Sanskrit Documents Collection | ITX

PDFDevanagariRomanBengaliGujaratiGurumukhiKannadaMalayalamOriyaTeluguTamilGranTamil
GranthaOthershtm2pdf
HomeNew AdditionsSitemapgiitaaITRANS SourcePDF
॥ गीता सन्धिविग्रह अन्वय ॥
.. Gita - sandhi-vigraha and anvaya ..
॥ গীতা সন্ধিবিগ্রহ অন্বয় ॥

অথ প্রথমোঽধ্যায়ঃ । অর্জুনবিষাদয়োগঃ ।
অথ প্রথমঃ অধ্যায়ঃ । অর্জুন-বিষাদ য়োগঃ ।

ধৃতরাষ্ট্র উবাচ ।
ধৃতরাষ্ট্রঃ উবাচ ।

ধর্মক্ষেত্রে কুরুক্ষেত্রে সমবেতা য়ুয়ুত্সবঃ ।

মামকাঃ পাণ্ডবাশ্চৈব কিমকু র্বত সঞ্জয় ॥ ১-১॥

ধর্ম-ক্ষেত্রে কুরু-ক্ষেত্রে সমবেতাঃ য়ুয়ুত্সবঃ ।

মামকাঃ পাণ্ডবাঃ চ এব কিম্ অকু র্বত সঞ্জয় ॥ ১-১॥

হে সঞ্জয়! ধর্ম-ক্ষেত্রে, কুরু-ক্ষেত্রে, য়ুয়ুত্সবঃ সমবেতাঃ

মামকাঃ পাণ্ডবাঃ চ এব কিম্ অকু র্বত ?

সঞ্জয় উবাচ ।
সঞ্জয়ঃ উবাচ ।

দৃষ্ট্বা তু পাণ্ডবানীকং ব্যূঢং দুর্যোধনস্তদা ।

আচার্যমুপসংগম্য রাজা বচনমব্রবীত্ ॥ ১-২॥

দৃষ্ট্বা তু পাণ্ডব-অনীকম্ ব্যূঢম্ দুর্যোধনঃ তদা ।

আচার্যম্ উপসঙ্গম্য রাজা বচনম্ অব্রবীত্ ॥ ১-২॥

তদা তু পাণ্ডব-অনীকম্ ব্যূঢম্ দৃষ্ট্বা, রাজা দুর্যোধনঃ

আচার্যম্ উপসঙ্গম্য, (ইদং) বচনম্ অব্রবীত্ ॥

পশ্যৈতাং পাণ্ডু পুত্রাণামাচার্য মহতীং চমূম্ ।

ব্যূঢাং দ্রুপদপুত্রেণ তব শিষ্যেণ ধীমতা ॥ ১-৩॥

পশ্য এতাম্ পাণ্ডু -পুত্রাণাম্ আচার্য মহতীম্ চমূম্ ।

ব্যূঢাম্ দ্রুপদ-পুত্রেণ তব শিষ্যেণ ধীমতা ॥ ১-৩॥

হে আচার্য! তব ধীমতা শিষ্যেণ, দ্রুপদ-পুত্রেণ ব্যূঢাম্

পাণ্ডু -পুত্রাণাম্ এতাম্ মহতীম্ চমূম্ পশ্য ।

অত্র শূরা মহেষ্বাসা ভীমার্জুনসমা য়ুধি ।

য়ুয়ুধানো বিরাটশ্চ দ্রুপদশ্চ মহারথঃ ॥ ১-৪॥

অত্র শূরাঃ মহা-ইষু-আসাঃ ভীম-অর্জুন-সমাঃ য়ুধি ।

য়ুয়ুধানঃ বিরাটঃ চ দ্রুপদঃ চ মহারথঃ ॥ ১-৪॥

অত্র, ভীম-অর্জুন-সমাঃ য়ুধি শূরাঃ মহা-ইষু-আসাঃ,

মহারথঃ য়ুয়ুধানঃ, বিরাটঃ চ দ্রুপদঃ চ ।

ধৃষ্টকেতুশ্চেকিতানঃ কাশিরাজশ্চ বীর্যবান্ ।

পুরুজিত্কু ন্তিভোজশ্চ শৈব্যশ্চ নরপুংগবঃ ॥ ১-৫॥

ধৃষ্টকেতুঃ চেকিতানঃ কাশিরাজঃ চ বীর্যবান্ ।

পুরুজিত্ কু ন্তিভোজঃ চ শৈব্যঃ চ নর-পুঙ্গবঃ ॥ ১-৫॥
ধৃষ্টকেতুঃ, চেকিতানঃ চ, বীর্যবান্ কাশিরাজঃ চ,
পুরুজিত্ কু ন্তিভোজঃ চ, নর-পুঙ্গবঃ শৈব্যঃ চ ।

য়ুধামন্যুশ্চ বিক্রান্ত উত্তমৌজাশ্চ বীর্যবান্ ।

সৌভদ্রো দ্রৌপদেয়াশ্চ সর্ব এব মহারথাঃ ॥ ১-৬॥

য়ুধামন্যুঃ চ বিক্রান্তঃ উত্তমৌজাঃ চ বীর্যবান্ ।

সৌভদ্রঃ দ্রৌপদেয়াঃ চ সর্বে এব মহারথাঃ ॥ ১-৬॥

বিক্রান্তঃ য়ুধামন্যুঃ চ, বীর্যবান্ উত্তমৌজাঃ

সৌভদ্রঃ চ, দ্রৌপদেয়াঃ চ, সর্বে মহারথাঃ এব ।

অস্মাকং তু বিশিষ্টা য়ে তান্নিবোধ দ্বিজোত্তম ।

নায়কা মম সৈন্যস্য সংজ্ঞার্থং তান্ব্রবীমি তে ॥ ১-৭॥

অস্মাকম্ তু বিশিষ্টাঃ য়ে তান্ নিবোধ দ্বিজ-উত্তম ।

নায়কাঃ মম সৈন্যস্য সংজ্ঞার্থং তান্ ব্রবীমি তে ॥ ১-৭॥

হে দ্বিজ-উত্তম! অস্মাকম্ তু য়ে বিশিষ্টাঃ, মম সৈন্যস্য

নায়কাঃ, তান্ নিবোধ । তান্ সংজ্ঞার্থম্ তে ব্রবীমি ।

ভবান্ভীষ্মশ্চ কর্ণশ্চ কৃপশ্চ সমিতিঞ্জয়ঃ ।

অশ্বত্থামা বিকর্ণশ্চ সৌমদত্তির্জয়দ্রথঃ ॥ ১-৮॥

ভবান্ ভীষ্মঃ চ কর্ণঃ চ কৃপঃ চ সমিতিঞ্জয়ঃ ।

অশ্বত্থামা বিকর্ণঃ চ সৌমদত্তিঃ তথা এব চ ॥ ১-৮॥

ভবান্ ভীষ্মঃ চ, কর্ণঃ চ, সমিতিঞ্জয়ঃ কৃপঃ চ,

অশ্বত্থামা বিকর্ণঃ চ, তথা এব চ সৌমদত্তিঃ ।

অন্যে চ বহবঃ শূরা মদর্থে ত্যক্তজীবিতাঃ ।

নানাশস্ত্রপ্রহরণাঃ সর্বে য়ুদ্ধবিশারদাঃ ॥ ১-৯॥

অন্যে চ বহবঃ শূরাঃ মদর্থে ত্যক্ত-জীবিতাঃ ।

নানা-শস্ত্র-প্রহরণাঃ সর্বে য়ুদ্ধ-বিশারদাঃ ॥ ১-৯॥

অন্যে চ বহবঃ শূরাঃ, সর্বে মদর্থে ত্যক্ত-জীবিতাঃ,

নানা-শস্ত্র-প্রহরণাঃ য়ুদ্ধ-বিশারদাঃ [সন্তি]।

অপর্যাপ্তং তদস্মাকং বলং ভীষ্মাভিরক্ষিতম্ ।

পর্যাপ্তং ত্বিদমেতেষাং বলং ভীমাভিরক্ষিতম্ ॥ ১-১০॥

অপর্যাপ্তম্ তত্ অস্মাকম্ বলম্ ভীষ্ম-অভিরক্ষিতম্ ।

পর্যাপ্তম্ তু ইদম্ এতেষাম্ বলম্ ভীম-অভিরক্ষিতম্ ॥ ১-১০॥

অস্মাকম্ ভীষ্ম-অভিরক্ষিতম্ তত্ বলম্ অপর্যাপ্তম্,

এতেষাম্ তু ভীম-অভিরক্ষিতম্ ইদম্ বলম্ পর্যাপ্তম্ (অস্তি)।
অয়নেষু চ সর্বেষু য়থাভাগমবস্থিতাঃ ।
ভীষ্মমেবাভিরক্ষন্তু ভবন্তঃ সর্ব এব হি ॥ ১-১১॥

অয়নেষু চ সর্বেষু য়থা-ভাগম্ অবস্থিতাঃ ।

ভীষ্মম্ এব অভিরক্ষন্তু ভবন্তঃ সর্বে এব হি ॥ ১-১১॥

ভবন্তঃ সর্বে এব হি সর্বেষু অয়নেষু চ য়থা-ভাগম্ অবস্থিতাঃ

ভীষ্মম্ এব অভিরক্ষন্তু ।

তস্য সঞ্জনয়ন্হর্ষং কুরুবৃদ্ধঃ পিতামহঃ ।

সিংহনাদং বিনদ্যোচ্চৈঃ শঙ্খং দধ্মৌ প্রতাপবান্ ॥ ১-১২॥
তস্য সঞ্জনয়ন্ হর্ষম্ কুরু-বৃদ্ধঃ পিতামহঃ ।
সিংহনাদম্ বিনদ্য উচ্চৈঃ শঙ্খম্ দধ্মৌ প্রতাপবান্ ॥ ১-১২॥

তস্য হর্ষম্ সঞ্জনয়ন্ প্রতাপবান্ কুরু-বৃদ্ধঃ

পিতামহঃ, উচ্চৈঃ সিংহনাদম্ বিনদ্য শঙ্খম্ দধ্মৌ ।

ততঃ শঙ্খাশ্চ ভের্যশ্চ পণবানকগোমুখাঃ ।

সহসৈবাভ্যহন্যন্ত স শব্দস্তুমুলোঽভবত্ ॥ ১-১৩॥

ততঃ শঙ্খাঃ চ ভের্যঃ চ পণব-আনক-গোমুখাঃ ।

সহসা এব অভ্যহন্যন্ত সঃ শব্দঃ তুমুলঃ অভবত্ ॥ ১-১৩॥

ততঃ শঙ্খাঃ চ ভের্যঃ চ পণব-আনক-গোমুখাঃ

সহসা এব অভ্যহন্যন্ত । সঃ শব্দঃ তুমুলঃ অভবত্ ।

ততঃ শ্বেতৈর্হয়ৈর্যুক্তে মহতি স্যন্দনে স্থিতৌ ।

মাধবঃ পাণ্ডবশ্চৈব দিব্যৌ শঙ্খৌ প্রদধ্মতুঃ ॥ ১-১৪॥

ততঃ শ্বেতৈঃ হয়ৈঃ য়ুক্তে মহতি স্যন্দনে স্থিতৌ ।

মাধবঃ পাণ্ডবঃ চ এব দিব্যৌ শঙ্খৌ প্রদধ্মতুঃ ॥ ১-১৪॥

ততঃ শ্বেতৈঃ হয়ৈঃ য়ুক্তে মহতি স্যন্দনে স্থিতৌ মাধবঃ

পাণ্ডবঃ চ এব দিব্যৌ শঙ্খৌ প্রদধ্মতুঃ ।

পাঞ্চজন্যং হৃষীকেশো দেবদত্তং ধনঞ্জয়ঃ ।

পৌণ্ড্রং দধ্মৌ মহাশঙ্খং ভীমকর্মা বৃকোদরঃ ॥ ১-১৫॥

পাঞ্চজন্যম্ হৃষীকেশঃ দেবদত্তম্ ধনঞ্জয়ঃ ।

পৌণ্ড্রম্ দধ্মৌ মহা-শঙ্খম্ ভীম-কর্মা বৃক-উদরঃ ॥ ১-১৫॥

হৃষীকেশঃ পাঞ্চজন্যম্, ধনঞ্জয়ঃ দেবদত্তম্ ,

ভীম-কর্মা বৃক-উদরঃ পৌণ্ড্রম্ মহা-শঙ্খম্ দধ্মৌ ।

অনন্তবিজয়ং রাজা কুন্তীপুত্রো য়ুধিষ্ঠিরঃ ।

নকুলঃ সহদেবশ্চ সুঘোষমণিপুষ্পকৌ ॥ ১-১৬॥

অনন্তবিজয়ম্ রাজা কুন্তী-পুত্রঃ য়ুধিষ্ঠিরঃ ।

নকুলঃ সহদেবঃ চ সুঘোষ-মণি-পুষ্পকৌ ॥ ১-১৬॥

কুন্তী-পুত্রঃ রাজা য়ুধিষ্ঠিরঃ অনন্তবিজয়ম্, নকুলঃ সহদেবঃ চ

সুঘোষ-মণি-পুষ্পকৌ ।

কাশ্যশ্চ পরমেষ্বাসঃ শিখণ্ডী চ মহারথঃ ।

ধৃষ্টদ্যুম্নো বিরাটশ্চ সাত্যকিশ্চাপরাজিতঃ ॥ ১-১৭॥

কাশ্যঃ চ পরম-ইষু-আসঃ শিখণ্ডী চ মহারথঃ ।

ধৃষ্টদ্যুম্নঃ বিরাটঃ চ সাত্যকিঃ চ অপরাজিতঃ ॥ ১-১৭॥

পরম-ইষু-আসঃ কাশ্যঃ চ, মহারথঃ শিখণ্ডী চ

ধৃষ্টদ্যুম্নঃ বিরাটঃ চ, অপরাজিতঃ সাত্যকিঃ চ ।

দ্রুপদো দ্রৌপদেয়াশ্চ সর্বশঃ পৃথিবীপতে ।

সৌভদ্রশ্চ মহাবাহুঃ শঙ্খান্দধ্মুঃ পৃথক্পৃথক্ ॥ ১-১৮॥

দ্রুপদঃ দ্রৌপদেয়াঃ চ সর্বশঃ পৃথিবী-পতে ।

সৌভদ্রঃ চ মহা-বাহুঃ শঙ্খান্ দধ্মুঃ পৃথক্ পৃথক্ ॥ ১-১৮॥

দ্রুপদঃ দ্রৌপদেয়াঃ চ, মহা-বাহুঃ সৌভদ্রঃ চ,

হে পৃথিবী-পতে! পৃথক্ পৃথক্ সর্বশঃ শঙ্খান্ দধ্মুঃ ।

স ঘোষো ধার্তরাষ্ট্রাণাং হৃদয়ানি ব্যদারয়ত্ ।

নভশ্চ পৃথিবীং চৈব তুমুলো ব্যনুনাদয়ন্ ॥ ১-১৯॥

সঃ ঘোষঃ ধার্তরাষ্ট্রাণাম্ হৃদয়ানি ব্যদারয়ত্ ।

নভঃ চ পৃথিবীম্ চ এব তুমুলঃ অভ্যনুনাদয়ন্ ॥ ১-১৯॥

সঃ তুমুলঃ ঘোষঃ নভঃ চ পৃথিবীম্ চ এব ব্যনুনাদয়ন্,

ধার্ত্ররাষ্ট্রাণাম্ হৃদয়ানি ব্যদারয়ত্ ।

অথ ব্যবস্থিতান্দৃষ্ট্বা ধার্ত্ররাষ্ট্রান্ কপিধ্বজঃ ।

প্রবৃত্তে শস্ত্রসম্পাতে ধনুরুদ্যম্য পাণ্ডবঃ ॥ ১-২০॥

হৃষীকেশং তদা বাক্যমিদমাহ মহীপতে ।

অথ ব্যবস্থিতান্ দৃষ্ট্বা ধার্ত্ররাষ্ট্রান্ কপি-ধ্বজঃ ।

প্রবৃত্তে শস্ত্র-সম্পাতে ধনুঃ উদ্যম্য পাণ্ডবঃ ॥ ১-২০॥

হৃষীকেশম্ তদা বাক্যম্ ইদম্ আহ মহীপতে ।

অথ কপি-ধ্বজঃ পাণ্ডবঃ ধার্ত্ররাষ্ট্রান্ ব্যবস্থিতান্ দৃষ্ট্বা,

শস্ত্র-সম্পাতে প্রবৃত্তে (সতি) ধনুঃ উদ্যম্য
হে মহীপতে! তদা হৃষীকেশম্ ইদম্ বাক্যম্ আহ ।

অর্জুন উবাচ ।
অর্জুনঃ উবাচ ।

সেনয়োরুভয়োর্মধ্যে রথং স্থাপয় মেঽচ্যুত ॥ ১-২১॥

সেনয়োঃ উভয়োঃ মধ্যে রথম্ স্থাপয় মে অচ্যুত ॥ ১-২১॥

হে অচ্যুত! উভয়োঃ সেনয়োঃ মধ্যে মে রথম্ স্থাপয় ।

য়াবদেতান্নিরীক্ষেঽহং য়োদ্ধুকামানবস্থিতান্ ।
কৈর্ময়া সহ য়োদ্ধব্যমস্মিন্ রণসমুদ্যমে ॥ ১-২২॥ ॥

য়াবত্ এতান্ নিরীক্ষে অহম্ য়োদ্ধু-কামান্ অবস্থিতান্ ।

কৈঃ ময়া সহ য়োদ্ধব্যম্ অস্মিন্ রণ-সমুদ্যমে ॥ ১-২২॥

য়াবত্ অহম্ য়োদ্ধু-কামান্ অবস্থিতান্ এতান্ নিরীক্ষে;

অস্মিন্ রণ-সমুদ্যমে ময়া কৈঃ সহ য়োদ্ধব্যম্ ?

য়োত্স্যমানানবেক্ষেঽহং য় এতেঽত্র সমাগতাঃ ।

ধার্তরাষ্ট্রস্য দুর্বুদ্ধের্যুদ্ধে প্রিয়চিকীর্ষবঃ ॥ ১-২৩॥ ॥

য়োত্স্যমানান্ অবেক্ষে অহম্ য়ে এতে অত্র সমাগতাঃ ।

ধার্তরাষ্ট্রস্য দুর্বুদ্ধেঃ য়ুদ্ধে প্রিয়-চিকীর্ষবঃ ॥ ১-২৩॥

দুর্বুদ্ধেঃ ধার্তরাষ্ট্রস্য য়ুদ্ধে প্রিয়-চিকীর্ষবঃ

য়ে এতে অত্র সমাগতাঃ য়োত্স্যমানান্ অহম্ অবেক্ষে ।

সঞ্জয় উবাচ ।
সঞ্জয়ঃ উবাচ ।

এবমুক্তো হৃষীকেশো গুডাকেশেন ভারত ।

সেনয়োরুভয়োর্মধ্যে স্থাপয়িত্বা রথোত্তমম্ ॥ ১-২৪॥

ভীষ্মদ্রোণপ্রমুখতঃ সর্বেষাং চ মহীক্ষিতাম্ ।

উবাচ পার্থ পশ্যৈতান্সমবেতান্কুরূনিতি ॥ ১-২৫॥

এবম্ উক্তঃ হৃষীকেশঃ গুডাকেশেন ভারত ।

সেনয়োঃ উভয়োঃ মধ্যে স্থাপয়িত্বা রথ-উত্তমম্ ॥ ১-২৪॥

ভীষ্ম-দ্রোণ-প্রমুখতঃ সর্বেষাম্ চ মহী-ক্ষিতাম্ ।

উবাচ পার্থ পশ্য এতান্ সমবেতান্ কুরূন্ ইতি ॥ ১-২৫॥

হে ভারত! এবম্ গুডাকেশেন উক্তঃ হৃষীকেশঃ, উভয়োঃ সেনয়োঃ মধ্যে,

ভীষ্ম-দ্রোণ-প্রমুখতঃ সর্বেষাম্ চ মহী-ক্ষিতাম্
রথ-উত্তমম্ স্থাপয়িত্বা, হে 'পার্থ! এতান্ সমবেতান্ কুরূন্
পশ্য', ইতি উবাচ ।

তত্রাপশ্যত্স্থিতান্পার্থঃ পিতৄনথ পিতামহান্ ।

আচার্যান্মাতুলান্ভ্রাতৄন্পুত্রান্পৌত্রান্সখীংস্তথা ॥ ১-২৬॥

শ্বশুরান্সুহৃদশ্চৈব সেনয়োরুভয়োরপি ।
তান্সমীক্ষ্য স কৌন্তেয়ঃ সর্বান্বন্ধূনবস্থিতান্ ॥ ১-২৭॥

কৃপয়া পরয়াবিষ্টো বিষীদন্নিদমব্রবীত্ ।

তত্র অপশ্যত্ স্থিতান্ পার্থঃ পিতৄন্ অথ পিতামহান্ ।

আচার্যান্ মাতুলান্ ভ্রাতৄন্ পুত্রান্ পৌত্রান্ সখীন্ তথা ॥ ১-২৬॥

শ্বশুরান্ সুহৃদঃ চ এব সেনয়োঃ উভয়োঃ অপি ।

তান্ সমীক্ষ্য সঃ কৌন্তেয়ঃ সর্বান্ বন্ধূন্ অবস্থিতান্ ॥ ১-২৭॥

কৃপয়া পরয়াবিষ্টঃ বিষীদন্ ইদম্ অব্রবীত্ ।

অথ পার্থঃ উভয়োঃ সেনয়োঃ অপি, তত্র স্থিতান্ পিতৄন্,

পিতামহান্, আচার্যান্, মাতু লান্, ভ্রাতৄন্, পুত্রান্,
পৌত্রান্ তথা সখীন্, শ্বশুরান্ সুহৃদঃ, চ এব অপশ্যত্ সঃ কৌন্তেয়ঃ ।
তান্ সর্বান্ বন্ধূন্ অবস্থিতান্ সমীক্ষ্য পরয়া কৃপয়া আবিষ্টঃ,
বিষীদন্ ইদম্ অব্রবীত্ ।

অর্জুন উবাচ ।
অর্জুনঃ উবাচ ।

দৃষ্ট্বেমং স্বজনং কৃষ্ণ য়ুয়ুত্সুং সমুপস্থিতম্ ॥ ১-২৮॥

সীদন্তি মম গাত্রাণি মুখং চ পরিশুষ্যতি ।

বেপথুশ্চ শরীরে মে রোমহর্ষশ্চ জায়তে ॥ ১-২৯॥

দৃষ্ট্বা ইমম্ স্বজনম্ কৃষ্ণ য়ুয়ুত্সুম্ সমুপস্থিতম্ ॥ ১-২৮॥

সীদন্তি মম গাত্রাণি মুখম্ চ পরিশুষ্যতি ।

বেপথুঃ চ শরীরে মে রোম-হর্ষঃ চ জায়তে ॥ ১-২৯॥

হে কৃষ্ণ! ইমম্ স্বজনম্ য়ুয়ুত্সুম্ সমুপস্থিতম্ দৃষ্ট্বা

মম গাত্রাণি সীদন্তি মুখম্ চ পরিশুষ্যতি, মে শরীরে
বেপথুঃ চ রোম-হর্ষঃ চ জায়তে ।

গাণ্ডীবং স্রংসতে হস্তাত্ত্বক্চৈব পরিদহ্যতে ।

ন চ শক্নোম্যবস্থাতুং ভ্রমতীব চ মে মনঃ ॥ ১-৩০॥

গাণ্ডীবম্ স্রংসতে হস্তাত্ ত্বক্ চ এব পরিদহ্যতে ।

ন চ শক্নোমি অবস্থাতুম্ ভ্রমতি ইব চ মে মনঃ ॥ ১-৩০॥

হস্তাত্ গাণ্ডীবম্ স্রংসতে, ত্বক্ চ এব পরিদহ্যতে,

অবস্থাতুম্ চ ন শক্নোমি মে মনঃ চ ভ্রমতি ইব ।
নিমিত্তানি চ পশ্যামি বিপরীতানি কেশব ।
ন চ শ্রেয়োঽনুপশ্যামি হত্বা স্বজনমাহবে ॥ ১-৩১॥

নিমিত্তানি চ পশ্যামি বিপরীতানি কেশব ।

ন চ শ্রেয়ঃ অনুপশ্যামি হত্বা স্বজনম্ আহবে ॥ ১-৩১॥

হে কেশব! নিমিত্তানি বিপরীতানি চ পশ্যামি । আহবে চ স্বজনম্

হত্বা শ্রেয়ঃ ন অনুপশ্যামি ।

ন কাঙ্ক্ষে বিজয়ং কৃষ্ণ ন চ রাজ্যং সুখানি চ ।

কিং নো রাজ্যেন গোবিন্দ কিং ভোগৈর্জীবিতেন বা ॥ ১-৩২॥

ন কাঙ্ক্ষে বিজয়ম্ কৃষ্ণ ন চ রাজ্যম্ সুখানি চ ।

কিম্ নঃ রাজ্যেন গোবিন্দ কিম্ ভোগৈঃ জীবিতেন বা ॥ ১-৩২॥

হে কৃষ্ণ! বিজয়ম্ ন , রাজ্যম্ চ সুখানি চ ন (কাঙ্ক্ষে)।

হে গোবিন্দ! নঃ রাজ্যেন কিম্ ভোগৈঃ জীবিতেন বা কিম্ ?

য়েষামর্থে কাঙ্ক্ষিতং নো রাজ্যং ভোগাঃ সুখানি চ ।

ত ইমেঽবস্থিতা য়ুদ্ধে প্রাণাংস্ত্যক্ত্বা ধনানি চ ॥ ১-৩৩॥

আচার্যাঃ পিতরঃ পুত্রাস্তথৈব চ পিতামহাঃ ।

মাতু লাঃ শ্বশুরাঃ পৌত্রাঃ শ্যালাঃ সম্বন্ধিনস্তথা ॥ ১-৩৪॥

য়েষাম্ অর্থে কাঙ্ক্ষিতম্ নঃ রাজ্যম্ ভোগাঃ সুখানি চ ।

তে ইমে অবস্থিতাঃ য়ুদ্ধে প্রাণান্ ত্যক্ত্বা ধনানি চ ॥ ১-৩৩॥

আচার্যাঃ পিতরঃ পুত্রাঃ তথা এব চ পিতামহাঃ ।

মাতু লাঃ শ্বশুরাঃ পৌত্রাঃ শ্যালাঃ সম্বন্ধিনঃ তথা ॥ ১-৩৪॥

য়েষাম্ অর্থে নঃ রাজ্যম্ কাঙ্ক্ষিতম্, ভোগাঃ সুখানি চ;

তে ইমে আচার্যাঃ পিতরঃ পুত্রাঃ, তথা এব চ পিতামহাঃ,
মাতু লাঃ, শ্বশুরাঃ, পৌত্রাঃ, শ্যালাঃ, তথা সম্বন্ধিনঃ প্রাণান্
ধনানি চ ত্যক্ত্বা, য়ুদ্ধে অবস্থিতাঃ ।

এতান্ন হন্তুমিচ্ছামি ঘ্নতোঽপি মধুসূদন ।

অপি ত্রৈলোক্যরাজ্যস্য হেতোঃ কিং নু মহীকৃতে ॥ ১-৩৫॥

এতান্ ন হন্তুম্ ইচ্ছামি ঘ্নতঃ অপি মধুসূদন ।

অপি ত্রৈলোক্য-রাজ্যস্য হেতোঃ কিম্ নু মহীকৃতে ॥ ১-৩৫॥

হে মধুসূদন! (মাং) ঘ্নতঃ অপি এতান্, ত্রৈলোক্য-রাজ্যস্য হেতোঃ অপি

ন হন্তুম্ ইচ্ছামি, কিম্ নু মহীকৃতে ?

নিহত্য ধার্তরাষ্ট্রান্নঃ কা প্রীতিঃ স্যাজ্জনার্দন ।

পাপমেবাশ্রয়েদস্মান্হত্বৈতানাততায়িনঃ ॥ ১-৩৬॥

নিহত্য ধার্তরাষ্ট্রান্ নঃ কা প্রীতিঃ স্যাত্ জনার্দন ।

পাপম্ এব আশ্রয়েত্ অস্মান্ হত্বা এতান্ আততায়িনঃ ॥ ১-৩৬॥

হে জনার্দন! এতান্ ধার্তরাষ্ট্রান্ নিহত্য নঃ কা প্রীতিঃ

স্যাত্ ? আততায়িনঃ হত্বা অস্মান্ পাপম্ এব আশ্রয়েত্ ।

তস্মান্নার্হা বয়ং হন্তুং ধার্তরাষ্ট্রান্স্ববান্ধবান্ ।

স্বজনং হি কথং হত্বা সুখিনঃ স্যাম মাধব ॥ ১-৩৭॥

তস্মাত্ ন অর্হাঃ বয়ম্ হন্তুম্ ধার্তরাষ্ট্রান্ স্ববান্ধবান্ ।

স্বজনম্ হি কথম্ হত্বা সুখিনঃ স্যাম মাধব ॥ ১-৩৭॥
হে মাধব! তস্মাত্ স্ববান্ধবান্ ধার্তরাষ্ট্রান্
হন্তুম্ বয়ম্ ন অর্হাঃ । হি স্বজনম্ হত্বা (বয়ম্) কথম্
সুখিনঃ স্যাম ?

য়দ্যপ্যেতে ন পশ্যন্তি লোভোপহতচেতসঃ ।

কুলক্ষয়কৃতং দোষং মিত্রদ্রোহে চ পাতকম্ ॥ ১-৩৮॥

কথং ন জ্ঞেয়মস্মাভিঃ পাপাদস্মান্নিবর্তিতুম্ ।

কুলক্ষয়কৃতং দোষং প্রপশ্যদ্ভির্জনার্দন ॥ ১-৩৯॥

য়দি অপি এতে ন পশ্যন্তি লোভ-উপহত-চেতসঃ ।

কুল-ক্ষয়-কৃতম্ দোষম্ মিত্র-দ্রোহে চ পাতকম্ ॥ ১-৩৮॥

কথম্ ন জ্ঞেয়ম্ অস্মাভিঃ পাপাত্ অস্মান্ নিবর্তিতুম্ ।

কুল-ক্ষয়-কৃতম্ দোষম্ প্রপশ্যদ্ভিঃ জনার্দন ॥ ১-৩৯॥

য়দি অপি এতে লোভ-উপহত-চেতসঃ কুল-ক্ষয়-কৃতম্ দোষম্,

মিত্র-দ্রোহে চ পাতকম্ ন পশ্যন্তি; হে জনার্দন! কুল-ক্ষয়-কৃতম্
দোষম্ প্রপশ্যদ্ভিঃ অস্মাভিঃ অস্মাত্ পাপাত্ নিবর্তিতুম্ কথম্ ন জ্ঞেয়ম্ ?

কুলক্ষয়ে প্রণশ্যন্তি কুলধর্মাঃ সনাতনাঃ ।

ধর্মে নষ্টে কুলং কৃত্স্নমধর্মোঽভিভবত্যুত ॥ ১-৪০॥

কুল-ক্ষয়ে প্রণশ্যন্তি কুল-ধর্মাঃ সনাতনাঃ ।

ধর্মে নষ্টে কুলম্ কৃত্স্নম্ অধর্মঃ অভিভবতি উত ॥ ১-৪০॥

কুল-ক্ষয়ে সনাতনাঃ কুল-ধর্মাঃ প্রণশ্যন্তি, উত ধর্মে নষ্টে

অধর্মঃ কৃত্স্নম্ কুলম্ অভিভবতি ।

অধর্মাভিভবাত্কৃষ্ণ প্রদুষ্যন্তি কুলস্ত্রিয়ঃ ।

স্ত্রীষু দুষ্টাসু বার্ষ্ণেয় জায়তে বর্ণসঙ্করঃ ॥ ১-৪১॥

অধর্ম-অভিভবাত্ কৃষ্ণ প্রদুষ্যন্তি কুল-স্ত্রিয়ঃ ।

স্ত্রীষু দুষ্টাসু বার্ষ্ণেয় জায়তে বর্ণ-সঙ্করঃ ॥ ১-৪১॥

হে কৃষ্ণ! অধর্ম-অভিভবাত্ কুল-স্ত্রিয়ঃ প্রদুষ্যন্তি ।

হে বার্ষ্ণেয়! স্ত্রীষু দুষ্টাসু বর্ণ-সঙ্করঃ জায়তে ।

সঙ্করো নরকায়ৈব কুলঘ্নানাং কুলস্য চ ।

পতন্তি পিতরো হ্যেষাং লুপ্তপিণ্ডোদকক্রিয়াঃ ॥ ১-৪২॥

সঙ্করঃ নরকায় এব কুল-ঘ্নানাম্ কুলস্য চ ।

পতন্তি পিতরঃ হি এষাম্ লুপ্ত-পিণ্ড-উদক-ক্রিয়াঃ ॥ ১-৪২॥

সঙ্করঃ কুল-ঘ্নানাম্ কুলস্য চ নরকায় এব (ভবতি);

হি এষাম্ পিতরঃ লুপ্ত-পিণ্ড-উদক-ক্রিয়াঃ (সন্তঃ) পতন্তি ।

দোষৈরেতৈঃ কুলঘ্নানাং বর্ণসঙ্করকারকৈঃ ।

উত্সাদ্যন্তে জাতিধর্মাঃ কুলধর্মাশ্চ শাশ্বতাঃ ॥ ১-৪৩॥

দোষৈঃ এতৈঃ কুল-ঘ্নানাম্ বর্ণ-সঙ্কর-কারকৈঃ ।

উত্সাদ্যন্তে জাতি-ধর্মাঃ কুল-ধর্মাঃ চ শাশ্বতাঃ ॥ ১-৪৩॥

কুল-ঘ্নানাম্ এতৈঃ বর্ণ-সঙ্কর-কারকৈঃ দোষৈঃ শাশ্বতাঃ

জাতি-ধর্মাঃ কুল-ধর্মাঃ চ উত্সাদ্যন্তে ।

উত্সন্নকুলধর্মাণাং মনুষ্যাণাং জনার্দন ।

নরকে নিয়তং বাসো ভবতীত্যনুশুশ্রুম ॥ ১-৪৪॥
উত্সন্ন-কুল-ধর্মাণাম্ মনুষ্যাণাম্ জনার্দন ।
নরকে অনিয়তম্ বাসঃ ভবতি ইতি অনুশুশ্রুম ॥ ১-৪৪॥

হে জনার্দন! উত্সন্ন-কুল-ধর্মাণাম্ মনুষ্যাণাম্

নরকে নিয়তম্ বাসঃ ভবতি, ইতি অনুশুশ্রুম ।

অহো বত মহত্পাপং কর্তুং ব্যবসিতা বয়ম্ ।

য়দ্রাজ্যসুখলোভেন হন্তুং স্বজনমুদ্যতাঃ ॥ ১-৪৫॥

অহো বত মহত্ পাপম্ কর্তুম্ ব্যবসিতা বয়ম্ ।

য়ত্ রাজ্য-সুখ-লোভেন হন্তু ম্ স্বজনম্ উদ্যতাঃ ॥ ১-৪৫॥

অহো! বত, মহত্ পাপম্ কর্তু ম্ বয়ম্ ব্যবসিতাঃ য়ত্

রাজ্য-সুখ-লোভেন স্বজনম্ হন্তু ম্ উদ্যতাঃ ।

য়দি মামপ্রতীকারমশস্ত্রং শস্ত্রপাণয়ঃ ।

ধার্তরাষ্ট্রা রণে হন্যুস্তন্মে ক্ষেমতরং ভবেত্ ॥ ১-৪৬॥

য়দি মাম্ অপ্রতীকারম্ অশস্ত্রম্ শস্ত্র-পাণয়ঃ ।

ধার্তরাষ্ট্রাঃ রণে হন্যুঃ তত্ মে ক্ষেমতরম্ ভবেত্ ॥ ১-৪৬॥

য়দি শস্ত্র-পাণয়ঃ ধার্ত রাষ্ট্রাঃ অশস্ত্রম্ অপ্রতীকারম্

মাম্ রণে হন্যুঃ তত্ মে ক্ষেমতরম্ ভবেত্ ।

সঞ্জয় উবাচ ।
সঞ্জয়ঃ উবাচ ।

এবমুক্ত্বার্জুনঃ সঙ্খ্যে রথোপস্থ উপাবিশত্ ।

বিসৃজ্য সশরং চাপং শোকসংবিগ্নমানসঃ ॥ ১-৪৭॥

এবম্ উক্ত্বা অর্জুনঃ সঙ্খ্যে রথ-উপস্থে উপাবিশত্ ।

বিসৃজ্য সশরম্ চাপং শোক-সংবিগ্ন-মানসঃ ॥ ১-৪৭॥

সঙ্খ্যে এবম্ উক্ত্বা, শোক-সংবিগ্ন-মানসঃ অর্জুনঃ

সশরম্ চাপং বিসৃজ্য, রথ-উপস্থে উপাবিশত্ ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
অর্জুনবিষাদয়োগো নাম প্রথমোঽধ্যায়ঃ ॥ ১॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াং য়োগ-শাস্ত্রে শ্রীকৃষ্ণ-অর্জুন-সংবাদে
অর্জুন-বিষাদ-য়োগঃ নাম প্রথমঃ অধ্যায়ঃ ॥ ১॥

অথ দ্বিতীয়োঽধ্যায়ঃ । সাঙ্খ্যয়োগঃ ।
অথ দ্বিতীয়ঃ অধ্যায়ঃ । সাঙ্খ্য-য়োগঃ ।

সঞ্জয় উবাচ ।
সঞ্জয়ঃ উবাচ ।

তং তথা কৃপয়াবিষ্টমশ্রুপূর্ণাকুলেক্ষণম্ ।
বিষীদন্তমিদং বাক্যমুবাচ মধুসূদনঃ ॥ ২-১॥

তম্ তথা কৃপয়া আবিষ্টম্ অশ্রু-পূর্ণ-আকুল-ঈক্ষণম্ ।

বিষীদন্তম্ ইদম্ বাক্যম্ উবাচ মধুসূদনঃ ॥ ২-১॥
তথা কৃপয়া আবিষ্টম্ অশ্রু-পূর্ণ-আকুল-ঈক্ষণম্
বিষীদন্তম্ তম্ মধুসূদনঃ ইদম্ বাক্যম্ উবাচ ।

শ্রীভগবানুবাচ ।
শ্রীভগবান্ উবাচ ।

কুতস্ত্বা কশ্মলমিদং বিষমে সমুপস্থিতম্ ।

অনার্যজুষ্টমস্বর্গ্যমকীর্তিকরমর্জুন ॥ ২-২॥

কুতঃ ত্বা কশ্মলম্ ইদম্ বিষমে সমুপস্থিতম্ ।

অনার্য-জুষ্টম্ অস্বর্গ্যম্ অকীর্তিকরম্ অর্জুন ॥ ২-২॥

হে অর্জুন! অনার্য-জুষ্টম্ অস্বর্গ্যম্ অকীর্তিকরম্

ইদম্ কশ্মলম্ বিষমে ত্বা কুতঃ সমুপস্থিতম্ ?

ক্লৈব্যং মা স্ম গমঃ পার্থ নৈতত্ত্বয়্যুপপদ্যতে ।

ক্ষুদ্রং হৃদয়দৌর্বল্যং ত্যক্ত্বোত্তিষ্ঠ পরন্তপ ॥ ২-৩॥

ক্লৈব্যম্ মা স্ম গমঃ পার্থ ন এতত্ ত্বয়ি উপপদ্যতে ।

ক্ষুদ্রম্ হৃদয়-দৌর্বল্যম্ ত্যক্ত্বা উত্তিষ্ঠ পরন্তপ ॥ ২-৩॥

হে পার্থ! ক্লৈব্যম্ মা স্ম গমঃ । এতত্ ত্বয়ি ন উপপদ্যতে ।

হে পরন্তপ! ক্ষুদ্রম্ হৃদয়-দৌর্বল্যম্ ত্যক্ত্বা উত্তিষ্ঠ ।

অর্জুন উবাচ ।
অর্জুনঃ উবাচ ।

কথং ভীষ্মমহং সঙ্খ্যে দ্রোণং চ মধুসূদন ।

ইষুভিঃ প্রতিয়োত্স্যামি পূজার্হাবরিসূদন ॥ ২-৪॥

কথম্ ভীষ্মম্ অহম্ সঙ্খ্যে দ্রোণম্ চ মধুসূদন ।

ইষুভিঃ প্রতিয়োত্স্যামি পূজা-অর্হৌ অরি-সূদন ॥ ২-৪॥

হে মধুসূদন! অহম্ ভীষ্মম্ দ্রোণম্ চ সঙ্খ্যে ইষুভিঃ কথম্

প্রতিয়োত্স্যামি? অরি-সূদন! (এতৌ) পূজা-অর্হৌ ।

গুরূনহত্বা হি মহানুভাবান্
শ্রেয়ো ভোক্তুং ভৈক্ষ্যমপীহ লোকে ।
হত্বার্থকামাংস্তু গুরূনিহৈব
ভুঞ্জীয় ভোগান্ রুধিরপ্রদিগ্ধান্ ॥ ২-৫॥

গুরূন্ অহত্বা হি মহানুভাবান্

শ্রেয়ঃ ভোক্তুম্ ভৈক্ষ্যম্ অপি ইহ লোকে ।
হত্বা অর্থ-কামান্ তু গুরূন্ ইহ এব
ভুঞ্জীয় ভোগান্ রুধির-প্রদিগ্ধান্ ॥ ২-৫॥

হি মহানুভাবান্ গুরূন্ অহত্বা, ইহ লোকে ভৈক্ষ্যম্ ভোক্তুম্

অপি শ্রেয়ঃ । গুরূন্ হত্বা তু ইহ এব রুধির-প্রদিগ্ধান্
অর্থ-কামান্ ভোগান্ ভুঞ্জীয় ।

ন চৈতদ্বিদ্মঃ কতরন্নো গরীয়ো

য়দ্বা জয়েম য়দি বা নো জয়েয়ুঃ ।
য়ানেব হত্বা ন জিজীবিষাম-
স্তেঽবস্থিতাঃ প্রমুখে ধার্তরাষ্ট্রাঃ ॥ ২-৬॥

ন চ এতত্ বিদ্মঃ কতরত্ নঃ গরীয়ঃ

য়ত্ বা জয়েম য়দি বা নঃ জয়েয়ুঃ ।
য়ান্ এব হত্বা ন জিজীবিষামঃ
তে অবস্থিতাঃ প্রমুখে ধার্তরাষ্ট্রাঃ ॥ ২-৬॥
নঃ কতরত্ গরীয়ঃ? য়ত্ বা (বয়ং) জয়েম, য়দি বা (তে)
নঃ জয়েয়ুঃ, এতত্ চ ন বিদ্মঃ । য়ান্ হত্বা ন জিজীবিষামঃ,
তে এব ধার্তরাষ্ট্রাঃ প্রমুখে অবস্থিতাঃ ।

কার্পণ্যদোষোপহতস্বভাবঃ
পৃচ্ছামি ত্বাং ধর্মসম্মূঢচেতাঃ ।
য়চ্ছ্রেয়ঃ স্যান্নিশ্চিতং ব্রূহি তন্মে
শিষ্যস্তেঽহং শাধি মাং ত্বাং প্রপন্নম্ ॥ ২-৭॥

কার্পণ্য-দোষ-উপহত-স্বভাবঃ
পৃচ্ছামি ত্বাম্ ধর্ম-সম্মূঢ-চেতাঃ ।
য়ত্ শ্রেয়ঃ স্যাত্ নিশ্চিতম্ ব্রূহি তত্ মে
শিষ্যঃ তে অহম্ শাধি মাম্ ত্বাম্ প্রপন্নম্ ॥ ২-৭॥

কার্পণ্য-দোষ-উপহত-স্বভাবঃ ধর্ম-সম্মূঢ-চেতাঃ (অহং)

ত্বাম্ পৃচ্ছামি । য়ত্ নিশ্চিতম্ শ্রেয়ঃ স্যাত্, তত্ মে ব্রূহি ।
অহম্ তে শিষ্যঃ । ত্বাম্ প্রপন্নম্ মাম্ শাধি ।

ন হি প্রপশ্যামি মমাপনুদ্যাদ্
য়চ্ছোকমুচ্ছোষণমিন্দ্রিয়াণাম্ ।
অবাপ্য ভূমাবসপত্নমৃদ্ধং
রাজ্যং সুরাণামপি চাধিপত্যম্ ॥ ২-৮॥

ন হি প্রপশ্যামি মম অপনুদ্যাত্
য়ত্ শোকম্ উচ্ছোষণম্ ইন্দ্রিয়াণাম্ ।
অবাপ্য ভূমৌ অসপত্নম্ ঋদ্ধম্
রাজ্যম্ সুরাণাম্ অপি চ আধিপত্যম্ ॥ ২-৮॥

হি ভূমৌ অসপত্নম্ ঋদ্ধম্ রাজ্যম্ অবাপ্য , সুরাণাম্ চ অপি

আধিপত্যম্, য়ত্ মম ইন্দ্রিয়াণাম্ উচ্ছোষণম্ শোকম্
অপনুদ্যাত্ ন প্রপশ্যামি ।

সঞ্জয় উবাচ ।
সঞ্জয়ঃ উবাচ ।

এবমুক্ত্বা হৃষীকেশং গুডাকেশঃ পরন্তপঃ ।

ন য়োত্স্য ইতি গোবিন্দমুক্ত্বা তূষ্ণীং বভূব হ ॥ ২-৯॥

এবম্ উক্ত্বা হৃষীকেশম্ গুডাকেশঃ পরন্তপঃ ।

ন য়োত্স্যে ইতি গোবিন্দম্ উক্ত্বা তূষ্ণীম্ বভূব হ ॥ ২-৯॥

পরন্তপঃ গুডাকেশঃ হৃষীকেশম্ এবম্ উক্ত্বা 'ন য়োত্স্যে'

ইতি গোবিন্দম্ উক্ত্বা তূষ্ণীম্ বভূব হ ।

তমুবাচ হৃষীকেশঃ প্রহসন্নিব ভারত ।

সেনয়োরুভয়োর্মধ্যে বিষীদন্তমিদং বচঃ ॥ ২-১০॥

তম্ উবাচ হৃষীকেশঃ প্রহসন্ ইব ভারত ।

সেনয়োঃ উভয়োঃ মধ্যে বিষীদন্তম্ ইদম্ বচঃ ॥ ২-১০॥

হে ভারত! উভয়োঃ সেনয়োঃ মধ্যে বিষীদন্তম্ (অর্জুনং) তম্

হৃষীকেশঃ প্রহসন্ ইব ইদম্ বচঃ উবাচ ।

শ্রীভগবানুবাচ ।
শ্রীভগবান্ উবাচ ।

অশোচ্যানন্বশোচস্ত্বং প্রজ্ঞাবাদাংশ্চ ভাষসে ।

গতাসূনগতাসূংশ্চ নানুশোচন্তি পণ্ডিতাঃ ॥ ২-১১॥
অশোচ্যান্ অন্বশোচঃ ত্বম্ প্রজ্ঞা-বাদা চ ভাষসে ।
গতাসূন্ অগতাসূন্ চ ন অনুশোচন্তি পণ্ডিতাঃ ॥ ২-১১॥

ত্বম্ অশোচ্যান্ অন্বশোচঃ । প্রজ্ঞা-বাদান্ চ ভাষসে ।

পণ্ডিতাঃ গতাসূন্ অগতাসূন্ চ ন অনুশোচন্তি ।

ন ত্বেবাহং জাতু নাসং ন ত্বং নেমে জনাধিপাঃ ।

ন চৈব ন ভবিষ্যামঃ সর্বে বয়মতঃ পরম্ ॥ ২-১২॥

ন তু এব অহম্ জাতু ন আসম্ ন ত্বম্ ন ইমে জনাধিপাঃ ।

ন চ এব ন ভবিষ্যামঃ সর্বে বয়ম্ অতঃ পরম্ ॥ ২-১২॥

অহম্ জাতু ন আসম্ (ইতি) ন তু এব, ত্বম্ (জাতু ন আসীঃ ইতি)ন,

ইমে জনাধিপাঃ (জাতু ন আসন্ ইতি) ন, ।
অতঃ পরম্ চ বয়ম্ সর্বে ন ভবিষ্যামঃ (ইতি) ন এব ।

দেহিনোঽস্মিন্যথা দেহে কৌমারং য়ৌবনং জরা ।

তথা দেহান্তরপ্রাপ্তির্ধীরস্তত্র ন মুহ্যতি ॥ ২-১৩॥

দেহিনঃ অস্মিন্ য়থা দেহে কৌমারম্ য়ৌবনম্ জরা ।

তথা দেহান্তর-প্রাপ্তিঃ ধীরঃ তত্র ন মুহ্যতি ॥ ২-১৩॥

দেহিনঃ অস্মিন্ দেহে য়থা কৌমারম্ য়ৌবনম্ জরা, তথা

দেহান্তর-প্রাপ্তিঃ । তত্র ধীরঃ ন মুহ্যতি ।

মাত্রাস্পর্শাস্তু কৌন্তেয় শীতোষ্ণসুখদুঃখদাঃ ।

আগমাপায়িনোঽনিত্যাস্তাংস্তিতিক্ষস্ব ভারত ॥ ২-১৪॥

মাত্রা-স্পর্শাঃ তু কৌন্তেয় শীত-উষ্ণ-সুখ-দুঃখ-দাঃ ।

আগম অপায়িনঃ অনিত্যাঃ । ভারত তান্ তিতিক্ষস্ব ॥ ২-১৪॥

হে কৌন্তেয়! মাত্রা-স্পর্শাঃ তু শীত-উষ্ণ-সুখ-দুঃখ-দাঃ,

আগম অপায়িনঃ, অনিত্যাঃ । হে ভারত! তান্ তিতিক্ষস্ব ।

য়ং হি ন ব্যথয়ন্ত্যেতে পুরুষং পুরুষর্ষভ ।

সমদুঃখসুখং ধীরং সোঽমৃতত্বায় কল্পতে ॥ ২-১৫॥

য়ম্ হি ন ব্যথয়ন্তি এতে পুরুষম্ পুরুষ-ঋষভ ।

সম-দুঃখ-সুখম্ ধীরম্ সঃ অমৃতত্বায় কল্পতে ॥ ২-১৫॥

হে পুরুষ-ঋষভ! হি য়ম্ সম-দুঃখ-সুখম্ ধীরম্ পুরুষম্

এতে ন ব্যথয়ন্তি, সঃ অমৃতত্বায় কল্পতে ।

নাসতো বিদ্যতে ভাবো নাভাবো বিদ্যতে সতঃ ।

উভয়োরপি দৃষ্টোঽন্তস্ত্বনয়োস্তত্ত্বদর্শিভিঃ ॥ ২-১৬॥

ন অসতঃ বিদ্যতে ভাবঃ ন অভাবঃ বিদ্যতে সতঃ ।

উভয়োঃ অপি দৃষ্টঃ অন্তঃ তু অনয়োঃ তত্ত্ব-দর্শিভিঃ ॥ ২-১৬॥

অসতঃ ভাবঃ ন বিদ্যতে সতঃ অভাবঃ ন বিদ্যতে । তত্ত্ব-দর্শিভিঃ তু

উভয়োঃ অপি অনয়োঃ অন্তঃ দৃষ্টঃ ।

অবিনাশি তু তদ্বিদ্ধি য়েন সর্বমিদং ততম্ ।

বিনাশমব্যয়স্যাস্য ন কশ্চিত্কর্তুমর্হতি ॥ ২-১৭॥

অবিনাশি তু তত্ বিদ্ধি য়েন সর্বম্ ইদম্ ততম্ ।

বিনাশম্ অব্যয়স্য অস্য ন কশ্চিত্ কর্তুম্ অর্হতি ॥ ২-১৭॥
বিদ্ধি, য়েন ইদম্ সর্বম্ ততম্, তত্ তু অবিনাশি । অস্য
অব্যয়স্য বিনাশম্ কর্তুম্, কশ্চিত্ ন অর্হতি ।

অন্তবন্ত ইমে দেহা নিত্যস্যোক্তাঃ শরীরিণঃ ।

অনাশিনোঽপ্রমেয়স্য তস্মাদ্যুধ্যস্ব ভারত ॥ ২-১৮॥

অন্তবন্তঃ ইমে দেহাঃ নিত্যস্য উক্তাঃ শরীরিণঃ ।

অনাশিনঃ অপ্রমেয়স্য তস্মাত্ য়ুধ্যস্ব ভারত ॥ ২-১৮॥

অনাশিনঃ অপ্রমেয়স্য নিত্যস্য শরীরিণঃ ইমে দেহাঃ অন্তবন্তঃ

উক্তাঃ । হে ভারত! তস্মাত্ য়ুধ্যস্ব ।

য় এনং বেত্তি হন্তারং য়শ্চৈনং মন্যতে হতম্

উভৌ তৌ ন বিজানীতো নায়ং হন্তি ন হন্যতে ॥ ২-১৯॥

য়ঃ এনম্ বেত্তি হন্তারম্ য়ঃ চ এনম্ মন্যতে হতম্

উভৌ তৌ ন বিজানীতঃ ন অয়ম্ হন্তি ন হন্যতে ॥ ২-১৯॥

য়ঃ এনম্ হন্তারম্ বেত্তি, য়ঃ চ এনম্ হতম্ মন্যতে তৌ উভৌ

ন বিজানীতঃ, অয়ম্ ন হন্তি ন হন্যতে ।

ন জায়তে ম্রিয়তে বা কদাচিন্

নায়ং ভূত্বা ভবিতা বা ন ভূয়ঃ ।
অজো নিত্যঃ শাশ্বতোঽয়ং পুরাণো
ন হন্যতে হন্যমানে শরীরে ॥ ২-২০॥

ন জায়তে ম্রিয়তে বা কদাচিত্

ন অয়ম্ ভূত্বা অভবিতা বা ন ভূয়ঃ ।
অজঃ নিত্যঃ শাশ্বতঃ অয়ম্ পুরাণঃ
ন হন্যতে হন্যমানে শরীরে ॥ ২-২০॥

অয়ম্ কদাচিত্ ন জায়তে, ন বা ম্রিয়তে, (অয়ম্) ভূত্বা ভূয়ঃ

অভবিতা বা ন। অয়ম্ অজঃ নিত্যঃ শাশ্বতঃ পুরাণঃ, শরীরে
হন্যমানে ন হন্যতে ।

বেদাবিনাশিনং নিত্যং য় এনমজমব্যয়ম্ ।

কথং স পুরুষঃ পার্থ কং ঘাতয়তি হন্তি কম্ ॥ ২-২১॥

বেদ অবিনাশিনম্ নিত্যম্ য়ঃ এনম্ অজম্ অব্যয়ম্ ।

কথম্ সঃ পুরুষঃ পার্থ কম্ ঘাতয়তি হন্তি কম্ ॥ ২-২১॥

হে পার্থ! য়ঃ এনম্ অবিনাশিনম্ নিত্যম্ অজম্ অব্যয়ম্ বেদ,

সঃ পুরুষঃ কথম্ কম্ ঘাতয়তি, কম্ হন্তি ?

বাসাংসি জীর্ণানি য়থা বিহায়

নবানি গৃহ্ণাতি নরোঽপরাণি ।
তথা শরীরাণি বিহায় জীর্ণা-
ন্যন্যানি সংয়াতি নবানি দেহী ॥ ২-২২॥

বাসাংসি জীর্ণানি য়থা বিহায়

নবানি গৃহ্ণাতি নরঃ অপরাণি ।
তথা শরীরাণি বিহায় জীর্ণানি
অন্যানি সংয়াতি নবানি দেহী ॥ ২-২২॥

য়থা নরঃ জীর্ণানি বাসাংসি বিহায়, অপরাণি নবানি গৃহ্ণাতি,

তথা দেহী জীর্ণানি শরীরাণি বিহায় অন্যানি নবানি সংয়াতি ।

নৈনং ছিন্দন্তি শস্ত্রাণি নৈনং দহতি পাবকঃ ।

ন চৈনং ক্লেদয়ন্ত্যাপো ন শোষয়তি মারুতঃ ॥ ২-২৩॥
ন এনম্ ছিন্দন্তি শস্ত্রাণি ন এনম্ দহতি পাবকঃ ।
ন চ এনম্ ক্লেদয়ন্তি আপঃ ন শোষয়তি মারুতঃ ॥ ২-২৩॥

এনম্ শস্ত্রাণি ন ছিন্দন্তি, এনম্ পাবকঃ ন দহতি

এনম্ আপঃ ন ক্লেদয়ন্তি, (এনম্) চ মারুতঃ ন শোষয়তি ।

অচ্ছেদ্যোঽয়মদাহ্যোঽয়মক্লেদ্যোঽশোষ্য এব চ ।
নিত্যঃ সর্বগতঃ স্থাণুরচলোঽয়ং সনাতনঃ ॥ ২-২৪॥

অচ্ছেদ্যঃ অয়ম্ অদাহ্যঃ অয়ম্ অক্লেদ্যঃ অশোষ্যঃ এব চ ।

নিত্যঃ সর্বগতঃ স্থাণুঃ অচলঃ অয়ম্ সনাতনঃ ॥ ২-২৪॥

অয়ম্ অচ্ছেদ্যঃ, অয়ম্ অদাহ্যঃ, অয়ম্ অক্লেদ্যঃ, (অয়ম্)

অশোষ্যঃ চ এব । অয়ম্ নিত্যঃ, সর্বগতঃ, স্থাণুঃ, অচলঃ, সনাতনঃ ।

অব্যক্তোঽয়মচিন্ত্যোঽয়মবিকার্যোঽয়মুচ্যতে ।
তস্মাদেবং বিদিত্বৈনং নানুশোচিতুমর্হসি ॥ ২-২৫॥

অব্যক্তঃ অয়ম্ অচিন্ত্যঃ অয়ম্ অবিকার্যঃ অয়ম্ উচ্যতে ।

তস্মাত্ এবম্ বিদিত্বা এনম্ ন অনুশোচিতুম্ অর্হসি ॥ ২-২৫॥

অয়ম্ অব্যক্তঃ, অয়ম্ অচিন্ত্যঃ, অয়ম্ অবিকার্যঃ উচ্যতে ।

তস্মাত্ এনম্ এবম্ বিদিত্বা (ত্বং) অনুশোচিতুম্ ন অর্হসি ।

অথ চৈনং নিত্যজাতং নিত্যং বা মন্যসে মৃতম্ ।

তথাপি ত্বং মহাবাহো নৈনং শোচিতুমর্হসি ॥ ২-২৬॥

অথ চ এনম্ নিত্য-জাতম্ নিত্যম্ বা মন্যসে মৃতম্ ।

তথা অপি ত্বম্ মহা-বাহো ন এনম্ শোচিতুম্ অর্হসি ॥ ২-২৬॥

অথ চ এনম্ নিত্য-জাতম্, নিত্যম্ বা মৃতম্ মন্যসে ,

তথা অপি হে মহা-বাহো! ত্বম্ এনম্ শোচিতুম্ ন অর্হসি ।

জাতস্য হি ধ্রুবো মৃত্যুর্ধ্রুবং জন্ম মৃতস্য চ ।

তস্মাদপরিহার্যেঽর্থে ন ত্বং শোচিতুমর্হসি ॥ ২-২৭॥

জাতস্য হি ধ্রুবঃ মৃত্যুঃ ধ্রুবম্ জন্ম মৃতস্য চ ।

তস্মাত্ অপরিহার্যে অর্থে ন ত্বম্ শোচিতুম্ অর্হসি ॥ ২-২৭॥

হি জাতস্য মৃত্যুঃ ধ্রুবঃ, মৃতস্য চ জন্ম ধ্রুবম্,

তস্মাত্ অপরিহার্যে অর্থে ত্বম্ শোচিতুম্ ন অর্হসি ।

অব্যক্তাদীনি ভূতানি ব্যক্তমধ্যানি ভারত ।

অব্যক্তনিধনান্যেব তত্র কা পরিদেবনা ॥ ২-২৮॥

অব্যক্ত-আদীনি ভূতানি ব্যক্ত-মধ্যানি ভারত ।

অব্যক্ত-নিধনানি এব তত্র কা পরিদেবনা ॥ ২-২৮॥

হে ভারত! ভূতানি অব্যক্ত-আদীনি ব্যক্ত-মধ্যানি অব্যক্ত-নিধনানি এব,

তত্র পরিদেবনা কা?

আশ্চর্যবত্পশ্যতি কশ্চিদেন্-
মাশ্চর্যবদ্বদতি তথৈব চান্যঃ ।
আশ্চর্যবচ্চৈনমন্যঃ শৃণোতি
শ্রুত্বাপ্যেনং বেদ ন চৈব কশ্চিত্ ॥ ২-২৯॥

আশ্চর্যবত্ পশ্যতি কশ্চিত্ এনম্

আশ্চর্যবত্ বদতি তথা এব চ অন্যঃ ।
আশ্চর্যবত্ চ এনম্ অন্যঃ শৃণোতি
শ্রুত্বা অপি এনম্ বেদ ন চ এব কশ্চিত্ ॥ ২-২৯॥

কশ্চিত্ এনম্ আশ্চর্যবত্ পশ্যতি, তথা এব চ অন্যঃ

এনম্ আশ্চর্যবত্ বদতি, অন্যঃ চ এনম্ আশ্চর্যবত্ শৃণোতি;
শ্রুত্বা অপি চ কশ্চিত্ এব ন বেদ ।

দেহী নিত্যমবধ্যোঽয়ং দেহে সর্বস্য ভারত ।

তস্মাত্সর্বাণি ভূতানি ন ত্বং শোচিতুমর্হসি ॥ ২-৩০॥

দেহী নিত্যম্ অবধ্যঃ অয়ম্ দেহে সর্বস্য ভারত ।

তস্মাত্ সর্বাণি ভূতানি ন ত্বম্ শোচিতুম্ অর্হসি ॥ ২-৩০॥

হে ভারত! সর্বস্য দেহে অয়ম্ দেহী নিত্যম্ অবধ্যঃ; তস্মাত্

ত্বম্ সর্বাণি ভূতানি শোচিতুম্ ন অর্হসি ।

স্বধর্মমপি চাবেক্ষ্য ন বিকম্পিতুমর্হসি ।

ধর্ম্যাদ্ধি য়ুদ্ধাচ্ছ্রেয়োঽন্যত্ক্ষত্রিয়স্য ন বিদ্যতে ॥ ২-৩১॥

স্বধর্মম্ অপি চ অবেক্ষ্য ন বিকম্পিতুম্ অর্হসি ।

ধর্ম্যাত্ হি য়ুদ্ধাত্ শ্রেয়ঃ অন্যত্ ক্ষত্রিয়স্য ন বিদ্যতে ॥ ২-৩১॥

স্বধর্মম্ চ অপি অবেক্ষ্য বিকম্পিতুম্ ন অর্হসি । হি ক্ষত্রিয়স্য

ধর্ম্যাত্ য়ুদ্ধাত্ অন্যত্ শ্রেয়ঃ ন বিদ্যতে ।

য়দৃচ্ছয়া চোপপন্নং স্বর্গদ্বারমপাবৃতম্ ।

সুখিনঃ ক্ষত্রিয়াঃ পার্থ লভন্তে য়ুদ্ধমীদৃশম্ ॥ ২-৩২॥

য়ত্ ঋচ্ছয়া চ উপপন্নং স্বর্গ-দ্বারম্ অপাবৃতম্ ।

সুখিনঃ ক্ষত্রিয়াঃ পার্থ লভন্তে য়ুদ্ধম্ ঈদৃশম্ ॥ ২-৩২॥

হে পার্থ! য়ত্ ঋচ্ছয়া চ উপপন্নম্ ঈদৃশম্ অপাবৃতম্

স্বর্গ-দ্বারম্ য়ুদ্ধম্ সুখিনঃ ক্ষত্রিয়াঃ লভন্তে ।

অথ চেত্ত্বমিমং ধর্ম্যং সংগ্রামং ন করিষ্যসি ।

ততঃ স্বধর্মং কীর্তিং চ হিত্বা পাপমবাপ্স্যসি ॥ ২-৩৩॥

অথ চেত্ ত্বম্ ইমম্ ধর্ম্যম্ সঙ্গ্রামম্ ন করিষ্যসি ।

ততঃ স্বধর্মম্ কীর্তিম্ চ হিত্বা পাপম্ অবাপ্স্যসি ॥ ২-৩৩॥

অথ ত্বম্ ইমম্ ধর্ম্যম্ সঙ্গ্রামম্ ন করিষ্যসি চেত্, ততঃ

স্বধর্মম্ কীর্তিম্ চ হিত্বা পাপম্ অবাপ্স্যসি ।

অকীর্তিং চাপি ভূতানি কথয়িষ্যন্তি তেঽব্যয়াম্ ।

সম্ভাবিতস্য চাকীর্তির্মরণাদতিরিচ্যতে ॥ ২-৩৪॥

অকীর্তিম্ চ অপি ভূতানি কথয়িষ্যন্তি তে অব্যয়াম্ ।

সম্ভাবিতস্য চ অকীর্তিঃ মরণাত্ অতিরিচ্যতে ॥ ২-৩৪॥

অপি চ ভূতানি তে অব্যয়াম্ অকীর্তিম্ কথয়িষ্যন্তি ।

সম্ভাবিতস্য চ অকীর্তিঃ মরণাত্ অতিরিচ্যতে ।

ভয়াদ্রণাদুপরতং মংস্যন্তে ত্বাং মহারথাঃ ।

য়েষাং চ ত্বং বহুমতো ভূত্বা য়াস্যসি লাঘবম্ ॥ ২-৩৫॥

ভয়াত্ রণাত্ উপরতম্ মংস্যন্তে ত্বাম্ মহারথাঃ ।

য়েষাম্ চ ত্বম্ বহু-মতঃ ভূ ত্বা য়াস্যসি লাঘবম্ ॥ ২-৩৫॥

মহারথাঃ ত্বাম্ ভয়াত্ রণাত্ উপরতম্ মংস্যন্তে;

য়েষাম্ চ ত্বম্ বহু-মতঃ ভূ ত্বা, লাঘবম্ য়াস্যসি ।

অবাচ্যবাদাংশ্চ বহূন্বদিষ্যন্তি তবাহিতাঃ ।

নিন্দন্তস্তব সামর্থ্যং ততো দুঃখতরং নু কিম্ ॥ ২-৩৬॥

অবাচ্য-বাদান্ চ বহূন্ বদিষ্যন্তি তব অহিতাঃ ।

নিন্দন্তঃ তব সামর্থ্যম্ ততঃ দুঃখতরম্ নু কিম্ ॥ ২-৩৬॥

তব সামর্থ্যম্ নিন্দন্তঃ তব অহিতাঃ চ বহূন্ অবাচ্য-বাদান্

বদিষ্যন্তি । ততঃ কিম্ নু দুঃখতরম্?

