Bilang mga tao, nagbiyaya ang Panginoon ng isipan upang gamitin at

ipalaganap. Maraming tanong sa isipan ng isang tao, mga tanong na

nakakaapekto sa bawat galaw, kilos, at desisyon ng sarili. Sa paaralan,
tinuturo ang kahalagahan ng mga bagay-bagay katulad nalang ng
wikang pambansa. Ang isang bansa na may sariling wika ay
nangangahulugang malayang bansa. Ang wika ay isang paraan ng
komunikasyon. Dahil sa wika  nagkakainindihan ang lahat ng tao. Iba't-
ibang wika sa bawat lugar, komunidad, at bansa. Mahalaga ang wika ng
isang bansa katulad ng Wikang Filipino.
Ang isang tao na gumagamit ng Wikang Filpino ibig sabihin isa
siyang Pilipino pero bakit ang ibang Pilipino ay ikinakahiya ang sariling
wika? Ito ba ang sinasabing mahalaga at mahal raw ng mga
mamamayan ang sariling wika ngunit kahit gamitin man lamang ito ay di
magawa dahil sa mga masasamang ideya, at kuro-kuro na namuo sa
isipan ng ibang tao o mga banyaga tungkol sa Pilipino na dahilan na
ikahiya ang sariling wika. Kung mahalaga talaga sa mga Pilipino ang
Wikang Pambansa ay gagamitin ito kahit kailan at saan man magpunta.
Maraming iba't-ibang wika dahil sa archepilago ng hugis ng bansa
Pilipino o tinatawag ding varayti ng wika. Sabi ng marami na ang Wikang
Ingles ang mas mahalaga kumpara sa Wikang Filipino dahil ang Wikang
Ingles ang pangunahing linggwahe na mas ginagamit ng karamihan
kahit saan man magpunta sa buong mundo. Pero para sa mga Pilipino at
sa mga taong mas nakakaintindi sa kahalagahan ng ating Wikang
Filipino, ito ang sumisimbolo sa katauhan bilang isang Pilipino,
makakaya ring mapaunlad ang sariling bansa kahit ang sariling wika
lamang ang ating gamitin. Sabi pa nga ng bayaning Pilipino na si Dr.
Jose Rizal "Ang hindi marunong magmahal sa sariling wika ay higit pa
sa malansang isda." Kaya pahalagahan ito at mahalin ng buong puso,
hindi lamang sa salita kundi sa gawa. Mahalaga talaga ang wikang
filipino sa kasalukuyan dahil nagpapatunay ito na mayroong sariling
wikang maipagmamalaki ang mga Pilipino.
 Malinaw na ang wika ay isang mahalagang kasangkapan na
ginagamit upang maiparating ang mga nasasaloob na ideya at
damdamin ng isang tao. Hindi lamang ito isang paraan ng pakikipag-
usap sa kapwa kundi ginagamit din ito upang makipagkaibigan,
makipagtalakayan at maibahagi ang iba’t ibang opinyon at kaisipan. Sa
buong kasaysayan, maraming mga bagay, sitwasyon at pangyayari na
tumutukoy sa kahalagahan ng wika sa mga tao, sa kapaligiran at higit
lalo na sa bansa.
Ang wika ay hindi lamang kumakatawan sa isang tao. Ito ay hindi
lamang isang paraan para sa pagpapahayag ng mga sariling saloobin,
opinyon, mga personal na obserbasyon at halaga ng kanyang mga
katangian ay isang sisidlan na siyang nagpapahayag ng mga aspeto ng
isang komunidad o bansa. Ang wika ay kumakatawan din sa
pangunahing pagpaparating sa iba ng panlipunang pagkakakilanlan. Sa
maikling salita, ang wika ay tumutulong na mapanatili ang mga
damdamin ng kultura, sining at pagkabansa ng isang bayan.
Kahit na sa anumang anyo, sa pamamagitan ng pagsusulat o
pagsasalita, ang wika ang pinakamabisang paraan upang maihatid ang
mga kaisipan at mapanatili sa madaling hakbang ang kasaysayan at
mga tala ng mga sinaunang Pilipino. Sa ganitong pagkakataon,
malalaman ng mga kasalukuyang mamamayan ang mga hakbangin na
ginawa noong unang panahon upang maipatuloy ito sa mabuting paraan
at maiwasan ang mga hindi magagandang pangyayari noon. Ito ang
magsisilbing lakas upang maisakatuparan ang mga naudlot na pangarap
noong simula pa.
Sa paglipas ng panahon, mapatutunayan na ang wika ang siyang
pinakamahalagang sandata upang maiparating ng isang bansa sa
kanyang mga mamamayan ang mga pangyayari, kasaysayan at bahagi
ng ekonomiya nito. Gayundin naman na ang wika ang siyang sentro ng
mga mamamayan upang maibuhos sa kanilang pamahalaan ang
kanilang mga hinaing.
Maipadarama ng isang tao sa pamamagitan ng sariling wika ang
laman ng damdamin, ang lalim ng pagkatao, ang katangian ng
ginagalawang kapaligiran, ang lawak ng kultura at sining, ang
kabihasaan sa anumang larangan at ang katotohanan ng pag-iral. Sa
kabuuan, ang wika ang nagsisilbing kaparaanan upang maging isang
ganap na tao ang isang tao at maging isang ganap na bansa ang isang
bansa.
Sa araw-araw na gawain ng tao, lumilitaw ang pakikipagtalastasan

