TITLE: Disappointment with God

Matthew 11:2-6

2 Sa pagkadungog ni Juan nga Magbubunyag nga didto sa bilanggoan

mahitungod sa gihimo ni Cristo, gipaadto niya ang pipila sa iyang mga
tinun-an ngadto kang Jesus.
3 Ug nangutana sila Kaniya, “Sultihi kami, ikaw ba ang giingon ni Juan
nga moanhi o magpaabot pa ba kamig lain?”
4 Si Jesus mitubag, “Pamauli kamo ug suginli si Juan sa inyong
nadungog ug nakita:
5 ang mga buta nakakita, ang mga bakol nakalakaw, ang mga sanglahon
nangaayo, ang mga bungol nakadungog, ang mga minatay
nangabanhaw ug ang Maayong Balita gisangyaw ngadto sa mga kabus.
6 Bulahan kadtong wala magduhaduha kanako.”

Happy New Year. Maayong pagsaulog sa Tuig 2019! Karon mao ang unang
Dominggo sa tuig. Nalipay kaayo ko nga nakauban mo namo niining unang
Dominggo sa tuig.

 Last Sunday sa tuig 2018: Tango Alliance Church, ang among home
church sa mag bata pa mi.

 First Sunday sa tuig 2019: Lamnibong Alliance Church, ang home

church sa akong ginikanan.

Happy New Year.

TITLE: Disappointment with God(PAGKAHISAGMUYO o

PAGKAHIUBOS diha sa DIOS)

Tingali karon nga buntag isip unang Dominggo sa tuig, wala kita nag-expect
nga makapaminaw ug pulong mahitungod sa atong KAHIUBOS diha sa
Dios. Tingali daghan kanato ang naghunahuna nga ang mensahe karong
buntaga mahitungod sa PAGLAUM nato diha sa kinabuhing Kristuhanon
sa atong pag-atubang niining bag-ong tuig… o dili ba kaha mensahe
mahitungod sa mga maanindot nga mga PROMISES sa Dios alang sa
Iyang mga kaanakan.
Apan nakadecide ko nga i-share sa atoa kining mao nga tema –
DISAPPOINTMENT o PAGKAHISAGMUYO o PAGKAHIUBOS sa Dios – kay
nasayod ko nga ang tuig nga anaa sa atong unahan puno kini ug
SURPRESA.

Puno kini ug mga surpresa… ug usahay ang mga surpresa nga

muabot kanato dili ang mga surpresa sa mga nindot nga panalangin,
apan ang mga surpresa sa problema, kalisod, mga kasakit, mga
pagsulay, ug mga kahimtang nga kung dili nato mapangandaman
pinaagi sa pagkat-on ug pagsalig sa Pulong sa Dios, makahimo kini sa
pagkaluya sa atong Pagtoo ug Pagpangalagad sa atong Buhi nga Dios.

Sa lain pa nga pagkasulti, kung dili kita makapang-andam diha sa muabot

nga mga testings ug trials sa kinabuhi, maDISAPPOINT gayud kita sa
Ginoo. Ug dugang pa niini, kung wala kita masayod unsay gisulti sa Pulong
sa Dios, muresulta gayud kini sa atong pagkahiubos diha sa Dios.

GOAL or TUMONG sa PULONG sa DIOS nga akong I-SHARE: Sa atong

pagsugat niini nga tuig maandam nato ang atong mga kaugalingon aga
kasingkasing, pinaagi sa Pulong sa DIos, aron kita dili ma-disappoint o
mahiubos diha sa Dios kung aduna kita’y mga lisod nga circumstansya karong
tuiga.

PRAY.

INTRODUCTION:

Mangutana ako kaninyo: Kinsa na kanato dinhi ang nakasulay nga naa moy
giampo diha sa Dios, pero ang tubag sa Ginoo baliktad sa atong
giexpect nga Iyahang ihatag sa atoa?

Tingali nangandoy ka sa kaayuhan sa imong sakit, nag-ampo ka ug

trabaho, o nangandoy ka nga magkaanak, o nag-ampo ka nga
maminyo…

Ikaw matinud-anon ug hugot gayod ang imong pagsalig nga ihatag kini
sa Dios maong nag-ampo ka niini sulod sa pila na ka semana ug mga
bulan – bisan mga tuig. Apan sulod niining kadugayon sa imong pag-
ampo, nagpabilin ka nga masakiton gihapon, wala'y trabaho, o wala'y
 anak.

O kaha nakaingon ka, “Lord, asa naman akong love life? Single pa man
tawon gihapon ko!”

ILLUSTRATION: Aduna koy kaila nga giingnan kuno siya sa iyang Mama sa
dihang estudyante pa siya nga, “Anak, ayaw sa gyud pag-uyab-uyab ha
samtang estudyante pa ka! Asa ra man ng mga lalaki kung makahuman na ka
ug eskwela ug makatrabaho.”

So, iyang gituman ang giingon sa iyahang inahan. Wala siya nag-uyab-uyab.

Ug sa dihang nakahuman na siyag eskwela ug nakatrabaho na, iyang

giingnan iyang Inahan: “Ma, ingon ka katong estudyante pa ko dili ko mag-
uyab-uyab kay asa ra man ng mga lalaki kung makahuman nakog eskwela…
karon, human nako ug eskwela; nakatrabaho nako, asa naman tuod ang mga
lalaki Ma? Wala naman hinuo’y nanguyab nako.”

POINT: Sa bisan unsa nga atong gihandom para sa atong kaugalingon, kung
dili gani kini ihatag sa Dios kanato, posible gayud kini nga muresulta sa atong
pagkahiubos diha sa Ginoo.