হতো বা প্রাপ্স্যসি স্বর্গং জিত্বা বা ভোক্ষ্যসে মহীম্ ।

তস্মাদুত্তিষ্ঠ কৌন্তেয় য়ুদ্ধায় কৃতনিশ্চয়ঃ ॥ ২-৩৭॥

হতঃ বা প্রাপ্স্যসি স্বর্গম্ জিত্বা বা ভোক্ষ্যসে মহীম্ ।

তস্মাত্ উত্তিষ্ঠ কৌন্তেয় য়ুদ্ধায় কৃত-নিশ্চয়ঃ ॥ ২-৩৭॥

হতঃ বা স্বর্গম্ প্রাপ্স্যসি, জিত্বা বা মহীম্ ভোক্ষ্যসে ।

হে কৌন্তেয়! তস্মাত্ য়ুদ্ধায় কৃত-নিশ্চয়ঃ উত্তিষ্ঠ ।

সুখদুঃখে সমে কৃত্বা লাভালাভৌ জয়াজয়ৌ ।

ততো য়ুদ্ধায় য়ুজ্যস্ব নৈবং পাপমবাপ্স্যসি ॥ ২-৩৮॥

সুখ-দুঃখে সমে কৃত্বা লাভ-অলাভৌ জয়-অজয়ৌ ।

ততঃ য়ুদ্ধায় য়ুজ্যস্ব ন এবম্ পাপম্ অবাপ্স্যসি ॥ ২-৩৮॥

সুখ-দুঃখে লাভ-অলাভৌ জয়-অজয়ৌ সমে কৃত্বা ততঃ য়ুদ্ধায় য়ুজ্যস্ব ।

এবম্ পাপম্ ন অবাপ্স্যসি ।

এষা তেঽভিহিতা সাঙ্খ্যে বুদ্ধির্যোগে ত্বিমাং শৃণু ।

বুদ্ধ্যা য়ুক্তো য়য়া পার্থ কর্মবন্ধং প্রহাস্যসি ॥ ২-৩৯॥

এষা তে অভিহিতা সাঙ্খ্যে বুদ্ধিঃ য়োগে তু ইমাম্ শৃণু ।

বুদ্ধ্যা য়ুক্তঃ য়য়া পার্থ কর্ম-বন্ধম্ প্রহাস্যসি ॥ ২-৩৯॥

হে পার্থ! এষা তে সাঙ্খ্যে বুদ্ধিঃ অভিহিতা; য়োগে তু ইমাম্ (বুদ্ধিং)

শৃণু । য়য়া বুদ্ধ্যা য়ুক্তঃ (ত্বং) কর্ম-বন্ধম্ প্রহাস্যসি ।

নেহাভিক্রমনাশোঽস্তি প্রত্যবায়ো ন বিদ্যতে ।

স্বল্পমপ্যস্য ধর্মস্য ত্রায়তে মহতো ভয়াত্ ॥ ২-৪০॥

ন ইহ অভিক্রম-নাশঃ অস্তি প্রত্যবায়ঃ ন বিদ্যতে ।

স্বল্পম্ অপি অস্য ধর্মস্য ত্রায়তে মহতঃ ভয়াত্ ॥ ২-৪০॥

ইহ অভিক্রম-নাশঃ ন অস্তি, প্রত্যবায়ঃ ন বিদ্যতে, অস্য ধর্মস্য

স্বল্পম্ অপি (অনুষ্ঠানং) মহতঃ ভয়াত্ ত্রায়তে ।

ব্যবসায়াত্মিকা বুদ্ধিরেকেহ কুরুনন্দন ।

বহুশাখা হ্যনন্তাশ্চ বুদ্ধয়োঽব্যবসায়িনাম্ ॥ ২-৪১॥

ব্যবসায়-আত্মিকা বুদ্ধিঃ একা ইহ কুরু-নন্দন ।

বহু-শাখাঃ হি অনন্তাঃ চ বুদ্ধয়ঃ অব্যবসায়িনাম্ ॥ ২-৪১॥

হে কুরু-নন্দন! ইহ ব্যবসায়-আত্মিকা একা বুদ্ধিঃ ।

অব্যবসায়িনাম্ হি বুদ্ধয়ঃ অনন্তাঃ বহু-শাখাঃ চ ।

য়ামিমাং পুষ্পিতাং বাচং প্রবদন্ত্যবিপশ্চিতঃ ।

বেদবাদরতাঃ পার্থ নান্যদস্তীতি বাদিনঃ ॥ ২-৪২॥
কামাত্মানঃ স্বর্গপরা জন্মকর্মফলপ্রদাম্ ।
ক্রিয়াবিশেষবহুলাং ভোগৈশ্বর্যগতিং প্রতি ॥ ২-৪৩॥

ভোগৈশ্বর্যপ্রসক্তানাং তয়াপহৃতচেতসাম্ ।
ব্যবসায়াত্মিকা বুদ্ধিঃ সমাধৌ ন বিধীয়তে ॥ ২-৪৪॥

য়াম্ ইমাম্ পুষ্পিতাম্ বাচম্ প্রবদন্তি অবিপশ্চিতঃ ।

বেদ-বাদ-রতাঃ পার্থ ন অন্যত্ অস্তি ইতি বাদিনঃ ॥ ২-৪২॥

কাম-আত্মানঃ স্বর্গ-পরাঃ জন্ম-কর্ম-ফল-প্রদাম্ ।

ক্রিয়া-বিশেষ-বহুলাম্ ভোগ-ঐশ্বর্য-গতিম্ প্রতি ॥ ২-৪৩॥

ভোগ-ঐশ্বর্য-প্রসক্তানাম্ তয়া অপহৃত-চেতসাম্ ।

ব্যবসায়-আত্মিকা বুদ্ধিঃ সমাধৌ ন বিধীয়তে ॥ ২-৪৪॥

হে পার্থ! বেদ-বাদ-রতাঃ, অন্যত্ ন অস্তি ইতি বাদিনঃ,

অবিপশ্চিতঃ, কাম-আত্মানঃ, স্বর্গ-পরাঃ, ভোগ-ঐশ্বর্য-গতিম্
প্রতি ক্রিয়া-বিশেষ-বহুলাম্ জন্ম-কর্ম-ফল-প্রদাম্ য়াম্
ইমাম্ পুষ্পিতাম্ বাচম্ প্রবদন্তি, তয়া অপহৃত-চেতসাম্
ভোগ-ঐশ্বর্য-প্রসক্তানাম্ বুদ্ধিঃ ব্যবসায়-আত্মিকা (ভূত্বা)
সমাধৌ ন বিধীয়তে ।

ত্রৈগুণ্যবিষয়া বেদা নিস্ত্রৈগুণ্যো ভবার্জুন ।

নির্দ্বন্দ্বো নিত্যসত্ত্বস্থো নির্যোগক্ষেম আত্মবান্ ॥ ২-৪৫॥

ত্রৈগুণ্য-বিষয়াঃ বেদাঃ নিস্ত্রৈগুণ্যঃ ভবার্জুন ।

নির্দ্বন্দ্বঃ নিত্য-সত্ত্বস্থঃ নির্যোগক্ষেমঃ আত্মবান্ ॥ ২-৪৫॥

হে অর্জুন! বেদাঃ ত্রৈগুণ্য-বিষয়াঃ । (ত্বং) নিস্ত্রৈগুণ্যঃ,

নিত্য-সত্ত্বস্থঃ, নির্দ্বন্দ্বঃ, নির্যোগক্ষেমঃ আত্মবান্ ভব ।

য়াবানর্থ উদপানে সর্বতঃ সম্প্লুতোদকে ।

তাবান্সর্বেষু বেদেষু ব্রাহ্মণস্য বিজানতঃ ॥ ২-৪৬॥

য়াবান্ অর্থঃ উদপানে সর্বতঃ সম্প্লুতোদকে ।

তাবান্ সর্বেষু বেদেষু ব্রাহ্মণস্য বিজানতঃ ॥ ২-৪৬॥

য়াবান্ অর্থঃ উদপানে (তাবান্) সর্বতঃ সম্প্লুতোদকে (ভবতি) ।

(তথা য়াবান্ অর্থঃ) সর্বেষু বেদেষু তাবান্ বিজানতঃ
ব্রাহ্মণস্য (ভবতি) ।

কর্মণ্যেবাধিকারস্তে মা ফলেষু কদাচন ।

মা কর্মফলহেতু র্ভূ র্মা তে সঙ্গোঽস্ত্বকর্মণি ॥ ২-৪৭॥

কর্মণি এব অধিকারঃ তে মা ফলেষু কদাচন ।

মা কর্ম-ফল-হেতুঃ ভূঃ মা তে সঙ্গঃ অস্তু অকর্মণি ॥ ২-৪৭॥

তে অধিকারঃ কর্মণি এব; কদাচন ফলেষু মা । কর্ম-ফল-হেতুঃ

মা ভূঃ তে সঙ্গঃ (চ) অকর্মণি মা অস্তু ।

য়োগস্থঃ কুরু কর্মাণি সঙ্গং ত্যক্ত্বা ধনঞ্জয় ।

সিদ্ধ্যসিদ্ধ্যোঃ সমো ভূত্বা সমত্বং য়োগ উচ্যতে ॥ ২-৪৮॥

য়োগস্থঃ কুরু কর্মাণি সঙ্গম্ ত্যক্ত্বা ধনঞ্জয় ।

সিদ্ধি অসিদ্ধ্যোঃ সমঃ ভূত্বা সমত্বম্ য়োগঃ উচ্যতে ॥ ২-৪৮॥

হে ধনঞ্জয়! সঙ্গম্ ত্যক্ত্বা, সিদ্ধি-অসিদ্ধ্যোঃ সমঃ

ভূত্বা, য়োগস্থঃ কর্মাণি কুরু । সমত্বম্ য়োগঃ উচ্যতে ।
দূরেণ হ্যবরং কর্ম বুদ্ধিয়োগাদ্ধনঞ্জয় ।
বুদ্ধৌ শরণমন্বিচ্ছ কৃপণাঃ ফলহেতবঃ ॥ ২-৪৯॥

দূরেণ হি অবরম্ কর্ম বুদ্ধি-য়োগাত্ ধনঞ্জয় ।

বুদ্ধৌ শরণম্ অন্বিচ্ছ কৃপণাঃ ফল-হেতবঃ ॥ ২-৪৯॥

হে ধনঞ্জয়! কর্ম বুদ্ধি-য়োগাত্ দূরেণ অবরম্ হি ।

বুদ্ধৌ শরণম্ অন্বিচ্ছ । ফল-হেতবঃ কৃপণাঃ ।

বুদ্ধিয়ুক্তো জহাতীহ উভে সুকৃতদুষ্কৃতে ।

তস্মাদ্যোগায় য়ুজ্যস্ব য়োগঃ কর্মসু কৌশলম্ ॥ ২-৫০॥

বুদ্ধি-য়ুক্তঃ জহাতি ইহ উভে সুকৃত-দুষ্কৃতে ।

তস্মাত্ য়োগায় য়ুজ্যস্ব য়োগঃ কর্মসু কৌশলম্ ॥ ২-৫০॥

ইহ বুদ্ধি-য়ুক্তঃ উভে সুকৃত-দুষ্কৃতে জহাতি । তস্মাত্ য়োগায় য়ুজ্যস্ব ।

য়োগঃ কর্মসু কৌশলম্ ।

কর্মজং বুদ্ধিয়ুক্তা হি ফলং ত্যক্ত্বা মনীষিণঃ ।

জন্মবন্ধবিনির্মুক্তাঃ পদং গচ্ছন্ত্যনাময়ম্ ॥ ২-৫১॥

কর্মজম্ বুদ্ধি-য়ুক্তাঃ হি ফলং ত্যক্ত্বা মনীষিণঃ ।

জন্ম-বন্ধ-বিনির্মুক্তাঃ পদম্ গচ্ছন্তি অনাময়ম্ ॥ ২-৫১॥

হি বুদ্ধি-য়ুক্তাঃ মনীষিণঃ কর্মজম্ ফলং ত্যক্ত্বা

জন্ম-বন্ধ-বিনির্মুক্তাঃ অনাময়ম্ পদম্ গচ্ছন্তি ।

য়দা তে মোহকলিলং বুদ্ধির্ব্যতিতরিষ্যতি ।

তদা গন্তাসি নির্বেদং শ্রোতব্যস্য শ্রুতস্য চ ॥ ২-৫২॥

য়দা তে মোহ-কলিলম্ বুদ্ধিঃ ব্যতিতরিষ্যতি ।

তদা গন্তাসি নির্বেদম্ শ্রোতব্যস্য শ্রুতস্য চ ॥ ২-৫২॥

য়দা তে বুদ্ধিঃ মোহ-কলিলম্ ব্যতিতরিষ্যতি, তদা শ্রোতব্যস্য

শ্রুতস্য চ নির্বেদম্ গন্তাসি ।

শ্রুতিবিপ্রতিপন্না তে য়দা স্থাস্যতি নিশ্চলা ।

সমাধাবচলা বুদ্ধিস্তদা য়োগমবাপ্স্যসি ॥ ২-৫৩॥

শ্রুতি-বিপ্রতিপন্না তে য়দা স্থাস্যতি নিশ্চলা ।

সমাধৌ অচলা বুদ্ধিঃ তদা য়োগম্ অবাপ্স্যসি ॥ ২-৫৩॥

য়দা শ্রুতি-বিপ্রতিপন্না তে বুদ্ধিঃ নিশ্চলা (ভূত্বা)

সমাধৌ অচলা স্থাস্যতি, তদা য়োগম্ অবাপ্স্যসি ।

অর্জুন উবাচ ।
অর্জুনঃ উবাচ ।

স্থিতপ্রজ্ঞস্য কা ভাষা সমাধিস্থস্য কেশব ।

স্থিতধীঃ কিং প্রভাষেত কিমাসীত ব্রজেত কিম্ ॥ ২-৫৪॥

স্থিতপ্রজ্ঞস্য কা ভাষা সমাধিস্থস্য কেশব ।

স্থিতধীঃ কিম্ প্রভাষেত কিম্ আসীত ব্রজেত কিম্ ॥ ২-৫৪॥

হে কেশব! সমাধিস্থস্য স্থিতপ্রজ্ঞস্য কা ভাষা?

স্থিতধীঃ কিম্ প্রভাষেত? কিম্ আসীত? কিম্ ব্রজেত?

শ্রীভগবানুবাচ ।
শ্রীভগবান্ উবাচ ।
প্রজহাতি য়দা কামান্সর্বান্পার্থ মনোগতান্ ।
আত্মন্যেবাত্মনা তুষ্টঃ স্থিতপ্রজ্ঞস্তদোচ্যতে ॥ ২-৫৫॥

প্রজহাতি য়দা কামান্ সর্বান্ পার্থ মনোগতান্ ।

আত্মনি এব আত্মনা তুষ্টঃ স্থিতপ্রজ্ঞঃ তদা উচ্যতে ॥ ২-৫৫॥

হে পার্থ! য়দা ( নরঃ) মনোগতান্ সর্বান্ কামান্

প্রজহাতি, আত্মনি এব আত্মনা তুষ্টঃ (ভবতি) তদা স্থিতপ্রজ্ঞঃ উচ্যতে ।

দুঃখেষ্বনুদ্বিগ্নমনাঃ সুখেষু বিগতস্পৃহঃ ।

বীতরাগভয়ক্রোধঃ স্থিতধীর্মুনিরুচ্যতে ॥ ২-৫৬॥

দুঃখেষু অনুদ্বিগ্ন-মনাঃ সুখেষু বিগত-স্পৃহঃ ।

বীত-রাগ-ভয়-ক্রোধঃ স্থিতধীঃ মুনিঃ উচ্যতে ॥ ২-৫৬॥

দুঃখেষু অনুদ্বিগ্ন-মনাঃ, সুখেষু বিগত-স্পৃহঃ,

বীত-রাগ-ভয়-ক্রোধঃ মুনিঃ স্থিতধীঃ উচ্যতে ।

য়ঃ সর্বত্রানভিস্নেহস্তত্তত্প্রাপ্য শুভাশুভম্ ।
নাভিনন্দতি ন দ্বেষ্টি তস্য প্রজ্ঞা প্রতিষ্ঠিতা ॥ ২-৫৭॥

য়ঃ সর্বত্র অনভিস্নেহঃ তত্ তত্ প্রাপ্য শুভ-অশুভম্ ।

ন অভিনন্দতি ন দ্বেষ্টি তস্য প্রজ্ঞা প্রতিষ্ঠিতা ॥ ২-৫৭॥

য়ঃ সর্বত্র অনভিস্নেহঃ, তত্ তত্ শুভ-অশুভম্ প্রাপ্য,

ন অভিনন্দতি, ন দ্বেষ্টি, তস্য প্রজ্ঞা প্রতিষ্ঠিতা ।

য়দা সংহরতে চায়ং কূর্মোঽঙ্গানীব সর্বশঃ ।

ইন্দ্রিয়াণীন্দ্রিয়ার্থেভ্যস্তস্য প্রজ্ঞা প্রতিষ্ঠিতা ॥ ২-৫৮॥

য়দা সংহরতে চ অয়ম্ কূর্মঃ অঙ্গানি ইব সর্বশঃ ।

ইন্দ্রিয়াণি ইন্দ্রিয়-অর্থেভ্যঃ তস্য প্রজ্ঞা প্রতিষ্ঠিতা ॥ ২-৫৮॥

কূর্মঃ অঙ্গানি ইব, য়দা অয়ম্ ইন্দ্রিয়-অর্থেভ্যঃ ইন্দ্রিয়াণি

সর্বশঃ সংহরতে, (তদা) তস্য প্রজ্ঞা প্রতিষ্ঠিতা চ ।

বিষয়া বিনিবর্তন্তে নিরাহারস্য দেহিনঃ ।

রসবর্জং রসোঽপ্যস্য পরং দৃষ্ট্বা নিবর্ততে ॥ ২-৫৯॥

বিষয়াঃ বিনিবর্তন্তে নিরাহারস্য দেহিনঃ ।

রসবর্জম্ রসঃ অপি অস্য পরম্ দৃষ্ট্বা নিবর্ততে ॥ ২-৫৯॥

নিরাহারস্য দেহিনঃ বিষয়াঃ রসবর্জম্ বিনিবর্তন্তে ।

অস্য রসঃ অপি পরম্ দৃষ্ট্বা নিবর্ততে ।

য়ততো হ্যপি কৌন্তেয় পুরুষস্য বিপশ্চিতঃ ।

ইন্দ্রিয়াণি প্রমাথীনি হরন্তি প্রসভং মনঃ ॥ ২-৬০॥

য়ততঃ হি অপি কৌন্তেয় পুরুষস্য বিপশ্চিতঃ ।

ইন্দ্রিয়াণি প্রমাথীনি হরন্তি প্রসভং মনঃ ॥ ২-৬০॥

হে কৌন্তেয়! প্রমাথীনি ইন্দ্রিয়াণি য়ততঃ বিপশ্চিতঃ অপি

পুরুষস্য মনঃ প্রসভং হরন্তি হি ।

তানি সর্বাণি সংয়ম্য য়ুক্ত আসীত মত্পরঃ ।

বশে হি য়স্যেন্দ্রিয়াণি তস্য প্রজ্ঞা প্রতিষ্ঠিতা ॥ ২-৬১॥

তানি সর্বাণি সংয়ম্য য়ুক্তঃ আসীত মত্পরঃ ।

বশে হি য়স্য ইন্দ্রিয়াণি তস্য প্রজ্ঞা প্রতিষ্ঠিতা ॥ ২-৬১॥

তানি সর্বাণি সংয়ম্য য়ুক্তঃ মত্-পরঃ আসীত । হি য়স্য বশে

ইন্দ্রিয়াণি তস্য প্রজ্ঞা প্রতিষ্ঠিতা ।

ধ্যায়তো বিষয়ান্পুংসঃ সঙ্গস্তেষূপজায়তে ।

সঙ্গাত্সঞ্জায়তে কামঃ কামাত্ক্রোধোঽভিজায়তে ॥ ২-৬২॥

ধ্যায়তঃ বিষয়ান্ পুংসঃ সঙ্গঃ তেষু উপজায়তে ।

সঙ্গাত্ সঞ্জায়তে কামঃ কামাত্ ক্রোধঃ অভিজায়তে ॥ ২-৬২॥

বিষয়ান্ ধ্যায়তঃ পুংসঃ তেষু সঙ্গঃ উপজায়তে ।

সঙ্গাত্ কামঃ সঞ্জায়তে । কামাত্ ক্রোধঃ অভিজায়তে ।

ক্রোধাদ্ভবতি সম্মোহঃ সম্মোহাত্স্মৃতিবিভ্রমঃ ।

স্মৃতিভ্রংশাদ্ বুদ্ধিনাশো বুদ্ধিনাশাত্প্রণশ্যতি ॥ ২-৬৩॥

ক্রোধাত্ ভবতি সম্মোহঃ সম্মোহাত্ স্মৃতি-বিভ্রমঃ ।

স্মৃতি-ভ্রংশাত্ বুদ্ধি-নাশঃ বুদ্ধি-নাশাত্ প্রণশ্যতি ॥

ক্রোধাত্ সম্মোহঃ ভবতি । সম্মোহাত্ স্মৃতি-বিভ্রমঃ,

স্মৃতি-ভ্রংশাত্ বুদ্ধি-নাশঃ, বুদ্ধি-নাশাত্ প্রণশ্যতি ।

রাগদ্বেষবিমুক্তৈস্তু বিষয়ানিন্দ্রিয়ৈশ্চরন্ । or বিয়ুক্তৈস্তু

আত্মবশ্যৈর্বিধেয়াত্মা প্রসাদমধিগচ্ছতি ॥ ২-৬৪॥

রাগ-দ্বেষ-বিমুক্তৈঃ তু বিষয়ান্ ইন্দ্রিয়ৈঃ চরন্ । or বিয়ুক্তৈঃ তু

আত্ম-বশ্যৈঃ বিধেয়-আত্মা প্রসাদম্ অধিগচ্ছতি ॥ ২-৬৪॥

বিধেয়-আত্মা তু রাগ-দ্বেষ-বিমুক্তৈঃ আত্ম-বশ্যৈঃ ইন্দ্রিয়ৈঃ

বিষয়ান্ চরন্ প্রসাদম্ অধিগচ্ছতি ।

প্রসাদে সর্বদুঃখানাং হানিরস্যোপজায়তে ।

প্রসন্নচেতসো হ্যাশু বুদ্ধিঃ পর্যবতিষ্ঠতে ॥ ২-৬৫॥

প্রসাদে সর্ব-দুঃখানাম্ হানিঃ অস্য উপজায়তে ।

প্রসন্ন-চেতসঃ হি আশু বুদ্ধিঃ পর্যবতিষ্ঠতে ॥ ২-৬৫॥

প্রসাদে অস্য সর্ব-দুঃখানাম্ হানিঃ উপজায়তে ।

প্রসন্ন-চেতসঃ হি বুদ্ধিঃ আশু পর্যবতিষ্ঠতে ।

নাস্তি বুদ্ধিরয়ুক্তস্য ন চায়ুক্তস্য ভাবনা ।

ন চাভাবয়তঃ শান্তিরশান্তস্য কুতঃ সুখম্ ॥ ২-৬৬॥

ন অস্তি বুদ্ধিঃ অয়ুক্তস্য ন চ অয়ুক্তস্য ভাবনা ।

ন চ অভাবয়তঃ শান্তিঃ অশান্তস্য কুতঃ সুখম্ ॥ ২-৬৬॥

অয়ুক্তস্য বুদ্ধিঃ ন অস্তি, অয়ুক্তস্য চ ভাবনা ন (অস্তি);

অভাবয়তঃ চ শান্তিঃ ন (অস্তি); অশান্তস্য সুখম্ কুতঃ?

ইন্দ্রিয়াণাং হি চরতাং য়ন্মনোঽনুবিধীয়তে ।

তদস্য হরতি প্রজ্ঞাং বায়ুর্নাবমিবাম্ভসি ॥ ২-৬৭॥

ইন্দ্রিয়াণাম্ হি চরতাম্ য়ত্ মনঃ অনুবিধীয়তে ।

তত্ অস্য হরতি প্রজ্ঞাম্ বায়ুঃ নাবম্ ইব অম্ভসি ॥ ২-৬৭॥

চরতাম্ ইন্দ্রিয়াণাম্ হি য়ত্ মনঃ অনুবিধীয়তে, তত্ অস্য

প্রজ্ঞাম্ অম্ভসি হরতি বায়ুঃ নাবম্ ইব ।
তস্মাদ্যস্য মহাবাহো নিগৃহীতানি সর্বশঃ ।
ইন্দ্রিয়াণীন্দ্রিয়ার্থেভ্যস্তস্য প্রজ্ঞা প্রতিষ্ঠিতা ॥ ২-৬৮॥

তস্মাত্ য়স্য মহা-বাহো নিগৃহীতানি সর্বশঃ ।

ইন্দ্রিয়াণি ইন্দ্রিয়-অর্থেভ্যঃ তস্য প্রজ্ঞা প্রতিষ্ঠিতা ॥ ২-৬৮॥

তস্মাত্ হে মহা-বাহো! য়স্য ইন্দ্রিয়াণি ইন্দ্রিয়-অর্থেভ্যঃ সর্বশঃ

নিগৃহীতানি তস্য প্রজ্ঞা প্রতিষ্ঠিতা ।

য়া নিশা সর্বভূতানাং তস্যাং জাগর্তি সংয়মী ।

য়স্যাং জাগ্রতি ভূতানি সা নিশা পশ্যতো মুনেঃ ॥ ২-৬৯॥

য়া নিশা সর্ব-ভূতানাম্ তস্যাম্ জাগর্তি সংয়মী ।

য়স্যাম্ জাগ্রতি ভূতানি সা নিশা পশ্যতঃ মুনেঃ ॥ ২-৬৯॥

য়া সর্ব-ভূতানাম্ নিশা, তস্যাম্ সংয়মী জাগর্তি ।

য়স্যাম্ ভূতানি জাগ্রতি, সা পশ্যতঃ মুনেঃ নিশা ।

আপূর্যমাণমচলপ্রতিষ্ঠং
সমুদ্রমাপঃ প্রবিশন্তি য়দ্বত্ ।
তদ্বত্কামা য়ং প্রবিশন্তি সর্বে
স শান্তিমাপ্নোতি ন কামকামী ॥ ২-৭০॥

আপূর্যমাণম্ অচল-প্রতিষ্ঠম্
সমুদ্রম্ আপঃ প্রবিশন্তি য়দ্বত্ ।
তদ্বত্ কামাঃ য়ম্ প্রবিশন্তি সর্বে
সঃ শান্তিম্ আপ্নোতি ন কাম-কামী ॥ ২-৭০॥

আপূর্যমাণম্ অচল-প্রতিষ্ঠম্ সমুদ্রম্ য়দ্বত্

আপঃ প্রবিশন্তি, তদ্বত্ য়ম্ সর্বে কামাঃ প্রবিশন্তি,
সঃ শান্তিম্ আপ্নোতি; কাম-কামী ন ।

বিহায় কামান্যঃ সর্বান্পুমাংশ্চরতি নিঃস্পৃহঃ ।

নির্মমো নিরহঙ্কারঃ স শান্তিমধিগচ্ছতি ॥ ২-৭১॥

বিহায় কামান্ য়ঃ সর্বান্ পুমান্ চরতি নিঃস্পৃহঃ ।

নির্মমঃ নিরহঙ্কারঃ সঃ শান্তিম্ অধিগচ্ছতি ॥ ২-৭১॥

য়ঃ পুমান্ সর্বান্ কামান্ বিহায়, নিঃস্পৃহঃ নির্মমঃ

নিরহঙ্কারঃ (ভূত্বা) চরতি, সঃ শান্তিম্ অধিগচ্ছতি ।

এষা ব্রাহ্মী স্থিতিঃ পার্থ নৈনাং প্রাপ্য বিমুহ্যতি ।

স্থিত্বাস্যামন্তকালেঽপি ব্রহ্মনির্বাণমৃচ্ছতি ॥ ২-৭২॥

এষা ব্রাহ্মী স্থিতিঃ পার্থ ন এনাম্ প্রাপ্য বিমুহ্যতি ।

স্থিত্বা অস্যাম্ অন্তকালে অপি ব্রহ্ম-নির্বাণম্ ঋচ্ছতি ॥ ২-৭২॥

হে পার্থ! এষা ব্রাহ্মী স্থিতিঃ, এনাম্ প্রাপ্য ন বিমুহ্যতি,

অন্তকালে অপি অস্যাম্ স্থিত্বা ব্রহ্ম-নির্বাণম্ ঋচ্ছতি ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
সাঙ্খ্যয়োগো নাম দ্বিতীয়োঽধ্যায়ঃ ॥ ২॥

ওঁ তত্ সত্ ইতি শ্রীমত্ ভগবত্-গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রী-কৃষ্ণ-অর্জুন-সংবাদে
সাঙ্খ্য-য়োগঃ নাম দ্বিতীয়ঃ অধ্যায়ঃ ॥ ২॥
 অথ তৃতীয়োঽধ্যায়ঃ । কর্ময়োগঃ ।
অথ তৃতীয়ঃ অধ্যায়ঃ । কর্ম-য়োগঃ ।
অর্জুন উবাচ ।
অর্জুনঃ উবাচ ।

জ্যায়সী চেত্কর্মণস্তে মতা বুদ্ধির্জনার্দন ।

তত্কিং কর্মণি ঘোরে মাং নিয়োজয়সি কেশব ॥ ৩-১॥

জ্যায়সী চেত্ কর্মণঃ তে মতা বুদ্ধিঃ জনার্দন ।

তত্ কিম্ কর্মণি ঘোরে মাম্ নিয়োজয়সি কেশব ॥ ৩-১॥

হে জনার্দন! কর্মণঃ বুদ্ধিঃ জ্যায়সী তে মতা চেত্,

তত্ হে কেশব! মাম্ ঘোরে কর্মণি কিম্ নিয়োজয়সি ?

ব্যামিশ্রেণেব বাক্যেন বুদ্ধিং মোহয়সীব মে ।

তদেকং বদ নিশ্চিত্য য়েন শ্রেয়োঽহমাপ্নুয়াম্ ॥ ৩-২॥

ব্যামিশ্রেণ ইব বাক্যেন বুদ্ধিং মোহয়সি ইব মে ।

তত্ একং বদ নিশ্চিত্য য়েন শ্রেয়ঃ অহম্ আপ্নুয়াম্ ॥ ৩-২॥

ব্যামিশ্রেণ ইব বাক্যেন মে বুদ্ধিং মোহয়সি ইব । তত্ নিশ্চিত্য

একং বদ, য়েন অহম্ শ্রেয়ঃ আপ্নুয়াম্ ।

শ্রীভগবানুবাচ ।
শ্রীভগবান্ উবাচ ।

লোকেঽস্মিন্ দ্বিবিধা নিষ্ঠা পুরা প্রোক্তা ময়ানঘ ।

জ্ঞানয়োগেন সাঙ্খ্যানাং কর্ময়োগেন য়োগিনাম্ ॥ ৩-৩॥

লোকে অস্মিন্ দ্বিবিধা নিষ্ঠা পুরা প্রোক্তা ময়া অনঘ ।

জ্ঞান-য়োগেন সাঙ্খ্যানাম্ কর্ম-য়োগেন য়োগিনাম্ ॥ ৩-৩॥

হে অনঘ! অস্মিন্ লোকে সাঙ্খ্যানাম্ জ্ঞান-য়োগেন,

য়োগিনাম্ কর্ম-য়োগেন দ্বিবিধা নিষ্ঠা পুরা ময়া প্রোক্তা ।

ন কর্মণামনারম্ভান্নৈষ্কর্ম্যং পুরুষোঽশ্নুতে ।
ন চ সংন্যসনাদেব সিদ্ধিং সমধিগচ্ছতি ॥ ৩-৪॥

ন কর্মণাম্ অনারম্ভাত্ নৈষ্কর্ম্যং পুরুষঃ অশ্নুতে ।

ন চ সংন্যসনাত্ এব সিদ্ধিম্ সমধিগচ্ছতি ॥ ৩-৪॥

কর্মণাম্ অনারম্ভাত্ পুরুষঃ নৈষ্কর্ম্যং ন অশ্নুতে ।

(কর্মণাং) চ সংন্যসনাত্ এব সিদ্ধিম্ ন সমধিগচ্ছতি ।

ন হি কশ্চিত্ক্ষণমপি জাতু তিষ্ঠত্যকর্মকৃত্ ।

কার্যতে হ্যবশঃ কর্ম সর্বঃ প্রকৃতিজৈর্গুণৈঃ ॥ ৩-৫॥

ন হি কশ্চিত্ ক্ষণম্ অপি জাতু তিষ্ঠতি অকর্মকৃত্ ।

কার্যতে হি অবশঃ কর্ম সর্বঃ প্রকৃতিজৈঃ গুণৈঃ ॥ ৩-৫॥

কশ্চিত্ জাতু ক্ষণম্ অপি অকর্মকৃত্ ন হি তিষ্ঠতি ।

প্রকৃ তিজৈঃ গুণৈঃ সর্বঃ হি অবশঃ কর্ম কার্যতে ।

কর্মেন্দ্রিয়াণি সংয়ম্য য় আস্তে মনসা স্মরন্ ।

ইন্দ্রিয়ার্থান্বিমূঢাত্মা মিথ্যাচারঃ স উচ্যতে ॥ ৩-৬॥

কর্ম-ইন্দ্রিয়াণি সংয়ম্য য়ঃ আস্তে মনসা স্মরন্ ।

ইন্দ্রিয়ার্থান্ বিমূঢাত্মা মিথ্যাচারঃ সঃ উচ্যতে ॥ ৩-৬॥
য়ঃ কর্ম-ইন্দ্রিয়াণি সংয়ম্য, মনসা ইন্দ্রিয়ার্থান্ স্মরন্ আস্তে,
সঃ বিমূঢাত্মা মিথ্যাচারঃ উচ্যতে ।

য়স্ত্বিন্দ্রিয়াণি মনসা নিয়ম্যারভতেঽর্জুন ।

কর্মেন্দ্রিয়ৈঃ কর্ময়োগমসক্তঃ স বিশিষ্যতে ॥ ৩-৭॥

য়ঃ তু ইন্দ্রিয়াণি মনসা নিয়ম্য আরভতে অর্জুন ।

কর্ম-ইন্দ্রিয়ৈঃ কর্ম-য়োগম্ অসক্তঃ সঃ বিশিষ্যতে ॥ ৩-৭॥

হে অর্জুন ! য়ঃ তু মনসা ইন্দ্রিয়াণি নিয়ম্য, অসক্তঃ কর্ম-ইন্দ্রিয়ৈঃ

কর্ম-য়োগম্ আরভতে, সঃ বিশিষ্যতে ।

নিয়তং কুরু কর্ম ত্বং কর্ম জ্যায়ো হ্যকর্মণঃ ।

শরীরয়াত্রাপি চ তে ন প্রসিদ্ধ্যেদকর্মণঃ ॥ ৩-৮॥

নিয়তম্ কুরু কর্ম ত্বং কর্ম জ্যায়ঃ হি অকর্মণঃ ।

শরীর-য়াত্রা অপি চ তে ন প্রসিদ্ধ্যেত্ অকর্মণঃ ॥ ৩-৮॥

ত্বং নিয়তম্ কর্ম কুরু, অকর্মণঃ হি কর্ম জ্যায়ঃ ।

তে শরীর-য়াত্রা চ অপি অকর্মণঃ ন প্রসিদ্ধ্যেত্ ।

য়জ্ঞার্থাত্কর্মণোঽন্যত্র লোকোঽয়ং কর্মবন্ধনঃ ।

তদর্থং কর্ম কৌন্তেয় মুক্তসঙ্গঃ সমাচর ॥ ৩-৯॥

য়জ্ঞার্থাত্ কর্মণঃ অন্যত্র লোকঃ অয়ম্ কর্ম-বন্ধনঃ ।

তত্ অর্থম্ কর্ম কৌন্তেয় মুক্ত-সঙ্গঃ সমাচর ॥ ৩-৯॥

য়জ্ঞার্থাত্ কর্মণঃ অন্যত্র অয়ম্ লোকঃ কর্ম-বন্ধনঃ ।

হে কৌন্তেয়! মুক্ত-সঙ্গঃ তত্ অর্থম্ কর্ম সমাচর ।

সহয়জ্ঞাঃ প্রজাঃ সৃষ্ট্বা পুরোবাচ প্রজাপতিঃ ।

অনেন প্রসবিষ্যধ্বমেষ বোঽস্ত্বিষ্টকামধুক্ ॥ ৩-১০॥

সহ-য়জ্ঞাঃ প্রজাঃ সৃষ্ট্বা পুরা উবাচ প্রজাপতিঃ ।

অনেন প্রসবিষ্যধ্বম্ এষঃ বঃ অস্তু ইষ্ট-কামধুক্ ॥ ৩-১০॥

পুরা প্রজাপতিঃ সহ-য়জ্ঞাঃ প্রজাঃ সৃষ্ট্বা 'অনেন (য়ূয়ং)

প্রসবিষ্যধ্বম্, এষঃ বঃ ইষ্ট-কামধুক্ অস্তু' (ইতি) উবাচ ।

দেবান্ভাবয়তানেন তে দেবা ভাবয়ন্তু বঃ ।

পরস্পরং ভাবয়ন্তঃ শ্রেয়ঃ পরমবাপ্স্যথ ॥ ৩-১১॥

দেবান্ ভাবয়ত অনেন তে দেবাঃ ভাবয়ন্তু বঃ ।

পরস্পরং ভাবয়ন্তঃ শ্রেয়ঃ পরম্ অবাপ্স্যথ ॥ ৩-১১॥

অনেন (য়ূয়ং) দেবান্ ভাবয়ত, তে দেবাঃ বঃ ভাবয়ন্তু,

(এবং) পরস্পরং ভাবয়ন্তঃ পরম্ শ্রেয়ঃ অবাপ্স্যথ ।

ইষ্টান্ভোগান্হি বো দেবা দাস্যন্তে য়জ্ঞভাবিতাঃ ।

তৈর্দত্তানপ্রদায়ৈভ্যো য়ো ভুঙ্ক্তে স্তেন এব সঃ ॥ ৩-১২॥

ইষ্টান্ ভোগান্ হি বঃ দেবাঃ দাস্যন্তে য়জ্ঞ-ভাবিতাঃ ।

তৈঃ দত্তান্ অপ্রদায় এভ্যঃ য়ঃ ভুঙ্ক্তে স্তেনঃ এব সঃ ॥ ৩-১২॥

য়জ্ঞ-ভাবিতাঃ দেবাঃ বঃ ইষ্টান্ ভোগান্ দাস্যন্তে ।

তৈঃ দত্তান্ এভ্যঃ অপ্রদায়, য়ঃ ভুঙ্ক্তে, সঃ হি স্তেনঃ এব ।

য়জ্ঞশিষ্টাশিনঃ সন্তো মুচ্যন্তে সর্বকিল্বিষৈঃ ।

ভুঞ্জতে তে ত্বঘং পাপা য়ে পচন্ত্যাত্মকারণাত্ ॥ ৩-১৩॥

য়জ্ঞ-শিষ্ট আশিনঃ সন্তঃ মুচ্যন্তে সর্ব-কিল্বিষৈঃ ।

ভুঞ্জতে তে তু অঘং পাপাঃ য়ে পচন্তি আত্ম-কারণাত্ ॥ ৩-১৩॥

য়জ্ঞ-শিষ্ট আশিনঃ সন্তঃ সর্ব-কিল্বিষৈঃ মুচ্যন্তে ।

য়ে তু আত্ম-কারণাত্ পচন্তি, তে পাপাঃ অঘং ভুঞ্জতে ।

অন্নাদ্ভবন্তি ভূতানি পর্জন্যাদন্নসম্ভবঃ ।

য়জ্ঞাদ্ভবতি পর্জন্যো য়জ্ঞঃ কর্মসমুদ্ভবঃ ॥ ৩-১৪॥

অন্নাত্ ভবন্তি ভূতানি পর্জন্যাত্ অন্ন-সম্ভবঃ ।

য়জ্ঞাত্ ভবতি পর্জন্যঃ য়জ্ঞঃ কর্ম-সমুদ্ভবঃ ॥ ৩-১৪॥

ভূতানি অন্নাত্ ভবন্তি, পর্জন্যাত্ অন্ন-সম্ভবঃ,

পর্জন্যঃ য়জ্ঞাত্ ভবতি, য়জ্ঞঃ কর্ম-সমুদ্ভবঃ ।

কর্ম ব্রহ্মোদ্ভবং বিদ্ধি ব্রহ্মাক্ষরসমুদ্ভবম্ ।

তস্মাত্সর্বগতং ব্রহ্ম নিত্যং য়জ্ঞে প্রতিষ্ঠিতম্ ॥ ৩-১৫॥

কর্ম ব্রহ্ম-উদ্ভবং বিদ্ধি ব্রহ্ম অক্ষর-সমুদ্ভবম্ ।

তস্মাত্ সর্বগতং ব্রহ্ম নিত্যং য়জ্ঞে প্রতিষ্ঠিতম্ ॥ ৩-১৫॥

কর্ম ব্রহ্ম-উদ্ভবং বিদ্ধি, ব্রহ্ম অক্ষর-সমুদ্ভবম্,

তস্মাত্ সর্বগতং ব্রহ্ম য়জ্ঞে নিত্যং প্রতিষ্ঠিতম্ ।

এবং প্রবর্তিতং চক্রং নানুবর্তয়তীহ য়ঃ ।

অঘায়ুরিন্দ্রিয়ারামো মোঘং পার্থ স জীবতি ॥ ৩-১৬॥

এবং প্রবর্তিতম্ চক্রম্ ন অনুবর্তয়তি ইহ য়ঃ ।

অঘায়ুঃ ইন্দ্রিয়-আরামঃ মোঘম্ পার্থ সঃ জীবতি ॥ ৩-১৬॥

হে পার্থ! এবং প্রবর্তিতম্ চক্রম্ য়ঃ ইহ ন অনুবর্তয়তি,

সঃ ইন্দ্রিয়-আরামঃ অঘায়ুঃ মোঘম্ জীবতি ।

য়স্ত্বাত্মরতিরেব স্যাদাত্মতৃপ্তশ্চ মানবঃ ।

আত্মন্যেব চ সন্তুষ্টস্তস্য কার্যং ন বিদ্যতে ॥ ৩-১৭॥

য়ঃ তু আত্ম-রতিঃ এব স্যাত্ আত্ম-তৃপ্তঃ চ মানবঃ ।

আত্মনি এব চ সন্তুষ্টঃ তস্য কার্যম্ ন বিদ্যতে ॥ ৩-১৭॥

য়ঃ তু মানবঃ আত্ম-রতিঃ এব, আত্ম-তৃপ্তঃ চ,

আত্মনি এব চ সন্তুষ্টঃ স্যাত্ তস্য কার্যম্ ন বিদ্যতে ।

নৈব তস্য কৃতেনার্থো নাকৃতেনেহ কশ্চন ।

ন চাস্য সর্বভূতেষু কশ্চিদর্থব্যপাশ্রয়ঃ ॥ ৩-১৮॥

ন এব তস্য কৃতেন অর্থঃ ন অকৃতেন ইহ কশ্চন ।

ন চ অস্য সর্ব-ভূতেষু কশ্চিত্ অর্থ-ব্যপাশ্রয়ঃ ॥ ৩-১৮॥

ইহ কৃতেন তস্য অর্থঃ ন এব, অকৃতেন (অপি) কশ্চন অস্য (অর্থঃ) ন,

(তথা) সর্ব-ভূতেষু চ (অস্য) কশ্চিত্ অর্থ-ব্যপাশ্রয়ঃ ন ।

তস্মাদসক্তঃ সততং কার্যং কর্ম সমাচর ।

অসক্তো হ্যাচরন্কর্ম পরমাপ্নোতি পূরুষঃ ॥ ৩-১৯॥

তস্মাত্ অসক্তঃ সততম্ কার্যম্ কর্ম সমাচর ।

অসক্তঃ হি আচরন্ কর্ম পরম্ আপ্নোতি পূরুষঃ ॥ ৩-১৯॥
তস্মাত্ (ত্বং) অসক্তঃ (সন্) সততম্ কার্যম্ কর্ম সমাচর,
হি পূরুষঃ অসক্তঃ (সন্) কর্ম আচরন্, পরম্ আপ্নোতি ।

কর্মণৈব হি সংসিদ্ধিমাস্থিতা জনকাদয়ঃ ।

লোকসংগ্রহমেবাপি সম্পশ্যন্কর্তু মর্হসি ॥ ৩-২০॥

কর্মণা এব হি সংসিদ্ধিম্ আস্থিতাঃ জনক-আদয়ঃ ।

লোক-সংগ্রহম্ এব অপি সম্পশ্যন্ কর্তুম্ অর্হসি ॥ ৩-২০॥

হি জনক-আদয়ঃ কর্মণা এব সংসিদ্ধিম্ আস্থিতাঃ ।

(ত্বং) অপি লোক-সংগ্রহম্ এব সম্পশ্যন্ কর্তুম্ অর্হসি ।

য়দ্যদাচরতি শ্রেষ্ঠস্তত্তদেবেতরো জনঃ ।

স য়ত্প্রমাণং কুরুতে লোকস্তদনুবর্ততে ॥ ৩-২১॥

য়ত্ য়ত্ আচরতি শ্রেষ্ঠঃ তত্ তত্ এব ইতরঃ জনঃ ।

সঃ য়ত্ প্রমাণম্ কুরুতে লোকঃ তত্ অনুবর্ততে ॥ ৩-২১॥

য়ত্ য়ত্ শ্রেষ্ঠঃ আচরতি তত্ তত্ এব ইতরঃ জনঃ ( আচরতি)।

সঃ য়ত্ প্রমাণম্ কুরুতে, লোকঃ তত্ অনুবর্ত তে ।

ন মে পার্থাস্তি কর্তব্যং ত্রিষু লোকেষু কিঞ্চন ।

নানবাপ্তমবাপ্তব্যং বর্ত এব চ কর্মণি ॥ ৩-২২॥

ন মে পার্থ অস্তি কর্তব্যম্ ত্রিষু লোকেষু কিঞ্চন ।

ন অনবাপ্তম্ অবাপ্তব্যম্ বর্তে এব চ কর্মণি ॥ ৩-২২॥

হে পার্থ! (য়দ্যপি) মে ত্রিষু লোকেষু কিঞ্চন কর্ত ব্যম্ ন অস্তি,

অনবাপ্তম্ অবাপ্তব্যম্ চ ন (অস্তি, তথা অপি অহং) কর্মণি বর্তে এব ।

য়দি হ্যহং ন বর্তেয়ং জাতু কর্মণ্যতন্দ্রিতঃ ।

মম বর্ত্মানুবর্ত ন্তে মনুষ্যাঃ পার্থ সর্বশঃ ॥ ৩-২৩॥

য়দি হি অহং ন বর্তেয়ম্ জাতু কর্মণি অতন্দ্রিতঃ ।

মম বর্ত্ম অনুবর্ত ন্তে মনুষ্যাঃ পার্থ সর্বশঃ ॥ ৩-২৩॥

য়দি হি অহং অতন্দ্রিতঃ (সন্) কর্মণি জাতু ন বর্তেয়ম্, (তর্হি)

হে পার্থ! মনুষ্যাঃ সর্বশঃ মম বর্ত্ম অনুবর্ত ন্তে ।

উত্সীদেয়ুরিমে লোকা ন কুর্যাং কর্ম চেদহম্ ।

সঙ্করস্য চ কর্তা স্যামুপহন্যামিমাঃ প্রজাঃ ॥ ৩-২৪॥

উত্সীদেয়ুঃ ইমে লোকাঃ ন কুর্যাম্ কর্ম চেত্ অহম্ ।

সঙ্করস্য চ কর্তা স্যাম্ উপহন্যাম্ ইমাঃ প্রজাঃ ॥ ৩-২৪॥

অহম্ কর্ম ন কুর্যাম্ চেত্ ইমে লোকাঃ উত্সীদেয়ুঃ,

সঙ্করস্য কর্তা স্যাম্ ইমাঃ প্রজাঃ চ উপহন্যাম্ ।

সক্তাঃ কর্মণ্যবিদ্বাংসো য়থা কুর্বন্তি ভারত ।

কুর্যাদ্বিদ্বাংস্তথাসক্তশ্চিকীর্ষুর্লোকসংগ্রহম্ ॥ ৩-২৫॥

সক্তাঃ কর্মণি অবিদ্বাংসঃ য়থা কুর্বন্তি ভারত ।

কুর্যাত্ বিদ্বান্ তথা অসক্তঃ চিকীর্ষুঃ লোক-সংগ্রহম্ ॥ ৩-২৫॥

হে ভারত! অবিদ্বাংসঃ য়থা কর্মণি সক্তাঃ (কর্ম) কুর্বন্তি,

তথা লোক-সংগ্রহম্ চিকীর্ষুঃ বিদ্বান্ অসক্তঃ (সন্ কর্ম) কুর্যাত্ ।

ন বুদ্ধিভেদং জনয়েদজ্ঞানাং কর্মসঙ্গিনাম্ ।

জোষয়েত্সর্বকর্মাণি বিদ্বান্যুক্তঃ সমাচরন্ ॥ ৩-২৬॥
ন বুদ্ধি-ভেদম্ জনয়েত্ অজ্ঞানাম্ কর্ম-সঙ্গিনাম্ ।
জোষয়েত্ সর্ব-কর্মাণি বিদ্বান্ য়ুক্তঃ সমাচরন্ ॥ ৩-২৬॥

বিদ্বান্ কর্ম-সঙ্গিনাম্ অজ্ঞানাম্ বুদ্ধি-ভেদম্ ন জনয়েত্

(কিন্তু) য়ুক্তঃ সমাচরন্ সর্ব-কর্মাণি জোষয়েত্ ।

প্রকৃ তেঃ ক্রিয়মাণানি গুণৈঃ কর্মাণি সর্বশঃ ।

অহঙ্কারবিমূঢাত্মা কর্তাহমিতি মন্যতে ॥ ৩-২৭॥

প্রকৃ তেঃ ক্রিয়মাণানি গুণৈঃ কর্মাণি সর্বশঃ ।

অহঙ্কার-বিমূঢ-আত্মা কর্তা অহম্ ইতি মন্যতে ॥ ৩-২৭॥

প্রকৃ তেঃ গুণৈঃ কর্মাণি সর্বশঃ ক্রিয়মাণানি (সন্তি, পরন্তু )

অহঙ্কার-বিমূঢ-আত্মা 'অহম্' কর্তা ইতি মন্যতে ।

তত্ত্ববিত্তু মহাবাহো গুণকর্মবিভাগয়োঃ ।

গুণা গুণেষু বর্তন্ত ইতি মত্বা ন সজ্জতে ॥ ৩-২৮॥

তত্ত্ববিত্ তু মহাবাহো গুণ-কর্ম-বিভাগয়োঃ ।

গুণাঃ গুণেষু বর্তন্তে ইতি মত্বা ন সজ্জতে ॥ ৩-২৮॥

হে মহাবাহো! গুণ-কর্ম-বিভাগয়োঃ তত্ত্ববিত্ তু

'গুণাঃ গুণেষু বর্তন্তে' ইতি মত্বা ন সজ্জতে ।

প্রকৃ তের্গুণসম্মূঢাঃ সজ্জন্তে গুণকর্মসু ।

তানকৃত্স্নবিদো মন্দান্কৃত্স্নবিন্ন বিচালয়েত্ ॥ ৩-২৯॥

প্রকৃ তেঃ গুণ-সম্মূঢাঃ সজ্জন্তে গুণ-কর্মসু ।

তান্ অকৃত্স্নবিদঃ মন্দান্ কৃত্স্নবিত্ ন বিচালয়েত্ ॥ ৩-২৯॥

প্রকৃ তেঃ গুণ-সম্মূঢাঃ গুণ-কর্মসু সজ্জন্তে, তান্

অকৃত্স্নবিদঃ মন্দান্ কৃত্স্নবিত্ ন বিচালয়েত্ ।

ময়ি সর্বাণি কর্মাণি সংন্যস্যাধ্যাত্মচেতসা ।

নিরাশীর্নির্মমো ভূত্বা য়ুধ্যস্ব বিগতজ্বরঃ ॥ ৩-৩০॥

ময়ি সর্বাণি কর্মাণি সংন্যস্য অধ্যাত্ম-চেতসা ।

নিরাশীঃ নির্মমঃ ভূত্বা য়ুধ্যস্ব বিগত-জ্বরঃ ॥ ৩-৩০॥

ময়ি অধ্যাত্ম-চেতসা সর্বাণি কর্মাণি সংন্যস্য নিরাশীঃ

নির্মমঃ বিগত-জ্বরঃ ভূত্বা, য়ুধ্যস্ব ।

য়ে মে মতমিদং নিত্যমনুতিষ্ঠন্তি মানবাঃ ।

শ্রদ্ধাবন্তোঽনসূয়ন্তো মুচ্যন্তে তেঽপি কর্মভিঃ ॥ ৩-৩১॥

য়ে মে মতম্ ইদম্ নিত্যম্ অনুতিষ্ঠন্তি মানবাঃ ।

শ্রদ্ধাবন্তঃ অনসূয়ন্তঃ মুচ্যন্তে তে অপি কর্মভিঃ ॥ ৩-৩১॥

য়ে মানবাঃ শ্রদ্ধাবন্তঃ অনসূয়ন্তঃ ইদম্ মে মতম্

নিত্যম্ অনুতিষ্ঠন্তি, তে অপি কর্মভিঃ মুচ্যন্তে ।

য়ে ত্বেতদভ্যসূয়ন্তো নানুতিষ্ঠন্তি মে মতম্ ।

সর্বজ্ঞানবিমূঢাংস্তান্বিদ্ধি নষ্টানচেতসঃ ॥ ৩-৩২॥

য়ে তু এতত্ অভ্যসূয়ন্তঃ ন অনুতিষ্ঠন্তি মে মতম্ ।

সর্ব-জ্ঞান-বিমূঢান্ তান্ বিদ্ধি নষ্টান্ অচেতসঃ ॥ ৩-৩২॥

য়ে তু এতত্ অভ্যসূয়ন্তঃ মে মতম্ ন অনুতিষ্ঠন্তি, তান্

সর্ব-জ্ঞান-বিমূঢান্ অচেতসঃ নষ্টান্ বিদ্ধি ।

সদৃশং চেষ্টতে স্বস্যাঃ প্রকৃতের্জ্ঞানবানপি ।

প্রকৃ তিং য়ান্তি ভূ তানি নিগ্রহঃ কিং করিষ্যতি ॥ ৩-৩৩॥

সদৃশম্ চেষ্টতে স্বস্যাঃ প্রকৃতেঃ জ্ঞানবান্ অপি ।

প্রকৃ তিম্ য়ান্তি ভূ তানি নিগ্রহঃ কিম্ করিষ্যতি ॥ ৩-৩৩॥

জ্ঞানবান্ অপি স্বস্যাঃ প্রকৃতেঃ সদৃশম্ চেষ্টতে ।

ভূতানি প্রকৃতিম্ য়ান্তি । নিগ্রহঃ কিম্ করিষ্যতি ?

ইন্দ্রিয়স্যেন্দ্রিয়স্যার্থে রাগদ্বেষৌ ব্যবস্থিতৌ ।

তয়োর্ন বশমাগচ্ছেত্তৌ হ্যস্য পরিপন্থিনৌ ॥ ৩-৩৪॥

ইন্দ্রিয়স্য ইন্দ্রিয়স্য-অর্থে রাগ-দ্বেষৌ ব্যবস্থিতৌ ।

তয়োঃ ন বশম্ আগচ্ছেত্ তৌ হি অস্য পরিপন্থিনৌ ॥ ৩-৩৪॥

ইন্দ্রিয়স্য-অর্থে ইন্দ্রিয়স্য রাগ-দ্বেষৌ ব্যবস্থিতৌ,

তয়োঃ বশম্ ন আগচ্ছেত্ । তৌ হি অস্য পরিপন্থিনৌ ।

শ্রেয়ান্স্বধর্মো বিগুণঃ পরধর্মাত্স্বনুষ্ঠিতাত্ ।

স্বধর্মে নিধনং শ্রেয়ঃ পরধর্মো ভয়াবহঃ ॥ ৩-৩৫॥

শ্রেয়ান্ স্বধর্মঃ বিগুণঃ পরধর্মাত্ স্বনুষ্ঠিতাত্ ।

স্বধর্মে নিধনম্ শ্রেয়ঃ পরধর্মঃ ভয়-আবহঃ ॥ ৩-৩৫॥

স্বনুষ্ঠিতাত্ পরধর্মাত্ বিগুণঃ স্বধর্মঃ (অপি) শ্রেয়ান্ ।

স্বধর্মে নিধনম্ শ্রেয়ঃ । পরধর্মঃ ভয়-আবহঃ ।

অর্জুন উবাচ ।
অর্জুনঃ উবাচ ।

অথ কেন প্রয়ুক্তোঽয়ং পাপং চরতি পূরুষঃ ।

অনিচ্ছন্নপি বার্ষ্ণেয় বলাদিব নিয়োজিতঃ ॥ ৩-৩৬॥

অথ কেন প্রয়ুক্তঃ অয়ং পাপম্ চরতি পূরুষঃ ।

অনিচ্ছন্ অপি বার্ষ্ণেয় বলাত্ ইব নিয়োজিতঃ ॥ ৩-৩৬॥

হে বার্ষ্ণেয়! অথ কেন প্রয়ুক্তঃ অয়ং পূরুষঃ অনিচ্ছন্ অপি,

বলাত্ নিয়োজিতঃ ইব পাপম্ চরতি?

শ্রীভগবানুবাচ ।
শ্রীভগবান্ উবাচ ।

কাম এষ ক্রোধ এষ রজোগুণসমুদ্ভবঃ ।

মহাশনো মহাপাপ্মা বিদ্ধ্যেনমিহ বৈরিণম্ ॥ ৩-৩৭॥

কামঃ এষঃ ক্রোধঃ এষঃ রজঃ গুণ-সমুদ্ভবঃ ।

মহা-অশনঃ মহা-পাপ্মা বিদ্ধি এনম্ ইহ বৈরিণম্ ॥ ৩-৩৭॥

রজঃ গুণ-সমুদ্ভবঃ মহা-পাপ্মা মহা-অশনঃ এষঃ কামঃ,

এষঃ ক্রোধঃ (অস্তি; ত্বং) এনম্ ইহ বৈরিণম্ বিদ্ধি ।

ধূমেনাব্রিয়তে বহ্নির্যথাদর্শো মলেন চ ।

য়থোল্বেনাবৃতো গর্ভস্তথা তেনেদমাবৃতম্ ॥ ৩-৩৮॥

ধূমেন আব্রিয়তে বহ্নিঃ য়থা আদর্শঃ মলেন চ ।

য়থা উল্বেন আবৃতঃ গর্ভঃ তথা তেন ইদম্ আবৃতম্ ॥ ৩-৩৮॥
য়থা ধূমেন বহ্নিঃ, য়থা চ মলেন আদর্শঃ, আব্রিয়তে,
(য়থা) উল্বেন গর্ভঃ আবৃতঃ, তথা তেন ইদম্ আবৃতম্ ।

আবৃতং জ্ঞানমেতেন জ্ঞানিনো নিত্যবৈরিণা ।

কামরূপেণ কৌন্তেয় দুষ্পূরেণানলেন চ ॥ ৩-৩৯॥

আবৃতম্ জ্ঞানম্ এতেন জ্ঞানিনঃ নিত্যবৈরিণা ।

কামরূপেণ কৌন্তেয় দুষ্পূরেণ অনলেন চ ॥ ৩-৩৯॥

হে কৌন্তেয়! নিত্যবৈরিণা এতেন দুষ্পূরেণ কামরূপেণ

চ অনলেন জ্ঞানিনঃ জ্ঞানম্ আবৃতম্ ।

ইন্দ্রিয়াণি মনো বুদ্ধিরস্যাধিষ্ঠানমুচ্যতে ।

এতৈর্বিমোহয়ত্যেষ জ্ঞানমাবৃত্য দেহিনম্ ॥ ৩-৪০॥

ইন্দ্রিয়াণি মনঃ বুদ্ধিঃ অস্য অধিষ্ঠানম্ উচ্যতে ।

এতৈঃ বিমোহয়তি এষঃ জ্ঞানম্ আবৃত্য দেহিনম্ ॥ ৩-৪০॥

ইন্দ্রিয়াণি মনঃ বুদ্ধিঃ অস্য অধিষ্ঠানম্ উচ্যতে ।

এষঃ এতৈঃ জ্ঞানম্ আবৃত্য দেহিনম্ বিমোহয়তি ।

তস্মাত্ত্বমিন্দ্রিয়াণ্যাদৌ নিয়ম্য ভরতর্ষভ ।

পাপ্মানং প্রজহি হ্যেনং জ্ঞানবিজ্ঞাননাশনম্ ॥ ৩-৪১॥

তস্মাত্ ত্বম্ ইন্দ্রিয়াণি আদৌ নিয়ম্য ভরতর্ষভ ।

পাপ্মানম্ প্রজহি হি এনং জ্ঞান-বিজ্ঞান-নাশনম্ ॥ ৩-৪১॥

হে ভরতর্ষভ! তস্মাত্ ত্বম্ আদৌ ইন্দ্রিয়াণি নিয়ম্য,

জ্ঞান-বিজ্ঞান-নাশনম্ এনং পাপ্মানম্ প্রজহি হি ।

ইন্দ্রিয়াণি পরাণ্যাহুরিন্দ্রিয়েভ্যঃ পরং মনঃ ।

মনসস্তু পরা বুদ্ধির্যো বুদ্ধেঃ পরতস্তু সঃ ॥ ৩-৪২॥

ইন্দ্রিয়াণি পরাণি আহুঃ ইন্দ্রিয়েভ্যঃ পরম্ মনঃ ।

মনসঃ তু পরা বুদ্ধিঃ য়ঃ বুদ্ধেঃ পরতঃ তু সঃ ॥ ৩-৪২॥

ইন্দ্রিয়াণি পরাণি আহুঃ, ইন্দ্রিয়েভ্যঃ মনঃ পরম্, মনসঃ তু

বুদ্ধিঃ পরা, য়ঃ তু বুদ্ধেঃ পরতঃ সঃ (আত্মা অস্তি)।

এবং বুদ্ধেঃ পরং বুদ্ধ্বা সংস্তভ্যাত্মানমাত্মনা ।

জহি শত্রুং মহাবাহো কামরূপং দুরাসদম্ ॥ ৩-৪৩॥

এবম্ বুদ্ধেঃ পরম্ বুদ্ধ্বা সংস্তভ্য আত্মানম্ আত্মনা ।

জহি শত্রুম্ মহাবাহো কাম-রূপম্ দুরাসদম্ ॥ ৩-৪৩॥

হে মহাবাহো! এবম্ (আত্মানং) বুদ্ধেঃ পরম্ বুদ্ধ্বা

আত্মনা আত্মানম্ সংস্তভ্য, কাম-রূপম্ দুরাসদম্ শত্রুম্ জহি ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
কর্ময়োগো নাম তৃতীয়োঽধ্যায়ঃ ॥ ৩॥

ওঁ তত্ সত্ ইতি শ্রীমত্ ভগবত্-গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রী-কৃষ্ণ-অর্জুন-সংবাদে
কর্ম-য়োগঃ নাম তৃতীয়ঃ অধ্যায়ঃ ॥ ৩॥

অথ চতুর্থোঽধ্যায়ঃ । জ্ঞানকর্মসংন্যাসয়োগঃ
অথ চতুর্থোঅঃ অধ্যায়ঃ । জ্ঞান-কর্ম-সংন্যাস-য়োগঃ
শ্রীভগবানুবাচ ।
শ্রীভগবান্ উবাচ ।

ইমং বিবস্বতে য়োগং প্রোক্তবানহমব্যয়ম্ ।

বিবস্বান্মনবে প্রাহ মনুরিক্ষ্বাকবেঽব্রবীত্ ॥ ৪-১॥

ইমম্ বিবস্বতে য়োগম্ প্রোক্তবান্ অহম্ অব্যয়ম্ ।

বিবস্বান্ মনবে প্রাহ মনুঃ ইক্ষ্বাকবে অব্রবীত্ ॥ ৪-১॥

অহম্ ইমম্ অব্যয়ম্ য়োগম্ বিবস্বতে প্রোক্তবান্ ।

বিবস্বান্ মনবে প্রাহ । মনুঃ ইক্ষ্বাকবে অব্রবীত্ ।

এবং পরম্পরাপ্রাপ্তমিমং রাজর্ষয়ো বিদুঃ ।

স কালেনেহ মহতা য়োগো নষ্টঃ পরন্তপ ॥ ৪-২॥

এবম্ পরম্পরা-প্রাপ্তম্ ইমম্ রাজর্ষয়ঃ বিদুঃ ।

সঃ কালেন ইহ মহতা য়োগঃ নষ্টঃ পরন্তপ ॥ ৪-২॥

হে পরন্তপ! এবম্ পরম্পরা-প্রাপ্তম্ ইমম্ (য়োগং)

রাজর্ষয়ঃ বিদুঃ । সঃ য়োগঃ মহতা কালেন ইহ নষ্টঃ ।

স এবায়ং ময়া তেঽদ্য য়োগঃ প্রোক্তঃ পুরাতনঃ ।

ভক্তোঽসি মে সখা চেতি রহস্যং হ্যেতদুত্তমম্ ॥ ৪-৩॥

সঃ এব অয়ম্ ময়া তে অদ্য য়োগঃ প্রোক্তঃ পুরাতনঃ ।

ভক্তঃ অসি মে সখা চ ইতি রহস্যম্ হি এতত্ উত্তমম্ ॥ ৪-৩॥

সঃ এব অয়ম্ পুরাতনঃ য়োগঃ ময়া অদ্য তে প্রোক্তঃ । (ত্বং) মে

ভক্তঃ সখা চ অসি ইতি, হি এতত্ উত্তমম্ রহস্যম্ ।

অর্জুন উবাচ ।
অর্জুনঃ উবাচ ।

অপরং ভবতো জন্ম পরং জন্ম বিবস্বতঃ ।

কথমেতদ্বিজানীয়াং ত্বমাদৌ প্রোক্তবানিতি ॥ ৪-৪॥

অপরম্ ভবতঃ জন্ম পরম্ জন্ম বিবস্বতঃ ।

কথম্ এতত্ বিজানীয়াম্ ত্বম্ আদৌ প্রোক্তবান্ ইতি ॥ ৪-৪॥

ভবতঃ জন্ম অপরম্, বিবস্বতঃ জন্ম পরম্, (অতঃ) ত্বম্

আদৌ এতত্ প্রোক্তবান্ ইতি কথম্ বিজানীয়াম্ ?

শ্রীভগবানুবাচ ।
শ্রীভগবানুবাচ ।

বহূনি মে ব্যতীতানি জন্মানি তব চার্জুন ।

তান্যহং বেদ সর্বাণি ন ত্বং বেত্থ পরন্তপ ॥ ৪-৫॥

বহূনি মে ব্যতীতানি জন্মানি তব চ অর্জুন ।

তানি অহম্ বেদ সর্বাণি ন ত্বম্ বেত্থ পরন্তপ ॥ ৪-৫॥

হে পরন্তপ অর্জুন! মে তব চ বহূনি জন্মানি ব্যতীতানি;

তানি সর্বাণি অহম্ বেদ, ত্বম্ ন বেত্থ ।

অজোঽপি সন্নব্যয়াত্মা ভূতানামীশ্বরোঽপি সন্ ।

প্রকৃ তিং স্বামধিষ্ঠায় সম্ভবাম্যাত্মমায়য়া ॥ ৪-৬॥

অজঃ অপি সন্ অব্যয়-আত্মা ভূতানাম্ ঈশ্বরঃ অপি সন্ ।

প্রকৃ তিম্ স্বাম্ অধিষ্ঠায় সম্ভবামি আত্ম-মায়য়া ॥ ৪-৬॥

(অহং) অজঃ অব্যয়-আত্মা অপি সন্, ভূতানাম্ ঈশ্বরঃ অপি সন্,

স্বাম্ প্রকৃতিম্ অধিষ্ঠায়, আত্ম-মায়য়া সম্ভবামি ।

য়দা য়দা হি ধর্মস্য গ্লানির্ভবতি ভারত ।

অভ্যুত্থানমধর্মস্য তদাত্মানং সৃজাম্যহম্ ॥ ৪-৭॥

য়দা য়দা হি ধর্মস্য গ্লানিঃ ভবতি ভারত ।

অভ্যুত্থানম্ অধর্মস্য তদা আত্মানম্ সৃজামি অহম্ ॥ ৪-৭॥

হে ভারত! য়দা য়দা হি ধর্মস্য গ্লানিঃ, অধর্মস্য (চ)

অভ্যুত্থানম্ ভবতি, তদা অহম্ আত্মানম্ সৃজামি ।

পরিত্রাণায় সাধূনাং বিনাশায় চ দুষ্কৃ তাম্ ।

ধর্মসংস্থাপনার্থায় সম্ভবামি য়ুগে য়ুগে ॥ ৪-৮॥

পরিত্রাণায় সাধূনাম্ বিনাশায় চ দুষ্কৃ তাম্ ।

ধর্ম-সংস্থাপন-অর্থায় সম্ভবামি য়ুগে য়ুগে ॥ ৪-৮॥

সাধূনাম্ পরিত্রাণায়, দুষ্কৃতাম্ বিনাশায়,

ধর্ম-সংস্থাপন-অর্থায় চ, (অহং) য়ুগে য়ুগে সম্ভবামি ।

জন্ম কর্ম চ মে দিব্যমেবং য়ো বেত্তি তত্ত্বতঃ ।

ত্যক্ত্বা দেহং পুনর্জন্ম নৈতি মামেতি সোঽর্জুন ॥ ৪-৯॥

জন্ম কর্ম চ মে দিব্যম্ এবম্ য়ঃ বেত্তি তত্ত্বতঃ ।

ত্যক্ত্বা দেহম্ পুনঃ জন্ম ন এতি মাম্ এতি সঃ অর্জুন ॥ ৪-৯॥

হে অর্জুন! য়ঃ মে দিব্যম্ জন্ম কর্ম চ এবম্ তত্ত্বতঃ বেত্তি,

সঃ দেহম্ ত্যক্ত্বা, পুনঃ জন্ম ন এতি, (কিন্তু সঃ) মাম্ এতি ।

বীতরাগভয়ক্রোধা মন্ময়া মামুপাশ্রিতাঃ ।

বহবো জ্ঞানতপসা পূতা মদ্ভাবমাগতাঃ ॥ ৪-১০॥

বীত-রাগ-ভয়-ক্রোধাঃ মন্ময়াঃ মাম্ উপাশ্রিতাঃ ।

বহবঃ জ্ঞান-তপসা পূতাঃ মদ্ভাবম্ আগতাঃ ॥ ৪-১০॥

বীত-রাগ-ভয়-ক্রোধাঃ, মন্ময়াঃ মাম্ উপাশ্রিতাঃ,

জ্ঞান-তপসা পূতাঃ, বহবঃ মদ্ভাবম্ আগতাঃ ।

য়ে য়থা মাং প্রপদ্যন্তে তাংস্তথৈব ভজাম্যহম্ ।

মম বর্ত্মানুবর্ত ন্তে মনুষ্যাঃ পার্থ সর্বশঃ ॥ ৪-১১॥

য়ে য়থা মাম্ প্রপদ্যন্তে তান্ তথা এব ভজাম্যি অহম্ ।

মম বর্ত্ম অনুবর্ত ন্তে মনুষ্যাঃ পার্থ সর্বশঃ ॥ ৪-১১॥

য়ে য়থা মাম্ প্রপদ্যন্তে, তান্ তথা এব অহম্ ভজামি ।

হে পার্থ! মনুষ্যাঃ সর্বশঃ মম বর্ত্ম অনুবর্ত ন্তে ।

কাঙ্ক্ষন্তঃ কর্মণাং সিদ্ধিং য়জন্ত ইহ দেবতাঃ ।

ক্ষিপ্রং হি মানুষে লোকে সিদ্ধির্ভবতি কর্মজা ॥ ৪-১২॥

কাঙ্ক্ষন্তঃ কর্মণাম্ সিদ্ধিম্ য়জন্তে ইহ দেবতাঃ ।

ক্ষিপ্রম্ হি মানুষে লোকে সিদ্ধিঃ ভবতি কর্মজা ॥ ৪-১২॥

কর্মণাম্ সিদ্ধিম্ কাঙ্ক্ষন্তঃ (মনুষ্যাঃ) ইহ দেবতাঃ য়জন্তে;

হি মানুষে লোকে কর্মজা সিদ্ধিঃ ক্ষিপ্রম্ ভবতি ।
চাতুর্বর্ণ্যং ময়া সৃষ্টং গুণকর্মবিভাগশঃ ।
তস্য কর্তারমপি মাং বিদ্ধ্যকর্তারমব্যয়ম্ ॥ ৪-১৩॥

চাতুর্বর্ণ্যম্ ময়া সৃষ্টম্ গুণ-কর্ম-বিভাগশঃ ।

তস্য কর্তারম্ অপি মাম্ বিদ্ধি অকর্তারম্ অব্যয়ম্ ॥ ৪-১৩॥

ময়া গুণ-কর্ম-বিভাগশঃ চাতুর্বর্ণ্যম্ সৃষ্টম্,

তস্য কর্তারম্ অপি মাম্ অব্যয়ম্ অকর্তারম্ বিদ্ধি ।

ন মাং কর্মাণি লিম্পন্তি ন মে কর্মফলে স্পৃহা ।

ইতি মাং য়োঽভিজানাতি কর্মভির্ন স বধ্যতে ॥ ৪-১৪॥

ন মাম্ কর্মাণি লিম্পন্তি ন মে কর্ম-ফলে স্পৃহা ।

ইতি মাম্ য়ঃ অভিজানাতি কর্মভিঃ ন স বধ্যতে ॥ ৪-১৪॥

কর্ম-ফলে মে স্পৃহা ন (অতঃ) কর্মাণি মাম্ ন লিম্পন্তি ।

ইতি য়ঃ মাম্ অভিজানাতি, সঃ কর্মভিঃ ন বধ্যতে ।

এবং জ্ঞাত্বা কৃতং কর্ম পূর্বৈরপি মুমুক্ষুভিঃ ।

কুরু কর্মৈব তস্মাত্ত্বং পূর্বৈঃ পূর্বতরং কৃতম্ ॥ ৪-১৫॥

এবম্ জ্ঞাত্বা কৃতম্ কর্ম পূর্বৈঃ অপি মুমুক্ষুভিঃ ।

কুরু কর্ম এব তস্মাত্ ত্বম্ পূর্বৈঃ পূর্বতরম্ কৃতম্ ॥ ৪-১৫॥

এবম্ জ্ঞাত্বা পূর্বৈঃ মুমুক্ষুভিঃ অপি কর্ম কৃতম্ ।

তস্মাত্ ত্বম্ পূর্বৈঃ পূর্বতরম্ কৃতম্ এব কর্ম কুরু ।

কিং কর্ম কিমকর্মেতি কবয়োঽপ্যত্র মোহিতাঃ ।

তত্তে কর্ম প্রবক্ষ্যামি য়জ্জ্ঞাত্বা মোক্ষ্যসেঽশুভাত্ ॥ ৪-১৬॥

কিম্ কর্ম কিম্ অকর্ম ইতি কবয়ঃ অপি অত্র মোহিতাঃ ।

তত্ তে কর্ম প্রবক্ষ্যামি য়ত্ জ্ঞাত্বা মোক্ষ্যসে অশুভাত্ ॥ ৪-১৬॥

'কিম্ কর্ম, কিম্ অকর্ম' ইতি অত্র কবয়ঃ অপি মোহিতাঃ ।

তত্ কর্ম তে প্রবক্ষ্যামি, য়ত্ জ্ঞাত্বা অশুভাত্ মোক্ষ্যসে ।

কর্মণো হ্যপি বোদ্ধব্যং বোদ্ধব্যং চ বিকর্মণঃ ।

অকর্মণশ্চ বোদ্ধব্যং গহনা কর্মণো গতিঃ ॥ ৪-১৭॥

কর্মণঃ হি অপি বোদ্ধব্যম্ বোদ্ধব্যম্ চ বিকর্মণঃ ।

অকর্মণঃ চ বোদ্ধব্যম্ গহনা কর্মণঃ গতিঃ ॥ ৪-১৭॥

কর্মণঃ (তত্ত্বং) হি অপি বোদ্ধব্যম্, বিকর্মণঃ চ (তত্ত্বং)

বোদ্ধব্যম্, (তথা) অকর্মণঃ চ (তত্ত্বং) বোদ্ধব্যম্,
কর্মণঃ গতিঃ গহনা ।

কর্মণ্যকর্ম য়ঃ পশ্যেদকর্মণি চ কর্ম য়ঃ ।

স বুদ্ধিমান্মনুষ্যেষু স য়ুক্তঃ কৃত্স্নকর্মকৃত্ ॥ ৪-১৮॥

কর্মণি অকর্ম য়ঃ পশ্যেত্ অকর্মণি চ কর্ম য়ঃ ।

সঃ বুদ্ধিমান্ মনুষ্যেষু সঃ য়ুক্তঃ কৃত্স্ন-কর্ম-কৃত্ ॥ ৪-১৮॥

য়ঃ কর্মণি অকর্ম পশ্যেত্ অকর্মণি চ য়ঃ কর্ম ( পশ্যেত্) সঃ

মনুষ্যেষু বুদ্ধিমান্, সঃ য়ুক্তঃ, (সঃ) কৃত্স্ন-কর্ম-কৃত্ ।

য়স্য সর্বে সমারম্ভাঃ কামসঙ্কল্পবর্জিতাঃ ।

জ্ঞানাগ্নিদগ্ধকর্মাণং তমাহুঃ পণ্ডিতং বুধাঃ ॥ ৪-১৯॥

য়স্য সর্বে সমারম্ভাঃ কাম-সঙ্কল্প-বর্জিতাঃ ।

জ্ঞান-অগ্নি-দগ্ধ-কর্মাণম্ তম্ আহুঃ পণ্ডিতম্ বুধাঃ ॥ ৪-১৯॥

য়স্য সর্বে সমারম্ভাঃ কাম-সঙ্কল্প-বর্জিতাঃ, তম্

জ্ঞান-অগ্নি-দগ্ধ-কর্মাণম্ বুধাঃ পণ্ডিতম্ আহুঃ ।

ত্যক্ত্বা কর্মফলাসঙ্গং নিত্যতৃপ্তো নিরাশ্রয়ঃ ।

কর্মণ্যভিপ্রবৃত্তোঽপি নৈব কিঞ্চিত্করোতি সঃ ॥ ৪-২০॥

ত্যক্ত্বা কর্ম-ফল-আসঙ্গম্ নিত্য-তৃপ্তঃ নিরাশ্রয়ঃ ।

কর্মণি অভিপ্রবৃত্তঃ অপি ন এব কিঞ্চিত্ করোতি সঃ ॥ ৪-২০॥

(য়ঃ) কর্ম-ফল-আসঙ্গম্ ত্যক্ত্বা নিত্য-তৃপ্তঃ নিরাশ্রয়ঃ,

সঃ কর্মণি অভিপ্রবৃত্তঃ অপি ন এব কিঞ্চিত্ করোতি ।

নিরাশীর্যতচিত্তাত্মা ত্যক্তসর্বপরিগ্রহঃ ।
শারীরং কেবলং কর্ম কুর্বন্নাপ্নোতি কিল্বিষম্ ॥ ৪-২১॥

নিরাশীঃ য়ত-চিত্ত-আত্মা ত্যক্ত-সর্ব-পরিগ্রহঃ ।

শারীরম্ কেবলম্ কর্ম কুর্বন্ ন আপ্নোতি কিল্বিষম্ ॥ ৪-২১॥

নিরাশীঃ য়ত-চিত্ত-আত্মা ত্যক্ত-সর্ব-পরিগ্রহঃ, কেবলম্

শারীরম্ কর্ম কুর্বন্ কিল্বিষম্ ন আপ্নোতি ।

য়দৃচ্ছালাভসন্তুষ্টো দ্বন্দ্বাতীতো বিমত্সরঃ ।

সমঃ সিদ্ধাবসিদ্ধৌ চ কৃত্বাপি ন নিবধ্যতে ॥ ৪-২২॥

য়দৃচ্ছা-লাভ-সন্তুষ্টঃ দ্বন্দ্ব-অতীতঃ বিমত্সরঃ ।

সমঃ সিদ্ধৌ অসিদ্ধৌ চ কৃত্বা অপি ন নিবধ্যতে ॥ ৪-২২॥

য়দৃচ্ছা-লাভ-সন্তুষ্টঃ দ্বন্দ্ব-অতীতঃ বিমত্সরঃ সিদ্ধৌ

অসিদ্ধৌ চ সমঃ, কৃত্বা অপি ন নিবধ্যতে ।

গতসঙ্গস্য মুক্তস্য জ্ঞানাবস্থিতচেতসঃ ।

য়জ্ঞায়াচরতঃ কর্ম সমগ্রং প্রবিলীয়তে ॥ ৪-২৩॥

গত-সঙ্গস্য মুক্তস্য জ্ঞান-অবস্থিত-চেতসঃ ।

য়জ্ঞায় আচরতঃ কর্ম সমগ্রম্ প্রবিলীয়তে ॥ ৪-২৩॥

গত-সঙ্গস্য জ্ঞান-অবস্থিত-চেতসঃ য়জ্ঞায় আচরতঃ

মুক্তস্য কর্ম সমগ্রম্ প্রবিলীয়তে ।

ব্রহ্মার্পণং ব্রহ্ম হবির্ব্রহ্মাগ্নৌ ব্রহ্মণা হুতম্ ।

ব্রহ্মৈব তেন গন্তব্যং ব্রহ্মকর্মসমাধিনা ॥ ৪-২৪॥

ব্রহ্ম-অর্পণং ব্রহ্ম হবিঃ ব্রহ্ম-অগ্নৌ ব্রহ্মণা হুতম্ ।

ব্রহ্ম এব তেন গন্তব্যম্ ব্রহ্ম-কর্ম-সমাধিনা ॥ ৪-২৪॥

ব্রহ্ম অর্পণং, ব্রহ্ম হবিঃ, ব্রহ্ম-অগ্নৌ ব্রহ্মণা হুতম্,

ব্রহ্ম-কর্ম-সমাধিনা তেন ব্রহ্ম এব গন্তব্যম্ ।

দৈবমেবাপরে য়জ্ঞং য়োগিনঃ পর্যুপাসতে ।

ব্রহ্মাগ্নাবপরে য়জ্ঞং য়জ্ঞেনৈবোপজুহ্বতি ॥ ৪-২৫॥

দৈবম্ এব অপরে য়জ্ঞম্ য়োগিনঃ পর্যুপাসতে ।

ব্রহ্ম-অগ্নৌ অপরে য়জ্ঞং য়জ্ঞেন এব উপজুহ্বতি ॥ ৪-২৫॥

অপরে য়োগিনঃ দৈবম্ এব য়জ্ঞম্ পর্যুপাসতে; অপরে

ব্রহ্ম-অগ্নৌ য়জ্ঞেন য়জ্ঞং এব উপজুহ্বতি ।
শ্রোত্রাদীনীন্দ্রিয়াণ্যন্যে সংয়মাগ্নিষু জুহ্বতি ।
শব্দাদীন্বিষয়ানন্য ইন্দ্রিয়াগ্নিষু জুহ্বতি ॥ ৪-২৬॥

শ্রোত্র-আদীনি ইন্দ্রিয়াণি অন্যে সংয়ম-অগ্নিষু জুহ্বতি ।

শব্দ-আদীন্ বিষয়ান্ অন্যে ইন্দ্রিয়-অগ্নিষু জুহ্বতি ॥ ৪-২৬॥

অন্যে শ্রোত্র-আদীনি ইন্দ্রিয়াণি সংয়ম-অগ্নিষু জুহ্বতি, অন্যে

শব্দ-আদীন্ বিষয়ান্ ইন্দ্রিয়-অগ্নিষু জুহ্বতি ।

সর্বাণীন্দ্রিয়কর্মাণি প্রাণকর্মাণি চাপরে ।

আত্মসংয়ময়োগাগ্নৌ জুহ্বতি জ্ঞানদীপিতে ॥ ৪-২৭॥

সর্বাণি ইন্দ্রিয়-কর্মাণি প্রাণ-কর্মাণি চ অপরে ।

আত্ম-সংয়ম-য়োগ-অগ্নৌ জুহ্বতি জ্ঞান-দীপিতে ॥ ৪-২৭॥

অপরে জ্ঞান-দীপিতে আত্ম-সংয়ম-য়োগ-অগ্নৌ সর্বাণি

ইন্দ্রিয়-কর্মাণি প্রাণ-কর্মাণি চ জুহ্বতি ।

দ্রব্যয়জ্ঞাস্তপোয়জ্ঞা য়োগয়জ্ঞাস্তথাপরে ।
স্বাধ্যায়জ্ঞানয়জ্ঞাশ্চ য়তয়ঃ সংশিতব্রতাঃ ॥ ৪-২৮॥

দ্রব্য-য়জ্ঞাঃ তপো-য়জ্ঞাঃ য়োগ-য়জ্ঞাঃ তথা অপরে ।

স্বাধ্যায়-জ্ঞান-য়জ্ঞাঃ চ য়তয়ঃ সংশিতব্রতাঃ ॥ ৪-২৮॥

অপরে সংশিতব্রতাঃ দ্রব্য-য়জ্ঞাঃ তপো-য়জ্ঞাঃ য়োগ-য়জ্ঞাঃ

তথা চ স্বাধ্যায়-জ্ঞান-য়জ্ঞাঃ য়তয়ঃ (সন্তি) ।

অপানে জুহ্বতি প্রাণং প্রাণেঽপানং তথাপরে ।

প্রাণাপানগতী রুদ্ধ্বা প্রাণায়ামপরায়ণাঃ ॥ ৪-২৯॥

অপানে জুহ্বতি প্রাণম্ প্রাণে অপানম্ তথা অপরে ।

প্রাণ-অপান-গতী রুদ্ধ্বা প্রাণায়াম-পরায়ণাঃ ॥ ৪-২৯॥

অপানে প্রাণম্ প্রাণে অপানম্ জুহ্বতি । (তথা অপরে)

প্রাণ-অপান-গতী রুদ্ধ্বা প্রাণায়াম-পরায়ণাঃ (সন্তি) ।

অপরে নিয়তাহারাঃ প্রাণান্প্রাণেষু জুহ্বতি ।

সর্বেঽপ্যেতে য়জ্ঞবিদো য়জ্ঞক্ষপিতকল্মষাঃ ॥ ৪-৩০॥

অপরে নিয়ত-আহারাঃ প্রাণান্ প্রাণেষু জুহ্বতি ।

সর্বে অপি এতে য়জ্ঞবিদঃ য়জ্ঞ-ক্ষপিত-কল্মষাঃ ॥ ৪-৩০॥

অপরে নিয়ত-আহারাঃ প্রাণান্ প্রাণেষু জুহ্বতি । এতে সর্বে অপি

য়জ্ঞবিদঃ য়জ্ঞ-ক্ষপিত-কল্মষাঃ (সন্তি) ।

য়জ্ঞশিষ্টামৃতভুজো য়ান্তি ব্রহ্ম সনাতনম্ ।

নায়ং লোকোঽস্ত্যয়জ্ঞস্য কুতোঽন্যঃ কুরুসত্তম ॥ ৪-৩১॥

য়জ্ঞ-শিষ্ট-অমৃত-ভুজঃ য়ান্তি ব্রহ্ম সনাতনম্ ।

নায়ম্ লোকঃ অস্তি অয়জ্ঞস্য কুতঃ অন্যঃ কুরুসত্তম ॥ ৪-৩১॥

হে কুরুসত্তম! য়জ্ঞ-শিষ্ট-অমৃত-ভুজঃ সনাতনম্ ব্রহ্ম য়ান্তি ।

অয়জ্ঞস্য অয়ম্ লোকঃ ন অস্তি, কুতঃ অন্যঃ ?

