ANG SANTOS NGA ROSARYO SA MAHAL NGA BIRHEN

MARIA
MGA PAG-AMPO SA PAGSUGOD

Timaan sa Krus
Tungod sa timaan + sa Santa Krus, sa among mga kaaway bawion mo
kami Ginoong Dios namo, sa ngalan sa Amahan, ug sa Anak, ug sa
Espiritu Santo. Amen.
Credo
Nagatoo ako sa Dios nga Amahan, ang Makagagahum sa tanan,
Magbubuhat sa langit ug sa yuta ug kang Hesukristo Iyang Anak nga
bugtong, nga Ginoo nato. Gipanamkon siya sa lalang sa Espiritu Santo
ug gianak ni Maria nga Birhen. Gisakit sa sugo ni Poncio Pilato,
gilansang sa krus, namatay ug gilubong. Mikunsad sa mga minatay, sa
ikatulo ka adlaw nabanhaw. Misaka sa langit ug nagalingkod sa tuo sa
Dios, ang Amahan, nga Makagagahum sa tanan. Gikan didto, Mobalik
Siya aron sa paghukom sa mga buhi ug sa mga minatay.
Nagatoo ako sa Espiritu Santo, sa Santa Iglesia Katolika, sa
kaambitan sa mga Santos, sa pagpasaylo sa mga sala, sa
pagkabanhaw sa lawas, ug sa kinabuhing dayon. Amen.

Amahan Namo
Amahan Namo, nga anaa sa mga langit, pagdaygon ang imong
ngalan, umabut kanamo ang Imong Gingharian, matuman ang imong
pagbuot dinhi sa yuta maingon sa langit. Ang kalan-on namo sa matag
adlaw, ihatag kanamo karong adlawa, ug pasayloa kami sa among mga
sala ingon man nagapasaylo kami sa mga nakasala kanamo ug dili mo
kami itugyan sa panulay, hinunoa luwasa kami sa daotan. Amen.

Maghimaya ka Maria
Maghimaya ka, Maria, punô ka sa grasya. Ang Ginoong Dios anaa
kanimo. Bulahan ikaw sa mga babaye nga tanan, ug bulahan man usab
ang bunga sa tiyan mo nga si Jesus.
Santa Maria, Inahan sa Dios, iampo mo kami nga mga makasasala,
karon ug sa oras sa among ikamatay. Amen.
 Gloria Patri
Himaya sa Amahan, ug sa Anak, ug sa Espiritu Santo.
Maingon sa sinugdan, karon ug sa gihapon, ug sa mga katuigan nga
walay katapusan. Amen.
O Jesus Ko
O Jesus ko, pasayloa kami sa among mga sala. Luwasa kami sa kalayo
sa Impyerno. Dad-a ang tanang mga kalag ngadto sa langit ilabi na
kadtong nanginahanglan kayo sa Imong Kalooy ug panabang.

MGA MISTERYO SA KALIPAY (Lunes ug Sabado)

1. Ang Pagpahibalo ni Anghel Gabriel kang Santa Maria Nga

Siya Mamahimong Inahan sa Anak sa Dios: Lucas 1:26-38.
2. Ang Pagduaw ni Santa Maria kang Santa Isabel: Lucas 1:39-47.
3. Ang Pagkatawo sa Anak sa Dios sa Kamalig sa Belen: Lucas 2:1-7.
4. Ang Paghalad sa Diosnong Bata didto sa Templo sa Jerusalem:
Lucas
2:22-32.
5. Ang Pagkawala ug Paghikaplag kang Hesus sa Templo taliwala sa
mga makinaadmanon: Lucas 2:41-52

MGA MISTERYO SA KASAKIT (Martes ug Biyernes)

1. Ang Pag-ampo sa atong Ginoo sa Tanaman sa Getsemani:

Marcos 14:32-36..
2. Ang Pagga-id ug Paghampak sa atong Ginoo sa usa ka haligi:
Juan 18:28-38 ug 19:1..
3. Ang Pagpurongpurong ni Hesus sa Purongpurong nga Tunokon:
Marcos 15:16-20..
4. Ang Pagpas-an ni Hesus sa Krus paingon sa Bukid sa Kalbaryo:
Juan 19:12-16..
5. Ang Paglansang ug Pagkamatay sa Krus sa atong Ginoo: Lucas 23:33-
34 ug 39-46..
 MISTERYO SA HIMAYA (Miyerkoles ug Domingo)