Kung ikaw nahiubos na ka sa Dios kaniadto or bisan pa niining niaging mga

adlaw o semana, ingnan tika, ikaw usa ka normal nga Kristuhanon.
Nganuman? Tungod kay kitang tanan nakasinati or makasinati gayud og
kahiubos diha sa Dios tungod sa nagkalainlain natong mga experiences.

Ug gani, kining disappointment diha sa Dios dili pa usa ka sala. Apan, ang
atong pagrespond, paghandle, o pagdumala sa atong KAHIUBOS diha
sa DIOS mao ang importante natong bantayan kay basin kini muresulta nga
makasala na hinuon kita diha sa Dios.

Common kaayo sa mga Kristuhanon nga makaexperience gayod ug kahiubos

diha sa Dios nga kung tan-awon nato sa Bibliya, adunay daghan nga mga
tawo nga nakasinati man sad gani ug experiences sama niini. Sila
nahiubos o natintal sad nga mahiubos diha sa Dios.

Tagaan tamo ug examples. Dili lisod hinumduman kining mga Bible

characters nga niagi sad ug kahiubos susama kanato sa ilang mga
experiences sa kinabuhi kay ang ilang mga pangalan nagsugod sa letter “J”:

(1) Jacob (HACOB).

 Trabaho ug 7 years aron mapakaslan or maminyuan ang Babae nga
iyahang gihigugma. Apan unsay nahitabo?
 Giilad siya sa iyang ugangan nga si Laban, tungod kay instead nga si
Raquel ang ihatag sa iyaha para mahjong asawa, si Leah man hinuon.
 Resulta? Na-DISAPPOINT is Jacob kang Laban, ug indirectly diha sad
sa Dios, kay siya gilimbungan niini.

(2) Joseph (Jose).

 Anak ni Jacob. Ug gani ang kinabuhi ni Joseph makaingon kita puno
sa disappointments o tentasyon aron siya mahiubos diha sa Dios.
 Gibaligya siya sa iyang mga igsoon; gipasanginlan siya nga buot
mang-rape sa asawa ni Potiphar; gikalimtan pa gyud siya sa
suluguon sa hari human giexplain ni Joseph ang damgo niini.
 Dako na unta kadto nga tsansa alang kay Joseph nga makagawas sa
bilangguan apan nalimtan siya sulod sa duha ka tuig.

(3) Job (Hob).

 I think, tanan kita nakaila ni Job. Kung adunay tawo nga adunay
dakong posibilidad nga madisappoint diha sa Dios, si Job ang perfect
candidate.
 Nganuman? Matinud-anon siya sa Dios; ligdong sa iyahang
pagpangalagad… apan instead nga mga panalangin… kalamidad,
kamatayon sa iyang mga anak, sakit, ug bungangerang asawa
ang naa sa iyaha.
 Si Job ana sa dakong pagsulay sa iyang kinabuhi nga mahiubos,
madisappoint siya sa Dios.

(4) Jonah.
 Ang atong kasagaran nga nahibaw-an mahitungod kay Jonah mao
nga siya gitukob sa dako nga isda.. apan si Jonah natintal usab sa
pagsupak sa kabubut-on sa Dios tungod kay disappointed siya nga
luwason sa Dios ang Nineveh, nga walay lain kung dili ang kaaway
nga nasod nilang Jonah.

Si Jacob, si Joseph, Job, ug Jonah… pipila lamang kini sa mga tinuod nga
niila ug nialagad sa tinuod nga Dios, apan wala sila nahimong exempted sa
temtasyon sa pagkahiubos dinha sa Dios.

BODY:

Apan dili lamang ang mga unang tawo sa Bibliya ang nakasinati ug matawag
natong pagkadisappoint diha sa Dios, tungod kay aduna usab usa ka tawo
diha sa New Testament nga atong ma-consider nga suod kaayo diha kang
Hesu-Cristo apan nakaexperience siya ug pagkahiubos sa Dios; kini walay
lain kung dili si John the Baptist, si Juan Magbubunyag.

Si John the Baptist, usa ka faithful nga magsasangyaw sa pulong sa

Dios, ug ang iyahang ministry mao nga iyahang giyahan ang mga tawo
paingon kay Jesus Christ mao ng gitawag siya nga forerunner ni
Cristo.

BACKGROUND:

Adunay higayon sa ministry ni John the Baptist nga iyahang gibadlong ang
lider nya ginganlan ug Herod Antipas.

Kini si Herod Antipas mao ang gipili nga politikal nga lider didto sa
Jerusalem sa time ni Jesus Christ. Si Herod Antipas adunay igsoon nga
gipanganlan ug Herod Filip, ug ang iyang asawa mao si Herodias.

Sa dihang nibisita si Herod Antipas sa iyang igsoon nga si Herod Filip,

nakit-an ni Herod Antipas ang asawa sa iyang igsoon ug naibog kini
kaniya. Naibog si Herod Antipas kay Herodias. Maong iyang gihimong
kabit si Herodias, ug iyang gibuwagan ang iyang tinuod nga asawa.

So, sa pagkabalo ni John the Baptist niini, iyang giingnan si Herod

Antipas sa iyahang sayop! Sa kasuko ni Herod Antipas, iyang gipriso si
John the Baptist.

