PULONG MONG LANGITNON

Roger C. Suycano

1
Gihabolan mo ako sa matugnaw kong kalibutan
Gisapnay mo ako gikan sa malapok kong nahimutangan;
Ang Manluluwas ko gikan sa unos ug bagyo
Pangurog ug kahadlok sa inanay nawala…

Pre-Koro:
Ikaw ang akong kusog
Ikaw ang akong tingog
Ikaw ang pagmahal…

Koro:
Pulong Mong Langitnon ang gisaad Mo
Sa pagmahal akong tulay sa gilaktan ko;
Pulong Mong Langitnon sukdanan sa pagbag-o
Gilig-on mo ako tungod sa Pulong Mong Langitnon.

2
Nakahangad sa langit, nanginyupo ug nagalaum
Nga himoon Mo ako isip magsasangyaw Mo
Pagpaangbit sa balaan Mong Pulong
Karon ania ako andam pagtuman sa kagustohan Mo…
(repeat: pre-Koro, Koro)

Bridge:
Ikaw ang Dios sa kabanhawan
Dios ug Labing Gamhanan
Sa kanunay Ikaw paga-awitan….
(repeat: Koro)