I.

Asignatura:Grade 4

II.Paksa(LP1)
Pagkamaayo sa Kinabuhi nga Gasa sa Dios

III.Mga Tumong

Aral:Makasayud na sa sinugdanan palang ang kinabuhi nga gasa sa

Diyos nga naay pagkamaayo.

Asal:Mahatagan ug bili ang kinabuhi nga gasa sa Diyos pinaagi sa pag

amping niini.

Dasal:Makapasalamat sa Diyos sa gasa nga kinabuhi pinaagi sa pag-ampo.

IV.Kahalagahan:pagtuo ug paghatag ug bili kinabuhi nga gigasa sa Diyos

V.Pulong Sa Ginoos:
Ug gipanalanginan sila sa Dios nga nag-ingon, “Panganak kamog daghan ug
lukpa ang kalibotan sa inyong mga liwat ug dumalaha ang kalibotan. Kamoy
magbuot sa mga isda ug sa mga langgam ug sa tanang ihalas nga mananap.”
(Genesis 1:28)

a.Kinsa ang naghatag ug panalangin sa pagbasa?

b.kinsa ang iyang gipanalangina?
c.unsa man ang gihatag nga tahas sa mga tawo?

Sa pagbasa gikan sa Genesis nga nagpamatoud na ang Diyos naghatag ug

dakong tahas sa tawo nga mao ang pagdumala ug pag atiman sa iyang mga
binuhat. Busa ang tawo tumanon ang gihatag sa nga tahas para mahimuot ang
Dios kaniya pinaagi.Ug ang Diyos nagpakita ug dakong pagsalig sa tawo mao
ang pagdumala ug pagpalambo sa iyahang binuhat.

VI.Sitwasyon sa Kinabuhi
 (pagpakita ug litrato na nagpakita ug pag amping sa kaugalingon ug sa
isigkatawo:naligo,nag exercise,nikaon ug mga masustansya nga
pagkaon,pagtabang sa mga kabus)

1. Unsa inyong nakita sa litrato?

2. Inyo naba kining nasinati sa inyong kaugalingon nga nakita ninyo sa
litrato?
3. Unsa man inyong gibati samtang inyo kining gibuhat sa inyong
kaugalingon o sa isigkatawo?
4. Unsa man ang hustong pamatasan kung kita mitabang sa isigkatwo?

Ang tawo gihimo sa Ginoo sama sa iyahang hulagway ug lawas. Busa kita
nga isip hulagway sa Ginoo atong tagaan ug bili ang atong kaugalingon ug dili
angay kita madani sa mga kalibutanhong binuhatan ug mga butang nga
mapahilayo sa relasyon sa Ginoo. Busa ang tawo magpakatawo gayud ug puy-
an ang gihatag na tahas o pulong sa Ginoo sama sa pagpakabana sa atong mga
palibot e.g. maglabay sa saktong basurahan, 3R(Reduce, Re-use, Recycle),
magtanom, dili paggamit ug mga kemikal,etc... dili lang sa atong palibot atong
ipakita ang atong pagpakabana ug gugma kundili sa atong isigkatawo e.g.
mutabang ug limpyo sa purok, mutuman sa sugo sa mga ginikan, paghatag ug
tabang sa mga nahinahanglan, etc.. sa gamay na atong gibuhat nagpakita kinig
paghigugma sa mga binuhat sa Ginoo.

VII. Pagtoo
“Ang Diyos nagbuhat gikan sa iyang Diyosnong kaayo aron sa
pagpaambit sa iyang dakong gugma sa katawhan.”

Ang Diyos nagpakita sa iyang walay bug-os nga paghigugma sa iyang

mga binuhat labi na sa tawo nga iyang pinaka espisyal nga binuhat.Nga bout
pasabot kitang mga tawo maoy iyang pinangga ug ang tanan natong
panginahanglanon iya kining gihatag ug wala kita pasagdi.Busa kitang mga
tawo walay rason nga mo buhat ug dili maayo batok sa Diyos kay tungod usa
ra kita kabinuhat niya.
 Una:ang Dios nagbuhat gikan sa iyang Diosnung Kaayo, aron sa pag-paambit
sa iyang kayo ngadto kanato.
Ikaduha: siya nagbuhat pinaagi sa usa ka gawasnon.
Ikatulo: Siya nagbuhat gikan sa wala .(KPB#327)

 Unsaon nimo pag pakita ug pag amoa ug pagsalig sa Diyos?

VIII. Pagsasabuhay
“Kay kung wala ang Dios, ang tananng binuhat mahanaw ngadto sa
pagka wala”(KPB#333)

Kung kanunay nato ginabuhat ang mga butang na makadaot sa

kalibutan ug sa atong kaugalingon , kini bawion sa Ginoo kanato. Busa dapat
natong ampingan ug tagaan ug pagtagad ang tanang binuhat sa Ginoo kung
ang tanang binuhat sa Ginoo iyang gibuhat nga puno sa gugma dapat kita na
iyahang gipanalingan ug gitagaan ug tahas dapat natong puy an kini ug atong
ipaambit ang iyahang dakong gugma. Matod pa:Ang Diyos kay Gugma.. kung
walay Ginoo, walay gugma.