এবং বহুবিধা য়জ্ঞা বিততা ব্রহ্মণো মুখে ।

কর্মজান্বিদ্ধি তান্সর্বানেবং জ্ঞাত্বা বিমোক্ষ্যসে ॥ ৪-৩২॥

এবম্ বহুবিধাঃ য়জ্ঞাঃ বিততাঃ ব্রহ্মণঃ মুখে ।

কর্মজান্ বিদ্ধি তান্ সর্বান্ এবম্ জ্ঞাত্বা বিমোক্ষ্যসে ॥ ৪-৩২॥
এবম্ বহুবিধাঃ য়জ্ঞাঃ ব্রহ্মণঃ মুখে বিততাঃ (সন্তি, ত্বং)
তান্ সর্বান্ কর্মজান্ বিদ্ধি । এবম্ জ্ঞাত্বা (ত্বং) বিমোক্ষ্যসে ।

শ্রেয়ান্দ্রব্যময়াদ্যজ্ঞাজ্জ্ঞানয়জ্ঞঃ পরন্তপ ।
সর্বং কর্মাখিলং পার্থ জ্ঞানে পরিসমাপ্যতে ॥ ৪-৩৩॥

শ্রেয়ান্ দ্রব্যময়াত্ য়জ্ঞাত্ জ্ঞান-য়জ্ঞঃ পরন্তপ ।

সর্বম্ কর্ম-অখিলম্ পার্থ জ্ঞানে পরিসমাপ্যতে ॥ ৪-৩৩॥

হে পরন্তপ! দ্রব্যময়াত্ য়জ্ঞাত্ জ্ঞান-য়জ্ঞঃ শ্রেয়ান্ ।

হে পার্থ! সর্বম্ অখিলম্ কর্ম জ্ঞানে পরিসমাপ্যতে ।

তদ্বিদ্ধি প্রণিপাতেন পরিপ্রশ্নেন সেবয়া ।

উপদেক্ষ্যন্তি তে জ্ঞানং জ্ঞানিনস্তত্ত্বদর্শিনঃ ॥ ৪-৩৪॥

তত্ বিদ্ধি প্রণিপাতেন পরিপ্রশ্নেন সেবয়া ।

উপদেক্ষ্যন্তি তে জ্ঞানম্ জ্ঞানিনঃ তত্ত্ব-দর্শিনঃ ॥ ৪-৩৪॥

প্রণিপাতেন পরিপ্রশ্নেন সেবয়া তত্ত্ব-দর্শিনঃ জ্ঞানিনঃ

জ্ঞানম্ তে উপদেক্ষ্যন্তি তত্ (ত্বং) বিদ্ধি ।

য়জ্জ্ঞাত্বা ন পুনর্মোহমেবং য়াস্যসি পাণ্ডব ।

য়েন ভূতান্যশেষাণ দ্রক্ষ্যস্যাত্মন্যথো ময়ি ॥ ৪-৩৫॥

য়ত্ জ্ঞাত্বা ন পুনঃ মোহম্ এবম্ য়াস্যসি পাণ্ডব ।

য়েন ভূতানি অশেষাণি দ্রক্ষ্যসি আত্মনি অথো ময়ি ॥ ৪-৩৫॥

হে পাণ্ডব! য়ত্ জ্ঞাত্বা (ত্বং) পুনঃ এবম্ মোহম্

ন য়াস্যসি, য়েন ভূতানি অশেষেণ আত্মনি অথো ময়ি দ্রক্ষ্যসি ।

অপি চেদসি পাপেভ্যঃ সর্বেভ্যঃ পাপকৃত্তমঃ ।

সর্বং জ্ঞানপ্লবেনৈব বৃজিনং সন্তরিষ্যসি ॥ ৪-৩৬॥

অপি চেত্ অসি পাপেভ্যঃ সর্বেভ্যঃ পাপ-কৃত্তমঃ ।

সর্বম্ জ্ঞান-প্লবেন এব বৃজিনম্ সন্তরিষ্যসি ॥ ৪-৩৬॥

(ত্বং) সর্বেভ্যঃ পাপেভ্যঃ অপি পাপ-কৃত্তমঃ অসি চেত্ সর্বম্

বৃজিনম্ জ্ঞান-প্লবেন এব সন্তরিষ্যসি ।

য়থৈধাংসি সমিদ্ধোঽগ্নির্ভস্মসাত্কুরুতেঽর্জুন ।
জ্ঞানাগ্নিঃ সর্বকর্মাণি ভস্মসাত্কুরুতে তথা ॥ ৪-৩৭॥

য়থা এধাংসি সমিদ্ধঃ অগ্নিঃ ভস্মসাত্ কুরুতে অর্জুন ।

জ্ঞান-অগ্নিঃ সর্ব-কর্মাণি ভস্মসাত্ কুরুতে তথা ॥ ৪-৩৭॥

হে অর্জুন! য়থা সমিদ্ধঃ অগ্নিঃ এধাংসি ভস্মসাত্ কুরুতে,

তথা জ্ঞান-অগ্নিঃ সর্ব-কর্মাণি ভস্মসাত্ কুরুতে ।

ন হি জ্ঞানেন সদৃশং পবিত্রমিহ বিদ্যতে ।

তত্স্বয়ং য়োগসংসিদ্ধঃ কালেনাত্মনি বিন্দতি ॥ ৪-৩৮॥

ন হি জ্ঞানেন সদৃশম্ পবিত্রম্ ইহ বিদ্যতে ।

তত্ স্বয়ং য়োগ-সংসিদ্ধঃ কালেন আত্মনি বিন্দতি ॥ ৪-৩৮॥

হি ইহ জ্ঞানেন সদৃশম্ পবিত্রম্ ন বিদ্যতে । তত্ (জ্ঞানং)

স্বয়ং য়োগ-সংসিদ্ধঃ কালেন আত্মনি বিন্দতি ।

শ্রদ্ধাবাঁল্লভতে জ্ঞানং তত্পরঃ সংয়তেন্দ্রিয়ঃ ।

জ্ঞানং লব্ধ্বা পরাং শান্তিমচিরেণাধিগচ্ছতি ॥ ৪-৩৯॥

শ্রদ্ধাবান্ লভতে জ্ঞানম্ তত্পরঃ সংয়ত-ইন্দ্রিয়ঃ ।

জ্ঞানম্ লব্ধ্বা পরাম্ শান্তিম্ অচিরেণাধিগচ্ছতি ॥ ৪-৩৯॥

শ্রদ্ধাবান্, তত্পরঃ, সংয়ত-ইন্দ্রিয়ঃ জ্ঞানম্ লভতে ।

জ্ঞানম্ লব্ধ্বা অচিরেণ পরাম্ শান্তিম্ অধিগচ্ছতি ।

অজ্ঞশ্চাশ্রদ্দধানশ্চ সংশয়াত্মা বিনশ্যতি ।

নায়ং লোকোঽস্তি ন পরো ন সুখং সংশয়াত্মনঃ ॥ ৪-৪০॥

অজ্ঞঃ চ অশ্রদ্দধানঃ চ সংশয়-আত্মা বিনশ্যতি ।

ন অয়ং লোকঃ অস্তি ন পরঃ ন সুখং সংশয়াত্মনঃ ॥ ৪-৪০॥

অজ্ঞঃ চ অশ্রদ্দধানঃ চ সংশয়-আত্মা বিনশ্যতি ।

সংশয়াত্মনঃ অয়ং লোকঃ ন অস্তি, ন পরঃ (লোকঃ),
ন (চ) সুখং (অস্তি)।

য়োগসংন্যস্তকর্মাণং জ্ঞানসঞ্ছিন্নসংশয়ম্ ।
আত্মবন্তং ন কর্মাণি নিবধ্নন্তি ধনঞ্জয় ॥ ৪-৪১॥

য়োগ-সংন্যস্তকর্মাণং জ্ঞানসঞ্ছিন্নসংশয়ম্ ।
আত্মবন্তং ন কর্মাণি নিবধ্নন্তি ধনঞ্জয় ॥ ৪-৪১॥

হে ধনঞ্জয়! য়োগ-সংন্যস্তকর্মাণং জ্ঞানসঞ্ছিন্নসংশয়ম্

আত্মবন্তং কর্মাণি ন নিবধ্নন্তি ।

তস্মাদজ্ঞানসম্ভূতং হৃত্স্থং জ্ঞানাসিনাত্মনঃ ।

ছিত্ত্বৈনং সংশয়ং য়োগমাতিষ্ঠোত্তিষ্ঠ ভারত ॥ ৪-৪২॥

তস্মাত্ অজ্ঞান-সম্ভূতম্ হৃত্স্থম্ জ্ঞান-অসিনা-আত্মনঃ ।

ছিত্ত্বা এনম্ সংশয়ম্ য়োগম্ আতিষ্ঠ উত্তিষ্ঠ ভারত ॥ ৪-৪২॥

হে ভারত!তস্মাত্ অজ্ঞান-সম্ভূতম্ হৃত্স্থম্ আত্মনঃ

এনম্ সংশয়ম্ জ্ঞান-অসিনা ছিত্ত্বা য়োগম্ আতিষ্ঠ,
(য়ুদ্ধায় চ) উত্তিষ্ঠ ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
জ্ঞানকর্মসংন্যাসয়োগো নাম চতুর্থোঽধ্যায়ঃ ॥ ৪॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
জ্ঞান-কর্ম-সংন্যাস-য়োগঃ নাম চতুর্থঃ অধ্যায়ঃ ॥ ৪॥

অথ পঞ্চমোঽধ্যায়ঃ । সংন্যাসয়োগঃ ।
অথ পঞ্চমঃ অধ্যায়ঃ । সংন্যাস-য়োগঃ ।

অর্জুন উবাচ ।
অর্জুনঃ উবাচ ।

সংন্যাসং কর্মণাং কৃষ্ণ পুনর্যোগং চ শংসসি ।

য়চ্ছ্রেয় এতয়োরেকং তন্মে ব্রূহি সুনিশ্চিতম্ ॥ ৫-১॥

সংন্যাসম্ কর্মণাম্ কৃষ্ণ পুনঃ য়োগম্ চ শংসসি ।

য়ত্ শ্রেয়ঃ এতয়োঃ একম্ তত্ মে ব্রূহি সুনিশ্চিতম্ ॥ ৫-১॥
হে কৃষ্ণ! কর্মণাম্ সংন্যাসম্, পুনঃ য়োগম্ চ শংসসি;
এতয়োঃ য়ত্ একম্ শ্রেয়ঃ তত্ মে সুনিশ্চিতম্ ব্রূহি ।

শ্রীভগবানুবাচ ।
শ্রীভগবান্ উবাচ ।

সংন্যাসঃ কর্ময়োগশ্চ নিঃশ্রেয়সকরাবুভৌ ।

তয়োস্তু কর্মসংন্যাসাত্কর্ময়োগো বিশিষ্যতে ॥ ৫-২॥

সংন্যাসঃ কর্ম-য়োগঃ চ নিঃশ্রেয়সকরৌ উভৌ ।

তয়োঃ তু কর্ম-সংন্যাসাত্ কর্ম-য়োগঃ বিশিষ্যতে ॥ ৫-২॥

সংন্যাসঃ কর্ম-য়োগঃ চ উভৌ নিঃশ্রেয়সকরৌ;

তয়োঃ তু কর্ম-সংন্যাসাত্ কর্ম-য়োগঃ বিশিষ্যতে ।

জ্ঞেয়ঃ স নিত্যসংন্যাসী য়ো ন দ্বেষ্টি ন কাঙ্ক্ষতি ।

নির্দ্বন্দ্বো হি মহাবাহো সুখং বন্ধাত্প্রমুচ্যতে ॥ ৫-৩॥

জ্ঞেয়ঃ সঃ নিত্য-সংন্যাসী য়ঃ ন দ্বেষ্টি ন কাঙ্ক্ষতি ।

নির্দ্বন্দ্বঃ হি মহাবাহো সুখম্ বন্ধাত্ প্রমুচ্যতে ॥ ৫-৩॥

য়ঃ ন দ্বেষ্টি, ন (চ) কাঙ্ক্ষতি, সঃ নিত্য-সংন্যাসী

জ্ঞেয়ঃ; মহাবাহো! হি নির্দ্বন্দ্বঃ বন্ধাত্ সুখম্ প্রমুচ্যতে ।

সাঙ্খ্যয়োগৌ পৃথগ্বালাঃ প্রবদন্তি ন পণ্ডিতাঃ ।

একমপ্যাস্থিতঃ সম্যগুভয়োর্বিন্দতে ফলম্ ॥ ৫-৪॥

সাঙ্খ্য-য়োগৌ পৃথক্ বালাঃ প্রবদন্তি ন পণ্ডিতাঃ ।

একম্ অপি আস্থিতঃ সম্যক্ উভয়োঃ বিন্দতে ফলম্ ॥ ৫-৪॥

সাঙ্খ্য-য়োগৌ পৃথক্ (ইতি) বালাঃ প্রবদন্তি, ন পণ্ডিতাঃ ।

একম্ অপি সম্যক্ আস্থিতঃ (পুরুষঃ) উভয়োঃ ফলম্ বিন্দতে ।

য়ত্সাঙ্খ্যৈঃ প্রাপ্যতে স্থানং তদ্যোগৈরপি গম্যতে ।

একং সাঙ্খ্যং চ য়োগং চ য়ঃ পশ্যতি স পশ্যতি ॥ ৫-৫॥

য়ত্ সাঙ্খ্যৈঃ প্রাপ্যতে স্থানম্ তত্ য়োগৈঃ অপি গম্যতে ।

একম্ সাঙ্খ্যম্ চ য়োগম্ চ য়ঃ পশ্যতি স পশ্যতি ॥ ৫-৫॥

য়ত্ স্থানম্ সাঙ্খ্যৈঃ প্রাপ্যতে, তত্ য়োগৈঃ অপি গম্যতে;

য়ঃ সাঙ্খ্যম্ চ য়োগম্ চ একম্ পশ্যতি, স (এব) পশ্যতি ।

সংন্যাসস্তু মহাবাহো দুঃখমাপ্তুময়োগতঃ ।

য়োগয়ুক্তো মুনির্ব্রহ্ম নচিরেণাধিগচ্ছতি ॥ ৫-৬॥

সংন্যাসঃ তু মহাবাহো দুঃখম্ আপ্তুম্ অয়োগতঃ ।

য়োগ-য়ুক্তঃ মুনিঃ ব্রহ্ম নচিরেণ অধিগচ্ছতি ॥ ৫-৬॥

হে মহাবাহো! অয়োগতঃ সংন্যাসঃ তু দুঃখম্ আপ্তুম্,

য়োগ-য়ুক্তঃ মুনিঃ ন চিরেণ ব্রহ্ম অধিগচ্ছতি ।

য়োগয়ুক্তো বিশুদ্ধাত্মা বিজিতাত্মা জিতেন্দ্রিয়ঃ ।

সর্বভূতাত্মভূতাত্মা কুর্বন্নপি ন লিপ্যতে ॥ ৫-৭॥

য়োগ-য়ুক্তঃ বিশুদ্ধ-আত্মা বিজিত-আত্মা জিত-ইন্দ্রিয়ঃ ।

সর্ব-ভূত-আত্ম-ভূত-আত্মা কুর্বন্ অপি ন লিপ্যতে ॥ ৫-৭॥

য়োগ-য়ুক্তঃ, বিশুদ্ধ-আত্মা, বিজিত-আত্মা, জিত-ইন্দ্রিয়ঃ,

সর্ব-ভূত-আত্ম-ভূত-আত্মা, কুর্বন্ অপি ন লিপ্যতে ।
নৈব কিঞ্চিত্করোমীতি য়ুক্তো মন্যেত তত্ত্ববিত্ ।
পশ্যঞ্শৃণ্বন্স্পৃশঞ্জিঘ্রন্নশ্নন্গচ্ছন্স্বপঞ্শ্বসন্ ॥ ৫-৮॥

প্রলপন্বিসৃজন্গৃহ্ণন্নুন্মিষন্নিমিষন্নপি ।
ইন্দ্রিয়াণীন্দ্রিয়ার্থেষু বর্তন্ত ইতি ধারয়ন্ ॥ ৫-৯॥

ন এব কিঞ্চিত্ করোমি ইতি য়ুক্তঃ মন্যেত তত্ত্ববিত্ ।

পশ্যন্ শৃণ্বন্ স্পৃশন্ জিঘ্রন্ অশ্নন্ গচ্ছন্ স্বপঞ্ শ্বসন্ ॥ ৫-৮॥

প্রলপন্ বিসৃজন্ গৃহ্ণন্ উন্মিষন্ নিমিষন্ অপি ।

ইন্দ্রিয়াণি ইন্দ্রিয়-অর্থেষু বর্তন্তে ইতি ধারয়ন্ ॥ ৫-৯॥

য়ুক্তঃ তত্ত্ববিত্ পশ্যন্, শৃণ্বন্, স্পৃশন্, জিঘ্রন্, অশ্নন্,

গচ্ছন্, স্বপন্, শ্বসন্, প্রলপন্, বিসৃজন্, গৃহ্ণন্,
উন্মিষন্ নিমিষন্ অপি, ইন্দ্রিয়াণি ইন্দ্রিয়-অর্থেষু বর্তন্তে ইতি ধারয়ন্
কিঞ্চিত্ ন এব করোমি ইতি মন্যেত ।

ব্রহ্মণ্যাধায় কর্মাণি সঙ্গং ত্যক্ত্বা করোতি য়ঃ ।

লিপ্যতে ন স পাপেন পদ্মপত্রমিবাম্ভসা ॥ ৫-১০॥

ব্রহ্মণি আধায় কর্মাণি সঙ্গম্ ত্যক্ত্বা করোতি য়ঃ ।

লিপ্যতে ন সঃ পাপেন পদ্ম-পত্রম্ ইব অম্ভসা ॥ ৫-১০॥

য়ঃ সঙ্গম্ ত্যক্ত্বা কর্মাণি, ব্রহ্মণি আধায় করোতি, সঃ

পদ্ম-পত্রম্ অম্ভসা ইব, পাপেন ন লিপ্যতে ।

কায়েন মনসা বুদ্ধ্যা কেবলৈরিন্দ্রিয়ৈরপি ।

য়োগিনঃ কর্ম কুর্বন্তি সঙ্গং ত্যক্ত্বাত্মশুদ্ধয়ে ॥ ৫-১১॥

কায়েন মনসা বুদ্ধ্যা কেবলৈঃ ইন্দ্রিয়ৈঃ অপি ।

য়োগিনঃ কর্ম কুর্বন্তি সঙ্গম্ ত্যক্ত্বা আত্ম-শুদ্ধয়ে ॥ ৫-১১॥

য়োগিনঃ আত্ম-শুদ্ধয়ে কায়েন, মনসা, বুদ্ধ্যা, কেবলৈঃ

ইন্দ্রিয়ৈঃ অপি সঙ্গম্ ত্যক্ত্বা কর্ম কুর্বন্তি ।

য়ুক্তঃ কর্মফলং ত্যক্ত্বা শান্তিমাপ্নোতি নৈষ্ঠিকীম্ ।

অয়ুক্তঃ কামকারেণ ফলে সক্তো নিবধ্যতে ॥ ৫-১২॥

য়ুক্তঃ কর্ম-ফলং ত্যক্ত্বা শান্তিম্ আপ্নোতি নৈষ্ঠিকীম্ ।

অয়ুক্তঃ কামকারেণ ফলে সক্তঃ নিবধ্যতে ॥ ৫-১২॥

য়ুক্তঃ কর্ম-ফলং ত্যক্ত্বা নৈষ্ঠিকীম্ শান্তিম্ আপ্নোতি ।

অয়ুক্তঃ কামকারেণ ফলে সক্তঃ নিবধ্যতে ।

সর্বকর্মাণি মনসা সংন্যস্যাস্তে সুখং বশী ।

নবদ্বারে পুরে দেহী নৈব কুর্বন্ন কারয়ন্ ॥ ৫-১৩॥

সর্ব-কর্মাণি মনসা সংন্যস্য আস্তে সুখম্ বশী ।

নব-দ্বারে পুরে দেহী ন এব কুর্বন্ ন কারয়ন্ ॥ ৫-১৩॥

বশী দেহী সর্ব-কর্মাণি মনসা সংন্যস্য, নব-দ্বারে পুরে,

ন এব কুর্বন্, ন কারয়ন্ সুখম্ আস্তে ।

ন কর্তৃত্বং ন কর্মাণি লোকস্য সৃজতি প্রভুঃ ।

ন কর্মফলসংয়োগং স্বভাবস্তু প্রবর্ততে॥ ৫-১৪॥

ন কর্তৃত্বম্ ন কর্মাণি লোকস্য সৃজতি প্রভুঃ ।

ন কর্ম-ফল-সংয়োগম্ স্বভাবঃ তু প্রবর্ততে ॥ ৫-১৪॥
প্রভুঃ লোকস্য ন কর্তৃ ত্বম্, ন কর্মাণি, ন কর্ম-ফল-সংয়োগম্
সৃজতি । স্বভাবঃ তু প্রবর্ততে ।

নাদত্তে কস্যচিত্পাপং ন চৈব সুকৃতং বিভুঃ ।

অজ্ঞানেনাবৃতং জ্ঞানং তেন মুহ্যন্তি জন্তবঃ ॥ ৫-১৫॥

ন আদত্তে কস্যচিত্ পাপং ন চ এব সুকৃতং বিভুঃ ।

অজ্ঞানেন আবৃতম্ জ্ঞানম্ তেন মুহ্যন্তি জন্তবঃ ॥ ৫-১৫॥

বিভুঃ ন কস্যচিত্ পাপং, ন চ এব সুকৃতং আদত্তে ।

অজ্ঞানেন জ্ঞানম্ আবৃতম্, তেন জন্তবঃ মুহ্যন্তি ।

জ্ঞানেন তু তদজ্ঞানং য়েষাং নাশিতমাত্মনঃ ।

তেষামাদিত্যবজ্জ্ঞানং প্রকাশয়তি তত্পরম্ ॥ ৫-১৬॥

জ্ঞানেন তু তত্ অজ্ঞানম্ য়েষাম্ নাশিতম্ আত্মনঃ ।

তেষাম্ আদিত্যবত্ জ্ঞানম্ প্রকাশয়তি তত্ পরম্ ॥ ৫-১৬॥

য়েষাম্ তু তত্ অজ্ঞানম্ আত্মনঃ জ্ঞানেন নাশিতম্, তেষাম্

জ্ঞানম্ আদিত্যবত্ তত্ পরম্ প্রকাশয়তি ।

তদ্বুদ্ধয়স্তদাত্মানস্তন্নিষ্ঠাস্তত্পরায়ণাঃ ।
গচ্ছন্ত্যপুনরাবৃত্তিং জ্ঞাননির্ধূতকল্মষাঃ ॥ ৫-১৭॥

তত্ বুদ্ধয়ঃ তত্ আত্মানঃ তত্ নিষ্ঠাঃ তত্ পরায়ণাঃ ।

গচ্ছন্তি অপুনরাবৃত্তিম্ জ্ঞান-নির্ধূত-কল্মষাঃ ॥ ৫-১৭॥

তত্ বুদ্ধয়ঃ, তত্ আত্মানঃ, তত্ নিষ্ঠাঃ, তত্ পরায়ণাঃ,

জ্ঞান-নির্ধূত-কল্মষাঃ অপুনরাবৃত্তিম্ গচ্ছন্তি ।

বিদ্যাবিনয়সম্পন্নে ব্রাহ্মণে গবি হস্তিনি ।

শুনি চৈব শ্বপাকে চ পণ্ডিতাঃ সমদর্শিনঃ ॥ ৫-১৮॥

বিদ্যা-বিনয়-সম্পন্নে ব্রাহ্মণে গবি হস্তিনি ।

শুনি চ এব শ্বপাকে চ পণ্ডিতাঃ সম-দর্শিনঃ ॥ ৫-১৮॥

পণ্ডিতাঃ বিদ্যা-বিনয়-সম্পন্নে ব্রাহ্মণে, গবি, হস্তিনি, শুনি, চ

শ্বপাকে চ এব সম-দর্শিনঃ (সন্তি) ।

ইহৈব তৈর্জিতঃ সর্গো য়েষাং সাম্যে স্থিতং মনঃ ।

নির্দোষং হি সমং ব্রহ্ম তস্মাদ্ ব্রহ্মণি তে স্থিতাঃ ॥ ৫-১৯॥

ইহ এব তৈঃ জিতঃ সর্গঃ য়েষাম্ সাম্যে স্থিতম্ মনঃ ।

নির্দোষম্ হি সমম্ ব্রহ্ম তস্মাত্ ব্রহ্মণি তে স্থিতাঃ ॥ ৫-১৯॥

য়েষাম্ মনঃ সাম্যে স্থিতম্, তৈঃ ইহ এব সর্গঃ জিতঃ,

ব্রহ্ম হি সমম্ নির্দোষম্, তস্মাত্ তে ব্রহ্মণি স্থিতাঃ ।

ন প্রহৃষ্যেত্প্রিয়ং প্রাপ্য নোদ্বিজেত্প্রাপ্য চাপ্রিয়ম্ ।

স্থিরবুদ্ধিরসম্মূঢো ব্রহ্মবিদ্ ব্রহ্মণি স্থিতঃ ॥ ৫-২০॥

ন প্রহৃষ্যেত্ প্রিয়ম্ প্রাপ্য ন উদ্বিজেত্ প্রাপ্য চ অপ্রিয়ম্ ।

স্থির-বুদ্ধিঃ অসম্মূঢঃ ব্রহ্মবিত্ ব্রহ্মণি স্থিতঃ ॥ ৫-২০॥

প্রিয়ম্ প্রাপ্য ন প্রহৃষ্যেত্, অপ্রিয়ম্ প্রাপ্য চ ন উদ্বিজেত্,

(এবং) স্থির-বুদ্ধিঃ, অসম্মূঢঃ, ব্রহ্মবিত্ ব্রহ্মণি স্থিতঃ ।

বাহ্যস্পর্শেষ্বসক্তাত্মা বিন্দত্যাত্মনি য়ত্সুখম্ ।

স ব্রহ্ময়োগয়ুক্তাত্মা সুখমক্ষয়মশ্নুতে ॥ ৫-২১॥

বাহ্য-স্পর্শেষু অসক্ত-আত্মা বিন্দতি আত্মনি য়ত্ সুখম্ ।

সঃ ব্রহ্ম-য়োগ-য়ুক্তাত্মা সুখম্ অক্ষয়ম্ অশ্নুতে ॥ ৫-২১॥

বাহ্য-স্পর্শেষু অসক্ত-আত্মা, আত্মনি য়ত্ সুখম্ বিন্দতি,

সঃ ব্রহ্ম-য়োগ-য়ুক্তাত্মা অক্ষয়ম্ সুখম্ অশ্নুতে ।

য়ে হি সংস্পর্শজা ভোগা দুঃখয়োনয় এব তে ।

আদ্যন্তবন্তঃ কৌন্তেয় ন তেষু রমতে বুধঃ ॥ ৫-২২॥

য়ে হি সংস্পর্শজাঃ ভোগাঃ দুঃখ-য়োনয়ঃ এব তে ।

আদি অন্তবন্তঃ কৌন্তেয় ন তেষু রমতে বুধঃ ॥ ৫-২২॥

হে কৌন্তেয়! য়ে হি সংস্পর্শজাঃ ভোগাঃ তে দুঃখ-য়োনয়ঃ

আদি অন্তবন্তঃ এব, তেষু বুধঃ ন রমতে ।

শক্নোতীহৈব য়ঃ সোঢুং প্রাক্শরীরবিমোক্ষণাত্ ।

কামক্রোধোদ্ভবং বেগং স য়ুক্তঃ স সুখী নরঃ ॥ ৫-২৩॥

শক্নোতি ইহ এব য়ঃ সোঢুম্ প্রাক্ শরীর-বিমোক্ষণাত্ ।

কাম-ক্রোধ-উদ্ভবম্ বেগম্ সঃ য়ুক্তঃ সঃ সুখী নরঃ ॥ ৫-২৩॥

ইহ এব শরীর-বিমোক্ষণাত্ প্রাক্, য়ঃ কাম-ক্রোধ-উদ্ভবম্

বেগম্ সোঢুম্ শক্নোতি, সঃ নরঃ য়ুক্তঃ, সঃ সুখী (ভবতি) ।

য়োঽন্তঃসুখোঽন্তরারামস্তথান্তর্জ্যোতিরেব য়ঃ ।
স য়োগী ব্রহ্মনির্বাণং ব্রহ্মভূতোঽধিগচ্ছতি ॥ ৫-২৪॥

য়ঃ অন্তঃ-সুখঃ অন্তর-আরামঃ তথা অন্তর্-জ্যোতিঃ এব য়ঃ ।

সঃ য়োগী ব্রহ্ম-নির্বাণম্ ব্রহ্ম-ভূতঃ অধিগচ্ছতি ॥ ৫-২৪॥

য়ঃ অন্তঃ-সুখঃ, অন্তর-আরামঃ, তথা য়ঃ অন্তর্-জ্যোতিঃ এব,

সঃ য়োগী ব্রহ্ম-ভূতঃ ব্রহ্ম-নির্বাণম্ অধিগচ্ছতি ।

লভন্তে ব্রহ্মনির্বাণমৃষয়ঃ ক্ষীণকল্মষাঃ ।

ছিন্নদ্বৈধা য়তাত্মানঃ সর্বভূ তহিতে রতাঃ ॥ ৫-২৫॥

লভন্তে ব্রহ্ম-নির্বাণম্ ঋষয়ঃ ক্ষীণ-কল্মষাঃ ।

ছিন্ন-দ্বৈধাঃ য়ত-আত্মানঃ সর্ব-ভূতহিতে রতাঃ ॥ ৫-২৫॥

ক্ষীণ-কল্মষাঃ, ছিন্ন-দ্বৈধাঃ, য়ত-আত্মানঃ,

সর্ব-ভূতহিতে রতাঃ ঋষয়ঃ ব্রহ্ম-নির্বাণম্ লভন্তে ।

কামক্রোধবিয়ুক্তানাং য়তীনাং য়তচেতসাম্ ।

অভিতো ব্রহ্মনির্বাণং বর্ততে বিদিতাত্মনাম্ ॥ ৫-২৬॥

কাম-ক্রোধ-বিয়ুক্তানাম্ য়তীনাম্ য়ত-চেতসাম্ ।

অভিতঃ ব্রহ্ম-নির্বাণং বর্ততে বিদিত-আত্মনাম্ ॥ ৫-২৬॥

কাম- ক্রোধ-বিয়ুক্তানাম্ য়ত-চেতসাম্ বিদিত-আত্মনাম্

য়তীনাম্ অভিতঃ ব্রহ্ম-নির্বাণং বর্ততে ।

স্পর্শান্কৃত্বা বহির্বাহ্যাংশ্চক্ষুশ্চৈবান্তরে ভ্রুবোঃ ।

প্রাণাপানৌ সমৌ কৃ ত্বা নাসাভ্যন্তরচারিণৌ ॥ ৫-২৭॥

য়তেন্দ্রিয়মনোবুদ্ধির্মুনির্মোক্ষপরায়ণঃ ।
বিগতেচ্ছাভয়ক্রোধো য়ঃ সদা মুক্ত এব সঃ ॥ ৫-২৮॥
স্পর্শান্ কৃত্বা বহিঃ বাহ্যান্ চক্ষুঃ চ এব অন্তরে ভ্রুবোঃ ।
প্রাণ-অপানৌ সমৌ কৃত্বা নাস-অভ্যন্তর-চারিণৌ ॥ ৫-২৭॥

য়ত-ইন্দ্রিয়-মনঃ বুদ্ধিঃ মুনিঃ মোক্ষ-পরায়ণঃ ।

বিগত-ইচ্ছা-ভয়-ক্রোধঃ য়ঃ সদা মুক্তঃ এব সঃ ॥ ৫-২৮॥

য়ঃ মুনিঃ বাহ্যান্ স্পর্শান্ বহিঃ কৃত্বা, চক্ষুঃ চ এব

ভ্রুবোঃ অন্তরে কৃত্বা, প্রাণ-অপানৌ নাস-অভ্যন্তর-চারিণৌ
সমৌ ( কৃত্বা), য়ত-ইন্দ্রিয়-মনঃ বুদ্ধিঃ, বিগত-ইচ্ছা-ভয়-ক্রোধঃ,
মোক্ষ-পরায়ণঃ (স্যাত্) সঃ সদা মুক্তঃ এব ।

ভোক্তারং য়জ্ঞতপসাং সর্বলোকমহেশ্বরম্ ।

সুহৃদং সর্বভূতানাং জ্ঞাত্বা মাং শান্তিমৃচ্ছতি ॥ ৫-২৯॥

ভোক্তারম্ য়জ্ঞ-তপসাম্ সর্ব-লোক-মহেশ্বরম্ ।

সুহৃদম্ সর্ব-ভূতানাম্ জ্ঞাত্বা মাং শান্তিম্ ঋচ্ছতি ॥ ৫-২৯॥

য়জ্ঞ-তপসাম্ ভোক্তারম্ সর্ব-ভূতানাম্ সুহৃদম্

সর্ব-লোক-মহেশ্বরম্ মাম্ জ্ঞাত্বা শান্তিম্ ঋচ্ছতি ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
সংন্যাসয়োগো নাম পঞ্চমোঽধ্যায়ঃ ॥ ৫॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
সংন্যাস-য়োগঃ নাম পঞ্চমঃ অধ্যায়ঃ ॥ ৫॥

অথ ষষ্ঠোঽধ্যায়ঃ । আত্মসংয়ময়োগঃ ।
অথ ষষ্ঠঃ অধ্যায়ঃ । আত্ম-সংয়ম-য়োগঃ ।

শ্রীভগবানুবাচ ।
শ্রীভগবান্ উবাচ ।

অনাশ্রিতঃ কর্মফলং কার্যং কর্ম করোতি য়ঃ ।

স সংন্যাসী চ য়োগী চ ন নিরগ্নির্ন চাক্রিয়ঃ ॥ ৬-১॥

অনাশ্রিতঃ কর্ম-ফলম্ কার্যম্ কর্ম করোতি য়ঃ ।

সঃ সংন্যাসী চ য়োগী চ ন নিরগ্নিঃ ন চ অক্রিয়ঃ ॥ ৬-১॥

য়ঃ কর্ম-ফলম্ অনাশ্রিতঃ কার্যম্ কর্ম করোতি,

সঃ সংন্যাসী চ য়োগী চ, নিরগ্নিঃ ন অক্রিয়ঃ চ ন ।

য়ং সংন্যাসমিতি প্রাহুর্যোগং তং বিদ্ধি পাণ্ডব ।

ন হ্যসংন্যস্তসঙ্কল্পো য়োগী ভবতি কশ্চন ॥ ৬-২॥

য়ম্ সংন্যাসম্ ইতি প্রাহুঃ য়োগম্ তম্ বিদ্ধি পাণ্ডব ।

ন হি অসংন্যস্ত-সঙ্কল্পঃ য়োগী ভবতি কশ্চন ॥ ৬-২॥

হে পাণ্ডব! য়ম্ সংন্যাসম্ ইতি প্রাহুঃ তম্ য়োগম্ বিদ্ধি,

কশ্চন অসংন্যস্ত-সঙ্কল্পঃ য়োগী ন ভবতি হি ।

আরুরুক্ষোর্মুনের্যোগং কর্ম কারণমুচ্যতে ।

য়োগারূঢস্য তস্যৈব শমঃ কারণমুচ্যতে ॥ ৬-৩॥

আরুরুক্ষোঃ মুনেঃ য়োগম্ কর্ম কারণম্ উচ্যতে ।

য়োগ-আরূঢস্য তস্য এব শমঃ কারণম্ উচ্যতে ॥ ৬-৩॥
য়োগম্ আরুরুক্ষোঃ মুনেঃ কর্ম কারণম্ উচ্যতে,
য়োগ-আরূঢস্য তস্য এব শমঃ কারণম্ উচ্যতে ।

য়দা হি নেন্দ্রিয়ার্থেষু ন কর্মস্বনুষজ্জতে ।

সর্বসঙ্কল্পসংন্যাসী য়োগারূঢস্তদোচ্যতে ॥ ৬-৪॥

য়দা হি ন ইন্দ্রিয়-অর্থেষু ন কর্মসু অনুষজ্জতে ।

সর্ব-সঙ্কল্প-সংন্যাসী য়োগ-আরূঢঃ তদা উচ্যতে ॥ ৬-৪॥

য়দা হি ন ইন্দ্রিয়-অর্থেষু ন কর্মসু অনুষজ্জতে, তদা

সর্ব-সঙ্কল্প-সংন্যাসী য়োগ-আরূঢঃ উচ্যতে ।

উদ্ধরেদাত্মনাত্মানং নাত্মানমবসাদয়েত্ ।
আত্মৈব হ্যাত্মনো বন্ধুরাত্মৈব রিপুরাত্মনঃ ॥ ৬-৫॥

উদ্ধরেত্ আত্মনা আত্মানম্ ন আত্মানম্ অবসাদয়েত্ ।

আত্মা এব হি আত্মনঃ বন্ধুঃ আত্মা এব রিপুঃ আত্মনঃ ॥ ৬-৫॥

আত্মনা আত্মানম্ উদ্ধরেত্, আত্মানম্ ন অবসাদয়েত্ ।

আত্মা এব হি আত্মনঃ বন্ধুঃ, আত্মা এব আত্মনঃ রিপুঃ ।

বন্ধুরাত্মাত্মনস্তস্য য়েনাত্মৈবাত্মনা জিতঃ ।

অনাত্মনস্তু শত্রুত্বে বর্তেতাত্মৈব শত্রুবত্ ॥ ৬-৬॥

বন্ধুঃ আত্মা আত্মনঃ তস্য য়েন আত্মা এব আত্মনা জিতঃ ।

অনাত্মনঃ তু শত্রুত্বে বর্তেত আত্মা এব শত্রুবত্ ॥ ৬-৬॥

য়েন আত্মনা এব আত্মা জিতঃ, তস্য আত্মনঃ বন্ধুঃ আত্মা,

অনাত্মনঃ তু শত্রুত্বে আত্মা এব শত্রুবত্ বর্তেত ।

জিতাত্মনঃ প্রশান্তস্য পরমাত্মা সমাহিতঃ ।

শীতোষ্ণসুখদুঃখেষু তথা মানাপমানয়োঃ ॥ ৬-৭॥

জিত-আত্মনঃ প্রশান্তস্য পরমাত্মা সমাহিতঃ ।

শীত-উষ্ণ-সুখ-দুঃখেষু তথা মান-অপমানয়োঃ ॥ ৬-৭॥

জিত-আত্মনঃ প্রশান্তস্য পরম-আত্মা শীত-উষ্ণ-সুখ-দুঃখেষু

তথা মান-অপমানয়োঃ সমাহিতঃ (ভবতি)।

জ্ঞানবিজ্ঞানতৃপ্তাত্মা কূটস্থো বিজিতেন্দ্রিয়ঃ ।

য়ুক্ত ইত্যুচ্যতে য়োগী সমলোষ্টাশ্মকাঞ্চনঃ ॥ ৬-৮॥

জ্ঞান-বিজ্ঞান-তৃপ্ত-আত্মা কূটস্থঃ বিজিত-ইন্দ্রিয়ঃ ।

য়ুক্তঃ ইতি উচ্যতে য়োগী সম-লোষ্ট-অশ্ম-কাঞ্চনঃ ॥ ৬-৮॥

জ্ঞান-বিজ্ঞান-তৃপ্ত-আত্মা কূটস্থঃ বিজিত-ইন্দ্রিয়ঃ

সম-লোষ্ট-অশ্ম-কাঞ্চনঃ য়োগী য়ুক্তঃ ইতি উচ্যতে ।

সুহৃন্মিত্রার্যুদাসীনমধ্যস্থদ্বেষ্যবন্ধুষু ।
সাধুষ্বপি চ পাপেষু সমবুদ্ধির্বিশিষ্যতে ॥ ৬-৯॥

সুহৃত্ মিত্র-অরি-উদাসীন-মধ্যস্থ-দ্বেষ্য-বন্ধুষু ।
সাধুষু অপি চ পাপেষু সম-বুদ্ধিঃ বিশিষ্যতে ॥ ৬-৯॥

সুহৃত্ মিত্র-অরি-উদাসীন-মধ্যস্থ-দ্বেষ্য-বন্ধুষু সাধুষু

অপি চ পাপেষু সম-বুদ্ধিঃ বিশিষ্যতে ।

য়োগী য়ুঞ্জীত সততমাত্মানং রহসি স্থিতঃ ।

একাকী য়তচিত্তাত্মা নিরাশীরপরিগ্রহঃ ॥ ৬-১০॥

য়োগী য়ুঞ্জীত সততম্ আত্মানম্ রহসি স্থিতঃ ।

একাকী য়ত-চিত্ত-আত্মা নিরাশীঃ অপরিগ্রহঃ ॥ ৬-১০॥

য়োগী রহসি স্থিতঃ একাকী, য়ত-চিত্ত-আত্মা, নিরাশীঃ,

অপরিগ্রহঃ (চ সন্) সততম্ আত্মানম্ য়ুঞ্জীত ।

শুচৌ দেশে প্রতিষ্ঠাপ্য স্থিরমাসনমাত্মনঃ ।

নাত্যুচ্ছ্রিতং নাতিনীচং চৈলাজিনকুশোত্তরম্ ॥ ৬-১১॥

তত্রৈকাগ্রং মনঃ কৃত্বা য়তচিত্তেন্দ্রিয়ক্রিয়ঃ ।

উপবিশ্যাসনে য়ুঞ্জ্যাদ্যোগমাত্মবিশুদ্ধয়ে ॥ ৬-১২॥

শুচৌ দেশে প্রতিষ্ঠাপ্য স্থিরম্ আসনম্ আত্মনঃ ।

ন অতি-উচ্ছ্রিতম্ ন অতি-নীচম্ চৈল-অজিন-কুশ-উত্তরম্ ॥ ৬-১১॥

তত্র একাগ্রম্ মনঃ কৃত্বা য়ত-চিত্ত-ইন্দ্রিয়-ক্রিয়ঃ ।

উপবিশ্য আসনে য়ুঞ্জ্যাত্ য়োগম্ আত্ম-বিশুদ্ধয়ে ॥ ৬-১২॥

শুচৌ দেশে, ন অতি-উচ্ছ্রিতম্, ন অতি-নীচম্, চৈল-অজিন-কুশ-উত্তরম্,

আত্মনঃ স্থিরম্ আসনম্ প্রতিষ্ঠাপ্য তত্র আসনে উপবিশ্য
মনঃ একাগ্রম্ কৃ ত্বা, য়ত-চিত্ত-ইন্দ্রিয়-ক্রিয়ঃ (সন্)
আত্ম-বিশুদ্ধয়ে য়োগম্ য়ুঞ্জ্যাত্ ।

সমং কায়শিরোগ্রীবং ধারয়ন্নচলং স্থিরঃ ।

সম্প্রেক্ষ্য নাসিকাগ্রং স্বং দিশশ্চানবলোকয়ন্ ॥ ৬-১৩॥

প্রশান্তাত্মা বিগতভীর্ব্রহ্মচারিব্রতে স্থিতঃ ।

মনঃ সংয়ম্য মচ্চিত্তো য়ুক্ত আসীত মত্পরঃ ॥ ৬-১৪॥

সমম্ কায়-শিরঃ-গ্রীবম্ ধারয়ন্ অচলম্ স্থিরঃ ।

সম্প্রেক্ষ্য নাসিক-অগ্রং স্বম্ দিশঃ চ অনবলোকয়ন্ ॥ ৬-১৩॥

প্রশান্ত-আত্মা বিগত-ভীঃ ব্রহ্মচারি-ব্রতে স্থিতঃ ।

মনঃ সংয়ম্য মত্-চিত্তঃ য়ুক্তঃ আসীত মত্-পরঃ ॥ ৬-১৪॥

স্থিরঃ (ভূত্বা) কায়-শিরঃ-গ্রীবম্ অচলম্ সমম্ ধারয়ন্

স্বম্ নাসিক-অগ্রং সম্প্রেক্ষ্য, চ দিশঃ অনবলোকয়ন্ প্রশান্ত-আত্মা
বিগত-ভীঃ ব্রহ্মচারি-ব্রতে স্থিতঃ, মনঃ সংয়ম্য, মত্-চিত্তঃ মত্-পরঃ য়ুক্তঃ আসীত ।

য়ুঞ্জন্নেবং সদাত্মানং য়োগী নিয়তমানসঃ ।

শান্তিং নির্বাণপরমাং মত্সংস্থামধিগচ্ছতি ॥ ৬-১৫॥

য়ুঞ্জন্ এবং সদা আত্মানম্ য়োগী নিয়ত-মানসঃ ।

শান্তিম্ নির্বাণ-পরমাম্ মত্-সংস্থাম্ অধিগচ্ছতি ॥ ৬-১৫॥

এবং সদা আত্মানম্ য়ুঞ্জন্, নিয়ত-মানসঃ য়োগী

নির্বাণ-পরমাম্ মত্-সংস্থাম্ শান্তিম্ অধিগচ্ছতি ।

নাত্যশ্নতস্তু য়োগোঽস্তি ন চৈকান্তমনশ্নতঃ ।

ন চাতিস্বপ্নশীলস্য জাগ্রতো নৈব চার্জুন ॥ ৬-১৬॥

ন অতি অশ্নতঃ তু য়োগঃ অস্তি ন চ একান্তম্ অনশ্নতঃ ।

ন চ অতি-স্বপ্ন-শীলস্য জাগ্রতঃ ন এব চ অর্জুন ॥ ৬-১৬॥

হে অর্জুন! অতি অশ্নতঃ তু ন য়োগঃ অস্তি, একান্তম্ অনশ্নতঃ চ ন,

অতি-স্বপ্ন-শীলস্য চ ন, জাগ্রতঃ চ ন এব ।
য়ুক্তাহারবিহারস্য য়ুক্তচেষ্টস্য কর্মসু ।
য়ুক্তস্বপ্নাববোধস্য য়োগো ভবতি দুঃখহা ॥ ৬-১৭॥

য়ুক্ত-আহার-বিহারস্য য়ুক্ত-চেষ্টস্য কর্মসু ।

য়ুক্ত-স্বপ্ন-অববোধস্য য়োগঃ ভবতি দুঃখহা ॥ ৬-১৭॥

য়ুক্ত-আহার-বিহারস্য, কর্মসু য়ুক্ত-চেষ্টস্য,

য়ুক্ত-স্বপ্ন-অববোধস্য য়োগঃ দুঃখহা ভবতি ।

য়দা বিনিয়তং চিত্তমাত্মন্যেবাবতিষ্ঠতে ।

নিঃস্পৃহঃ সর্বকামেভ্যো য়ুক্ত ইত্যুচ্যতে তদা ॥ ৬-১৮॥

য়দা বিনিয়তম্ চিত্তম্ আত্মনি এব অবতিষ্ঠতে ।

নিঃস্পৃহঃ সর্ব-কামেভ্যঃ য়ুক্তঃ ইতি উচ্যতে তদা ॥ ৬-১৮॥

য়দা বিনিয়তম্ চিত্তম্ আত্মনি এব অবতিষ্ঠতে,

সর্ব-কামেভ্যঃ নিঃস্পৃহঃ তদা য়ুক্তঃ ইতি উচ্যতে ।

য়থা দীপো নিবাতস্থো নেঙ্গতে সোপমা স্মৃতা ।

য়োগিনো য়তচিত্তস্য য়ুঞ্জতো য়োগমাত্মনঃ ॥ ৬-১৯॥

য়থা দীপঃ নিবাতস্থঃ নেঙ্গতে সোপমা স্মৃতা ।

য়োগিনঃ য়ত-চিত্তস্য য়ুঞ্জতঃ য়োগম্ আত্মনঃ ॥ ৬-১৯॥

য়থা নিবাতস্থঃ দীপঃ ন ইঙ্গতে সা উপমা, আত্মনঃ য়োগম্

য়ুঞ্জতঃ য়ত-চিত্তস্য য়োগিনঃ, স্মৃতা ।

য়ত্রোপরমতে চিত্তং নিরুদ্ধং য়োগসেবয়া ।

য়ত্র চৈবাত্মনাত্মানং পশ্যন্নাত্মনি তুষ্যতি ॥ ৬-২০॥

সুখমাত্যন্তিকং য়ত্তদ্ বুদ্ধিগ্রাহ্যমতীন্দ্রিয়ম্ ।

বেত্তি য়ত্র ন চৈবায়ং স্থিতশ্চলতি তত্ত্বতঃ ॥ ৬-২১॥

য়ং লব্ধ্বা চাপরং লাভং মন্যতে নাধিকং ততঃ ।

য়স্মিন্স্থিতো ন দুঃখেন গুরুণাপি বিচাল্যতে ॥ ৬-২২॥

তং বিদ্যাদ্ দুঃখসংয়োগবিয়োগং য়োগসংজ্ঞিতম্ ।

স নিশ্চয়েন য়োক্তব্যো য়োগোঽনির্বিণ্ণচেতসা ॥ ৬-২৩॥

য়ত্র উপরমতে চিত্তম্ নিরুদ্ধম্ য়োগ-সেবয়া ।

য়ত্র চ এব আত্মনা আত্মানম্ পশ্যন্ আত্মনি তুষ্যতি ॥ ৬-২০॥

সুখম্ আত্যন্তিকম্ য়ত্ তত্ বুদ্ধি-গ্রাহ্যম্-অতীন্দ্রিয়ম্ ।

বেত্তি য়ত্র ন চ এব অয়ম্ স্থিতঃ চলতি তত্ত্বতঃ ॥ ৬-২১॥

য়ম্ লব্ধ্বা চ অপরম্ লাভম্ মন্যতে ন অধিকম্ ততঃ ।

য়স্মিন্ স্থিতঃ ন দুঃখেন গুরুণা অপি বিচাল্যতে ॥ ৬-২২॥

তম্ বিদ্যাত্ দুঃখ-সংয়োগ-বিয়োগম্ য়োগ-সংজ্ঞিতম্ ।

সঃ নিশ্চয়েন য়োক্তব্যঃ য়োগঃ অনির্বিণ্ণ-চেতসা ॥ ৬-২৩॥

য়োগ-সেবয়া নিরুদ্ধম্ চিত্তম্ য়ত্র উপরমতে,

চ এব য়ত্র আত্মনা আত্মানম্ পশ্যন্ আত্মনি তুষ্যতি,
য়ত্র য়ত্ তত্ বুদ্ধি-গ্রাহ্যম্-অতীন্দ্রিয়ম্ আত্যন্তিকম্
সুখম্ বেত্তি, (য়ত্র) চ স্থিতঃ অয়ম্ তত্ত্বতঃ ন এব চলতি,
য়ম্ চ লব্ধ্বা, ততঃ অধিকম্ অপরম্ লাভম্ ন মন্যতে,
য়স্মিন্ স্থিতঃ গুরুণা অপি দুঃখেন ন বিচাল্যতে,
তম্ দুঃখ-সংয়োগ-বিয়োগম্ য়োগ-সংজ্ঞিতম্ বিদ্যাত্,
সঃ য়োগঃ অনির্বিণ্ণ-চেতসা নিশ্চয়েন য়োক্তব্যঃ ।
সঙ্কল্পপ্রভবান্কামাংস্ত্যক্ত্বা সর্বানশেষতঃ ।
মনসৈবেন্দ্রিয়গ্রামং বিনিয়ম্য সমন্ততঃ ॥ ৬-২৪॥

সঙ্কল্প-প্রভবান্ কামান্ ত্যক্ত্বা সর্বান্ অশেষতঃ ।

মনসা এব ইন্দ্রিয়-গ্রামম্ বিনিয়ম্য সমন্ততঃ ॥ ৬-২৪॥

সঙ্কল্প-প্রভবান্ সর্বান্ কামান্ অশেষতঃ ত্যক্ত্বা,

মনসা এব ইন্দ্রিয়-গ্রামম্ সমন্ততঃ বিনিয়ম্য,

শনৈঃ শনৈরুপরমেদ্ বুদ্ধ্যা ধৃতিগৃহীতয়া ।

আত্মসংস্থং মনঃ কৃত্বা ন কিঞ্চিদপি চিন্তয়েত্ ॥ ৬-২৫॥

শনৈঃ শনৈঃ উপরমেত্ বুদ্ধ্যা ধৃতি-গৃহীতয়া ।

আত্ম-সংস্থম্ মনঃ কৃত্বা ন কিঞ্চিত্ অপি চিন্তয়েত্ ॥ ৬-২৫॥

ধৃতি-গৃহীতয়া বুদ্ধ্যা শনৈঃ শনৈঃ উপরমেত্, মনঃ

আত্ম-সংস্থম্ কৃত্বা, কিঞ্চিত্ অপি ন চিন্তয়েত্ ।

য়তো য়তো নিশ্চরতি মনশ্চঞ্চলমস্থিরম্ ।

ততস্ততো নিয়ম্যৈতদাত্মন্যেব বশং নয়েত্ ॥ ৬-২৬॥

য়তঃ য়তঃ নিশ্চরতি মনঃ চঞ্চলম্ অস্থিরম্ ।

ততঃ ততঃ নিয়ম্য এতত্ আত্মনি এব বশং নয়েত্ ॥ ৬-২৬॥

চঞ্চলম্ অস্থিরম্ মনঃ য়তঃ য়তঃ নিশ্চরতি, ততঃ ততঃ

এতত্ নিয়ম্য আত্মনি এব বশং নয়েত্ ।

প্রশান্তমনসং হ্যেনং য়োগিনং সুখমুত্তমম্ ।

উপৈতি শান্তরজসং ব্রহ্মভূতমকল্মষম্ ॥ ৬-২৭॥

প্রশান্ত-মনসম্ হি এনম্ য়োগিনম্ সুখম্ উত্তমম্ ।

উপৈতি শান্ত-রজসম্ ব্রহ্ম-ভূতম্ অকল্মষম্ ॥ ৬-২৭॥

প্রশান্ত-মনসম্ শান্ত-রজসম্ অকল্মষম্ ব্রহ্ম-ভূতম্

এনম্ য়োগিনম্ হি উত্তমম্ সুখম্ উপৈতি ।

য়ুঞ্জন্নেবং সদাত্মানং য়োগী বিগতকল্মষঃ ।

সুখেন ব্রহ্মসংস্পর্শমত্যন্তং সুখমশ্নুতে ॥ ৬-২৮॥

য়ুঞ্জন্ এবম্ সদা আত্মানম্ য়োগী বিগত-কল্মষঃ ।

সুখেন ব্রহ্ম-সংস্পর্শম্ অত্যন্তম্ সুখম্ অশ্নুতে ॥ ৬-২৮॥

এবম্ সদা আত্মানম্ য়ুঞ্জন্ য়োগী বিগত-কল্মষঃ

ব্রহ্ম-সংস্পর্শম্ অত্যন্তম্ সুখম্ সুখেন অশ্নুতে ।
সর্বভূতস্থমাত্মানং সর্বভূতানি চাত্মনি ।
ঈক্ষতে য়োগয়ুক্তাত্মা সর্বত্র সমদর্শনঃ ॥ ৬-২৯॥

সর্ব-ভূতস্থম্ আত্মানম্ সর্ব-ভূতানি চ আত্মনি ।

ঈক্ষতে য়োগ-য়ুক্ত-আত্মা সর্বত্র সম-দর্শনঃ ॥ ৬-২৯॥

য়োগ-য়ুক্ত-আত্মা সর্বত্র সম-দর্শনঃ, আত্মানম্

সর্ব-ভূতস্থম্ সর্ব-ভূতানি চ আত্মনি ঈক্ষতে ।

য়ো মাং পশ্যতি সর্বত্র সর্বং চ ময়ি পশ্যতি ।

তস্যাহং ন প্রণশ্যামি স চ মে ন প্রণশ্যতি ॥ ৬-৩০॥

য়ো মাম্ পশ্যতি সর্বত্র সর্বম্ চ ময়ি পশ্যতি ।

তস্য অহং ন প্রণশ্যামি সঃ চ মে ন প্রণশ্যতি ॥ ৬-৩০॥
য়ঃ মাম্ সর্বত্র পশ্যতি, সর্বম্ চ ময়ি পশ্যতি,
তস্য অহং ন প্রণশ্যামি, সঃ চ মে ন প্রণশ্যতি ।

সর্বভূতস্থিতং য়ো মাং ভজত্যেকত্বমাস্থিতঃ ।

সর্বথা বর্তমানোঽপি স য়োগী ময়ি বর্ততে ॥ ৬-৩১॥

সর্ব-ভূত-স্থিতম্ য়ঃ মাম্ ভজতি একত্বম্ আস্থিতঃ ।

সর্বথা বর্তমানঃ অপি সঃ য়োগী ময়ি বর্ততে ॥ ৬-৩১॥

য়ঃ একত্বম্ আস্থিতঃ সর্ব-ভূত-স্থিতম্ মাম্ ভজতি,

সঃ য়োগী সর্বথা বর্তমানঃ অপি, ময়ি বর্ত তে ।

আত্মৌপম্যেন সর্বত্র সমং পশ্যতি য়োঽর্জুন ।

সুখং বা য়দি বা দুঃখং স য়োগী পরমো মতঃ ॥ ৬-৩২॥

আত্মা-উপম্যেন সর্বত্র সমম্ পশ্যতি য়ঃ অর্জুন ।

সুখম্ বা য়দি বা দুঃখম্ সঃ য়োগী পরমঃ মতঃ ॥ ৬-৩২॥

হে অর্জুন! য়ঃ আত্মা-উপম্যেন সর্বত্র সুখম্ বা য়দি বা দুঃখম্

সমম্ পশ্যতি, সঃ য়োগী পরমঃ মতঃ ।

অর্জুন উবাচ ।
অর্জুনঃ উবাচ ।

য়োঽয়ং য়োগস্ত্বয়া প্রোক্তঃ সাম্যেন মধুসূদন ।

এতস্যাহং ন পশ্যামি চঞ্চলত্বাত্স্থিতিং স্থিরাম্ ॥ ৬-৩৩॥

য়ঃ অয়ং য়োগঃ ত্বয়া প্রোক্তঃ সাম্যেন মধুসূদন ।

এতস্য অহং ন পশ্যামি চঞ্চলত্বাত্ স্থিতিম্ স্থিরাম্ ॥ ৬-৩৩

হে মধুসূদন! য়ঃ অয়ং য়োগঃ ত্বয়া সাম্যেন প্রোক্তঃ, এতস্য

স্থিরাম্ স্থিতিম্ চঞ্চলত্বাত্ অহং ন পশ্যামি ।

চঞ্চলং হি মনঃ কৃষ্ণ প্রমাথি বলবদ্ দৃঢম্ ।

তস্যাহং নিগ্রহং মন্যে বায়োরিব সুদুষ্করম্ ॥ ৬-৩৪॥

চঞ্চলম্ হি মনঃ কৃষ্ণ প্রমাথি বলবত্ দৃঢম্ ।

তস্য অহম্ নিগ্রহম্ মন্যে বায়োঃ ইব সুদুষ্করম্ ॥ ৬-৩৪॥

হে কৃষ্ণ! মনঃ বলবত্ দৃঢম্ চঞ্চলম্ প্রমাথি,

অহম্ হি তস্য নিগ্রহম্ বায়োঃ ইব, সুদুষ্করম্ মন্যে ।

শ্রীভগবানুবাচ ।
শ্রীভগবান্ উবাচ ।

অসংশয়ং মহাবাহো মনো দুর্নিগ্রহং চলম্ ।

অভ্যাসেন তু কৌন্তেয় বৈরাগ্যেণ চ গৃহ্যতে ॥ ৬-৩৫॥

অসংশয়ম্ মহাবাহো মনঃ দুর্নিগ্রহম্ চলম্ ।

অভ্যাসেন তু কৌন্তেয় বৈরাগ্যেণ চ গৃহ্যতে ॥ ৬-৩৫॥

হে মহাবাহো! মনঃ অসংশয়ম্ চলম্ দুর্নিগ্রহম্,

হে কৌন্তেয়! (তত্) তু অভ্যাসেন বৈরাগ্যেণ চ গৃহ্যতে ।

অসংয়তাত্মনা য়োগো দুষ্প্রাপ ইতি মে মতিঃ ।

বশ্যাত্মনা তু য়ততা শক্যোঽবাপ্তুমুপায়তঃ ॥ ৬-৩৬॥

অসংয়ত-আত্মনা য়োগঃ দুষ্প্রাপঃ ইতি মে মতিঃ ।

বশ্য-আত্মনা তু য়ততা শক্যঃ অবাপ্তুম্ উপায়তঃ ॥ ৬-৩৬॥

অসংয়ত-আত্মনা য়োগঃ দুষ্প্রাপঃ, বশ্য-আত্মনা য়ততা

তু উপায়তঃ অবাপ্তুম্ শক্যঃ, ইতি মে মতিঃ ।

অর্জুন উবাচ ।
অর্জুনঃ উবাচ ।

অয়তিঃ শ্রদ্ধয়োপেতো য়োগাচ্চলিতমানসঃ ।

অপ্রাপ্য য়োগসংসিদ্ধিং কাং গতিং কৃষ্ণ গচ্ছতি ॥ ৬-৩৭॥

অয়তিঃ শ্রদ্ধয়া উপেতঃ য়োগাত্ চলিত-মানসঃ ।

অপ্রাপ্য য়োগ-সংসিদ্ধিম্ কাম্ গতিম্ কৃষ্ণ গচ্ছতি ॥ ৬-৩৭॥

হে কৃষ্ণ! শ্রদ্ধয়া উপেতঃ অয়তিঃ, য়োগাত্ চলিত-মানসঃ,

য়োগ-সংসিদ্ধিম্ অপ্রাপ্য, কাম্ গতিম্ গচ্ছতি?

