Shyama Upanishad

శ్యామోపనిషత్

Document Information

Text title : shyAmopaniShat

File name : shyAmopaniShat.itx

Category : upanishhat, devii, devI, upanishad

Location : doc_upanishhat

Proofread by : Kasturi navya sahiti kasturinsahiti at gmail.com

Description-comments : aprakAshitA upaniShadaH

Latest update : March 20, 2020

Send corrections to : Sanskrit@cheerful.com

This text is prepared by volunteers and is to be used for personal study and research. The
file is not to be copied or reposted without permission, for promotion of any website or
individuals or for commercial purpose.

Please help to maintain respect for volunteer spirit.

Please note that proofreading is done using Devanagari version and other language/scripts
are generated using sanscript.

March 20, 2020

sanskritdocuments.org
 Shyama Upanishad

శ్యామోపనిషత్

ఓం క్రీం అథ హైనాం బ్రహ్మరన్ధ్రే బ్రహ్మస్వరూపిణీమాప్నోతి సుభగాం

శుభధాతుకామరేఫేన్దిరాసమష్టిరూపిణీమేతత్త్రిగుణమాదౌ తదను
కూర్చబీజద్వయం వ్యోమషష్ఠస్వరబిన్దుమేలనరూపం తదను భువనేశీద్వయం
భవతు వ్యోమజ్వలనేన్దిరాశూన్యమేలనరూపం తతో దక్షిణే కాలికే
చేత్యపి తతో ముఖబీజసప్తకముచ్చార్య బృహద్భానుజాయాముచ్చరేత్ ।
అయం స మన్త్రోత్తమః । య ఇమాం సకృజ్జపన్ స తు దేవేశ్వరః ।
స తు విశ్వేశ్వరః । స తు నారీశ్వరః । స తు సర్వగురుః ।
స తు సర్వనమస్యః । స తు సర్వవేదైరధీతో భవతి । స సర్వేషు
తీర్థేషు స్నాతో భవతి । స స్వయం సదాశివః । త్రికోణం త్రికోణం
త్రికోణం త్రికోణం పునశ్చైవ త్రికోణం సాష్టపత్రం సకేసరం
భూపురైకేణ సంయుతం తస్మిన్దేవీం హృల్లేఖామఙ్గే విన్యస్య ధ్యాయేత్ ।
అభినవజలదనీలా కుటిదంష్ట్రావరాభయఖడ్గముణ్డసహితహస్తా కాలికా
ధ్యేయా । కాలీ కపాలినీ కుల్లా కురుకుల్లా విరోధినీ విప్రచిత్తేతి బహిః
షట్కోణగాః । ఉగ్రా ఉగ్రప్రభా దీప్తా నీలా ఘనా వలాకా మాత్రా ముద్రా
అమితేతి నవకోణగాః । బ్రాహ్మీ నారాయణీ మాహేశ్వరీ చాముణ్డా వారాహీ
నారసింహీ కౌమారీ చాపరాజితేత్యష్టపత్రగాః । చతుష్కోణేషు చత్వారో
మాధవరుద్రవినాయకసౌరాః । దిక్షు దిక్పాలాః । దేవీం సర్వాఙ్గేణాదౌ
సమ్పూజ్య భగోదకేన తర్పణం పఞ్చమకారేణ పూజనమేతస్యాః । ఏవం
ద్విత్రిక్రమేణ కుర్వాణా మునయో భవన్తి । నారిమిత్రాదిలక్షణమస్యవర్తతే ।
అముష్యా మన్త్రపాఠకస్య గతిరస్తి । నాన్యస్యేహ గతిరస్తి ।
ఏతస్యాస్తారామనోర్దుర్గామనోస్సున్దరీమనోర్వా సిద్ధిరిదానీమ్ । సర్వాః సుప్తా
భూతాః । అసితాఙ్గీ జాగర్తి । ఇమామసితాఙ్గ్యుపనిషదం యోఽధీతే
అపుత్రీ పుత్రీ భవతి । యోఽన్యస్య వరదో దృష్ట్యా జగన్మోహయేత్ ।
గఙ్గాదితీర్థక్షేత్రాణామగ్నిష్టోమాదియజ్ఞానాం ఫలభాగీయతే ॥
(శాక్త-ఉపనిషదః)

1
 శ్యామోపనిషత్

ఇత్యాథర్వణే సౌభాగ్యకాణ్డే శ్యామోపనిషత్ సమాప్తా ।

Proofread by Kasturi navya sahiti

Shyama Upanishad
pdf was typeset on March 20, 2020

Please send corrections to sanskrit@cheerful.com

2 sanskritdocuments.org