IX. Tubag sa Pagtoo

Unsaon ninyo pagpakita ug pagpakabana sa mga binuhat sa Ginoo?

I.Asignatura:Grade 4
 I.Paksa(LP2)
Ang Orihinal na Sala

II.Mga Tumong

Aral:Makasayud na ang sala nga na mana maoy hinungdan sa atong

relasyon sa Diyos.

Asal:Makahimo g ug maayo para mapadayon ang relasyon sa Diyos ug sa

uban.

Dasal:Makapangayo ug pasaylo sa Dios nahimong mga kasaypanan pinaagi

sa pagkumpisal.

III. Kahalagahan:
IV. Pulong Sa Ginoo:
Busa ayaw na paharia ang sala diha sa inyong mga lawas nga may
kamatayon aron dili na kamo madaog sa inyong kailibgon. (Roma 6:12)

a. Unsa man ang dapat natong buhaton para dili kita madaog sa kailibgon?
b. Unsa may klase na sala na mamahimo sa atong lawas?

Ang mga panghitabo nga atong nakita o nasinati resulta kini sa walay
pagpakabana nato sa sa mga binuhat sa Diyos.Ang pagpakawalay
pagpakabana sa binuhat sa Diyos isa kini ka sala batok sa Diyos
Kay tungod ang tawo naay namana nga sala gikan sa atong unang mga
ginikanan . Pero ang Dios bisan pag padayun ta sa pagpakasala gidawat pa
gihapon ta niya ug gipabati pajud niya sa atoa iyang dakong gugma pinaagi sa
iyang bugtong nga Anak na Si Hesus.Pinaagi kay Hesus atong naklaro kung
unsa ta ka pinangga sa Ginoo kay si Hesus nagpakamatay diha sa Krus para
maluwas ta sa atong mga sala.
 Busa ang Ginoo maloloy-
on,mahigugma0n,mapasayloon,mahinatagon,ug maayo.

V. Sitwasyon sa Kinabuhi
(Pagpakita ug nagkalain-laing litrato sa mga kalamidad: baha, illegal
logging, linog, landslide,etc)

a.Unsa inyo nakita sa litrato?

b. Asa ninyo kasagaran kini nakita?
c. Inyo naba kining nasinati o nakit-an sa inyong kinabuhi?
c.Unsa inyo gibati kadtong nasinati o nakit-an ninyo?
d.Nakahatag ba kini ug kaayuhan? Ngano?

Ang mga panghitabo sama sa inyong nasinati o nakita naghatag kini

dakong sakripisyo tungod sa walay paghatag ug bili sa gihatag nga grasya sa
Diyos.Tinuod gayud na ato kining mga sala. Wala ta misunod sa iyahang tahas
kanato bagkus atong giguba ang iyang dakong pagsalig sa tawo. Parehas sa
atong unang mga ginikanan mao si eva ug adan na gitagaan sa Diyos ug
daghang grasya pero ilaha rang gisayangan pinaagi sa wala pagsunod sa sugo
sa Diyos. Ug tungod sa ilang wala pagsunod nakabaton sila ug kagutom ug
kamatayon. Ug kita hangtod karon ato kanang nasinati.

VI.Pagtoo
“ Pasayloa kami sa among mga sala, luwasa kami sa daotan”

Tinuod na kita na mga makasasala. Kaya nato supakon ang iyahang

sugo ug gub-on ang relasyon diha sa Diyos. Tungod kay kita makasasala. Ug
tungod sa dakong gugma sa Diyos iyang gipadala ang iyahang bugtong na Anak
na si Hesu Kristo na atong manluluwas. Tungod kay kita gihigugma sa Diyos,
iyang gipasalaylo tanang makasasala. Ug iya kitang gitagaan ug hagit na dili na
unta kita makasala.
 Unsaon nimo pagpakita na ikaw nag bag-o?
VII. Pagsasabuhay
“ Ang paghinulsol kinahanglan sa Gingharian nangayog bug-os na kausaban
sa kaugalingon, usa ka kausaban sa pagpuyo ug sa pagpili sa nag unang mga
bili. Ang pag-usab mao ang una ug nagpadayong kondisyon alang sa matarung
nga kinabuhing kristiyano. Ang PCP II nagpatin –aw nga kini dili lamang
pribado, kiniugalingon nga pagbalik ngadto sa Dios, kondili naglakip usab sa
kaakohan alang sa “kausaban sa katilingban”.(KPB# 740)

IX. Tubag sa pagtoo

 Isulat sa papel ang inyong nabuhat nga maayo para sa inyong pamilya
ug sa inyong isigkatawo.

I.Asignatura:Grade 4

II.Paksa(LP3)

Hesus:naghatag ug duha ka sugo bahin sa Gugma ug sa Isigkatawo

III.Mga Tumong

Aral:Makasasayud na ang duha ka sugo sa paghigugma gasa ni Hesus.