Apan ang kabit nga si Herodias, nasuko pag-ayo kang John the Baptist
nga ang iyahang gusto, dili lang kay prisuhon si John the Baptist, kung
dili iyaha gayud kini nga ipapatay. Ug gani makit-an nato sa istorya sa
kinabuhi ni John the Baptist, nga namatay gyud siya human sa sulod sa
hapit duha ka tuig nga pagpriso. Giputlan siya ug ulo! So mao na ang
storya ni John the Baptist.
Apan sa wala pa namatay si John the Baptist, didto sa prisuhan, didto niya
naexperience ang pinaka-lowest point sa iyahang kinabuhi ug gani
nadisappoint siya sa Ginoo… nahiubos siya kang Jesus Christ… tungod kay
iyang gihunahuna nga nagbuhat man unta siya sa sakto nga ministry, apan
nganung mura mag gipasagdan hinuon siya sa Dios?

Sa atong bersikulo nag-ingon dinhi… Mateo 11:2-3 “2 Sa pagkadungog ni

Juan nga Magbubunyag nga didto sa bilanggoan mahitungod sa gihimo
ni Cristo, gipaadto niya ang pipila sa iyang mga tinun-an ngadto kang
Jesus. 3 Ug nangutana sila kaniya, “Sultihi kami, ikaw ba ang giingon ni
Juan nga moanhi o magpaabot pa ba kamig lain?”

IMAGINE-on nato ang SITWASYON:

 Naa si Juan nga Magbubunyag sa prisuhan… lisod iyang kahimtang,
samtang mabalitaan niya nga naa si Jesus nagpadayon ug himo ug
mga milagro – nag-ayo sa mga bakol ug buta ug mga masakiton…
apan siya sayon ra kaayo ang iyang problema, nganung wala man
siya nakagawas sa prisuhan…

 So, sa pagkabalo ni John the Baptist niini, iyang gisugo ang iyang mga
disciples nga muadto kang Jesus, aron pangutan-on si Hesus.

Apan mga igsoon, katingalahan kaayo ang pangutana ni John. Basahon nato
ang verse 3: Ug nangutana sila kaniya (kang Hesus), “Sultihi kami, ikaw
ba ang giingon ni Juan nga moanhi o magpaabot pa ba kamig lain?”

Nganung katingalahan man ning pangutana ni John the Baptist diri? Kini
tungod kay taud-taud na sa ministry si John. Sige na siya ug sangyaw
mahitungod kang Hesus. Ug gani sa John the Baptist ikapila na nagwali
nga si Hesus mao “ang Karnero sa Dios nga nagwagtang sa sala sa
kalibutan.”

Balik-balik ni niyang gisangyaw ug gideklarar mahitungod kang Jesus

Christ, apan atong makit-an diri nga nausab ang iyang pagtan-aw kang
Hesus, sa dihang nabilanggo siya… o gani nagduda na siya kung si
Hesus ba gayod ang Gisaad sa Dios nya Mesiyas nya muluwas sa mga
tawo sa kalibutan.
Unsay atong masabtan dinhi mahitungod sa atong mga kahiubos ug
kaluya sa atong pagtoo? Adunay TULO ka PUNTO nga akong ipadayag
kaninyo karon, ug ang una:

I. Spiritual Disappointment is REAL.

Ang Espirituhanon nga Kahiubos diha sa Dios, usa ka Realidad gayud

nga atubangon sa matag-kristuhanon.

Buot ipasabot, kung ang faithful ug kusgan sa pagtoo nga si John the Baptist,
nakasinati man gani ug kaluyahon o pagduda sa iyang pagsalig diha kang
Jesus Christ, kita makasinati sad niini.

REALIDAD ang pagkahiubos diha sa Dios. Si John nakapangutana pinaagi sa

iyang mga disipulo: “Sultihi kami Hesus, ikaw ba ang giingon ni Juan nga
moanhi o magpaabot pa ba kamig lain?”

Dili kita ka-imagine no, nga pangutan-on ni John si Jesus ani nga pangutana,
after sa pipila ka bulan nga sige ug sangyaw mahitungod kang Jesus Christ?

Supposedly unta, the more siya magsangyaw sa Pulong, mas the more usab
muhugot iyahang pagtoo. Apan, dinhi nato masabtan mga igsoon, nga Si
Juan nangutana niini tungod kay nahimong huyang og luya ang iyang pagtuo,
ang iyang hunahuna naglibog, ug ang iyang kasingkasing nadisappoint gayud.

Ug busa makit-an nato nga si Juan natintal gayud sa pagtalikod sa Ginoo.

Ug dako kayao nga posibilidad nga ang rason nganung nahitabo kini kang
John, tungod kay gibati ni John the Baptist nga gitalikdan ug gibiyaan
usab siya sa Ginoo.

APPLICATION: Mga Igsoon, susama sa akong gikaingon na ganina, tingali

nakasulay na kamo nga aduna moy gihandom ug giampo diha sa Ginoo,
apan ang tubag sa Dios sukwahi sa kung unsa ang imong gilauman o giampo.
Ug usahay kanang nagdahom ta ug maayo nga ihatag sa Ginoo ang atong
giampo unya wala Niya gihatag kanato, muresulta gayud kini sa
Espirituhanong Kahiubos.

Kinahanglan nato nga ma-realize mga Igsoon nga ang Espirituhanong

Kahiubos diha sa Ginoo realidad nga pwede sad nato maexperience susama
ni John.

Kung buhi lang siguro si John the Baptist karon, tingali usa siya ka Pastor or
Evangelist o Missionary ba kaha. Apan unsay nahitabo dinhi? Ang usa ka
faithful kaayo nga Magbubuhat sa Dios, dili lang ordinary nga miyembro sa
simbahan, Tigsangyaw pa gyud sa Pulong sa Dios, nag-antos man… ang
nakagrabe pa gyud sa iyang kahimtang, murag gipasagdan siya sa Dios. Mao
nay nahimong rason nganung nakasinati siya ug pagkahiubos sa Dios.