কচ্চিন্নোভয়বিভ্রষ্টশ্ছিন্নাভ্রমিব নশ্যতি ।
অপ্রতিষ্ঠো মহাবাহো বিমূঢো ব্রহ্মণঃ পথি ॥ ৬-৩৮॥

কচ্চিত্ ন উভয়-বিভ্রষ্টঃ ছিন্ন-অভ্রম্ ইব নশ্যতি ।

অপ্রতিষ্ঠঃ মহাবাহো বিমূঢঃ ব্রহ্মণঃ পথি ॥ ৬-৩৮॥

হে মহাবাহো! ব্রহ্মণঃ পথি অপ্রতিষ্ঠঃ বিমূঢঃ উভয়-বিভ্রষ্টঃ

ছিন্ন-অভ্রম্ ইব ন নশ্যতি কচ্চিত্?

এতন্মে সংশয়ং কৃষ্ণ ছেত্তুমর্হস্যশেষতঃ ।

ত্বদন্যঃ সংশয়স্যাস্য ছেত্তা ন হ্যুপপদ্যতে ॥ ৬-৩৯॥

এতত্ মে সংশয়ম্ কৃষ্ণ ছেত্তুম্ অর্হসি অশেষতঃ ।

ত্বত্ অন্যঃ সংশয়স্য অস্য ছেত্তা ন হি উপপদ্যতে ॥ ৬-৩৯॥

হে কৃষ্ণ! মে এতত্ সংশয়ম্ অশেষতঃ ছেত্তুম্ অর্হসি;

হি ত্বত্ অন্যঃ অস্য সংশয়স্য ছেত্তা ন উপপদ্যতে ।

শ্রীভগবানুবাচ ।
শ্রীভগবান্ উবাচ ।

পার্থ নৈবেহ নামুত্র বিনাশস্তস্য বিদ্যতে ।

ন হি কল্যাণকৃত্কশ্চিদ্ দুর্গতিং তাত গচ্ছতি ॥ ৬-৪০॥

পার্থ ন এব ইহ ন অমুত্র বিনাশঃ তস্য বিদ্যতে ।

ন হি কল্যাণ-কৃত্ কশ্চিত্ দুর্গতিম্ তাত গচ্ছতি ॥ ৬-৪০॥

হে পার্থ! ন ইহ ন এব (চ) অমুত্র তস্য বিনাশঃ বিদ্যতে ।

হে তাত! হি কশ্চিত্ কল্যাণ-কৃত্ দুর্গতিম্ ন গচ্ছতি ।

প্রাপ্য পুণ্যকৃ তাং লোকানুষিত্বা শাশ্বতীঃ সমাঃ ।

শুচীনাং শ্রীমতাং গেহে য়োগভ্রষ্টোঽভিজায়তে ॥ ৬-৪১॥

প্রাপ্য পুণ্য-কৃতাম্ লোকান্ উষিত্বা শাশ্বতীঃ সমাঃ ।

শুচীনাম্ শ্রীমতাম্ গেহে য়োগ-ভ্রষ্টঃ অভিজায়তে ॥ ৬-৪১॥

য়োগ-ভ্রষ্টঃ পুণ্য-কৃতাম্ লোকান্ প্রাপ্য, (তত্র)

শাশ্বতীঃ সমাঃ উষিত্বা, শুচীনাম্ শ্রীমতাম্ গেহে অভিজায়তে ।

অথবা য়োগিনামেব কুলে ভবতি ধীমতাম্ ।

এতদ্ধি দুর্লভতরং লোকে জন্ম য়দীদৃশম্ ॥ ৬-৪২॥
অথবা য়োগিনাম্ এব কুলে ভবতি ধীমতাম্ ।
এতত্ হি দুর্লভতরং লোকে জন্ম য়ত্ ঈদৃশম্ ॥ ৬-৪২॥

অথবা ধীমতাম্ য়োগিনাম্ এব কুলে ভবতি, য়ত্ এতত্

ঈদৃশম্ জন্ম লোকে দুর্লভতরং হি ।

তত্র তং বুদ্ধিসংয়োগং লভতে পৌর্বদেহিকম্ ।

য়ততে চ ততো ভূয়ঃ সংসিদ্ধৌ কুরুনন্দন ॥ ৬-৪৩॥

তত্র তম্ বুদ্ধি-সংয়োগম্ লভতে পৌর্ব-দেহিকম্ ।

য়ততে চ ততঃ ভূয়ঃ সংসিদ্ধৌ কুরুনন্দন ॥ ৬-৪৩॥

হে কুরুনন্দন! (সঃ) তত্র তম্ পৌর্ব-দেহিকম্ বুদ্ধি-সংয়োগম্

লভতে, ততঃ চ ভূয়ঃ সংসিদ্ধৌ য়ততে ।

পূর্বাভ্যাসেন তেনৈব হ্রিয়তে হ্যবশোঽপি সঃ ।

জিজ্ঞাসুরপি য়োগস্য শব্দব্রহ্মাতিবর্ততে ॥ ৬-৪৪॥

পূর্ব-অভ্যাসেন তেন এব হ্রিয়তে হি অবশঃ অপি সঃ ।

জিজ্ঞাসুঃ অপি য়োগস্য শব্দ-ব্রহ্ম অতিবর্ততে ॥ ৬-৪৪॥

তেন এব পূর্ব-অভ্যাসেন সঃ অবশঃ অপি হ্রিয়তে, হি

য়োগস্য জিজ্ঞাসুঃ অপি শব্দ-ব্রহ্ম অতিবর্ততে ।

প্রয়ত্নাদ্যতমানস্তু য়োগী সংশুদ্ধকিল্বিষঃ ।

অনেকজন্মসংসিদ্ধস্ততো য়াতি পরাং গতিম্ ॥ ৬-৪৫॥

প্রয়ত্নাত্ য়তমানঃ তু য়োগী সংশুদ্ধ-কিল্বিষঃ ।

অনেক-জন্ম-সংসিদ্ধঃ ততঃ য়াতি পরাম্ গতিম্ ॥ ৬-৪৫॥

ততঃ প্রয়ত্নাত্ য়তমানঃ সংশুদ্ধ-কিল্বিষঃ য়োগী তু

অনেক-জন্ম-সংসিদ্ধঃ পরাম্ গতিম্ য়াতি ।

তপস্বিভ্যোঽধিকো য়োগী জ্ঞানিভ্যোঽপি মতোঽধিকঃ ।

কর্মিভ্যশ্চাধিকো য়োগী তস্মাদ্যোগী ভবার্জুন ॥ ৬-৪৬॥

তপস্বিভ্যঃ অধিকঃ য়োগী জ্ঞানিভ্যঃ অপি মতঃ অধিকঃ ।

কর্মিভ্যঃ চ অধিকঃ য়োগী তস্মাত্ য়োগী ভব অর্জুন ॥ ৬-৪৬॥

য়োগী তপস্বিভ্যঃ অধিকঃ, জ্ঞানিভ্যঃ অপি চ অধিকঃ মতঃ,

য়োগী কর্মিভ্যঃ (চ) অধিকঃ, তস্মাত্ হে অর্জুন!
(ত্বং) য়োগী ভব ।

য়োগিনামপি সর্বেষাং মদ্গতেনান্তরাত্মনা ।

শ্রদ্ধাবান্ভজতে য়ো মাং স মে য়ুক্ততমো মতঃ ॥ ৬-৪৭॥

য়োগিনাম্ অপি সর্বেষাম্ মত্ গতেন অন্তর-আত্মনা ।

শ্রদ্ধাবান্ ভজতে য়ঃ মাম্ সঃ মে য়ুক্ততমঃ মতঃ ॥ ৬-৪৭॥

সর্বেষাম্ অপি য়োগিনাম্ য়ঃ শ্রদ্ধাবান্, মত্ গতেন

অন্তর-আত্মনা মাম্ ভজতে, সঃ মে য়ুক্ততমঃ মতঃ ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
আত্মসংয়ময়োগো নাম ষষ্ঠোঽধ্যায়ঃ ॥ ৬॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
আত্ম-সংয়ম-য়োগঃ নাম ষষ্ঠঃ অধ্যায়ঃ ॥ ৬॥
অথ সপ্তমোঽধ্যায়ঃ । জ্ঞানবিজ্ঞানয়োগঃ ।
অথ সপ্তমঃ অধ্যায়ঃ । জ্ঞান-বিজ্ঞান-য়োগঃ ।

শ্রীভগবানুবাচ ।
শ্রীভগবান্ উবাচ ।

ময়্যাসক্তমনাঃ পার্থ য়োগং য়ুঞ্জন্মদাশ্রয়ঃ ।

অসংশয়ং সমগ্রং মাং য়থা জ্ঞাস্যসি তচ্ছৃণু ॥ ৭-১॥

ময়ি আসক্ত-মনাঃ পার্থ য়োগম্ য়ুঞ্জন্ মত্ আশ্রয়ঃ ।

অসংশয়ম্ সমগ্রম্ মাম্ য়থা জ্ঞাস্যসি তত্ শৃণু ॥ ৭-১॥

হে পার্থ! ময়ি আসক্ত-মনাঃ মত্ আশ্রয়ঃ (ত্বং) য়োগম্

য়ুঞ্জন্, মাম্ সমগ্রম্ য়থা অসংশয়ম্ জ্ঞাস্যসি, তত্ শৃণু ।

জ্ঞানং তেঽহং সবিজ্ঞানমিদং বক্ষ্যাম্যশেষতঃ ।

য়জ্জ্ঞাত্বা নেহ ভূয়োঽন্যজ্জ্ঞাতব্যমবশিষ্যতে ॥ ৭-২॥

জ্ঞানম্ তে অহম্ সবিজ্ঞানম্ ইদম্ বক্ষ্যামি অশেষতঃ ।

য়ত্ জ্ঞাত্বা ন ইহ ভূয়ঃ অন্যত্ জ্ঞাতব্যম্ অবশিষ্যতে ॥ ৭-২॥

অহম্ ইদম্ সবিজ্ঞানম্ জ্ঞানম্ তে অশেষতঃ বক্ষ্যামি;

য়ত্ জ্ঞাত্বা ইহ ভূয়ঃ অন্যত্ জ্ঞাতব্যম্ ন অবশিষ্যতে ।

মনুষ্যাণাং সহস্রেষু কশ্চিদ্যততি সিদ্ধয়ে ।

য়ততামপি সিদ্ধানাং কশ্চিন্মাং বেত্তি তত্ত্বতঃ ॥ ৭-৩॥

মনুষ্যাণাম্ সহস্রেষু কশ্চিত্ য়ততি সিদ্ধয়ে ।

য়ততাম্ অপি সিদ্ধানাম্ কশ্চিত্ মাম্ বেত্তি তত্ত্বতঃ ॥ ৭-৩॥

মনুষ্যাণাম্ সহস্রেষু কশ্চিত্ সিদ্ধয়ে য়ততি;

য়ততাম্ সিদ্ধানাম্ অপি কশ্চিত্ মাম্ তত্ত্বতঃ বেত্তি ।

ভূমিরাপোঽনলো বায়ুঃ খং মনো বুদ্ধিরেব চ ।

অহংকার ইতীয়ং মে ভিন্না প্রকৃতিরষ্টধা ॥ ৭-৪॥

ভূমিঃ আপঃ অনলঃ বায়ুঃ খম্ মনঃ বুদ্ধিঃ এব চ ।

অহংকারঃ ইতি ইয়ম্ মে ভিন্না প্রকৃতিঃ অষ্টধা ॥ ৭-৪॥

ভূমিঃ, আপঃ, অনলঃ, বায়ুঃ, খম্, মনঃ, বুদ্ধিঃ এব চ

অহংকারঃ ইতি অষ্টধা ভিন্না মে ইয়ম্ প্রকৃতিঃ ।

অপরেয়মিতস্ত্বন্যাং প্রকৃতিং বিদ্ধি মে পরাম্ ।

জীবভূতাং মহাবাহো য়য়েদং ধার্যতে জগত্ ॥ ৭-৫॥

অপরা ইয়ম্ ইতঃ তু অন্যাম্ প্রকৃতিম্ বিদ্ধি মে পরাম্ ।

জীব-ভূতাম্ মহাবাহো য়য়া ইদম্ ধার্যতে জগত্ ॥ ৭-৫॥

হে মহাবাহো! ইয়ম্ অপরা (প্রকৃ তিঃ অস্তি) ইতঃ তু অন্যাম্

জীব-ভূতাম্ মে পরাম্ প্রকৃতিম্ বিদ্ধি, য়য়া ইদম্ জগত্ ধার্যতে ।

এতদ্যোনীনি ভূতানি সর্বাণীত্যুপধারয় ।

অহং কৃত্স্নস্য জগতঃ প্রভবঃ প্রলয়স্তথা ॥ ৭-৬॥

এতত্ য়োনীনি ভূতানি সর্বাণি ইতি উপধারয় ।

অহম্ কৃত্স্নস্য জগতঃ প্রভবঃ প্রলয়ঃ তথা ॥ ৭-৬॥
সর্বাণি ভূতানি এতত্ য়োনীনি ইতি, উপধারয় । অহম্ কৃত্স্নস্য
জগতঃ প্রভবঃ তথা প্রলয়ঃ (অস্মি)।

মত্তঃ পরতরং নান্যত্কিঞ্চিদস্তি ধনঞ্জয় ।

ময়ি সর্বমিদং প্রোতং সূত্রে মণিগণা ইব ॥ ৭-৭॥

মত্তঃ পরতরং ন অন্যত্ কিঞ্চিত্ অস্তি ধনঞ্জয় ।

ময়ি সর্বম্ ইদম্ প্রোতম্ সূত্রে মণিগণাঃ ইব ॥ ৭-৭॥

হে ধনঞ্জয়! মত্তঃ পরতরং অন্যত্ কিঞ্চিত্ ন অস্তি ।

সূত্রে মণিগণাঃ ইব ইদম্ সর্বম্ ময়ি প্রোতম্ ।

রসোঽহমপ্সু কৌন্তেয় প্রভাস্মি শশিসূর্যয়োঃ ।

প্রণবঃ সর্ববেদেষু শব্দঃ খে পৌরুষং নৃষু ॥ ৭-৮॥

রসঃ অহম্ অপ্সু কৌন্তেয় প্রভা অস্মি শশি-সূর্যয়োঃ ।

প্রণবঃ সর্ব-বেদেষু শব্দঃ খে পৌরুষম্ নৃষু ॥ ৭-৮॥

হে কৌন্তেয়! অহম্ অপ্সু রসঃ, শশি-সূর্যয়োঃ প্রভা,

সর্ব-বেদেষু প্রণবঃ, খে শব্দঃ, নৃষু পৌরুষম্ অস্মি ।

পুণ্যো গন্ধঃ পৃথিব্যাং চ তেজশ্চাস্মি বিভাবসৌ ।

জীবনং সর্বভূতেষু তপশ্চাস্মি তপস্বিষু ॥ ৭-৯॥

পুণ্যঃ গন্ধঃ পৃথিব্যাম্ চ তেজঃ চ অস্মি বিভাবসৌ ।

জীবনম্ সর্ব-ভূতেষু তপঃ চ অস্মি তপস্বিষু ॥ ৭-৯॥

চ পৃথিব্যাম্ পুণ্যঃ গন্ধঃ, বিভাবসৌ চ তেজঃ অস্মি;

সর্ব-ভূতেষু জীবনম্, তপস্বিষু চ তপঃ অস্মি ।

বীজং মাং সর্বভূতানাং বিদ্ধি পার্থ সনাতনম্ ।

বুদ্ধির্বুদ্ধিমতামস্মি তেজস্তেজস্বিনামহম্ ॥ ৭-১০॥

বীজম্ মাম্ সর্ব-ভূতানাম্ বিদ্ধি পার্থ সনাতনম্ ।

বুদ্ধিঃ বুদ্ধিমতাম্ অস্মি তেজঃ তেজস্বিনাম্ অহম্ ॥ ৭-১০॥

হে পার্থ! মাম্ সর্ব-ভূতানাম্ সনাতনম্ বীজম্ বিদ্ধি,

অহম্ বুদ্ধিমতাম্ বুদ্ধিঃ অস্মি, তেজস্বিনাম্ তেজঃ ।

বলং বলবতাং চাহং কামরাগবিবর্জিতম্ ।

ধর্মাবিরুদ্ধো ভূতেষু কামোঽস্মি ভরতর্ষভ ॥ ৭-১১॥

বলম্ বলবতাম্ চ অহম্ কাম-রাগ-বিবর্জিতম্ ।

ধর্ম-অবিরুদ্ধঃ ভূতেষু কামঃ অস্মি ভরতর্ষভ ॥ ৭-১১-

অহম্ চ বলবতাম্ কাম-রাগ-বিবর্জিতম্ বলম্ অস্মি,

হে ভরতর্ষভ! ভূতেষু ধর্ম-অবিরুদ্ধঃ কামঃ (অহম্ অস্মি)।

য়ে চৈব সাত্ত্বিকা ভাবা রাজসাস্তামসাশ্চ য়ে ।

মত্ত এবেতি তান্বিদ্ধি ন ত্বহং তেষু তে ময়ি ॥ ৭-১২॥

য়ে চ এব সাত্ত্বিকাঃ ভাবাঃ রাজসাঃ তামসাঃ চ য়ে ।

মত্তঃ এব ইতি তান্ বিদ্ধি ন তু অহং তেষু তে ময়ি ॥ ৭-১২॥

য়ে চ এব সাত্ত্বিকাঃ রাজসাঃ তামসাঃ চ ভাবাঃ, তে

মত্তঃ এব ইতি তান্ বিদ্ধি, অহং তেষু ন (অস্মি), তু তে ময়ি (বর্তন্তে) ।

ত্রিভিঃ গুণময়ৈঃ ভাবৈঃ এভিঃ সর্বম্ম্ ইদম্ জগত্ ।

মোহিতম্ ন অভিজানাতি মাম্ এভ্যঃ পরম্ অব্যয়ম্ ॥ ৭-১৩॥

ত্রিভির্গুণময়ৈর্ভাবৈরেভিঃ সর্বমিদং জগত্ ।

মোহিতং নাভিজানাতি মামেভ্যঃ পরমব্যয়ম্ ॥ ৭-১৩॥

এভিঃ ত্রিভিঃ গুণময়ৈঃ ভাবৈঃ ইদম্ সর্বম্ম্ জগত্ মোহিতম্,

(অতঃ) এভ্যঃ পরম্ অব্যয়ম্ মাম্ ন অভিজানাতি ।

দৈবী হ্যেষা গুণময়ী মম মায়া দুরত্যয়া ।

মামেব য়ে প্রপদ্যন্তে মায়ামেতাং তরন্তি তে ॥ ৭-১৪॥

দৈবী হি এষা গুণময়ী মম মায়া দুরত্যয়া ।

মাম্ এব য়ে প্রপদ্যন্তে মায়াম্ এতাম্ তরন্তি তে ॥ ৭-১৪॥

এষা দৈবী গুণময়ী মম মায়া হি দুরত্যয়া । য়ে মাম্ এব

প্রপদ্যন্তে, তে এতাম্ মায়াম্ তরন্তি ।

ন মাং দুষ্কৃতিনো মূঢাঃ প্রপদ্যন্তে নরাধমাঃ ।

মায়য়াপহৃতজ্ঞানা আসুরং ভাবমাশ্রিতাঃ ॥ ৭-১৫॥

ন মাম্ দুষ্কৃতিনঃ মূঢাঃ প্রপদ্যন্তে নর-অধমাঃ ।

মায়য়া অপহৃত-জ্ঞানাঃ আসুরম্ ভাবম্ আশ্রিতাঃ ॥ ৭-১৫॥

মায়য়া অপহৃত-জ্ঞানাঃ আসুরম্ ভাবম্ আশ্রিতাঃ

দুষ্কৃতিনঃ মূঢাঃ নর-অধমাঃ মাম্ ন প্রপদ্যন্তে ।

চতুর্বিধা ভজন্তে মাং জনাঃ সুকৃতিনোঽর্জুন ।

আর্তো জিজ্ঞাসুরর্থার্থী জ্ঞানী চ ভরতর্ষভ ॥ ৭-১৬॥

চতুঃ-বিধাঃ ভজন্তে মাম্ জনাঃ সুকৃতিনঃ অর্জুন ।

আর্তঃ জিজ্ঞাসুঃ অর্থার্থী জ্ঞানী চ ভরতর্ষভ ॥ ৭-১৬॥

হে ভরতর্ষভ অর্জুন! আর্তঃ, জিজ্ঞাসুঃ, অর্থার্থী,

জ্ঞানী চ (ইতি) চতুঃ-বিধাঃ সুকৃতিনঃ জনাঃ মাম্ ভজন্তে ।

তেষাং জ্ঞানী নিত্যয়ুক্ত একভক্তির্বিশিষ্যতে ।

প্রিয়ো হি জ্ঞানিনোঽত্যর্থমহং স চ মম প্রিয়ঃ ॥ ৭-১৭॥

তেষাম্ জ্ঞানী নিত্য-য়ুক্তঃ এক-ভক্তিঃ বিশিষ্যতে ।

প্রিয়ঃ হি জ্ঞানিনঃ অত্যর্থম্ অহম্ সঃ চ মম প্রিয়ঃ ॥ ৭-১৭॥

তেষাম্ নিত্য-য়ুক্তঃ এক-ভক্তিঃ জ্ঞানী বিশিষ্যতে । অহম্ হি

জ্ঞানিনঃ অত্যর্থম্ প্রিয়ঃ (অস্মি), সঃ (জ্ঞানী) চ মম প্রিয়ঃ (অস্তি)।

উদারাঃ সর্ব এবৈতে জ্ঞানী ত্বাত্মৈব মে মতম্ ।

আস্থিতঃ স হি য়ুক্তাত্মা মামেবানুত্তমাং গতিম্ ॥ ৭-১৮॥

উদারাঃ সর্বে এব এতে জ্ঞানী তু আত্মা এব মে মতম্ ।

আস্থিতঃ সঃ হি য়ুক্ত-আত্মা মাম্ এব অনুত্তমাম্ গতিম্ ॥ ৭-১৮॥

এতে সর্বে এব উদারাঃ (সন্তি), জ্ঞানী তু (মম) আত্মা এব

(অস্তি ইতি) মে মতম্ । সঃ হি য়ুক্ত-আত্মা অনুত্তমাম্ গতিম্
মাম্ এব আস্থিতঃ (অস্তি)।

বহূনাং জন্মনামন্তে জ্ঞানবান্মাং প্রপদ্যতে ।

বাসুদেবঃ সর্বমিতি স মহাত্মা সুদুর্লভঃ ॥ ৭-১৯॥

বহূনাম্ জন্মনাম্ অন্তে জ্ঞানবান্ মাম্ প্রপদ্যতে ।

বাসুদেবঃ সর্বম্ ইতি সঃ মহাত্মা সুদুর্লভঃ ॥ ৭-১৯॥
জ্ঞানবান্ বহূনাম্ জন্মনাম্ অন্তে 'বাসুদেবঃ
সর্বম্' ইতি (অনুভূয়) মাম্ প্রপদ্যতে । সঃ মহাত্মা সুদুর্লভঃ ।

কামৈস্তৈস্তৈর্হৃতজ্ঞানাঃ প্রপদ্যন্তেঽন্যদেবতাঃ ।
তং তং নিয়মমাস্থায় প্রকৃত্যা নিয়তাঃ স্বয়া ॥ ৭-২০॥

কামৈঃ তৈঃ তৈঃ হৃত-জ্ঞানাঃ প্রপদ্যন্তে অন্য-দেবতাঃ ।

তম্ তম্ নিয়মম্ আস্থায় প্রকৃত্যা নিয়তাঃ স্বয়া ॥ ৭-২০॥

তৈঃ তৈঃ কামৈঃ হৃত-জ্ঞানাঃ স্বয়া প্রকৃত্যা নিয়তাঃ

(অজ্ঞানিনঃ) তম্ তম্ নিয়মম্ আস্থায় অন্য-দেবতাঃ প্রপদ্যন্তে ।

য়ো য়ো য়াং য়াং তনুং ভক্তঃ শ্রদ্ধয়ার্চিতুমিচ্ছতি ।

তস্য তস্যাচলাং শ্রদ্ধাং তামেব বিদধাম্যহম্ ॥ ৭-২১॥

য়ঃ য়ঃ য়াম্ য়াম্ তনুম্ ভক্তঃ শ্রদ্ধয়া অর্চিতুম্ ইচ্ছতি ।

তস্য তস্য অচলাম্ শ্রদ্ধাম্ তাম্ এব বিদধামি অহম্ ॥ ৭-২১॥

য়ঃ য়ঃ ভক্তঃ য়াম্ য়াম্ তনুম্ শ্রদ্ধয়া অর্চিতুম্ ইচ্ছতি,

তস্য তস্য তাম্ এব শ্রদ্ধাম্ অহম্ অচলাম্ বিদধামি ।

স তয়া শ্রদ্ধয়া য়ুক্তস্তস্যারাধনমীহতে ।

লভতে চ ততঃ কামান্ময়ৈব বিহিতান্হি তান্ ॥ ৭-২২॥

সঃ তয়া শ্রদ্ধয়া য়ুক্তঃ তস্য অরাধনম্ ঈহতে ।

লভতে চ ততঃ কামান্ ময়া এব বিহিতান্ হি তান্ ॥ ৭-২২॥

সঃ তয়া শ্রদ্ধয়া য়ুক্তঃ তস্য আরাধনম্ ঈহতে, ততঃ চ

ময়া এব বিহিতান্ তান্ কামান্ লভতে হি ।

অন্তবত্তু ফলং তেষাং তদ্ভবত্যল্পমেধসাম্ ।

দেবান্দেবয়জো য়ান্তি মদ্ভক্তা য়ান্তি মামপি ॥ ৭-২৩॥

অন্তবত্ তু ফলম্ তেষাম্ তত্ ভবতি অল্প-মেধসাম্ ।

দেবান্ দেব-য়জঃ য়ান্তি মত্ ভক্তাঃ য়ান্তি মাম্ অপি ॥ ৭-২৩॥

তেষাম্ অল্প-মেধসাম্ তত্ ফলম্ তু অন্তবত্ ভবতি;

দেব-য়জঃ দেবান্ য়ান্তি, মত্ ভক্তাঃ অপি মাম্ য়ান্তি ।

অব্যক্তং ব্যক্তিমাপন্নং মন্যন্তে মামবুদ্ধয়ঃ ।

পরং ভাবমজানন্তো মমাব্যয়মনুত্তমম্ ॥ ৭-২৪॥

অব্যক্তম্ ব্যক্তিম্ আপন্নম্ মন্যন্তে মাম্ অবুদ্ধয়ঃ ।

পরম্ ভাবম্ অজানন্তঃ মম অব্যয়ম্ অনুত্তমম্ ॥ ৭-২৪॥

মম পরম্ অব্যয়ম্ অব্যক্তম্ অনুত্তমম্ ভাবম্

অজানন্তঃ অবুদ্ধয়ঃ মাম্ ব্যক্তিম্ আপন্নম্ মন্যন্তে ।

নাহং প্রকাশঃ সর্বস্য য়োগমায়াসমাবৃতঃ ।

মূঢোঽয়ং নাভিজানাতি লোকো মামজমব্যয়ম্ ॥ ৭-২৫॥

ন অহম্ প্রকাশঃ সর্বস্য য়োগ-মায়া-সমাবৃতঃ ।

মূঢঃ অয়ম্ ন অভিজানাতি লোকঃ মাম্ অজম্ অব্যয়ম্ ॥ ৭-২৫॥

য়োগ-মায়া-সমাবৃতঃ অহম্ সর্বস্য প্রকাশঃ ন ।

অয়ম্ মূঢঃ লোকঃ অজম্ অব্যয়ম্ মাম্ ন অভিজানাতি ।

বেদাহং সমতীতানি বর্তমানানি চার্জুন ।

ভবিষ্যাণি চ ভূতানি মাং তু বেদ ন কশ্চন ॥ ৭-২৬॥

বেদ অহম্ সমতীতানি বর্তমানানি চ অর্জুন ।

ভবিষ্যাণি চ ভূতানি মাম্ তু বেদ ন কশ্চন ॥ ৭-২৬॥

হে অর্জুন! অহম্ সমতীতানি বর্তমানানি চ ভবিষ্যাণি চ

ভূতানি বেদ । কশ্চন তু মাম্ ন বেদ ।

ইচ্ছাদ্বেষসমুত্থেন দ্বন্দ্বমোহেন ভারত ।

সর্বভূতানি সম্মোহং সর্গে য়ান্তি পরন্তপ ॥ ৭-২৭॥

ইচ্ছা-দ্বেষ-সমুত্থেন দ্বন্দ্ব-মোহেন ভারত ।

সর্ব-ভূতানি সম্মোহম্ সর্গে য়ান্তি পরন্তপ ॥ ৭-২৭॥

হে পরন্তপ ভারত! সর্ব-ভূতানি ইচ্ছা-দ্বেষ-সমুত্থেন

দ্বন্দ্ব-মোহেন সর্গে সম্মোহম্ য়ান্তি ।

য়েষাং ত্বন্তগতং পাপং জনানাং পুণ্যকর্মণাম্ ।

তে দ্বন্দ্বমোহনির্মুক্তা ভজন্তে মাং দৃঢব্রতাঃ ॥ ৭-২৮॥

য়েষাম্ তু অন্তগতম্ পাপম্ জনানাম্ পুণ্য-কর্মণাম্ ।

তে দ্বন্দ্ব-মোহ-নির্মুক্তাঃ ভজন্তে মাম্ দৃঢ-ব্রতাঃ ॥ ৭-২৮॥

য়েষাম্ পুণ্য-কর্মণাম্ জনানাম্ তু পাপম্ অন্তগতম্,

তে দৃঢ-ব্রতাঃ দ্বন্দ্ব-মোহ-নির্মুক্তাঃ মাম্ ভজন্তে ।

জরামরণমোক্ষায় মামাশ্রিত্য য়তন্তি য়ে ।

তে ব্রহ্ম তদ্বিদুঃ কৃত্স্নমধ্যাত্মং কর্ম চাখিলম্ ॥ ৭-২৯॥

জরা-মরণ-মোক্ষায় মাম্ আশ্রিত্য য়তন্তি য়ে ।

তে ব্রহ্ম তত্ বিদুঃ কৃত্স্নম্ অধ্যাত্মম্ কর্ম চ অখিলম্ ॥ ৭-২৯॥

য়ে মাম্ আশ্রিত্য জরা-মরণ-মোক্ষায় য়তন্তি, তে তত্ ব্রহ্ম,

কৃত্স্নম্ অধ্যাত্মম্, অখিলম্ কর্ম চ বিদুঃ ।

সাধিভূতাধিদৈবং মাং সাধিয়জ্ঞং চ য়ে বিদুঃ ।

প্রয়াণকালেঽপি চ মাং তে বিদুর্যুক্তচেতসঃ ॥ ৭-৩০॥

সাধিভূত-অধিদৈবম্ মাম্ সাধিয়জ্ঞম্ চ য়ে বিদুঃ ।

প্রয়াণকালে অপি চ মাং তে বিদুঃ য়ুক্ত-চেতসঃ ॥ ৭-৩০॥

য়ে সাধিভূত-অধিদৈবম্ সাধিয়জ্ঞম্ চ মাম্ বিদুঃ

তে য়ুক্ত-চেতসঃ প্রয়াণ-কালে অপি চ মাম্ বিদুঃ ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
জ্ঞানবিজ্ঞানয়োগো নাম সপ্তমোঽধ্যায়ঃ ॥ ৭॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
জ্ঞান-বিজ্ঞান-য়োগঃ নাম সপ্তমঃ অধ্যায়ঃ ॥ ৭॥

অথ অষ্টমোঽধ্যায়ঃ । অক্ষরব্রহ্ময়োগঃ ।
অথ অষ্টমঃ অধ্যায়ঃ । অক্ষর-ব্রহ্ম-য়োগঃ ।

অর্জুন উবাচ ।
অর্জুনঃ উবাচ ।
কিং তদ্ ব্রহ্ম কিমধ্যাত্মং কিং কর্ম পুরুষোত্তম ।
অধিভূতং চ কিং প্রোক্তমধিদৈবং কিমুচ্যতে ॥ ৮-১॥

কিম্ তত্ ব্রহ্ম কিম্ অধ্যাত্মম্ কিম্ কর্ম পুরুষোত্তম ।

অধিভূতম্ চ কিম্ প্রোক্তম্ অধিদৈবম্ কিম্ উচ্যতে ॥ ৮-১॥

হে পুরুষোত্তম! তত্ ব্রহ্ম কিম্? অধ্যাত্মম্ কিম্? কর্ম কিম্?

অধিভূতম্ কিম্ প্রোক্তম্? অধিদৈবম্ চ কিম্ উচ্যতে ?

অধিয়জ্ঞঃ কথং কোঽত্র দেহেঽস্মিন্মধুসূদন ।

প্রয়াণকালে চ কথং জ্ঞেয়োঽসি নিয়তাত্মভিঃ ॥ ৮-২॥

অধিয়জ্ঞঃ কথম্ কঃ অত্র দেহে অস্মিন্ মধুসূদন ।

প্রয়াণ-কালে চ কথম্ জ্ঞেয়ঃ অসি নিয়ত-আত্মভিঃ ॥ ৮-২॥

হে মধুসূদন! অত্র অস্মিন্ দেহে অধিয়জ্ঞঃ কঃ কথম্ (চ অস্তি)?

প্রয়াণ-কালে চ নিয়ত-আত্মভিঃ কথম্ জ্ঞেয়ঃ অসি ?

শ্রীভগবানুবাচ ।
শ্রীভগবান্ উবাচ ।

অক্ষরং ব্রহ্ম পরমং স্বভাবোঽধ্যাত্মমুচ্যতে ।

ভূতভাবোদ্ভবকরো বিসর্গঃ কর্মসংজ্ঞিতঃ ॥ ৮-৩॥

অক্ষরম্ ব্রহ্ম পরমম্ স্বভাবঃ অধ্যাত্মম্ উচ্যতে ।

ভূত-ভাব-উদ্ভব-করঃ বিসর্গঃ কর্ম-সংজ্ঞিতঃ ॥ ৮-৩॥

অক্ষরম্ পরমম্ ব্রহ্ম, স্বভাবঃ অধ্যাত্মম্ উচ্যতে,

ভূত-ভাব-উদ্ভব-করঃ বিসর্গঃ কর্ম-সংজ্ঞিতঃ ।

অধিভূতং ক্ষরো ভাবঃ পুরুষশ্চাধিদৈবতম্ ।

অধিয়জ্ঞোঽহমেবাত্র দেহে দেহভৃতাং বর ॥ ৮-৪॥

অধিভূতম্ ক্ষরঃ ভাবঃ পুরুষঃ চ অধিদৈবতম্ ।

অধিয়জ্ঞঃ অহম্ এব অত্র দেহে দেহ-ভৃতাম্ বর ॥ ৮-৪॥

হে দেহ-ভৃতাম্ বর! ক্ষরঃ ভাবঃ অধিভূতম্, পুরুষঃ

অধিদৈবতম্, অত্র দেহে চ অহম্ এব অধিয়জ্ঞঃ ।

অন্তকালে চ মামেব স্মরন্মুক্ত্বা কলেবরম্ ।

য়ঃ প্রয়াতি স মদ্ভাবং য়াতি নাস্ত্যত্র সংশয়ঃ ॥ ৮-৫॥

অন্ত-কালে চ মাম্ এব স্মরন্ মুক্ত্বা কলেবরম্ ।

য়ঃ প্রয়াতি সঃ মত্ ভাবম্ য়াতি ন অস্তি অত্র সংশয়ঃ ॥ ৮-৫॥

য়ঃ চ অন্ত-কালে মাম্ এব স্মরন্ কলেবরম্ মুক্ত্বা

প্রয়াতি, সঃ মত্ ভাবম্ য়াতি, অত্র সংশয়ঃ ন অস্তি ।

য়ং য়ং বাপি স্মরন্ভাবং ত্যজত্যন্তে কলেবরম্ ।

তং তমেবৈতি কৌন্তেয় সদা তদ্ভাবভাবিতঃ ॥ ৮-৬॥

য়ম্ য়ম্ বা অপি স্মরন্ ভাবম্ ত্যজতি অন্তে কলেবরম্ ।

তম্ তম্ এব এতি কৌন্তেয় সদা তদ্ত্ ভাব-ভাবিতঃ ॥ ৮-৬॥

হে কৌন্তেয়! য়ম্ য়ম্ বা অপি ভাবম্ স্মরন্ অন্তে কলেবরম্ ত্যজতি;

সদা তদ্ত্ ভাব-ভাবিতঃ (সঃ) তম্ তম্ এব এতি ।

তস্মাত্সর্বেষু কালেষু মামনুস্মর য়ুধ্য চ ।

ময়্যর্পিতমনোবুদ্ধির্মামেবৈষ্যস্যসংশয়ম্ ॥ ৮-৭॥

তস্মাত্ সর্বেষু কালেষু মাম্ অনুস্মর য়ুধ্য চ ।

ময়ি অর্পিত-মনঃ-বুদ্ধিঃ মাম্ এব এষ্যসি অসংশয়ম্ ॥ ৮-৭॥

তস্মাত্ সর্বেষু কালেষু ময়ি অর্পিত-মনঃ-বুদ্ধিঃ (ভব),

মাম্ অনুস্মর, য়ুধ্য চ । (এবং) অসংশয়ম্ মাম্ এব এষ্যসি ।

অভ্যাসয়োগয়ুক্তেন চেতসা নান্যগামিনা ।

পরমং পুরুষং দিব্যং য়াতি পার্থানুচিন্তয়ন্ ॥ ৮-৮॥

অভ্যাস-য়োগ-য়ুক্তেন চেতসা ন অন্য-গামিনা ।

পরমম্ পুরুষম্ দিব্যম্ য়াতি পার্থ অনুচিন্তয়ন্ ॥ ৮-৮॥

হে পার্থ! অভ্যাস-য়োগ-য়ুক্তেন ন অন্য-গামিনা চেতসা

অনুচিন্তয়ন্, দিব্যম্ পরমম্ পুরুষম্ য়াতি ।

কবিং পুরাণমনুশাসিতারং
অণোরণীয়াংসমনুস্মরেদ্যঃ ।
সর্বস্য ধাতারমচিন্ত্যরূপম্-
মাদিত্যবর্ণং তমসঃ পরস্তাত্ ॥ ৮-৯॥

প্রয়াণকালে মনসাঽচলেন
ভক্ত্যা য়ুক্তো য়োগবলেন চৈব ।
ভ্রুবোর্মধ্যে প্রাণমাবেশ্য সম্যক্
স তং পরং পুরুষমুপৈতি দিব্যম্ ॥ ৮-১০॥

কবিম্ পুরাণম্ অনুশাসিতারম্

অণোঃ অণীয়াংসম্ অনুস্মরেত্ য়ঃ ।
সর্বস্য ধাতারম্ অচিন্ত্য-রূপং
আদিত্য-বর্ণম্ তমসঃ পরস্তাত্ ॥ ৮-৯॥

প্রয়াণ-কালে মনসা অচলেন

ভক্ত্যা য়ুক্তঃ য়োগ-বলেন চ এব ।
ভ্রুবোঃ মধ্যে প্রাণম্ আবেশ্য সম্যক্
সঃ তম্ পরম্ পুরুষম্ উপৈতি দিব্যম্ ॥ ৮-১০॥

কবিম্, পুরাণম্, অনুশাসিতারম্, অণোঃ অণীয়াংসম্,

সর্বস্য ধাতারম্, অচিন্ত্য-রূপং, তমসঃ পরস্তাত্
আদিত্য-বর্ণম্ (বিদ্যমানং পুরুষং), প্রয়াণ-কালে,
অচলেন মনসা, ভক্ত্যা য়ুক্তঃ য়োগ-বলেন চ এব ভ্রুবোঃ
মধ্যে সম্যক্ প্রাণম্ আবেশ্য, য়ঃ অনুস্মরেত্ সঃ তম্ পরম্ দিব্যম্ পুরুষম্ উপৈতি ।

য়দক্ষরং বেদবিদো বদন্তি

বিশন্তি য়দ্যতয়ো বীতরাগাঃ ।
য়দিচ্ছন্তো ব্রহ্মচর্যং চরন্তি
তত্তে পদং সংগ্রহেণ প্রবক্ষ্যে ॥ ৮-১১॥

য়ত্ অক্ষরম্ বেদ-বিদঃ বদন্তি

বিশন্তি য়ত্ য়তয়ঃ বীত-রাগাঃ ।
য়ত্ ইচ্ছন্তঃ ব্রহ্মচর্যম্ চরন্তি
তত্ তে পদম্ সংগ্রহেণ প্রবক্ষ্যে ॥ ৮-১১॥

বেদ-বিদঃ য়ত্ অক্ষরম্ বদন্তি, বীত-রাগাঃ য়তয়ঃ য়ত্

বিশন্তি, (ব্রহ্মচারিণঃ) য়ত্ ইচ্ছন্তঃ ব্রহ্মচর্যম্ চরন্তি,
তত্ পদম্ তে সংগ্রহেণ প্রবক্ষ্যে ।

সর্বদ্বারাণি সংয়ম্য মনো হৃদি নিরুধ্য চ ।

মূর্ধ্ন্যাধায়াত্মনঃ প্রাণমাস্থিতো য়োগধারণাম্ ॥ ৮-১২॥
ওমিত্যেকাক্ষরং ব্রহ্ম ব্যাহরন্মামনুস্মরন্ ।
য়ঃ প্রয়াতি ত্যজন্দেহং স য়াতি পরমাং গতিম্ ॥ ৮-১৩॥

সর্ব-দ্বারাণি সংয়ম্য মনঃ হৃদি নিরুধ্য চ ।

মূর্ধ্নি আধায় আত্মনঃ প্রাণম্ আস্থিতঃ য়োগ-ধারণাম্ ॥ ৮-১২॥

ওম্ ইতি এক-অক্ষরম্ ব্রহ্ম ব্যাহরন্ মাম্ অনুস্মরন্ ।

য়ঃ প্রয়াতি ত্যজন্ দেহম্ সঃ য়াতি পরমাম্ গতিম্ ॥ ৮-১৩॥

সর্ব-দ্বারাণি সংয়ম্য, মনঃ চ হৃদি নিরুধ্য,

মূর্ধ্নি আত্মনঃ প্রাণম্ আধায়, য়োগ-ধারণাম্ আস্থিতঃ,
ওম্ ইতি এক-অক্ষরম্ ব্রহ্ম ব্যাহরন্ মাম্ অনুস্মরন্,
য়ঃ দেহম্ ত্যজন্ প্রয়াতি, সঃ পরমাম্ গতিম্ য়াতি ।

অনন্যচেতাঃ সততং য়ো মাং স্মরতি নিত্যশঃ ।

তস্যাহং সুলভঃ পার্থ নিত্যয়ুক্তস্য য়োগিনঃ ॥ ৮-১৪॥

অনন্য-চেতাঃ সততম্ য়ঃ মাম্ স্মরতি নিত্যশঃ ।

তস্য অহং সুলভঃ পার্থ নিত্য-য়ুক্তস্য য়োগিনঃ ॥ ৮-১৪॥

হে পার্থ! য়ঃ নিত্যশঃ অনন্য-চেতাঃ (সন্) মাম্

সততং স্মরতি, তস্য নিত্য-য়ুক্তস্য য়োগিনঃ অহং সুলভঃ (অস্মি) ।

মামুপেত্য পুনর্জন্ম দুঃখালয়মশাশ্বতম্ ।

নাপ্নুবন্তি মহাত্মানঃ সংসিদ্ধিং পরমাং গতাঃ ॥ ৮-১৫॥

মাম্ উপেত্য পুনঃ-জন্ম দুঃখ-আলয়ম্ অশাশ্বতম্ ।

ন আপ্নুবন্তি মহাত্মানঃ সংসিদ্ধিম্ পরমাম্ গতাঃ ॥ ৮-১৫॥

পরমাম্ সংসিদ্ধিম্ গতাঃ মহাত্মানঃ মাম্ উপেত্য,

পুনঃ দুঃখ-আলয়ম্ অশাশ্বতম্ জন্ম ন আপ্নুবন্তি ।

আব্রহ্মভুবনাল্লোকাঃ পুনরাবর্তিনোঽর্জুন ।
মামুপেত্য তু কৌন্তেয় পুনর্জন্ম ন বিদ্যতে ॥ ৮-১৬॥

আব্রহ্ম-ভুবনাত্ লোকাঃ পুনঃ-আবর্তিনঃ অর্জুন ।

মাম্ উপেত্য তু কৌন্তেয় পুনঃ-জন্ম ন বিদ্যতে ॥ ৮-১৬॥

হে অর্জুন! আব্রহ্ম-ভুবনাত্ (সর্বে) লোকাঃ পুনঃ-আবর্তিনঃ

(সন্তি); হে কৌন্তেয়! মাম্ উপেত্য তু পুনঃ জন্ম ন বিদ্যতে ।

সহস্রয়ুগপর্যন্তমহর্যদ্ ব্রহ্মণো বিদুঃ ।

রাত্রিং য়ুগসহস্রান্তাং তেঽহোরাত্রবিদো জনাঃ ॥ ৮-১৭॥

সহস্র-য়ুগ-পর্যন্তম্ অহঃ য়ত্ ব্রহ্মণঃ বিদুঃ ।

রাত্রিম্ য়ুগ-সহস্র-অন্তাম্ তে অহোরাত্র-বিদঃ জনাঃ ॥ ৮-১৭॥

য়ত্ তে অহোরাত্র-বিদঃ জনাঃ সহস্র-য়ুগ-পর্যন্তম্ ব্রহ্মণঃ

অহঃ য়ুগ-সহস্র-অন্তাম্ রাত্রিম্ (চ) বিদুঃ ।

অব্যক্তাদ্ ব্যক্তয়ঃ সর্বাঃ প্রভবন্ত্যহরাগমে ।

রাত্র্যাগমে প্রলীয়ন্তে তত্রৈবাব্যক্তসংজ্ঞকে ॥ ৮-১৮॥

অব্যক্তাত্ ব্যক্তয়ঃ সর্বাঃ প্রভবন্তি অহঃ আগমে ।

রাত্রি আগমে প্রলীয়ন্তে তত্র এব অব্যক্ত-সংজ্ঞকে ॥ ৮-১৮॥

অহঃ আগমে সর্বাঃ ব্যক্তয়ঃ অব্যক্তাত্ প্রভবন্তি,

(পুনঃ) রাত্রি আগমে তত্র অব্যক্ত-সংজ্ঞকে এব প্রলীয়ন্তে ।
ভূতগ্রামঃ স এবায়ং ভূত্বা ভূত্বা প্রলীয়তে ।
রাত্র্যাগমেঽবশঃ পার্থ প্রভবত্যহরাগমে ॥ ৮-১৯॥

ভূত-গ্রামঃ সঃ এব অয়ম্ ভূত্বা ভূত্বা প্রলীয়তে ।

রাত্রি আগমে অবশঃ পার্থ প্রভবতি অহঃ আগমে ॥ ৮-১৯॥

হে পার্থ! সঃ এব অয়ম্ ভূত-গ্রামঃ অবশঃ (সন্),

ভূত্বা ভূত্বা রাত্রি আগমে প্রলীয়তে (পুনঃ) অহঃ আগমে প্রভবতি ।

পরস্তস্মাত্তু ভাবোঽন্যোঽব্যক্তোঽব্যক্তাত্সনাতনঃ ।
য়ঃ স সর্বেষু ভূতেষু নশ্যত্সু ন বিনশ্যতি ॥ ৮-২০॥

পরঃ তস্মাত্ তু ভাবঃ অন্যঃ অব্যক্তঃ অব্যক্তাত্ সনাতনঃ ।

য়ঃ সঃ সর্বেষু ভূতেষু নশ্যত্সু ন বিনশ্যতি ॥ ৮-২০॥

য়ঃ তু সর্বেষু ভূতেষু নশ্যত্সু ন বিনশ্যতি, সঃ, তস্মাত্

অব্যক্তাত্ অন্যঃ, অব্যক্তঃ সনাতনঃ পরঃ ভাবঃ (অস্তি)

অব্যক্তোঽক্ষর ইত্যুক্তস্তমাহুঃ পরমাং গতিম্ ।

য়ং প্রাপ্য ন নিবর্তন্তে তদ্ধাম পরমং মম ॥ ৮-২১॥

অব্যক্তঃ অক্ষরঃ ইতি উক্তঃ তম্ আহুঃ পরমাম্ গতিম্ ।

য়ম্ প্রাপ্য ন নিবর্তন্তে তত্ ধাম পরমম্ মম ॥ ৮-২১॥

(য়ঃ) অব্যক্তঃ (ভাবঃ) অক্ষরঃ ইতি উক্তঃ, তম্ পরমাম্

গতিম্ আহুঃ, (জ্ঞানিনঃ) য়ম্ প্রাপ্য ন নিবর্তন্তে, তত্
মম পরমম্ ধাম (অস্তি)।

পুরুষঃ স পরঃ পার্থ ভক্ত্যা লভ্যস্ত্বনন্যয়া ।

য়স্যান্তঃস্থানি ভূতানি য়েন সর্বমিদং ততম্ ॥ ৮-২২॥

পুরুষঃ সঃ পরঃ পার্থ ভক্ত্যা লভ্যঃ তু অনন্যয়া ।

য়স্য অন্তঃ-স্থানি ভূতানি য়েন সর্বম্ ইদম্ ততম্ ॥ ৮-২২॥

হে পার্থ! ভূতানি য়স্য অন্তঃ-স্থানি (সন্তি), য়েন ইদম্

সর্বম্ ততম্, সঃ তু পরঃ পুরুষঃ অনন্যয়া ভক্ত্যা লভ্যঃ (অস্তি)।

য়ত্র কালে ত্বনাবৃত্তিমাবৃত্তিং চৈব য়োগিনঃ ।

প্রয়াতা য়ান্তি তং কালং বক্ষ্যামি ভরতর্ষভ ॥ ৮-২৩॥

য়ত্র কালে তু অনাবৃত্তিম্ আবৃত্তিম্ চ এব য়োগিনঃ ।

প্রয়াতাঃ য়ান্তি তম্ কালম্ বক্ষ্যামি ভরতর্ষভ ॥ ৮-২৩॥

হে ভরতর্ষভ! য়ত্র কালে তু প্রয়াতাঃ য়োগিনঃ অনাবৃত্তিম্

আবৃত্তিম্ চ এব য়ান্তি, তম্ কালম্ বক্ষ্যামি ।

অগ্নির্জ্যোতিরহঃ শুক্লঃ ষণ্মাসা উত্তরায়ণম্ ।

তত্র প্রয়াতা গচ্ছন্তি ব্রহ্ম ব্রহ্মবিদো জনাঃ ॥ ৮-২৪॥

অগ্নিঃ জ্যোতিঃ অহঃ শুক্লঃ ষণ্মাসাঃ উত্তর-আয়ণম্ ।

তত্র প্রয়াতাঃ গচ্ছন্তি ব্রহ্ম ব্রহ্মবিদঃ জনাঃ ॥ ৮-২৪॥

অগ্নিঃ, জ্যোতিঃ, অহঃ, শুক্লঃ (পক্ষঃ), ষণ্মাসাঃ উত্তর-আয়নম্,

তত্র (কালে) প্রয়াতাঃ ব্রহ্মবিদঃ জনাঃ ব্রহ্ম গচ্ছন্তি ।

ধূমো রাত্রিস্তথা কৃষ্ণঃ ষণ্মাসা দক্ষিণায়নম্ ।

তত্র চান্দ্রমসং জ্যোতির্যোগী প্রাপ্য নিবর্ততে ॥ ৮-২৫॥
ধূমঃ রাত্রিঃ তথা কৃষ্ণঃ ষণ্মাসাঃ দক্ষিণ-আয়নম্ ।
তত্র চান্দ্রমসম্ জ্যোতিঃ য়োগী প্রাপ্য নিবর্ততে ॥ ৮-২৫॥

ধূমঃ, রাত্রিঃ, তথা কৃষ্ণঃ (পক্ষঃ), ষণ্মাসাঃ

দক্ষিণ-আয়নম্, তত্র (কালে প্রয়াতাঃ) য়োগী চান্দ্রমসম্
জ্যোতিঃ প্রাপ্য নিবর্ততে ।

শুক্লকৃষ্ণে গতী হ্যেতে জগতঃ শাশ্বতে মতে ।

একয়া য়াত্যনাবৃত্তিমন্যয়াবর্ততে পুনঃ ॥ ৮-২৬॥

শুক্ল-কৃষ্ণে গতী হি এতে জগতঃ শাশ্বতে মতে ।

একয়া য়াতি অনাবৃত্তিম্ অন্যয়া আবর্ততে পুনঃ ॥ ৮-২৬॥

জগতঃ এতে হি শুক্ল-কৃষ্ণে গতী শাশ্বতে মতে ।

একয়া অনাবৃত্তিম্ য়াতি অন্যয়া পুনঃ আবর্ততে ।

নৈতে সৃতী পার্থ জানন্যোগী মুহ্যতি কশ্চন ।

তস্মাত্সর্বেষু কালেষু য়োগয়ুক্তো ভবার্জুন ॥ ৮-২৭॥

ন এতে সৃতী পার্থ জানন্ য়োগী মুহ্যতি কশ্চন ।

তস্মাত্ সর্বেষু কালেষু য়োগ-য়ুক্তঃ ভব অর্জুন ॥ ৮-২৭॥

হে পার্থ! এতে সৃতী জানন্ কশ্চন য়োগী ন মুহ্যতি;

তস্মাত্ হে অর্জুন! (ত্বং) সর্বেষু কালেষু য়োগ-য়ুক্তঃ ভব ।

বেদেষু য়জ্ঞেষু তপঃসু চৈব

দানেষু য়ত্পুণ্যফলং প্রদিষ্টম্ ।
অত্যেতি তত্সর্বমিদং বিদিত্বা
য়োগী পরং স্থানমুপৈতি চাদ্যম্ ॥ ৮-২৮॥

বেদেষু য়জ্ঞেষু তপঃসু চ এব

দানেষু য়ত্ পুণ্য-ফলম্ প্রদিষ্টম্ ।
অত্যেতি তত্ সর্বম্ ইদম্ বিদিত্বা
য়োগী পরম্ স্থানম্ উপৈতি চ আদ্যম্ ॥ ৮-২৮॥

য়োগী ইদম্ বিদিত্বা, বেদেষু য়জ্ঞেষু তপঃসু দানেষু চ এব

য়ত্ পুণ্য-ফলম্ প্রদিষ্টম্, তত্ সর্বম্ অত্যেতি, আদ্যম্ পরম্ চ স্থানম্ উপৈতি ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
অক্ষরব্রহ্ময়োগো নামাষ্টমোঽধ্যায়ঃ ॥ ৮॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
অক্ষর-ব্রহ্ম-য়োগঃ নাম অষ্টমঃ অধ্যায়ঃ ॥ ৮॥

অথ নবমোঽধ্যায়ঃ । রাজবিদ্যারাজগুহ্যয়োগঃ ।
অথ নবমঃ অধ্যায়ঃ । রাজ-বিদ্যা-রাজ-গুহ্য-য়োগঃ ।

শ্রীভগবানুবাচ ।
শ্রীভগবান্ উবাচ ।

ইদং তু তে গুহ্যতমং প্রবক্ষ্যাম্যনসূয়বে ।

জ্ঞানং বিজ্ঞানসহিতং য়জ্জ্ঞাত্বা মোক্ষ্যসেঽশুভাত্ ॥ ৯-১॥

ইদম্ তু তে গুহ্যতমম্ প্রবক্ষ্যামি অনসূয়বে ।

জ্ঞানম্ বিজ্ঞান-সহিতম্ য়ত্ জ্ঞাত্বা মোক্ষ্যসে অশুভাত্ ॥ ৯-১॥
য়ত্ জ্ঞাত্বা (ত্বং)অশুভাত্ মোক্ষ্যসে, (তত্) তু ইদম্
গুহ্যতমম্ বিজ্ঞান-সহিতম্ জ্ঞানম্ অনসূয়বে তে প্রবক্ষ্যামি ।

রাজবিদ্যা রাজগুহ্যং পবিত্রমিদমুত্তমম্ ।

প্রত্যক্ষাবগমং ধর্ম্যং সুসুখং কর্তু মব্যয়ম্ ॥ ৯-২॥

রাজ-বিদ্যা রাজ-গুহ্যম্ পবিত্রম্ম্ ইদম্ উত্তমম্ ।

প্রত্যক্ষ-অবগমম্ ধর্ম্যম্ সুসুখম্ কর্তুম্ অব্যয়ম্ ॥ ৯-২॥

ইদম্ (জ্ঞানং) রাজ-বিদ্যা, রাজ-গুহ্যম্, উত্তমম্,

পবিত্রম্, অব্যয়ম্, প্রত্যক্ষ-অবগমম্, কর্তুম্ সুসুখম্,
ধর্ম্যম্ চ (অস্তি)।

অশ্রদ্দধানাঃ পুরুষা ধর্মস্যাস্য পরন্তপ ।

অপ্রাপ্য মাং নিবর্তন্তে মৃত্যুসংসারবর্ত্মনি ॥ ৯-৩॥

অশ্রদ্দধানাঃ পুরুষাঃ ধর্মস্য অস্য পরন্তপ ।

অপ্রাপ্য মাম্ নিবর্তন্তে মৃত্যু-সংসার-বর্ত্মনি ॥ ৯-৩॥

হে পরন্তপ! অস্য ধর্মস্য অশ্রদ্দধানাঃ পুরুষাঃ মাম্

অপ্রাপ্য মৃত্যু-সংসার-বর্ত্মনি নিবর্তন্তে ।

ময়া ততমিদং সর্বং জগদব্যক্তমূর্তি না ।

মত্স্থানি সর্বভূ তানি ন চাহং তেষ্ববস্থিতঃ ॥ ৯-৪॥

ময়া ততম্ ইদম্ সর্বম্ জগত্ অব্যক্ত-মূর্তি না ।

মত্-স্থানি সর্ব-ভূতানি ন চ অহম্ তেষু অবস্থিতঃ ॥ ৯-৪॥

অব্যক্ত-মূর্তি না ময়া ইদম্ সর্বম্ জগত্ ততম্ ।

সর্ব-ভূতানি মত্-স্থানি (সন্তি), অহম্ চ তেষু ন অবস্থিতঃ (অস্মি)।

ন চ মত্স্থানি ভূতানি পশ্য মে য়োগমৈশ্বরম্ ।

ভূতভৃন্ন চ ভূতস্থো মমাত্মা ভূতভাবনঃ ॥ ৯-৫॥

ন চ মত্-স্থানি ভূতানি পশ্য মে য়োগম্ ঐশ্বরম্ ।

ভূত-ভৃত্ ন চ ভূত-স্থঃ মম আত্মা ভূত-ভাবনঃ ॥ ৯-৫॥

ভূতানি চ মত্-স্থানি ন (সন্তি), মে ঐশ্বরম্ য়োগম্ পশ্য ।

(অহং) ভূত-ভৃত্ (অপি) ভূত-স্থঃ ন । মম আত্মা চ
ভূত-ভাবনঃ (অস্তি) ।

য়থাকাশস্থিতো নিত্যং বায়ুঃ সর্বত্রগো মহান্ ।

তথা সর্বাণি ভূতানি মত্স্থানীত্যুপধারয় ॥ ৯-৬॥

য়থা আকাশ-স্থিতঃ নিত্যম্ বায়ুঃ সর্বত্রগঃ মহান্ ।

তথা সর্বাণি ভূতানি মত্-স্থানি ইতি উপধারয় ॥ ৯-৬॥

য়থা সর্বত্রগঃ মহান্ বায়ুঃ নিত্যম্ আকাশ-স্থিতঃ (অস্তি),

তথা সর্বাণি ভূতানি মত্-স্থানি (সন্তি), ইতি (ত্বং) উপধারয় ।

সর্বভূতানি কৌন্তেয় প্রকৃতিং য়ান্তি মামিকাম্ ।

কল্পক্ষয়ে পুনস্তানি কল্পাদৌ বিসৃজাম্যহম্ ॥ ৯-৭॥

সর্ব-ভূতানি কৌন্তেয় প্রকৃতিম্ য়ান্তি মামিকাম্ ।

কল্প-ক্ষয়ে পুনঃ তানি কল্প-আদৌ বিসৃজামি অহম্ ॥ ৯-৭॥

হে কৌন্তেয়! সর্ব-ভূতানি কল্প-ক্ষয়ে মামিকাম্ প্রকৃতিম্

য়ান্তি । পুনঃ কল্প-আদৌ তানি বিসৃজামি ।
প্রকৃ তিং স্বামবষ্টভ্য বিসৃজামি পুনঃ পুনঃ ।
ভূতগ্রামমিমং কৃত্স্নমবশং প্রকৃতের্বশাত্ ॥ ৯-৮॥

প্রকৃ তিম্ স্বাম্ অবষ্টভ্য বিসৃজামি পুনঃ পুনঃ ।

ভূত-গ্রামম্ ইমম্ কৃত্স্নম্ অবশম্ প্রকৃতেঃ বশাত্ ॥ ৯-৮॥

(অহম্) স্বাম্ প্রকৃতিম্ অবষ্টভ্য প্রকৃতেঃ বশাত্

অবশম্ ইমম্ কৃত্স্নম্ ভূত-গ্রামম্ পুনঃ পুনঃ বিসৃজামি ।

ন চ মাং তানি কর্মাণি নিবধ্নন্তি ধনঞ্জয় ।

উদাসীনবদাসীনমসক্তং তেষু কর্মসু ॥ ৯-৯॥

ন চ মাম্ তানি কর্মাণি নিবধ্নন্তি ধনঞ্জয় ।

উদাসীনবত্ আসীনম্ অসক্তম্ তেষু কর্মসু ॥ ৯-৯॥

হে ধনঞ্জয়! তেষু কর্মসু অসক্তম্ উদাসীনবত্

আসীনম্ মাম্ তানি কর্মাণি চ ন নিবধ্নন্তি ।

ময়াধ্যক্ষেণ প্রকৃ তিঃ সূয়তে সচরাচরম্ ।

হেতুনানেন কৌন্তেয় জগদ্বিপরিবর্ততে ॥ ৯-১০॥

ময়া অধ্যক্ষেণ প্রকৃ তিঃ সূয়তে সচর-অচরম্ ।

হেতুনা অনেন কৌন্তেয় জগত্ বিপরিবর্ততে ॥ ৯-১০॥

হে কৌন্তেয়! ময়া অধ্যক্ষেণ প্রকৃ তিঃ সচর-অচরম্ সূয়তে,

অনেন হেতুনা জগত্ বিপরিবর্ততে ।

অবজানন্তি মাং মূঢা মানুষীং তনুমাশ্রিতম্ ।

পরং ভাবমজানন্তো মম ভূ তমহেশ্বরম্ ॥ ৯-১১॥

অবজানন্তি মাম্ মূঢাঃ মানুষীম্ তনুম্ আশ্রিতম্ ।

পরম্ ভাবম্ অজানন্তঃ মম ভূ ত-মহেশ্বরম্ ॥ ৯-১১॥

ভূত-মহেশ্বরম্ মম পরম্ ভাবম্ অজানন্তঃ মূঢাঃ

মানুষীম্ তনুম্ আশ্রিতম্ মাম্ অবজানন্তি ।

মোঘাশা মোঘকর্মাণো মোঘজ্ঞানা বিচেতসঃ ।

রাক্ষসীমাসুরীং চৈব প্রকৃতিং মোহিনীং শ্রিতাঃ ॥ ৯-১২॥

মোঘ-আশাঃ মোঘ-কর্মাণঃ মোঘ-জ্ঞানাঃ বিচেতসঃ ।

রাক্ষসীম্ আসুরীম্ চ এব প্রকৃতিম্ মোহিনীম্ শ্রিতাঃ ॥ ৯-১২॥

(তে) মোঘ-আশাঃ মোঘ-কর্মাণঃ মোঘ-জ্ঞানাঃ বিচেতসঃ

মোহিনীম্ রাক্ষসীম্ আসুরীম্ প্রকৃ তিম্ চ এব শ্রিতাঃ ।

মহাত্মানস্তু মাং পার্থ দৈবীং প্রকৃ তিমাশ্রিতাঃ ।

ভজন্ত্যনন্যমনসো জ্ঞাত্বা ভূতাদিমব্যয়ম্ ॥ ৯-১৩॥

মহাত্মানঃ তু মাম্ পার্থ দৈবীম্ প্রকৃ তিম্ আশ্রিতাঃ ।

ভজন্তি অনন্য-মনসঃ জ্ঞাত্বা ভূ তাদিম্ অব্যয়ম্ ॥ ৯-১৩॥

হে পার্থ! দৈবীম্ প্রকৃতিম্ আশ্রিতাঃ মহাত্মানঃ তু

মাম্ ভূ তাদিম্ অব্যয়ম্ জ্ঞাত্বা, অনন্য-মনসঃ (মাং) ভজন্তি ।

সততং কীর্তয়ন্তো মাং য়তন্তশ্চ দৃঢব্রতাঃ ।

নমস্যন্তশ্চ মাং ভক্ত্যা নিত্যয়ুক্তা উপাসতে ॥ ৯-১৪॥

সততম্ কীর্তয়ন্তঃ মাম্ য়তন্তঃ চ দৃঢ-ব্রতাঃ ।

নমস্যন্তঃ চ মাম্ ভক্ত্যা নিত্য-য়ুক্তাঃ উপাসতে ॥ ৯-১৪॥

(তে) নিত্য-য়ুক্তাঃ ভক্ত্যা মাম্ সততম্ কীর্তয়ন্তঃ য়তন্তঃ চ

দৃঢ-ব্রতাঃ নমস্যন্তঃ চ মাম্ উপাসতে ।

জ্ঞানয়জ্ঞেন চাপ্যন্যে য়জন্তো মামুপাসতে ।

একত্বেন পৃথক্ত্বেন বহুধা বিশ্বতোমুখম্ ॥ ৯-১৫॥

জ্ঞান-য়জ্ঞেন চ অপি অন্যে য়জন্তঃ মাম্ উপাসতে ।

একত্বেন পৃথক্ত্বেন বহুধা বিশ্বতোমুখম্ ॥ ৯-১৫।

অন্যে চ অপি জ্ঞান-য়জ্ঞেন য়জন্তঃ একত্বেন, পৃথক্ত্বেন,

বহুধা বিশ্বতোমুখম্ মাম্ উপাসতে ।

অহং ক্রতুরহং য়জ্ঞঃ স্বধাহমহমৌষধম্ ।

মন্ত্রোঽহমহমেবাজ্যমহমগ্নিরহং হুতম্ ॥ ৯-১৬॥

অহম্ ক্রতুঃ অহম্ য়জ্ঞঃ স্বধা অহম্ অহম্ ঔষধম্ ।

মন্ত্রঃ অহম্ অহম্ এব আজ্যম্ অহম্ অগ্নিঃ অহম্ হুতম্ ॥ ৯-১৬॥

অহম্ ক্রতুঃ, অহম্ য়জ্ঞঃ, অহম্ স্বধা, অহম্ ঔষধম্,

অহম্ মন্ত্রঃ, অহম্ এব আজ্যম্, অহম্ অগ্নিঃ, অহম্ হুতম্,

পিতাহমস্য জগতো মাতা ধাতা পিতামহঃ ।

বেদ্যং পবিত্রমোংকার ঋক্সাম য়জুরেব চ ॥ ৯-১৭॥

পিতা অহম্ অস্য জগতঃ মাতা ধাতা পিতামহঃ ।

বেদ্যম্ পবিত্রম্ ওংকারঃ ঋক্-সাম য়জুঃ এব চ ॥ ৯-১৭॥

অহম্ অস্য জগতঃ মাতা, পিতা, ধাতা, পিতামহঃ, বেদ্যম্ (বস্তু),

পবিত্রম্ (বস্তু), ওঙ্কারঃ, ঋক্, সাম, য়জুঃ এব চ (অস্মি)।

গতির্ভর্তা প্রভুঃ সাক্ষী নিবাসঃ শরণং সুহৃত্ ।

প্রভবঃ প্রলয়ঃ স্থানং নিধানং বীজমব্যয়ম্ ॥ ৯-১৮॥

গতিঃ ভর্তা প্রভুঃ সাক্ষী নিবাসঃ শরণম্ সুহৃত্ ।

প্রভবঃ প্রলয়ঃ স্থানম্ নিধানম্ বীজম্ অব্যয়ম্ ॥ ৯-১৮॥

(অহং) গতিঃ, ভর্তা, প্রভুঃ, সাক্ষী, নিবাসঃ, শরণম্,

সুহৃত্, প্রভবঃ, প্রলয়ঃ, স্থানম্, নিধানম্,
অব্যয়ম্ বীজম্ (চ অস্মি) ।

তপাম্যহমহং বর্ষং নিগৃহ্ণাম্যুত্সৃজামি চ ।

অমৃতং চৈব মৃত্যুশ্চ সদসচ্চাহমর্জুন ॥ ৯-১৯॥

তপামি অহম্ অহম্ বর্ষম্ নিগৃহ্ণামি উত্সৃজামি চ ।

অমৃতম্ চ এব মৃত্যুঃ চ সত্ অসত্ চ অহম্ অর্জুন ॥ ৯-১৯॥

হে অর্জুন! অহম্ তপামি, অহম্ বর্ষম্, নিগৃহ্ণামি

উত্সৃজামি চ, অহম্ এব অমৃতম্ মৃত্যুঃ চ, (অহং এব)
সত্ অসত্ চ (অস্মি) ।

ত্রৈবিদ্যা মাং সোমপাঃ পূতপাপা

য়জ্ঞৈরিষ্ট্বা স্বর্গতিং প্রার্থয়ন্তে ।
তে পুণ্যমাসাদ্য সুরেন্দ্রলোক-
মশ্নন্তি দিব্যান্দিবি দেবভোগান্ ॥ ৯-২০॥

ত্রৈ-বিদ্যাঃ মাম্ সোমপাঃ পূত-পাপাঃ

য়জ্ঞৈঃ ইষ্ট্বা স্বর্গতিম্ প্রার্থয়ন্তে ।
তে পুণ্যম্ আসাদ্য সুরেন্দ্র-লোকং
অশ্নন্তি দিব্যান্ দিবি দেব-ভোগান্ ॥ ৯-২০॥

ত্রৈ-বিদ্যাঃ সোমপাঃ পূত-পাপাঃ মাম্ য়জ্ঞৈঃ ইষ্ট্বা

স্বর্গতিম্ প্রার্থয়ন্তে । তে পুণ্যম্ সুরেন্দ্র-লোকং আসাদ্য,
দিবি দিব্যান্ দেব-ভোগান্ অশ্নন্তি ।

তে তং ভুক্ত্বা স্বর্গলোকং বিশালং

ক্ষীণে পুণ্যে মর্ত্যলোকং বিশন্তি ।
এবং ত্রয়ীধর্মমনুপ্রপন্না
গতাগতং কামকামা লভন্তে ॥ ৯-২১॥

তে তম্ ভুক্ত্বা স্বর্গ-লোকম্ বিশালম্

ক্ষীণে পুণ্যে মর্ত্য-লোকম্ বিশন্তি ।
এবম্ ত্রয়ী-ধর্মম্ অনুপ্রপন্নাঃ
গত-আগতম্ কাম-কামাঃ লভন্তে ॥ ৯-২১॥

তে তম্ বিশালম্ স্বর্গ-লোকম্ ভু ক্ত্বা, পুণ্যে ক্ষীণে (সতি)

মর্ত্য-লোকম্ বিশন্তি । এবম্ ত্রয়ী-ধর্মম্ অনুপ্রপন্নাঃ
কাম-কামাঃ গত-আগতম্ লভন্তে ।

অনন্যাশ্চিন্তয়ন্তো মাং য়ে জনাঃ পর্যুপাসতে ।

তেষাং নিত্যাভিয়ুক্তানাং য়োগক্ষেমং বহাম্যহম্ ॥ ৯-২২॥

অনন্যাঃ চিন্তয়ন্তঃ মাম্ য়ে জনাঃ পর্যুপাসতে ।

তেষাম্ নিত্য-অভিয়ুক্তানাম্ য়োগ-ক্ষেমম্ বহামি অহম্ ॥ ৯-২২॥

অনন্যাঃ চিন্তয়ন্তঃ য়ে জনাঃ মাম্ পর্যুপাসতে, তেষাম্

নিত্য-অভিয়ুক্তানাম্ য়োগ-ক্ষেমম্ অহম্ বহামি ।

য়েঽপ্যন্যদেবতাভক্তা য়জন্তে শ্রদ্ধয়ান্বিতাঃ ।

তেঽপি মামেব কৌন্তেয় য়জন্ত্যবিধিপূর্বকম্ ॥ ৯-২৩॥

য়ে অপি অন্য-দেবতা-ভক্তাঃ য়জন্তে শ্রদ্ধয়া অন্বিতাঃ ।

তে অপি মাম্ এব কৌন্তেয় য়জন্তি অবিধি-পূর্বকম্ ॥ ৯-২৩॥

অপি য়ে অন্য-দেবতা-ভক্তাঃ শ্রদ্ধয়া অন্বিতাঃ

য়জন্তে, তে অপি হে কৌন্তেয়! অবিধি-পূর্বকম্ মাম্ এব য়জন্তি ।

অহং হি সর্বয়জ্ঞানাং ভোক্তা চ প্রভুরেব চ ।

ন তু মামভিজানন্তি তত্ত্বেনাতশ্চ্যবন্তি তে ॥ ৯-২৪॥

অহম্ হি সর্ব-য়জ্ঞানাম্ ভোক্তা চ প্রভুঃ এব চ ।

ন তু মাম্ অভিজানন্তি তত্ত্বেন অতঃ চ্যবন্তি তে ॥ ৯-২৪॥

অহম্ হি সর্ব-য়জ্ঞানাম্ ভোক্তা চ প্রভুঃ এব চ (অস্মি),

মাম্ তু তত্ত্বেন ন অভিজানন্তি, অতঃ তে চ্যবন্তি ।

য়ান্তি দেবব্রতা দেবান্পিতৄন্যান্তি পিতৃব্রতাঃ ।

ভূতানি য়ান্তি ভূতেজ্যা য়ান্তি মদ্যাজিনোঽপি মাম্ ॥ ৯-২৫॥

য়ান্তি দেব-ব্রতাঃ দেবান্ পিতৄন্ য়ান্তি পিতৃ-ব্রতাঃ ।

ভূতানি য়ান্তি ভূত-ইজ্যাঃ য়ান্তি মত্ য়াজিনঃ অপি মাম্ ॥ ৯-২৫॥

দেব-ব্রতাঃ দেবান্ য়ান্তি, পিতৃ -ব্রতাঃ পিতৄন্ য়ান্তি,

ভূত-ইজ্যাঃ ভূতানি য়ান্তি, মত্ য়াজিনঃ অপি মাম্ য়ান্তি ।

পত্রং পুষ্পং ফলং তোয়ং য়ো মে ভক্ত্যা প্রয়চ্ছতি ।

তদহং ভক্ত্যুপহৃতমশ্নামি প্রয়তাত্মনঃ ॥ ৯-২৬॥
পত্রম্ পুষ্পম্ ফলম্ তোয়ম্ য়ঃ মে ভক্ত্যা প্রয়চ্ছতি ।
তত্ অহম্ ভক্তি-উপহৃতম্ অশ্নামি প্রয়ত আত্মনঃ ॥ ৯-২৬॥

য়ঃ পত্রম্ পুষ্পম্ ফলম্ তোয়ম্ ভক্ত্যা মে প্রয়চ্ছতি,

(তস্য) প্রয়ত-আত্মনঃ ভক্তি-উপহৃতম্ তত্ অহম্ অশ্নামি ।

য়ত্করোষি য়দশ্নাসি য়জ্জুহোষি দদাসি য়ত্ ।

য়ত্তপস্যসি কৌন্তেয় তত্কুরুষ্ব মদর্পণম্ ॥ ৯-২৭॥

য়ত্ করোষি য়ত্ অশ্নাসি য়ত্ জুহোষি দদাসি য়ত্ ।

য়ত্ তপস্যসি কৌন্তেয় তত্ কুরুষ্ব মত্ অর্পণম্ ॥ ৯-২৭॥

হে কৌন্তেয়! য়ত্ করোষি, য়ত্ অশ্নাসি, য়ত্ জুহোষি,

য়ত্ দদাসি, য়ত্ তপস্যসি, তত্ মত্ অর্পণম্ কুরুষ্ব ।

শুভাশুভফলৈরেবং মোক্ষ্যসে কর্মবন্ধনৈঃ ।

সংন্যাসয়োগয়ুক্তাত্মা বিমুক্তো মামুপৈষ্যসি ॥ ৯-২৮॥

শুভ-অশুভ-ফলৈঃ এবম্ মোক্ষ্যসে কর্ম-বন্ধনৈঃ ।

সংন্যাস-য়োগ-য়ুক্ত-আত্মা বিমুক্তঃ মাম্ উপৈষ্যসি ॥ ৯-২৮॥

এবম্ (কৃতে সতি) শুভ-অশুভ-ফলৈঃ কর্ম-বন্ধনৈঃ

সংন্যাস-য়োগ-য়ুক্ত-আত্মা বিমুক্তঃ (ভূত্বা) মোক্ষ্যসে
মাম্ উপ-এষ্যসি ।

সমোঽহং সর্বভূতেষু ন মে দ্বেষ্যোঽস্তি ন প্রিয়ঃ ।

য়ে ভজন্তি তু মাং ভক্ত্যা ময়ি তে তেষু চাপ্যহম্ ॥ ৯-২৯॥

সমঃ অহম্ সর্ব-ভূতেষু ন মে দ্বেষ্যঃ অস্তি ন প্রিয়ঃ ।

য়ে ভজন্তি তু মাম্ ভক্ত্যা ময়ি তে তেষু চ অপি অহম্ ॥ ৯-২৯॥

অহম্ সর্ব-ভূতেষু সমঃ, মে দ্বেষ্যঃ প্রিয়ঃ চ ন অস্তি,

(পরং)তু য়ে মাম্ ভক্ত্যা ভজন্তি, তে ময়ি, (চ) অহম্ অপি তেষু (চ)।

অপি চেত্সুদুরাচারো ভজতে মামনন্যভাক্ ।

সাধুরেব স মন্তব্যঃ সম্যগ্ব্যবসিতো হি সঃ ॥ ৯-৩০॥

অপি চেত্ সু-দুঃ-আচারঃ ভজতে মাম্ অনন্য-ভাক্ ।

সাধুঃ এব সঃ মন্তব্যঃ সম্যক্ ব্যবসিতঃ হি সঃ ॥ ৯-৩০॥

সু-দুঃ-আচারঃ অপি মাম্ অনন্য-ভাক্ ভজতে চেত্,

সঃ সাধুঃ এব মন্তব্যঃ, সঃ হি সম্যক্ ব্যবসিতঃ (অস্তি)।

ক্ষিপ্রং ভবতি ধর্মাত্মা শশ্বচ্ছান্তিং নিগচ্ছতি ।

কৌন্তেয় প্রতিজানীহি ন মে ভক্তঃ প্রণশ্যতি ॥ ৯-৩১॥

ক্ষিপ্রম্ ভবতি ধর্ম-আত্মা শশ্বত্ শান্তিম্ নিগচ্ছতি ।

কৌন্তেয় প্রতিজানীহি ন মে ভক্তঃ প্রণশ্যতি ॥ ৯-৩১॥

হে কৌন্তেয়! (সঃ) ক্ষিপ্রম্ ধর্ম-আত্মা ভবতি, শশ্বত্

শান্তিম্ নিগচ্ছতি, মে ভক্তঃ ন প্রণশ্যতি, (ইতি ত্বং) প্রতিজানীহি ।

মাং হি পার্থ ব্যপাশ্রিত্য য়েঽপি স্যুঃ পাপয়োনয়ঃ ।

স্ত্রিয়ো বৈশ্যাস্তথা শূদ্রাস্তেঽপি য়ান্তি পরাং গতিম্ ॥ ৯-৩২॥

মাম্ হি পার্থ ব্যপাশ্রিত্য য়ে অপি স্যুঃ পাপ-য়োনয়ঃ ।

স্ত্রিয়ঃ বৈশ্যাঃ তথা শূদ্রাঃ তে অপি য়ান্তি পরাম্ গতিম্ ॥ ৯-৩২॥
হে পার্থ! য়ে অপি হি পাপ-য়োনয়ঃ স্ত্রিয়ঃ বৈশ্যাঃ তথা
শূদ্রাঃ স্যুঃ তে অপি মাম্ ব্যপাশ্রিত্য, পরাম্ গতিম্ য়ান্তি ।

কিং পুনর্ব্রাহ্মণাঃ পুণ্যা ভক্তা রাজর্ষয়স্তথা ।

অনিত্যমসুখং লোকমিমং প্রাপ্য ভজস্ব মাম্ ॥ ৯-৩৩॥

কিম্ পুনঃ ব্রাহ্মণাঃ পুণ্যাঃ ভক্তাঃ রাজর্ষয়ঃ তথা ।

অনিত্যম্ অসুখম্ লোকম্ ইমম্ প্রাপ্য ভজস্ব মাম্ ॥ ৯-৩৩॥

কিম্ পুনঃ পুণ্যাঃ ভক্তাঃ ব্রাহ্মণাঃ তথা রাজর্ষয়ঃ?