Asal:Makaamgo na ang paghimo ug maayo nagpakita ug paghigugma sa

Diyos ug sa isigkatao.

Dasal:Mapasalamatan angGinoo pinaagi sa pagsimba kada Dominggo

IV. Kahalagahan: Higugmaa ang Dios ug ang isigkatwo.

V. Pulong Sa Ginoo
Si Jesus mitubag, “ Higugmaa ang Ginoo nga imong Dios sa tibuok
mong kasingkasing, sa tibuok mong kalag ug sa tibuok mong hunahuna. Kini
ang labing dako ug labing importanteng sugo. Ang ikaduha nga labing
importanteng sugo sama sa una: ‘Higugmaa ang inyong isigkatawo sama sa
imong kaugalingon. (Mateo 22:37-39)

a. Unsa ang unang sugo sa Ginoo kanato?

b. Unsa ang ikaduhang labing importante na sugo sa Ginoo?

Sa pagbasa gikan sa ebanghelyo ni Mateo, isip na kita mga anak sa Ginoo

gitagaan kita ug duwa ka tahas, una mao ang, higugmaon ang Ginoo sa tibuok
natong kasingkasing, tibuok natong kalag, ug sa tibuok hunahuna ug ikaduha,
higugmaon nato atong isigkatwo sma sa paghiguma sa atong kaugalingon. Sa
giingon pa, “No man is an Island” buot pasabot na walay tawo na mabuhi sa
kaugalingon lamang, apan nagkinahanglan kita sa presenya sa uban na kita
giyahan, ampingan, ug higugmaon. Kita nagkinahanglan ug gugma.. kung
walay gugma ang isa ka tawo , siya patay. Kay kita nabuhi o natawo tungod sa
Gugma.

VI. Sitwasyon sa Kinabuhi

(Magpakita ug litrato na napakita ug paghigugma ug pagtinabangay)

a.Unsa inyo nakita sa litrato?

b. Asa ninyo kasagaran kini nakita?
c.Unsa inyo gibati katong nakit-an ninyo kini?

d.Inyo na ba kining nasinati sa tibook ninyong kinabuhi?kanus-a?

e.Maayo ba ang magpakita ug paghigugma sa isigkatawo? Ngano?
f.Unsa inyong buhaton sa mga tawong mitabang kaninyo?
g.Kailngan ba nga pasalamatan ug higugmaon ang mga tawong
mitubang kanimo? Ngano?

Ang pagtabang ug paghigugma sa isigkatawo nagpakita kini ug

maayong pamatasan.Ug kini mao atong nakat-onan sa atong
panimalay,eskwelahan. Ang pagtabang sa atong isigkatawo nagpakita ug
paghigugma sa Diyos. Kay tungod kitang tanan binuhat sa Diyos busa kitang
tanang magtinabangay ug maghigugmaay labi najud sa mga tawong nagkalisod
ug nanginahanglan ug tabang. Paghigugma nato sa atong isigkatawo usa sa
sugo ni Hesus.Ug si Hesus mao ang naghatag sa duha sugo.

VII. Pagsasabuhay
“Ang gugma sa Dios maoy unang sugo apan tungod dili man kita
makakita sa Dios kinahanglan ato unang higugmaon ang atong isigkatawo nga
maoy atong Makita. Apan dili gayud kita muhunong diha sa paghigugma
lamang sa atong isigkatawo kondili mupadayon kita pagpananw padulong sa
Ginoo uban sa atong isigkatawo. Pinaagi sa atong paghiguma sa atong
isigkatawo sa pagtabang kanila nagpanaw kita uban kanila ngadto sa Dios. Kini
tataw kayo sa usa ka kristiyano, sanglit sa paghigugma kanimo sa isigkatawo,
imong gihigugma si Kristo tungod kitang tanan sakop man sa lawas ni Kristo.
Apan diha sa paghigugma kay Kristo nga anak sa Dios, kita nahigugma usab sa
Amahan. Busa ang isigkatawo, ang Anak, u gang Amahan, gihigugma silang
tanan sa mao rang gugmaha. (KPB#945)

VIII. Tubag sa Pagtoo

1.Unsa inyong buhaton para nga nagpakita ug paghigugma sa inyo sa Diyos
ug sa isigkatwo?
2.Isulat sa papel ang inyong nabuhat nga maayo diha sa sulod sa
tulunghaan ug sa inyong panimalay.

I.Asignatura:Grade 4

II. LP# 4

Mga Sakramento: Pagsaulog sa Kaluwasan Diha Sa Gugma sa Dios

III.Mga Tumong
 Aral: Napasabot ang mahinungdanon ug ka importante sa
sakraminto.

Asal:Mamahimong aktibo diha sa pakighiusa sa kasaulugan sa mga

sakramento.

Dasal: Makapasalamat sa Ginoo pinaagi sa pagsaulog sa mga sakramento.

IV. Kahalagahan:Aktibo ug matinud-anon sa pakighiusa sa pagsaulog sa mga

sakramento.

