LAPORAN BASA JAWA WACANA DESKRIPSI LAN

WACANA EKSPOSISI

Kelas : XI MIPA 4

Anggotanipun :
1. Alfinza Aulia Sholikin ( 02 )
2. Arifa Nur Itsna ( 07 )
3. Hesti Fitri Ayuningsih ( 16 )
4. Karisma Sekar Nurriski ( 18 )
5. Lamhot Titut Prakoso Nababan ( 19 )
6. Tutut Vita Pratiwi ( 35 )
Pengampu : Bapak Senthot,S.Pd

SMA NEGERI 1 CAWAS

2018/2019
WACANA DESKRIPSI
a. Definisi wacana deskripsi

Deskripsi yaiku sawijining wujud tulisan kang ana sesambungane karo pambudi
dayane penulis kanggo menehi pepincren-pepincren saka sawijing objek
( panggonan, manungsa, barang, lan sapanunggale ). Sajrone deskripsi penulis
mindhahake kesan – kesane, mindhahake asile pengamatan lan rasa pangrasane
marang pamaca. Tulisane njlentrehake sipat lan sakabehe peprincen wujud kang bisa
ditemokake saka objek kasebut. Ancas kang pingin diwujudi dening panulis deskripsi
yaiku ngripta daya kayal pamaca, kaya-kaya pamaca bisa nyawang objek kuwi kanthi
wutuh lan cetha.

Saliyane kuwi, karangan deskripsi yaiku sawijing karangan kang tujuwane kanggo
nggambarake obejk kang sanyatane. Karangan deksripsi objektif yaiku salah sawijing
jenis karangan kang anggone nggambarake objek may ora dikantheni karo opini saka
penulis. Dene karangan deskripsi subjektif kosok baline, yaiku anggone nggambarake
objek iku kang dikantheni karo opini saka penulis.

Topik –topik kang bisa dikembangake dadi tulisan deskripsi yaiku:

 Kahanan ruang: ruang sinau gerbong sepur klas ekonomi, pos rondha ing desa,
lan sapiturute;

 Kahanan barang:maneka warna kembang ing Taman Balekambang, prau –

prau ing Pelabuhan Tanjung Emas, wujud wewangunan lan adat Jawa, piranti
praktek ing laboratorium, alat transportasi, lan sapiturute;1 `

 Proses: proses nggawe klambi kebaya, budhal menyang sekolah, reresik

lingkungan sekolah, ngopeni lan ngrembakake tanduran, najaga kelestarian
sumber daya alam, lan sapiturute.

b. Tujuan teks deskripsi

Tujuan dianakake teks deskripsi iku, supaya wong ingkang maca ugi saged
ngerasakake apa ingkang lagi dijelasake ing teks iku.

c. Perangan teks deskripsi

 Identifikasi, yaiku bagian sing jlentrehkakae pambuka karangan deskripsi
( manungsa, barang, panggonan lan objek liyane
 .Klasifikasi, panyusunan nganggo sistem ing kelompok miturut kaidah utawa
standar sing wes ditetapkake
 Bagian Deskripsi, bagian sing isine gambaran utawa pemaparan objek utawa
topik ing paragaraf kasebut..
d. Jenise teks deskripsi
Karangan deskripsi yaiku sawijing karangan kang tujuwane kanggo nggambarake
obejk kang sanyatane.Jinise wacan deksripsi ana 3 yaiku :

 Karangan deksripsi objektif yaiku salah sawijing jenis karangan kang anggone
nggambarake objek mau ora dikantheni karo opini saka penulis.

 Karangan deskripsi subjektif kosok baline, yaiku anggone nggambarake objek

iku kang dikantheni karo opini saka penulis.

