Hosanna in excelsis

Amchi doya korun amchê modem Tum ailai

Hosanna in excelsis

Davidache Putak hosanna

Israelachea Rayak hosanna
Sorvesporachê nanvim yeta Taka hosanna

Hosanna in excelsis
Amchi doya korun amchê modem Tum ailai
Hosanna in excelsis

Hosanna in excelsis
Amchi doya korun amchê modem Tum ailai
Hosanna in excelsis

Zoitunacheo tallio dhorun

Hebrevanchim khuxal bhurgim
Somiak mellunk vochunk laglim
Gavun arddun mhunnttalim:

Hosanna in excelsis
Amchi doya korun amchê modem Tum ailai
Hosanna in excelsis

Kyrie eleison Kyrie eleison

Christe eleison Christe eleison
Kyrie eleison Kyrie eleison
Mhojea Deva, mhojea Deva,
Kiteak Tunvem mhaka sanddlai?

Koxttam modem, Tujer amcho visvas Bapa

Kalvaracho yodn, onont Bapa

Vedicher porot atam zata:
Tuzoch mogall Put to bhettoita,
Taka ekvott’ta Igroz-Mata.

Mogall Bapa, doyall nodren

Hi bhettovnni mandun Tum ghe.

Povitr, Povitr, Povitr dolbharancho Sorvespor Tum!

Sôrg ani sonvsar bhorleat Tujea voibhovan!
Unch sorgim Tuka zoi zoi!
Sorvesporache Nanvim yeta Taka zoi!
Unch sorgim Tuka zoi zoi!

Somia Jezu, Tujem Moronn ami somarombtanv

Tujem Punorjivontponn ami porgott’tanv,
Tujea yenneak ami otrekhtanv!

Amchea Bapa sorginchea

Tujem Nanv povitr zaum;
Tujem raj amkam yeum;
Tuji khuxi sorgar zata
Toxi sonvsarant zaum.
Amcho dispotto giras az amkam di;
Ani ami amcher chukloleank bhogxitanv,
Toxem amchim patkam bhogos;
Ani amkam tallnnent poddunk dium naka,
Punn vaittantlim amkam nivar.

Agnus Dei, qui tollis peccata mundi, miserere nobis,

Agnus Dei, qui tollis peccata mundi, miserere nobis,
Agnus Dei, qui tollis peccata mundi, dona nobis pacem.

Tujea hatant mhozo hat,

Jezu, ghaltam hanv:
Tuka tenkun, visvasan,
Jezu, dhôrtam vatt.

Tujê bori unch dongor

Kaddun choddtam hanv;
Tujea utrak pallo diun,
Doriar choltam hanv!

Tuzo khuris ubarun,

Jezu, yetam hanv
Tuzo pattlav sodankal,
Jezu, mhojem bhag!
 OTMIK KOMUNHANVACHO AKT
(Act of Spiritual Communion)

Mhojea Jezu, bhov  Povitr Sonvskarant tum sodam hajir asai

mhonn hanv sotmantam. Soglleam vostum poros Tuzo hanv
môg kortam, Jezu, ani Tuka mhojea otmeant xevunk hanv
axetam. Hea vellar, Tujem bhov omolik Mas-Rogot mhojean
xevunk zaina dekhun, otmikponnan tori mhojea kallzant ye
mhonn hanv magtam. Mhojea kallzantuch  aslolea porim hanv 
Tuka veng martam, ani soglloch mhaka Tuka ekvott'ttam. Tuje
sorxilo koddsorunk kedinch mhaka nirmum naka. Amen.

«Kitlo môg Tum kortai mhozo?»

Oso hanvem ekdam Jezuk vichar kelo,
Jezuk hanvem ekdam vichar kelo.
Ten’na Tannem opurbayen
Zap diun mhonnlem: «Itlo!»
Ani don-ui hat vistarun, khursar melo!

Sam Fransisk Xaviera, vhodda kunvra,

Rat-dis amchea mogan lastolea,
Besanv ghal, Saiba, desar Gõychea
Samballun sodankal gopant tujea.

Beporva korun sonvsarachi

Devachi tunvem kelii chakri;
Ami somest magtanv mozôt tuji
Kortai mhnn milagrir milagri.

Az ani sodam amchê khatir

Vinoti kôr tum Deva lagim:
Jezu sarkem zaum jivit amchem
Ami pavo-sôr tujê sorxim.