V. Pulong Sa Ginoo
“Pabilin kamo kanako ug ako magpabilin kaninyo. Dili kamo
makabunga gawas kon magpabilin kamo kanako, sama sa ngsa usa ka sanga
dili makabunga gawas kon magpabilin kini sa punoan. Ako ang punoan sa mga
paras ug kamo ang mga sanga. Ang magpabilin kanako ug ako diha kaniya,
mamungag daghan.kay kon wala ako, wala kamoy mahimo” (Jn. 15: 4-5)

a.Kinsa ang tumbok na isip punuan sa Ubas sa pagbasa?

b.Kinsa man pod ang gi tumbok nga mga sanga?

c. Unsay mamahitabo nato kun dili kita magpabilin diha sa Diyos?

d. Ug unsa man pod ang mamahitabo nato kung kita magpabilin diha
sa Diyos?

Sa pagbasa gikan sa Ebanghelyo ni San Juan ang nagsulat migamit ug mga

butang sama sa punoansa ubas ug bunga para mapakita og mapatin aw. Ang
tinood nga kita misalign jud sa Diyos. Si Hesus ang gipasabot nga punoan sa
ubas ug kita naa diri sa kalibutan ug buhi mao ang mga sanga. Kun kita dili
magpabilin diha sa Diyos kita dili kita molambo,ug kita mo pabilin diha sa Diyos
kita molambo ug malipayon diha sa Diyos. Wala kitay mahimo kun wala ang
Diyos. Ug kita usab magpabilin kita sa pagtoo diha Kay Kristo Hesus pinaagi sa
pakihiusa sa pagsaulog sa mga sakramento.

VI.Sitwasyon sa Kinabuhi

Magpakita ug mganagkalaing laing picture sa mga kasaulugan

(birthday,reunion,etc)

1.Unsa ang mga kasaulugan ang inyo nakita sa picture?

2.Inyo naba kining nasinati o nakasulay naba kamo mga niing

kasaulugan?

3.Unsa inyong gibati kandtong inyo kining nasinati o kadtong kamo gi

imbita sa kasaulugan?

4. Unsa may pamatasan o mga lihok nato kun kita anaa sa usa ka
kasaulogan?

Kitang mga Pilipino mahilig kayo ta moadto sa mga kasaulugan pariahs sa

Birthday, piyesta ug daghan pa. Kitang mga Pilipino pag imbitahon kita sa
atong mga paryente,higala, o sa atong mga kaila ato gayod kanang adtoan isip
pag respitar ug pagpasalamat sa imbitasyon. Pero kita isip mga Kristyano may
kasaulugan nga ang DIyos mismo nag dapit kanato sa pakighiusa ug
pagtambong ug kini mao Sakramento.

 Kasinatian sa pakighiusa sa mga kasaulugan sa Sakramento.

(Bunyas, Pagumpisal,komunyon)
a. Unsa ang mga sakramento nga inyo ng nadawat?
b. Nakasinati naba kamo o nakatambong naba ug bunyag?
c. Unsa inyong nabati kadtong una ninyong pag angkon nga kamo
nakasala?
 Naay mga sagrado nga mga kasaulogan nga important kanato isip mga
Kristyano. Ug mao ang Pagsaulog sa mga Sakramento.Ang Sakrame nto mao
ang pagsaulog sa kaluwasan pinaagi sa Gugma sa Diyos. Parihas nalang sa
atong nadungog ganina sa pagbasa nga kita magpabilin diha kay Kristo pinaagi
sa pagtabong pirme sa pagsaulog sa mga sakramento.

 Si Hesus sa iyang pagkatawo kay usa ka Sakramento sa kaluwasan

pinaagi sa Dakong Gugma sa Diyos. Para kanatong tanan.Si Hesus usa ka
timaan sa pagsangyaw sa dakong gugma sa Diyos Sa tibook kabuhatan.Sa
iyang pagkamatay sa Krus nagpasabot ang nga kita giluwas sa atong mga sala
pinaagi sa iyang dakong gugma kanatong tanan.
 Ang simbahan usa ka Sakramento ni Hesus kay tungod siya maoy
nagtukod niini.Gitukod kini ni Hesus ang simbahan para mapadayon ang iyang
dakong gugma sa katawhan.
 Ang pito ka ritwal nga sakramento ay mga sakramento sa Simbahan.
Sa atong pagdawat sa sakramento nahimo kitang kabahin niini kay tungod kita
nabag-o sa mga grasya nga nadawat nato. Ang Buyag usa ka pultahan para
atong madawat ang uban pang sakramento. Kadtong kita gibunyagan nadawat
nato ang bag-ong kinabuhi ni Kristo at pagpasaylo sa mga sala. Ug nanahimo
kita anak sa Diyos ug kabahin sa simb an.
 Kada Dominggo, kita nakighiusa sa pagsaulog sa Banal na Eukaristiya
para magdayeg, magsalamat, ug mga mangayo ug grasya ug pasaylo. Diri pod
nato nadawat ang Lawas ug Dugo ni Kristo.
 Sa sakramento sa kumpisal dinhi nato gisaulog ang pagpangayo ug
pasaylo sa Diyos sa atong mga kalapasan. Pinaagi usab sa pag bag-o ug
paghinulsol ug mamahimong maayong ehimplo sa atong pamilya,higala, kaila
ug uban pa ug pinaagi usab sa atong makanunayung pag ampo diha sa GInoo.
 Ang Sakramento usa ka timaan sa Dakong gugma sa Diyos sa tibook
kabuhatan.
 “Sakramento usa ka timaan nga nakita o nabati :tinukod ni Cristo aron
paghatag sa grasya” (KPB#1519)