 Karangan deskripsi spatial,yaiku wacana deskripsi sing objekke kang

dijlentrehkake naming panggonan, barang, ruang lan sapiturute.

e. Ciri- ciri paragrap deskripsi

Teks/Karangan/Wacana Deskripsi iku miduweni ciri-ciri ingkang mbedakake antara
teks liyane. Ciri-Cirinipun teks deskripsi, antarane :

a. Cerita ing njerone nyeritakake, nggambarake, lan njelasake samubarang.

b. Paragrape nggambarke serta njelasake sacara jelas lan rinci serta ngalibatke
kesan indera.
c. Nalika diwaca, sing waca bisa seolah-olah ngrasakake langsung ingkang ana
ing njerone paragrap.
d. Nyaritake lan njelasake ciri-cirine fisik objek, kaya warnane, ukurane, duwure,
utawi ciri-ciri fisikipun.
e. Paragrape kaya isa dirasakake anggo indera.

f. Urut – urutane cara gawe wacan deskripsi

a. Netepake objek kang bakal katulis

b. Nemtokake bates objek kajian
c. Observasi kanthi cermat lan tuntas
d. Gawe gambaran kanthi cetha
e. Gawe reng-rengan apa kang arep dikembangke
f. Milih ukara kang pener kanggo nggambarake objek kanthi trep
g. Naliti panulisan supaya dadi tulisan kang trep
g. Tuladha

1. Wacan deskripsi ( Alfinza Aulia )

GETHUK

Genthuk yaiku panganan, jajanan, utawa kudhapan sing utamane engkang

kadamel saking telo pohung. Gethuk gampang ditemoni ing Jawa Tengah lan
Ngayogyakarta. Rasane uga maneka warna. Wonten rasa keju, coklak, lan
sapiturute.

Saliyane kui uga ana gethuk lapis, yaiku gethuk kang rsaane werno-werno lan
didadekake siji. Umpamane gethuk lapis ana rasa coklat, vanilla,dadi siji. Yen
kepengin oleh gethuk sing werno putih nggunakake gula pasir, kanggo werno
coklat sakbecike nganggo gulo jawa, lan menawa pengen werno ijo sakbecike
nganggo godhong suji utawa pandan.

Tela kang dipilih empur lan ora njarot, ora ketuwan lan ora bongkreken. Umume
gethuk disajekake karo wur-wuran parutan klapa. Gethuk biasane disajekake
kanggo cemilan karo ngombe the. Salah sijining variasi gethuk iku carane uga
karo digoreng.

2. Wacan deskripsi ( Arifa Nur Itsna )

THIWUL

Thiwul inggih menika panganan tradisional khas Gunung Kidul kang digawe
saking pohung kanggo ngganti panganan pokok beras. Ing Kebumen, Banyumas,
Cilacap thiwul diarani Oyek.Thiwul duweni werno coklat lan gadhahi rasa legi lan
uga gadhah aroma alami saking sepa. Thiwul pernah digunakake kanggo
panganan pokok penduduk Indonesia ing masa Penjajahan Jepang.

Kanggo panganan pokok, kalori kang dikandung luwih rendah katimbang beras
ananging sampun cukup menuhi menawi ngganti beras. Thiwul digawe saka
gaplek kang didephlok kanthi alus banjur didang kanthi mateng. Dang-dangan
seng asli puniki diarani thiwul. Yen dipangan minangka panganan pokok, thiwul
bisa dipangan nganggo jangan/sayur,iwak asin, sambel bawang, lan parutan klapa.
Dados mboten usah mewah menawi ajeng menikmati cita rasa saking thiwul

Thiwul saged nyegah penyakit maag, weteng luwe, lan sapanunggalane. Ananging
thiwul nggeh saged ngrusak awak menawi mboten didamel dewe utawi instan
amerga ing panganan instan puniku ngemot bahan pengawet lan liyane.
Kesadaranipun tiyang nem-neman kirang bab thiwul uga senengane dhaharan
instan menika mboten gelem rekoso.
3. Wacan deskripsi ( Hesti fitri A )
ONDE –ONDE

Onde-onde yaiku salah sijining jajanan pasar kang kagawe saka campuran
glepung ketan lan glepung beras sing wernane coklat semu kuning kang njobone
di wur-wuri wijen mawa diisi kacang ijo. Akeh variasi onde – onde menika,
ingkang paling ajeg ditemokake yaiku onde – onde kang kagawe saka glepung
ketan uga ing njerone diisi kacang ijo
Variasi liyane digawe saka glepung terigu kang njobone diwenehi werno kayata
putih, abang, utawa ijo. Lan nduweni rasa sing khas yaiku asin lan legi.