(তস্মাত্ ত্বং) অনিত্যম্ অসুখম্ ইমম্ লোকম্ প্রাপ্য, মাম্ ভজস্ব ।

মন্মনা ভব মদ্ভক্তো মদ্যাজী মাং নমস্কু রু ।

মামেবৈষ্যসি য়ুক্ত্বৈবমাত্মানং মত্পরায়ণঃ ॥ ৯-৩৪॥

মত্-মনাঃ ভব মত্-ভক্তঃ মত্-য়াজী মাম্ নমস্কুরু ।

মাম্ এব এষ্যসি য়ুক্ত্বা এবম্ আত্মানম্ মত্-পরায়ণঃ ॥ ৯-৩৪॥

(ত্বং) মত্-মনাঃ মত্-ভক্তঃ মত্-য়াজী (চ) ভব,

মাম্ মত্-পরায়ণঃ (সন্) নমস্কুরু এবম্ আত্মানম্
য়ুক্ত্বা মাম্ এব এষ্যসি ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
রাজবিদ্যারাজগুহ্যয়োগো নাম নবমোঽধ্যায়ঃ ॥ ৯॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
রাজবিদ্যা-রাজগুহ্য-য়োগঃ নাম নবমঃ অধ্যায়ঃ ॥ ৯॥

অথ দশমোঽধ্যায়ঃ । বিভূতিয়োগঃ ।
অথ দশমঃ অধ্যায়ঃ । বিভূতি-য়োগঃ ।

শ্রীভগবানুবাচ ।
শ্রীভগবান্ উবাচ ।

ভূয় এব মহাবাহো শৃণু মে পরমং বচঃ ।

য়ত্তেঽহং প্রীয়মাণায় বক্ষ্যামি হিতকাম্যয়া ॥ ১০-১॥

ভূয়ঃ এব মহাবাহো শৃণু মে পরমম্ বচঃ ।

য়ত্ তে অহম্ প্রীয়মাণায় বক্ষ্যামি হিত-কাম্যয়া ॥ ১০-১॥

হে মহাবাহো! ভূয়ঃ এব মে পরমম্ বচঃ শৃণু ।

প্রীয়মাণায় তে য়ত্ অহম্ হিত-কাম্যয়া বক্ষ্যামি ।

ন মে বিদুঃ সুরগণাঃ প্রভবং ন মহর্ষয়ঃ ।

অহমাদির্হি দেবানাং মহর্ষীণাং চ সর্বশঃ ॥ ১০-২॥

ন মে বিদুঃ সুর-গণাঃ প্রভবম্ ন মহর্ষয়ঃ ।

অহম্ আদিঃ হি দেবানাম্ মহর্ষীণাম্ চ সর্বশঃ ॥ ১০-২॥

সুর-গণাঃ মহর্ষয়ঃ চ মে প্রভবম্ ন বিদুঃ, অহম্ হি

দেবানাম্ মহর্ষীণাম্ (চ) সর্বশঃ আদিঃ (অস্মি)।

য়ো মামজমনাদিং চ বেত্তি লোকমহেশ্বরম্ ।

অসম্মূঢঃ স মর্ত্যেষু সর্বপাপৈঃ প্রমুচ্যতে ॥ ১০-৩॥
য়ঃ মাম্ অজম্ অনাদিম্ চ বেত্তি লোক-মহেশ্বরম্ ।
অসম্মূঢঃ সঃ মর্ত্যেষু সর্ব-পাপৈঃ প্রমুচ্যতে ॥ ১০-৩॥

য়ঃ মাম্ অজম্ অনাদিম্ লোক-মহেশ্বরম্ চ বেত্তি,

সঃ মর্ত্যেষু অসম্মূঢঃ (ভূত্বা) সর্ব-পাপৈঃ প্রমুচ্যতে ।

বুদ্ধির্জ্ঞানমসম্মোহঃ ক্ষমা সত্যং দমঃ শমঃ ।

সুখং দুঃখং ভবোঽভাবো ভয়ং চাভয়মেব চ ॥ ১০-৪॥

বুদ্ধিঃ জ্ঞানম্ অসম্মোহঃ ক্ষমা সত্যম্ দমঃ শমঃ ।

সুখম্ দুঃখম্ ভবঃ অভাবঃ ভয়ম্ চ অভয়ম্ এব চ ॥ ১০-৪॥

বুদ্ধিঃ, জ্ঞানম্, অসম্মোহঃ, ক্ষমা, সত্যম্, দমঃ,

শমঃ, সুখম্, দুঃখম্, ভবঃ, অভাবঃ, ভয়ম্ চ
এব অভয়ম্ চ

অহিংসা সমতা তুষ্টিস্তপো দানং য়শোঽয়শঃ ।

ভবন্তি ভাবা ভূতানাং মত্ত এব পৃথগ্বিধাঃ ॥ ১০-৫॥

অহিংসা সমতা তুষ্টিঃ তপঃ দানম্ য়শঃ অয়শঃ ।

ভবন্তি ভাবাঃ ভূতানাম্ মত্তঃ এব পৃথক্-বিধাঃ ॥ ১০-৫॥

অহিংসা, সমতা, তুষ্টিঃ, তপঃ, দানম্, য়শঃ, অয়শঃ,

(ইমে) ভূতানাম্ পৃথক্-বিধাঃ ভাবাঃ মত্তঃ এব ভবন্তি ।

মহর্ষয়ঃ সপ্ত পূর্বে চত্বারো মনবস্তথা ।

মদ্ভাবা মানসা জাতা য়েষাং লোক ইমাঃ প্রজাঃ ॥ ১০-৬॥

মহর্ষয়ঃ সপ্ত পূর্বে চত্বারঃ মনবঃ তথা ।

মত্ ভাবাঃ মানসাঃ জাতাঃ য়েষাম্ লোকে ইমাঃ প্রজাঃ ॥ ১০-৬॥

পূর্বে সপ্ত মহর্ষয়ঃ তথা চত্বারঃ মনবঃ মত্ ভাবাঃ,

মানসাঃ জাতাঃ য়েষাম্ লোকে ইমাঃ প্রজাঃ ।

এতাং বিভূতিং য়োগং চ মম য়ো বেত্তি তত্ত্বতঃ ।

সোঽবিকম্পেন য়োগেন য়ুজ্যতে নাত্র সংশয়ঃ ॥ ১০-৭॥

এতাম্ বিভূতিম্ য়োগম্ চ মম য়ঃ বেত্তি তত্ত্বতঃ ।

সঃ অবিকম্পেন য়োগেন য়ুজ্যতে ন অত্র সংশয়ঃ ॥ ১০-৭॥

য়ঃ মম এতাম্ বিভূতিম্ য়োগম্ চ তত্ত্বতঃ বেত্তি,

সঃ অবিকম্পেন য়োগেন য়ুজ্যতে অত্র সংশয়ঃ ন ।

অহং সর্বস্য প্রভবো মত্তঃ সর্বং প্রবর্ততে ।

ইতি মত্বা ভজন্তে মাং বুধা ভাবসমন্বিতাঃ ॥ ১০-৮॥

অহম্ সর্বস্য প্রভবঃ মত্তঃ সর্বম্ প্রবর্ততে ।

ইতি মত্বা ভজন্তে মাম্ বুধাঃ ভাব-সমন্বিতাঃ ॥ ১০-৮॥

অহম্ সর্বস্য প্রভবঃ (অস্মি), মত্তঃ সর্বম্ প্রবর্ত তে,

ইতি মত্বা বুধাঃ ভাব-সমন্বিতাঃ মাম্ ভজন্তে ।

মচ্চিত্তা মদ্গতপ্রাণা বোধয়ন্তঃ পরস্পরম্ ।

কথয়ন্তশ্চ মাং নিত্যং তুষ্যন্তি চ রমন্তি চ ॥ ১০-৯॥

মত্ চিত্তাঃ মত্ গত-প্রাণাঃ বোধয়ন্তঃ পরস্পরম্ ।

কথয়ন্তঃ চ মাম্ নিত্যম্ তুষ্যন্তি চ রমন্তি চ ॥ ১০-৯॥

মত্ চিত্তাঃ মত্ গত-প্রাণাঃ পরস্পরম্ মাম্ বোধয়ন্তঃ

কথয়ন্তঃ চ নিত্যম্ তুষ্যন্তি চ ।

তেষাং সততয়ুক্তানাং ভজতাং প্রীতিপূর্বকম্ ।

দদামি বুদ্ধিয়োগং তং য়েন মামুপয়ান্তি তে ॥ ১০-১০॥

তেষাম্ সতত-য়ুক্তানাম্ ভজতাম্ প্রীতি-পূর্বকম্ ।

দদামি বুদ্ধি-য়োগম্ তম্ য়েন মাম্ উপয়ান্তি তে ॥ ১০-১০॥

(এবং) সতত-য়ুক্তানাম্ প্রীতি-পূর্বকম্ ভজতাম্ তেষাম্

তম্ বুদ্ধি-য়োগম্ দদামি য়েন তে মাম্ উপয়ান্তি ।

তেষামেবানুকম্পার্থমহমজ্ঞানজং তমঃ ।
নাশয়াম্যাত্মভাবস্থো জ্ঞানদীপেন ভাস্বতা ॥ ১০-১১॥

তেষাম্ এব অনুকম্পার্থম্ অহম্ অজ্ঞানজম্ তমঃ ।

নাশয়ামি আত্ম-ভাবস্থঃ জ্ঞান-দীপেন ভাস্বতা ॥ ১০-১১॥

তেষাম্ এব অনুকম্পার্থম্ অহম্ আত্ম-ভাবস্থঃ (সন্)

ভাস্বতা জ্ঞান-দীপেন অজ্ঞানজম্ তমঃ নাশয়ামি ।

অর্জুন উবাচ ।
অর্জুনঃ উবাচ ।

পরং ব্রহ্ম পরং ধাম পবিত্রং পরমং ভবান্ ।

পুরুষং শাশ্বতং দিব্যমাদিদেবমজং বিভু ম্ ॥ ১০-১২॥

আহুস্ত্বামৃষয়ঃ সর্বে দেবর্ষির্নারদস্তথা ।

অসিতো দেবলো ব্যাসঃ স্বয়ং চৈব ব্রবীষি মে ॥ ১০-১৩॥

পরম্ ব্রহ্ম পরম্ ধাম পবিত্রম্ পরমম্ ভবান্ ।

পুরুষম্ শাশ্বতম্ দিব্যম্ আদিদেবম্ অজম্ বিভু ম্ ॥ ১০-১২॥

আহুঃ ত্বাম্ ঋষয়ঃ সর্বে দেবর্ষিঃ নারদঃ তথা ।

অসিতঃ দেবলঃ ব্যাসঃ স্বয়ম্ চ এব ব্রবীষি মে ॥ ১০-১৩॥

ভবান্ পরম্ ব্রহ্ম, পরম্ ধাম, পরমম্ পবিত্রম্ (অস্তি) ।

সর্বে ঋষয়ঃ ত্বাম্ শাশ্বতম্ দিব্যম্ আদিদেবম্ অজম্
বিভুম্ পুরুষম্ আহুঃ । তথা দেবর্ষিঃ নারদঃ অসিতঃ দেবলঃ
ব্যাসঃ (কথয়তি) (ত্বং) চ স্বয়ম্ এব মে ব্রবীষি ।

সর্বমেতদৃতং মন্যে য়ন্মাং বদসি কেশব ।

ন হি তে ভগবন্ব্যক্তিং বিদুর্দেবা ন দানবাঃ ॥ ১০-১৪॥

সর্বম্ এতত্ ঋতম্ মন্যে য়ত্ মাম্ বদসি কেশব ।

ন হি তে ভগবন্ ব্যক্তিম্ বিদুঃ দেবাঃ ন দানবাঃ ॥ ১০-১৪॥

হে কেশব! য়ত্ মাম্ (ত্বং) বদসি, (তত্) এতত্ সর্বম্

(অহং) ঋতম্ মন্যে । হে ভগবন্! ন দেবাঃ ন দানবাঃ
(বা) তে ব্যক্তিম্ হি বিদুঃ ।

স্বয়মেবাত্মনাত্মানং বেত্থ ত্বং পুরুষোত্তম ।

ভূতভাবন ভূতেশ দেবদেব জগত্পতে ॥ ১০-১৫॥

স্বয়ম্ এব আত্মনা আত্মানম্ বেত্থ ত্বম্ পুরুষোত্তম ।

ভূত-ভাবন ভূত-ঈশ দেব-দেব জগত্-পতে ॥ ১০-১৫॥

হে পুরুষোত্তম! ভূত-ভাবন, ভূত-ঈশ, দেব-দেব,

হে জগত্-পতে! ত্বম্ স্বয়ম্ এব আত্মনা আত্মানম্ বেত্থ ।
বক্তুমর্হস্যশেষেণ দিব্যা হ্যাত্মবিভূতয়ঃ ।
য়াভির্বিভূতিভির্লোকানিমাংস্ত্বং ব্যাপ্য তিষ্ঠসি ॥ ১০-১৬॥

বক্তুম্ অর্হসি অশেষেণ দিব্যাঃ হি আত্ম-বিভূতয়ঃ ।

য়াভিঃ বিভূতিভিঃ লোকান্ ইমান্ ত্বম্ ব্যাপ্য তিষ্ঠসি ॥ ১০-১৬॥

(অতঃ) য়াভিঃ বিভূতিভিঃ ত্বম্ ইমান্ লোকান্ ব্যাপ্য তিষ্ঠসি,

(তাঃ) দিব্যাঃ আত্ম-বিভূতয়ঃ হি অশেষেণ বক্তুম্ অর্হসি ।

কথং বিদ্যামহং য়োগিংস্ত্বাং সদা পরিচিন্তয়ন্ ।

কেষু কেষু চ ভাবেষু চিন্ত্যোঽসি ভগবন্ময়া ॥ ১০-১৭॥

কথম্ বিদ্যাম্ অহম্ য়োগিন্ ত্বাম্ সদা পরিচিন্তয়ন্ ।

কেষু কেষু চ ভাবেষু চিন্ত্যঃ অসি ভগবন্ ময়া ॥ ১০-১৭॥

হে য়োগিন্! সদা পরিচিন্তয়ন্ অহম্ ত্বাম্ কথম্ বিদ্যাম্ ?

হে ভগবন্! কেষু কেষু চ ভাবেষু (ত্বং) ময়া চিন্ত্যঃ অসি ?

বিস্তরেণাত্মনো য়োগং বিভূতিং চ জনার্দন ।

ভূয়ঃ কথয় তৃপ্তির্হি শৃণ্বতো নাস্তি মেঽমৃতম্ ॥ ১০-১৮॥

বিস্তরেণ আত্মনঃ য়োগম্ বিভূতিম্ চ জনার্দন ।

ভূয়ঃ কথয় তৃপ্তিঃ হি শৃণ্বতঃ ন অস্তি মে অমৃতম্ ॥ ১০-১৮॥

হে জনার্দন! আত্মনঃ য়োগম্ বিভূতিম্ চ ভূয়ঃ বিস্তরেণ

কথয় । (এতত্) অমৃতম্ শৃণ্বতঃ হি মে তৃপ্তিঃ ন অস্তি ।

শ্রীভগবানুবাচ ।
শ্রীভগবান্ উবাচ ।

হন্ত তে কথয়িষ্যামি দিব্যা হ্যাত্মবিভূতয়ঃ ।

প্রাধান্যতঃ কু রুশ্রেষ্ঠ নাস্ত্যন্তো বিস্তরস্য মে ॥ ১০-১৯॥

হন্ত তে কথয়িষ্যামি দিব্যাঃ হি আত্ম-বিভূতয়ঃ ।

প্রাধান্যতঃ কু রু-শ্রেষ্ঠ ন অস্তি অন্তঃ বিস্তরস্য মে ॥ ১০-১৯॥

হে কুরু-শ্রেষ্ঠ! হন্ত, দিব্যাঃ আত্ম-বিভূতয়ঃ প্রাধান্যতঃ

তে কথয়িষ্যামি, মে বিস্তরস্য হি অন্তঃ ন অস্তি ।

অহমাত্মা গুডাকেশ সর্বভূতাশয়স্থিতঃ ।

অহমাদিশ্চ মধ্যং চ ভূতানামন্ত এব চ ॥ ১০-২০॥

অহম্ আত্মা গুডাকা-ঈশ সর্ব-ভূত-আশয়-স্থিতঃ ।

অহম্ আদিঃ চ মধ্যম্ চ ভূতানাম্ অন্তঃ এব চ ॥ ১০-২০॥

হে গুডাকা-ঈশ! অহম্, সর্ব-ভূত-আশয়-স্থিতঃ আত্মা,

ভূতানাম্ আদিঃ চ মধ্যম্ চ অন্তঃ চ অহম্ এব ।

আদিত্যানামহং বিষ্ণুর্জ্যোতিষাং রবিরংশুমান্ ।

মরীচির্মরুতামস্মি নক্ষত্রাণামহং শশী ॥ ১০-২১॥

আদিত্যানাম্ অহম্ বিষ্ণুঃ জ্যোতিষাম্ রবিঃ অংশুমান্ ।

মরীচিঃ মরুতাম্ অস্মি নক্ষত্রাণাম্ অহম্ শশী ॥ ১০-২১॥

আদিত্যানাম্ বিষ্ণুঃ অহম্, জ্যোতিষাম্ অংশুমান্ রবিঃ,

মরুতাম্ মরীচিঃ, নক্ষত্রাণাম্ শশী (চ) অহম্ অস্মি ।

বেদানাং সামবেদোঽস্মি দেবানামস্মি বাসবঃ ।

ইন্দ্রিয়াণাং মনশ্চাস্মি ভূতানামস্মি চেতনা ॥ ১০-২২॥
বেদানাম্ সামবেদঃ অস্মি দেবানাম্ অস্মি বাসবঃ ।
ইন্দ্রিয়াণাম্ মনঃ চ অস্মি ভূতানাম্ অস্মি চেতনা ॥ ১০-২২॥

বেদানাম্ সামবেদঃ (অহং), অস্মি দেবানাম্ বাসবঃ অস্মি,

ইন্দ্রিয়াণাম্ মনঃ অস্মি, ভূতানাম্ চেতনা চ অস্মি ।

রুদ্রাণাং শঙ্করশ্চাস্মি বিত্তেশো য়ক্ষরক্ষসাম্ ।

বসূনাং পাবকশ্চাস্মি মেরুঃ শিখরিণামহম্ ॥ ১০-২৩॥

রুদ্রাণাম্ শঙ্করঃ চ অস্মি বিত্ত-ঈশঃ য়ক্ষ-রক্ষসাম্ ।

বসূনাম্ পাবকঃ চ অস্মি মেরুঃ শিখরিণাম্ অহম্ ॥ ১০-২৩॥

রুদ্রাণাম্ শঙ্করঃ, য়ক্ষ-রক্ষসাম্ চ বিত্ত-ঈশঃ অস্মি,

বসূনাম্ পাবকঃ, শিখরিণাম্ মেরুঃ চ অহম্ অস্মি ।

পুরোধসাং চ মুখ্যং মাং বিদ্ধি পার্থ বৃহস্পতিম্ ।

সেনানীনামহং স্কন্দঃ সরসামস্মি সাগরঃ ॥ ১০-২৪॥

পুরোধসাম্ চ মুখ্যম্ মাম্ বিদ্ধি পার্থ বৃহস্পতিম্ ।

সেনানীনাম্ অহম্ স্কন্দঃ সরসাম্ অস্মি সাগরঃ ॥ ১০-২৪॥

হে পার্থ! পুরোধসাম্ চ মুখ্যম্ বৃহস্পতিম্ মাম্ বিদ্ধি,

সেনানীনাম্ স্কন্দঃ, সরসাম্ সাগরঃ অহম্ অস্মি ।

মহর্ষীণাং ভৃ গুরহং গিরামস্ম্যেকমক্ষরম্ ।

য়জ্ঞানাং জপয়জ্ঞোঽস্মি স্থাবরাণাং হিমালয়ঃ ॥ ১০-২৫॥

মহর্ষীণাম্ ভৃ গুঃ অহম্ গিরাম্ অস্মি একম্ অক্ষরম্ ।

য়জ্ঞানাম্ জপ-য়জ্ঞঃ অস্মি স্থাবরাণাম্ হিমালয়ঃ ॥ ১০-২৫॥

মহর্ষীণাম্ ভৃ গুঃ, গিরাম্ একম্ অক্ষরম্ অহম্ অস্মি,

য়জ্ঞানাম্ জপ-য়জ্ঞঃ, স্থাবরাণাম্ হিমালয়ঃ (চ) অস্মি ।

অশ্বত্থঃ সর্ববৃক্ষাণাং দেবর্ষীণাং চ নারদঃ ।

গন্ধর্বাণাং চিত্ররথঃ সিদ্ধানাং কপিলো মুনিঃ ॥ ১০-২৬॥

অশ্বত্থঃ সর্ব-বৃক্ষাণাম্ দেবর্ষীণাম্ চ নারদঃ ।

গন্ধর্বাণাম্ চিত্ররথঃ সিদ্ধানাম্ কপিলঃ মুনিঃ ॥ ১০-২৬॥

সর্ব-বৃক্ষাণাম্ অশ্বত্থঃ, দেবর্ষীণাম্ চ নারদঃ,

গন্ধর্বাণাম্ চিত্ররথঃ, সিদ্ধানাম্ কপিলঃ মুনিঃ (অহং অস্মি) ।

উচ্চৈঃশ্রবসমশ্বানাং বিদ্ধি মামমৃতোদ্ভবম্ ।

ঐরাবতং গজেন্দ্রাণাং নরাণাং চ নরাধিপম্ ॥ ১০-২৭॥

উচ্চৈঃশ্রবসম্ অশ্বানাম্ বিদ্ধি মাম্ অমৃত-উদ্ভবম্ ।

ঐরাবতম্ গজেন্দ্রাণাম্ নরাণাম্ চ নরাধিপম্ ॥ ১০-২৭॥

অশ্বানাম্ অমৃত-উদ্ভবম্ উচ্চৈঃশ্রবসম্, গজেন্দ্রাণাম্

ঐরাবতম্, নরাণাম্ নরাধিপম্ চ মাম্ বিদ্ধি ।

আয়ুধানামহং বজ্রং ধেনূনামস্মি কামধুক্ ।

প্রজনশ্চাস্মি কন্দর্পঃ সর্পাণামস্মি বাসুকিঃ ॥ ১০-২৮॥

আয়ুধানাম্ অহম্ বজ্রম্ ধেনূনাম্ অস্মি কামধুক্ ।

প্রজনঃ চ অস্মি কন্দর্পঃ সর্পাণাম্ অস্মি বাসুকিঃ ॥ ১০-২৮॥

আয়ুধানাম্ বজ্রম্ অহম্, ধেনূনাম্ কামধুক্

(অহং) অস্মি, প্রজনঃ কন্দর্পঃ অস্মি, সর্পাণাম্ বাসুকিঃ চ অস্মি ।

অনন্তশ্চাস্মি নাগানাং বরুণো য়াদসামহম্ ।

পিতৄ ণামর্যমা চাস্মি য়মঃ সংয়মতামহম্ ॥ ১০-২৯॥

অনন্তঃ চ অস্মি নাগানাম্ বরুণঃ য়াদসাম্ অহম্ ।

পিতৄ ণাম্ অর্যমা চ অস্মি য়মঃ সংয়মতাম্ অহম্ ॥ ১০-২৯॥

নাগানাম্ অনন্তঃ, য়াদসাম্ বরুণঃ চ অহম্ অস্মি,

পিতৄ ণাম্ অর্যমা চ, সংয়মতাম্ য়মঃ (চ) অহম্ অস্মি ।

প্রহ্লাদশ্চাস্মি দৈত্যানাং কালঃ কলয়তামহম্ ।

মৃগাণাং চ মৃগেন্দ্রোঽহং বৈনতেয়শ্চ পক্ষিণাম্ ॥ ১০-৩০॥

প্রহ্লাদঃ চ অস্মি দৈত্যানাম্ কালঃ কলয়তাম্ অহম্ ।

মৃগাণাম্ চ মৃগেন্দ্রঃ অহম্ বৈনতেয়ঃ চ পক্ষিণাম্ ॥ ১০-৩০॥

দৈত্যানাম্ প্রহ্লাদঃ, কলয়তাম্ কালঃ চ অহম্ অস্মি,

মৃগাণাম্ মৃগেন্দ্রঃ চ , পক্ষিণাম্ বৈনতেয়ঃ চ অহম্ (অস্মি) ।

পবনঃ পবতামস্মি রামঃ শস্ত্রভৃ তামহম্ ।

ঝষাণাং মকরশ্চাস্মি স্রোতসামস্মি জাহ্নবী ॥ ১০-৩১॥

পবনঃ পবতাম্ অস্মি রামঃ শস্ত্র-ভৃতাম্ অহম্ ।

ঝষাণাম্ মকরঃ চ অস্মি স্রোতসাম্ অস্মি জাহ্নবী ॥ ১০-৩১॥

পবতাম্ পবনঃ অস্মি, শস্ত্র-ভৃতাম্ চ রামঃ অহম্ (অস্মি),

ঝষাণাম্ মকরঃ অস্মি, স্রোতসাম্ জাহ্নবী চ (অহং) অস্মি ।

সর্গাণামাদিরন্তশ্চ মধ্যং চৈবাহমর্জুন ।

অধ্যাত্মবিদ্যা বিদ্যানাং বাদঃ প্রবদতামহম্ ॥ ১০-৩২॥

সর্গাণাম্ আদিঃ অন্তঃ চ মধ্যম্ চ এব অহম্ অর্জুন ।

অধ্যাত্ম-বিদ্যা বিদ্যানাম্ বাদঃ প্রবদতাম্ অহম্ ॥ ১০-৩২॥

হে অর্জুন! সর্গাণাম্ আদিঃ মধ্যম্ চ অন্তঃ চ এব অহম্

(অস্মি), বিদ্যানাম্ অধ্যাত্ম-বিদ্যা, প্রবদতাম্ বাদঃ অহম্ (অস্মি)।

অক্ষরাণামকারোঽস্মি দ্বন্দ্বঃ সামাসিকস্য চ ।

অহমেবাক্ষয়ঃ কালো ধাতাহং বিশ্বতোমুখঃ ॥ ১০-৩৩॥

অক্ষরাণাম্ অকারঃ অস্মি দ্বন্দ্বঃ সামাসিকস্য চ ।

অহম্ এব অক্ষয়ঃ কালঃ ধাতা অহং বিশ্বতোমুখঃ ॥ ১০-৩৩॥

অক্ষরাণাম্ অকারঃ, সামাসিকস্য চ দ্বন্দ্বঃ,

অক্ষয়ঃ কালঃ অহম্ এব , বিশ্বতোমুখঃ ধাতা (চ) অহং অস্মি ।

মৃত্যুঃ সর্বহরশ্চাহমুদ্ভবশ্চ ভবিষ্যতাম্ ।

কীর্তিঃ শ্রীর্বাক্চ নারীণাং স্মৃতির্মেধা ধৃতিঃ ক্ষমা ॥ ১০-৩৪॥

মৃত্যুঃ সর্ব-হরঃ চ অহম্ উদ্ভবঃ চ ভবিষ্যতাম্ ।

কীর্তিঃ শ্রীঃ বাক্ চ নারীণাম্ স্মৃতিঃ মেধা ধৃতিঃ ক্ষমা ॥ ১০-৩৪॥

সর্ব-হরঃ মৃত্যুঃ, ভবিষ্যতাম্ উদ্ভবঃ চ অহম্

নারীণাম্ চ কীর্তিঃ শ্রীঃ বাক্ স্মৃতিঃ মেধা ধৃতিঃ
ক্ষমা চ (অহং অস্মি)।

বৃহত্সাম তথা সাম্নাং গায়ত্রী ছন্দসামহম্ ।

মাসানাং মার্গশীর্ষোঽহমৃতূ নাং কু সুমাকরঃ ॥ ১০-৩৫॥
বৃহত্-সাম তথা সাম্নাম্ গায়ত্রী ছন্দসাম্ অহম্ ।
মাসানাম্ মার্গশীর্ষঃ অহম্ ঋতূ নাম্ কু সুমাকরঃ ॥ ১০-৩৫॥

সাম্নাম্ বৃহত্-সাম, তথা ছন্দসাম্ গায়ত্রী অহম্,

মাসানাম্ মার্গশীর্ষঃ, ঋতূনাম্ কুসুমাকরঃ অহম্ (অস্মি) ।

দ্যূতং ছলয়তামস্মি তেজস্তেজস্বিনামহম্ ।

জয়োঽস্মি ব্যবসায়োঽস্মি সত্ত্বং সত্ত্ববতামহম্ ॥ ১০-৩৬॥

দ্যূতম্ ছলয়তাম্ অস্মি তেজঃ তেজস্বিনাম্ অহম্ ।

জয়ঃ অস্মি ব্যবসায়ঃ অস্মি সত্ত্বম্ সত্ত্ববতাম্ অহম্ ॥ ১০-৩৬॥

ছলয়তাম্ দ্যূতম্, তেজস্বিনাম্ তেজঃ অহম্ অস্মি,

জয়ঃ অহম্ অস্মি, ব্যবসায়ঃ (অহম্) অস্মি, সত্ত্ববতাম্
সত্ত্বম্ (অহম্ অস্মি)।

বৃষ্ণীনাং বাসুদেবোঽস্মি পাণ্ডবানাং ধনঞ্জয়ঃ ।

মুনীনামপ্যহং ব্যাসঃ কবীনামুশনা কবিঃ ॥ ১০-৩৭॥

বৃষ্ণীনাম্ বাসুদেবঃ অস্মি পাণ্ডবানাম্ ধনঞ্জয়ঃ ।

মুনীনাম্ অপি অহং ব্যাসঃ কবীনাম্ উশনা কবিঃ ॥ ১০-৩৭॥

বৃষ্ণীনাম্ বাসুদেবঃ, পাণ্ডবানাম্ ধনঞ্জয়ঃ অস্মি,

মুনীনাম্ অপি ব্যাসঃ (অহং), কবীনাম্ উশনা কবিঃ (অহং অস্মি)।

দণ্ডো দময়তামস্মি নীতিরস্মি জিগীষতাম্ ।

মৌনং চৈবাস্মি গুহ্যানাং জ্ঞানং জ্ঞানবতামহম্ ॥ ১০-৩৮॥

দণ্ডঃ দময়তাম্ অস্মি নীতিঃ অস্মি জিগীষতাম্ ।

মৌনম্ চ এব অস্মি গুহ্যানাম্ জ্ঞানম্ জ্ঞানবতাম্ অহম্ ॥ ১০-৩৮॥

দময়তাম্ দণ্ডঃ অস্মি, জিগীষতাম্ নীতিঃ অস্মি । গুহ্যানাম্

মৌনম্, জ্ঞানবতাম্ জ্ঞানম্ চ এব অহম্ অস্মি ।

য়চ্চাপি সর্বভূতানাং বীজং তদহমর্জুন ।

ন তদস্তি বিনা য়ত্স্যান্ময়া ভূতং চরাচরম্ ॥ ১০-৩৯॥

য়ত্ চ অপি সর্ব-ভূতানাম্ বীজম্ তত্ অহম্ অর্জুন ।

ন তত্ অস্তি বিনা য়ত্ স্যাত্ ময়া ভূতম্ চর-অচরম্ ॥ ১০-৩৯॥

হে অর্জুন! চ সর্ব-ভূতানাম্ য়ত্ বীজম্ তত্ অপি অহম্ (অস্মি),

য়ত্ চর-অচরম্ ভূতম্ স্যাত্ তত্ ময়া বিনা ন অস্তি ।

নান্তোঽস্তি মম দিব্যানাং বিভূতীনাং পরন্তপ ।

এষ তূদ্দেশতঃ প্রোক্তো বিভূতের্বিস্তরো ময়া ॥ ১০-৪০॥

ন অন্তঃ অস্তি মম দিব্যানাম্ বিভূতীনাম্ পরন্তপ ।

এষঃ তু উদ্দেশতঃ প্রোক্তঃ বিভূতেঃ বিস্তরঃ ময়া ॥ ১০-৪০॥

হে পরন্তপ! মম দিব্যানাম্ বিভূ তীনাম্ অন্তঃ ন অস্তি,

এষঃ তু বিভূতেঃ বিস্তরঃ ময়া উদ্দেশতঃ প্রোক্তঃ ।

য়দ্যদ্বিভূতিমত্সত্ত্বং শ্রীমদূর্জিতমেব বা ।
তত্তদেবাবগচ্ছ ত্বং মম তেজোংঽশসম্ভবম্ ॥ ১০-৪১॥

য়ত্ য়ত্ বিভূতিমত্ সত্ত্বম্ শ্রীমত্ ঊর্জিতম্ এব বা ।

তত্ তত্ অবগচ্ছ ত্বম্ মম তেজঃ অংশ-সম্ভবম্ ॥ ১০-৪১॥
য়ত্ য়ত্ সত্ত্বম্ বিভূতিমত্, শ্রীমত্ ঊর্জিতম্ এব বা
(অস্তি), তত্ তত্ মম তেজঃ অংশ-সম্ভবম্ (অস্তি ইতি)
ত্বম্ অবগচ্ছ ।

অথবা বহুনৈতেন কিং জ্ঞাতেন তবার্জুন ।

বিষ্টভ্যাহমিদং কৃত্স্নমেকাংশেন স্থিতো জগত্ ॥ ১০-৪২॥

অথবা বহুনা এতেন কিম্ জ্ঞাতেন তব অর্জুন ।

বিষ্টভ্য অহম্ ইদম্ কৃত্স্নম্ এক-অংশেন স্থিতঃ জগত্ ॥ ১০-৪২॥

হে অর্জুন! অথবা এতেন বহুনা জ্ঞাতেন তব কিম্? অহম্

ইদম্ কৃত্স্নম্ জগত্ এক-অংশেন বিষ্টভ্য স্থিতঃ (অস্মি ইতি ত্বং বিদ্ধি) ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
বিভূতিয়োগো নাম দশমোঽধ্যায়ঃ ॥ ১০॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
বিভূতি-য়োগঃ নাম দশমঃ অধ্যায়ঃ ॥ ১০॥

অথৈকাদশোঽধ্যায়ঃ । বিশ্বরূপদর্শনয়োগঃ ।
অথ একাদশঃ অধ্যায়ঃ । বিশ্ব-রূপ-দর্শন-য়োগঃ ।

অর্জুন উবাচ ।
অর্জুন উবাচ ।

মদনুগ্রহায় পরমং গুহ্যমধ্যাত্মসংজ্ঞিতম্ ।

য়ত্ত্বয়োক্তং বচস্তেন মোহোঽয়ং বিগতো মম ॥ ১১-১॥

মত্ অনুগ্রহায় পরমম্ গুহ্যম্ অধ্যাত্ম-সংজ্ঞিতম্ ।

য়ত্ ত্বয়া উক্তম্ বচঃ তেন মোহঃ অয়ম্ বিগতঃ মম ॥ ১১-১॥

ত্বয়া মত্ অনুগ্রহায় অধ্যাত্ম-সংজ্ঞিতম্ য়ত্ পরমম্

গুহ্যম্ বচঃ উক্তম্, তেন মম অয়ম্ মোহঃ বিগতঃ ।

ভবাপ্যয়ৌ হি ভূতানাং শ্রুতৌ বিস্তরশো ময়া ।

ত্বত্তঃ কমলপত্রাক্ষ মাহাত্ম্যমপি চাব্যয়ম্ ॥ ১১-২॥

ভব অপি অয়ৌ হি ভূতানাম্ শ্রুতৌ বিস্তরশঃ ময়া ।

ত্বত্তঃ কমল-পত্র-অক্ষ মাহাত্ম্যম্ অপি চ অব্যয়ম্ ॥ ১১-২॥

হে কমল-পত্র-অক্ষ! ভূতানাম্ ভব অপি অয়ৌ ময়া ত্বত্তঃ

বিস্তরশঃ শ্রুতৌ হি; অব্যয়ম্ মাহাত্ম্যম্ অপি চ (শ্রুতং) ।

এবমেতদ্যথাত্থ ত্বমাত্মানং পরমেশ্বর ।

দ্রষ্টুমিচ্ছামি তে রূপমৈশ্বরং পুরুষোত্তম ॥ ১১-৩॥

এবম্ এতত্ য়থা আত্থ ত্বম্ আত্মানং পরমেশ্বর ।

দ্রষ্টুম্ ইচ্ছামি তে রূপম্ ঐশ্বরম্ পুরুষোত্তম ॥ ১১-৩॥

হে পরমেশ্বর! য়থা এবম্ ত্বম্ আত্মানং আত্থ, এতত্

হে পুরুষোত্তম! তে ঐশ্বরম্ রূপম্ দ্রষ্টুম্ ইচ্ছামি ।

মন্যসে য়দি তচ্ছক্যং ময়া দ্রষ্টু মিতি প্রভো ।

য়োগেশ্বর ততো মে ত্বং দর্শয়াত্মানমব্যয়ম্ ॥ ১১-৪॥
মন্যসে য়দি তত্ শক্যম্ ময়া দ্রষ্টু ম্ ইতি প্রভো ।
য়োগেশ্বর ততঃ মে ত্বম্ দর্শয় আত্মানম্ অব্যয়ম্ ॥ ১১-৪॥

হে য়োগেশ্বর প্রভো! ময়া তত্ দ্রষ্টু ম্ শক্যম্ ইতি ত্বম্

য়দি মন্যসে, ততঃ মে অব্যয়ম্ আত্মানম্ দর্শয় ।

শ্রীভগবানুবাচ ।
শ্রীভগবান্ উবাচ ।

পশ্য মে পার্থ রূপাণি শতশোঽথ সহস্রশঃ ।

নানাবিধানি দিব্যানি নানাবর্ণাকৃতীনি চ ॥ ১১-৫॥

পশ্য মে পার্থ রূপাণি শতশঃ অথ সহস্রশঃ ।

নানা-বিধানি দিব্যানি নানা-বর্ণ-আকৃতীনি চ ॥ ১১-৫॥

হে পার্থ! মে নানা-বিধানি, নানা-বর্ণ-আকৃতীনি, দিব্যানি চ

শতশঃ অথ সহস্রশঃ রূপাণি পশ্য ।

পশ্যাদিত্যান্বসূন্ রুদ্রানশ্বিনৌ মরুতস্তথা ।

বহূন্যদৃষ্টপূর্বাণি পশ্যাশ্চর্যাণি ভারত ॥ ১১-৬॥

পশ্য আদিত্যান্ বসূন্ রুদ্রান্ অশ্বিনৌ মরুতাঃ তথা ।

বহূনি অদৃষ্ট-পূর্বাণি পশ্য আশ্চর্যাণি ভারত ॥ ১১-৬॥

হে ভারত! আদিত্যান্, বসূন্, রুদ্রান্, অশ্বিনৌ তথা

মরুতাঃ পশ্য, অদৃষ্ট-পূর্বাণি বহূনি আশ্চর্যাণি (চ) পশ্য ।

ইহৈকস্থং জগত্কৃত্স্নং পশ্যাদ্য সচরাচরম্ ।

মম দেহে গুডাকেশ য়চ্চান্যদ্ দ্রষ্টু মিচ্ছসি ॥ ১১-৭॥

ইহ একস্থম্ জগত্ কৃত্স্নম্ পশ্য অদ্য সচর-অচরম্ ।

মম দেহে গুডাকেশ য়ত্ চ অন্যত্ দ্রষ্টু ম্ ইচ্ছসি ॥ ১১-৭॥

হে গুডাকেশ! কৃত্স্নম্ সচর-অচরম্ জগত্, য়ত্ অন্যত্

চ দ্রষ্টুম্ ইচ্ছসি, (তত্ অপি) ইহ মম দেহে একস্থম্ অদ্য পশ্য ।

ন তু মাং শক্যসে দ্রষ্টুমনেনৈব স্বচক্ষুষা ।

দিব্যং দদামি তে চক্ষুঃ পশ্য মে য়োগমৈশ্বরম্ ॥ ১১-৮॥

ন তু মাম্ শক্যসে দ্রষ্টুম্ অনেন এব স্ব-চক্ষুষা ।

দিব্যম্ দদামি তে চক্ষুঃ পশ্য মে য়োগম্ ঐশ্বরম্ ॥ ১১-৮॥

অনেন এব স্ব-চক্ষুষা তু মাম্ দ্রষ্টুম্ ন শক্যসে, (অত এব)

দিব্যম্ চক্ষুঃ তে দদামি, মে ঐশ্বরম্ য়োগম্ পশ্য ।

সঞ্জয় উবাচ ।
সঞ্জয়ঃ উবাচ ।

এবমুক্ত্বা ততো রাজন্মহায়োগেশ্বরো হরিঃ ।

দর্শয়ামাস পার্থায় পরমং রূপমৈশ্বরম্ ॥ ১১-৯॥

এবম্ উক্ত্বা ততঃ রাজন্ মহা-য়োগ-ঈশ্বরঃ হরিঃ ।

দর্শয়ামাস পার্থায় পরমম্ রূপম্ ঐশ্বরম্ ॥ ১১-৯॥

হে রাজন্! এবম্ উক্ত্বা, ততঃ মহা-য়োগ-ঈশ্বরঃ হরিঃ পার্থায়

পরমম্ ঐশ্বরম্ রূপম্ দর্শয়ামাস ।

অনেকবক্ত্রনয়নমনেকাদ্ভুতদর্শনম্ ।
অনেকদিব্যাভরণং দিব্যানেকোদ্যতায়ুধম্ ॥ ১১-১০॥
অনেক-বক্ত্র-নয়নম্ অনেক-অদ্ভুত-দর্শনম্ ।
অনেক-দিব্য-আভরণম্ দিব্য-অনেক-উদ্যত-আয়ুধম্ ॥ ১১-১০॥

অনেক-বক্ত্র-নয়নম্, অনেক-অদ্ভুত-দর্শনম্,
অনেক-দিব্য-আভরণম্, দিব্য-অনেক-উদ্যত-আয়ুধম্,

দিব্যমাল্যাম্বরধরং দিব্যগন্ধানুলেপনম্ ।
সর্বাশ্চর্যময়ং দেবমনন্তং বিশ্বতোমুখম্ ॥ ১১-১১॥

দিব্য-মাল্য-অম্বর-ধরম্ দিব্য-গন্ধ-অনুলেপনম্ ।
সর্ব-আশ্চর্যময়ম্ দেবম্ অনন্তম্ বিশ্বতোমুখম্ ॥ ১১-১১॥

দিব্য-মাল্য-অম্বর-ধরম্, দিব্য-গন্ধ-অনুলেপনম্,
সর্ব-আশ্চর্যময়ম্, অনন্তম্, বিশ্বতোমুখম্
দেবম্ (অর্জুনঃ অপশ্যত্) ।

দিবি সূর্যসহস্রস্য ভবেদ্যুগপদুত্থিতা ।

য়দি ভাঃ সদৃশী সা স্যাদ্ভাসস্তস্য মহাত্মনঃ ॥ ১১-১২॥

দিবি সূর্য-সহস্রস্য ভবেত্ য়ুগপত্ উত্থিতা ।

য়দি ভাঃ সদৃশী সা স্যাত্ ভাসঃ তস্য মহাত্মনঃ ॥ ১১-১২॥

য়দি দিবি সূর্য-সহস্রস্য ভাঃ য়ুগপত্ উত্থিতা ভবেত্,

(তর্হি) সা তস্য মহাত্মনঃ ভাসঃ সদৃশী স্যাত্ ।

তত্রৈকস্থং জগত্কৃত্স্নং প্রবিভক্তমনেকধা ।

অপশ্যদ্দেবদেবস্য শরীরে পাণ্ডবস্তদা ॥ ১১-১৩॥

তত্র একস্থম্ জগত্ কৃত্স্নম্ প্রবিভক্তম্ অনেকধা ।

অপশ্যত্ দেব-দেবস্য শরীরে পাণ্ডবঃ তদা ॥ ১১-১৩॥

পাণ্ডবঃ তদা অনেকধা প্রবিভক্তম্ কৃ ত্স্নম্ জগত্,

তত্র দেব-দেবস্য শরীরে একস্থম্ অপশ্যত্ ।

ততঃ স বিস্ময়াবিষ্টো হৃষ্টরোমা ধনঞ্জয়ঃ ।

প্রণম্য শিরসা দেবং কৃ তাঞ্জলিরভাষত ॥ ১১-১৪॥

ততঃ সঃ বিস্ময়-আবিষ্টঃ হৃষ্ট-রোমা ধনঞ্জয়ঃ ।

প্রণম্য শিরসা দেবম্ কৃ ত-অঞ্জলিঃ অভাষত ॥ ১১-১৪॥

ততঃ বিস্ময়-আবিষ্টঃ হৃষ্ট-রোমা সঃ ধনঞ্জয়ঃ, দেবম্

শিরসা প্রণম্য, কৃত-অঞ্জলিঃ অভাষত ।

অর্জুন উবাচ ।
অর্জুনঃ উবাচ ।

পশ্যামি দেবাংস্তব দেব দেহে

সর্বাংস্তথা ভূতবিশেষসঙ্ঘান্ ।
ব্রহ্মাণমীশং কমলাসনস্থ-
মৃষীংশ্চ সর্বানুরগাংশ্চ দিব্যান্ ॥ ১১-১৫॥

পশ্যামি দেবান্ তব দেব দেহে

সর্বান্ তথা ভূত-বিশেষ-সঙ্ঘান্ ।
ব্রহ্মাণম্ ঈশম্ কমল-আসনস্থং
ঋষীন্ চ সর্বান্ উরগান্ চ দিব্যান্ ॥ ১১-১৫॥

হে দেব! (অহং) তব দেহে সর্বান্ দেবান্, তথা

ভূত-বিশেষ-সঙ্ঘান্, কমল-আসনস্থং ঈশম্
ব্রহ্মাণম্ চ, সর্বান্ ঋষীন্, দিব্যান্ উরগান্ চ পশ্যামি ।

অনেকবাহূদরবক্ত্রনেত্রং
পশ্যামি ত্বাং সর্বতোঽনন্তরূপম্ ।
নান্তং ন মধ্যং ন পুনস্তবাদিং
পশ্যামি বিশ্বেশ্বর বিশ্বরূপ ॥ ১১-১৬॥

অনেক-বাহু-উদর-বক্ত্র-নেত্রম্
পশ্যামি ত্বাম্ সর্বতঃ অনন্ত-রূপম্ ।
ন অন্তম্ ন মধ্যম্ ন পুনঃ তব আদিম্
পশ্যামি বিশ্বেশ্বর বিশ্বরূপ ॥ ১১-১৬॥

(অহং) ত্বাম্ অনেক-বাহু-উদর-বক্ত্র-নেত্রম্ সর্বতঃ

অনন্ত-রূপম্ পশ্যামি । হে বিশ্বরূপ বিশ্বেশ্বর!
পুনঃ তব অন্তম্ মধ্যম্ আদিম্ ন পশ্যামি ।

কিরীটিনং গদিনং চক্রিণং চ

তেজোরাশিং সর্বতো দীপ্তিমন্তম্ ।
পশ্যামি ত্বাং দুর্নিরীক্ষ্যং সমন্তাদ্
দীপ্তানলার্কদ্যুতিমপ্রমেয়ম্ ॥ ১১-১৭॥

কিরীটিনম্ গদিনম্ চক্রিণম্ চ

তেজো-রাশিম্ সর্বতঃ দীপ্তিমন্তম্ ।
পশ্যামি ত্বাম্ দুর্নিরীক্ষ্যম্ সমন্তাত্
দীপ্ত-অনল-অর্ক-দ্যুতিম্ অপ্রমেয়ম্ ॥ ১১-১৭॥

ত্বাম্ কিরীটিনম্, গদিনম্, চক্রিণম্, তেজো-রাশিম্

সর্বতঃ দীপ্তিমন্তম্, সমন্তাত্ দীপ্ত-অনল-অর্ক-দ্যুতিম্
অপ্রমেয়ম্ দুর্নিরীক্ষ্যম্ চ পশ্যামি ।

ত্বমক্ষরং পরমং বেদিতব্যং

ত্বমস্য বিশ্বস্য পরং নিধানম্ ।
ত্বমব্যয়ঃ শাশ্বতধর্মগোপ্তা
সনাতনস্ত্বং পুরুষো মতো মে ॥ ১১-১৮॥

ত্বম্ অক্ষরম্ পরমম্ বেদিতব্যম্

ত্বম্ অস্য বিশ্বস্য পরম্ নিধানম্ ।
ত্বম্ অব্যয়ঃ শাশ্বত-ধর্ম-গোপ্তা
সনাতনঃ ত্বম্ পুরুষঃ মতঃ মে ॥ ১১-১৮॥

ত্বম্ বেদিতব্যম্ পরমম্ অক্ষরম্, ত্বম্ অস্য বিশ্বস্য

পরম্ নিধানম্, ত্বম্ অব্যয়ঃ শাশ্বত-ধর্ম-গোপ্তা,
ত্বম্ সনাতনঃ পুরুষঃ মে মতঃ ।

অনাদিমধ্যান্তমনন্তবীর্য-
মনন্তবাহুং শশিসূর্যনেত্রম্ ।
পশ্যামি ত্বাং দীপ্তহুতাশবক্ত্রং
স্বতেজসা বিশ্বমিদং তপন্তম্ ॥ ১১-১৯॥

অনাদি-মধ্য-অন্তম্ অনন্ত-বীর্যম্
অনন্ত-বাহুম্ শশি-সূর্য-নেত্রম্ ।
পশ্যামি ত্বাম্ দীপ্ত-হুতাশ-বক্ত্রম্
স্ব-তেজসা বিশ্বম্ ইদম্ তপন্তম্ ॥ ১১-১৯॥

অনাদি-মধ্য-অন্তম্, অনন্ত-বীর্যম্, অনন্ত-বাহুম্,

শশি-সূর্য-নেত্রম্, দীপ্ত-হুতাশ-বক্ত্রম্, স্ব-তেজসা
ইদম্ বিশ্বম্ তপন্তম্, ত্বাম্ পশ্যামি ।

দ্যাবাপৃথিব্যোরিদমন্তরং হি
 ব্যাপ্তং ত্বয়ৈকেন দিশশ্চ সর্বাঃ ।
দৃষ্ট্বাদ্ভুতং রূপমুগ্রং তবেদং
লোকত্রয়ং প্রব্যথিতং মহাত্মন্ ॥ ১১-২০॥

দ্যাবা-পৃথিব্যোঃ ইদম্ অন্তরম্ হি

ব্যাপ্তম্ ত্বয়া একেন দিশঃ চ সর্বাঃ ।
দৃষ্ট্বা অদ্ভুতম্ রূপম্ উগ্রম্ তব ইদম্
লোক-ত্রয়ম্ প্রব্যথিতম্ মহাত্মন্ ॥ ১১-২০॥

হে মহাত্মন্! ত্বয়া একেন দ্যাবা-পৃথিব্যোঃ ইদম্

অন্তরম্ ব্যাপ্তম্, সর্বাঃ দিশঃ চ (ব্যাপ্তাঃ), ইদম্ তব
অদ্ভুতম্ উগ্রম্ রূপম্ দৃষ্ট্বা লোক-ত্রয়ম্ প্রব্যথিতম্ হি ।

অমী হি ত্বাং সুরসঙ্ঘা বিশন্তি

কেচিদ্ভীতাঃ প্রাঞ্জলয়ো গৃণন্তি ।
স্বস্তীত্যুক্ত্বা মহর্ষিসিদ্ধসঙ্ঘাঃ
স্তুবন্তি ত্বাং স্তুতিভিঃ পুষ্কলাভিঃ ॥ ১১-২১॥

অমী হি ত্বাম্ সুর-সঙ্ঘাঃ বিশন্তি

কেচিত্ ভীতাঃ প্রাঞ্জলয়ঃ গৃণন্তি ।
স্বস্তি ইতি উক্ত্বা মহর্ষি-সিদ্ধ-সঙ্ঘাঃ
স্তুবন্তি ত্বাম্ স্তুতিভিঃ পুষ্কলাভিঃ ॥ ১১-২১॥

অমী হি সুর-সঙ্ঘাঃ ত্বাম্ বিশন্তি, কেচিত্ ভীতাঃ প্রাঞ্জলয়ঃ

গৃণন্তি; মহর্ষি-সিদ্ধ-সঙ্ঘাঃ স্বস্তি ইতি উক্ত্বা পুষ্কলাভিঃ
স্তুতিভিঃ ত্বাম্ স্তুবন্তি ।

রুদ্রাদিত্যা বসবো য়ে চ সাধ্যা

বিশ্বেঽশ্বিনৌ মরুতশ্চোষ্মপাশ্চ ।
গন্ধর্বয়ক্ষাসুরসিদ্ধসঙ্ঘা
বীক্ষন্তে ত্বাং বিস্মিতাশ্চৈব সর্বে ॥ ১১-২২॥

রুদ্র-আদিত্যাঃ বসবঃ য়ে চ সাধ্যাঃ

বিশ্বে অশ্বিনৌ মরুতঃ চ উষ্মপাঃ চ ।
গন্ধর্ব-য়ক্ষ-অসুর-সিদ্ধ-সঙ্ঘাঃ
বীক্ষন্তে ত্বাম্ বিস্মিতাঃ চ এব সর্বে ॥ ১১-২২॥

রুদ্র-আদিত্যাঃ, বসবঃ, য়ে চ সাধ্যাঃ, বিশ্বে অশ্বিনৌ চ,

মরুতঃ, উষ্মপাঃ চ, গন্ধর্ব-য়ক্ষ-অসুর-সিদ্ধ-সঙ্ঘাঃ
চ সর্বে বিস্মিতাঃ এব ত্বাম্ বীক্ষন্তে ।

রূপং মহত্তে বহুবক্ত্রনেত্রং

মহাবাহো বহুবাহূরুপাদম্ ।
বহূদরং বহুদংষ্ট্রাকরালং
দৃষ্ট্বা লোকাঃ প্রব্যথিতাস্তথাহম্ ॥ ১১-২৩॥

রূপম্ মহত্ তে বহু-বক্ত্র-নেত্রম্

মহা-বাহো বহু-বাহু-ঊরু-পাদম্ ।
বহু-উদরম্ বহু-দংষ্ট্রা-করালম্
দৃষ্ট্বা লোকাঃ প্রব্যথিতাঃ তথা অহম্ ॥ ১১-২৩॥

হে মহা-বাহো! বহু-বক্ত্র-নেত্রম্, বহু-বাহু-ঊরু-পাদম্,

বহু-উদরম্, বহু-দংষ্ট্রা-করালম্ তে মহত্ রূপম্ দৃষ্ট্বা
লোকাঃ প্রব্যথিতাঃ, তথা অহম্ (অপি ব্যথিতঃ অস্মি)।

নভঃস্পৃশং দীপ্তমনেকবর্ণং
ব্যাত্তাননং দীপ্তবিশালনেত্রম্ ।
দৃষ্ট্বা হি ত্বাং প্রব্যথিতান্তরাত্মা
ধৃতিং ন বিন্দামি শমং চ বিষ্ণো ॥ ১১-২৪॥
নভঃ-স্পৃশম্ দীপ্তম্ অনেক-বর্ণম্
ব্যাত্ত-আননম্ দীপ্ত-বিশাল-নেত্রম্ ।
দৃষ্ট্বা হি ত্বাম্ প্রব্যথিত-অন্তর-আত্মা
ধৃতিম্ ন বিন্দামি শমম্ চ বিষ্ণো ॥ ১১-২৪॥

হে বিষ্ণো! ত্বাম্ নভঃ-স্পৃশম্, দীপ্তম্, অনেক-বর্ণম্,

ব্যাত্ত-আননম্, দীপ্ত-বিশাল-নেত্রম্, দৃষ্ট্বা হি (অহং)
প্রব্যথিত-অন্তর-আত্মা (ভূত্বা) ধৃতিম্ শমম্ চ ন বিন্দামি ।

দংষ্ট্রাকরালানি চ তে মুখানি
দৃষ্ট্বৈব কালানলসন্নিভানি ।
দিশো ন জানে ন লভে চ শর্ম
প্রসীদ দেবেশ জগন্নিবাস ॥ ১১-২৫॥

দংষ্ট্রা-করালানি চ তে মুখানি
দৃষ্ট্বা এব কাল-অনল-সন্নিভানি ।
দিশঃ ন জানে ন লভে চ শর্ম
প্রসীদ দেবেশ জগত্-নিবাস ॥ ১১-২৫॥

হে দেবেশ! হে জগত্-নিবাস! কাল-অনল-সন্নিভানি

দংষ্ট্রা-করালানি চ তে মুখানি দৃষ্ট্বা এব (অহং) দিশঃ
ন জানে, শর্ম চ ন লভে, (অতঃ ত্বং) প্রসীদ ।

অমী চ ত্বাং ধৃতরাষ্ট্রস্য পুত্রাঃ

সর্বে সহৈবাবনিপালসঙ্ঘৈঃ ।
ভীষ্মো দ্রোণঃ সূতপুত্রস্তথাসৌ
সহাস্মদীয়ৈরপি য়োধমুখ্যৈঃ ॥ ১১-২৬॥

বক্ত্রাণি তে ত্বরমাণা বিশন্তি

দংষ্ট্রাকরালানি ভয়ানকানি ।
কেচিদ্বিলগ্না দশনান্তরেষু
সন্দৃশ্যন্তে চূর্ণিতৈরুত্তমাঙ্গৈঃ ॥ ১১-২৭॥

অমী চ ত্বাম্ ধৃতরাষ্ট্রস্য পুত্রাঃ

সর্বে সহ এব অবনিপাল-সঙ্ঘৈঃ ।
ভীষ্মঃ দ্রোণঃ সূত-পুত্রঃ তথা অসৌ
সহ অস্মদীয়ৈঃ অপি য়োধ-মুখ্যৈঃ ॥ ১১-২৬॥

বক্ত্রাণি তে ত্বরমাণাঃ বিশন্তি

দংষ্ট্রা-করালানি ভয়ানকানি ।
কেচিত্ বিলগ্নাঃ দশন-অন্তরেষু
সন্দৃশ্যন্তে চূর্ণিতৈঃ উত্তম-অঙ্গৈঃ ॥ ১১-২৭॥

অমী চ সর্বে ধৃতরাষ্ট্রস্য পুত্রাঃ অবনিপাল-সঙ্ঘৈঃ সহ এব,

তথা ভীষ্মঃ দ্রোণঃ অসৌ সূত-পুত্রঃ অস্মদীয়ৈঃ অপি য়োধ-মুখ্যৈঃ
সহ ত্বাম্ বিশন্তি ।তে দংষ্ট্রা-করালানি ভয়ানকানি বক্ত্রাণি
ত্বরমাণাঃ (বিশন্তি), কেচিত্ দশন-অন্তরেষু বিলগ্নাঃ চূর্ণিতৈঃ
উত্তম-অঙ্গৈঃ (য়ুক্তাঃ) সন্দৃশ্যন্তে ।

য়থা নদীনাং বহবোঽম্বুবেগাঃ

সমুদ্রমেবাভিমুখা দ্রবন্তি ।
তথা তবামী নরলোকবীরা
বিশন্তি বক্ত্রাণ্যভিবিজ্বলন্তি ॥ ১১-২৮॥

য়থা নদীনাম্ বহবঃ অম্বু-বেগাঃ

সমুদ্রম্ এব অভিমুখাঃ দ্রবন্তি ।
তথা তব অমী নর-লোক-বীরাঃ
বিশন্তি বক্ত্রাণি অভিবিজ্বলন্তি ॥ ১১-২৮॥
য়থা নদীনাম্ বহবঃ অম্বু-বেগাঃ অভিমুখাঃ সমুদ্রম্
এব দ্রবন্তি, তথা অমী নর-লোক-বীরাঃ তব অভিবিজ্বলন্তি বক্ত্রাণি বিশন্তি ।

য়থা প্রদীপ্তং জ্বলনং পতঙ্গা

বিশন্তি নাশায় সমৃদ্ধবেগাঃ ।
তথৈব নাশায় বিশন্তি লোকাস্-
তবাপি বক্ত্রাণি সমৃদ্ধবেগাঃ ॥ ১১-২৯॥

য়থা প্রদীপ্তম্ জ্বলনম্ পতঙ্গাঃ

বিশন্তি নাশায় সমৃদ্ধ-বেগাঃ ।
তথা এব নাশায় বিশন্তি লোকাঃ
তব অপি বক্ত্রাণি সমৃদ্ধ-বেগাঃ ॥ ১১-২৯॥

য়থা পতঙ্গাঃ সমৃদ্ধ-বেগাঃ নাশায় প্রদীপ্তম্ জ্বলনম্

বিশন্তি, তথা এব লোকাঃ সমৃদ্ধ-বেগাঃ নাশায় তব অপি বক্ত্রাণি বিশন্তি ।

লেলিহ্যসে গ্রসমানঃ সমন্তাল্-

লোকান্সমগ্রান্বদনৈর্জ্বলদ্ভিঃ ।
তেজোভিরাপূর্য জগত্সমগ্রং
ভাসস্তবোগ্রাঃ প্রতপন্তি বিষ্ণো ॥ ১১-৩০॥

লেলিহ্যসে গ্রসমানঃ সমন্তাত্

লোকান্ সমগ্রান্ বদনৈঃ জ্বলদ্ভিঃ ।
তেজোভিঃ আপূর্য জগত্ সমগ্রম্
ভাসঃ তব উগ্রাঃ প্রতপন্তি বিষ্ণো ॥ ১১-৩০॥

হে বিষ্ণো! সমন্তাত্ জ্বলদ্ভিঃ বদনৈঃ সমগ্রান্ লোকান্

গ্রসমানঃ (ত্বং) লেলিহ্যসে, তব উগ্রাঃ ভাসঃ তেজোভিঃ
সমগ্রম্ জগত্ আপূর্য প্রতপন্তি ।

আখ্যাহি মে কো ভবানুগ্ররূপো
নমোঽস্তু তে দেববর প্রসীদ ।
বিজ্ঞাতুমিচ্ছামি ভবন্তমাদ্যং
ন হি প্রজানামি তব প্রবৃত্তিম্ ॥ ১১-৩১॥

আখ্যাহি মে কো ভবানুগ্ররূপো
নমঃ অস্তু তে দেববর প্রসীদ ।
বিজ্ঞাতুম্ ইচ্ছামি ভবন্তম্ আদ্যম্
ন হি প্রজানামি তব প্রবৃত্তিম্ ॥ ১১-৩১॥

হে দেববর! তে নমঃ অস্তু, (ত্বং) প্রসীদ, ভবান্

উগ্র-রূপঃ কঃ (অস্তি)? (তত্) মে আখ্যাহি । (অহং) আদ্যম্
ভবন্তম্ বিজ্ঞাতুম্ ইচ্ছামি ।
তব প্রবৃত্তিম্ হি (অহং)ন প্রজানামি ।

শ্রীভগবানুবাচ ।
শ্রীভগবান্ উবাচ ।

কালোঽস্মি লোকক্ষয়কৃত্প্রবৃদ্ধো
লোকান্সমাহর্তু মিহ প্রবৃত্তঃ ।
ঋতেঽপি ত্বাং ন ভবিষ্যন্তি সর্বে
য়েঽবস্থিতাঃ প্রত্যনীকেষু য়োধাঃ ॥ ১১-৩২॥

কালঃ অস্মি লোক-ক্ষয়-কৃত্ প্রবৃদ্ধঃ

লোকান্ সমাহর্তু ম্ ইহ প্রবৃত্তঃ ।
ঋতে অপি ত্বাম্ ন ভবিষ্যন্তি সর্বে
য়ে অবস্থিতাঃ প্রত্যনীকেষু য়োধাঃ ॥ ১১-৩২॥
(অহং) লোক-ক্ষয়-কৃত্ প্রবৃদ্ধঃ কালঃ অস্মি, ইহ লোকান্
সমাহর্তুম্ প্রবৃত্তঃ (অস্মি), ত্বাম্ ঋতে অপি প্রত্যনীকেষু
য়ে য়োধাঃ অবস্থিতাঃ, (তে) সর্বে ন ভবিষ্যন্তি ।

তস্মাত্ত্বমুত্তিষ্ঠ য়শো লভস্ব

জিত্বা শত্রূন্ ভুঙ্ক্ষ্ব রাজ্যং সমৃদ্ধম্ ।
ময়ৈবৈতে নিহতাঃ পূর্বমেব
নিমিত্তমাত্রং ভব সব্যসাচিন্ ॥ ১১-৩৩॥

তস্মাত্ ত্বম্ উত্তিষ্ঠ য়শঃ লভস্ব

জিত্বা শত্রূন্ ভুঙ্ক্ষ্ব রাজ্যম্ সমৃদ্ধম্ ।
ময়া এব এতে নিহতাঃ পূর্বম্ এব
নিমিত্ত-মাত্রম্ ভব সব্য-সাচিন্ ॥ ১১-৩৩॥

তস্মাত্ হে সব্য-সাচিন্! ত্বম্ উত্তিষ্ঠ, য়শঃ লভস্ব,

শত্রূন্ জিত্বা সমৃদ্ধম্ রাজ্যম্ ভুঙ্ক্ষ্ব । ময়া এব এতে
পূর্বম্ এব নিহতাঃ, (ত্বং) নিমিত্ত-মাত্রম্ ভব ।

দ্রোণং চ ভীষ্মং চ জয়দ্রথং চ

কর্ণং তথান্যানপি য়োধবীরান্ ।
ময়া হতাংস্ত্বং জহি মা ব্যথিষ্ঠা
য়ুধ্যস্ব জেতাসি রণে সপত্নান্ ॥ ১১-৩৪॥

দ্রোণম্ চ ভীষ্মম্ চ জয়দ্রথম্ চ

কর্ণম্ তথা অন্যান্ অপি য়োধ-বীরান্ ।
ময়া হতান্ ত্বম্ জহি মা ব্যথিষ্ঠাঃ
য়ুধ্যস্ব জেতা অসি রণে সপত্নান্ ॥ ১১-৩৪॥

ত্বম্ দ্রোণম্ চ ভীষ্মম্ চ জয়দ্রথম্ চ কর্ণম্ তথা

ময়া হতান্ অন্যান্ অপি য়োধ-বীরান্ জহি, মা ব্যথিষ্ঠাঃ,
য়ুধ্যস্ব, রণে সপত্নান্ জেতা অসি ।

সঞ্জয় উবাচ ।
সঞ্জয়ঃ উবাচ ।

এতচ্ছ্রুত্বা বচনং কেশবস্য

কৃতাঞ্জলির্বেপমানঃ কিরীটী ।
নমস্কৃত্বা ভূয় এবাহ কৃষ্ণং
সগদ্গদং ভীতভীতঃ প্রণম্য ॥ ১১-৩৫॥

এতত্ শ্রুত্বা বচনম্ কেশবস্য

কৃত-অঞ্জলিঃ বেপমানঃ কিরীটী ।
নমস্কৃত্বা ভূয়ঃ এব আহ কৃষ্ণম্
সগদ্গদম্ ভীত-ভীতঃ প্রণম্য ॥ ১১-৩৫॥

কেশবস্য এতত্ বচনম্ শ্রুত্বা, বেপমানঃ কিরীটী

কৃত-অঞ্জলিঃ কৃষ্ণম্ নমঃ কৃত্বা, ভীত-ভীতঃ প্রণম্য
(চ) ভূয়ঃ এব সগদ্গদম্ আহ ।

অর্জুন উবাচ ।
অর্জুনঃ উবাচ ।

স্থানে হৃষীকেশ তব প্রকীর্ত্যা

জগত্প্রহৃষ্যত্যনুরজ্যতে চ ।
রক্ষাংসি ভীতানি দিশো দ্রবন্তি
সর্বে নমস্যন্তি চ সিদ্ধসঙ্ঘাঃ ॥ ১১-৩৬॥

স্থানে হৃষীকেশ তব প্রকীর্ত্যা

জগত্ প্রহৃষ্যতি অনুরজ্যতে চ ।
রক্ষাংসি ভীতানি দিশঃ দ্রবন্তি
সর্বে নমস্যন্তি চ সিদ্ধ-সঙ্ঘাঃ ॥ ১১-৩৬॥

হে হৃষীকেশ! স্থানে, তব প্রকীর্ত্যা জগত্ প্রহৃষ্যতি,

অনুরজ্যতে চ, ভীতানি রক্ষাংসি দিশঃ দ্রবন্তি, সর্বে চ
সিদ্ধ-সঙ্ঘাঃ নমস্যন্তি ।

কস্মাচ্চ তে ন নমেরন্মহাত্মন্
গরীয়সে ব্রহ্মণোঽপ্যাদিকর্ত্রে ।
অনন্ত দেবেশ জগন্নিবাস
ত্বমক্ষরং সদসত্তত্পরং য়ত্ ॥ ১১-৩৭॥

কস্মাত্ চ তে ন নমেরন্ মহাত্মন্

গরীয়সে ব্রহ্মণঃ অপি আদি-কর্ত্রে ।
অনন্ত দেবেশ জগত্ নিবাস
ত্বম্ অক্ষরম্ সত্ অসত্ তত্ পরং য়ত্ ॥ ১১-৩৭॥

হে মহাত্মন্! অনন্ত, দেবেশ! ব্রহ্মণঃ অপি

গরীয়সে আদি-কর্ত্রে(তুভ্যং) তে কস্মাত্ চ ন নমেরন্,
হে জগত্-নিবাস! য়ত্ সত্ অসত্ (অস্তি) তত্ পরং অক্ষরম্ ত্বম্

ত্বমাদিদেবঃ পুরুষঃ পুরাণস্-

ত্বমস্য বিশ্বস্য পরং নিধানম্ ।
বেত্তাসি বেদ্যং চ পরং চ ধাম
ত্বয়া ততং বিশ্বমনন্তরূপ ॥ ১১-৩৮॥

ত্বম্ আদিদেবঃ পুরুষঃ পুরাণঃ

ত্বম্ অস্য বিশ্বস্য পরম্ নিধানম্ ।
বেত্তা অসি বেদ্যম্ চ পরম্ চ ধাম
ত্বয়া ততম্ বিশ্বম্ অনন্ত-রূপ ॥ ১১-৩৮॥

ত্বম্ আদিদেবঃ, পুরাণঃ পুরুষঃ, ত্বম্ অস্য বিশ্বস্য পরম্

নিধানম্, (ত্বম্) বেত্তা চ বেদ্যম্। পরম্ ধাম হ্ চাসি ।
হে অনন্ত-রূপ! ত্বয়া বিশ্বম্ ততম্ ।

বায়ুর্যমোঽগ্নির্বরুণঃ শশাঙ্কঃ
প্রজাপতিস্ত্বং প্রপিতামহশ্চ ।
নমো নমস্তেঽস্তু সহস্রকৃত্বঃ
পুনশ্চ ভূ য়োঽপি নমো নমস্তে ॥ ১১-৩৯॥

বায়ুঃ য়মঃ অগ্নিঃ বরুণঃ শশাঙ্কঃ

প্রজাপতিঃ ত্বম্ প্রপিতামহঃ চ ।
নমঃ নমঃ তে অস্তু সহস্র-কৃত্বঃ
পুনঃ চ ভূ য়ঃ অপি নমঃ নমঃ তে ॥ ১১-৩৯॥

ত্বম্ বায়ুঃ য়মঃ অগ্নিঃ বরুণঃ শশাঙ্কঃ প্রজাপতিঃ চ

প্রপিতামহঃ (অসি) তে সহস্র-কৃত্বঃ, নমঃ নমঃ,
পুনঃ চ ভূ য়ঃ অপি তে নমঃ নমঃ অস্তু ।

নমঃ পুরস্তাদথ পৃষ্ঠতস্তে

নমোঽস্তু তে সর্বত এব সর্ব ।
অনন্তবীর্যামিতবিক্রমস্ত্বং
সর্বং সমাপ্নোষি ততোঽসি সর্বঃ ॥ ১১-৪০॥

নমঃ পুরস্তাত্ অথ পৃষ্ঠতঃ তে

নমঃ অস্তু তে সর্বতঃ এব সর্ব ।
অনন্ত-বীর্য-অমিত-বিক্রমঃ ত্বম্
সর্বম্ সমাপ্নোষি ততঃ অসি সর্বঃ ॥ ১১-৪০॥
হে সর্ব! তে পুরস্তাত্ নমঃ, অথ তে পৃষ্ঠতঃ নমঃ,
(তে) সর্বতঃ এব (নমঃ অস্তু), হে অনন্ত-বীর্য! ত্বম্-অমিত-বিক্রমঃ
সর্বম্ সমাপ্নোষি ততঃ সর্বঃ অসি ।

সখেতি মত্বা প্রসভং য়দুক্তং

হে কৃষ্ণ হে য়াদব হে সখেতি ।
অজানতা মহিমানং তবেদং
ময়া প্রমাদাত্প্রণয়েন বাপি ॥ ১১-৪১॥

য়চ্চাবহাসার্থমসত্কৃতোঽসি
বিহারশয়্যাসনভোজনেষু ।
একোঽথবাপ্যচ্যুত তত্সমক্ষং
তত্ক্ষাময়ে ত্বামহমপ্রমেয়ম্ ॥ ১১-৪২॥

সখা ইতি মত্বা প্রসভম্ য়ত্ উক্তম্

হে কৃষ্ণ হে য়াদব হে সখা ইতি ।
অজানতা মহিমানম্ তব ইদম্
ময়া প্রমাদাত্ প্রণয়েন বা অপি ॥ ১১-৪১॥

য়ত্ চ অবহাসার্থম্ অসত্ কৃতঃ অসি

বিহার-শয়্যা-আসন-ভোজনেষু ।
একঃ অথবা অপি অচ্যুত তত্ সমক্ষম্
তত্ ক্ষাময়ে ত্বাম্ অহম্ অপ্রমেয়ম্ ॥ ১১-৪২॥

তব ইদম্ মহিমানম্ অজানতা ময়া সখা ইতি মত্বা, ' হে কৃষ্ণ!