Ang Sakramento usa ka timaan sa pagpahinumdom kanato sa walay

katapusan nga nadawat nato nga mga grasya ug ang dakong gugma sa Diyos sa
diyos tibook niyang binuhat ilabi najud sa katawham. Gitukog kina para atong
masinati ug atong matagamtam ang grasya nga iyang g bubo kanato adlaw-
adlaw natong kinabuhi.Ug dili lang kutob kanato ang grasya nga dawat nato ug
usab ato kining ipaamabit sauban. Sama sa atong pamilya,silingan, higala,
kaila, communidad ug uban pa. Ang presisnsya ni Kristo atong mabati diha sa
pagsaulog sa sakramento. Ang iyang walay katapusan nga gugma ug grasya ato
usab Makita sa pagsaulog sa Sakramento.

 Unsaon nato pagpapakita ug pakihiusa sa paagsaulog sa mga

Sakramento?

“Sa Pagsaulog nato sa Sakramento diha sa bug-os, maamgohon ug buhimg

pagsalmot niini.....” (KPP#1529)

Sama nalang sa pagtambong sa Santos nga Misa nagpakita kita ug

lalom nga pakighimamat sa Ginoo ug paghatag ug bili. Dinhi pod nato gipakita
ang doul natong pakighiusa sa Simbahan pinaagi sa pakighimamat nato kay
Kristo matag tambong nato sa Santos nga Misa. Sa pagsaulog nato sa
Sakramento atong likayan ang makig tabi sa ato tapad ug tungod niana dili na
kita mao kapaminaw sa Pari ug likayan nato ang mga lihok nga maoy
hinungdan nga dili nato matagamtaman ang tinood nga presenya ug
pakighimamat o pakigtagbo kay Kristo diha sa pagsaulog sa Sakramento.

VII. Tubag Sa Pagtoo

Unsaon ninyo pagpakita ug aktibo sa pagpakihusa sa pagsaulog sa

SAKRAMENTO?

I.Asignatura:Grade 4
 II.Paksa(lp5): Bunyag: Ang pagsaulog sa bag-ong Kinabuhi Ni Hesus

III.Mga Tumong:

Aral:Mapasabot na ang sakramento nga Bunyag mao ang pagsaulog sa bag-

ong kinabuhi ni Hesus.

Asal: Mamahimong aktibo sa pakig ila-ila ni Kristo pinaagi sa pagbuhat ug

maayo sa isigkatawo.

Dasal: Nasaulog ang bag-ong kinabuhi pinaagi sa pag buhat ug maayo sa

isigkatawo ug pag tambong sa Santos nga Misa.

IV.Kahalagahan:pagtoo sa Sakramento sa Bunyag

V. Pulong sa Ginoo:

“Si Hesus miingon: Sultihan ko ikaw walay makasulod sa Gingharian sa

Dios gawas kon natawo siya pinaagi sa tubig ug sa Espiritu”.(Jn.3:5)

a. Kinsa ang nag sulti sa maong pagbasa?

b. Unsa iyang gisulti ?
c. Kinsa ra kadtong makasulod sa gingharian?

Sa pagbasa gikan sa Ebanghilyo ni San Juan nga si Hesus nag ingon kanato
walay makasulod sa gingharian sa Diyos kon dili kita natawo pinaagi sa tubig
ug Espiritu.Bout pasabot nga mamahimo kitang anak sa Diyos kun kita
makadawat sa Sakramento sa Bunyag . Sa Bunyag Nato nadawat ang bag ong
kinabuhi kay tungod kita g panalanginan ug g bag o kita pinaagi sa tubig.

VI. Sitwasyon sa Kinabuhi:

(Magpakita ug tubig )

1. Unsa inyong nakita sa atubangan?

2. Unsa ang nahatag nga maayo sa tubig sa mga tawo?
3. Unsa man pod ang dili maayo nga nahatag sa tubig sa mga tawo?
 4. Importante ba ang tubig sa mga tawo?
5. Unsaon nmo paghatag ug importansya sa tubig nga naa sa inyo?