4. Wacan deskripsi ( Karisma Sekar Nurriski)

APEM

Apem iku kalebu panganan tradisional saka Jawa Tengah. Rasane sing legi
nanging uga ana kecut- kecute sitik sing gawe apem tambah enak. Ing jaman saiki
kue- kue tradisional wis langka amarga saiki wis akeh panganan saka negara
liyane sing nyebar ning beberapa wilayah. Kaya dene apem, saiki wis jarang
banget . biyasane apem iki didol ing pasar- pasar tradisional. Saliyane rasane sing
legi lan kecut, wujude apem uga empuk lan alus. Mula apem iki bisa dipangan
kanggo kabeh umur saka sing tuwa tekan wong enom.

Apem iki digawe saka repung beras lan tape budhin utawa kang biyasane wong
sebut kenyos. Kagunane tape utawa kenyos iki supaya ana rasa kecute. Aja lali
gula jawa lan gula pasir supaya nambah rasalegi lan enak. Saliyane iku bahan –
bahane kang digunakake yaiku ragi, banyu krambil, lan santen. Bahan –bahan
kabeh mau diuleni kanthi rata lan mateng. Sawise kuwi dicetak lan khusus.

Sawise mateng lan ngembang biyasane apem disajekake ora nggunakake godhong
kaya dene panganan liya- liyane. Nanging biyasane apem dibungkus nganggo
plastik.

5. Wacan deskripsi ( L. Titut Prakoso Nababan )

KLEPON

Klepon yaiku salah sawijining panganan tradisional kang kalebu jajanan pasar.
Klepon digawe saka tepung beras ketan lan dibentuk bunder kaya bal cilik lan
tengahe diiseni gula jawa banjur digodhog ing jero banyu umub. Yen wis
kemambang ing nduwur banyu banjur diangkat lan dicawisake karo parutan
kambil. Biasane klepon dicawisake ing godhong gedhang.

Klepon kalebu panganan tradisional kang akeh sing nyenengi. Yen dipangan, gula
jawa ing njero klepon muncrat lan ngasilake rasa legi.
6. Wacan deskripsi ( Tutut Vita Pratiwi )
GAJAH

Gajah minangka mamalia tanah sing paling gedhe sing dikawruhi amarga trunks
lan gading. Gajah minangka kewan herbivora sing bisa mangan kabeh jinis
vegetasi kayata suket, godhong lan woh. Kewan iki duwe rambute tipis, papat
sikil, duwe buntut, lan duwe kuping sing amba.

Gajah biasane manggon ing kelompok. Amarga duwe kuping sing amba,
pangrungu gajah dadi sensitif banget supaya bisa krungu swara saka jarak sepuluh
kilometer. Kewan iki kewan langka sing langka. Kathah mburu sasaran gajah
amarga rega ingkang larang banget.
WACANA EKSPOSISI

a. Definisi wacana eksposisi

Sajroing wacana eksposisi dibeberake anane analisa proses nganggo cara narasi.
Narasai kang mengkono mau diarani narasi ekspositoris/ narasi teknis, awit ancas
kang tinuju titise katrangan ngenani sawijining prastawa kang dibeberake. Dadi
ancase wacana eksposisi yaiku maparake, njlentrehake ( menjelaskan), ngaturake
informasi, mengajarkan lan nerangake sawijining bab tanpa didhasari supaya pamaos
bisa nampa utawa narima. Wacana elsposisi adate digunakake kanggo mbabarake
pengetahuan / ilmu, definisi, pengertian, langkah - langkah sawijining kagiyatan,
metode, cara, lan proses dumadine sawijining prastawa utawa bab. tuladhane
upamane carane gawe sabuk saka kulit, tas kulit, carane gawe tahu lan
sapanunggalane.