1. Ang Mahimayaong Pagkabanhaw sa atong Ginoo: Lukas 24:1-6a.

2. Ang Pagsaka ni Hesus sa Langit: Lukas 24:50-53.
3. Ang Pagkunsad sa Espiritu Santo sa mga Apostoles ug kang
Santa Maria: Buhat 2:1-4.
4. Ang Pagpasaka sa Langit sa Mahal nga Birhen Maria: 1 Corinto 15:54.
5. Ang Pagpurongpurong sa Mahal nga Birhen Maria nga Rayna sa
mga Angheles ug mga Santos: Gipadayag 12:1-6.

MISTERYO SA KAHAYAG (Huwebes)

1. Ang pagbunyag kang Jesus sa Suba sa Jordan: Mateo 3:13-17

2. Ang pagpaila ni Jesus sa Kasal sa Kana isip nga Unang Milagro: Juan
2:1-12
3. Ang Pagsangyaw sa Gingharian sa Dios: Marcos 1:15
4. Ang pagkausab sa panagway Ni Jesus sa Bukid sa Tabor: Mateo 17:1-9
5. Ang pagtukod Ni Jesus sa Santos nga Eukaristiya kauban ang
iyang mga Apostoles: Juan 13:1
 MGA PANAPOS NGA PAG-AMPO
Maghimaya ka Rayna
Maghimaya ka Rayna, Inahan sa kalooy, kinabuhi, kinatam-is. Ikaw
gilauman namo, maghimaya ka. Nagapanawag kami kanimo, mga
hininginlan mga anak ni Eva. Nagapanghupaw kami, nagaagulo, ug
nagapanghilak dinhi ning walog nga luhaan. Busa, among mag-alampo,
ilingi mo kanamo kanang Imong mga mata nga maloloy-on ug kun tapos
na kining paghingilin, ipakita mo kanamo kanang imong Anak nga si
Jesus, ang mahal nga bunga sa tiyan mo.
Ay maaghop, ay maloloy-on, ay matam-is nga Birhen Maria.
V. I-ampo mo kami Santos nga Inahan sa Dios.
R. Aron mahimo kaming takos sa gisaad ni Jesukristo among Ginoo. Amen.

LITANIYA SA MAHAL NGA BIRHEN MARIA

Ginoo, Kaloy-i Kami
Kristo, Kaloy-i Kami
Ginoo, Kaloy-i Kami
Kristo, Dungga Kami
Kristo, Pamatia Kami
Dios, Amahan sa Langit, Kaloy-i Kami
Dios Anak Manunubos sa Kalibutan, Kaloy-i Kami
Dios Espiritu Santo, Kaloy-i Kami
Santa Trinidad, Dios nga usa, Kaloy-i Kami
IG-AMPO MO KAMI
Santa Maria,
Santa nga Inahan sa Dios,
Santa nga Birhen sa mga Birhen,
Inahan Ni Kristo,
Inahan sa Grasya sa Dios,
Inahan nga putli,
Inahan nga wala hilabti,
Inahan nga sa sala wala mabuling,
Inahan Nga Buotan,
Inahan Nga Takus Dayegon,
Inahan sa Kanunayng Panabang,
Inahan sa Magbubuhat,
Inahan sa Manluluwas(Manunubos),
Birhen nga sa Kaalam walay Ingon,
Birhen nga Gitahud Namo,
Birhen kansang Kadayganan Giawit
Namo, Birhen nga Gamhanan, Bitrhen
nga Maloloy-on,
Birhen nga Matoohon,
Salamin sa Katarungan,
Lingkoranan sa Kinaadman,
Hinungdan sa Among Kalipay,
Kalis sa Espiritohanon,
Kalis sa Kadungganan,
Mabulokong Kalis sa Paghalad, .
Rosa nga Dili Matukib,
Lantawan ni David,
Lantawan nga Garing,
Balay nga Bulawan,
Arka sa Kasabotan,
Ganghaan sa Langit,
Bitoon sa Kabuntagon,
Kaayohan sa mga Masakiton,
Dalangpanan sa mga Makasasala,
Maglilipay sa Mga nanagsubo,
Hinabang sa mga Kristiyanos,
Rayna sa mga Angheles,
Rayna sa mga Patriyarka,
Rayna sa mga Propeta,
Rayna sa mga Apostoles, .
Rayna sa mga Martires,
Rayna sa mga Kompesores,
Rayna sa Mga Birhen,
Rayna sa mga Santos,
Rayna nga Gipanamkon nga walay sala'ng Panulondon,
Rayna sa Santos Uyamot nga Rosaryo,
Rayna sa Pamilya,
Rayna sa Kalinaw