APPLICATION: Adunay prinsipyo sa atong Kristuhanon kinabuhi nga atong

ma-apply dinhi ug kana mao: Ang atong KADUOL diha sa Dios wala
nagpasabot ug KAHARUHAY sa Kinabuhi. Ang atong PAGKAMATINUD-
ANON sa Pagpangalagad wala nag-garantiya sa kanunay nga katumanan
sa atong mga gipang-handom.

Ang Espirituhanong Kahiubos diha sa Ginoo realidad nga atong naexpereince

or maexperience kung wala pa, apan mamahimo kining panalangin kanato
kung kita padayon nga musalig sa Dios bisan pa man sa mga butang nga
wala nato nasabtan nga gihimo sa Dios sa atong kinabuhi.

Kung si John the Baptist nahiubos diha sa Dios, ikaw pwede sad
makasinati niini. In fact, nagtuo ako nga adunay pipila kanato dinhi karong
buntaga nga maka-relate sa sitwasyon ni Juan, ug tingali sama kamo kaniya -
nasagmuyo usab kamo sa Dios. Ikaw nakaila sa Ginoo; apan ikaw wala lang
makasabut sa imong naagian karon. Ug tingali moingon ka, Ginoo, Bag-ong
Tuig na sad:

 Nag-ampo kong maminyo, apan nganong unlan ra man gihapon akong

katapad matulog?
 Tingali, nangayo ka ug anak sa Dios, apan wala gihapon ka hatagi ug
anak.
 Nangayo ka sa kaayuhan, apan wala gihapon naayo imong sakit.
 Nangayo ka sa Dios ug trabaho, apan hantod karon wala gihapon ka
kapangita ug trabaho.
 Nangayo ka nga mas ma-faithful na unta ka sa Ginoo, apan naglisod
gihapon ka sa pagkamatinud-anon sa pagbasa sa Pulong sa Ginoo, ug
sa Pag-ampo pirmi.

Pipila lamang kini sa mga examples, ug nagkalain-lain ang atong mga

struggles, problems, ug trials sa kinabuhi, ug dili nako mapanganlan tanan
ninyong naagian. Apan nasayod ko nga adunay mga area or aspeto sa
kinabuhi nga pwede mahimong rason aron imong question-on ang Ginoo.
Kaila ka sa Dios. Apan nagstruggle ka sa hugot nga pagsalig diha Kaniya
tungod sa imong bati nga experience karon.

Sa iyang libro, gisulat ni C.S. Lewis, usa ka Christian nga manunulat: “Ang
akong gikahadlukan dili nga muundang ako sa pagtuo sa Ginoo, kung dili nga
magsugod unya ko sa pagtuo ug mga makahadlok nga mga butang kabahin
sa Ginoo. Nahadlok ko nga basin akong madiskubrehan nga adunay mga
butang mahitungod sa Dios nga dili nako magustuhan.”

Mga Igsoon, dili tanan sa gibuhat o desisyon sa Dios sa atong kinabuhi,

mauyunan ug magustuhan nato. Mao nay pasabot nganung aduna kita’y
Espirituhanon nga Kahiubos. Ug kitang tanan muagi gayud niini.

Ang ikaduhang punto nga atong makita diri mahitungod sa Espirituhanong

Kahiubos nato sa Dios, mao nga…

II. Kinahanglan Masayod Kita sa Rason/Mga Rason sa atong

Espirituhanong Kahiubos.

Nganung si John man disappointed diha sa Ginoo? Ang tubag niana mao kini:
Si John nahiubos sa Dios tungod sa iyahang UNMET EXPECTATION o
WALA MATUMAN nga EXPECTATION o wala natuman nga gihandom.

Nakasuway na ba kita ana? Aduna kita’y giexpect gikan sa Ginoo nga

Iyahang ihatag kanato, o buhaton along kanato, pero wala Niya buhata? Wala
natuman nga expectation.

Nag-ampo ka sa Ginoo, ibutang nato ug TRABAHO (nga makapangita na ka

ug trabaho), unya nag-expect ka Iyaha dayong ihatag kanimo, apan nilabay
na lang ang pila ka tuig ug bulan wala gihapon Niya kini gihatag. UNMET
EXPECTATION.

ILLUSTRATION: Niadtong December, daghan ang naka-experience ani.

Naa koy nadunggan nga tinuod nga estorya nga sa ilang Christmas
Party, para dili magmahay, isulat nimo ang imong ganahan nga
 madawat.

So kining tigulang babae, gisuwat niya didto nga ang ganahan niya nga
madawat kay grocery items… so nag-EXPECT siya nga maoy iyang
madawat. Pag-abot sa adlaw sa party, ang iyang nakuha KALO!
Nireklamo siya; nagyawyaw kay unsan kuno niya ang Kalo!

Maayo na lang nasayop diay ug hatag sa gift, para diay to sa lain nga
tawo, kay nagkabaylo diay sila…

POINT: So, kanang magexpect na tang daan, masakitan gayud kita kung ang
atong makuha lahi sa atong giexpect.

Mao kini ang nahitabo kay John diri, mga Igsoon! Nag-expect siya nga
tabangan siya ni Jesus; nag-expect siya nga makagawas siya sa
prisuhan. Nag-expect siya nga ang Ginoo adunay himuon aron siya
makagawas. Apan wala niya nakuha iyang expectation.