b. Tujuan wacana eksposisi

Ancase wacana eksposisi yaiku kanggo maparake, njlentrehake, ngaturake informasi,
lan nerangake salah sawijining bab supaya pamaos bisa nampa utawi nrima. Wacana
eksposisi adate digunakake kanggo mbabarake pengetahuan / ilmu, definisi,
pengertian, langkah sawijining kegiatan, cara, lan proses dumadine prastawa utawa
bab.

c. Perangan wacan eksposisi

 THESIS
 ARGUMENTASI
 PENEGASAN ULANG

d. Ciri-ciri wacan eksposisi

.
 Arupa wacan informasi
 Ana gambar, grafik, karo tabel sing magepokan karo isi wacan.
 Wasananing wacan ana penjelasan.

Wacan eksposisi adate digunakake kanggo mbabar kaweruh utawa ilmu, definisi,
pangerten, cak-cakan sawijining kegiatan, metode, cara, lan proses dumadi sawijining
kakadeyan utawa bab.

e. Jinise wacana eksposisi

 Eksposisi Definisi
 Yaiku gancaran kang dijlentrehake mawa menehi katrangan utawa teges
babagan karo mokusaken karakteristike.
Tuladha :
 tiwul yaiku panganan utomo sing bisa dadi pengganti sega sing di gawe saka tela,
duweni rasa khaa gaplek lan beda karo jenis laine. Tiwul akeh di pangan karo
masyarakat ing Gunung Kidul (Pacitan, Wonogiri, Gunung Kidul) kanggo
panganan utama. Ing jerone tiwul, isine kalori, pancen isih nang ngisore beras,
nanging isih bisa kanggo panganan penggantine beras.

 Eksposisi proses/tata cara

 Yaiku gancaran saka urutaning tindakan tindakan kanggo nyiptakake utawa
ngasilake urutaning kedadeyan utawa prastawa. Biasane, akeh ditemukake ing
buku buku petunjuk pegawean, cara cara, lan sapanunggalane.

Tuladha :
Carane gawe krupuk bisa kanthi manual. Carane yaiku adonan krupuk digawe
londor londor dawa. Sawise dadi londoran banjur dimasak kanthi dikukus.
Yen wis mateng banjur diirisi lan dipepe. Irisan krupuk kang wis garing banjur
digoreng ing lenga panas. Londoran krupuk iki bisa digawe saka godhong
utawa saka plastik. Krupuk kang dipepe iku tujuane supaya krupuk bisa mekar
yen digoreng. Krupuk kelebu panganan kang cepet gosong nalika digoreng,
dadi yen nggoreng krupuk cukup sedhela wae, aja ngasi krupuk dadi gosong.
Yen nganti gosong rasane krupuk bakal dadi pait lan wernane dadi ireng.

 Eksposisi klasifikasi
 Yaiku gancaran proses kanggo nglompokake babagan kang nduweni
babagan kang padha sipate ing kategori kategori.

Tuladha :
Pemerintah arep maringi bantuan pembangunan omah utawa bangunan kanggo
korban lindhu. Bantuan pembangunan omah utawa bangunan kasebut
dipasaken karo tingkat kerusakane. Warga kang daleme rusak enteng olih
bantuan sekitar 10 juta. Warga kang daleme rusak sedeng olih bantuan sekitar
20 juta. Warga kang daleme rusak abot olih bantuan sekitar 30 juta. Calon
warga kang nrima bantuan kasebut ditentukake marang aparat dusun setempat
karo pengawasan sekang pihak LSM.
 Eksposisi Ilustrasi
 Yaiku gancaran kang sipate umum kang merlokake tuladha / conto sing
sipate nyata. Pengembangane migunakake gambaran sederhana utawa
bentuk konkret saka pemikiran.