Importante ang tubig sa atong pang adlaw-adlaw na kinabuhi ang kay

tungod magamit nato sa pag lung-ag, pag ligo,ilimun nato adlaw-adlaw sa
atong kinabuhi. Pero kun mag abuser kita sa tubig nga gasa sa Ginoo maghatag
kini ug dakong kaguba sa atong lugar ,pamilya ug sa tibook kalibutan. Busa ang
tubig atong gamiton sa matarong ka pamaagi. Ug ang tubig mao poy naghatag
ug timaan na mamahimo kitang Kristyano Katoliko. Ang tubig usa ka
importante nga simbolo nga gigamit sa matag bunyag. Ang bunya ang
pagsaulog sa bag-ong kinabuhe diha kay Kristo.

VII. Pagtoo

Unsa man ang sakramento sa Bunyag?

Ang BUnyag mao ang sakramento sa pagtoo nga:

 Mohatag ug bag-ong kinabuhi diha ni Cristo ug pasaylo sa mga sala

pinaagi sa tubig ug Espiritu.
 Magpasakop kanato ngadto sa Simbahan
 Ug ngadto sa pag-ampit sa Santisima Trinidad isip mga sinagop nga
mga anak sa Amahan, nga nagatubo sa kahingpitan paduling sa umaabot nga
kabulahan. (KPB # 1674)

VIII.Pagsasabuhay:

Unsaon ninyo pagpalawon sa inyo pakig ila-ila kay Kristo isip mga
binuyagan?
 Paksa: (LP#6) Sa Kompirma :Mamamahimong tinood ang atong Pagka
Kristyano

III.Mga Tumong:

Aral:Napasabot na ang sakramento sa Kpmpirma mao mamahimong

kitang tinood nga Kristyano.

Asal: Nahibalaon na ang tinood nga Kristyano mamahimong

makadawat sa misyon ni Kristo nga mao ang pagsangyaw sa maayong Pulong
sa Ginoo.

Dasal:

Makapangayo ug Giya sa Espiritu Santo Pinaagi sa pagsalmot sa Santos

nga Misa.

IV.Kahalagahan:Kalig-on sa pagtoo Diha kay Kristo.

V. Pulong sa Ginoo:

“silang tanan napuno sa Espiritu Santo ug misultig nagkalainglaing

pinulongan sumala sa gipasulti kanila sa Espiritu Santo”(Buhat 2:4)

1.Kinsa man ang gihatagan sa mga laing-laing nga mga pinulongan?

2.Kinsa man naghatag kanila?

Sumala sa atong nabasa gikan sa Bibliya nga ang Apostoles ni Hesus

gihatagan ug grasya sa Espiritu Santo nga mga sulti ug nagka laing laing
pinulongan kay tungod bout sa Ginoo nga tibook katawhan makadungog sa
iyang mga pulong. Ug hangtod karon kita nakadungod sa iyang mga balaang
pulong pinaagoi sa pagbasa sa Bibliya, ug pagpaminaw sa wali sa Pari.

VI.Sitwasyon sa Kinabuhi

(pagpangutana sa ilang mga tahas sa ilang balay, skwelahan,

komunidad)
 1.Nakasulay naba mo nga Gisugo?

2.Unsa man pod ang gisugo?

3.Unsa man ang inyong gibati kadtong gisugo kamo ?

Ang pagsugo usa lamang ka simbolo sa usa katawo nga nga nagpakita kana
ug pagsalig.Parihas nalang nga kung sugoon kita sa atong Mama ug
Papa,ate,kuya ug uban pa sa pagpalit sa tindahan kana sila nga nagpakita ug
pagsalig.Ug kita pod nga ilang gihatagan sa ilang pagsalig kana dili nato
pakyason ug atong himoon ang ilang gisugo sumala sa ilang gisulti. Kay tungod
kita Kristyano ug binuyagan sa Simbahan kita gihatagan ug tahas pianaagi sa
pagdawat sa Sakramento sa Kompirma.Ang tahas mao ang pakighiusa sa
misyon ni Hesus mao ang pagsangyaw sa maayong Balita isip mga na
kompirmahan ug tinood nga Kristyano.

VII.Pagtoo

“Ang Sakramento sa kompirma naghulagway sa duha ka panukaranng

hinungdan:ang mas soud nga pakighiusa sa Simbahan, ug ang pagpalig0on ug
pagbansay sa gahum nga nadaway gikan sa Espiritu Santo alang pagsangyaw
sa Pagtuo.

VIII.Tubag sa Pagtoo:

Unsaon ninyo pagpakita nga kamo nakighiusa sa Simbahan sa pagsangyaw

sa Balaang pulong sa Diyos?

Paksa:(LP#7)Balaang Eukaristiya: Sakramento Sa paghigugmaay

 Aral:Mapasabot nga ang Balaang Eukaristiya mao ang sakramento sa
Paghigugmaay.

Asal: Mabati nga ang tinood nga paghigugma kagikan sa Diyos ug sa

isigkatawo pinaagi sa pakihiusa sa Balaang Eukaristiya,

Dasal:Masaulog ang Balaang Eukaristiya nga puno sa paghigugma sa Diyos

ug sa isigkatawo.