Kordero sa Dios Nga nagawagtang sa Sala sa

kalibutan, Pasaylo-a kami, Ginoo.
Kordero sa Dios Nga nagawagtang sa Sala sa
kalibutan, Pamatia kami, Ginoo.
Kordero sa Dios Nga nagawagtang sa Sala sa
kalibutan, Kaloy-i Kami

V. Ig-ampo mo kami Santos nga Inahan sa Dios

R. Aron mahimo kaming takos sa mga saad ni Jesukristo among Ginoo.
Amen.

MAG-AMPO KITA
O Ginoong Diyos, itugot kanamo imong mga alagad ang kanunayng
kaayohan sa lawas ug kalag ug tungod sa pangama ni Santa Maria
kanunayng Ulay agaka kami latas sa mga kasakit niining kanabuhia
hantod mo abut kami nganha sa kalipay nga way katapusan. Kini among
gipangayo pinaagi ni Kristo among Ginoo Amen.

Pagdayeg sa Mahal nga Birhen Maria

Dayegon ang imong kaulay, karon ug sa walay katapusan; ang maong
Dios nahidlawan sa katahum mo ug kaanyagan. Kanimo Reynang
langitnon, Maria Birhen nga walay ingon, ang kinabuhi ko ihatag,
kasingkasing ko ug kalag. Kaloy-I kami, Inahan. Dili mo kami pagbiyaan.
Ave maria purissima,
Sin peccado concivida!

AWIT: O BIRHEN MARIA

O Birhen Maria, ig-ampo mo kami.
Sa mga panulay, panlabanan mo kami.

Koro: Ave, ave, ave, Maria. Ave, ave, ave, Maria.

Bitoon sa dagat, dan-agan mo kami.

Sa oras sa ikamatay, panlabanan mo kami. (Repeat KORO)
 BATO BALANI SA GUGMA
Bato balani sa gugma,
sa daan tawo palangga.
KANAMO MALOOY KA UNTA
NGA KANIMO NANGILABA
Dinhi sa syudad sa Sugbo
ang matahum mong larawan
sa unang mga misyonero sa
usang balay hipalgan. Kanila
ikaw nagpakita gikan da sa
imong gugma.
KANAMO MALOOY KA UNTA
NGA KANIMO NANGILABA
Giludhan ikaw gisimba
niadtong mga kaparian.
Sa tanan nga katawhan
sa mga punoan nila
kay sa pagtan-aw kanimo
kristyano sila nahimo.
KANAMO MALOOY KA UNTA
NGA KANIMO NANGILABA
Ang simbahan gipatindog
niadtong mga tawhana
aron ang larawan nimo
dunay usang puloy-anan,
ug didto gihangyo nila
nga kaloy-an nimo sila.
KANAMO MALOOY KA UNTA
NGA KANIMO NANGILABA
Nangayo kami kanimo
nga ang matahom mong
larawan sa sulod sa kalag
namo makahimog puloy-anan
kay sa tanang kinahanglan
ikaw ang among dalangpan.
KANAMO MALOOY KA UNTA
NGA KANIMO NANGILABA
 CONCLUDING PRAYER
O miraculous Santo Nino! * prostrate before your sacred Image, *
we beseech You * to cast a merciful look * on our troubled hearts.
* Let Your tender love, * so inclined to pity, * be softened at our
prayers, * and grant us that grace * for which we ardently implore
You. * Take from us * all unbearable affliction and despair. For
your sacred infancy’s sake * hear our prayers * and send us
consolation and aid * that we may praise You, * with the Father
and the Holy Spirit, forever and ever. Amen.

PRAYER TO THE HOLY SPIRIT

Come Holy Spirit, fill the hearts of your faithful and kindle in
them the fire of your love. Send forth your Spirit and they shall
be created. And You shall renew the face of the earth.
O, God on the first pentecost, You instructed the hearts of
those who believe in You, by the light of the Holy Spirit under
the inspiration of the same spirit, give us a taste for what is right
and true and a continuing sense of His, bringing presence and
power through Jesus Christ our Lord. Amen.