Tuladha :
Apa panjenengan wis tau ngadepi situasi karo rasa wedi? Kepriwe cara
ngatasine? Ing ngisor iki ana limang jurus kanggo ngatasi rasa wedi kasebut.
Pertama, siapaken mental panjenengan seapik-apike menawa ngadepi situasi
utawa suasana kasebut. Keloro, pelajari seapik-apike menawa ngadepi situasi
 kasebut. Ketelu, pupuk lan bina rasa percaya diri. Kepapat, yen muncul rasa
percaya diri kedah ngendalaken keyakinan panjenengan. Kelima, kanggo
nambah rasa percaya diri kita kedah nambah keahlian saka latian utawa sinau
kang temenan.

 Eksposisi Perbandingan
 Yaiku gancaran kang di jlentrehake mawa migunakake 2 sudut pandang
kanthi pasang pasang. Cara nerangake ide nang kalimat utamane nganggo
cara mbandingake sing siji karo sing liyane.

Tuladha :
Sing cetha kacilakan Hercules C-130 duweke TNI AU mau nambahi tansaya
akeh dhaftar kacilakan motor mabur duweke TNI AU. Pancen akeh sing
kandha yen sejatine motor mabur montor mabur duweke negara mau akeh sing
wis padha tuwa lan kudu diganti. Nanging gandheng kanthi alesan anggaran
ora nyukupi, kepeksa motor mabur tuwa isih tetep digunakake kanggo
ngangkut wong lan barang barang liyane. Apa ya pancen kacilakan mau bener
bener amarga saka umure montor mabur sing wis tuwa utawa saka sebab
liyane? Ditunggu wae asil saka katrangane pamarintah bab sebab-musababe
kacilakan montor mabur kasebut.

 Eksposisi Laporan
 Yaiku gancaran kang sistematis kanggo nglaporake kedadean kang wis
kedadean sakdurunge.

Tuladha :
Durung suwe iki pancen wis tau dikabarake yen akeh montor mabur sing
padha nemahi kacilakan ing mancanegara utawa ing Indonesia. Durung ana
rong sasi kabar mau, lha kok kasusul maneh kadadeyan montor mabur tiba
durung suwe iki, pase ing Desa Geplak, Kecamatan Karas, Magetan, Jawa
Timur rikala dina Rebo esuk kira-kira jam setengah pitu tanggal 20 Mei 2009,
nalika bangsa Indonesia mengeti Hari Kebangkitan Nasional. Montor mabur
kang tiba lan kobong mau duweke TNI AU jenis Hercules C -130 nomere A-
1325. Miturut pawarta saka layang kabar lan tivi, montor mabur kasebut
budhal saka pangkalan Lapangan Udara Halim Perdanakusuma Jakarta lan
arep tumuju daerah Biak, Papua. Nanging durung nganti tekan papan kang
tumuju, lan nalika arep mampir ing Lapangan Udara Iswahyudi Madiun
montor mabur kasebut nemahi kacilakan.

 Eksposisi Berita
 Yaiku gancaran kang isine pewartaan ngenani kedadean. Biasane wacan
iki akeh ditemukake ana ing koran.
 Tuladha :
Tempat Pembuangan Sampah Akhir, Ngablak, Situmulyo, Piyungan, Bantul
dipunbikak wiwit taun 1996. Papan ingkang reged lan ngganda kasebut
tumriping tetiyang ing sakiwatengening TPA pranyata boten ndadosaken
perkawis menapa-menapa, kepara mujudaken papan ingkang ngrejekeni. Ing
wekdal sakawit, sakderengipun TPA menika dipunbikak, kawontenaning
masyarakat ing sakiwetengening papan kasebut mrihatosaken. Nanging
sesampunipun TPA dipunbikak, pangggesanganing warga mbaka sekedhik
saya mindhak sae awit ndayakaken uwuh ing papan menika.