APPLICATION: Ug ingon ana usab kita diha sa Dios. Adunay mga panahon
nga mahiubos kita diha sa Ginoo kay mag-expect na man ta daan sa Iyahang
himuon alang sa atong sitwasyon. Ug gani, MAS DAKO nga EXPECTATION,
MAS DAKO sad ang posibilidad sa KAHIUBOS nato sa Dios. Mao nay
problema ni John diri. Mao nay problema nganung naay mga tawo nga mu-
backslide ug dili na makabalik… kay sobra ilang expectation sa buhaton sa
Dios alang kanila, apan napakyas sila sa ilang expectation.

Ug alang kanato tanang Kristuhanon, nagtoo ako nga ang Main Reason
nganong si John ug even kita karon mahiubos sad sa Dios tungod kay:

1. Ang KAHIUBOS nato sa Dios posibleng mahitabo kung wala Nahatag

sa Dios ang Atong Personal nga Gilauman.

Ang Bibliya nagsulti kanato nga si Jesus ug si John the Baptist dili lang suod
nga kaila ug higala, apan sobra pa:

 Unsay relationship ni Jesus ug John the Baptist? Ig-agaw silang duha,

kay ang ilahang mga inahan manag-agaw sad;
 Si John the Baptist ang gipili sa Dios nga maabot ug una kang Jesu-
Cristo aron iannounce sa mga two ang pag-abot ni Jesus.
  Tungod sa kaisog ni John, iyahang gibadlong si Herod Antipas sa iyang
sayop nga relasyon sa asawa sa iyang igsoon…

So, sa kadaghan sa gihimo ni John the Baptist alang sa Dios ug bisan pa kay
Jesus Christ, si John naghunahuna nga luwason siya ni Jesu-Kristo gikan sa
prisuhan.

Nagpaabot siya ug pila ka bulan aron siya tabangan ni Jesus Christ, apan
wala gayud nagpakita si Hesus didto sa prisuhan. Gihimo ni John the Baptist
ang tanan aron mailhan sa mga tawo si Hesu-Kristo, apan si Hesus wala man
lang nakapagawas ni John sa prisohan.

Nahiubos si John kay Jesus Christ, tungod kay ang iyahang personal nga
expectation mahitungod kay Jesus Christ, lahi kay sa sa iyang nakit-an.

APPLICATION: Kita sad karon, mao sad ta! Naa sad tay lain-lain nga
personal expectation mahitungod sa Dios ilabi na kung matinud-anon ka nga
nangalagad sa Dios, susama ni John the Baptist. Apan kon sa imong
hunahuna nga ang imong pagserve sa Ginoo, pagsimba, pagpangalagad
diha Kaniya, nag-obligar sa Dios sa pagtuman sa imong personal nga
mga gilauman ug giampo, NASAYOP ka.

Tingali nakahunahuna kita: Lord, nagsimba man ko sa imuha… nagMinistry

ko… actibo ko sa mga kalihukan sa simbahan… matinud-anon ko nga always
muhatag sa akong halad ug ikanapulo, apan nganong naglisod-lisod man
akong kinabuhi? Nganung wala man nimo gitubag akong mga pag-ampo?

Mga igsoon, karong kabuntagon, sultihan tamo sa usa sa tinuod nga prinsipyo
sa pagka-Kristuhanon: WALAY UTANG ang DIOS KANIMO! (Seatmate)

Dili obligasyon sa Dios ang paghatag Kanimo ug panalangin. Dili utangan ang
Ginoo kanato bisan pa man ug dili kita Niya tubagon sa atong mga pag-ampo.

 Nasayod ka ba nganung naa kay MAAYONG LAWAS karon? Kana

tungod sa grasya ug gugma sa Dios. Tungod kay ang Dios maayo ug
mahigugmaon sa paghatag kanato ug maayong lawas, apan walay
utang ang Dios sa atoa.

 Nasayod ka ba nganung nameet ang imong ADLAW-ADLAW nga mga

 PANGINAHANGLAN gikan sa pagkaon ngadto sa kwarta? Kana tungod
sa grasya ug gugma sa Dios. Tungod kay ang Dios maayo ug
mahigugmaon sa paghatag kanimo sa imong gikinahnaglan, Iyaha
kanang gi-provide, apan walay utang ang Dios sa atoa.

 Ang HANGIN, ang atong PAMILYA, ang GIYA sa Gino aron masabtan
nato ang Iyang Pulong, ang PROTEKSYON, ang KALINAW, ang
KALIPAY, ang Gugma, even ang atong PAGSIMBA karon… kini tanan
gibuhat sa Dios tungod sa Iyahang kaayo ug gugma… apan walay
utang ang Dios sa matag usa sa atoa.

Ug ang imong matinud-anon nga pag-alagad diha sa Dios wala nag-

obligar sa Dios nga musukli usab ug panalangin Kanimo.

APPLICATION QUESTION: Sutaa ang imong kaugalingon nga pagsimba

diha sa Ginoo karon… nangalagad lang ba kita tungod sa mga maayong
buhat ug panalangin nga ihatag sa Dios sa atong kinabuhi? O
nangalagad kita kay nasayod kita nga ang Dios lamang ang angayan nya
alagaran ug simbahon, ug ang tanan aga kalipay anaa Kaniya ug wala sa
bisan unsa nga pa man nga panalangin gikan Kaniya?

John 3:26, "Walay tawo nga makadawat ug bisan unsa gawas sa ihatag
kaniya gikan sa langit.”