o pakikipag-ugnayan sa kanyang kapwa. Halimbawa, sa loob ng klasrum

ang pagpapaliwanag ng guro ng mga leksyun habang nakikinig ang mga
estudyante at pagkatapos ay magkaroon ng interaksyon batay sa paksa
na kung saan ang guro ay magtatanong at ang mag-aaral ay sasagot.
Ito’y isang pakikipagtalastasan. Gayundin naman sa lansangan o sa
palengke, ang transaksyon na nagaganap sa mga mamimili o sa mga
nagtatanong upang magkaroon ng ugnayan, ito ay isang paraan ng
pakikipagtalastasan. Sa tanggapan o sa opisina ng mga empleyado at
kung may mga kliyente silang kakausapin, ito ay isang
pakikipagtalastasan. Ito ang nagpapatunay na ang pakikipagtalastasan
ay isang gawaing pang-araw-araw.
Ang mabisang pakikipagtalastasan ay maaring makapagpabago ng isang

paninindigan o kilos at maari ring makahikayat ng paninindigan gaya ng mga

kandidatong nagbibitiw ng mga magagandang pangako upang makuha ang panig

ng mga tagatanggap ng mensahe. Ito rin ay nakakatulong sa pagbuo, pag-unlad,

pagbabago at paglikha ng maayos at mataas na antas ng ugnayan ng isipan,

damdamin at saloobin. Ito ay sining ng pagpapahayag na may kaugnayan sa

pagiging malikhain sa paggamit ng wika na may kaayusan at kawastuhan at

paglinang sa mga kasanayang pakikinig, pagsulat, pagbasa at pagsasalita. Lahat

ng mga ito, samakatuwid ay nagpapatunay na ang mabisang pakikipagtalastasan

ay proseso ng paghatid ng kaalaman, ideya o mensahe kung saan ang tagapakinig

ay lubos na nakauunawa sa kahulugang nais ipahatid ng lubos na nakauunawa sa

kahulugan ng nais ipahatid ng nakikipagtalastasan.

Ang pagsalita ay ginagawa upang maipahayag ang mga ideya at kaisipan

sa kapwa sa ibat-ibang kadahilanan, maaaring nagsasalita o nagsusulat upang

maiparating ang mahalagang impormasyon at mensaheng nais nating ibahagi

upang hindi magsisi ang mga tagapagpahayag kung sakaling hindi natin
naiparating gamit ang nag-iisang wikang pambansa ang wikang Filipino na siyang

sumasalamin sa pagiging isang tunay na Pilipino.

1.2 Paglalahad ng Suliranin

            Ang pag-aaral na ito ay tungkol sa kahalagahan ng wikang Filipino sa

Edukasyon. Layunin ng pag-aaral na ito na sagutin ang mga sumusunod na

katanungan:

1.2.1 Gaano kahalaga ang wikang Filipino para sa mga mag-aaral?

            1.2.2 Paano kinukumpara ang wikang Filipino sa wikang banyaga?

            1.2.3 Para sa ating mga Filipino aling wika ang mas kailangan nating hasain,

ang wikang Filipno na siyang ating sariling wika o ang wikang banyaga na kung

saan mas nirerequire na ngayong gamitin?

TSAPTER II

PRESENTASYON, ANALYSIS, AT INTERPRETASYON

2.1 Kahalagahan ng Wika Para sa Mga Mag-aaral

Ang kahalagahan ng wikang Filipino sa mga mag-aaral ay ito ay isang

mahalagang salik ang wika sa komunikasyon. Sa pamamagitan ng maayos at

angkop na paggamit ng wika, nagkakaroon ang gumagamit nito ng kakayahang

kumuha at makapagbahagi ng kaalaman, ng mga mithini at nararamdaman.

Sa bawat aspekto ng pag-iral ng tao ay ginagamitan ito ng wika kapag

nagpapalitan ng mga sikreto sa pagitan ng malalapit na kaibigan, kapag

sumasagot sa klase o nagsusulat ng iba't ibang term paper, sa mga oras ng review

para sa eksamen, lahat ay gumagamit ng wika. Dito nakasalalay ang epektibong

pagkatuto at matagumpay na paghahatid ng mga ideya sa ibang tao. Ngunit gaya

nga ng nabanggit kanina, kailangang hasain ang wika sa isang kaukulang lebel

upang magamit ito nang maayos. Kaya naman may mga kurso tayo sa grammar o
balarila, at sa literature o panitikan. Sa pamamagitan ng mga kursong ito,

lumalawak ang pag-unawa ng mga mag-aaral tungkol sa paggamit ng iba't ibang

mga salita upang makamit nila ang kanilang mga nais gawin. May matibay na

relasyon ang pagbabasa at pagsusulat, sapagkat hindi maaaring umiral ang isa

kung wala ang isa pa. Habang umuunlad ang ating kakayahan sa pagbabasa ay

inaasahang umuunlad din ang ating kakayahan sa pagsusulat. Ginagamit rin ang

wikang Filipino upang mas lalo pang nagbubuklod buklod ang bawat isa sa ating

bansa.