 Eksposisi Sebab-Akibat
 Yaiku gancaran kang nggunakake pola sebab lan akibat .urutane bisa
kawiwitan saka sebab tumuju akibat utawa sawalike. Gagasan pokokke
bisa ana ing sebab utawa ing akibat. Pratandhane yaiku migunakake
tembung penghubung, tuladhane : sebabe, akibate, saengga, mila, lsp

Tuladha :
Yen ditilik saka kahanan kang sejatine, sajake isih akeh warga Surabaya kang
mbuwang sampah sembarangan. Kamangka sampah kasebut bisa mbutoni
saluran banyu. Akibate, ing sadhengah panggonan tuwuh banjir. Contone kaya
kang dumadi ing pungkasaning wulan iki.

 Eksposisi Pertentangan
 Yaiku gancaran kang isine nentang antara siji lan sijine.

Tuladha :
Tugas konduktor nang pergelaran nang negara-negara barat beda akeh karo
akehe konduktor pergelaran orkestra nang Indonesia. Konduktor pergelaran
orkestra nang negara barat di tanggung jawabi karo kualitas lagu orkestra
sing di tampilaken. Beda karo konduktor negara barat, menurut Wisya
Kristanti, kaya deweke nang Indonesia konduktor lagu kanggo orkestra,
khusus sing sipate populer, kang umum ora nduweni latar mburi akademis.

f. Carane nulis paragrap eksposisi

 Nemtokake underaning perkara (tema)

 Nemtokake tujuan
 Ngumpulake data saka sumber
 Nyusung cengkorongan (kerangka) sing cocok karo underan sing dipilih
 Ngrembakake (mengembangkan) cengkorongan dadi paragraf eksposisi.
g. Tuladha
1) Wacan eksposisi ( Alfinza Aulia Sholikin )
LUNPIA SEMARANG
Lunpia utawa lumpia (Hanzi: 潤 餅 , hanyu pinyin: run bing) iku sajinis penganan
tradhisional Tionghoa. Lunpia iku panganan khas ing Indonésia, mligi ing Semarang,
Jawa Tengah kanthi cara masak lan bumbu-bumbu kang disesuwèkaké karo laladan
Semarang. Nanging saiki lunpia akèh macemé, ana kang isiné iwak pitik, urang, lan
campuran saka rebung karo iwak pitik, utawa rebung karo urang. Yèn arep tuku
lunpia, mesthi waé diwènèhi pitakonan: "kang teles apa gorèng?" Amarga wong kang
adol lunpia uga nyajèkake lunpia kang durung digorèng lan lunpia kang wis digorèng.
Ana kang seneng lunpia didhahar nalika durung digorèng lan ana uga wong kang
seneng lunpia kang wis digorèng. Kabèh iku miturut selérané dhéwé-dhéwé.

Resèp kulit lunpia (kanggo 60 lembar) ya iku:

Bahan

1. 1.000 gram glepung terigu

2. 30 gram lenga goreng
3. endhog 1kg
4. uyah sasendhok teh
5. banyu ki utawa banyu abu 2 sendhok teh
6. 950 ml banyu

Carané gawe

1. Glepung diayaki, banjur lenga gorèngé dicampur karo banyu abu, uyah, lan
endhog, diudheg nganti rata.
2. Banjur banyuné dicampur diulèni, lan dibanting supaya kalis.
3. Yèn wis kalis diumbarké suwéné 12 jam.
4. Panaské wajan, jipuk ulènan bahan sacukupé, diputer digawé tipis ing
sadhuwuré wajan mau.
5. Banjur dipanaské manèh, coplok kulit saka wajan alon-alon.

