Professional Documents
Culture Documents
Bonus Paper 4 - Martial Law
Bonus Paper 4 - Martial Law
“Patalsikin Duterte!”
“Never Forget! Never Again!”
“Duterte Pasista! Wakasan ang Inhustisya!”
Kadahilanan (Reason)
Marami na akong naririnig na balita. Hindi ko mabilang ang mga nabasa ko hinggil sa
mga kasalukuyang kaganapan. Ngayong nasa paaralan ako ng mga aktibista, hindi ko na
malaman kung anong papanigan ko.
Karanasan (Experience)
Sa mga nabasa ko hinggil sa Batas Militar, halos lahat ay sinasabing masalimuot ang
naranasan ng mga tao noon. Dulot ng curfew, pagkontrol sa media, at pagsuspinde ng writ
of habeas corpus, madugong pakikibaka ang inabot ng mga aktibista. Marahil tama ang
pagkakalarawan sa mga ito subalit masasabi ko bang tunay ang lahat ng mga nababasa ko
kahit hindi ko mismo naranasan ang mga pangyayaring ito? Madalas, hinahadlangan ako ng
henerasyong nagsilang sa pangalan ko sa tuwing nais kong maglahad ng aking pananaw
hinggil sa Batas Militar dahil isa lamang akong hamak na kabataan na pag-iinternet lang ang
palaging inaatupag. Subalit na hindi ko man naranasan kaya paunti-unti ko ring binibigyan
ng kaalaman ang isipan ko para matimbang ko ang pinakatama. Sa ngayon, wala pa siguro
Sa totoo lang, kung nasa kalagayan ako ng mga magsasaka ngayon na walang
pakundangang tinatanggalan ng pribilehiyong kumita nang sapat kapalit ng araw-araw na
pagpapagal sa tirik ng araw para masustentuhan ang kahirapan, matinding galit talaga ang
mararamdaman ko. Biruin ninyo, kung ang magiging basehan lamang ng pagiging mayaman
ay kung gaano katagal gumugugol para sa paghahanapbuhay, marahil ay mayayaman na ang
mga magsasaka. Ang tanong – yumaman ba sila sa pagsasaka? Hindi sila kumikita nang
maayos dahil pinapakialaman sila ng mga mambabatas na hindi man lang makatingin sa
baba. Isa pa, maraming mga magsasaka ang lumalaban na umuuwing wala nang buhay.
Saksi ako sa mga naratibong isinalaysay ng mga pamilya ng mga pinaslang kaya matindi ang
pagkakagulantang ko habang tinatanong ko sa sarili ko kung totoo ba ang lahat ng ito.
Sa lahat ng ito, nais kong ituloy ang paglalakad tungo sa hustisya na hinihingi ng iba
bunga ng kanilang sinapit sa kamay ng Batas Militar at hinihingi ng sarili ko para mabigyang
linaw pa ako sa mga nangyayari. Balak kong kumilos pero hindi ko pa panahon para gawin
ito. Bagkus, naniniwala ako na sa huli, mananaig pa rin ang kabutihan at katotohanan.