IV. Kahalagahan: Pakighiusa sa pagsaulog sa Balaang Eukaristiya

v.Pulong sa Ginoo

“ Kay nadawat ko gikan sa Ginoo ang Pagtulon-an nga akong gitudlo

kaninyo:nga ang Ginoong Jesus sa gabii nga siya ginudhian mikuha siya sa pan.
Unya nagpasalamat siya sa Dios ug gipakaspikas niya ang pan ug miingon “
mao kini akong lawas nga alang kaninyo” (1Cor 11:23-24)

1.Kinsa ang ga sulti sa maong Pulong?

2. Unsa iyang nadawat gikan sa GInoo?

3. Kanus –a gi budian si Hesus?

4. Unsa iyang Gikuhan aron pikas-pikason?

5.Unsa iyang gihimo sa pan paghuman niya ug pikas-pikas?

Sumala sa sulat ni San Pablo ngadto sa taga Corinto nga nag ingon siya nga
ang mga gitudlo niya sa katawhan gikan kadto Diyos.Kay tungod si San Pablo
dako kaayo iyang pagsalig ngadto kay Kristo nga kung asa ang lawas ug dugo ni
Kristo iyang gi sakripisyo aron pagluwas sa sala sa katawhan.

VI. Sitwasyon sa Kinabuhi:

(magpakita ug larawan sa pamilya nga nagdungan ug pangaon)

 1.Unsa inyong nakita sa larawan?

2.Nakasulay naba kamo ug pangaon uban ang inyong pamilya?

3.Unsa man inyong gibati nga nkauban man nnyo inyong pamilya sa
pagpangaon?

4.Importante ba nga ang tibook pamilya magdungan ug pangaon? Ngano

man?

Ang pagdungan ug pagpangaon sa usa kapamilya usa ka tinood nga ang

grasya nga gihatag sa Diyos ilang gihatagan ug bili pinaagi sa ilang pagdungan.
Ug sa pagpangaon diha mahimo ang pagpangumustahay sa matag membro sa
pamilya kung okey ra ba ang matag usa.Ug lain pa niana naa pay kasaulogan
kung asa kitang tanan nga anak sa Diyos magdungan pagpangaon ug mao ang
pagsaulog sa balaang Eukaristiya kung asa atong g saulog ang kinabuhi,
kamatayon ug pagka banhaw ni Hesus na kung asa siya nagpakita ug
paghigugma kanatong tanang katawham.

“Ang Eukaristiya usa ka bag-ong mugna i Cristo us sa Espiritu Santo.Dinhi

dili lamang masinati nato ang mkaluwas nga gahum sa mga buhat ni Cristo.
Kay Eukaristiya Mao ang sakramento-sakripisyo nga gipakanaa sa Amahan
ngari kanato pinaagi sa Espiritu Santo ,Diin si Kristo mismo pinaagi sa iyang
gamhanang buhat mao ang timaan sa Amahan ug sa Bag-ong kasababutan sa
gugma sa Amahan ug sa iyang mamugnaong sakripisyo.BUsa gitawag kitang
puno sa kalipay sa pagdayeg ug pasalamat sa Amahan ug sa buhing persona ni
Kristo atong manunubos nga nabanhaw gikan sa mga minatay.”(KPB#1702)

VII.Tubag sa Pagtoo

Unsaon ninyo pagpakita ug pakighiusa sa pagsaulog sa Balaang

Eukaristiya?
 I.Paksa:(LP#8)Kumpisal:Sakramento sa pakihiuli ug Pagsaulog sa pag-
pangayo ug pasaylo sa Diyos

II. Mga Tumong

Aral: Naisangyaw nga Ang sakramento sa pakighiuli mao ang

pagsaulog sa pagbalik sa Diyos ug sa isigkatawo.

Asal: Nabati sa tibook kasing ang paghinulsol sa mga sala nga nabuhat
ug pagpasaylo sa mga tawong nakasala ug pagpangayo ug kapasayaloan sa
Diyos ug sa isigkatawo.

Dasal: Nakapangayo ug pasaylo sa Diyos pinaagi sa pag-ampo sa “Akto

sa paghinulsol”

III.Kahalagahan:Ang pakihiuli sa Diyos ug sa Isigkatawo pinaagi sa

pagpangayo ug pasaylo.

IV.Pulong sa Diyos:

“Unya si Jesus miingon kanila pag usab: Mainyo ang kalinaw .Ingon
nga gipadala ako sa Amahan, ako usab nagpadala kaninyo.Gisulti niya kini ug
unya gihuyupan niya sila sa Espiritu Santo. Dawata ninyo ang Espiritu
Santo,kon pasayloon ninyo ang mga sala sa mga tawo, gipasaylo kini.Kon dili
ninyo pasayloon ang ilang mga sala,dili usab kini pasayloo.” (Juan 20:21-23)

a. Kinsa ang miingon ug pag-usab kanila?

b. Kinsa ang nagpadala kaniya?
c. Unsa iyang gihuyop sa mga katawhan?
d. Unsa ang dawat sa katawhan?
e. Unsa iyang tugon sa ila kun pasayloon nila ang tawo?

