LA CHUPA SANGRE

YAWAR CH’ONQAY

Hukpis kasqa huk wayna Chachani orqopi tiyasqa ayllunwan,, hinaspas  payqa sapa
p’unchay uraykamusqa orqo Chachanimanta llank’aq Arequipa llaqtata.
Waynaqa llank’ananmanta kutisqa Chachani orqoman , sukra pheshqa urasta rikusqa huk
munay sipasta chay ñaqch’akushasqa chukchanta chay huk rumipi tiyaspa
Hinaspas waynaqa achhuykusqa sipasman, nisqa:
Allin p’unchay sipas nispa nisqa 
¿Imatan ruwashanki kaypi ¿ nisqa waynaqa
Sipasqa kutichisqa, kaypi ñaqch’akushani chukchayta . Aswan kaymanta qhawashani
Arequipa llaqtata llapanta ,munay kasqanta, chaymanta kusisqa kashani kaypi.
Chaymanta pachas ,sapanqa sukra urasta chaypis suyasqa sipasqa waynata 
Ishkayninku chaypi sapa sukra parlasqaku tutayanankama.
Huk sukra tutaña chaypis wayllunakusqaku waynaqa sipasman , hinaspas sipasqa
much’aykusqa waynata , hinaspas waynaqa qhawaykusqa hatun ishkay kirunta 
lloqsimusqa , sipaspa siminmanta. 
Tapuykusqa sipasta:¿ Pin kanki? ¿maymantan hamunki?, imanaqtinmi kaypi sapa sukra kanki
, sipasqa kutichisqa, :Noqaqa uraykamuni Chachani kikinmantapuni ,sapanqa waynakunata
tarinaypaq chay yawarninta ch’onqani , chaymi mikhunay 
Chaymanta waynaqa mancharikusqa ,hinaspas waynaqa phawaspa ripusqa 
Sipasqa qatiykunsi ,hinaspas waynaqa chakatanata horqosqa , hinaspas qhawaykachisqa
sipasman tayta Diosmanta mañayukuspa allinta, hinaspas sipasqa chinkapusqa karuta 
Chaymanta pachas waynaqa mana rikupusqachu chay sipasta ,sapanqa sukra chayamuspa
llank’ananmanta kusisqa purikusqa