Kini nagpasabot, nga ang tanan natong nadawat gikan sa Dios, tungod
sa Iyahang gugma ug kaayo… ug kung sa panahon gani nga kuhaon sa
Dios kini nga mga panalangin, dili ta dapat mahiubos Kaniya, kay ang
prinsipyo sa kinabuhing Kristuhanon: walay utang ang Dios sa matag
usa sa atoa. Kung mao kini ang atong gunitan nga prinsipyo, malikayan
nato ang temtasyon sa pagkahiubos nato diha sa Dios.

Si Job, mao kini ang iyang gi-apply sa iyang kinabuhi… mao man gani nga sa
dihang gitangtang sa Dios ang tanan niyang kabtangan, kwarta, kahayupan,
mga kaanakan, unsa may sulti ni Job?

Job 1:21 “Natawo ako nga hubo ug mamatay usab ako nga hubo. Ang
Ginoo maoy naghatag ug siya usa ang nagbawi. Dalaygon ang iyang
ngalan.”
Ug sa Job 13:15 nidugang siya sa pag-ingon: “Bisan pa ug patyon Niya
ako, magalaum gihapon ako Kaniya.”

Unsay anaa nga mga panalangin kanimo karon nga imong gi-enjoy?
Pasalamati ang Dios niana… tungod kana Iyang gihatag. Unsay wala na sa
imuha karon kay gikuha sa Ginoo? Pasalamati gihapon ang Dios niana, kay
Siya ang nikuha ana sa imong kinabuhi. Buot ipasabot, mas maayo alang
kanimo nga kanang butanga or tawhana wala sa imong kinabuhi… Parehas ni
Job, anaa man o wala, musulti kita: Dalaygon ang ngalan sa Ginoo… bisan
pa ug bawion Niya akong kinabuhi… magalaum gihapon ako Kaniya!

Sa Lucas Kapitulo 17 Bersikulo 10, Si Hesus miingon, “Mao usab kamo.

Kon nakabuhat na kamo sa tanan nga gisugo kaninyo, ingna ninyo,
“Mga suluguon kami ug nagbuhat lamang sa among katungdanan.”

Unsay prinsipyo nga gipakita sa atoa diri ni Jesus Christ? …Nga ang atong
pagserbisyo sa Dios, kinahanglan natong buhaton isip Siya ang atong Ginoo o
Agalon, ug kita Iyang mga sulugon o alagad. Kung gihimo nimo ang tanan
nga gisugo sa Dios kanimo, dili ta mag-expect nga suklian kita sa Dios
tungod sa atong mga gibuhat alang Kaniya.

Nasayod kita nga sa pagbalik unya ni Jesus Christ, adunay reward o gasa
ang atong mga gibuhat… apan kung aduna may gasa ang Dios, dili kana
sukli sa atong pagserbisyo. Kana tungod kay maayo ug puno sa grasya ang
Dios.

Ang tanan nga kaayo sa Dios sa imong kinabuhi nagpakita lamang sa kadako
sa grasya sa Dios nga bisan kanus-a dili kita takos ug angayan sa pagdawat
niining tanan.

Kung kita adunay mga WALA MATUMAN nga EXPECTATION o wala

natuman nga gihandom diha sa Ginoo, atong hinumduman ang prinsipyo
nga ang Dios: DILI OBLIGADO or DILI UTANGAN ang Dios sa matag usa
kanato.

Ang tungod niini nga prinsipyo sa pagkinabuhing Kristuhanon… ang ikatulo ug

katapusan nga punto nga along makit-an diri mao nga…

III. Kinahanglan makat-unan nato ang Insakto nga KINAIYA nga

atong ipatigbabaw sa panahon nga kita anaa sa
ESPIRITUHANONG KAHIUBOS.

Unsay maobserbaran nato diri kay John? Tinuod nahiubos siya sa Ginoo,
apan wala niya gitugutan nga magpabilin na lang nga mahiubos or ma-
disappoint. Iyahang gisugo ang iyahang mga disipulo sa pag-adto kang
Hesus. Naluya siya sa iyang pagtoo; nagduda siya sa kaayo sa Dios sa Iyang
kinabuhi, apan luyo sa iyang kaluyahon niduol gihapon siya kay Jesus.

Ug dinhi nato makita sa example ni John, ang Insakto nga KINAIYA nga
ipatigbabaw sa panahon nga kita anaa sa ESPIRITUHANONG
KAHIUBOS…

#1 Kung magduhaduha ka sa kaayo sa Dios, ayaw biyai ang Dios. Ayaw

talikdi ang imong pagtoo Kaniya. Balik ngadto kang Hesus… tungod kay
ang solusyon sa atong espirituhanong kahiubos, mao lamang ang pagbalik sa
atong hugot nga pagtoo diha sa Dios.

Sa bersikulo 4-6, human nangutana ang mga tinun-an ni Juan Magbubunyag

kung siya ba gayod ang Mesiyas, mabasa nato diri ang tubag ni Hesus kanila.
Si Hesus wala nasuko sa pangutana ni John. Ug gani, paghawa sa mga
disipulo ni John, gidayeg pa man gani Hesus si Juan.

Sa Mateo 11:11 Niingon si Hesus, “Hinumdomi kini: Wala pay tawo nga
milabaw kang Juan nga Magbubunyag.” Dinhi nato makita ang dakong
gugma ni Hesus. Higala si Hesus bisan pa man sa mga nahiubos sa Dios.

Apan bisan pa ug wala nasuko si Hesus kang Juan, ang atong makit-an nga
wala lang gihapon niya gipagawas si Juan sa prisuhan. Gitugotan ni Hesus
ang sala ni Herod Antipas nga niresulta sa pagputol sa ulo ni John sa
kaulahian.