2) Wacan eksposisi ( Arifa Nur Itsna )

PLECING KANGKUNG

Plecing kangkung inggih menika masakan khas Indonesia kang asale saking Lombok,
NTB. Plecing kangkung kalebu jenis panganan sayur kang disajekake kanthi enake pas
adem lan seger kaliyan sambel. Plecing kangkung kadamel saking kangkung kang
digodhog lan biasane kangkung kang digunakake inggih menika kangkung banyu.

Plecing Kangkung penak digawe, bahan kanggo gawe plecing kangkung inggih menika
wonten kangkung, tokolan, mminyak goreng lan bubu kang dialusaken inggih menika
wonten brambang,bawang, lombok, uyah, tomat, jeruk purut, terasi. Alat kang
digunakake inggih menika wonten wajan, piring, sendok, layah.

Caranipun ndamel plecing kangkung antawisipun

1. Kangkung dikumbah kanthi resik, direbus wonten banyu isine uyah 1 sendok teh.
2. Kangkung kang sampun mateng dientas, sakwise disuwir-suwir, lan disisihaken ing
piring.
3. Tokolan dikom wedang panas kurang luwih 1 menit lan dientas.
4. Bumbune digongsong lan diwenehi uyah, gula, lan dong jeruk ingkang sampun
disuwir suwir.
5. Sakwise ambune wangi banjur diwenehi banyu sekedhik mawon.
6. Kangkung lan tokolan dilebokne ing wajan.
7. Ingkang sampun mateng diwenehake ing piring lan ditata kanthi sae.
8. Saksampunipun ditaburi kacang goreng.
9. Plecing kangkung siap dihidangaken.
3) Wacan eksposisi ( Hesti Fitri Ayuningsih )
Onde-onde

Onde-onde yaiku salah sawijine jajanan pasar sing disenengi nang masyarakat. Jajanan
onde-onde iku asale soko wilayah mojokerto, dadi kota mojokerto di jenengi kota onde-
onde .onde-onde iku warna-warna tapi onde-onde paling terkenal yaiku onde-onde wijen
isine werno- werno salah sawijine yaikub isi kacang brul,kacang ijo,lan klapa.bahannya
gawe onde-onde yaiku glepung ketan .

Miturut sejarah onde-onde iku asal saka tiongkok banjur digawa menyang indonesia ing
jaman kerajaan majapahit karo laksamana saka negeri tiongkok seng mampir menyang
kerajaan majapahit banjur panganan iki ajeg dihidangake ana ing istana lan berkembang
ing masyarakat majapahit.

Cara gawe onde-onde:

1. Campurke glepung beras ketan ,vanili ,lan uyah banjur di udak

2. Karo diuleni lan ditambahake banyu setitik mboko setitik nganti adonan kalis lan
bisa dibentuk
3. Jupuk 2 sendok pangan adonan onde-onde, gawe cekungan kanggo nglebokake
isian kacang ijo seng wes di bunderi
4. Tutup karo mbuderi adonan onde-onde seng wes digawe koyo bal
 5. Sakwise dadi kabeh, celupke onde-onde nyang jero banyu adem
6. Banjur lebokke neng dhuwur ajang sing isine wijen nganti rata kabeh awak onde-
onde
7. Banjur siapke wajan seng diisi lenga banjir dipanaske
8. Goreng onde-onde nanti arupa kuning keemasan
9. Nek wes matang angkat lan ditiriske
10. Onde-onde siap dihidangke

4) Wacan eksposisi ( Karisma Sekar Nurriski )

CARANE GAWE JENANG SUNGSUM

 Glepung beras 100 gram

 Uyah sak cekapipun
 santen ingkang dipundamel saking 1 wutir klapa
 ron pandan dipundamel wujud simpul cacahipun tigang lembar

Déné bahan-bahan ingkang dipun-ginakaken kanggé damel duduh bubur sungsum inggih
punika

 gendhis jawa 200 gram

 ron pandan 2 lembar
 toya 100 ml

Caranipun damel jenang sungsum inggih punika:

1. Ingkang sapisan damel duduh bubur sungsum.

2. Toya dipungodhog lajeng sadaya bahan kanggé damel duduh, lajeng dipunudhak
ngantos kenthel. Manawi sampun umub lajeng dipunangkat lan dipunsaring supados
langkung resik.