হে য়াদব, হে সখা! ' ইতি প্রমাদাত্ প্রণয়েন বা অপি প্রসভম্
য়ত্ উক্তম্; হে অচ্যুত! য়ত্ চ বিহার-শয়্যা-আসন-ভোজনেষু,
অবহাসার্থম্ একঃ অথবা তত্ সমক্ষম্ অপি, অসত্ কৃতঃ
অসি তত্ অহম্ অপ্রমেয়ম্ ত্বাম্ ক্ষাময়ে ।

পিতাসি লোকস্য চরাচরস্য

ত্বমস্য পূজ্যশ্চ গুরুর্গরীয়ান্ ।
ন ত্বত্সমোঽস্ত্যভ্যধিকঃ কুতোঽন্যো
লোকত্রয়েঽপ্যপ্রতিমপ্রভাব ॥ ১১-৪৩॥

পিতা অসি লোকস্য চর-অচরস্য

ত্বম্ অস্য পূজ্যঃ চ গুরুঃ গরীয়ান্ ।
ন ত্বত্ সমঃ অস্তি অভ্যধিকঃ কুতঃ অন্যঃ
লোক-ত্রয়ে অপি অপ্রতিম-প্রভাব ॥ ১১-৪৩॥

হে অপ্রতিম-প্রভাব! ত্বম্ অস্য চর-অচরস্য লোকস্য পিতা,

গরীয়ান্ পূজ্যঃ গুরুঃ চ অসি, লোক-ত্রয়ে অপি ত্বত্ সমঃ ন অস্তি,
কুতঃ অভ্যধিকঃ অন্যঃ?

তস্মাত্প্রণম্য প্রণিধায় কায়ং

প্রসাদয়ে ত্বামহমীশমীড্যম্ ।
পিতেব পুত্রস্য সখেব সখ্যুঃ
প্রিয়ঃ প্রিয়ায়ার্হসি দেব সোঢু ম্ ॥ ১১-৪৪॥

তস্মাত্ প্রণম্য প্রণিধায় কায়ম্

প্রসাদয়ে ত্বাম্ অহম্ ঈশম্ ঈড্যম্ ।
পিতা ইব পুত্রস্য সখা ইব সখ্যুঃ
প্রিয়ঃ প্রিয়ায়াঃ অর্হসি দেব সোঢুম্ ॥ ১১-৪৪॥

হে দেব! তস্মাত্ কায়ম্ প্রণিধায়, প্রণম্য, অহম্ ঈড্যম্

ঈশম্ ত্বাম্ প্রসাদয়ে, পুত্রস্য (অপরাধং) পিতা ইব,
সখ্যুঃ (অপরাধং) সখা , প্রিয়ায়াঃ (অপরাধং) প্রিয়ঃ (ইব)
(মম অপরাধান্) সোঢুম্ অর্হসি ।
অদৃষ্টপূর্বং হৃষিতোঽস্মি দৃষ্ট্বা
ভয়েন চ প্রব্যথিতং মনো মে ।
তদেব মে দর্শয় দেব রূপং
প্রসীদ দেবেশ জগন্নিবাস ॥ ১১-৪৫॥

অদৃষ্ট-পূর্বম্ হৃষিতঃ অস্মি দৃষ্ট্বা

ভয়েন চ প্রব্যথিতম্ মনঃ মে ।
তত্ এব মে দর্শয় দেব রূপম্
প্রসীদ দেবেশ জগত্-নিবাস ॥ ১১-৪৫॥

হে দেবেশ! হে জগত্-নিবাস! অদৃষ্ট-পূর্বম্ (বিশ্বরূপং ত্বাং)

দৃষ্ট্বা (অহং) হৃষিতঃ অস্মি, মে মনঃ ভয়েন প্রব্যথিতম্ (অস্তি, অতঃ)
হে দেব! (ত্বং) প্রসীদ চ তত্ এব (পূর্বং) রূপম্ মে দর্শয় ।

কিরীটিনং গদিনং চক্রহস্তং

ইচ্ছামি ত্বাং দ্রষ্টুমহং তথৈব ।
তেনৈব রূপেণ চতুর্ভুজেন
সহস্রবাহো ভব বিশ্বমূর্তে ॥ ১১-৪৬॥

কিরীটিনম্ গদিনম্ চক্র-হস্তম্

ইচ্ছামি ত্বাম্ দ্রষ্টুম্ অহম্ তথা এব ।
তেন এব রূপেণ চতুঃ-ভুজেন
সহস্র-বাহো ভব বিশ্ব-মূর্তে ॥ ১১-৪৬॥

হে সহস্র-বাহো! হে বিশ্ব-মূর্তে ! অহম্ ত্বাম্ কিরীটিনম্

গদিনম্ (চ) তথা এব চক্র-হস্তম্ দ্রষ্টুম্ ইচ্ছামি,
(তস্মাত্) তেন এব চতুঃ-ভুজেন রূপেণ (য়ুক্তঃ) ভব ।

শ্রীভগবানুবাচ ।
শ্রীভগবান্ উবাচ ।

ময়া প্রসন্নেন তবার্জুনেদং

রূপং পরং দর্শিতমাত্ময়োগাত্ ।
তেজোময়ং বিশ্বমনন্তমাদ্যং
য়ন্মে ত্বদন্যেন ন দৃষ্টপূর্বম্ ॥ ১১-৪৭॥

ময়া প্রসন্নেন তব অর্জুন ইদম্

রূপম্ পরম্ দর্শিতম্ আত্ম-য়োগাত্ ।
তেজোময়ম্ বিশ্বম্ অনন্তম্ আদ্যম্
য়ত্ মে ত্বত্ অন্যেন ন দৃষ্ট-পূর্বম্ ॥ ১১-৪৭॥

হে অর্জুন! য়ত্ ত্বত্ অন্যেন দৃষ্ট-পূর্বম্ ন, (তত্) ইদম্ মে

তেজোময়ম্ বিশ্বম্ অনন্তম্ আদ্যম্ পরম্ রূপম্ প্রসন্নেন
ময়া আত্ম-য়োগাত্ তব দর্শিতম্ ।

ন বেদয়জ্ঞাধ্যয়নৈর্ন দানৈর্-
ন চ ক্রিয়াভির্ন তপোভিরুগ্রৈঃ ।
এবং রূপঃ শক্য অহং নৃলোকে
দ্রষ্টুং ত্বদন্যেন কুরুপ্রবীর ॥ ১১-৪৮॥

ন বেদ-য়জ্ঞ-অধ্যয়নৈঃ ন দানৈঃ
ন চ ক্রিয়াভিঃ ন তপোভিঃ উগ্রৈঃ ।
এবম্ রূপঃ শক্যঃ অহম্ নৃ-লোকে
দ্রষ্টুম্ ত্বত্ অন্যেন কুরু-প্রবীর ॥ ১১-৪৮॥

হে কুরু-প্রবীর! অহম্ এবম্ রূপঃ নৃ-লোকে ন বেদ-য়জ্ঞ-অধ্যয়নৈঃ

ন, দানৈঃ ন, ক্রিয়াভিঃ ন, উগ্রৈঃ তপোভিঃ চন ত্বত্ অন্যেন দ্রষ্টুম্ শক্যঃ ।

মা তে ব্যথা মা চ বিমূঢভাবো
 দৃষ্ট্বা রূপং ঘোরমীদৃঙ্মমেদম্ ।
ব্যপেতভীঃ প্রীতমনাঃ পুনস্ত্বং
তদেব মে রূপমিদং প্রপশ্য ॥ ১১-৪৯॥

মা তে ব্যথা মা চ বিমূঢ-ভাবঃ
দৃষ্ট্বা রূপম্ ঘোরম্ ঈদৃক্ মম ইদম্ ।
ব্যপেত-ভীঃ প্রীত-মনাঃ পুনঃ ত্বম্
তত্ এব মে রূপম্ ইদম্ প্রপশ্য ॥ ১১-৪৯॥

মম ইদম্ ঈদৃক্ ঘোরম্ রূপম্ দৃষ্ট্বা তে ব্যথা মা

(অস্তু) , বিমূঢ-ভাবঃ চ মা (অস্তু) । ত্বম্ ব্যপেত-ভীঃ
প্রীত-মনাঃ (ভূত্বা) পুনঃ তত্ এব ইদম্ মে রূপম্ প্রপশ্য ।

সঞ্জয় উবাচ ।
সঞ্জয়ঃ উবাচ ।

ইত্যর্জুনং বাসুদেবস্তথোক্ত্বা
স্বকং রূপং দর্শয়ামাস ভূয়ঃ ।
আশ্বাসয়ামাস চ ভীতমেনং
ভূত্বা পুনঃ সৌম্যবপুর্মহাত্মা ॥ ১১-৫০॥

ইতি অর্জুনম্ বাসুদেবঃ তথা উক্ত্বা

স্বকম্ রূপম্ দর্শয়ামাস ভূয়ঃ ।
আশ্বাসয়ামাস চ ভীতম্ এনম্
ভূত্বা পুনঃ সৌম্য-বপুঃ মহাত্মা ॥ ১১-৫০॥

মহাত্মা বাসুদেবঃ ইতি তথা অর্জুনম্ উক্ত্বা ভূ য়ঃ স্বকম্

রূপম্ দর্শয়ামাস । পুনঃ চ সৌম্য-বপুঃ ভূত্বা, ভীতম্
এনম্ আশ্বাসয়ামাস ।

অর্জুন উবাচ
অর্জুনঃ উবাচ ।

দৃষ্ট্বেদং মানুষং রূপং তব সৌম্যং জনার্দন ।

ইদানীমস্মি সংবৃত্তঃ সচেতাঃ প্রকৃতিং গতঃ ॥ ১১-৫১॥

দৃষ্ট্বা ইদম্ মানুষম্ রূপম্ তব সৌম্যম্ জনার্দন ।

ইদানীম্ অস্মি সংবৃত্তঃ সচেতাঃ প্রকৃতিম্ গতঃ ॥ ১১-৫১॥

হে জনার্দন! তব ইদম্ মানুষম্ সৌম্যম্ রূপম্ দৃষ্ট্বা

(অহং) ইদানীম্ সচেতাঃ সংবৃত্তঃ অস্মি প্রকৃতিম্ গতঃ (অস্মি) ।

শ্রীভগবানুবাচ ।
শ্রীভগবান্ উবাচ ।

সুদুর্দর্শমিদং রূপং দৃষ্টবানসি য়ন্মম ।

দেবা অপ্যস্য রূপস্য নিত্যং দর্শনকাঙ্ক্ষিণঃ ॥ ১১-৫২॥

সুদুর্দর্শম্ ইদম্ রূপম্ দৃষ্টবান্ অসি য়ত্ মম ।

দেবাঃ অপি অস্য রূপস্য নিত্যম্ দর্শন-কাঙ্ক্ষিণঃ ॥ ১১-৫২॥

য়ত্ মম সুদুর্দর্শম্ ইদম্ রূপম্ দৃষ্টবান্ অসি, অস্য

রূপস্য দেবাঃ অপি নিত্যম্ দর্শন-কাঙ্ক্ষিণঃ (সন্তি)।

নাহং বেদৈর্ন তপসা ন দানেন ন চেজ্যয়া ।

শক্য এবংবিধো দ্রষ্টুং দৃষ্টবানসি মাং য়থা ॥ ১১-৫৩॥

ন অহম্ বেদৈঃ ন তপসা ন দানেন ন চ ইজ্যয়া ।

শক্যঃ এবম্-বিধঃ দ্রষ্টুম্ দৃষ্টবান্ অসি মাম্ য়থা ॥ ১১-৫৩॥
(ত্বং) য়থা মাম্ দৃষ্টবান্ অসি, এবম্-বিধঃ অহম্ ন বেদৈঃ,
ন তপসা, ন দানেন, ন চ ইজ্যয়া দ্রষ্টুম্ শক্যঃ (অস্মি)।

ভক্ত্যা ত্বনন্যয়া শক্য অহমেবংবিধোঽর্জুন ।

জ্ঞাতুং দ্রষ্টুং চ তত্ত্বেন প্রবেষ্টুং চ পরন্তপ ॥ ১১-৫৪॥

ভক্ত্যা তু অনন্যয়া শক্যঃ অহম্ এবম্-বিধঃ অর্জুন ।

জ্ঞাতুম্ দ্রষ্টুম্ চ তত্ত্বেন প্রবেষ্টুম্ চ পরন্তপ ॥ ১১-৫৪॥

হে পরন্তপ অর্জুন! অহম্ এবম্-বিধঃ তত্ত্বেন জ্ঞাতুম্ চ

দ্রষ্টুম্ প্রবেষ্টুম্ চ অনন্যয়া ভক্ত্যা তু শক্যঃ ।

মত্কর্মকৃ ন্মত্পরমো মদ্ভক্তঃ সঙ্গবর্জিতঃ ।

নির্বৈরঃ সর্বভূতেষু য়ঃ স মামেতি পাণ্ডব ॥ ১১-৫৫॥

মত্-কর্ম-কৃত্ মত্-পরমঃ মত্-ভক্তঃ সঙ্গ-বর্জিতঃ ।

নির্বৈরঃ সর্ব-ভূতেষু য়ঃ সঃ মাম্ এতি পাণ্ডব ॥ ১১-৫৫॥

হে পাণ্ডব! য়ঃ মত্-কর্ম-কৃত্, মত্-পরমঃ,

সঙ্গ-বর্জিতঃ সর্ব-ভূতেষু নির্বৈরঃ মত্-ভক্তঃ (অস্তি),
সঃ মাম্ এতি ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
বিশ্বরূপদর্শনয়োগো নামৈকাদশোঽধ্যায়ঃ ॥ ১১॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
বিশ্ব-রূপ-দর্শন-য়োগঃ নাম একাদশঃ অধ্যায়ঃ ॥ ১১॥

অথ দ্বাদশোঽধ্যায়ঃ । ভক্তিয়োগঃ ।
অথ দ্বাদশঃ অধ্যায়ঃ । ভক্তি-য়োগঃ ।

অর্জুন উবাচ ।
অর্জুনঃ উবাচ ।

এবং সততয়ুক্তা য়ে ভক্তাস্ত্বাং পর্যুপাসতে ।

য়ে চাপ্যক্ষরমব্যক্তং তেষাং কে য়োগবিত্তমাঃ ॥ ১২-১॥

এবম্ সতত-য়ুক্তাঃ য়ে ভক্তাঃ ত্বাম্ পর্যুপাসতে ।

য়ে চ অপি অক্ষরম্ অব্যক্তম্ তেষাম্ কে য়োগ-বিত্তমাঃ ॥ ১২-১॥

(হে ভগবন্) এবম্ সতত-য়ুক্তাঃ য়ে ভক্তাঃ ত্বাম্ পর্যুপাসতে,

য়ে চ অপি অব্যক্তম্ অক্ষরম্ (পর্যুপাসতে) তেষাম্ (মধ্যে)
কে য়োগ-বিত্তমাঃ (সন্তি) ?

শ্রীভগবানুবাচ ।
শ্রীভগবান্ উবাচ ।

ময়্যাবেশ্য মনো য়ে মাং নিত্যয়ুক্তা উপাসতে ।

শ্রদ্ধয়া পরয়োপেতাঃ তে মে য়ুক্ততমা মতাঃ ॥ ১২-২॥

ময়ি আবেশ্য মনঃ য়ে মাম্ নিত্য-য়ুক্তাঃ উপাসতে ।

শ্রদ্ধয়া পরয়া উপেতাঃ তে মে য়ুক্ততমাঃ মতাঃ ॥ ১২-২॥

(হে অর্জুন!) ময়ি মনঃ আবেশ্য নিত্য-য়ুক্তাঃ (সন্তঃ) য়ে পরয়া

শ্রদ্ধয়া উপেতাঃ মাম্ উপাসতে, তে য়ুক্ততমাঃ মে মতাঃ ।

য়ে ত্বক্ষরমনির্দেশ্যমব্যক্তং পর্যুপাসতে ।
সর্বত্রগমচিন্ত্যং চ কূটস্থমচলং ধ্রুবম্ ॥ ১২-৩॥

সন্নিয়ম্যেন্দ্রিয়গ্রামং সর্বত্র সমবুদ্ধয়ঃ ।

তে প্রাপ্নুবন্তি মামেব সর্বভূতহিতে রতাঃ ॥ ১২-৪॥

য়ে তু অক্ষরম্ অনির্দেশ্যম্ অব্যক্তম্ পর্যুপাসতে ।

সর্বত্রগম্ অচিন্ত্যম্ চ কূটস্থম্ অচলম্ ধ্রুবম্ ॥ ১২-৩॥

সন্নিয়ম্য ইন্দ্রিয়-গ্রামম্ সর্বত্র সম-বুদ্ধয়ঃ ।

তে প্রাপ্নুবন্তি মাম্ এব সর্ব-ভূত-হিতে রতাঃ ॥ ১২-৪॥

য়ে তু সর্ব-ভূত-হিতে রতাঃ সর্বত্র সম-বুদ্ধয়ঃ (সন্তঃ)

ইন্দ্রিয়-গ্রামম্ সংনিয়ম্য, অব্যক্তম্, অচিন্ত্যম্, অনির্দেশ্যম্,
সর্বত্রগম্, কূটস্থম্, অচলম্, ধ্রুবম্ অক্ষরম্ চ
পর্যুপাসতে তে মাম্ এব প্রাপ্নুবন্তি ।

ক্লেশোঽধিকতরস্তেষামব্যক্তাসক্তচেতসাম্ ॥

অব্যক্তা হি গতির্দুঃখং দেহবদ্ভিরবাপ্যতে ॥ ১২-৫॥

ক্লেশঃ অধিকতরঃ তেষাম্ অব্যক্ত-আসক্ত-চেতসাম্ ॥

অব্যক্তা হি গতিঃ দুঃখম্ দেহবদ্ভিঃ অবাপ্যতে ॥ ১২-৫॥

অব্যক্ত-আসক্ত-চেতসাম্ তেষাম্ অধিকতরঃ ক্লেশঃ (অস্তি তৈঃ)

দেহবদ্ভিঃ অব্যক্তা গতিঃ দুঃখম্ অবাপ্যতে হি ।

য়ে তু সর্বাণি কর্মাণি ময়ি সংন্যস্য মত্পরঃ ।

অনন্যেনৈব য়োগেন মাং ধ্যায়ন্ত উপাসতে ॥ ১২-৬॥

য়ে তু সর্বাণি কর্মাণি ময়ি সংন্যস্য মত্-পরাঃ ।

অনন্যেন এব য়োগেন মাম্ ধ্যায়ন্তঃ উপাসতে ॥ ১২-৬॥

য়ে তু মত্-পরাঃ (সন্তঃ), সর্বাণি কর্মাণি ময়ি সংন্যস্য,

মাম্ ধ্যায়ন্তঃ অনন্যেন য়োগেন এব উপাসতে,

তেষামহং সমুদ্ধর্তা মৃত্যুসংসারসাগরাত্ ।

ভবামি ন চিরাত্পার্থ ময়্যাবেশিতচেতসাম্ ॥ ১২-৭॥

তেষাম্ অহম্ সমুদ্ধর্তা মৃত্যু-সংসার-সাগরাত্ ।

ভবামি ন চিরাত্ পার্থ ময়ি আবেশিত-চেতসাম্ ॥ ১২-৭॥

হে পার্থ! ময়ি আবেশিত-চেতসাম্ তেষাম্ মৃত্যু-সংসার-সাগরাত্

ন চিরাত্ অহম্ সমুদ্ধর্তা ভবামি ।

ময়্যেব মন আধত্স্ব ময়ি বুদ্ধিং নিবেশয় ।

নিবসিষ্যসি ময়্যেব অত ঊর্ধ্বং ন সংশয়ঃ ॥ ১২-৮॥

ময়ি এব মনঃ আধত্স্ব ময়ি বুদ্ধিম্ নিবেশয় ।

নিবসিষ্যসি ময়ি এব অতঃ ঊর্ধ্বম্ ন সংশয়ঃ ॥ ১২-৮॥

ময়ি এব মনঃ আধত্স্ব্, ময়ি বুদ্ধিম্ নিবেশয়, অতঃ ঊর্ধ্বম্

ময়ি এব নিবসিষ্যসি, (অত্র) সংশয়ঃ ন ।

অথ চিত্তং সমাধাতুং ন শক্নোষি ময়ি স্থিরম্ ।

অভ্যাসয়োগেন ততো মামিচ্ছাপ্তুং ধনঞ্জয় ॥ ১২-৯॥
অথ চিত্তম্ সমাধাতুম্ ন শক্নোষি ময়ি স্থিরম্ ।
অভ্যাস-য়োগেন ততঃ মাম্ ইচ্ছ আপ্তুম্ ধনঞ্জয় ॥ ১২-৯॥

হে ধনঞ্জয়! অথ ময়ি স্থিরম্ চিত্তম্ সমাধাতুম্ ন শক্নোষি,

ততঃ অভ্যাস-য়োগেন মাম্ আপ্তুম্ ইচ্ছ ।

অভ্যাসেঽপ্যসমর্থোঽসি মত্কর্মপরমো ভব ।
মদর্থমপি কর্মাণি কু র্বন্সিদ্ধিমবাপ্স্যসি ॥ ১২-১০॥

অভ্যাসে অপি অসমর্থঃ অসি মত্-কর্ম-পরমঃ ভব ।

মত্-অর্থম্ অপি কর্মাণি কুর্বন্ সিদ্ধিম্ অবাপ্স্যসি ॥ ১২-১০॥

(ত্বং) অভ্যাসে অপি অসমর্থঃ অসি (চেত্), মত্-কর্ম-পরমঃ ভব,

মত্-অর্থম্ কর্মাণি কুর্বন্ অপি সিদ্ধিম্ অবাপ্স্যসি ।

অথৈতদপ্যশক্তোঽসি কর্তুং মদ্যোগমাশ্রিতঃ ।

সর্বকর্মফলত্যাগং ততঃ কুরু য়তাত্মবান্ ॥ ১২-১১॥

অথ এতত্ অপি অশক্তঃ অসি কর্তুম্ মত্-য়োগম্ আশ্রিতঃ ।

সর্ব-কর্ম-ফল-ত্যাগম্ ততঃ কুরু য়ত-আত্মবান্ ॥ ১২-১১॥

অথ এতত্ অপি কর্তুম্ অশক্তঃ অসি (চেত্), ততঃ

য়ত-আত্মবান্ মত্-য়োগম্ আশ্রিতঃ (সন্)
সর্ব-কর্ম-ফল-ত্যাগম্ কুরু ।

শ্রেয়ো হি জ্ঞানমভ্যাসাজ্জ্ঞানাদ্ধ্যানং বিশিষ্যতে ।

ধ্যানাত্কর্মফলত্যাগস্ত্যাগাচ্ছান্তিরনন্তরম্ ॥ ১২-১২॥

শ্রেয়ঃ হি জ্ঞানম্ অভ্যাসাত্ জ্ঞানাত্ ধ্যানম্ বিশিষ্যতে ।

ধ্যানাত্ কর্ম-ফল-ত্যাগঃ ত্যাগাত্ শান্তিঃ অনন্তরম্ ॥ ১২-১২॥

অভ্যাসাত্ জ্ঞানম্ হি শ্রেয়ঃ (অস্তি) জ্ঞানাত্ ধ্যানম্ বিশিষ্যতে;

ধ্যানাত্ কর্ম-ফল-ত্যাগঃ (বিশিষ্যতে); অনন্তরম্ ত্যাগাত্
শান্তিঃ (ভবতি) হি ।

অদ্বেষ্টা সর্বভূতানাং মৈত্রঃ করুণ এব চ ।

নির্মমো নিরহঙ্কারঃ সমদুঃখসুখঃ ক্ষমী ॥ ১২-১৩॥

সন্তুষ্টঃ সততং য়োগী য়তাত্মা দৃঢনিশ্চয়ঃ ।

ময়্যর্পিতমনোবুদ্ধির্যো মদ্ভক্তঃ স মে প্রিয়ঃ ॥ ১২-১৪॥

অদ্বেষ্টা সর্ব-ভূতানাং মৈত্রঃ করুণঃ এব চ ।

নির্মমঃ নিরহঙ্কারঃ সম-দুঃখ-সুখঃ ক্ষমী ॥ ১২-১৩॥

সন্তুষ্টঃ সততম্ য়োগী য়ত-আত্মা দৃঢ-নিশ্চয়ঃ ।

ময়ি অর্পিত-মনঃ-বুদ্ধিঃ য়ঃ মত্-ভক্তঃ সঃ মে প্রিয়ঃ ॥ ১২-১৪॥

য়ঃ সর্ব-ভূতানাং অদ্বেষ্টা, মৈত্রঃ, করুণঃ চ এব, নির্মমঃ,

নিরহঙ্কারঃ, সম-দুঃখ-সুখঃ ক্ষমী, সততম্ সন্তুষ্টঃ,
য়োগী, য়ত-আত্মা, দৃঢ-নিশ্চয়ঃ,ময়ি অর্পিত-মনঃ-বুদ্ধিঃ,
সঃ মত্-ভক্তঃ মে প্রিয়ঃ (অস্তি)।

য়স্মান্নোদ্বিজতে লোকো লোকান্নোদ্বিজতে চ য়ঃ ।

হর্ষামর্ষভয়োদ্বেগৈর্মুক্তো য়ঃ স চ মে প্রিয়ঃ ॥ ১২-১৫॥

য়স্মাত্ ন উদ্বিজতে লোকঃ লোকাত্ ন উদ্বিজতে চ য়ঃ ।

হর্ষ-আমর্ষ-ভয়-উদ্বেগৈঃ মুক্তঃ য়ঃ সঃ চ মে প্রিয়ঃ ॥ ১২-১৫॥
লোকঃ য়স্মাত্ ন উদ্বিজতে, য়ঃ চ লোকাত্ ন উদ্বিজতে, য়ঃ চ
হর্ষ-আমর্ষ-ভয়-উদ্বেগৈঃ মুক্তঃ, সঃ মে প্রিয়ঃ (অস্তি)।

অনপেক্ষঃ শুচির্দক্ষ উদাসীনো গতব্যথঃ ।

সর্বারম্ভপরিত্যাগী য়ো মদ্ভক্তঃ স মে প্রিয়ঃ ॥ ১২-১৬॥

অনপেক্ষঃ শুচিঃ দক্ষঃ উদাসীনঃ গত-ব্যথঃ ।

সর্ব-আরম্ভ-পরিত্যাগী য়ঃ মত্-ভক্তঃ সঃ মে প্রিয়ঃ ॥ ১২-১৬॥

য়ঃ মত্-ভক্তঃ অনপেক্ষঃ, শুচিঃ, দক্ষঃ, উদাসীনঃ,

গত-ব্যথঃ, সর্ব-আরম্ভ-পরিত্যাগী, সঃ মে প্রিয়ঃ ।

য়ো ন হৃষ্যতি ন দ্বেষ্টি ন শোচতি ন কাঙ্ক্ষতি ।

শুভাশুভপরিত্যাগী ভক্তিমান্যঃ স মে প্রিয়ঃ ॥ ১২-১৭॥

য়ঃ ন হৃষ্যতি ন দ্বেষ্টি ন শোচতি ন কাঙ্ক্ষতি ।

শুভ-অশুভ-পরিত্যাগী ভক্তিমান্ য়ঃ সঃ মে প্রিয়ঃ ॥ ১২-১৭॥

য়ঃ ন হৃষ্যতি, ন দ্বেষ্টি, ন শোচতি, ন কাঙ্ক্ষতি,

য়ঃ শুভ-অশুভ-পরিত্যাগী, ভক্তিমান্ (অস্তি), সঃ মে প্রিয়ঃ (ভবতি) ।

সমঃ শত্রৌ চ মিত্রে চ তথা মানাপমানয়োঃ ।

শীতোষ্ণসুখদুঃখেষু সমঃ সঙ্গবিবর্জিতঃ ॥ ১২-১৮॥

তুল্যনিন্দাস্তুতির্মৌনী সন্তুষ্টো য়েন কেনচিত্ ।

অনিকেতঃ স্থিরমতির্ভক্তিমান্মে প্রিয়ো নরঃ ॥ ১২-১৯॥

সমঃ শত্রৌ চ মিত্রে চ তথা মান-অপমানয়োঃ ।

শীত-উষ্ণ-সুখ-দুঃখেষু সমঃ সঙ্গ-বিবর্জিতঃ ॥ ১২-১৮॥

তুল্য-নিন্দা-স্তুতিঃ মৌনী সন্তুষ্টঃ য়েন কেনচিত্ ।

অনিকেতঃ স্থির-মতিঃ ভক্তিমান্ মে প্রিয়ঃ নরঃ ॥ ১২-১৯॥

(য়ঃ) শত্রৌ মিত্রে চ তথা মান-অপমানয়োঃ সমঃ,

শীত-উষ্ণ-সুখ-দুঃখেষু সমঃ, সঙ্গ-বিবর্জিতঃ চ (অস্তি)
তুল্য-নিন্দা-স্তুতিঃ, মৌনী, (য়ঃ) য়েন কেনচিত্ সন্তুষ্টঃ,
(ভবতি) অনিকেতঃ, স্থির-মতিঃ, ভক্তিমান্ (সঃ) নরঃ মে প্রিয়ঃ ।

য়ে তু ধর্ম্যামৃতমিদং য়থোক্তং পর্যুপাসতে ।

শ্রদ্দধানা মত্পরমা ভক্তাস্তেঽতীব মে প্রিয়াঃ ॥ ১২-২০॥

য়ে তু ধর্ম্য-অমৃতম্ ইদম্ য়থা উক্তম্ পর্যুপাসতে ।

শ্রদ্দধানাঃ মত্-পরমাঃ ভক্তাঃ তে অতীব মে প্রিয়াঃ ॥ ১২-২০॥

য়ে তু শ্রদ্দধানাঃ মত্-পরমাঃ ভক্তাঃ ইদম্ য়থা উক্তম্

ধর্ম্য-অমৃতম্ পর্যুপাসতে, তে মে অতীব প্রিয়াঃ (সন্তি)।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
ভক্তিয়োগো নাম দ্বাদশোঽধ্যায়ঃ ॥ ১২॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
ভক্তি-য়োগঃ নাম দ্বাদশঃ অধ্যায়ঃ ॥ ১২॥

অথ ত্রয়োদশোঽধ্যায়ঃ । ক্ষেত্রক্ষেত্রজ্ঞবিভাগয়োগঃ ।
অথ ত্রয়োদশঃ অধ্যায়ঃ । ক্ষেত্র-ক্ষেত্রজ্ঞ-বিভাগ-য়োগঃ ।
অর্জুন উবাচ ।
অর্জুনঃ উবাচ ।

প্রকৃ তিং পুরুষং চৈব ক্ষেত্রং ক্ষেত্রজ্ঞমেব চ ।

এতদ্বেদিতুমিচ্ছামি জ্ঞানং জ্ঞেয়ং চ কেশব ॥ ১৩-০॥

প্রকৃ তিম্ পুরুষম্ চ এব ক্ষেত্রম্ ক্ষেত্রজ্ঞম্ এব চ ।

এতত্ বেদিতুম্ ইচ্ছামি জ্ঞানম্ জ্ঞেয়ম্ চ কেশব ॥ ১৩-০॥

হে কেশব! প্রকৃ তিম্ পুরুষম্ চ এব ক্ষেত্রম্ ক্ষেত্রজ্ঞম্ চ

এব জ্ঞানম্ জ্ঞেয়ম্ চ এতত্ বেদিতুম্ ইচ্ছামি ।

শ্রীভগবানুবাচ ।
শ্রীভগবান্ উবাচ ।

ইদং শরীরং কৌন্তেয় ক্ষেত্রমিত্যভিধীয়তে ।

এতদ্যো বেত্তি তং প্রাহুঃ ক্ষেত্রজ্ঞ ইতি তদ্বিদঃ ॥ ১৩-১॥

ইদম্ শরীরম্ কৌন্তেয় ক্ষেত্রম্ ইতি অভিধীয়তে ।

এতত্ য়ঃ বেত্তি তম্ প্রাহুঃ ক্ষেত্রজ্ঞঃ ইতি তত্-বিদঃ ॥ ১৩-১॥

হে কৌন্তেয়! ইদম্ শরীরম্ ক্ষেত্রম্ ইতি অভিধীয়তে । য়ঃ এতত্

বেত্তি, তম্ ক্ষেত্রজ্ঞঃ ইতি তত্-বিদঃ প্রাহুঃ ।

ক্ষেত্রজ্ঞং চাপি মাং বিদ্ধি সর্বক্ষেত্রেষু ভারত ।

ক্ষেত্রক্ষেত্রজ্ঞয়োর্জ্ঞানং য়ত্তজ্জ্ঞানং মতং মম ॥ ১৩-২॥

ক্ষেত্রজ্ঞম্ চ অপি মাম্ বিদ্ধি সর্ব-ক্ষেত্রেষু ভারত ।

ক্ষেত্র-ক্ষেত্রজ্ঞয়োঃ জ্ঞানম্ য়ত্ তত্ জ্ঞানম্ মতম্ মম ॥ ১৩-২॥

হে ভারত! সর্ব-ক্ষেত্রেষু মাম্ অপি চ ক্ষেত্রজ্ঞম্ বিদ্ধি । য়ত্

ক্ষেত্র-ক্ষেত্রজ্ঞয়োঃ জ্ঞানম্, তত্ জ্ঞানম্ (ইতি) মম মতম্ (অস্তি)।

তত্ক্ষেত্রং য়চ্চ য়াদৃক্চ য়দ্বিকারি য়তশ্চ য়ত্ ।

স চ য়ো য়ত্প্রভাবশ্চ তত্সমাসেন মে শৃণু ॥ ১৩-৩॥

তত্ ক্ষেত্রম্ য়ত্ চ য়াদৃক্ চ য়ত্ বিকারি য়তঃ চ য়ত্ ।

সঃ চ য়ঃ য়ত্ প্রভাবঃ চ তত্ সমাসেন মে শৃণু ॥ ১৩-৩॥

তত্ ক্ষেত্রম্ য়ত্ চ, য়াদৃক্ চ, য়ত্ বিকারি (চ), য়তঃ চ য়ত্,

সঃ চ য়ঃ, য়ত্ প্রভাবঃ চ (অস্তি) তত্, (ত্বং) সমাসেন মে শৃণু ।

ঋষিভির্বহুধা গীতং ছন্দোভির্বিবিধৈঃ পৃথক্ ।

ব্রহ্মসূত্রপদৈশ্চৈব হেতুমদ্ভির্বিনিশ্চিতৈঃ ॥ ১৩-৪॥

ঋষিভিঃ বহুধা গীতম্ ছন্দোভিঃ বিবিধৈঃ পৃথক্ ।

ব্রহ্ম-সূত্র-পদৈঃ চ এব হেতু মদ্ভিঃ বিনিশ্চিতৈঃ ॥ ১৩-৪॥

(ইদং জ্ঞানং) ঋষিভিঃ বহুধা, (তথা) বিবিধৈঃ ছন্দোভিঃ

পৃথক্ হেতু মদ্ভিঃ বিনিশ্চিতৈঃ ব্রহ্ম-সূত্র-পদৈঃ চ গীতম্ এব ।

মহাভূ তান্যহঙ্কারো বুদ্ধিরব্যক্তমেব চ ।

ইন্দ্রিয়াণি দশৈকং চ পঞ্চ চেন্দ্রিয়গোচরাঃ ॥ ১৩-৫॥

ইচ্ছা দ্বেষঃ সুখং দুঃখং সংঘাতশ্চেতনা ধৃতিঃ ।

এতত্ক্ষেত্রং সমাসেন সবিকারমুদাহৃতম্ ॥ ১৩-৬॥

মহা-ভূতানি অহঙ্কারঃ বুদ্ধিঃ অব্যক্তম্ এব চ ।

ইন্দ্রিয়াণি দশ--একম্ চ পঞ্চ চ ইন্দ্রিয়-গোচরাঃ ॥ ১৩-৫॥

ইচ্ছা দ্বেষঃ সুখম্ দুঃখম্ সংঘাতঃ চেতনা ধৃতিঃ ।

এতত্ ক্ষেত্রম্ সমাসেন সবিকারম্ উদাহৃতম্ ॥ ১৩-৬॥

মহা-ভূতানি, অহঙ্কারঃ, বুদ্ধিঃ, অব্যক্তম্ এব চ ,

দশ ইন্দ্রিয়াণি চ, একম্ (মনঃ) ইন্দ্রিয়-গোচরাঃ পঞ্চ চ,
ইচ্ছা, দ্বেষঃ, সুখম্, দুঃখম্, সংঘাতঃ, চেতনা, ধৃতিঃ,
এতত্ সবিকারম্ ক্ষেত্রম্ (ময়া) সমাসেন উদাহৃতম্ ।

অমানিত্বমদম্ভিত্বমহিংসা ক্ষান্তিরার্জবম্ ।
আচার্যোপাসনং শৌচং স্থৈর্যমাত্মবিনিগ্রহঃ ॥ ১৩-৭॥

অমানিত্বম্ অদম্ভিত্বম্ অহিংসা ক্ষান্তিঃ আর্জবম্ ।

আচার্য-উপাসনম্ শৌচম্ স্থৈর্যম্ আত্ম-বিনিগ্রহঃ ॥ ১৩-৭॥

অমানিত্বম্, অদম্ভিত্বম্, অহিংসা, ক্ষান্তিঃ, আর্জবম্,

আচার্য-উপাসনম্, শৌচম্, স্থৈর্যম্, আত্ম-বিনিগ্রহঃ,

ইন্দ্রিয়ার্থেষু বৈরাগ্যমনহংকার এব চ ।
জন্মমৃত্যুজরাব্যাধিদুঃখদোষানুদর্শনম্ ॥ ১৩-৮॥

ইন্দ্রিয়-অর্থেষু বৈরাগ্যম্ অনহংকারঃ এব চ ।

জন্ম-মৃত্যু-জরা-ব্যাধি-দুঃখ-দোষ-অনুদর্শনম্ ॥ ১৩-৮॥

ইন্দ্রিয়-অর্থেষু বৈরাগ্যম্, অনহংকারঃ এব চ,

জন্ম-মৃত্যু-জরা-ব্যাধি-দুঃখ-দোষ-অনুদর্শনম্,

অসক্তিরনভিষ্বঙ্গঃ পুত্রদারগৃহাদিষু ।
নিত্যং চ সমচিত্তত্বমিষ্টানিষ্টোপপত্তিষু ॥ ১৩-৯॥

অসক্তিঃ অনভিষ্বঙ্গঃ পুত্র-দার-গৃহ-আদিষু ।

নিত্যম্ চ সম-চিত্তত্বম্ ইষ্ট অনিষ্ট-উপপত্তিষু ॥ ১৩-৯॥

অসক্তিঃ, পুত্র-দার-গৃহ-আদিষু অনভিষ্বঙ্গঃ,

ইষ্ট-অনিষ্ট-উপপত্তিষু নিত্যম্ সম-চিত্তত্বম্ চ,

ময়ি চানন্যয়োগেন ভক্তিরব্যভিচারিণী ।

বিবিক্তদেশসেবিত্বমরতির্জনসংসদি ॥ ১৩-১০॥

ময়ি চ অনন্য-য়োগেন ভক্তিঃ অব্যভিচারিণী ।

বিবিক্ত-দেশ-সেবিত্বম্ অরতিঃ জন-সংসদি ॥ ১৩-১০॥

ময়ি চ অনন্য-য়োগেন অব্যভিচারিণী ভক্তিঃ,

বিবিক্ত-দেশ-সেবিত্বম্, জন-সংসদি অরতিঃ,

অধ্যাত্মজ্ঞাননিত্যত্বং তত্ত্বজ্ঞানার্থদর্শনম্ ।
এতজ্জ্ঞানমিতি প্রোক্তমজ্ঞানং য়দতোঽন্যথা ॥ ১৩-১১॥

অধ্যাত্ম-জ্ঞান-নিত্যত্বম্ তত্ত্ব-জ্ঞান-অর্থ-দর্শনম্ ।
এতত্ জ্ঞানম্ ইতি প্রোক্তম্ অজ্ঞানম্ য়ত্ অতঃ অন্যথা ॥ ১৩-১১॥

অধ্যাত্ম-জ্ঞান-নিত্যত্বম্, তত্ত্ব-জ্ঞান-অর্থ-দর্শনম্,
এতত্ জ্ঞানম্ ইতি প্রোক্তম্, য়ত্ অতঃ অন্যথা (তত্) অজ্ঞানম্ ( ইতি প্রোক্তম্) ।

জ্ঞেয়ং য়ত্তত্প্রবক্ষ্যামি য়জ্জ্ঞাত্বামৃতমশ্নুতে ।

অনাদিমত্পরং ব্রহ্ম ন সত্তন্নাসদুচ্যতে ॥ ১৩-১২॥

জ্ঞেয়ম্ য়ত্ তত্ প্রবক্ষ্যামি য়ত্ জ্ঞাত্বা অমৃতম্ অশ্নুতে ।

অনাদিমত্ পরম্ ব্রহ্ম ন সত্ তত্ ন অসত্ উচ্যতে ॥ ১৩-১২॥

য়ত্ জ্ঞেয়ম্, য়ত্ জ্ঞাত্বা (জীবঃ) অমৃতম্ অশ্নুতে, তত্ প্রবক্ষ্যামি ।

তত্ অনাদিমত্ পরম্ ব্রহ্ম সত্ ন, অসত্ (চ) ন (ইতি) উচ্যতে ।

সর্বতঃ পাণিপাদং তত্সর্বতোঽক্ষিশিরোমুখম্ ।

সর্বতঃ শ্রুতিমল্লোকে সর্বমাবৃত্য তিষ্ঠতি ॥ ১৩-১৩॥

সর্বতঃ পাণি-পাদম্ তত্ সর্বতঃ অক্ষি-শিরঃ-মুখম্ ।

সর্বতঃ শ্রুতিমত্ লোকে সর্বম্ আবৃত্য তিষ্ঠতি ॥ ১৩-১৩॥

লোকে তত্ সর্বতঃ পাণি-পাদম্, সর্বতঃ অক্ষি-শিরঃ-মুখম্, সর্বতঃ

শ্রুতিমত্ (অস্তি), সর্বম্ (চ) আবৃত্য তিষ্ঠতি ।

সর্বেন্দ্রিয়গুণাভাসং সর্বেন্দ্রিয়বিবর্জিতম্ ।
অসক্তং সর্বভৃচ্চৈব নির্গুণং গুণভোক্তৃ চ ॥ ১৩-১৪॥

সর্ব-ইন্দ্রিয়-গুণ-আভাসম্ সর্ব-ইন্দ্রিয়-বিবর্জিতম্ ।
অসক্তম্ সর্ব-ভৃত্ চ এব নির্গুণম্ গুণ-ভোক্তৃ চ ॥ ১৩-১৪॥

(তত্) সর্ব-ইন্দ্রিয়-গুণ-আভাসম্, সর্ব-ইন্দ্রিয়-বিবর্জিতম্,

অসক্তম্, সর্ব-ভৃত্ চ এব, নির্গুণম্ গুণ-ভোক্তৃ চ (অস্তি) ।

বহিরন্তশ্চ ভূতানামচরং চরমেব চ ।

সূক্ষ্মত্বাত্তদবিজ্ঞেয়ং দূরস্থং চান্তিকে চ তত্ ॥ ১৩-১৫॥

বহিঃ-অন্তঃ চ ভূতানাম্ অচরম্ চরম্ এব চ ।

সূক্ষ্মত্বাত্ তত্ অবিজ্ঞেয়ম্ দূরস্থম্ চ অন্তিকে চ তত্ ॥ ১৩-১৫॥

তত্ ভূতানাম্ বহিঃ অন্তঃ চ (অস্তি), অচরম্ চরম্ চ এব (অস্তি),

তত্ সূক্ষ্মত্বাত্ অবিজ্ঞেয়ম্ (অস্তি), দূরস্থম্ চ অন্তিকে চ (অস্তি) ।

অবিভক্তং চ ভূতেষু বিভক্তমিব চ স্থিতম্ ।

ভূতভর্তৃ চ তজ্জ্ঞেয়ং গ্রসিষ্ণু প্রভবিষ্ণু চ ॥ ১৩-১৬॥

অবিভক্তম্ চ ভূতেষু বিভক্তম্ ইব চ স্থিতম্ ।

ভূত-ভর্তৃ চ তত্ জ্ঞেয়ম্ গ্রসিষ্ণু প্রভবিষ্ণু চ ॥ ১৩-১৬॥

তত্ জ্ঞেয়ম্ অবিভক্তম্ চ ভূতেষু বিভক্তম্ ইব স্থিতম্,

ভূত-ভর্তৃ চ গ্রসিষ্ণু চ প্রভবিষ্ণু চ (অস্তি) ।

জ্যোতিষামপি তজ্জ্যোতিস্তমসঃ পরমুচ্যতে ।

জ্ঞানং জ্ঞেয়ং জ্ঞানগম্যং হৃদি সর্বস্য ধিষ্ঠিতম্ ॥ ১৩-১৭॥

জ্যোতিষাম্ অপি তত্ জ্যোতিঃ তমসঃ পরম্ উচ্যতে ।

জ্ঞানম্ জ্ঞেয়ম্ জ্ঞানগম্যম্ হৃদি সর্বস্য ধিষ্ঠিতম্ ॥ ১৩-১৭॥

তত্ জ্যোতিষাম্ অপি জ্যোতিঃ (অস্তি), তমসঃ পরম্ উচ্যতে, (তত্)

জ্ঞানম্, জ্ঞেয়ম্, জ্ঞানগম্যম্ (অস্তি), সর্বস্য হৃদি ধিষ্ঠিতম্ (অস্তি) ।

ইতি ক্ষেত্রং তথা জ্ঞানং জ্ঞেয়ং চোক্তং সমাসতঃ ।

মদ্ভক্ত এতদ্বিজ্ঞায় মদ্ভাবায়োপপদ্যতে ॥ ১৩-১৮॥

ইতি ক্ষেত্রম্ তথা জ্ঞানম্ জ্ঞেয়ম্ চ উক্তম্ সমাসতঃ ।

মত্-ভক্তঃ এতত্ বিজ্ঞায় মত্-ভাবায় উপপদ্যতে ॥ ১৩-১৮॥

ইতি ক্ষেত্রম্, তথা জ্ঞানম্ জ্ঞেয়ম্ চ সমাসতঃ উক্তম্,

এতত্ বিজ্ঞায়, মত্-ভক্তঃ মত্-ভাবায় উপপদ্যতে ।
প্রকৃ তিং পুরুষং চৈব বিদ্ধ্যনাদী উভাবপি ।
বিকারাংশ্চ গুণাংশ্চৈব বিদ্ধি প্রকৃতিসম্ভবান্ ॥ ১৩-১৯॥

প্রকৃ তিম্ পুরুষম্ চ এব বিদ্ধি অনাদী উভাউ অপি ।

বিকারান্ চ গুণান্ চ এব বিদ্ধি প্রকৃতি-সম্ভবান্ ॥ ১৩-১৯॥

(ত্বং) প্রকৃ তিম্ পুরুষম্ চ উভাউ অপি অনাদী এব বিদ্ধি ।

বিকারান্ চ গুণান্ চ প্রকৃতি-সম্ভবান্ এব বিদ্ধি ।

কার্যকারণকর্তৃত্বে হেতুঃ প্রকৃতিরুচ্যতে ।

পুরুষঃ সুখদুঃখানাং ভোক্তৃ ত্বে হেতু রুচ্যতে ॥ ১৩-২০॥

কার্য-কারণ-কর্তৃত্বে হেতুঃ প্রকৃতিঃ উচ্যতে ।

পুরুষঃ সুখ-দুঃখানাম্ ভোক্তৃত্বে হেতুঃ উচ্যতে ॥ ১৩-২০॥

প্রকৃ তিঃ কার্য-কারণ-কর্তৃত্বে হেতুঃ উচ্যতে । পুরুষঃ

সুখ-দুঃখানাম্ ভোক্তৃত্বে হেতুঃ উচ্যতে ।

পুরুষঃ প্রকৃ তিস্থো হি ভু ঙ্ক্তে প্রকৃ তিজান্গুণান্ ।

কারণং গুণসঙ্গোঽস্য সদসদ্যোনিজন্মসু ॥ ১৩-২১॥

পুরুষঃ প্রকৃ তিস্থঃ হি ভু ঙ্ক্তে প্রকৃ তিজান্ গুণান্ ।

কারণম্ গুণ-সঙ্গঃ অস্য সত্ অসত্ য়োনি-জন্মসু ॥ ১৩-২১॥

পুরুষঃ প্রকৃ তিস্থঃ (সন্) প্রকৃ তিজান্ গুণান্ ভু ঙ্ক্তে হি ।

গুণ-সঙ্গঃ অস্য সত্-অসত্-য়োনি-জন্মসু কারণম্ (অস্তি) ।

উপদ্রষ্টানুমন্তা চ ভর্তা ভোক্তা মহেশ্বরঃ ।

পরমাত্মেতি চাপ্যুক্তো দেহেঽস্মিন্পুরুষঃ পরঃ ॥ ১৩-২২॥

উপদ্রষ্টা অনুমন্তা চ ভর্তা ভোক্তা মহেশ্বরঃ ।

পরমাত্মা ইতি চ অপি উক্তঃ দেহে অস্মিন্ পুরুষঃ পরঃ ॥ ১৩-২২॥

উপদ্রষ্টা, অনুমন্তা, ভর্তা, চ ভোক্তা, মহেশ্বরঃ, অপি

চ পরমাত্মা ইতি উক্তঃ পরঃ পুরুষঃ অস্মিন্ দেহে (অস্তি) ।

য় এবং বেত্তি পুরুষং প্রকৃতিং চ গুণৈঃ সহ ।

সর্বথা বর্তমানোঽপি ন স ভূয়োঽভিজায়তে ॥ ১৩-২৩॥

য়ঃ এবম্ বেত্তি পুরুষম্ প্রকৃতিম্ চ গুণৈঃ সহ ।

সর্বথা বর্তমানঃ অপি ন সঃ ভূয়ঃ অভিজায়তে ॥ ১৩-২৩॥

য়ঃ এবম্ পুরুষম্ গুণৈঃ সহ প্রকৃতিম্ চ বেত্তি, সঃ

সর্বথা বর্তমানঃ অপি ভূয়ঃ ন অভিজায়তে ।

ধ্যানেনাত্মনি পশ্যন্তি কেচিদাত্মানমাত্মনা ।

অন্যে সাঙ্খ্যেন য়োগেন কর্ময়োগেন চাপরে ॥ ১৩ -২৪॥

ধ্যানেন আত্মনি পশ্যন্তি কেচিত্ আত্মানম্ আত্মনা ।

অন্যে সাঙ্খ্যেন য়োগেন কর্ম-য়োগেন চ অপরে ॥ ১৩-২৪॥

কেচিত্ ধ্যানেন আত্মনা আত্মনি আত্মানম্ পশ্যন্তি ।

অন্যে সাঙ্খ্যেন য়োগেন (আত্মানম্ পশ্যন্তি) । অপরে চ
কর্ম-য়োগেন (আত্মানম্ পশ্যন্তি)।

অন্যে ত্বেবমজানন্তঃ শ্রুত্বান্যেভ্য উপাসতে ।

তেঽপি চাতিতরন্ত্যেব মৃত্যুং শ্রুতিপরায়ণাঃ ॥ ১৩-২৫॥

অন্যে তু এবম্ অজানন্তঃ শ্রুত্বা অন্যেভ্যঃ উপাসতে ।

তে অপি চ অতিতরন্তি এব মৃত্যুম্ শ্রুতি-পরায়ণাঃ ॥ ১৩-২৫॥

অন্যে তু এবম্ অজানন্তঃ অন্যেভ্যঃ শ্রুত্বা উপাসতে, তে

শ্রুতি-পরায়ণাঃ চ অপি মৃত্যুম্ অতিতরন্তি এব ।

য়াবত্সঞ্জায়তে কিঞ্চিত্সত্ত্বং স্থাবরজঙ্গমম্ ।

ক্ষেত্রক্ষেত্রজ্ঞস। ন্যোগাত্তদ্বিদ্ধি ভরতর্ষভ ॥ ১৩-২৬॥

য়াবত্ সঞ্জায়তে কিঞ্চিত্ সত্ত্বম্ স্থাবর-জঙ্গমম্ ।

ক্ষেত্র-ক্ষেত্রজ্ঞ-সংয়োগাত্ তত্ বিদ্ধি ভরতর্ষভ ॥ ১৩-২৬॥

হে ভরতর্ষভ! য়াবত্ কিঞ্চিত্ স্থাবর-জঙ্গমম্ সত্ত্বম্

সঞ্জায়তে, তত্ ক্ষেত্র-ক্ষেত্রজ্ঞ-সংয়োগাত্ (সঞ্জায়তে ইতি ত্বং) বিদ্ধি ।

সমং সর্বেষু ভূতেষু তিষ্ঠন্তং পরমেশ্বরম্ ।

বিনশ্যত্স্ববিনশ্যন্তং য়ঃ পশ্যতি স পশ্যতি ॥ ১৩-২৭॥

সমম্ সর্বেষু ভূতেষু তিষ্ঠন্তম্ পরমেশ্বরম্ ।

বিনশ্যত্সু অবিনশ্যন্তম্ য়ঃ পশ্যতি সঃ পশ্যতি ॥ ১৩-২৭॥

য়ঃ বিনশ্যত্সু সর্বেষু ভূতেষু সমম্ তিষ্ঠন্তম্ অবিনশ্যন্তম্

পরমেশ্বরম্ পশ্যতি, সঃ পশ্যতি ।

সমং পশ্যন্হি সর্বত্র সমবস্থিতমীশ্বরম্ ।

ন হিনস্ত্যাত্মনাত্মানং ততো য়াতি পরাং গতিম্ ॥ ১৩-২৮॥

সমং পশ্যন্ হি সর্বত্র সমবস্থিতম্ ঈশ্বরম্ ।

ন হিনস্তি আত্মনা আত্মানম্ ততঃ য়াতি পরাম্ গতিম্ ॥ ১৩-২৮॥

(য়ঃ) সর্বত্র সমবস্থিতম্ ঈশ্বরম্ সমং পশ্যন্ হি আত্মনা

আত্মানম্ ন হিনস্তি,(সঃ) ততঃ পরাম্ গতিম্ য়াতি ।

প্রকৃ ত্যৈব চ কর্মাণি ক্রিয়মাণানি সর্বশঃ ।

য়ঃ পশ্যতি তথাত্মানমকর্তারং স পশ্যতি ॥ ১৩-২৯॥

প্রকৃ ত্যা এব চ কর্মাণি ক্রিয়মাণানি সর্বশঃ ।

য়ঃ পশ্যতি তথা আত্মানম্ অকর্তারম্ সঃ পশ্যতি ॥ ১৩-২৯॥

য়ঃ চ প্রকৃত্যা এব কর্মাণি সর্বশঃ ক্রিয়মাণানি (সন্তি ইতি পশ্যতি),

তথা আত্মানম্ অকর্তারম্ পশ্যতি, সঃ পশ্যতি ।

য়দা ভূতপৃথগ্ভাবমেকস্থমনুপশ্যতি ।
তত এব চ বিস্তারং ব্রহ্ম সম্পদ্যতে তদা ॥ ১৩-৩০॥

য়দা ভূত-পৃথক্-ভাবম্ একস্থম্ অনুপশ্যতি ।

ততঃ এব চ বিস্তারম্ ব্রহ্ম সম্পদ্যতে তদা ॥ ১৩-৩০॥

য়দা ভূত-পৃথক্-ভাবম্ একস্থম্ চ ততঃ এব

বিস্তারম্ অনুপশ্যতি, তদা ব্রহ্ম সম্পদ্যতে ।

অনাদিত্বান্নির্গুণত্বাত্পরমাত্মায়মব্যয়ঃ ।
শরীরস্থোঽপি কৌন্তেয় ন করোতি ন লিপ্যতে ॥ ১৩-৩১॥

অনাদিত্বাত্ নির্গুণত্বাত্ পরমাত্মা অয়ম্ অব্যয়ঃ ।

শরীরস্থঃ অপি কৌন্তেয় ন করোতি ন লিপ্যতে ॥ ১৩-৩১॥

হে কৌন্তেয়! অয়ম্ পরমাত্মা অনাদিত্বাত্, নির্গুণত্বাত্, অব্যয়ঃ

(অস্তি, অতঃ সঃ) শরীরস্থঃ (সন্) অপি ন করোতি, ন (চ) লিপ্যতে ।
য়থা সর্বগতং সৌক্ষ্ম্যাদাকাশং নোপলিপ্যতে ।
সর্বত্রাবস্থিতো দেহে তথাত্মা নোপলিপ্যতে ॥ ১৩-৩২॥

য়থা সর্বগতম্ সৌক্ষ্ম্যাত্ আকাশম্ ন উপলিপ্যতে ।

সর্বত্র-অবস্থিতঃ দেহে তথা আত্মা ন উপলিপ্যতে ॥ ১৩-৩২॥

য়থা সর্বগতম্ আকাশম্ সৌক্ষ্ম্যাত্ ন উপলিপ্যতে, তথা

সর্বত্র দেহে অবস্থিতঃ আত্মা ন উপলিপ্যতে ।

য়থা প্রকাশয়ত্যেকঃ কৃত্স্নং লোকমিমং রবিঃ ।

ক্ষেত্রং ক্ষেত্রী তথা কৃত্স্নং প্রকাশয়তি ভারত ॥ ১৩-৩৩॥

য়থা প্রকাশয়তি একঃ কৃত্স্নম্ লোকম্ ইমম্ রবিঃ ।

ক্ষেত্রম্ ক্ষেত্রী তথা কৃত্স্নম্ প্রকাশয়তি ভারত ॥ ১৩-৩৩॥

হে ভারত! য়থা একঃ রবিঃ ইমম্ কৃত্স্নম্ লোকম্ প্রকাশয়তি,

তথা ক্ষেত্রী কৃত্স্নম্ ক্ষেত্রম্ প্রকাশয়তি ।

ক্ষেত্রক্ষেত্রজ্ঞয়োরেবমন্তরং জ্ঞানচক্ষুষা ।
ভূতপ্রকৃতিমোক্ষং চ য়ে বিদুর্যান্তি তে পরম্ ॥ ১৩-৩৪॥

ক্ষেত্র-ক্ষেত্রজ্ঞয়োঃ এবম্ অন্তরম্ জ্ঞান-চক্ষুষা ।

ভূত-প্রকৃ তি-মোক্ষম্ চ য়ে বিদুঃ য়ান্তি তে পরম্ ॥ ১৩-৩৪॥

এবম্ য়ে জ্ঞান-চক্ষুষা ক্ষেত্র-ক্ষেত্রজ্ঞয়োঃ অন্তরম্ (জ্ঞানং)

ভূত-প্রকৃ তি-মোক্ষম্ চ বিদুঃ, তে পরম্ য়ান্তি ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
ক্ষেত্রক্ষেত্রজ্ঞবিভাগয়োগো নাম ত্রয়োদশোঽধ্যায়ঃ ॥ ১৩॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
ক্ষেত্র-ক্ষেত্রজ্ঞ-বিভাগ-য়োগঃ নাম ত্রয়োদশঃ অধ্যায়ঃ ॥ ১৩॥

অথ চতুর্দশোঽধ্যায়ঃ । গুণত্রয়বিভাগয়োগঃ ।
অথ চতুর্দশঃ অধ্যায়ঃ । গুণ-ত্রয়-বিভাগ-য়োগঃ ।

শ্রীভগবানুবাচ ।
শ্রীভগবান্ উবাচ ।

পরং ভূ য়ঃ প্রবক্ষ্যামি জ্ঞানানাং জ্ঞানমুত্তমম্ ।

য়জ্জ্ঞাত্বা মুনয়ঃ সর্বে পরাং সিদ্ধিমিতো গতাঃ ॥ ১৪-১॥

পরম্ ভূ য়ঃ প্রবক্ষ্যামি জ্ঞানানাম্ জ্ঞানম্ উত্তমম্ ।

য়ত্ জ্ঞাত্বা মুনয়ঃ সর্বে পরাম্ সিদ্ধিম্ ইতঃ গতাঃ ॥ ১৪-১॥

য়ত্ জ্ঞাত্বা সর্বে মুনয়ঃ ইতঃ পরাম্ সিদ্ধিম্ গতাঃ, (তত্)

জ্ঞানানাম্ উত্তমম্ পরম্ জ্ঞানম্ ভূয়ঃ (অহং তে) প্রবক্ষ্যামি ।

ইদং জ্ঞানমুপাশ্রিত্য মম সাধর্ম্যমাগতাঃ ।

সর্গেঽপি নোপজায়ন্তে প্রলয়ে ন ব্যথন্তি চ ॥ ১৪-২॥

ইদম্ জ্ঞানম্ উপাশ্রিত্য মম সাধর্ম্যম্ আগতাঃ ।

সর্গে অপি ন উপজায়ন্তে প্রলয়ে ন ব্যথন্তি চ ॥ ১৪-২॥

(য়) ইদম্ জ্ঞানম্ উপাশ্রিত্য মম সাধর্ম্যম্ আগতাঃ, (তে)

