pag-antos…
2. Cristo, among Ginoo, sama og binhi nga gitanom sa yuta, namunga ka alang kanamo sa
langitnong grasya. Himoa nga kami maglubong sa among pagka makasasala, aron mabuhi
alang sa Dios lamang…
3. Cristo, Maayong Magbalantay, dinha sa lubnganan natago ka sa mga mata sa kalibotan.
Tudloi kami sa paghigugma sa tinago nga kinabuhi uban kanimo ug sa Amahan…
4. Cristo, ang Bag-ong Adan, misulod ka sa gingharian sa kamatayon aron palingkawason mo
ang mga matarong nga nangadto sa laing kinabuhi. Himoa nga kadtong patay diha sa
pagka makasasala, makadungog sa imong tingog ug mobangon ngadto sa bag-ong
kinabuhi…
5. Cristo, Anak sa Dios nga buhi, pinaagi sa bunyag kami gilubong uban kanimo. Pinaagi
usab sa bunyag mibangon kami nga may bag-ong kinabuhi. Pakitaa kami kanunay
nianang lab-as nga kinabuhi…

P : Amahan namo…
 O Ginoo sa way-kinutubang kalooy, ang paghigugma kanimo mao ang pagkasantos.
Pun-a ang among kasingkasing sa imong gugma. Pinaagi sa kamatayon ni Cristo
kami adunay paglaum nga gikan og pagtoo. Tungod sa iyang pagkabanhaw,
himoang matuod kining among gilauman dinha sa hingpit nga paghigugma sa
langit, diin siya buhi ug hari uban kanimo ug sa Espiritu Santo, Dios hangtod sa
kahangtoran.

T : Amen.

P : Ang Ginoo maanaa kaninyo.

T : Maanaa usab kanimo.

P : Manalangin kaninyo ang Dios Makagagahom sa tanan, Amahan, Anak + ug Espiritu

Santo.

T : Amen.

P : Daygon ta ang Ginoo.

T : Salamat sa Dios.