3. Salajengipun damel bahan-bahan buburipun.

4. Glepung beras, sarem, saha santen sepalihipun dipuncampur dados satunggal

wonten ing panci

5. Santen turahanipun lajeng dipungodhog ngantos umub kanthi dipunsukani ron

pandan. Anggenipun nggodhog santen mawi geni alit kanthi dipunudhak terus.

6. Campuran glepung beras ingkang sampun dipundamel kala wau lajeng

dipuncampur kaliyan santen ingkang sampun dipungodhog kala wau. Lajeng adonan
bubur dipunudhak terus ngantos ngenthel lan mateng.

7. Manawi sampun mateng lajeng dipunsajekaken wonten ing mangkuk lan saged
dipunjangkepi kanthi duduh bubur sungsum ingkang sampun dipundamel.
8. Jenang sungsum badhé langkung sekeca dipundhahar manawi taksih benter.

Wacan eksposisi ( Lamhot Titut Prakoso Nababan )

MITONI

Mitoni iku asale saka tembung pitu (7). Upacara adat iki diselenggarakake wektu
calon ibu nggarbini utawa meteng 7 sasi tujuane kanggo keslametan calon bayi lan
ibune utawa kanggo sing sifate tolak bala. Ing dhaerah tinentu, upacara iki uga diarani
tingkeban. Jabang bayi umur 7 sasi iku wis nduwe raga sing sampurna. Dadi miturut
pengertian wong Jawa, wetengan umur 7 sasi iki proses penciptaan menungsa iku wis
nyata lan sempurna neng sasi kaping 7 iki utawa Sapta Kawasa Jati. Rangkaian acara
kanggo upacara mitoni iki luwih akeh tinimbang upacara ngupati, urut-urutane yaiku
siraman, nglebokake endhog pitik kampung neng jero kain calon ibu dening calon
bapak, salin rasukan, brojolan (nglebokake kelapa gading enom), memutus lawe
utawa lilitan benang (janur), mecahake wajan lan gayung, nyolong endhog lan
terakhir kendhuren.

Acara siraman mung diselenggarakake kanggo mitoni anak pertama.Miturut adat

Jawa mitoni iku kudhu diselenggarakake neng dina sing bener-bener apik yaiku dina
Senen awan nganti mbengi utawa uga dina Jemuah awan nganti mbengi. Rangkaian
acara kanggo upacara mitoni iki luwih akeh tinimbang upacara ngupati, urut-urutane
yaiku siraman, nglebokake endhog pitik kampung ing jero kain calon ibu dening
calon bapak, salin rasukan, brojolan (nglebokake cengkir klapa gadling), medhot lawe
utawa lilitan benang (janur), mecahake wajan lan gayung, nyolong endhog lan
pungkasan kendhuren. Acara siraman mung diselenggarakake kanggo mitoni anak
pisanan. Miturut adat Jawa mitoni iku kudu diselenggarakake ing dina sing bener-
bener apik yaiku dina Senen awan nganti mbengi utawa uga dina Jemuwah awan
nganti mbengi.

Wacan ekposisi ( Tutut Vita Pratiwi )

AMPYANG
Ampyang yaiku minangka panganan tradisional Jawa digawe saka kacang lan
diwenehi gula jawa. Rasa ampyang legi lan gurih.

Cara gawene yaiku

 Manggang kacang nganti masak.

 Masak gula jawa, gula pasir, banyu lan banyu jahe kanggo rambut. Nambah
kacang tanah kanggo nyampur kanthi becik.
 Spoon kasebut liwat roning pisang, leterke, banjur garing wae nganti garing.
Ngawasi ing jar.