APPLICATION: Unsay application nga makutlo nato gikan niini? Kinahanglan

natong masayran nga si Jesus nahingawa sa imong mga kahiubos o
disappointments diha sa Dios. Apan kana wala magpasabut nga si Jesus
muusab o mubag-o sa plano sa Dios, aron lamang ihatag sa imuha ang
imong mga gilauman.

Ang atong best nag example ani mao si Hesu-Kristo mismo… Wala niya usba
ang plano sa Dios, para lang luwason iyang kaugalingon. Pila ka oras bag-o
siya gibudhian ug gidakop sa iyang mga kaaway sa Gethsemane, nag-ampo
si Hesus, “Amahan, kon buot ka, kuhaa kining kupa gikan kanako. Apan
dili ang akong pagbuot kondili ang imo maoy matuman.”

Kung atong ikompara ang pagkabilanggo ni Juan ug ang paglansang sa krus

ni Jesus, mas labaw pag-antos ni Hesus. Matud pa sa Lucas 22:44,
gipaningot si Hesus, ug ang iyang mga singot susama kadagko sa dugo, sa
pag-atubang niya sa kamatayon. Apan wala gikompromiso ni Hesus ang
iyang misyon alang lamang sa paglikay sa kasakit.

Wala usba ni Hesus ang plano sa Dios sa kinabuhi ni Juan. Wala sad
Niya giluwas Iyang kaugalingon sa kamatayon sa Krus. Ug ako nasayod,
adunay mga panahon nga dili sad Niya tubagon ang atong pag-ampo sa
paagi nga gusto nato, tungod kay mas labaw pa nga nindot ang plano sa
Dios sa atong kinabuhi, kaysa sa atong giplano nga tubag sa atong mga
pag-ampo.

Adunay usa ka Pastor nga ginganlan ug Steve Fuller, ug nindot kaayo ang
yang giingon. Niingon siya: “Sa diha nga akong gibati nga nahiubos ako sa
Dios, kini tungod kay nianang higayuna, mas gipangandoy pa nako labaw pa
sa Dios ang kaayuhan sa sakit, trabaho, anak, asawa o bisan unsa pa man
nga nahimong rason nganung nahiubos ako sa Dios.
Nindot ang kaayuhan sa sakit, pagtrabaho, mga anak, ug kaminyoon; apan
walay bisan usa niini ang makatagbaw kanako labaw pa sa Dios mismo.
Busa kung nahiubos ko sa Dios, kana nagpasabot nga adunay problema sa
akong pagtoo. Wala ako nagasalig nga ang Dios mismo ang akong kalipay ug
katagbawan ug wala nay mas labaw pa.”

Mga Igsoon, kini nagpasabot diay nga kung palabihon pa nato ang pagpangita
sa tubag sa atong mga pag-ampo, labaw pa sa atong pagpangita sa Dios,
dako ang posibilidad nga mahiubos gayud kita sa Dios kung dili ihatag sa atoa
ang atong gihandom.

Apan gi-challenge ko kamo, salig sa Ginoo, padayon sa pagduol ug

pagtugyan sa imong kinabuhi Kaniya, bisan pa man ug walay positibo nga
tubag ang imong mga pag-ampo. Adunay kanta aga nagkanayon…

SING: God is too wise to be mistaken

God is too good to be unkind
So when you don't understand
When you don't see His plan
When you can't trace His hand
Trust His heart

Hubad:

Ang Dios maalamon kaayo, dili gayud Siya masayop

Ang Dios maayo kaayo, dili siya mahimong mapintas
Busa kung wala ka makasabut
Kung dili nimo makita ang Iyang plano
Kung dili nimo masubay ang Iyang mga binuhatan
Salig sa Iyang kasingkasing

Ang Insakto nga KINAIYA nga ipatigbabaw sa panahon nga kita anaa sa
ESPIRITUHANONG KAHIUBOS… mao ang pagbalik diha sa Dios -
pagsalig Kaniya pinaagi sa Pag-ampo.

Isulti Kaniya imong kaluyahon, imong mga kabug-aton, imong mga gi-
desire, ug ang rason nganung naluya ka sa pagtoo. Atong i-express
dinha Kaniya bisan ang atong mga pagduda ug kabalaka… Maminaw
ang Dios, bisan ang pag-ampo nato inubanan ug mga kahiubos sa Dios.

#2 Ang ikaduha nga Insakto nga KINAIYA nga ipatigbabaw sa panahon

nga kita anaa sa ESPIRITUHANONG KAHIUBOS… mao ang PAGSALIG
sa PULONG sa Dios ug PAGTOO sa mga SAAD nga anaa sa Iyang
Pulong.

Sa bersikulo 4-5 gaingon: Si Hesus mitubag, “Pamauli kamo ug suginli si

Juan sa inyong nadungog ug nakita: 5 Ang mga buta nakakita, ang mga
bakol nakalakaw, ang mga sanlahon nangaayo, ang mga bungol
nakadungog, ang mga minatay nangabanhaw ug ang Maayong Balita
gisangyaw ngadto sa mga kabos.”

Gisultihan ni Jesus ang mga tinun-an ni Juan sa pagsulti sa mensahe nga

ilang nadungog ug sa mga milagro nga ilang nakita nga gihimo ni Hesus. Ug
ang gisulti diri ni Jesus sa verse 5: Ang mga buta nakakita, ang mga bakol
nakalakaw, ang mga sanlahon nangaayo, ang mga bungol nakadungog,
ang mga minatay nangabanhaw ug ang Maayong Balita gisangyaw
ngadto sa mga kabos… katumanan kini sa mga propesiya nga gitagna na
daan ni Propeta Isaias mahitungod sa pag-abot sa Manluluwas nga si Hesu-
Kristo.