সর্গে অপি ন উপজায়ন্তে, প্রলয়ে চ ন ব্যথন্তি ।

মম য়োনির্মহদ্ ব্রহ্ম তস্মিন্গর্ভং দধাম্যহম্ ।

সম্ভবঃ সর্বভূতানাং ততো ভবতি ভারত ॥ ১৪-৩॥

মম য়োনিঃ মহত্ ব্রহ্ম তস্মিন্ গর্ভ ম্ দধামি অহম্ ।

সম্ভবঃ সর্ব-ভূতানাম্ ততঃ ভবতি ভারত ॥ ১৪-৩॥

হে ভারত! মহত্ ব্রহ্ম মম য়োনিঃ (অস্তি); তস্মিন্ অহম্

গর্ভম্ দধামি; ততঃ সর্ব-ভূতানাম্ সম্ভবঃ ভবতি ।

সর্বয়োনিষু কৌন্তেয় মূর্তয়ঃ সম্ভবন্তি য়াঃ ।

তাসাং ব্রহ্ম মহদ্যোনিরহং বীজপ্রদঃ পিতা ॥ ১৪-৪॥

সর্ব-য়োনিষু কৌন্তেয় মূর্তয়ঃ সম্ভবন্তি য়াঃ ।

তাসাম্ ব্রহ্ম মহত্ য়োনিঃ অহম্ বীজ-প্রদঃ পিতা ॥ ১৪-৪॥

হে কৌন্তেয়! সর্ব-য়োনিষু য়াঃ মূর্তয়ঃ সম্ভবন্তি তাসাম্

য়োনিঃ মহত্ ব্রহ্ম (অস্তি), অহম্ বীজ-প্রদঃ পিতা (চ অস্মি) ।

সত্ত্বং রজস্তম ইতি গুণাঃ প্রকৃতিসম্ভবাঃ ।

নিবধ্নন্তি মহাবাহো দেহে দেহিনমব্যয়ম্ ॥ ১৪-৫॥

সত্ত্বম্ রজঃ তমঃ ইতি গুণাঃ প্রকৃতি-সম্ভবাঃ ।

নিবধ্নন্তি মহা-বাহো দেহে দেহিনম্ অব্যয়ম্ ॥ ১৪-৫॥

হে মহা-বাহো! সত্ত্বম্ রজঃ তমঃ ইতি গুণাঃ প্রকৃতি-সম্ভবাঃ

(সন্তি, তে) দেহে অব্যয়ম্ দেহিনম্ নিবধ্নন্তি ।

তত্র সত্ত্বং নির্মলত্বাত্প্রকাশকমনাময়ম্ ।

সুখসঙ্গেন বধ্নাতি জ্ঞানসঙ্গেন চানঘ ॥ ১৪-৬॥

তত্র সত্ত্বম্ নির্মলত্বাত্ প্রকাশকম্ অনাময়ম্ ।

সুখ-সঙ্গেন বধ্নাতি জ্ঞান-সঙ্গেন চ অনঘ ॥ ১৪-৬॥

হে অনঘ! তত্র অনাময়ম্ প্রকাশকম্ সত্ত্বম্ নির্মলত্বাত্

(আত্মানং) সুখ-সঙ্গেন জ্ঞান-সঙ্গেন চ বধ্নাতি ।

রজো রাগাত্মকং বিদ্ধি তৃষ্ণাসঙ্গসমুদ্ভবম্ ।

তন্নিবধ্নাতি কৌন্তেয় কর্মসঙ্গেন দেহিনম্ ॥ ১৪-৭॥

রজঃ রাগ-আত্মকম্ বিদ্ধি তৃষ্ণা-সঙ্গ-সমুদ্ভবম্ ।

তত্ নিবধ্নাতি কৌন্তেয় কর্ম-সঙ্গেন দেহিনম্ ॥ ১৪-৭॥

হে কৌন্তেয়! রাগ-আত্মকম্ রজঃ তৃষ্ণা-সঙ্গ-সমুদ্ভবম্

বিদ্ধি । তত্ দেহিনম্ কর্ম-সঙ্গেন নিবধ্নাতি ।

তমস্ত্বজ্ঞানজং বিদ্ধি মোহনং সর্বদেহিনাম্ ।

প্রমাদালস্যনিদ্রাভিস্তন্নিবধ্নাতি ভারত ॥ ১৪-৮॥

তমঃ তু অজ্ঞানজম্ বিদ্ধি মোহনম্ সর্ব-দেহিনাম্ ।

প্রমাদ-আলস্য-নিদ্রাভিঃ তত্ নিবধ্নাতি ভারত ॥ ১৪-৮॥

হে ভারত! তমঃ তু সর্ব-দেহিনাম্ মোহনম্ অজ্ঞানজম্ বিদ্ধি ।

তত্ (দেহিনাম্) প্রমাদ-আলস্য-নিদ্রাভিঃ নিবধ্নাতি ।

সত্ত্বং সুখে সঞ্জয়তি রজঃ কর্মণি ভারত ।

জ্ঞানমাবৃত্য তু তমঃ প্রমাদে সঞ্জয়ত্যুত ॥ ১৪-৯॥
সত্ত্বম্ সুখে সঞ্জয়তি রজঃ কর্মণি ভারত ।
জ্ঞানম্ আবৃত্য তু তমঃ প্রমাদে সঞ্জয়তি উত ॥ ১৪-৯॥

হে ভারত! সত্ত্বম্ (দেহিনাম্) সুখে সঞ্জয়তি, রজঃ কর্মণি,

উত তমঃ তু জ্ঞানম্ আবৃত্য প্রমাদে সঞ্জয়তি ।

রজস্তমশ্চাভিভূয় সত্ত্বং ভবতি ভারত ।

রজঃ সত্ত্বং তমশ্চৈব তমঃ সত্ত্বং রজস্তথা ॥ ১৪-১০॥

রজঃ তমঃ চ অভিভূয় সত্ত্বম্ ভবতি ভারত ।

রজঃ সত্ত্বম্ তমঃ চ এব তমঃ সত্ত্বম্ রজঃ তথা ॥ ১৪-১০॥

হে ভারত! সত্ত্বম্, রজঃ তমঃ এব অভিভূয় (স্বয়ং) ভবতি;

চ রজঃ, সত্ত্বম্ তমঃ চ (অভিভূয় স্বয়ং ভবতি); তথা তমঃ,
সত্ত্বম্ রজঃ (অভিভূয় স্বয়ং ভবতি)।

সর্বদ্বারেষু দেহেঽস্মিন্প্রকাশ উপজায়তে ।

জ্ঞানং য়দা তদা বিদ্যাদ্বিবৃদ্ধং সত্ত্বমিত্যুত ॥ ১৪-১১॥

সর্ব-দ্বারেষু দেহে অস্মিন্ প্রকাশঃ উপজায়তে ।

জ্ঞানম্ য়দা তদা বিদ্যাত্ বিবৃদ্ধম্ সত্ত্বম্ ইতি উত ॥ ১৪-১১॥

উত য়দা অস্মিন্ দেহে সর্ব-দ্বারেষু প্রকাশঃ জ্ঞানম্ (চ)

উপজায়তে, তদা সত্ত্বম্ বিবৃদ্ধম্ ইতি বিদ্যাত্ ।

লোভঃ প্রবৃত্তিরারম্ভঃ কর্মণামশমঃ স্পৃহা ।

রজস্যেতানি জায়ন্তে বিবৃদ্ধে ভরতর্ষভ ॥ ১৪-১২॥

লোভঃ প্রবৃত্তিঃ আরম্ভঃ কর্মণাম্ অশমঃ স্পৃহা ।

রজসি এতানি জায়ন্তে বিবৃদ্ধে ভরতর্ষভ ॥ ১৪-১২॥

হে ভরতর্ষভ! লোভঃ, প্রবৃত্তিঃ, কর্মণাম্ আরম্ভঃ,

অশমঃ, স্পৃহা এতানি (চিহ্নানি) রজসি বিবৃদ্ধে (সতি) জায়ন্তে ।

অপ্রকাশোঽপ্রবৃত্তিশ্চ প্রমাদো মোহ এব চ ।

তমস্যেতানি জায়ন্তে বিবৃদ্ধে কুরুনন্দন ॥ ১৪-১৩॥

অপ্রকাশঃ অপ্রবৃত্তিঃ চ প্রমাদঃ মোহঃ এব চ ।

তমসি এতানি জায়ন্তে বিবৃদ্ধে কুরু-নন্দন ॥ ১৪-১৩॥

হে কুরু-নন্দন! অপ্রকাশঃ, অপ্রবৃত্তিঃ চ, প্রমাদঃ চ,

মোহঃ এব এতানি (চিহ্নানি) তমসি বিবৃদ্ধে (সতি) জায়ন্তে ।

য়দা সত্ত্বে প্রবৃদ্ধে তু প্রলয়ং য়াতি দেহভৃত্ ।

তদোত্তমবিদাং লোকানমলান্প্রতিপদ্যতে ॥ ১৪-১৪॥

য়দা সত্ত্বে প্রবৃদ্ধে তু প্রলয়ম্ য়াতি দেহ-ভৃত্ ।

তদা উত্তম-বিদাম্ লোকান্ অমলান্ প্রতিপদ্যতে ॥ ১৪-১৪॥

য়দা তু সত্ত্বে প্রবৃদ্ধে (সতি) দেহ-ভৃত্ প্রলয়ম্ য়াতি

তদা উত্তম-বিদাম্ অমলান্ লোকান্ প্রতিপদ্যতে ।

রজসি প্রলয়ং গত্বা কর্মসঙ্গিষু জায়তে ।

তথা প্রলীনস্তমসি মূঢয়োনিষু জায়তে ॥ ১৪-১৫॥

রজসি প্রলয়ম্ গত্বা কর্ম-সঙ্গিষু জায়তে ।

তথা প্রলীনঃ তমসি মূঢ-য়োনিষু জায়তে ॥ ১৪-১৫॥

(দেহ-ভৃত্) রজসি প্রলয়ম্ গত্বা কর্ম-সঙ্গিষু জায়তে ।

তথা (সঃ) তমসি প্রলীনঃ মূঢ-য়োনিষু জায়তে ।

কর্মণঃ সুকৃতস্যাহুঃ সাত্ত্বিকং নির্মলং ফলম্ ।

রজসস্তু ফলং দুঃখমজ্ঞানং তমসঃ ফলম্ ॥ ১৪-১৬॥

কর্মণঃ সুকৃতস্য আহুঃ সাত্ত্বিকম্ নির্মলম্ ফলম্ ।

রজসঃ তু ফলম্ দুঃখম্ অজ্ঞানম্ তমসঃ ফলম্ ॥ ১৪-১৬॥

সুকৃতস্য কর্মণঃ সাত্ত্বিকম্ নির্মলম্ ফলম্, রজসঃ ফলম্

তু দুঃখম্, তমসঃ (চ) ফলম্ অজ্ঞানম্ (ইতি) আহুঃ ।

সত্ত্বাত্সঞ্জায়তে জ্ঞানং রজসো লোভ এব চ ।

প্রমাদমোহৌ তমসো ভবতোঽজ্ঞানমেব চ ॥ ১৪-১৭॥

সত্ত্বাত্ সঞ্জায়তে জ্ঞানম্ রজসঃ লোভঃ এব চ ।

প্রমাদ-মোহৌ তমসঃ ভবতঃ অজ্ঞানম্ এব চ ॥ ১৪-১৭॥

সত্ত্বাত্ জ্ঞানম্ সঞ্জায়তে, রজসঃ লোভঃ এব চ

(সঞ্জায়তে), তমসঃ প্রমাদ-মোহৌ ভবতঃ, অজ্ঞানম্ চ এব
(ভবতি) ।

ঊর্ধ্বং গচ্ছন্তি সত্ত্বস্থা মধ্যে তিষ্ঠন্তি রাজসাঃ ।

জঘন্যগুণবৃত্তিস্থা অধো গচ্ছন্তি তামসাঃ ॥ ১৪-১৮॥

ঊর্ধ্বম্ গচ্ছন্তি সত্ত্বস্থাঃ মধ্যে তিষ্ঠন্তি রাজসাঃ ।

জঘন্য-গুণ-বৃত্তিস্থাঃ অধঃ গচ্ছন্তি তামসাঃ ॥ ১৪-১৮॥

সত্ত্বস্থাঃ ঊর্ধ্বম্ গচ্ছন্তি, রাজসাঃ মধ্যে তিষ্ঠন্তি,

জঘন্য-গুণ-বৃত্তিস্থাঃ তামসাঃ অধঃ গচ্ছন্তি ।

নান্যং গুণেভ্যঃ কর্তারং য়দা দ্রষ্টানুপশ্যতি ।

গুণেভ্যশ্চ পরং বেত্তি মদ্ভাবং সোঽধিগচ্ছতি ॥ ১৪-১৯॥

ন অন্যম্ গুণেভ্যঃ কর্তারম্ য়দা দ্রষ্টা অনুপশ্যতি ।

গুণেভ্যঃ চ পরম্ বেত্তি মত্-ভাবম্ সঃ অধিগচ্ছতি ॥ ১৪-১৯॥

য়দা দ্রষ্টা গুণেভ্যঃ অন্যম্ কর্তারম্ ন অনুপশ্যতি, গুণেভ্যঃ

চ পরম্ (আত্মানং) বেত্তি, (তদা) সঃ মত্-ভাবম্ অধিগচ্ছতি ।

গুণানেতানতীত্য ত্রীন্দেহী দেহসমুদ্ভবান্ ।

জন্মমৃত্যুজরাদুঃখৈর্বিমুক্তোঽমৃতমশ্নুতে ॥ ১৪-২০॥

গুণান্ এতান্ অতীত্য ত্রীন্ দেহী দেহ-সমুদ্ভবান্ ।

জন্ম-মৃত্যু-জরা-দুঃখৈঃ বিমুক্তঃ অমৃতম্ অশ্নুতে ॥ ১৪-২০॥

দেহী এতান্ দেহ-সমুদ্ভবান্ ত্রীন্ গুণান্ অতীত্য,

জন্ম-মৃত্যু-জরা-দুঃখৈঃ বিমুক্তঃ (সন্) অমৃতম্ অশ্নুতে ।

অর্জুন উবাচ ।
অর্জুনঃ উবাচ ।

কৈর্লিঙ্গৈস্ত্রীন্গুণানেতানতীতো ভবতি প্রভো ।

কিমাচারঃ কথং চৈতাংস্ত্রীন্গুণানতিবর্ততে ॥ ১৪-২১॥

কৈঃ লিঙ্গৈঃ ত্রীন্ গুণান্ এতান্ অতীতঃ ভবতি প্রভো ।

কিম্ আচারঃ কথম্ চ এতান্ ত্রীন্ গুণান্ অতিবর্ততে ॥ ১৪-২১॥

হে প্রভো! এতান্ ত্রীন্ গুণান্ অতীতঃ (জীবঃ) কৈঃ লিঙ্গৈঃ

(জ্ঞাতঃ) ভবতি? (সঃ) চ কিম্ আচারঃ? (সঃ)
চ এতান্ ত্রীন্ গুণান্ কথম্ অতিবর্ততে?

শ্রীভগবানুবাচ ।
শ্রীভগবান্ উবাচ ।

প্রকাশং চ প্রবৃত্তিং চ মোহমেব চ পাণ্ডব ।

ন দ্বেষ্টি সম্প্রবৃত্তানি ন নিবৃত্তানি কাঙ্ক্ষতি ॥ ১৪-২২॥

প্রকাশম্ চ প্রবৃত্তিম্ চ মোহম্ এব চ পাণ্ডব ।

ন দ্বেষ্টি সম্প্রবৃত্তানি ন নিবৃত্তানি কাঙ্ক্ষতি ॥ ১৪-২২॥

হে পাণ্ডব! প্রকাশম্ চ প্রবৃত্তিম্ চ মোহম্ এব চ

সম্প্রবৃত্তানি ন দ্বেষ্টি, নিবৃত্তানি (চ) ন কাঙ্ক্ষতি ।

উদাসীনবদাসীনো গুণৈর্যো ন বিচাল্যতে ।

গুণা বর্তন্ত ইত্যেবং য়োঽবতিষ্ঠতি নেঙ্গতে ॥ ১৪-২৩॥

উদাসীনবত্ আসীনঃ গুণৈঃ য়ঃ ন বিচাল্যতে ।

গুণাঃ বর্তন্তে ইতি এবম্ য়ঃ অবতিষ্ঠতি ন ইঙ্গতে ॥ ১৪-২৩॥

য়ঃ উদাসীনবত্ আসীনঃ গুণৈঃ ন বিচাল্যতে, য়ঃ (চ) গুণাঃ

বর্তন্তে ইতি (মত্বা) এবম্ অবতিষ্ঠতি, (চ) ন ইঙ্গতে ।

সমদুঃখসুখঃ স্বস্থঃ সমলোষ্টাশ্মকাঞ্চনঃ ।

তুল্যপ্রিয়াপ্রিয়ো ধীরস্তুল্যনিন্দাত্মসংস্তুতিঃ ॥ ১৪-২৪॥

সম-দুঃখ-সুখঃ স্বস্থঃ সম-লোষ্ট-অশ্ম-কাঞ্চনঃ ।

তুল্য-প্রিয়-অপ্রিয়ঃ ধীরঃ তুল্য-নিন্দা-আত্ম-সংস্তুতিঃ ॥ ১৪-২৪॥

(য়ঃ) সম-দুঃখ-সুখঃ, স্বস্থঃ, সম-লোষ্ট-অশ্ম-কাঞ্চনঃ,

তুল্য-প্রিয়-অপ্রিয়ঃ, ধীরঃ, তুল্য-নিন্দা-আত্ম-সংস্তুতিঃ,

মানাপমানয়োস্তু ল্যস্তু ল্যো মিত্রারিপক্ষয়োঃ ।

সর্বারম্ভপরিত্যাগী গুণাতীতঃ স উচ্যতে ॥ ১৪-২৫॥

মান-অপমানয়োঃ তুল্যঃ তুল্যঃ মিত্র-অরি-পক্ষয়োঃ ।

সর্ব-আরম্ভ-পরিত্যাগী গুণাতীতঃ সঃ উচ্যতে ॥ ১৪-২৫॥

(য়ঃ) মান-অপমানয়োঃ তুল্যঃ, মিত্র-অরি-পক্ষয়োঃ তু ল্যঃ,

সর্ব-আরম্ভ-পরিত্যাগী (চ অস্তি) সঃ গুণাতীতঃ উচ্যতে ।

মাং চ য়োঽব্যভিচারেণ ভক্তিয়োগেন সেবতে ।

স গুণান্সমতীত্যৈতান্ব্রহ্মভূয়ায় কল্পতে ॥ ১৪-২৬॥

মাম্ চ য়ঃ অব্যভিচারেণ ভক্তি-য়োগেন সেবতে ।

সঃ গুণান্ সমতীত্য এতান্ ব্রহ্ম-ভূয়ায় কল্পতে ॥ ১৪-২৬॥

য়ঃ মাম্ চ অব্যভিচারেণ ভক্তি-য়োগেন সেবতে, সঃ এতান্

গুণান্ সমতীত্য, ব্রহ্ম-ভূয়ায় কল্পতে ।

ব্রহ্মণো হি প্রতিষ্ঠাহমমৃতস্যাব্যয়স্য চ ।
শাশ্বতস্য চ ধর্মস্য সুখস্যৈকান্তিকস্য চ ॥ ১৪-২৭॥

ব্রহ্মণঃ হি প্রতিষ্ঠা অহম্ অমৃতস্য অব্যয়স্য চ ।

শাশ্বতস্য চ ধর্মস্য সুখস্য একান্তিকস্য চ ॥ ১৪-২৭॥

অমৃতস্য অব্যয়স্য চ ব্রহ্মণঃ, শাশ্বতস্য চ ধর্মস্য,

একান্তিকস্য সুখস্য চ হি অহম্ প্রতিষ্ঠা (অস্মি) ।
ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
গুণত্রয়বিভাগয়োগো নাম চতুর্দশোঽধ্যায়ঃ ॥ ১৪॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
গুণ-ত্রয়-বিভাগ-য়োগঃ নাম চতুর্দশঃ অধ্যায়ঃ ॥ ১৪॥

অথ পঞ্চদশোঽধ্যায়ঃ । পুরুষোত্তময়োগঃ ।
অথ পঞ্চদশঃ অধ্যায়ঃ । পুরুষোত্তম-য়োগঃ ।

শ্রীভগবানুবাচ ।
শ্রীভগবান্ উবাচ ।

ঊর্ধ্বমূলমধঃশাখমশ্বত্থং প্রাহুরব্যয়ম্ ।
ছন্দাংসি য়স্য পর্ণানি য়স্তং বেদ স বেদবিত্ ॥ ১৫-১॥

ঊর্ধ্ব-মূলম্ অধঃ-শাখম্ অশ্বত্থম্ প্রাহুঃ অব্যয়ম্ ।

ছন্দাংসি য়স্য পর্ণানি য়ঃ তম্ বেদ সঃ বেদবিত্ ॥ ১৫-১॥

ছন্দাংসি য়স্য পর্ণানি (সন্তি তং) অশ্বত্থম্ ঊর্ধ্ব-মূলম্

অধঃ-শাখম্ অব্যয়ম্ প্রাহুঃ । য়ঃ তম্ বেদ, সঃ বেদবিত্ (ইতি উচ্যতে)।

অধশ্চোর্ধ্বং প্রসৃতাস্তস্য শাখা

গুণপ্রবৃদ্ধা বিষয়প্রবালাঃ ।
অধশ্চ মূলান্যনুসন্ততানি
কর্মানুবন্ধীনি মনুষ্যলোকে ॥ ১৫-২॥

অধঃ চ ঊর্ধ্বম্ প্রসৃতাঃ তস্য শাখাঃ

গুণ-প্রবৃদ্ধাঃ বিষয়-প্রবালাঃ ।
অধঃ চ মূলানি অনুসন্ততানি
কর্ম-অনুবন্ধীনি মনুষ্য-লোকে ॥ ১৫-২॥

তস্য গুণ-প্রবৃদ্ধাঃ বিষয়-প্রবালাঃ শাখাঃ অধঃ

ঊর্ধ্বম্ চ প্রসৃতাঃ (সন্তি) অধঃ চ মনুষ্য-লোকে
কর্ম-অনুবন্ধীনি মূলানি অনুসন্ততানি (সন্তি)।

ন রূপমস্যেহ তথোপলভ্যতে
নান্তো ন চাদির্ন চ সম্প্রতিষ্ঠা ।
অশ্বত্থমেনং সুবিরূঢমূলং
অসঙ্গশস্ত্রেণ দৃঢেন ছিত্ত্বা ॥ ১৫-৩॥

ন রূপম্ অস্য ইহ তথা উপলভ্যতে

ন অন্তঃ ন চ আদিঃ ন চ সম্প্রতিষ্ঠা ।
অশ্বত্থম্ এনম্ সুবিরূঢ-মূলম্
অসঙ্গ-শস্ত্রেণ দৃঢেন ছিত্ত্বা ॥ ১৫-৩॥

(য়থা অয়ং বর্ণিতঃ) তথা অস্য রূপম্ ইহ ন উপলভ্যতে ।

(অস্য) অন্তঃ ন, আদিঃ চ ন, সম্প্রতিষ্ঠা চ ন (উপলভ্যতে),
সুবিরূঢ-মূলম্ এনম্ অশ্বত্থম্ দৃঢেন অসঙ্গ-শস্ত্রেণ ছিত্ত্বা,

ততঃ পদং তত্পরিমার্গিতব্যং

য়স্মিন্গতা ন নিবর্তন্তি ভূয়ঃ ।
তমেব চাদ্যং পুরুষং প্রপদ্যে ।
য়তঃ প্রবৃত্তিঃ প্রসৃতা পুরাণী ॥ ১৫-৪॥

ততঃ পদম্ তত্ পরিমার্গিতব্যং

 য়স্মিন্ গতাঃ ন নিবর্তন্তি ভূয়ঃ ।
তম্ এব চ আদ্যম্ পুরুষম্ প্রপদ্যে ।
য়তঃ প্রবৃত্তিঃ প্রসৃতা পুরাণী ॥ ১৫-৪॥

ততঃ য়তঃ পুরাণী প্রবৃত্তিঃ প্রসৃতা তম্ এব চ আদ্যম্

পুরুষম্ প্রপদ্যে, (ইতি) তত্ পদম্ পরিমার্গিতব্যং, য়স্মিন্
গতাঃ ভূয়ঃ ন নিবর্তন্তি ।

নির্মানমোহা জিতসঙ্গদোষা
অধ্যাত্মনিত্যা বিনিবৃত্তকামাঃ ।
দ্বন্দ্বৈর্বিমুক্তাঃ সুখদুঃখসংজ্ঞৈর্-
গচ্ছন্ত্যমূঢাঃ পদমব্যয়ং তত্ ॥ ১৫-৫॥

নির্মান-মোহাঃ জিতসঙ্গদোষাঃ
অধ্যাত্ম-নিত্যাঃ বিনিবৃত্ত-কামাঃ ।
দ্বন্দ্বৈঃ বিমুক্তাঃ সুখ-দুঃখ-সংজ্ঞৈঃ
গচ্ছন্তি অমূঢাঃ পদম্ অব্যয়ং তত্ ॥ ১৫-৫॥

নির্মান-মোহাঃ, জিতসঙ্গদোষাঃ, অধ্যাত্ম-নিত্যাঃ,

বিনিবৃত্ত-কামাঃ, সুখ-দুঃখ-সংজ্ঞৈঃ দ্বন্দ্বৈঃ বিমুক্তাঃ,
অমূঢাঃ, তত্ অব্যয়ং পদম্ গচ্ছন্তি ।

ন তদ্ভাসয়তে সূর্যো ন শশাঙ্কো ন পাবকঃ ।

য়দ্গত্বা ন নিবর্তন্তে তদ্ধাম পরমং মম ॥ ১৫-৬॥

ন তত্ ভাসয়তে সূর্যঃ ন শশাঙ্কঃ ন পাবকঃ ।

য়ত্ গত্বা ন নিবর্তন্তে তত্ ধাম পরমম্ মম ॥ ১৫-৬॥

ন সূর্যঃ, ন শশাঙ্কঃ, ন পাবকঃ (চ) তত্ (পদং) ভাসয়তে ।

য়ত্ গত্বা ন নিবর্তন্তে তত্ মম পরমম্ ধাম ।

মমৈবাংশো জীবলোকে জীবভূ তঃ সনাতনঃ ।

মনঃষষ্ঠানীন্দ্রিয়াণি প্রকৃ তিস্থানি কর্ষতি ॥ ১৫-৭॥

মম এব অংশঃ জীব-লোকে জীব-ভূতঃ সনাতনঃ ।

মনঃ-ষষ্ঠানি-ইন্দ্রিয়াণি প্রকৃতি-স্থানি কর্ষতি ॥ ১৫-৭॥

(অস্মিন্) জীব-লোকে মম এব সনাতনঃ অংশঃ জীব-ভূতঃ

(অস্তি, সঃ) প্রকৃ তি-স্থানি মনঃ-ষষ্ঠানি-ইন্দ্রিয়াণি কর্ষতি ।

শরীরং য়দবাপ্নোতি য়চ্চাপ্যুত্ক্রামতীশ্বরঃ ।

গৃহীত্বৈতানি সংয়াতি বায়ুর্গন্ধানিবাশয়াত্ ॥ ১৫-৮॥

শরীরম্ য়ত্ অবাপ্নোতি য়ত্ চ অপি উত্ক্রামতি ঈশ্বরঃ ।

গৃহীত্বা এতানি সংয়াতি বায়ুঃ গন্ধান্ ইব আশয়াত্ ॥ ১৫-৮॥

য়ত্ (এষঃ) ঈশ্বরঃ শরীরম্ অবাপ্নোতি, অপি চ য়ত্ উত্ক্রামতি

(তত্) বায়ুঃ আশয়াত্ গন্ধান্ ইব, এতানি গৃহীত্বা সংয়াতি ।

শ্রোত্রং চক্ষুঃ স্পর্শনং চ রসনং ঘ্রাণমেব চ ।

অধিষ্ঠায় মনশ্চায়ং বিষয়ানুপসেবতে ॥ ১৫-৯॥

শ্রোত্রম্ চক্ষুঃ স্পর্শনম্ চ রসনম্ ঘ্রাণম্ এব চ ।

অধিষ্ঠায় মনঃ চ অয়ম্ বিষয়ান্ উপসেবতে ॥ ১৫-৯॥

অয়ম্ (জীবঃ) শ্রোত্রম্ চক্ষুঃ স্পর্শনম্ চ, রসনম্

ঘ্রাণম্ মনঃ চ এব অধিষ্ঠায় বিষয়ান্ উপসেবতে ।

উত্ক্রামন্তং স্থিতং বাপি ভুঞ্জানং বা গুণান্বিতম্ ।

বিমূঢা নানুপশ্যন্তি পশ্যন্তি জ্ঞানচক্ষুষঃ ॥ ১৫-১০॥

উত্ক্রামন্তম্ স্থিতম্ বা অপি ভুঞ্জানম্ বা গুণ-অন্বিতম্ ।

বিমূঢাঃ ন অনুপশ্যন্তি পশ্যন্তি জ্ঞান-চক্ষুষঃ ॥ ১৫-১০॥

উত্ক্রামন্তম্ স্থিতম্ বা, ভুঞ্জানম্ গুণ-অন্বিতম্ বা অপি

বিমূঢাঃ ন অনুপশ্যন্তি, জ্ঞান-চক্ষুষঃ পশ্যন্তি ।

য়তন্তো য়োগিনশ্চৈনং পশ্যন্ত্যাত্মন্যবস্থিতম্ ।

য়তন্তোঽপ্যকৃতাত্মানো নৈনং পশ্যন্ত্যচেতসঃ ॥ ১৫-১১॥

য়তন্তঃ য়োগিনঃ চ এনম্ পশ্যন্তি আত্মনি অবস্থিতম্ ।

য়তন্তঃ অপি অকৃত-আত্মানঃ ন এনম্ পশ্যন্তি অচেতসঃ ॥ ১৫-১১॥

য়তন্তঃ য়োগিনঃ আত্মনি অবস্থিতম্ এনম্ পশ্যন্তি, অচেতসঃ

অকৃত-আত্মানঃ চ য়তন্তঃ অপি এনম্ ন পশ্যন্তি ।

য়দাদিত্যগতং তেজো জগদ্ভাসয়তেঽখিলম্ ।

য়চ্চন্দ্রমসি য়চ্চাগ্নৌ তত্তেজো বিদ্ধি মামকম্ ॥ ১৫-১২॥

য়ত্ আদিত্য-গতং তেজঃ জগত্ ভাসয়তে অখিলম্ ।

য়ত্ চন্দ্রমসি য়ত্ চ অগ্নৌ তত্ তেজঃ বিদ্ধি মামকম্ ॥ ১৫-১২॥

য়ত্ আদিত্য-গতং তেজঃ অখিলম্ জগত্ ভাসয়তে, য়ত্ চ চন্দ্রমসি,

য়ত্ চ অগ্নৌ (স্থিতং অস্তি), তত্ মামকম্ তেজঃ (অস্তি ইতি ত্বং) বিদ্ধি ।

গামাবিশ্য চ ভূতানি ধারয়াম্যহমোজসা ।

পুষ্ণামি চৌষধীঃ সর্বাঃ সোমো ভূ ত্বা রসাত্মকঃ ॥ ১৫-১৩॥

গাম্ আবিশ্য চ ভূতানি ধারয়ামি অহম্ ওজসা ।

পুষ্ণামি চ ওষধীঃ সর্বাঃ সোমঃ ভূ ত্বা রসাত্মকঃ ॥ ১৫-১৩॥

অহম্ চ গাম্ আবিশ্য ভূতানি ওজসা ধারয়ামি । রসাত্মকঃ

সোমঃ ভূত্বা চ সর্বাঃ ওষধীঃ পুষ্ণামি ।

অহং বৈশ্বানরো ভূত্বা প্রাণিনাং দেহমাশ্রিতঃ ।

প্রাণাপানসমায়ুক্তঃ পচাম্যন্নং চতু র্বিধম্ ॥ ১৫-১৪॥

অহম্ বৈশ্বানরঃ ভূত্বা প্রাণিনাম্ দেহম্ আশ্রিতঃ ।

প্রাণ-অপান-সম-আয়ুক্তঃ পচামি অন্নম্ চতুর্বিধম্ ॥ ১৫-১৪॥

অহম্ প্রাণিনাম্ দেহম্ আশ্রিতঃ প্রাণ-অপান-সম-আয়ুক্তঃ

বৈশ্বানরঃ ভূত্বা চতুর্বিধম্ অন্নম্ পচামি ।

সর্বস্য চাহং হৃদি সন্নিবিষ্টো

মত্তঃ স্মৃতির্জ্ঞানমপোহনঞ্চ ।
বেদৈশ্চ সর্বৈরহমেব বেদ্যো
বেদান্তকৃদ্বেদবিদেব চাহম্ ॥ ১৫-১৫॥

সর্বস্য চ অহম্ হৃদি সন্নিবিষ্টঃ

মত্তঃ স্মৃতিঃ জ্ঞানম্ অপোহনম্ চ ।
বেদৈঃ চ সর্বৈঃ অহম্ এব বেদ্যঃ
বেদান্ত-কৃত্ বেদ-বিত্ এব চ অহম্ ॥ ১৫-১৫॥

অহম্ সর্বস্য হৃদি সন্নিবিষ্টঃ (অস্মি), মত্তঃ (সর্বস্য)

স্মৃতিঃ জ্ঞানম্ অপোহনম্ চ (ভবতি) অহম্ চ এব
সর্বৈঃ বেদৈঃ বেদ্যঃ (অস্মি), অহম্ এব চ বেদান্ত-কৃত্
বেদ-বিত্ চ (অস্মি) ।
দ্বাবিমৌ পুরুষৌ লোকে ক্ষরশ্চাক্ষর এব চ ।
ক্ষরঃ সর্বাণি ভূতানি কূটস্থোঽক্ষর উচ্যতে ॥ ১৫-১৬॥

দ্বৌ ইমৌ পুরুষৌ লোকে ক্ষরঃ চ অক্ষরঃ এব চ ।

ক্ষরঃ সর্বাণি ভূতানি কূটস্থঃ অক্ষরঃ উচ্যতে ॥ ১৫-১৬॥

(অস্মিন্) লোকে ক্ষরঃ অক্ষরঃ চ এব ইমৌ দ্বৌ পুরুষৌ (স্তঃ),

সর্বাণি ভূতানি ক্ষরঃ, কূটস্থঃ চ অক্ষরঃ উচ্যতে ।

উত্তমঃ পুরুষস্ত্বন্যঃ পরমাত্মেত্যুদাহৃতঃ ।

য়ো লোকত্রয়মাবিশ্য বিভর্ত্যব্যয় ঈশ্বরঃ ॥ ১৫-১৭॥

উত্তমঃ পুরুষঃ তু অন্যঃ পরম্-আত্মা ইতি উদাহৃতঃ ।

য়ঃ লোক-ত্রয়ম্ আবিশ্য বিভর্তি অব্যয়ঃ ঈশ্বরঃ ॥ ১৫-১৭॥

উত্তমঃ পুরুষঃ তু অন্যঃ (অস্তি), (সঃ) পরম্-আত্মা ইতি

উদাহৃতঃ য়ঃ অব্যয়ঃ ঈশ্বরঃ লোক-ত্রয়ম্ আবিশ্য (তত্) বিভর্তি ।

য়স্মাত্ক্ষরমতীতোঽহমক্ষরাদপি চোত্তমঃ ।
অতোঽস্মি লোকে বেদে চ প্রথিতঃ পুরুষোত্তমঃ ॥ ১৫-১৮॥

য়স্মাত্ ক্ষরম্ অতীতঃ অহম্ অক্ষরাত্ অপি চ উত্তমঃ ।

অতঃ অস্মি লোকে বেদে চ প্রথিতঃ পুরুষোত্তমঃ ॥ ১৫-১৮॥

য়স্মাত্ অহম্ ক্ষরম্ অতীতঃ, অক্ষরাত্ অপি চ উত্তমঃ

(অস্মি), অতঃ (অহং) লোকে বেদে চ পুরুষোত্তমঃ ইতি প্রথিতঃ অস্মি ।

য়ো মামেবমসম্মূঢো জানাতি পুরুষোত্তমম্ ।

স সর্ববিদ্ভজতি মাং সর্বভাবেন ভারত॥ ১৫-১৯॥

য়ঃ মাম্ এবম্ অসম্মূঢঃ জানাতি পুরুষোত্তমম্ ।

সঃ সর্ব-বিত্ ভজতি মাম্ সর্ব-ভাবেন ভারত ॥ ১৫-১৯॥

হে ভারত! য়ঃ অসম্মূঢঃ মাম্ পুরুষোত্তমম্ এবম্ জানাতি,

সঃ সর্ব-বিত্ (ভূত্বা) মাম্ সর্ব-ভাবেন ভজতি ।

ইতি গুহ্যতমং শাস্ত্রমিদমুক্তং ময়ানঘ ।

এতদ্বুদ্ধ্বা বুদ্ধিমান্স্যাত্কৃতকৃত্যশ্চ ভারত ॥ ১৫-২০॥

ইতি গুহ্যতমম্ শাস্ত্রম্ ইদম্ উক্তম্ ময়া অনঘ ।

এতত্ বুদ্ধ্বা বুদ্ধিমান্ স্যাত্ কৃতকৃত্যঃ চ ভারত ॥ ১৫-২০॥

হে অনঘ! ইতি গুহ্যতমম্ ইদম্ শাস্ত্রম্ ময়া উক্তম্,

হে ভারত! এতত্ বুদ্ধ্বা (জীবঃ) বুদ্ধিমান্ কৃতকৃত্যঃ চ স্যাত্ ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
পুরুষোত্তময়োগো নাম পঞ্চদশোঽধ্যায়ঃ ॥ ১৫॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদেপুরুষোত্তম-য়োগো
নাম পঞ্চদশঃ অধ্যায়ঃ ॥ ১৫॥

অথ ষোডশোঽধ্যায়ঃ । দৈবাসুরসম্পদ্বিভাগয়োগঃ ।
অথ ষোডশঃ অধ্যায়ঃ । দৈব-আসুর-সম্পত্-বিভাগ-য়োগঃ ।

শ্রীভগবানুবাচ ।
শ্রীভগবান্ উবাচ ।

অভয়ং সত্ত্বসংশুদ্ধির্জ্ঞানয়োগব্যবস্থিতিঃ ।
দানং দমশ্চ য়জ্ঞশ্চ স্বাধ্যায়স্তপ আর্জবম্ ॥ ১৬-১॥

অভয়ম্ সত্ত্ব-সংশুদ্ধিঃ জ্ঞান-য়োগ-ব্যবস্থিতিঃ ।

দানম্ দমঃ চ য়জ্ঞঃ চ স্বাধ্যায়ঃ তপঃ আর্জবম্ ॥ ১৬-১॥

অভয়ম্, সত্ত্ব-সংশুদ্ধিঃ, জ্ঞান-য়োগ-ব্যবস্থিতিঃ, দানম্,

দমঃ চ য়জ্ঞঃ চ, স্বাধ্যায়ঃ, তপঃ, আর্জবম্,

অহিংসা সত্যমক্রোধস্ত্যাগঃ শান্তিরপৈশুনম্ ।

দয়া ভূতেষ্বলোলুপ্ত্বং মার্দবং হ্রীরচাপলম্ ॥ ১৬-২॥

অহিংসা সত্যম্ অক্রোধঃ ত্যাগঃ শান্তিঃ অপৈশুনম্ ।

দয়া ভূতেষু অলোলুপ্ত্বম্ মার্দবম্ হ্রীঃ অচাপলম্ ॥ ১৬-২॥

অহিংসা, সত্যম্, অক্রোধঃ, ত্যাগঃ, শান্তিঃ, অপৈশুনম্,

ভূতেষু দয়া, অলোলুপ্ত্বম্, মার্দবম্, হ্রীঃ, অচাপলম্,

তেজঃ ক্ষমা ধৃতিঃ শৌচমদ্রোহো নাতিমানিতা ।

ভবন্তি সম্পদং দৈবীমভিজাতস্য ভারত ॥ ১৬-৩॥

তেজঃ ক্ষমা ধৃতিঃ শৌচম্ অদ্রোহঃ ন অতি-মানিতা ।

ভবন্তি সম্পদম্ দৈবীম্ অভিজাতস্য ভারত ॥ ১৬-৩॥

হে ভারত! তেজঃ, ক্ষমা, ধৃতিঃ, শৌচম্, অদ্রোহঃ,

ন অতি-মানিতা (ইতি এতানি লক্ষণানি) দৈবীম্ সম্পদম্
অভিজাতস্য (পুরুষস্য) ভবন্তি ।

দম্ভো দর্পোঽভিমানশ্চ ক্রোধঃ পারুষ্যমেব চ ।

অজ্ঞানং চাভিজাতস্য পার্থ সম্পদমাসুরীম্ ॥ ১৬-৪॥

দম্ভঃ দর্পঃ অভিমানঃ চ ক্রোধঃ পারুষ্যম্ এব চ ।

অজ্ঞানম্ চ অভিজাতস্য পার্থ সম্পদম্ আসুরীম্ ॥ ১৬-৪॥

হে পার্থ! দম্ভঃ, দর্পঃ, অভিমানঃ চ, ক্রোধঃ, পারুষ্যম্,

এব চ অজ্ঞানম্ চ (এতানি লক্ষ্ণানি) আসুরীম্ সম্পদম্
অভিজাতস্য (পুরুষস্য ভবন্তি) ।

দৈবী সম্পদ্বিমোক্ষায় নিবন্ধায়াসুরী মতা ।

মা শুচঃ সম্পদং দৈবীমভিজাতোঽসি পাণ্ডব ॥ ১৬-৫॥

দৈবী সম্পত্ বিমোক্ষায় নিবন্ধায় আসুরী মতা ।

মা শুচঃ সম্পদম্ দৈবীম্ অভিজাতঃ অসি পাণ্ডব ॥ ১৬-৫॥

দৈবী সম্পত্ বিমোক্ষায়, আসুরী (সম্পত্ চ) নিবন্ধায় মতা ।

হে পাণ্ডব! (ত্বং) দৈবীম্ সম্পদম্ অভিজাতঃ অসি, মা শুচঃ ।

দ্বৌ ভূতসর্গৌ লোকেঽস্মিন্দৈব আসুর এব চ ।

দৈবো বিস্তরশঃ প্রোক্ত আসুরং পার্থ মে শৃণু ॥ ১৬-৬॥

দ্বৌ ভূত-সর্গৌ লোকে অস্মিন্ দৈবঃ আসুরঃ এব চ ।

দৈবঃ বিস্তরশঃ প্রোক্তঃ আসুরম্ পার্থ মে শৃণু ॥ ১৬-৬॥

হে পার্থ! অস্মিন্ লোকে দৈবঃ আসুরঃ চ এব দ্বৌ

ভূত-সর্গৌ (স্তঃ তত্র) দৈবঃ বিস্তরশঃ প্রোক্তঃ আসুরম্ মে শৃণু ।

প্রবৃত্তিং চ নিবৃত্তিং চ জনা ন বিদুরাসুরাঃ ।

ন শৌচং নাপি চাচারো ন সত্যং তেষু বিদ্যতে ॥ ১৬-৭॥

প্রবৃত্তিম্ চ নিবৃত্তিম্ চ জনাঃ ন বিদুঃ আসুরাঃ ।

ন শৌচম্ ন অপি চ আচারঃ ন সত্যম্ তেষু বিদ্যতে ॥ ১৬-৭॥

আসুরাঃ জনাঃ প্রবৃত্তিম্ চ নিবৃত্তিম্ চ ন বিদুঃ, তেষু চ

ন শৌচম্, ন আচারঃ, ন অপি সত্যম্ বিদ্যতে ।

অসত্যমপ্রতিষ্ঠং তে জগদাহুরনীশ্বরম্ ।
অপরস্পরসম্ভূতং কিমন্যত্কামহৈতুকম্ ॥ ১৬-৮॥

অসত্যম্ অপ্রতিষ্ঠম্ তে জগত্ আহুঃ অনীশ্বরম্ ।

অপরস্পর-সম্ভূতং কিম্ অন্যত্ কাম-হৈতুকম্ ॥ ১৬-৮॥

(ইদং) জগত্ অসত্যম্, অপ্রতিষ্ঠম্, অনীশ্বরম্, অপরস্পর-সম্ভূতং

কাম-হৈতুকম্ (চ অস্তি) অন্যত্ কিম্ (ইতি) তে আহুঃ ।

এতাং দৃষ্টিমবষ্টভ্য নষ্টাত্মানোঽল্পবুদ্ধয়ঃ ।

প্রভবন্ত্যুগ্রকর্মাণঃ ক্ষয়ায় জগতোঽহিতাঃ ॥ ১৬-৯॥

এতাম্ দৃষ্টিম্ অবষ্টভ্য নষ্ট-আত্মানঃ অল্প-বুদ্ধয়ঃ ।

প্রভবন্তি উগ্র-কর্মাণঃ ক্ষয়ায় জগতঃ অহিতাঃ ॥ ১৬-৯॥

এতাম্ দৃষ্টিম্ অবষ্টভ্য নষ্ট-আত্মানঃ, অল্প-বুদ্ধয়ঃ,

উগ্র-কর্মাণঃ, অহিতাঃ জগতঃ ক্ষয়ায় প্রভবন্তি ।

কামমাশ্রিত্য দুষ্পূরং দম্ভমানমদান্বিতাঃ ।

মোহাদ্গৃহীত্বা সদ্গ্রাহান্প্রবর্ত ন্তেঽশুচিব্রতাঃ ॥ ১৬-১০॥

কামম্ আশ্রিত্য দুষ্পূরম্ দম্ভ-মান-মদ-অন্বিতাঃ ।

মোহাত্ গৃহীত্বা অসত্ গ্রাহান্ প্রবর্ত ন্তে অশুচি-ব্রতাঃ ॥ ১৬-১০॥

দুষ্পূরম্ কামম্ আশ্রিত্য, মোহাত্ অসত্ গ্রাহান্ গৃহীত্বা,

অশুচি-ব্রতাঃ দম্ভ-মান-মদ-অন্বিতাঃ প্রবর্তন্তে ।

চিন্তামপরিমেয়াং চ প্রলয়ান্তামুপাশ্রিতাঃ ।
কামোপভোগপরমা এতাবদিতি নিশ্চিতাঃ ॥ ১৬-১১॥

চিন্তাম্ অপরিমেয়াম্ চ প্রলয়ান্তাম্ উপাশ্রিতাঃ ।

কাম-উপভোগ-পরমাঃ এতাবত্ ইতি নিশ্চিতাঃ ॥ ১৬-১১॥

(তে) অপরিমেয়াম্ প্রলয়ান্তাম্ চিন্তাম্ উপাশ্রিতাঃ

কাম-উপভোগ-পরমাঃ চ , এতাবত্ ইতি নিশ্চিতাঃ ।

আশাপাশশতৈর্বদ্ধাঃ কামক্রোধপরায়ণাঃ ।
ঈহন্তে কামভোগার্থমন্যায়েনার্থসঞ্চয়ান্ ॥ ১৬-১২॥

আশা-পাশ-শতৈঃ বদ্ধাঃ কাম-ক্রোধ-পরায়ণাঃ ।

ঈহন্তে কাম-ভোগার্থম্ অন্যায়েন অর্থ-সঞ্চয়ান্ ॥ ১৬-১২॥

আশা-পাশ-শতৈঃ বদ্ধাঃ, কাম-ক্রোধ-পরায়ণাঃ,

কাম-ভোগার্থম্ অন্যায়েন অর্থ-সঞ্চয়ান্ ঈহন্তে ।

ইদমদ্য ময়া লব্ধমিমং প্রাপ্স্যে মনোরথম্ ।

ইদমস্তীদমপি মে ভবিষ্যতি পুনর্ধনম্ ॥ ১৬-১৩॥

ইদম্ অদ্য ময়া লব্ধম্ ইমম্ প্রাপ্স্যে মনোরথম্ ।

ইদম্ অস্তি ইদম্ অপি মে ভবিষ্যতি পুনঃ ধনম্ ॥ ১৬-১৩॥
অদ্য ইদম্ ময়া লব্ধম্, ইমম্ মনোরথম্ (শ্বঃ) প্রাপ্স্যে,
ইদম্ ধনম্ (অধুনা) অস্তি, ইদম্ অপি ( ধনম্ চ) মে পুনঃ
ভবিষ্যতি ।

অসৌ ময়া হতঃ শত্রুর্হনিষ্যে চাপরানপি ।

ঈশ্বরোঽহমহং ভোগী সিদ্ধোঽহং বলবান্সুখী ॥ ১৬-১৪॥

অসৌ ময়া হতঃ শত্রুঃ হনিষ্যে চ অপরান্ অপি ।

ঈশ্বরঃ অহম্ অহং ভোগী সিদ্ধঃ অহম্ বলবান্ সুখী ॥ ১৬-১৪॥

অসৌ শত্রুঃ ময়া হতঃ, অপরান্ চ অপি হনিষ্যে, অহম্ ঈশ্বরঃ,

অহং ভোগী, অহম্ সিদ্ধঃ, বলবান্ সুখী (চ অহং অস্মি) ।

আঢ্যোঽভিজনবানস্মি কোঽন্যোঽস্তি সদৃশো ময়া ।

য়ক্ষ্যে দাস্যামি মোদিষ্য ইত্যজ্ঞানবিমোহিতাঃ ॥ ১৬-১৫॥

আঢ্যঃ অভিজনবান্ অস্মি কঃ অন্যঃ অস্তি সদৃশঃ ময়া ।

য়ক্ষ্যে দাস্যামি মোদিষ্যে ইতি অজ্ঞান-বিমোহিতাঃ ॥ ১৬-১৫॥

আঢ্যঃ অভিজনবান্ অস্মি, ময়া সদৃশঃ কঃ অন্যঃ অস্তি?

(অহং) য়ক্ষ্যে, দাস্যামি, মোদিষ্যে ইতি অজ্ঞান-বিমোহিতাঃ
(তে সন্তি) ।

অনেকচিত্তবিভ্রান্তা মোহজালসমাবৃতাঃ ।
প্রসক্তাঃ কামভোগেষু পতন্তি নরকেঽশুচৌ ॥ ১৬-১৬॥

অনেক-চিত্ত-বিভ্রান্তাঃ মোহ-জাল-সমাবৃতাঃ ।
প্রসক্তাঃ কাম-ভোগেষু পতন্তি নরকে অশুচৌ ॥ ১৬-১৬॥

অনেক-চিত্ত-বিভ্রান্তাঃ মোহ-জাল-সমাবৃতাঃ কাম-ভোগেষু

প্রসক্তাঃ, অশুচৌ নরকে পতন্তি ।

আত্মসম্ভাবিতাঃ স্তব্ধা ধনমানমদান্বিতাঃ ।

য়জন্তে নাময়জ্ঞৈস্তে দম্ভেনাবিধিপূর্বকম্ ॥ ১৬-১৭॥

আত্ম-সম্ভাবিতাঃ স্তব্ধাঃ ধন-মান-মদ-অন্বিতাঃ ।

য়জন্তে নাম-য়জ্ঞৈঃ তে দম্ভেন অবিধি-পূর্বকম্ ॥ ১৬-১৭॥

আত্ম-সম্ভাবিতাঃ স্তব্ধাঃ ধন-মান-মদ-অন্বিতাঃ, তে দম্ভেন

অবিধি-পূর্বকম্ নাম-য়জ্ঞৈঃ য়জন্তে ।

অহংকারং বলং দর্পং কামং ক্রোধং চ সংশ্রিতাঃ ।

মামাত্মপরদেহেষু প্রদ্বিষন্তোঽভ্যসূয়কাঃ ॥ ১৬-১৮॥

অহংকারম্ বলম্ দর্পম্ কামম্ ক্রোধম্ চ সংশ্রিতাঃ ।

মাম্ আত্ম-পর-দেহেষু প্রদ্বিষন্তঃ অভ্যসূয়কাঃ ॥ ১৬-১৮॥

অহংকারম্ বলম্ দর্পম্ কামম্ ক্রোধম্ চ সংশ্রিতাঃ

আত্ম-পর-দেহেষু (স্থিতং) মাম্ প্রদ্বিষন্তঃ অভ্যসূয়কাঃ
(তে ভবন্তি) ।

তানহং দ্বিষতঃ ক্রূরান্সংসারেষু নরাধমান্ ।

ক্ষিপাম্যজস্রমশুভানাসুরীষ্বেব য়োনিষু ॥ ১৬-১৯॥

তান্ অহম্ দ্বিষতঃ ক্রূরান্ সংসারেষু নরাধমান্ ।

ক্ষিপামি অজস্রম্ অশুভান্ আসুরীষু এব য়োনিষু ॥ ১৬-১৯॥

তান্ দ্বিষতঃ ক্রূরান্, অশুভান্, নরাধমান্ সংসারেষু

আসুরীষু এব য়োনিষু অজস্রম্ অহম্ ক্ষিপামি ।
আসুরীং য়োনিমাপন্না মূঢা জন্মনি জন্মনি ।
মামপ্রাপ্যৈব কৌন্তেয় ততো য়ান্ত্যধমাং গতিম্ ॥ ১৬-২০॥

আসুরীম্ য়োনিম্ আপন্নাঃ মূঢাঃ জন্মনি জন্মনি ।

মাম্ অপ্রাপ্য এব কৌন্তেয় ততঃ য়ান্তি অধমাম্ গতিম্ ॥ ১৬-২০॥

হে কৌন্তেয়! আসুরীম্ য়োনিম্ আপন্নাঃ জন্মনি জন্মনি মূঢাঃ

(সন্তঃ) মাম্ অপ্রাপ্য এব, ততঃ অধমাম্ গতিম্ য়ান্তি ।

ত্রিবিধং নরকস্যেদং দ্বারং নাশনমাত্মনঃ ।

কামঃ ক্রোধস্তথা লোভস্তস্মাদেতত্ত্রয়ং ত্যজেত্ ॥ ১৬-২১॥

ত্রিবিধম্ নরকস্য ইদম্ দ্বারম্ নাশনম্ আত্মনঃ ।

কামঃ ক্রোধঃ তথা লোভঃ তস্মাত্ এতত্ ত্রয়ম্ ত্যজেত্ ॥ ১৬-২১॥

কামঃ ক্রোধঃ তথা লোভঃ ইদম্ ত্রিবিধম্ আত্মনঃ নাশনম্

নরকস্য দ্বারম্ (অস্তি), তস্মাত্ এতত্ ত্রয়ম্ ত্যজেত্ ।

এতৈর্বিমুক্তঃ কৌন্তেয় তমোদ্বারৈস্ত্রিভির্নরঃ ।

আচরত্যাত্মনঃ শ্রেয়স্ততো য়াতি পরাং গতিম্ ॥ ১৬-২২॥

এতৈঃ বিমুক্তঃ কৌন্তেয় তমো-দ্বারৈঃ ত্রিভিঃ নরঃ ।

আচরতি আত্মনঃ শ্রেয়ঃ ততঃ য়াতি পরাম্ গতিম্ ॥ ১৬-২২॥

হে কৌন্তেয়! এতৈঃ ত্রিভিঃ তমো-দ্বারৈঃ বিমুক্তঃ নরঃ, আত্মনঃ

শ্রেয়ঃ আচরত্, ততঃ পরাম্ গতিম্ য়াতি ।

য়ঃ শাস্ত্রবিধিমুত্সৃজ্য বর্ততে কামকারতঃ ।

ন স সিদ্ধিমবাপ্নোতি ন সুখং ন পরাং গতিম্ ॥ ১৬-২৩॥

য়ঃ শাস্ত্র-বিধিম্ উত্সৃজ্য বর্ততে কাম-কারতঃ ।

ন সঃ সিদ্ধিম্ অবাপ্নোতি ন সুখম্ ন পরাম্ গতিম্ ॥ ১৬-২৩॥

য়ঃ শাস্ত্র-বিধিম্ উত্সৃজ্য, কাম-কারতঃ বর্ততে, সঃ ন সিদ্ধিম্,

ন সুখম্, ন (চ) পরাম্ গতিম্ অবাপ্নোতি ।

তস্মাচ্ছাস্ত্রং প্রমাণং তে কার্যাকার্যব্যবস্থিতৌ ।

জ্ঞাত্বা শাস্ত্রবিধানোক্তং কর্ম কর্তুমিহার্হসি ॥ ১৬-২৪॥

তস্মাত্ শাস্ত্রম্ প্রমাণম্ তে কার্য-অকার্য-ব্যবস্থিতৌ ।

জ্ঞাত্বা শাস্ত্র-বিধান-উক্তম্ কর্ম কর্তুম্ ইহ অর্হসি ॥ ১৬-২৪॥

তস্মাত্ কার্য-অকার্য-ব্যবস্থিতৌ তে শাস্ত্রম্ প্রমাণম্ (অস্তি),

শাস্ত্র-বিধান-উক্তম্ কর্ম জ্ঞাত্বা (তত্ ত্বং) ইহ কর্তুম্ অর্হসি ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
দৈবাসুরসম্পদ্বিভাগয়োগো নাম ষোডশোঽধ্যায়ঃ ॥ ১৬॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
দৈব-আসুর-সম্পত্-বিভাগ-য়োগঃ নাম ষোডশঃ অধ্যায়ঃ ॥

অথ সপ্তদশোঽধ্যায়ঃ । শ্রদ্ধাত্রয়বিভাগয়োগঃ
অথ সপ্তদশঃ অধ্যায়ঃ । শ্রদ্ধা-ত্রয়-বিভাগ-য়োগঃ
অর্জুন উবাচ ।
অর্জুনঃ উবাচ ।

য়ে শাস্ত্রবিধিমুত্সৃজ্য য়জন্তে শ্রদ্ধয়ান্বিতাঃ ।

তেষাং নিষ্ঠা তু কা কৃষ্ণ সত্ত্বমাহো রজস্তমঃ ॥ ১৭-১॥

য়ে শাস্ত্র-বিধিম্ উত্সৃজ্য য়জন্তে শ্রদ্ধয়া অন্বিতাঃ ।

তেষাম্ নিষ্ঠা তু কা কৃষ্ণ সত্ত্বম্ আহো রজঃ তমঃ ॥ ১৭-১॥

হে কৃষ্ণ! য়ে শাস্ত্র-বিধিম্ উত্সৃজ্য, শ্রদ্ধয়া অন্বিতাঃ

(সন্তঃ) য়জন্তে, তেষাং তু কা নিষ্ঠা? সত্ত্বম্ রজঃ আহো তমঃ ?

শ্রীভগবানুবাচ
শ্রীভগবান্ উবাচ ।

ত্রিবিধা ভবতি শ্রদ্ধা দেহিনাং সা স্বভাবজা ।

সাত্ত্বিকী রাজসী চৈব তামসী চেতি তাং শৃণু ॥ ১৭-২॥

ত্রিবিধা ভবতি শ্রদ্ধা দেহিনাম্ সা স্বভাবজা ।

সাত্ত্বিকী রাজসী চ এব তামসী চ ইতি তাম্ শৃণু ॥ ১৭-২॥

দেহিনাম্ (য়া) স্বভাবজা শ্রদ্ধা, সা সাত্ত্বিকী চ রাজসী (চ)

তামসী চ এব ইতি ত্রিবিধা ভবতি, তাম্ শৃণু ।

সত্ত্বানুরূপা সর্বস্য শ্রদ্ধা ভবতি ভারত ।

শ্রদ্ধাময়োঽয়ং পুরুষো য়ো য়চ্ছ্রদ্ধঃ স এব সঃ ॥ ১৭-৩॥

সত্ত্ব-অনুরূপা সর্বস্য শ্রদ্ধা ভবতি ভারত ।

শ্রদ্ধাময়ঃ অয়ম্ পুরুষঃ য়ঃ য়ত্ শ্রদ্ধঃ সঃ এব সঃ ॥ ১৭-৩॥

হে ভারত! সর্বস্য সত্ত্ব-অনুরূপা শ্রদ্ধা ভবতি, অয়ম্

পুরুষঃ শ্রদ্ধাময়ঃ (অস্তি), য়ঃ য়ত্ শ্রদ্ধঃ (ভবতি), সঃ এব সঃ ।

য়জন্তে সাত্ত্বিকা দেবান্যক্ষরক্ষাংসি রাজসাঃ ।

প্রেতান্ভূ তগণাংশ্চান্যে য়জন্তে তামসা জনাঃ ॥ ১৭-৪॥

য়জন্তে সাত্ত্বিকাঃ দেবান্ য়ক্ষ-রক্ষাংসি রাজসাঃ ।

প্রেতান্ ভূ তগণান্ চ অন্যে য়জন্তে তামসাঃ জনাঃ ॥ ১৭-৪॥

সাত্ত্বিকাঃ দেবান্ য়জন্তে, রাজসাঃ য়ক্ষ-রক্ষাংসি (য়জন্তে),

অন্যে তামসাঃ জনাঃ প্রেতান্ ভূতগণান্ চ য়জন্তে ।

অশাস্ত্রবিহিতং ঘোরং তপ্যন্তে য়ে তপো জনাঃ ।

দম্ভাহংকারসংয়ুক্তাঃ কামরাগবলান্বিতাঃ ॥ ১৭-৫॥

কর্ষয়ন্তঃ শরীরস্থং ভূতগ্রামমচেতসঃ ।

মাং চৈবান্তঃশরীরস্থং তান্বিদ্ধ্যাসুরনিশ্চয়ান্ ॥ ১৭-৬॥

অশাস্ত্র-বিহিতম্ ঘোরম্ তপ্যন্তে য়ে তপঃ জনাঃ ।

দম্ভ-অহংকার-সংয়ুক্তাঃ কাম-রাগ-বল-অন্বিতাঃ ॥ ১৭-৫॥

কর্ষয়ন্তঃ শরীরস্থম্ ভূত-গ্রামম্ অচেতসঃ ।

মাম্ চ এব অন্তঃ-শরীরস্থম্ তান্ বিদ্ধি আসুর-নিশ্চয়ান্ ॥ ১৭-৬॥

দম্ভ-অহংকার-সংয়ুক্তাঃ কাম-রাগ-বল-অন্বিতাঃ য়ে জনাঃ

অশাস্ত্র-বিহিতম্ ঘোরম্ তপঃ তপ্যন্তে, অচেতসঃ চ (য়ে)
শরীরস্থম্ ভূত-গ্রামম্ অন্তঃ-শরীরস্থম্ মাম্ এব
কর্ষয়ন্তঃ তান্ আসুর-নিশ্চয়ান্ বিদ্ধি ।
আহারস্ত্বপি সর্বস্য ত্রিবিধো ভবতি প্রিয়ঃ ।
য়জ্ঞস্তপস্তথা দানং তেষাং ভেদমিমং শৃণু ॥ ১৭-৭॥

আহারঃ তু অপি সর্বস্য ত্রিবিধঃ ভবতি প্রিয়ঃ ।

য়জ্ঞঃ তপঃ তথা দানম্ তেষাম্ ভেদম্ ইমম্ শৃণু ॥ ১৭-৭॥

সর্বস্য প্রিয়ঃ আহারঃ অপি তু ত্রিবিধঃ ভবতি, তথা য়জ্ঞঃ, তপঃ,

দানম্ (চ সর্বস্য ত্রিবিধং ভবতি, ত্বং) তেষাম্ ইমম্ ভেদম্ শৃণু ।

আয়ুঃসত্ত্ববলারোগ্যসুখপ্রীতিবিবর্ধনাঃ ।
রস্যাঃ স্নিগ্ধাঃ স্থিরা হৃদ্যা আহারাঃ সাত্ত্বিকপ্রিয়াঃ ॥ ১৭-৮॥

আয়ুঃ-সত্ত্ব-বল-আরোগ্য-সুখ-প্রীতি-বিবর্ধনাঃ ।
রস্যাঃ স্নিগ্ধাঃ স্থিরাঃ হৃদ্যাঃ আহারাঃ সাত্ত্বিক-প্রিয়াঃ ॥ ১৭-৮॥

আয়ুঃ-সত্ত্ব-বল-আরোগ্য-সুখ-প্রীতি-বিবর্ধনাঃ, রস্যাঃ স্নিগ্ধাঃ

স্থিরাঃ হৃদ্যাঃ আহারাঃ সাত্ত্বিক-প্রিয়াঃ (সন্তি)।

কট্বম্ললবণাত্যুষ্ণতীক্ষ্ণরূক্ষবিদাহিনঃ ।
আহারা রাজসস্যেষ্টা দুঃখশোকাময়প্রদাঃ ॥ ১৭-৯॥

কট্বম্ল-লবণ-অতি-উষ্ণ-তীক্ষ্ণ-রূক্ষ-বিদাহিনঃ ।
আহারাঃ রাজসস্য ইহ্টাঃ দুঃখ-শোক-আময়-প্রদাঃ ॥ ১৭-৯॥

কট্বম্ল-লবণ-অতি-উষ্ণ-তীক্ষ্ণ-রূক্ষ-বিদাহিনঃ
দুঃখ-শোক-আময়-প্রদাঃ আহারাঃ রাজসস্য ইহ্টাঃ (ভবতি) ।

য়াতয়ামং গতরসং পূতি পর্যুষিতং চ য়ত্ ।

উচ্ছিষ্টমপি চামেধ্যং ভোজনং তামসপ্রিয়ম্ ॥ ১৭-১০॥

য়াতয়ামম্ গত-রসম্ পূতি পর্যুষিতম্ চ য়ত্ ।

উচ্ছিষ্টম্ অপি চ অমেধ্যম্ ভোজনম্ তামস-প্রিয়ম্ ॥ ১৭-১০॥

য়ত্ য়াতয়ামম্, গত-রসম্, পূতি, পর্যুষিতম্ চ উচ্ছিষ্টম্

অপি চ অমেধ্যম্ ভোজনম্ (তত্) তামস-প্রিয়ম্ (অস্তি) ।

অফলাকাঙ্ক্ষিভির্যজ্ঞো বিধিদৃষ্টো য় ইজ্যতে ।

য়ষ্টব্যমেবেতি মনঃ সমাধায় স সাত্ত্বিকঃ ॥ ১৭-১১॥

অফল-আকাঙ্ক্ষিভিঃ য়জ্ঞঃ বিধি-দৃষ্টঃ য়ঃ ইজ্যতে ।

য়ষ্টব্যম্ এব ইতি মনঃ সমাধায় সঃ সাত্ত্বিকঃ ॥ ১৭-১১॥

অফল-আকাঙ্ক্ষিভিঃ (পুরুষৈঃ) য়ষ্টব্যম্ এব ইতি মনঃ সমাধায়

বিধি-দৃষ্টঃ য়ঃ য়জ্ঞঃ ইজ্যতে, সঃ সাত্ত্বিকঃ (য়জ্ঞঃ মতঃ) ।

অভিসন্ধায় তু ফলং দম্ভার্থমপি চৈব য়ত্ ।

ইজ্যতে ভরতশ্রেষ্ঠ তং য়জ্ঞং বিদ্ধি রাজসম্ ॥ ১৭-১২॥

অভিসন্ধায় তু ফলম্ দম্ভার্থম্ অপি চ এব য়ত্ ।

ইজ্যতে ভরত-শ্রেষ্ঠ তম্ য়জ্ঞম্ বিদ্ধি রাজসম্ ॥ ১৭-১২॥

হে ভরত-শ্রেষ্ঠ! ফলম্ তু অভিসন্ধায়, অপি চ দম্ভার্থম্

এব য়ত্ ইজ্যতে, তম্ য়জ্ঞম্ রাজসম্ বিদ্ধি ।

বিধিহীনমসৃষ্টান্নং মন্ত্রহীনমদক্ষিণম্ ।
শ্রদ্ধাবিরহিতং য়জ্ঞং তামসং পরিচক্ষতে ॥ ১৭-১৩॥

বিধি-হীনম্ অসৃষ্ট-অন্নম্ মন্ত্র-হীনম্ অদক্ষিণম্ ।

শ্রদ্ধা-বিরহিতম্ য়জ্ঞম্ তামসম্ পরিচক্ষতে ॥ ১৭-১৩॥
বিধি-হীনম্, অসৃষ্ট-অন্নম্, মন্ত্র-হীনম্, অদক্ষিণম্,
শ্রদ্ধা-বিরহিতম্, (চ) য়জ্ঞম্ তামসম্ পরিচক্ষতে ।

দেবদ্বিজগুরুপ্রাজ্ঞপূজনং শৌচমার্জবম্ ।
ব্রহ্মচর্যমহিংসা চ শারীরং তপ উচ্যতে ॥ ১৭-১৪॥

দেব-দ্বিজ-গুরু-প্রাজ্ঞ-পূজনম্ শৌচম্ আর্জবম্ ।

ব্রহ্মচর্যম্ অহিংসা চ শারীরম্ তপঃ উচ্যতে ॥ ১৭-১৪॥

দেব-দ্বিজ-গুরু-প্রাজ্ঞ-পূজনম্, শৌচম্, আর্জবম্,

ব্রহ্মচর্যম্, অহিংসা চ (ইতি) শারীরম্ তপঃ উচ্যতে ।

অনুদ্বেগকরং বাক্যং সত্যং প্রিয়হিতং চ য়ত্ ।

স্বাধ্যায়াভ্যসনং চৈব বাঙ্ময়ং তপ উচ্যতে ॥ ১৭-১৫॥

অনুদ্বেগকরম্ বাক্যম্ সত্যম্ প্রিয়-হিতম্ চ য়ত্ ।

স্বাধ্যায়-অভ্যসনম্ চ এব বাঙ্ময়ম্ তপঃ উচ্যতে ॥ ১৭-১৫॥

য়ত্ অনুদ্বেগকরম্ সত্যম্ প্রিয়-হিতম্ বাক্যম্ চ

(য়ত্) স্বাধ্যায়-অভ্যসনম্ চ, (তত্) এব
বাঙ্ময়ম্ তপঃ (ইতি) উচ্যতে ।

মনঃ প্রসাদঃ সৌম্যত্বং মৌনমাত্মবিনিগ্রহঃ ।

ভাবসংশুদ্ধিরিত্যেতত্তপো মানসমুচ্যতে ॥ ১৭-১৬॥

মনঃ-প্রসাদঃ সৌম্যত্বম্ মৌনম্ আত্ম-বিনিগ্রহঃ ।

ভাব-সংশুদ্ধিঃ ইতি এতত্ তপঃ মানসম্ উচ্যতে ॥ ১৭-১৬॥

মনঃ-প্রসাদঃ সৌম্যত্বম্, মৌনম্, আত্ম-বিনিগ্রহঃ,

ভাব-সংশুদ্ধিঃ ইতি এতত্ মানসম্ তপঃ উচ্যতে ।

শ্রদ্ধয়া পরয়া তপ্তং তপস্তত্ত্রিবিধং নরৈঃ ।

অফলাকাঙ্ক্ষিভির্যুক্তৈঃ সাত্ত্বিকং পরিচক্ষতে ॥ ১৭-১৭॥

শ্রদ্ধয়া পরয়া তপ্তম্ তপঃ তত্ ত্রিবিধম্ নরৈঃ ।

অফল-আকাঙ্ক্ষিভিঃ য়ুক্তৈঃ সাত্ত্বিকম্ পরিচক্ষতে ॥ ১৭-১৭॥

অফল-আকাঙ্ক্ষিভিঃ য়ুক্তৈঃ নরৈঃ পরয়া শ্রদ্ধয়া তপ্তম্

(য়ত্) ত্রিবিধম্ তপঃ, তত্ সাত্ত্বিকম্ পরিচক্ষতে ।

সত্কারমানপূজার্থং তপো দম্ভেন চৈব য়ত্ ।

ক্রিয়তে তদিহ প্রোক্তং রাজসং চলমধ্রুবম্ ॥ ১৭-১৮॥

সত্কার-মান-পূজার্থম্ তপঃ দম্ভেন চ এব য়ত্ ।

ক্রিয়তে তত্ ইহ প্রোক্তম্ রাজসম্ চলম্ অধ্রুবম্ ॥ ১৭-১৮॥

সত্কার-মান-পূজার্থম্ দম্ভেন চ এব য়ত্ তপঃ ক্রিয়তে,

তত্ ইহ রাজসম্, চলম্, অধ্রুবম্ প্রোক্তম্ ।

মূঢগ্রাহেণাত্মনো য়ত্পীডয়া ক্রিয়তে তপঃ ।

পরস্যোত্সাদনার্থং বা তত্তামসমুদাহৃতম্ ॥ ১৭-১৯॥

মূঢ-গ্রাহেণ আত্মনঃ য়ত্ পীডয়া ক্রিয়তে তপঃ ।

পরস্য উত্সাদনার্থম্ বা তত্ তামসম্ উদাহৃতম্ ॥ ১৭-
১৯॥

মূঢ-গ্রাহেণ আত্মনঃ পীডয়া পরস্য উত্সাদনার্থম্ বা

য়ত্ তপঃ ক্রিয়তে, তত্ তামসম্ উদাহৃতম্ ।
দাতব্যমিতি য়দ্দানং দীয়তেঽনুপকারিণে ।
দেশে কালে চ পাত্রে চ তদ্দানং সাত্ত্বিকং স্মৃতম্ ॥ ১৭-২০॥