2.2 Pagkukumpara ng Wikang Filipino sa Wikang Ingles

Sa kabila nito, hindi pa rin ito sapat upang masabing intelektwalisado ang

wikang Filipino kung ikukumpara sa ibang wika tulad ng wikang ingles.

Kinakailangang pag-aralan nang mabuti ang proseso ng intelektuwalisasyon bago

pa man ito isagawa. Kailangan ding maintindihan ng mga tao na ang ating wika ay

hindi unibersal tulad ng wikang Ingles. Maisalin man natin ang lahat ng salita sa

Filipino, hindi pa rin ito magiging dahilan upang gamitin ng lahat, lalo pa’t pag-

aralan ng ibang tao mula sa ibang bansa. Hindi nito masisiguro na ito’y gagamitin

sa pang-araw-araw na buhay. Bukod pa rito, hindi rin ito magiging madaling

proseso kung ito’y ituturo sa mga mamamayan. Sa kabilang banda, dapat din ay

bigyang pansin at pagkakataon ang mga nais magtaguyod ng pag-intelektuwalisa

ng wikang Filipino. Mataas ang respeto sa kanila dahil bagama’t mahirap ang

kanilang mga nais mangyari ay hindi ito nagiging hadlang upang silay’y

magpatuloy. Kung mabibigyan sila ng pagkakataon ay marahil maintindihan din

kung bakit hindi kinakailangang iintelektuwalisa ang wikang Filipino sa bawat

larangan. Bukod sa hindi magiging simple ay hindi rin ito ang tanging paraan

upang itaguyod ang sariling wika. Ang intelektuwalisasyon ng Filipino ay hindi

imposible, ngunit sa ating panahon ngayon, hindi rin ito lubusang magagamit.

Bukod pa rito ay hindi na rin mapapalitan ang katotohanang Ingles pa rin ang

unibersal na wika.

2.3 Wika na Mas Kailangang Hasain

Bilang isang Filipino mas piniprefer na hasain ang ating sariling wika kaysa

sa wikang banyaga. Dahil ang wikang filpino ang nagsisimbolo ng ating pagka

Filipino ito ang siyang maipagmamalaki natin sa ating bansang

kinabibilangan.  Mahalaga ang paggamit ng wikang Filipino sa pagtuturo sapagkat

malaki ang maitutulong nito sa intelektwalisasyon ng mga Pilipino. Sa isang payak

napagsusuri masasabi nating ang paggamit ng katutubong wika sa pagtuturong

anumang uri ng kaalaman ay nakapagpapabilis sa proseso ng edukasyon. Sabi ng

marami an Wikang Ingles ang mas mahalaga kumpara sa Wikang Filipino dahil sa

ang Wikang Ingles a ang pangunahing linggwahi na mas ginagamit nga karamihan

kahit saan man sila magpunta sa mundo. Pero para sa amin at sa mga  mas

nakakaiintindi sa kahalagahan ng Wikang Filipino ay ang Wikang Filipino parin ang

napakahalaga dahil ito ang sumisimbolo sa ating katauhan bilang isang Pilipino,

makakaya nating mapaunlad ang ating sariling bansa kahit ang ating sariling wika

lamang ang ating gamitin katulad ng bansang Japan. Mas pinahahalagahan nila

nag kanilang sariiling wika kaysa sa ibang wika kahit ganito napapaunlad parin

nila ang kanilang bansa at ngayon isa ang kanilang bansa sa pinakamaunlad na

bansa sa buong mundo. Sabi pa nga  ng ating bayani na si Dr. Jose Rizal " Ang

hindi marunoong magmahal sa sariling wika ay higit pa sa malansang isda." Kaya

tayong mga Pilipino pahalagahan natin ang ating sariling wika at mahalin ng

buong puso, hindi lamang sa salita kundi sa gawa. Mapapansin na hindi umunlad

ang wika sa loob ng napakahabang panahon dahil hindi na kailangan pang pag

aralan ng mga banyaga ang wikang Pilipino.

Tunay na isang paraan na magkaunawaan ang magkaibang wika sa

pamamagitan ng wikang Ingles, ngunit isipin naman ng mga Filipino na hindi

obligasyon na magsalita ng Ingles kung nasa sariling bayan. Sa katunayan hindi

isyu kung alin ba talaga ang dapat na gamiting opisyal na wikang panturo sa mga

paaralan. Ang tunay na isyu dito ay ang kalidad ng edukasyon. Sa huli ay nasa

estudyante pa rin kung paano siya magsusumikap upang tumaas ang kanyang

kaalaman sa paggamit ng Wikang Ingles at pagmamahal sa pamanang Wikang

Filipino.