Kini nagsulti kanato nga ang gigamit ni Hesus sa pagtubag sa mga pangutana
ug kahiubos ni Juan, mao ang Pulong sa Dios nga makita sa Isaias.

APPLICATION: Klaro kaayo ang application diri slang kanato! Nga sa

panahon unya nga maluya kita sa atong pagtoo tungod kay nahiubos
kita sa Dios, kinahanglan natong hinumduman, nga ang atubag sa atong
mga pangutana anaa lang sa Pulong sa Dios. Ang Pulong sa Dios hingpit
ug igo gayud aron sa pagpalig-on sa mga naluya sa pagtoo, pagtambag
sa adunay kabug-aton, ug sa paghupay sa mga nawad-an sa kadasig.

Gipakita dinhi ni Hesus sa Iyang paggamit sa mga Pulong ni Propeta Isaias,

nga ang pagtoo sa Pulong sa Dios importante gayud kaayo.

Si Juan adunay duha ka mga kapilian: either musalig siya sa pulong sa Dios o
dili siya musalig ug mutuo niini.

Mao kini ang importante nga prinsipyo nga kinahanglan nato nga masabtan:
Nagsalig ka ba sa pulong sa Dios sa tanang panahon, ilabi na sa panahon sa
Espirituhaong Kahiubos nimo diha sa Dios?

Mga Igsoon, atong HINUMDUMAN, ang matuod ug lig-on nga pagtuo sa

PULONG sa DIYOS mao lang gayud ang bugtong sulbad sa
espirituhanong pagkaluya.

Si Hesus miingon sa bersikulo 6 sa along teksto, “Bulahan kadtong wala

magduhaduha kanako!” Kining pulong “BULAHAN” sa English pa
BLESSED – nga ang matuod nga meaning MALIPAYON! BLESSED, ang key
word ana BLESS, kung asa nato kuhaa usab ang pulong “BLESSING” or
PANALANGIN.

So unsay bout ipasabot niini? Nga ang tawo nga tinuod nga BULAHAN,
MALIPAYON, ug GIPANALANGINAN sa Dios dili kadtong mga nakadawat sa
tanan aga positibong tubag sa ilang mga giampo ug gihandom… Apan ang
tinuod nga BULAHAN, MALIPAYON, ug GIPANALANGINAN, ingon ni Jesus,
mao kadtong wala magduhaduha kang Hesus, apan adunay TINUOD ug
LIG-ON pga pagtuo ug pagsalig sa Pulong sa Dios.

Mga Igsoon, pagkinabuhi nga adunay kalipay pinaagi sa pagsalig sa promisa

sa Ginoo sa Iyang mga Pulong. Ang tanan nga nahitabo o mahitabo sa atong
kinabuhi uyon sa pagbuot sa Dios, bisan pa man ug dili Niya ihatag ang imong
mga gihandum.

Si Hesus misaad, “Bulahan kadtong wala magduhaduha kanako!” Kini nga

panalangin mabatunan lamang sa mga misalig nga ang Dios nagdumala ug
nagcontrol sa tanan butang…

Atong tapuson kining atong mensahe niining kabuntagon pinaagi sa usa ka

istorya…

STORY: Naay usa ka tawo nga first time pa nga nakasakay ug eroplano. Kini
nga tawo nahadlok pag-ayo sa dihang niuyog ang eroplano didto sa taas
tungod sa hangin.

Apan nakabantay siya nga naay gamay nga bata diha sa iyang tapad,
nga wala ra gayud nahadlok. Nangutana siya sa bata kung unsay
sekreto sa bata nganung kalma kaayo kini.

Ang bata nitubag kaniya, “Wala ko nahadlok kay ang piloto akoang
Amahan. Kabalo si Papa nga nisakay ko diri sa eroplano, maong nisalig
ko nga dili niya itugot nga adunay mahitabo nga dautan kanako.”

CONCLUSION:

Mga igsoon, laumi ug saligi ang Dios sa tanang panahon… usa ka realidad
ang espirituhanong kahiubos, especially kung ang atong mga pag-ampo ug
desires dili itugot sa Dios kanato.

Ug usahay, susama sa nagasakay kita sa eroplano, adunay pag-uyog sa

atong pagtuo… apan ang labing labaw nga masaligan nga Amahan, maoy
nagkontrolar sa dagan sa atong kinabuhi. Dili Niya itugot nga adunay dautang
mahitabo kanato sa kaulahian…

Sa katapusan, si Propeta Habakuk, adunay nindot kaayo nga giingon nga

makatabang kanato sa panahon nga matintal kita nga madisappoint sa Ginoo:

Bisan pag dili na mamulak ang igera o mamunga ang mga paras ug ang
mga olibo; bisan pag wala nay maaning abot sa kaumahan, ug
mangamatay na ang kahayopan, ug wala nay sulod ang ilang mga puy-
anan, magmaya gihapon ako, kay ang GINOO nga Dios mao may akong
manluluwas. Ang Ginoong DIOS maoy akong kalig-on. (Hab. 3:17-19a)

Ang akong pag-ampo nga sa atong pag-atubang niining tuig 2019, lig-unon
kita sa Dios sa atong mga pagtoo, bisan pa man luyo sa kawald-on,
kapobrehon, challenges, mga problema, ug bisan pa man ang mga gihandom
nato sa kinabuhi ug ang atong mga giampo dili ihatag sa Dios kanato.