দাতব্যম্ ইতি য়ত্ দানম্ দীয়তে অনুপকারিণে ।

দেশে কালে চ পাত্রে চ তত্ দানম্ সাত্ত্বিকম্ স্মৃতম্ ॥ ১৭-২০॥

দাতব্যম্ ইতি য়ত্ দানম্ দেশে চ কালে চ পাত্রে (চ) অনুপকারিণে

দীয়তে, তত্ দানম্ সাত্ত্বিকম্ স্মৃতম্ ।

য়ত্তু প্রত্যুপকারার্থং ফলমুদ্দিশ্য বা পুনঃ ।

দীয়তে চ পরিক্লিষ্টং তদ্দানং রাজসং স্মৃতম্ ॥ ১৭-২১॥

য়ত্ তু প্রতি-উপকারার্থম্ ফলম্ উদ্দিশ্য বা পুনঃ ।

দীয়তে চ পরিক্লিষ্টম্ তত্ দানম্ রাজসম্ স্মৃতম্ ॥ ১৭-২১॥

য়ত্ তু প্রতি-উপকারার্থম্, ফলম্ উদ্দিশ্য, বা পুনঃ

পরিক্লিষ্টম্ চ দীয়তে, তত্ দানম্ রাজসম্ স্মৃতম্ ।

অদেশকালে য়দ্দানমপাত্রেভ্যশ্চ দীয়তে ।

অসত্কৃতমবজ্ঞাতং তত্তামসমুদাহৃতম্ ॥ ১৭-২২॥

অদেশ-কালে য়ত্ দানম্ অপাত্রেভ্যঃ চ দীয়তে ।

অসত্কৃতম্ অবজ্ঞাতম্ তত্ তামসম্ উদাহৃতম্ ॥ ১৭-২২॥

য়ত্ দানম্ অসত্কৃতম্ অবজ্ঞাতম্, অদেশ-কালে অপাত্রেভ্যঃ

চ দীয়তে, তত্ তামসম্ উদাহৃতম্ ।

ওঁতত্সদিতি নির্দেশো ব্রহ্মণস্ত্রিবিধঃ স্মৃতঃ ।

ব্রাহ্মণাস্তেন বেদাশ্চ য়জ্ঞাশ্চ বিহিতাঃ পুরা ॥ ১৭-২৩॥

ওঁ তত্ সত্ ইতি নির্দেশঃ ব্রহ্মণঃ ত্রিবিধঃ স্মৃতঃ ।

ব্রাহ্মণাঃ তেন বেদাঃ চ য়জ্ঞাঃ চ বিহিতাঃ পুরা ॥ ১৭-২৩॥

ওঁ তত্ সত্ ইতি ব্রহ্মণঃ ত্রিবিধঃ নির্দেশঃ স্মৃতঃ

তেন ব্রাহ্মণাঃ বেদাঃ চ য়জ্ঞাঃ চ পুরা বিহিতাঃ ।

তস্মাদোমিত্যুদাহৃত্য য়জ্ঞদানতপঃক্রিয়াঃ ।
প্রবর্ত ন্তে বিধানোক্তাঃ সততং ব্রহ্মবাদিনাম্ ॥ ১৭-২৪॥

তস্মাত্ ওঁ ইতি উদাহৃত্য য়জ্ঞ-দান-তপঃ-ক্রিয়াঃ ।

প্রবর্ত ন্তে বিধান-উক্তাঃ সততম্ ব্রহ্ম-বাদিনাম্ ॥ ১৭-২৪॥

তস্মাত্ ব্রহ্ম-বাদিনাম্ বিধান-উক্তাঃ য়জ্ঞ-দান-তপঃ-ক্রিয়াঃ

ওঁ ইতি উদাহৃত্য সততম্ প্রবর্তন্তে ।

তদিত্যনভিসন্ধায় ফলং য়জ্ঞতপঃক্রিয়াঃ ।

দানক্রিয়াশ্চ বিবিধাঃ ক্রিয়ন্তে মোক্ষকাঙ্ক্ষিভিঃ ॥ ১৭-২৫॥

তত্ ইতি অনভিসন্ধায় ফলম্ য়জ্ঞ-তপঃ-ক্রিয়াঃ ।

দান-ক্রিয়াঃ চ বিবিধাঃ ক্রিয়ন্তে মোক্ষ-কাঙ্ক্ষিভিঃ ॥ ১৭-২৫॥

মোক্ষ-কাঙ্ক্ষিভিঃ তত্ ইতি (উদাহৃত্য) ফলম্ অনভিসন্ধায়

বিবিধাঃ য়জ্ঞ-তপঃ-ক্রিয়াঃ দান-ক্রিয়াঃ চ ক্রিয়ন্তে ।

সদ্ভাবে সাধুভাবে চ সদিত্যেতত্প্রয়ুজ্যতে ।

প্রশস্তে কর্মণি তথা সচ্ছব্দঃ পার্থ য়ুজ্যতে ॥ ১৭-২৬॥

সত্-ভাবে সাধু-ভাবে চ সত্ ইতি এতত্ প্রয়ুজ্যতে ।

প্রশস্তে কর্মণি তথা সত্ শব্দঃ পার্থ য়ুজ্যতে ॥ ১৭-২৬॥

(জ্ঞানিভিঃ) সত্ ইতি এতত্ সত্-ভাবে চ সাধু-ভাবে চ প্রয়ুজ্যতে,

তথা হে পার্থ! প্রশস্তে কর্মণি সত্ শব্দঃ য়ুজ্যতে ।

য়জ্ঞে তপসি দানে চ স্থিতিঃ সদিতি চোচ্যতে ।

কর্ম চৈব তদর্থীয়ং সদিত্যেবাভিধীয়তে ॥ ১৭-২৭॥

য়জ্ঞে তপসি দানে চ স্থিতিঃ সত্ ইতি চ উচ্যতে ।

কর্ম চ এব তত্-অর্থীয়ম্ সত্ ইতি এব অভিধীয়তে ॥ ১৭-২৭॥

য়জ্ঞে তপসি দানে চ স্থিতিঃ সত্ ইতি চ উচ্যতে । তত্-অর্থীয়ম্

চ এব কর্ম সত্ ইতি এব অভিধীয়তে ।

অশ্রদ্ধয়া হুতং দত্তং তপস্তপ্তং কৃতং চ য়ত্ ।

অসদিত্যুচ্যতে পার্থ ন চ তত্প্রেত্য নো ইহ ॥ ১৭-২৮॥

অশ্রদ্ধয়া হুতম্ দত্তম্ তপঃ তপ্তম্ কৃতম্ চ য়ত্ ।

অসত্ ইতি উচ্যতে পার্থ ন চ তত্ প্রেত্য নো ইহ ॥ ১৭-২৮॥

হে পার্থ! অশ্রদ্ধয়া হুতম্ দত্তম্, তপঃ তপ্তম্, য়ত্

চ কৃতম্, তত্ অসত্ ইতি উচ্যতে; (তত্) প্রেত্য,
ইহ (অপি) চ ন (ফলপ্রদং) নো (ভবতি) ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
শ্রদ্ধাত্রয়বিভাগয়োগো নাম সপ্তদশোঽধ্যায়ঃ ॥ ১৭॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
শ্রদ্ধা-ত্রয়-বিভাগ-য়োগঃ নাম সপ্তদশঃ অধ্যায়ঃ ॥ ১৭॥

অথাষ্টাদশোঽধ্যায়ঃ । মোক্ষসংন্যাসয়োগঃ ।
অথ অষ্টাদশঃ অধ্যায়ঃ । মোক্ষ-সংন্যাস-য়োগঃ ।

অর্জুন উবাচ ।
অর্জুনঃ উবাচ ।

সংন্যাসস্য মহাবাহো তত্ত্বমিচ্ছামি বেদিতুম্ ।

ত্যাগস্য চ হৃষীকেশ পৃথক্কেশিনিষূদন ॥ ১৮-১॥

সংন্যাসস্য মহা-বাহো তত্ত্বম্ ইচ্ছামি বেদিতুম্ ।

ত্যাগস্য চ হৃষীকেশ পৃথক্ কেশি-নিষূদন ॥ ১৮-১॥

হে মহা-বাহো! হে কেশি-নিষূদন হৃষীকেশ ! (অহং)

সংন্যাসস্য ত্যাগস্য চ তত্ত্বম্ পৃথক্ বেদিতুম্ ইচ্ছামি ।

শ্রীভগবানুবাচ ।
শ্রীভগবান্ উবাচ ।

কাম্যানাং কর্মণাং ন্যাসং সংন্যাসং কবয়ো বিদুঃ ।

সর্বকর্মফলত্যাগং প্রাহুস্ত্যাগং বিচক্ষণাঃ ॥ ১৮-২॥

কাম্যানাম্ কর্মণাম্ ন্যাসম্ সংন্যাসম্ কবয়ঃ বিদুঃ ।

সর্ব-কর্ম-ফল-ত্যাগম্ প্রাহুঃ ত্যাগম্ বিচক্ষণাঃ ॥ ১৮-২॥

কবয়ঃ কাম্যানাম্ কর্মণাম্ ন্যাসম্ সংন্যাসম্ বিদুঃ,

বিচক্ষণাঃ (চ) সর্ব-কর্ম-ফল-ত্যাগম্ ত্যাগম্ প্রাহুঃ ।

ত্যাজ্যং দোষবদিত্যেকে কর্ম প্রাহুর্মনীষিণঃ ।

য়জ্ঞদানতপঃকর্ম ন ত্যাজ্যমিতি চাপরে ॥ ১৮-৩॥

ত্যাজ্যম্ দোষবত্ ইতি একে কর্ম প্রাহুঃ মনীষিণঃ ।

য়জ্ঞ-দান-তপঃ-কর্ম ন ত্যাজ্যম্ ইতি চ অপরে ॥ ১৮-৩॥

একে মনীষিণঃ কর্ম দোষবত্ (অস্তি তস্মাত্) ত্যাজ্যম্ ইতি প্রাহুঃ,

অপরে চ য়জ্ঞ-দান-তপঃ-কর্ম ন ত্যাজ্যম্ ইতি (আহুঃ)।

নিশ্চয়ং শৃণু মে তত্র ত্যাগে ভরতসত্তম ।

ত্যাগো হি পুরুষব্যাঘ্র ত্রিবিধঃ সম্প্রকীর্তিতঃ ॥ ১৮-৪॥

নিশ্চয়ম্ শৃণু মে তত্র ত্যাগে ভরতসত্তম ।

ত্যাগঃ হি পুরুষ-ব্যাঘ্র ত্রিবিধঃ সম্প্রকীর্তিতঃ ॥ ১৮-৪॥

হে ভরতসত্তম! তত্র ত্যাগে মে নিশ্চয়ম্ শৃণু ।

হে পুরুষ-ব্যাঘ্র! ত্যাগঃ হি ত্রিবিধঃ সম্প্রকীর্তিতঃ (অস্তি)।

য়জ্ঞদানতপঃকর্ম ন ত্যাজ্যং কার্যমেব তত্ ।

য়জ্ঞো দানং তপশ্চৈব পাবনানি মনীষিণাম্ ॥ ১৮-৫॥

য়জ্ঞ-দান-তপঃ-কর্ম ন ত্যাজ্যম্ কার্যম্ এব তত্ ।

য়জ্ঞঃ দানম্ তপঃ চ এব পাবনানি মনীষিণাম্ ॥ ১৮-৫॥

য়জ্ঞ-দান-তপঃ-কর্ম ন ত্যাজ্যম্ তত্ কার্যম্ এব ।

য়জ্ঞঃ দানম্ তপঃ চ (এতানি) মনীষিণাম্ পাবনানি এব
(সন্তি) ।

এতান্যপি তু কর্মাণি সঙ্গং ত্যক্ত্বা ফলানি চ ।

কর্তব্যানীতি মে পার্থ নিশ্চিতং মতমুত্তমম্ ॥ ১৮-৬॥

এতানি অপি তু কর্মাণি সঙ্গম্ ত্যক্ত্বা ফলানি চ ।

কর্তব্যানি ইতি মে পার্থ নিশ্চিতম্ মতম্ উত্তমম্ ॥ ১৮-৬॥

অপি তু এতানি কর্মাণি সঙ্গম্ ফলানি চ ত্যক্ত্বা কর্তব্যানি

ইতি, হে পার্থ! মে নিশ্চিতম্ উত্তমম্ মতম্ (অস্তি) ।

নিয়তস্য তু সংন্যাসঃ কর্মণো নোপপদ্যতে ।

মোহাত্তস্য পরিত্যাগস্তামসঃ পরিকীর্তি তঃ ॥ ১৮-৭॥

নিয়তস্য তু সংন্যাসঃ কর্মণঃ ন উপপদ্যতে ।

মোহাত্ তস্য পরিত্যাগঃ তামসঃ পরিকীর্তি তঃ ॥ ১৮-৭॥

নিয়তস্য কর্মণঃ তু সংন্যাসঃ ন উপপদ্যতে ।

মোহাত্ তস্য পরিত্যাগঃ তামসঃ পরিকীর্তি তঃ ।

দুঃখমিত্যেব য়ত্কর্ম কায়ক্লেশভয়াত্ত্যজেত্ ।

স কৃত্বা রাজসং ত্যাগং নৈব ত্যাগফলং লভেত্ ॥ ১৮-৮॥

দুঃখম্ ইতি এব য়ত্ কর্ম কায়-ক্লেশ-ভয়াত্ ত্যজেত্ ।

সঃ কৃত্বা রাজসম্ ত্যাগম্ ন এব ত্যাগ-ফলম্ লভেত্ ॥ ১৮-৮॥

(য়ঃ) দুঃখম্ ইতি (মত্বা) এব য়ত্ কর্ম কায়-ক্লেশ-ভয়াত্

ত্যজেত্, সঃ রাজসম্ ত্যাগম্ কৃত্বা ত্যাগ-ফলম্ ন এব লভেত্ ।

কার্যমিত্যেব য়ত্কর্ম নিয়তং ক্রিয়তেঽর্জুন ।

সঙ্গং ত্যক্ত্বা ফলং চৈব স ত্যাগঃ সাত্ত্বিকো মতঃ ॥ ১৮-৯॥
কার্যম্ ইতি এব য়ত্ কর্ম নিয়তম্ ক্রিয়তে অর্জুন ।
সঙ্গম্ ত্যক্ত্বা ফলম্ চ এব সঃ ত্যাগঃ সাত্ত্বিকঃ মতঃ ॥ ১৮-৯॥

হে অর্জুন! কার্যম্ ইতি (মত্বা) এব য়ত্ নিয়তম্ কর্ম, সঙ্গম্

ফলম্ চ এব ত্যক্ত্বা ক্রিয়তে, সঃ ত্যাগঃ সাত্ত্বিকঃ মতঃ ।

ন দ্বেষ্ট্যকুশলং কর্ম কুশলে নানুষজ্জতে ।

ত্যাগী সত্ত্বসমাবিষ্টো মেধাবী ছিন্নসংশয়ঃ ॥ ১৮-১০॥

ন দ্বেষ্টি অকুশলম্ কর্ম কুশলে ন অনুষজ্জতে ।

ত্যাগী সত্ত্ব-সমাবিষ্টঃ মেধাবী ছিন্ন-সংশয়ঃ ॥ ১৮-১০॥

(সঃ) ত্যাগী সত্ত্ব-সমাবিষ্টঃ মেধাবী ছিন্ন-সংশয়ঃ

(চ ভবতি সঃ) অকুশলম্ কর্ম ন দ্বেষ্টি, কুশলে (চ) ন অনুষজ্জতে ।

ন হি দেহভৃতা শক্যং ত্যক্তুং কর্মাণ্যশেষতঃ ।

য়স্তু কর্মফলত্যাগী স ত্যাগীত্যভিধীয়তে ॥ ১৮-১১॥

ন হি দেহ-ভৃতা শক্যম্ ত্যক্তুম্ কর্মাণি অশেষতঃ ।

য়ঃ তু কর্ম-ফল-ত্যাগী সঃ ত্যাগী ইতি অভিধীয়তে ॥ ১৮-১১॥

দেহ-ভৃতা অশেষতঃ কর্মাণি ত্যক্তুম্ ন শক্যম্,

য়ঃ তু হি কর্ম-ফল-ত্যাগী সঃ ত্যাগী ইতি অভিধীয়তে ।

অনিষ্টমিষ্টং মিশ্রং চ ত্রিবিধং কর্মণঃ ফলম্ ।

ভবত্যত্যাগিনাং প্রেত্য ন তু সংন্যাসিনাং ক্বচিত্ ॥ ১৮-১২॥

অনিষ্টম্ ইষ্টম্ মিশ্রম্ চ ত্রিবিধম্ কর্মণঃ ফলম্ ।

ভবতি অত্যাগিনাম্ প্রেত্য ন তু সংন্যাসিনাম্ ক্বচিত্ ॥ ১৮-১২॥

অনিষ্টম্, ইষ্টম্, মিশ্রম্ চ (ইতি) ত্রিবিধম্ কর্মণঃ ফলম্

প্রেত্য অত্যাগিনাম্ ভবতি, সংন্যাসিনাম্ তু ক্বচিত্ ন (ভবতি)।

পঞ্চৈতানি মহাবাহো কারণানি নিবোধ মে ।

সাঙ্খ্যে কৃতান্তে প্রোক্তানি সিদ্ধয়ে সর্বকর্মণাম্ ॥ ১৮-১৩॥

পঞ্চ এতানি মহা-বাহো কারণানি নিবোধ মে ।

সাঙ্খ্যে কৃত-অন্তে প্রোক্তানি সিদ্ধয়ে সর্ব-কর্মণাম্ ॥ ১৮-১৩॥

হে মহা-বাহো! সর্ব-কর্মণাম্ সিদ্ধয়ে কৃত-অন্তে সাঙ্খ্যে

প্রোক্তানি এতানি পঞ্চ কারণানি মে নিবোধ ।

অধিষ্ঠানং তথা কর্তা করণং চ পৃথগ্বিধম্ ।

বিবিধাশ্চ পৃথক্চেষ্টা দৈবং চৈবাত্র পঞ্চমম্ ॥ ১৮-১৪॥

অধিষ্ঠানম্ তথা কর্তা করণম্ চ পৃথক্-বিধম্ ।

বিবিধাঃ চ পৃথক্ চেষ্টাঃ দৈবম্ চ এব অত্র পঞ্চমম্ ॥ ১৮-১৪॥

অধিষ্ঠানম্, তথা কর্তা চ, পৃথক্-বিধম্ করণম্ চ,

বিবিধাঃ পৃথক্ চেষ্টাঃ, অত্র দৈবম্ পঞ্চমম্ এব (ভবতি)।

শরীরবাঙ্মনোভির্যত্কর্ম প্রারভতে নরঃ ।

ন্যায়্যং বা বিপরীতং বা পঞ্চৈতে তস্য হেতবঃ ॥ ১৮-১৫॥

শরীর-বাক্-মনোভিঃ য়ত্ কর্ম প্রারভতে নরঃ ।

ন্যায়্যম্ বা বিপরীতং বা পঞ্চ এতে তস্য হেতবঃ ॥ ১৮-১৫॥

নরঃ শরীর-বাক্-মনোভিঃ ন্যায়্যম্ বা বিপরীতং বা য়ত্

কর্ম প্রারভতে, তস্য এতে পঞ্চ হেতবঃ (সন্তি) ।

তত্রৈবং সতি কর্তারমাত্মানং কেবলং তু য়ঃ ।

পশ্যত্যকৃ তবুদ্ধিত্বান্ন স পশ্যতি দুর্মতিঃ ॥ ১৮-১৬॥

তত্র এবম্ সতি কর্তারম্ আত্মানম্ কেবলম্ তু য়ঃ ।

পশ্যতি অকৃ ত-বুদ্ধিত্বাত্ ন সঃ পশ্যতি দুর্মতিঃ ॥ ১৮-১৬॥

তত্র এবম্ সতি য়ঃ তু কেবলম্ আত্মানম্ কর্তারম্ পশ্যতি,

সঃ দুর্মতিঃ অকৃত-বুদ্ধিত্বাত্ ন পশ্যতি ।

য়স্য নাহংকৃতো ভাবো বুদ্ধির্যস্য ন লিপ্যতে ।

হত্বাঽপি স ইমাঁল্লোকান্ন হন্তি ন নিবধ্যতে ॥ ১৮-১৭॥

য়স্য ন অহংকৃতঃ ভাবঃ বুদ্ধিঃ য়স্য ন লিপ্যতে ।

হত্বা অপি সঃ ইমান্ লোকান্ ন হন্তি ন নিবধ্যতে ॥ ১৮-১৭॥

য়স্য অহংকৃতঃ ভাবঃ ন, য়স্য বুদ্ধিঃ ন লিপ্যতে, সঃ ইমান্

লোকান্ হত্বা অপি ন হন্তি, ন নিবধ্যতে ।

জ্ঞানং জ্ঞেয়ং পরিজ্ঞাতা ত্রিবিধা কর্মচোদনা ।

করণং কর্ম কর্তেতি ত্রিবিধঃ কর্মসংগ্রহঃ ॥ ১৮-১৮॥

জ্ঞানম্ জ্ঞেয়ম্ পরিজ্ঞাতা ত্রিবিধা কর্ম-চোদনা ।

করণম্ কর্ম কর্তা ইতি ত্রিবিধঃ কর্ম-সংগ্রহঃ ॥ ১৮-১৮॥

জ্ঞানম্, জ্ঞেয়ম্, পরিজ্ঞাতা ইতি ত্রিবিধা কর্ম-চোদনা (অস্তি) ।

করণম্, কর্ম, কর্তা (ইতি) ত্রিবিধঃ কর্ম-সংগ্রহঃ (অস্তি) ।

জ্ঞানং কর্ম চ কর্তা চ ত্রিধৈব গুণভেদতঃ ।

প্রোচ্যতে গুণসঙ্খ্যানে য়থাবচ্ছৃণু তান্যপি ॥ ১৮-১৯॥

জ্ঞানম্ কর্ম চ কর্তা চ ত্রিধা এব গুণ-ভেদতঃ ।

প্রোচ্যতে গুণ-সঙ্খ্যানে য়থাবত্ শৃণু তানি অপি ॥ ১৮-১৯॥

জ্ঞানম্, কর্ম চ কর্তা চ ত্রিধা এব গুণ-ভেদতঃ

গুণ-সঙ্খ্যানে প্রোচ্যতে, তানি অপি য়থাবত্ শৃণু ।

সর্বভূতেষু য়েনৈকং ভাবমব্যয়মীক্ষতে ।

অবিভক্তং বিভক্তেষু তজ্জ্ঞানং বিদ্ধি সাত্ত্বিকম্ ॥ ১৮-২০॥

সর্ব-ভূতেষু য়েন একম্ ভাবম্ অব্যয়ম্ ঈক্ষতে ।

অবিভক্তম্ বিভক্তেষু তত্ জ্ঞানম্ বিদ্ধি সাত্ত্বিকম্ ॥ ১৮-২০॥

য়েন (জীবঃ) বিভক্তেষু সর্ব-ভূতেষু অবিভক্তম্, একম্

অব্যয়ম্ ভাবম্ ঈক্ষতে, তত্ জ্ঞানম্ সাত্ত্বিকম্ বিদ্ধি ।

পৃথক্ত্বেন তু য়জ্জ্ঞানং নানাভাবান্পৃথগ্বিধান্ ।

বেত্তি সর্বেষু ভূতেষু তজ্জ্ঞানং বিদ্ধি রাজসম্ ॥ ১৮-২১॥

পৃথক্ত্বেন তু য়ত্ জ্ঞানম্ নানা-ভাবান্ পৃথক্-বিধান্ ।

বেত্তি সর্বেষু ভূতেষু তত্ জ্ঞানম্ বিদ্ধি রাজসম্ ॥ ১৮-২১॥

য়ত্ জ্ঞানম্ পৃথক্ত্বেন সর্বেষু ভূতেষু তু পৃথক্-বিধান্

নানা-ভাবান্ বেত্তি, তত্ জ্ঞানম্ রাজসম্ বিদ্ধি ।

য়ত্তু কৃত্স্নবদেকস্মিন্কার্যে সক্তমহৈতুকম্ ।

অতত্ত্বার্থবদল্পং চ তত্তামসমুদাহৃতম্ ॥ ১৮-২২॥
য়ত্ তু কৃত্স্নবত্ একস্মিন্ কার্যে সক্তম্ অহৈতুকম্ ।
অতত্ত্বার্থবত্ অল্পম্ চ তত্ তামসম্ উদাহৃতম্ ॥ ১৮-২২॥

য়ত্ তু একস্মিন্ কার্যে কৃত্স্নবত্ সক্তম্ অহৈতুকম্

অতত্ত্বার্থবত্ অল্পম্ চ, তত্(জ্ঞানং) তামসম্ উদাহৃতম্ ।

নিয়তং সঙ্গরহিতমরাগদ্বেষতঃ কৃতম্ ।

অফলপ্রেপ্সুনা কর্ম য়ত্তত্সাত্ত্বিকমুচ্যতে ॥ ১৮-২৩॥

নিয়তম্ সঙ্গ-রহিতম্ অরাগ-দ্বেষতঃ কৃতম্ ।

অফল-প্রেপ্সুনা কর্ম য়ত্ তত্ সাত্ত্বিকম্ উচ্যতে ॥ ১৮-২৩॥

অফল-প্রেপ্সুনা য়ত্ নিয়তম্ কর্ম সঙ্গ-রহিতম্ অরাগ-দ্বেষতঃ

কৃতম্, তত্ সাত্ত্বিকম্ উচ্যতে ।

য়ত্তু কামেপ্সুনা কর্ম সাহংকারেণ বা পুনঃ ।

ক্রিয়তে বহুলায়াসং তদ্রাজসমুদাহৃতম্ ॥ ১৮-২৪॥

য়ত্ তু কাম-ঈপ্সুনা কর্ম সাহংকারেণ বা পুনঃ ।

ক্রিয়তে বহুল আয়াসম্ তত্ রাজসম্ উদাহৃতম্ ॥ ১৮-২৪॥

পুনঃ য়ত্ তু কাম-ঈপ্সুনা, সাহংকারেণ বা বহুল আয়াসম্

কর্ম ক্রিয়তে, তত্ রাজসম্ উদাহৃতম্ ।

অনুবন্ধং ক্ষয়ং হিংসামনপেক্ষ্য চ পৌরুষম্ ।

মোহাদারভ্যতে কর্ম য়ত্তত্তামসমুচ্যতে ॥ ১৮-২৫॥

অনুবন্ধম্ ক্ষয়ম্ হিংসাম্ অনপেক্ষ্য চ পৌরুষম্ ।

মোহাত্ আরভ্যতে কর্ম য়ত্ তত্ তামসম্ উচ্যতে ॥ ১৮-২৫॥

অনুবন্ধম্ ক্ষয়ম্ হিংসাম্ পৌরুষম্ চ অনপেক্ষ্য

য়ত্ কর্ম মোহাত্ আরভ্যতে, তত্ তামসম্ উচ্যতে ।

মুক্তসঙ্গোঽনহংবাদী ধৃত্যুত্সাহসমন্বিতঃ ।
সিদ্ধ্যসিদ্ধ্যোর্নির্বিকারঃ কর্তা সাত্ত্বিক উচ্যতে ॥ ১৮-২৬॥

মুক্ত-সঙ্গঃ অনহং-বাদী ধৃতি-উত্সাহ-সমন্বিতঃ ।

সিদ্ধি-অসিদ্ধ্যোঃ নির্বিকারঃ কর্তা সাত্ত্বিকঃ উচ্যতে ॥ ১৮-২৬॥

মুক্ত-সঙ্গঃ, অনহং-বাদী, ধৃতি-উত্সাহ-সমন্বিতঃ,

সিদ্ধি-অসিদ্ধ্যোঃ নির্বিকারঃ কর্তা সাত্ত্বিকঃ উচ্যতে ।

রাগী কর্মফলপ্রেপ্সুর্লুব্ধো হিংসাত্মকোঽশুচিঃ ।

হর্ষশোকান্বিতঃ কর্তা রাজসঃ পরিকীর্তিতঃ ॥ ১৮-২৭॥

রাগী কর্ম-ফল-প্রেপ্সুঃ লুব্ধঃ হিংসাত্মকঃ অশুচিঃ ।

হর্ষ-শোক-অন্বিতঃ কর্তা রাজসঃ পরিকীর্তিতঃ ॥ ১৮-২৭॥

রাগী, কর্ম-ফল-প্রেপ্সুঃ, লুব্ধঃ, হিংসাত্মকঃ, অশুচিঃ,

হর্ষ-শোক-অন্বিতঃ কর্তা রাজসঃ পরিকীর্তিতঃ ।

অয়ুক্তঃ প্রাকৃতঃ স্তব্ধঃ শঠো নৈষ্কৃতিকোঽলসঃ ।

বিষাদী দীর্ঘসূত্রী চ কর্তা তামস উচ্যতে ॥ ১৮-২৮॥

অয়ুক্তঃ প্রাকৃতঃ স্তব্ধঃ শঠঃ নৈষ্কৃতিকঃ অলসঃ ।

বিষাদী দীর্ঘ-সূত্রী চ কর্তা তামসঃ উচ্যতে ॥ ১৮-২৮॥

অয়ুক্তঃ, প্রাকৃ তঃ, স্তব্ধঃ, শঠঃ, নৈষ্কৃতিকঃ, অলসঃ,

বিষাদী, দীর্ঘ-সূত্রী চ কর্তা তামসঃ উচ্যতে ।
বুদ্ধের্ভেদং ধৃতেশ্চৈব গুণতস্ত্রিবিধং শৃণু ।
প্রোচ্যমানমশেষেণ পৃথক্ত্বেন ধনঞ্জয় ॥ ১৮-২৯॥

বুদ্ধেঃ ভেদম্ ধৃতেঃ চ এব গুণতঃ ত্রিবিধম্ শৃণু ।

প্রোচ্যমানম্ অশেষেণ পৃথক্ত্বেন ধনঞ্জয় ॥ ১৮-২৯॥

হে ধনঞ্জয়! বুদ্ধেঃ ধৃতেঃ চ এব গুণতঃ ত্রিবিধম্

ভেদম্ অশেষেণ পৃথক্ত্বেন প্রোচ্যমানম্ শৃণু ।

প্রবৃত্তিং চ নিবৃত্তিং চ কার্যাকার্যে ভয়াভয়ে ।

বন্ধং মোক্ষং চ য়া বেত্তি বুদ্ধিঃ সা পার্থ সাত্ত্বিকী ॥ ১৮-৩০॥

প্রবৃত্তিম্ চ নিবৃত্তিম্ চ কার্য-অকার্যে ভয়-অভয়ে ।

বন্ধম্ মোক্ষম্ চ য়া বেত্তি বুদ্ধিঃ সা পার্থ সাত্ত্বিকী ॥ ১৮-৩০॥

হে পার্থ! য়া বুদ্ধিঃ প্রবৃত্তিম্ চ নিবৃত্তিম্ কার্য-অকার্যে

ভয়-অভয়ে চ বন্ধম্ মোক্ষম্ চ বেত্তি, সা সাত্ত্বিকী (মতা)।

য়য়া ধর্মমধর্মং চ কার্যং চাকার্যমেব চ ।

অয়থাবত্প্রজানাতি বুদ্ধিঃ সা পার্থ রাজসী ॥ ১৮-৩১॥

য়য়া ধর্মম্ অধর্মম্ চ কার্যম্ চ অকার্যম্ এব চ ।

অয়থাবত্ প্রজানাতি বুদ্ধিঃ সা পার্থ রাজসী ॥ ১৮-৩১॥

হে পার্থ! য়য়া চ (বুদ্ধ্যা জীবঃ) ধর্মম্ অধর্মম্ চ,

কার্যম্ অকার্যম্ চ, অয়থাবত্ এব প্রজানাতি সা বুদ্ধিঃ রাজসী (মতা)।

অধর্মং ধর্মমিতি য়া মন্যতে তমসাবৃতা ।

সর্বার্থান্বিপরীতাংশ্চ বুদ্ধিঃ সা পার্থ তামসী ॥ ১৮-৩২॥

অধর্মম্ ধর্মম্ ইতি য়া মন্যতে তমসা আবৃতা ।

সর্ব-অর্থান্ বিপরীতান্ চ বুদ্ধিঃ সা পার্থ তামসী ॥ ১৮-৩২॥

হে পার্থ! য়া তমসা আবৃতা (বুদ্ধিঃ) অধর্মম্ ধর্মম্

সর্ব-অর্থান্ বিপরীতান্ চ ইতি মন্যতে, সা বুদ্ধিঃ তামসী (স্মৃতা) ।

ধৃত্যা য়য়া ধারয়তে মনঃপ্রাণেন্দ্রিয়ক্রিয়াঃ ।

য়োগেনাব্যভিচারিণ্যা ধৃতিঃ সা পার্থ সাত্ত্বিকী ॥ ১৮-৩৩॥

ধৃত্যা য়য়া ধারয়তে মনঃ-প্রাণ-ইন্দ্রিয়-ক্রিয়াঃ ।

য়োগেন অব্যভিচারিণ্যা ধৃতিঃ সা পার্থ সাত্ত্বিকী ॥ ১৮-৩৩॥

হে পার্থ! (নরঃ) য়য়া অব্যভিচারিণ্যা ধৃত্যা

মনঃ-প্রাণ-ইন্দ্রিয়-ক্রিয়াঃ য়োগেন ধারয়তে, সা ধৃতিঃ সাত্ত্বিকী (অস্তি) ।

য়য়া তু ধর্মকামার্থান্ধৃত্যা ধারয়তেঽর্জুন ।

প্রসঙ্গেন ফলাকাঙ্ক্ষী ধৃতিঃ সা পার্থ রাজসী ॥ ১৮-৩৪॥

য়য়া তু ধর্ম-কাম-অর্থান্ ধৃত্যা ধারয়তে অর্জুন ।

প্রসঙ্গেন ফল-আকাঙ্ক্ষী ধৃতিঃ সা পার্থ রাজসী ॥ ১৮-৩৪॥

হে অর্জুন! য়য়া ধৃত্যা প্রসঙ্গেন ফল-আকাঙ্ক্ষী তু (সন্)

ধর্ম-কাম-অর্থান্ (নরঃ) ধারয়তে, হে পার্থ! সা
ধৃতিঃ রাজসী (অস্তি) ।

য়য়া স্বপ্নং ভয়ং শোকং বিষাদং মদমেব চ ।

ন বিমুঞ্চতি দুর্মেধা ধৃতিঃ সা পার্থ তামসী ॥ ১৮-৩৫॥
য়য়া স্বপ্নম্ ভয়ম্ শোকম্ বিষাদম্ মদম্ এব চ ।
ন বিমুঞ্চতি দুর্মেধা ধৃতিঃ সা পার্থ তামসী ॥ ১৮-৩৫॥

হে পার্থ! দুর্মেধা (নরঃ) য়য়া স্বপ্নম্, ভয়ম্, শোকম্,

বিষাদম্, মদম্ এব চ ন বিমুঞ্চতি, সা ধৃতিঃ তামসী (মতা) ।

সুখং ত্বিদানীং ত্রিবিধং শৃণু মে ভরতর্ষভ ।

অভ্যাসাদ্রমতে য়ত্র দুঃখান্তং চ নিগচ্ছতি ॥ ১৮-৩৬॥

সুখম্ তু ইদানীম্ ত্রিবিধম্ শৃণু মে ভরতর্ষভ ।

অভ্যাসাত্ রমতে য়ত্র দুঃখান্তম্ চ নিগচ্ছতি ॥ ১৮-৩৬॥

হে ভরতর্ষভ! ইদানীম্ তু ত্রিবিধম্ সুখম্ মে শৃণু,

য়ত্র (সুখে জীবঃ) অভ্যাসাত্ রমতে, দুঃখান্তম্ চ নিগচ্ছতি ।

য়ত্তদগ্রে বিষমিব পরিণামেঽমৃতোপমম্ ।

তত্সুখং সাত্ত্বিকং প্রোক্তমাত্মবুদ্ধিপ্রসাদজম্ ॥ ১৮-৩৭॥

য়ত্ তত্ অগ্রে বিষম্ ইব পরিণামে অমৃত-উপমম্ ।

তত্ সুখম্ সাত্ত্বিকম্ প্রোক্তম্ আত্ম-বুদ্ধি-প্রসাদজম্ ॥ ১৮-৩৭॥

য়ত্ অগ্রে বিষম্ ইব, পরিণামে অমৃত-উপমম্ তত্

আত্ম-বুদ্ধি-প্রসাদজম্ (অস্তি), তত্ সুখম্ সাত্ত্বিকম্ প্রোক্তম্ ।

বিষয়েন্দ্রিয়সংয়োগাদ্যত্তদগ্রেঽমৃতোপমম্ ।
পরিণামে বিষমিব তত্সুখং রাজসং স্মৃতম্ ॥ ১৮-৩৮॥

বিষয়-ইন্দ্রিয়-সংয়োগাত্ য়ত্ তত্ অগ্রে অমৃত-উপমম্ ।

পরিণামে বিষম্ ইব তত্ সুখম্ রাজসম্ স্মৃতম্ ॥ ১৮-৩৮॥

য়ত্ বিষয়-ইন্দ্রিয়-সংয়োগাত্ অগ্রে অমৃত-উপমম্, তত্

পরিণামে (চ) বিষম্ ইব (অস্তি) তত্ সুখম্ রাজসম্ স্মৃতম্ ।

য়দগ্রে চানুবন্ধে চ সুখং মোহনমাত্মনঃ ।

নিদ্রালস্যপ্রমাদোত্থং তত্তামসমুদাহৃতম্ ॥ ১৮-৩৯॥

য়ত্ অগ্রে চ অনুবন্ধে চ সুখম্ মোহনম্ আত্মনঃ ।

নিদ্রা-আলস্য-প্রমাদ-উত্থম্ তত্ তামসম্ উদাহৃতম্ ॥ ১৮-৩৯॥

য়ত্ অগ্রে চ অনুবন্ধে চ আত্মনঃ মোহনম্ নিদ্রা-আলস্য-প্রমাদ-উত্থম্,

তত্ সুখম্ তামসম্ উদাহৃতম্ ।

ন তদস্তি পৃথিব্যাং বা দিবি দেবেষু বা পুনঃ ।

সত্ত্বং প্রকৃতিজৈর্মুক্তং য়দেভিঃ স্যাত্ত্রিভির্গুণৈঃ ॥ ১৮-৪০॥

ন তত্ অস্তি পৃথিব্যাম্ বা দিবি দেবেষু বা পুনঃ ।

সত্ত্বম্ প্রকৃতিজৈঃ মুক্তম্ য়ত্ এভিঃ স্যাত্ ত্রিভিঃ গুণৈঃ ॥ ১৮-৪০॥

য়ত্ সত্ত্বম্ এভিঃ প্রকৃতিজৈঃ ত্রিভিঃ গুণৈঃ মুক্তম্ স্যাত্, তত্

পৃথিব্যাম্ বা দিবি বা পুনঃ দেবেষু (বা) ন অস্তি ।

ব্রাহ্মণক্ষত্রিয়বিশাং শূদ্রাণাং চ পরন্তপ ।

কর্মাণি প্রবিভক্তানি স্বভাবপ্রভবৈর্গুণৈঃ ॥ ১৮-৪১॥

ব্রাহ্মণ-ক্ষত্রিয়-বিশাম্ শূদ্রাণাম্ চ পরন্তপ ।

কর্মাণি প্রবিভক্তানি স্বভাব-প্রভবৈঃ গুণৈঃ ॥ ১৮-৪১॥

হে পরন্তপ! ব্রাহ্মণ-ক্ষত্রিয়-বিশাম্ শূদ্রাণাম্ চ

কর্মাণি স্বভাব-প্রভবৈঃ গুণৈঃ প্রবিভক্তানি (সন্তি) ।
শমো দমস্তপঃ শৌচং ক্ষান্তিরার্জবমেব চ ।
জ্ঞানং বিজ্ঞানমাস্তিক্যং ব্রহ্মকর্ম স্বভাবজম্ ॥ ১৮-৪২॥

শমঃ দমঃ তপঃ শৌচম্ ক্ষান্তিঃ আর্জবম্ এব চ ।

জ্ঞানম্ বিজ্ঞানম্ আস্তিক্যম্ ব্রহ্ম-কর্ম স্বভাবজম্ ॥ ১৮-৪২॥

শমঃ, দমঃ, তপঃ, শৌচম্, ক্ষান্তিঃ, আর্জবম্, জ্ঞানম্,

বিজ্ঞানম্, আস্তিক্যম্ এব চ (ইতি) স্বভাবজম্ ব্রহ্ম-কর্ম (অস্তি) ।

শৌর্যং তেজো ধৃতির্দাক্ষ্যং য়ুদ্ধে চাপ্যপলায়নম্ ।

দানমীশ্বরভাবশ্চ ক্ষাত্রং কর্ম স্বভাবজম্ ॥ ১৮-৪৩॥

শৌর্যম্ তেজঃ ধৃতিঃ দাক্ষ্যম্ য়ুদ্ধে চ অপি অপলায়নম্ ।

দানম্ ঈশ্বর-ভাবঃ চ ক্ষাত্রম্ কর্ম স্বভাবজম্ ॥ ১৮-৪৩॥

শৌর্যম্, তেজঃ, ধৃতিঃ, দাক্ষ্যম্, য়ুদ্ধে অপি চ অপলায়নম্,

দানম্, ঈশ্বর-ভাবঃ চ (ইতি) স্বভাবজম্ ক্ষাত্রম্ কর্ম (অস্তি) ।

কৃষিগৌরক্ষ্যবাণিজ্যং বৈশ্যকর্ম স্বভাবজম্ ।

পরিচর্যাত্মকং কর্ম শূদ্রস্যাপি স্বভাবজম্ ॥ ১৮-৪৪॥

কৃষি-গৌরক্ষ্য-বাণিজ্যম্ বৈশ্য-কর্ম স্বভাবজম্ ।

পরিচর্যা-আত্মকম্ কর্ম শূদ্রস্য অপি স্বভাবজম্ ॥ ১৮-৪৪॥

কৃষি-গৌরক্ষ্য-বাণিজ্যম্ স্বভাবজম্ বৈশ্য-কর্ম (অস্তি)

অপি (চ) শূদ্রস্য পরিচর্যা-আত্মকম্ কর্ম স্বভাবজম্ (অস্তি) ।

স্বে স্বে কর্মণ্যভিরতঃ সংসিদ্ধিং লভতে নরঃ ।

স্বকর্মনিরতঃ সিদ্ধিং য়থা বিন্দতি তচ্ছৃণু ॥ ১৮-৪৫॥

স্বে স্বে কর্মণি অভিরতঃ সংসিদ্ধিম্ লভতে নরঃ ।

স্বকর্ম-নিরতঃ সিদ্ধিম্ য়থা বিন্দতি তত্ শৃণু ॥ ১৮-৪৫॥

স্বে স্বে কর্মণি অভিরতঃ নরঃ সংসিদ্ধিম্ লভতে ।

স্বকর্ম-নিরতঃ (নরঃ) য়থা সিদ্ধিম্ বিন্দতি, তত্ শৃণু ।

য়তঃ প্রবৃত্তির্ভূতানাং য়েন সর্বমিদং ততম্ ।

স্বকর্মণা তমভ্যর্চ্য সিদ্ধিং বিন্দতি মানবঃ ॥ ১৮-৪৬॥

য়তঃ প্রবৃত্তিঃ ভূতানাম্ য়েন সর্বম্ ইদম্ ততম্ ।

স্বকর্মণা তম্ অভ্যর্চ্য সিদ্ধিম্ বিন্দতি মানবঃ ॥ ১৮-৪৬॥

য়তঃ ভূতানাম্ প্রবৃত্তিঃ (অস্তি), য়েন ইদম্ সর্বম্ ততম্

(অস্তি) তম্ (ঈশ্বরং) স্বকর্মণা অভ্যর্চ্য মানবঃ সিদ্ধিম্ বিন্দতি ।

শ্রেয়ান্স্বধর্মো বিগুণঃ পরধর্মাত্স্বনুষ্ঠিতাত্ ।

স্বভাবনিয়তং কর্ম কুর্বন্নাপ্নোতি কিল্বিষম্ ॥ ১৮-৪৭॥

শ্রেয়ান্ স্বধর্মঃ বিগুণঃ পর-ধর্মাত্ স্বনুষ্ঠিতাত্ ।

স্বভাব-নিয়তম্ কর্ম কুর্বন্ ন আপ্নোতি কিল্বিষম্ ॥ ১৮-৪৭॥

বিগুণঃ স্বধর্মঃ স্বনুষ্ঠিতাত্ পর-ধর্মাত্ শ্রেয়ান্ (অস্তি),

স্বভাব-নিয়তম্ কর্ম কুর্বন্ (নরঃ) কিল্বিষম্ ন আপ্নোতি ।

সহজং কর্ম কৌন্তেয় সদোষমপি ন ত্যজেত্ ।

সর্বারম্ভা হি দোষেণ ধূমেনাগ্নিরিবাবৃতাঃ ॥ ১৮-৪৮॥

সহজম্ কর্ম কৌন্তেয় সদোষম্ অপি ন ত্যজেত্ ।

সর্বারম্ভাঃ হি দোষেণ ধূমেন অগ্নিঃ ইব আবৃতাঃ ॥ ১৮-৪৮॥

হে কৌন্তেয়! সহজম্ কর্ম সদোষম্ অপি ন ত্যজেত্,

ধূমেন অগ্নিঃ ইব হি সর্বারম্ভাঃ দোষেণ আবৃতাঃ (সন্তি) ।

অসক্তবুদ্ধিঃ সর্বত্র জিতাত্মা বিগতস্পৃহঃ ।

নৈষ্কর্ম্যসিদ্ধিং পরমাং সংন্যাসেনাধিগচ্ছতি ॥ ১৮-৪৯॥

অসক্ত-বুদ্ধিঃ সর্বত্র জিত-আত্মা বিগত-স্পৃহঃ ।

নৈষ্কর্ম্য-সিদ্ধিম্ পরমাম্ সংন্যাসেন অধিগচ্ছতি ॥ ১৮-৪৯॥

সর্বত্র অসক্ত-বুদ্ধিঃ জিত-আত্মা, বিগত-স্পৃহঃ (নরঃ)

পরমাম্ নৈষ্কর্ম্য-সিদ্ধিম্ সংন্যাসেন অধিগচ্ছতি ।

সিদ্ধিং প্রাপ্তো য়থা ব্রহ্ম তথাপ্নোতি নিবোধ মে ।

সমাসেনৈব কৌন্তেয় নিষ্ঠা জ্ঞানস্য য়া পরা ॥ ১৮-৫০॥

সিদ্ধিম্ প্রাপ্তঃ য়থা ব্রহ্ম তথা আপ্নোতি নিবোধ মে ।

সমাসেন এব কৌন্তেয় নিষ্ঠা জ্ঞানস্য য়া পরা ॥ ১৮-৫০॥

হে কৌন্তেয়! সিদ্ধিম্ প্রাপ্তঃ (মানবঃ) য়থা ব্রহ্ম আপ্নোতি,

তথা মে সমাসেন এব নিবোধ, য়া (চ ইয়ং ব্রহ্ম-প্রাপ্তিঃ)
(সা) জ্ঞানস্য পরা নিষ্ঠা (বর্ততে) ।

বুদ্ধ্যা বিশুদ্ধয়া য়ুক্তো ধৃত্যাত্মানং নিয়ম্য চ ।

শব্দাদীন্বিষয়াংস্ত্যক্ত্বা রাগদ্বেষৌ ব্যুদস্য চ ॥ ১৮-৫১॥

বুদ্ধ্যা বিশুদ্ধয়া য়ুক্তঃ ধৃত্যা আত্মানম্ নিয়ম্য চ ।

শব্দাদীন্ বিষয়ান্ ত্যক্ত্বা রাগ-দ্বেষৌ ব্যুদস্য চ ॥ ১৮-৫১॥

বিশুদ্ধয়া বুদ্ধ্যা য়ুক্তঃ, ধৃত্যা আত্মানম্ নিয়ম্য চ,

শব্দাদীন্ বিষয়ান্ ত্যক্ত্বা, রাগ-দ্বেষৌ চ ব্যুদস্য,

বিবিক্তসেবী লঘ্বাশী য়তবাক্কায়মানসঃ ।

ধ্যানয়োগপরো নিত্যং বৈরাগ্যং সমুপাশ্রিতঃ ॥ ১৮-৫২॥

বিবিক্ত-সেবী লঘু-আশী য়ত-বাক্-কায়-মানসঃ ।

ধ্যান-য়োগ-পরঃ নিত্যম্ বৈরাগ্যম্ সমুপাশ্রিতঃ ॥ ১৮-৫২॥

বিবিক্ত-সেবী, লঘু-আশী, য়ত-বাক্-কায়-মানসঃ, নিত্যম্

ধ্যান-য়োগ-পরঃ, বৈরাগ্যম্ সমুপাশ্রিতঃ (চ),

অহংকারং বলং দর্পং কামং ক্রোধং পরিগ্রহম্ ।

বিমুচ্য নির্মমঃ শান্তো ব্রহ্মভূয়ায় কল্পতে ॥ ১৮-৫৩॥

অহংকারম্ বলম্ দর্পম্ কামম্ ক্রোধম্ পরিগ্রহম্ ।

বিমুচ্য নির্মমঃ শান্তঃ ব্রহ্ম-ভূয়ায় কল্পতে ॥ ১৮-৫৩॥

অহংকারম্ বলম্ দর্পম্ কামম্ ক্রোধম্ পরিগ্রহম্ (চ)

বিমুচ্য, নির্মমঃ, শান্তঃ, (নরঃ) ব্রহ্ম-ভূয়ায় কল্পতে ।

ব্রহ্মভূতঃ প্রসন্নাত্মা ন শোচতি ন কাঙ্ক্ষতি ।

সমঃ সর্বেষু ভূতেষু মদ্ভক্তিং লভতে পরাম্ ॥ ১৮-৫৪॥

ব্রহ্ম-ভূতঃ প্রসন্ন-আত্মা ন শোচতি ন কাঙ্ক্ষতি ।

সমঃ সর্বেষু ভূতেষু মত্-ভক্তিম্ লভতে পরাম্ ॥ ১৮-৫৪॥

ব্রহ্ম-ভূতঃ প্রসন্ন-আত্মা (সন্) ন শোচতি, ন কাঙ্ক্ষতি,

(চ) সর্বেষু ভূতেষু সমঃ (ভূত্বা) পরাম্ মত্-ভক্তিম্ লভতে ।
ভক্ত্যা মামভিজানাতি য়াবান্যশ্চাস্মি তত্ত্বতঃ ।
ততো মাং তত্ত্বতো জ্ঞাত্বা বিশতে তদনন্তরম্ ॥ ১৮-৫৫॥

ভক্ত্যা মাম্ অভিজানাতি য়াবান্ য়ঃ চ অস্মি তত্ত্বতঃ ।

ততঃ মাম্ তত্ত্বতঃ জ্ঞাত্বা বিশতে তত্ অনন্তরম্ ॥ ১৮-৫৫॥

য়াবান্ য়ঃ চ অস্মি, (তং) মাম্ তত্ত্বতঃ ভক্ত্যা অভিজানাতি,

ততঃ তত্ত্বতঃ মাম্ জ্ঞাত্বা তত্ অনন্তরম্ (মাম্) বিশতে ।

সর্বকর্মাণ্যপি সদা কুর্বাণো মদ্ব্যপাশ্রয়ঃ ।

মত্প্রসাদাদবাপ্নোতি শাশ্বতং পদমব্যয়ম্ ॥ ১৮-৫৬॥

সর্ব-কর্মাণি অপি সদা কুর্বাণঃ মত্-ব্যপাশ্রয়ঃ ।

মত্-প্রসাদাত্ অবাপ্নোতি শাশ্বতম্ পদম্ অব্যয়ম্ ॥ ১৮-৫৬॥

মত্-ব্যপাশ্রয়ঃ সদা সর্ব-কর্মাণি অপি কুর্বাণঃ

মত্-প্রসাদাত্ শাশ্বতম্ অব্যয়ম্ পদম্ অবাপ্নোতি ।

চেতসা সর্বকর্মাণি ময়ি সংন্যস্য মত্পরঃ ।

বুদ্ধিয়োগমুপাশ্রিত্য মচ্চিত্তঃ সততং ভব ॥ ১৮-৫৭॥

চেতসা সর্ব-কর্মাণি ময়ি সংন্যস্য মত্-পরঃ ।

বুদ্ধি-য়োগম্ উপাশ্রিত্য মত্-চিত্তঃ সততম্ ভব ॥ ১৮-৫৭॥

(ত্বং) সর্ব-কর্মাণি চেতসা ময়ি সংন্যস্য, মত্-পরঃ

(সন্), বুদ্ধি-য়োগম্ উপাশ্রিত্য,সততম্ মত্-চিত্তঃ ভব ।

মচ্চিত্তঃ সর্বদুর্গাণি মত্প্রসাদাত্তরিষ্যসি ।

অথ চেত্ত্বমহংকারান্ন শ্রোষ্যসি বিনঙ্ক্ষ্যসি ॥ ১৮-৫৮॥

মত্-চিত্তঃ সর্ব-দুর্গাণি মত্-প্রসাদাত্ তরিষ্যসি ।

অথ চেত্ ত্বম্ অহংকারাত্ ন শ্রোষ্যসি বিনঙ্ক্ষ্যসি ॥ ১৮-৫৮॥

(ত্বম্) মত্-চিত্তঃ (সন্) সর্ব-দুর্গাণি মত্-প্রসাদাত্

তরিষ্যসি । অথ ত্বম্ অহংকারাত্ ন শ্রোষ্যসি চেত্, বিনঙ্ক্ষ্যসি ।

য়দহংকারমাশ্রিত্য ন য়োত্স্য ইতি মন্যসে ।

মিথ্যৈষ ব্যবসায়স্তে প্রকৃ তিস্ত্বাং নিয়োক্ষ্যতি ॥ ১৮-৫৯॥

য়ত্ অহংকারম্ আশ্রিত্য ন য়োত্স্যে ইতি মন্যসে ।

মিথ্যা এষঃ ব্যবসায়ঃ তে প্রকৃ তিঃ ত্বাম্ নিয়োক্ষ্যতি ॥ ১৮-৫৯॥

য়ত্ অহংকারম্ আশ্রিত্য 'ন য়োত্স্যে' ইতি মন্যসে, (তত্) এষঃ

তে ব্যবসায়ঃ মিথ্যা (এব অস্তি), প্রকৃ তিঃ ত্বাম্ নিয়োক্ষ্যতি ।

স্বভাবজেন কৌন্তেয় নিবদ্ধঃ স্বেন কর্মণা ।

কর্তুং নেচ্ছসি য়ন্মোহাত্করিষ্যস্যবশোঽপি তত্ ॥ ১৮-৬০॥

স্বভাবজেন কৌন্তেয় নিবদ্ধঃ স্বেন কর্মণা ।

কর্তুম্ ন ইচ্ছসি য়ত্ মোহাত্ করিষ্যসি অবশঃ অপি তত্ ॥ ১৮-৬০॥

হে কৌন্তেয়! (য়তঃ) স্বভাবজেন স্বেন কর্মণা নিবদ্ধঃ

(ত্বং) য়ত্ মোহাত্ কর্তুম্ ন ইচ্ছসি, তত্ অবশঃ (সন্)
অপি করিষ্যসি ।

ঈশ্বরঃ সর্বভূতানাং হৃদ্দেশেঽর্জুন তিষ্ঠতি ।

ভ্রাময়ন্সর্বভূতানি য়ন্ত্রারূঢানি মায়য়া ॥ ১৮-৬১॥
ঈশ্বরঃ সর্ব-ভূতানাম্ হৃত্-দেশে অর্জুন তিষ্ঠতি ।
ভ্রাময়ন্ সর্ব-ভূতানি য়ন্ত্র-আরূঢানি মায়য়া ॥ ১৮-৬১॥

হে অর্জুন! য়ন্ত্র-আরূঢানি সর্ব-ভূতানি মায়য়া

ভ্রাময়ন্ ঈশ্বরঃ সর্ব-ভূতানাম্ হৃত্-দেশে তিষ্ঠতি ।

তমেব শরণং গচ্ছ সর্বভাবেন ভারত ।

তত্প্রসাদাত্পরাং শান্তিং স্থানং প্রাপ্স্যসি শাশ্বতম্ ॥ ১৮-৬২॥

তম্ এব শরণম্ গচ্ছ সর্ব-ভাবেন ভারত ।

তত্ প্রসাদাত্ পরাম্ শান্তিম্ স্থানম্ প্রাপ্স্যসি শাশ্বতম্ ॥ ১৮-৬২॥

হে ভারত! (ত্বং) তম্ এব সর্ব-ভাবেন শরণম্ গচ্ছ ।

তত্ প্রসাদাত্ পরাম্ শান্তিম্ শাশ্বতম্ স্থানম্ (চ) প্রাপ্স্যসি ।

ইতি তে জ্ঞানমাখ্যাতং গুহ্যাদ্গুহ্যতরং ময়া ।

বিমৃশ্যৈতদশেষেণ য়থেচ্ছসি তথা কুরু ॥ ১৮-৬৩॥

ইতি তে জ্ঞানম্ আখ্যাতম্ গুহ্যাত্ গুহ্যতরং ময়া ।

বিমৃশ্য এতত্ অশেষেণ য়থা ইচ্ছসি তথা কুরু ॥ ১৮-৬৩॥

ইতি গুহ্যাত্ গুহ্যতরং জ্ঞানম্ ময়া তে আখ্যাতম্,

এতত্ অশেষেণ বিমৃশ্য, য়থা ইচ্ছসি তথা কুরু ।

সর্বগুহ্যতমং ভূয়ঃ শৃণু মে পরমং বচঃ ।

ইষ্টোঽসি মে দৃঢমিতি ততো বক্ষ্যামি তে হিতম্ ॥ ১৮-৬৪॥

সর্ব-গুহ্যতমম্ ভূয়ঃ শৃণু মে পরমম্ বচঃ ।

ইষ্টঃ অসি মে দৃঢম্ ইতি ততঃ বক্ষ্যামি তে হিতম্ ॥ ১৮-৬৪॥

সর্ব-গুহ্যতমম্ পরমম্ বচঃ মে ভূয়ঃ শৃণু । মে দৃঢম্

ইষ্টঃ অসি, ইতি ততঃ তে হিতম্ বক্ষ্যামি ।

মন্মনা ভব মদ্ভক্তো মদ্যাজী মাং নমস্কু রু ।

মামেবৈষ্যসি সত্যং তে প্রতিজানে প্রিয়োঽসি মে ॥ ১৮-৬৫॥

মত্-মনাঃ ভব মত্-ভক্তঃ মত্-য়াজী মাম্ নমস্কুরু ।

মাম্ এব এষ্যসি সত্যম্ তে প্রতিজানে প্রিয়ঃ অসি মে ॥ ১৮-৬৫॥

মত্-মনাঃ, মত্-ভক্তঃ, মত্-য়াজী (চ) ভব, মাম্

নমস্কুরু (এবং কৃত্বা ত্বং) মাম্ এব এষ্যসি । (ইতি) তে
সত্যম্ প্রতিজানে, (য়তঃ ত্বং) মে প্রিয়ঃ অসি ।

সর্বধর্মান্পরিত্যজ্য মামেকং শরণং ব্রজ ।

অহং ত্বা সর্বপাপেভ্যো মোক্ষ্যয়িষ্যামি মা শুচঃ ॥ ১৮-৬৬॥

সর্ব-ধর্মান্ পরিত্যজ্য মাম্ একম্ শরণম্ ব্রজ ।

অহম্ ত্বা সর্ব-পাপেভ্যঃ মোক্ষ্যয়িষ্যামি মা শুচঃ ॥ ১৮-৬৬॥

(ত্বং) সর্ব-ধর্মান্ পরিত্যজ্য মাম্ একম্ শরণম্ ব্রজ ,

অহম্ ত্বা সর্ব-পাপেভ্যঃ মোক্ষ্যয়িষ্যামি, (ত্বং) মা শুচঃ ।

ইদং তে নাতপস্কায় নাভক্তায় কদাচন ।

ন চাশুশ্রূষবে বাচ্যং ন চ মাং য়োঽভ্যসূয়তি ॥ ১৮-৬৭॥

ইদম্ তে ন অতপস্কায় ন অভক্তায় কদাচন ।

ন চ অশুশ্রূষবে বাচ্যম্ ন চ মাম্ য়ঃ অভ্যসূয়তি ॥ ১৮-৬৭॥

ইদম্ তে ন অতপস্কায়, (চ) ন অভক্তায়, ন চ অশুশ্রূষবে,

ন চ য়ঃ মাম্ অভ্যসূয়তি (তস্মৈ) কদাচন বাচ্যম্ ।

য় ইদং পরমং গুহ্যং মদ্ভক্তেষ্বভিধাস্যতি ।

ভক্তিং ময়ি পরাং কৃত্বা মামেবৈষ্যত্যসংশয়ঃ ॥ ১৮-৬৮॥

য়ঃ ইদম্ পরমম্ গুহ্যম্ মত্-ভক্তেষু অভিধাস্যতি ।

ভক্তিম্ ময়ি পরাম্ কৃত্বা মাম্ এব এষ্যতি অসংশয়ঃ ॥ ১৮-৬৮॥

য়ঃ ইদম্ পরমম্ গুহ্যম্ (জ্ঞানং) মত্-ভক্তেষু অভিধাস্যতি,

(সঃ) ময়ি পরাম্ ভক্তিম্ কৃ ত্বা, অসংশয়ঃ (সন্) মাম্
এব এষ্যতি ।

ন চ তস্মান্মনুষ্যেষু কশ্চিন্মে প্রিয়কৃত্তমঃ ।

ভবিতা ন চ মে তস্মাদন্যঃ প্রিয়তরো ভুবি ॥ ১৮-৬৯॥

ন চ তস্মাত্ মনুষ্যেষু কশ্চিত্ মে প্রিয়-কৃত্তমঃ ।

ভবিতা ন চ মে তস্মাত্ অন্যঃ প্রিয়তরঃ ভুবি ॥ ১৮-৬৯॥

মনুষ্যেষু চ কশ্চিত্ তস্মাত্ প্রিয়-কৃত্তমঃ মে ন (অস্তি);

তস্মাত্ অন্যঃ ভুবি প্রিয়তরঃ চ মে ন ভবিতা ।

অধ্যেষ্যতে চ য় ইমং ধর্ম্যং সংবাদমাবয়োঃ ।

জ্ঞানয়জ্ঞেন তেনাহমিষ্টঃ স্যামিতি মে মতিঃ ॥ ১৮-৭০॥

অধ্যেষ্যতে চ য়ঃ ইমম্ ধর্ম্যম্ সংবাদম্ আবয়োঃ ।

জ্ঞান-য়জ্ঞেন তেন অহম্ ইষ্টঃ স্যাম্ ইতি মে মতিঃ ॥ ১৮-৭০॥

য়ঃ চ আবয়োঃ ইমম্ ধর্ম্যম্ সংবাদম্ অধ্যেষ্যতে, তেন

জ্ঞান-য়জ্ঞেন অহম্ ইষ্টঃ স্যাম্ ইতি মে মতিঃ ।

শ্রদ্ধাবাননসূয়শ্চ শৃণুয়াদপি য়ো নরঃ ।

সোঽপি মুক্তঃ শুভাঁল্লোকান্প্রাপ্নুয়াত্পুণ্যকর্মণাম্ ॥ ১৮-৭১॥

শ্রদ্ধাবান্ অনসূয়ঃ চ শৃণুয়াত্ অপি য়ঃ নরঃ ।

সঃ অপি মুক্তঃ শুভান্ লোকান্ প্রাপ্নুয়াত্ পুণ্য-কর্মণাম্ ॥ ১৮-৭১॥

শ্রদ্ধাবান্ অনসূয়ঃ চ য়ঃ নরঃ (ইদং) শৃণুয়াত্ অপি সঃ

মুক্তঃ (সন্) পুণ্য-কর্মণাম্ শুভান্ লোকান্ অপি প্রাপ্নুয়াত্ ।

কচ্চিদেতচ্ছ্রুতং পার্থ ত্বয়ৈকাগ্রেণ চেতসা ।

কচ্চিদজ্ঞানসম্মোহঃ প্রনষ্টস্তে ধনঞ্জয় ॥ ১৮-৭২॥

কচ্চিত্ এতত্ শ্রুতম্ পার্থ ত্বয়া একাগ্রেণ চেতসা ।

কচ্চিত্ অজ্ঞান-সম্মোহঃ প্রনষ্টঃ তে ধনঞ্জয় ॥ ১৮-৭২॥

হে পার্থ! ত্বয়া এতত্ একাগ্রেণ চেতসা শ্রুতম্ কচ্চিত্?

হে ধনঞ্জয়! তে অজ্ঞান-সম্মোহঃ প্রনষ্টঃ কচ্চিত্?

অর্জুন উবাচ ।
অর্জুনঃ উবাচ ।

নষ্টো মোহঃ স্মৃতির্লব্ধা ত্বত্প্রসাদান্ময়াচ্যুত ।

স্থিতোঽস্মি গতসন্দেহঃ করিষ্যে বচনং তব ॥ ১৮-৭৩॥

নষ্টঃ মোহঃ স্মৃতিঃ লব্ধা ত্বত্ প্রসাদাত্ ময়া অচ্যুত ।

স্থিতঃ অস্মি গত-সন্দেহঃ করিষ্যে বচনম্ তব ॥ ১৮-৭৩॥

হে অচ্যুত! ত্বত্ প্রসাদাত্ (মে) মোহঃ নষ্টঃ,

ময়া স্মৃতিঃ লব্ধা, (অহং) গত-সন্দেহঃ স্থিতঃ অস্মি,
(ইদানীং) তব বচনম্ করিষ্যে ।

সঞ্জয় উবাচ ।
সঞ্জয়ঃ উবাচ ।

ইত্যহং বাসুদেবস্য পার্থস্য চ মহাত্মনঃ ।

সংবাদমিমমশ্রৌষমদ্ভুতং রোমহর্ষণম্ ॥ ১৮-৭৪॥

ইতি অহম্ বাসুদেবস্য পার্থস্য চ মহাত্মনঃ ।

সংবাদম্ ইমম্ অশ্রৌষম্ অদ্ভুতম্ রোম-হর্ষণম্ ॥ ১৮-৭৪॥

ইতি অহম্ বাসুদেবস্য মহাত্মনঃ পার্থস্য চ ইমম্ অদ্ভুতম্

রোম-হর্ষণম্ সংবাদম্ অশ্রৌষম্ ।

ব্যাসপ্রসাদাচ্ছ্রুতবানেতদ্গুহ্যমহং পরম্ ।
য়োগং য়োগেশ্বরাত্কৃষ্ণাত্সাক্ষাত্কথয়তঃ স্বয়ম্ ॥ ১৮-৭৫॥

ব্যাস-প্রসাদাত্ শ্রুতবান্ এতত্ গুহ্যম্ অহম্ পরম্ ।

য়োগম্ য়োগেশ্বরাত্ কৃষ্ণাত্ সাক্ষাত্ কথয়তঃ স্বয়ম্ ॥ ১৮-৭৫॥

ব্যাস-প্রসাদাত্ স্বয়ম্ য়োগম্ কথয়তঃ য়োগেশ্বরাত্ কৃ ষ্ণাত্

এতত্ পরম্ গুহ্যম্ অহম্ সাক্ষাত্ শ্রুতবান্ ।

রাজন্সংস্মৃত্য সংস্মৃত্য সংবাদমিমমদ্ভুতম্ ।

কেশবার্জুনয়োঃ পুণ্যং হৃষ্যামি চ মুহুর্মুহুঃ ॥ ১৮-৭৬॥

রাজন্ সংস্মৃত্য সংস্মৃত্য সংবাদম্ ইমম্ অদ্ভুতম্ ।

কেশব-অর্জুনয়োঃ পুণ্যম্ হৃষ্যামি চ মুহুঃ মুহুঃ ॥ ১৮-৭৬॥

হে রাজন্! (অহং) কেশব-অর্জুনয়োঃ ইমম্ পুণ্যম্ অদ্ভুতম্

চ সংবাদম্ সংস্মৃত্য সংস্মৃত্য মুহুঃ মুহুঃ হৃষ্যামি ।

তচ্চ সংস্মৃত্য সংস্মৃত্য রূপমত্যদ্ভুতং হরেঃ ।

বিস্ময়ো মে মহান্ রাজন্হৃষ্যামি চ পুনঃ পুনঃ ॥ ১৮-৭৭॥

তত্ চ সংস্মৃত্য সংস্মৃত্য রূপম্ অতি-অদ্ভুতম্ হরেঃ ।

বিস্ময়ঃ মে মহান্ রাজন্ হৃষ্যামি চ পুনঃ পুনঃ ॥ ১৮-৭৭॥

হে রাজন্! হরেঃ তত্ চ অতি-অদ্ভুতম্ রূপম্ সংস্মৃত্য

সংস্মৃত্য মে মহান্ বিস্ময়ঃ (ভবতি), (অহং) পুনঃ পুনঃ হৃষ্যামি চ ।

য়ত্র য়োগেশ্বরঃ কৃষ্ণো য়ত্র পার্থো ধনুর্ধরঃ ।

তত্র শ্রীর্বিজয়ো ভূতির্ধ্রুবা নীতির্মতির্মম ॥ ১৮-৭৮॥

য়ত্র য়োগেশ্বরঃ কৃষ্ণঃ য়ত্র পার্থঃ ধনুর্ধরঃ ।

তত্র শ্রীঃ বিজয়ঃ ভূতিঃ ধ্রুবা নীতিঃ মতিঃ মম ॥ ১৮-৭৮॥

য়ত্র য়োগেশ্বরঃ কৃষ্ণঃ য়ত্র ধনুর্ধরঃ পার্থঃ,

তত্র শ্রীঃ, বিজয়ঃ, ভূতিঃ, ধ্রুবা নীতিঃ (চ ইতি)
মম মতিঃ (অস্তি) ।

ওঁ তত্সদিতি শ্রীমদ্ভগবদ্গীতাসূপনিষত্সু
ব্রহ্মবিদ্যায়াং য়োগশাস্ত্রে শ্রীকৃষ্ণার্জুনসংবাদে
মোক্ষসংন্যাসয়োগো নাম অষ্টাদশোঽধ্যায়ঃ ॥ ১৮॥

ওঁ তত্ সত্ ইতি শ্রীমত্ ভগবত্ গীতাসু উপনিষত্সু

ব্রহ্ম-বিদ্যায়াম্ য়োগ-শাস্ত্রে শ্রীকৃষ্ণ-অর্জুন-সংবাদে
মোক্ষ-সংন্যাস-য়োগঃ নাম অষ্টাদশঃ অধ্যায়ঃ ॥ ১৮॥
anvaya formulated and
retyped by Sunder Hattangadi sunderh at hotmail.com

% Text title : bhagavadgItA anvayasandhivigraha sahitaM

% File name : gitAanvayasandhivigraha.itx
% itxtitle : bhagavadgItA sandhivigraha anvayasahitA
% engtitle : Gita - sandhi-vigraha and anvaya
% Category : gItA, giitaa, bhagavadgita
% Location : doc_giitaa
% Sublocation : giitaa
% Subcategory : bhagavadgita
% Author : -
% Language : Sanskrit
% Subject : hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Translated by : -
% Latest update : July 4, 2008
% Send corrections to : Sanskrit@cheerful.com
% Site access : https://sanskritdocuments.org
This text is prepared by volunteers and is to be used for personal study and
research. The file is not to be copied or reposted for promotion of any website or
individuals or for commercial purpose without permission. Please help to maintain
respect for volunteer spirit.

Sanskrit Documents Icon Home Sitemap Blog Contributors Volunteering GuestBook FAQ
Search
sanskritdocuments.org
Last updated on Wed 03 Jan 2018 04:24:09 AM MST
BACK TO TOP