ATUQWAN LIQICHUWAN CORONA VIRUS IMAN

HUK P’UCHAW CARLOCHA MAYU PATAPI PUÑURQAPUSQA HINASPA

MUSQHUYNINPI SALLQA UYWAKUNATA HUÑUKUKTA RIKUSQA.

LIQICHUQA LIQI LIQI NISQA WAHACHIN LLIPIN SALLQA UYWAKUNATA,

URAYMANTA WICHAYMANTA URQUMANTA IMA CHAYARIMUNKU
HUÑUKUYMAN. CHAYPI ALLIN YACHAYNIYUQ LIQICHUQA RIMARIN, MANA
RIQSISQA UNQUY CH’IKIRISAN KAY PACHAPI IMANASUNTAQ
WAYQIPANAKUNA. WAKIN UYWAKUNATAQA HUMP’IRAQSI HUQARISQA,
QUNQAYMANTA WAYNA ATUQQA RIMARILLANTAQ, WAYQIPANAYKUNA AMA
MANCHAKUYCHIKCHU CHAY UNQUYTAQA ÑUQANCHIKQA KALLPASAPA ALLIN
MIKHUQ QHALI KANCHIK. LIQICHUQA NILLANTAQ WAYQIY ATUQ KAY
UNQUYQA PASAQTAN WAÑURICHISAN WAK SUYUKUNAPI, HINALLATAQSI
MUNAY PUKA CHAKI WALLATAQA MANCHARISQALLA RIMARILLANTAQ TURAY
LIQICHU QAMLLAPUNI HARK’ARIWAQ AYLLUNCHIKTAQA KAY CORONA VIRUS
NISQA UNQUYMANTAQA, MANA CHAYQA LLAKIPI TARIKUSUNMA.

HUÑUKUY PATAMANTAQA LIQICHUQA QHALI ALLIN AYLLU UMALLIQMI KAPUN

MANAN WAK UYWAKUNATAQA WAYKUCHINCHU AYLLUNMAN, WAYNA ATUQQA
MANAN LIQICHUTAQA KASUNCHU WAK AYLLUKUNATAS PURIPUN MANA
MANCHARIKUSPA, CHAYMANTA KUTIMULLANTAQ AYLLUNMANQA MAMAN
QAYLLATAS PURIN TIYAQ, SUQTA P’UCHAWMANTA MAMANQA UHUYU UMA
NANAY UNQUYNIYUQ UKHURIN WAYNA ATUQQA TUMPA LLAKISQALLA NIN
MAMAY IMANASUNKITAQ MANAN ALLINTACHU SAMASANKI AMAPUNI
SAQIWANKICHU.

P’UCHUKAYNINPI PACHA PAQARIYTA MAMANQA WAÑURKUPUSQA, WAYNA

ATUQQA PASAQTA WAQAN YMALLAPITAQ TARIKUNI KUNANRI
KASUKUYMANCHA KARQAN, AYLLU UYWAKUNAQA KARULLAMANTAS
QHAWANKU WAYNA ATUQ LLAKIPI TARIKUSQANTA.

CARLOCHA MANCH’ARISQALLA WAQAYÑAWINTIN RIKCH’ARISQA MAMA ATUQ

WAÑUSQANTA RIKUSPA MUSQHUYNINPI.