RMLHS Bantay Kalusugan

Ni: Reynalyn Roy

Apat na milyong bata na may edad 5 pababa ang apektado ng malnutrisyon batay sa tala
ng Food and Nutrition Research Institute ng Department of Science and Technology noong 2018.
Dalawa sa kada sampung bata ay kulang sa timbang, tatlo sa sampung mga bata ay stunned o
maliit, at isa sa dalawampu’t limang bata ay sobra sa timbang batay sa 2018 expanded national
nutrition survey.

Dahil sa patuloy na problema sa malnutrisyon, nagsagawa ng Nutritional Status Report

Monitoring ang Rofulo M. Landa High School upang masubaybayan ang nutrisyon ng mga mag-
aaral.

Batay sa nakuhang datos, may 78.52% sa 1295 na mag-aaral ng Rofulo M. Landa High
School ay normal ang Nutritional Status, 3.44% ang overweight o labis ang timbang na naayon
sa kanyang edad, 0.34% naman ang obese o labis ang timbang na naayon sa kanyang taas.
Mayroong naitalang 9.40% na severely stunted, 19.04% naman ay stunted.

Isa sa dahilan ng malnutrisyon ay kakulang ng sapat na sustansyang kinakailangan ng

katawan ng isang tao na kung saan makahahadlang ito sa wastong paglaki o wastong timbang.
Ito rin ay isa sa nakaapekto sa pag-aaral ng mga bata kung kaya’t kinakailangang bigyang
pansin.

Bilang tugon sa problema, nagsasagawa ng feeding program ang Rofulo M. Landa sa

pangunguna ng TLE Department, katulong ang mga guro at mga magulang ng mga mag-aaral.
Sa pamamagitan ng feeding program, masusubaybayan ang pagkaing kinakain ng mga mag-aaral
ay masustansiya upang mapunan ang nutrisyong kinakailangan ng mag-aaral.

Dahil sa ginawang programa, inaasahang bababa ang bilang ng mga mag-aaral na may
kaso ng malnutrisyon sa mga mag-aaral ng RMLHS.
 Health Center, Kaagapay ng mga Mamamayan
Ni: Reynalyn Roy

Sama-samang hinaharap ang mga problemang pangkalusugan at pilit na tinataguyod ang

mga kagamitan, medisina,at programa na kinakailanganin ng mga taong nasasakupan ng Health
Center ng Salaza,Palauig,Zamabales.

Sinusuportahan ng center ang 4,566 na populasyon, gamit ang kanilang maliit na

pasilidad.Kung saan handang tumulong sa mga taong nangangailangan lalo na sa gamot at
handang sumuporta sa magandang kalusugan..

Kulang sa mga kagamitan ang center lalo na pagdating sa medisina subalit hindi ito
nagging hadlang sa pag-aagapay sa mga mamamayan. Maaari lamang sila makapagbigay ng
pampapurga, condom, pills, mga iba pang maaring family planning at kagamitan na kayang
tugunan ng maliit na pamunuan.

Ayon kay Gng. Meredith Navida, Barangay Health Worker (BHW) Team Leader, libre
ang kanilang ibinabahaging gamot ngunit hindi talaga maiiwasang kulangin sa supply ng mga
ito.

Umabot na sa 3 tao ang may kaso ng dengue sa Salaza. Dalawa sa dengue at isa sa
leptospirosis,ayon kay Gng. Navida.

Dahil sa nangyaring kaso, ika-7 ng Oktubre taong kasalukuyan ay naglunsad ng

pagpupulong ang Center sa mga taong naninirahan sa Salaza upang magbigay ng impormasyon
tungkol sa mga paraan upang maiwasan ang pagdami ng may dengue, “prevention is better than
cure”wika nga.

Ang Center ang bawat barangay ang siyang tutulong sa mga mamamayan na naninirahan
sa isang komunidad sa oras ng pangangailangan ng bawat indibidwal. Ayon kay Gng. Navida,
“Kung may kakaiba ng nararamdaman,agad na tumungo sa Center upang ito’y maaagapan sa
abot ng aming makakaya”.