Tesis Ang pagboto sa nalalapit na eleksyon sa Mayo ay napakaimportante sapagkat ito ang magbibigay-linaw sa magiging hinahaharap ng bansa sa susunod pang tatlong taon ng administrasyong Duterte. Abstrak Ang kolumnista ay nagbigay ng apat na maaaring senaryo ng ating bansa sa kinabukasan: ang kuyakoy, tiklop, bangon, at laban. Ang senaryong kuyakoy ay magaganap kung hindi magpapatuloy sa pagiging awtoritaryan ng administrasyon at walang solidong koalisyon laban dito. Magiging isang ordinaryong pangulo lamang si Duterte at stabilisado ang maiiwan nitong gobyerno at ekonomiya. Ang tiklop naman ay mangyayari kapag natuloy ang pagiging pro-Duterte ng administrasyon at may mahinang oposisyon. Dito, lalakas ang impluwensya ng Tsina sa bansa at siyang magiging hudyat ng unti-unting pag-agnas ng demokrasya sa bansa. Samantala, ang bangon ay may administrasyong hindi awtoritaryan at may malakas na oposisyon. Magkakaroon ng paghina ng korapsyon, kawalan ng traksyon ng maka-Tsinang mga programa, at matatapos ni Duterte ang kaniyang termino nang hindi nakapagbibigay-sira sa estado ng bansa. Panghuli at ang pinakamatindi sa lahat ay ang laban senaryo kung saan magkakaroon ng awtoritaryan na gobyerno at malakas na oposisyon laban dito. Dito, ang patuloy na paglabag sa karapatang pantao ang siyang gigising sa tulog na diwa ng pagkaPilipino ng mga tao. Lalalaban ito ng pamahalaan, ngunit siya ring magninitsa sa pagtapos nito nang mas maaga sa 2022. Ang apat na senaryo na ito, ayon sa awtor, ang siyang dapat isipin ng bawat botante sa Mayo at hindi lamang dapat magpokus sa mismong mga kandidato. Reaksyon Ang kolum na ito ay napaka-relevant sa kasalukuyang panahon kung saan nag mga botante ay bumoboto lamang upang iboto ang mga tipo nilang pulitiko ayon sa itsura at pangalan nito. Bukod pa rito, lantaran din sa ating sistema ang pagbili ng boto. Hindi naman natin masisisi ang mga tumatangkilik dito dahil sa kahirapan ng buhay, ngunit dapat hindi ito kinukunsinte ng pamahalaan. Dapat ang eleksyon ay hindi lamang para maihalal ang mga taong sa tingin natin ay nakapagduloy ng kukurampot na pagbabago (yung mga tipong at least may nagawa) at dapat nating bigyang-pokus ang mga siyang may tunay na hangaring mabago ang estado ng mga Pilipino sa bansa at hindi ang pansariling interes ang nasa puso.