Una sa lahat, nais ko pong batiin ang lahat ng municipal officials, employees, at

mga panauhing naririto ngayon upang makisaya at sasaksihan ang napaka-espesyal na

araw na ito sa buhay ni Ma’am Anggie… Sa ngalan po ng LGU San Manuel Employees
Association, nais po naming ipaabot ang aming pagbati ng isang maligayang kaarawan
sa ating retiree..

Alam po nating lahat na ang pagreretiro ay isang pagtatapos, ang dulo ng isang
karera… At sa araw na ito ay opisyal pong matutuldukan ang panunungkulan sa LGU
San Manuel, ng isa nating kaibigan, ate, nanay, o anuman pong maaari nating
maitawag sa kanya, at higit sa lahat, ng isang haligi ng institusyong ito na nakapag-
ambag ng hindi matatawarang paglilingkod at dedikasyon para sa ating minamahal na
LGU… Alam din po nating lahat na ang alaalang ating pinagsamahan, maganda man
po o hindi kaaya-aya ay magsisilbing alaala para kay Ma’am Anggie na maaari niyang
baunin, balik-tanawin at siyang magbibbigay-ngiti sa kanyang kanyang mga labi sa
mga pagkakataong kanyang maaalala ang napakagandang pagsasamahang kanyang
nabuo sa bawat isa sa atin.

Ngayong araw po ay matatapos ang kanyang paglalakbay bilang isang mahusay

na Municipal Accountant, na siya namang magbibigay-daan at magbubukas sa
panibagong pahina at kabanata ng kanyang buhay… At wala pong higit na magandang
paraan upang isagawa ito kundi sa pamamagitan ng isang pagdiriwang tulad nito.
Medyo malungkot po sapagkat hindi po nakadalo ang ilan nating mga kasamahan sa
kadahilanang sila po ay nasa ilalim ng skeletal o skeleton workforce scheme. Subalit,
batid ko at batid nating lahat na sila ay masaya sapagkat matagumpay na naabot ni
Ma’am Anggie ang dulo ng kanyang karera.

Kung kaya’t sa ngalan po ng LGU San Manuel Employees Association, isa pong
karangalan para sa akin na i-welcome kayong lahat sa pagdiriwang na ito. Panigurado
po na ang palatuntunang ito ay mag-iiwan ng napaka-espesyal na marka sa ating lahat,
higit lalo sa superstar ng pagdiriwang na ito, si Ma’am Anggie.

Muli, happy birthday po Ma’am Anggie and happy retirement. Maraming

salamat po.