Sa pagbasa gikan sa Ebaghelyo ni San Juan nga si Hesus naghatag nila ug

Espiritu Santo para ila mabati ang paghatag ug pasaylo sa mga nakasala kanila
ug makapangayo usab ug pasaylo sa ilang mga sala ngadto sa Diyos ug sa
isigkatawo.

V. Sitwasyon sa kinabuhi

(Pagpakita ug litrato sa mga kinaiyahan nga nangaguba)

1. Unsa inyong nakita sa litrato?

2. Inyo naba kining nasinati o nakita?
3. Unsa inyong nabati nga kadtong nasinati o nakita?
4. Unsa man ang inyong mabuhat para malikayan nato na masinati o
Makita ?

Ang kinaiyahan usa ka dakong gasa kanato gikan sa Diyos. Na kung asa diha
nato g kuha atong mga panginahanglanon matag adlaw sa nalang sa balay,
pagkaon, sanina, gamit sa pag eskwela, gamit sa trabaho. Pero unsa may
gibuhat nato sa gasa sa Diyos atong g sayangan ug wala gamita sa tarong
pariahas nalang sa paglabay sa basura bisag asa, sa pag putol sa mga kahoy
nga walay hinungdan, sa pag hilabot sa mga kabukiran, pag gamit sa droga,
pagsulod sa trabaho nga ginadili. Pero kitang tanan aduna pay panahon sa
pagbag-o niana pinaagi sa pag atiman sa sa grasya nga kinaiyahan sa Diyos ug
pag pangayo ug pasaylo sa DIyos sa isigkatawo nga nahimong kalapasan.

“Ang pagkompisal nagpunting sa kamahinungdanon sa pag-ila ug

pagpanugid sa atong mga sala alang sa pagpangayog grasya sa pasaylo sa Dios.
Ang sakramento sa Penitensiya nagpunting sa mga lakang sa kausaban,lakip
ang paghinulsol, pagbasol ug pagtuman sa penitensiya, nga buhaton sa usa ka
penitente sa iyang kaugalingon ug isip sakop sa Simbahan. Ang sakramento sa
Pakighiuli nagpunting sa alwom nga relasyon nga pagaayohon sa penitente tali
sa Dios ug sa isigkatawo.(KPB#1770)

Ang ikaduhang dakong panghimug-at mao ang paglantaw sa pagkompisal

nga usa ka katilingban ug simbahanong buhat. Ang simbahan nagkinahanglag
pasaylo ug mopasylo....(KPB#1776)
 VI.Tubag sa pagtoo

Unsaon pagpakita ninyo sa inyong pagpadayag sa paghinulsol ug pag

pangayo ug pasaylo sa DIyos ug sa isigkatawo?

I.Paksa: (LP#9) Pagduhig sa Masakiton: Ang pag-ayo ni Hesus

II. Mga Tumong

Aral: Mapasabot nga ang pagduhig sa Masakiton usa ka pamaagi sa

pag-yo ni Hesus.

Asal: Makatoo sa pag-ayo sa sakit nga gihatag sa pagduhig sa

masakiton ug kinasingkasing nga pagdawat sa sakit.

Dasal: Makapangayo ug grasya sa kaayohan ug kinasingkasing nga

pagdawat sa sitwasyon pinaagi sa kinasingkasing nga pag-ampo sa Diyos.

III. Kahalagahan: Pag atiman sa masakiton

IV. Pulong sa Ginoo

“Kon adunay masakiton kaninyo, ipatawag ang mga pangulo sa

simbahan aron mag-ampo alang kaniya ug sa ngalan sa Ginoo magdihog
kaniyag lana” (Santiago 5:14)

a. Kinsa ang ipatawag kon adunay masakiton?

b. Unsa man ilang buhaton sa masakiton/
c. Kay kinsa man gikan ilang gahum sa pag-ampo?
d. Unsa man ilang iduhig sa masakiton?

V. Sitwasyon sa Kinabuhi

(Kasinatian sa pag amoa sa masakiton)

 a. Aduna ba kamoy kasinatian nga nag amoa ug masakiton?
b. Unsa ma inyong nabati kadtong nag amoa kamo? Ngano?
c. Unsa man inyong matabang aron ma gaan ang pamati sa masakiton/

Ang pag amoa sa masakiton usa lamang sa pagpakita nato ug paghigugma

sa atong gi amua ug pinaagi usab sa atong bug-os nga pag ampo sa Diyos ug
pag pangayo ug grasya sa pag-ayo sa masakiton usa kadakong tabang nato sa
masakiton. Ug pagpakita ug intrisado sa pag amoa sa masakito makatabang
usab para mo gaan ang pamati nga iyang gibati.

“Ang sakramento sa pagdihog adunay pag-ayo nga espesyal: nagdala

sa maluluy-ong pag ayo ni Kristo aron mahupay ang mga alantuson diha sa
bug- nga mga sakit.Ang pag-ayo dinhi wala magpasabut sa pagtambal o
pagtangtang sa sakit o depekto nga maoy tinguha sa medisina. Samtang
adunay mga sakit nga dili maayo sa medisina, anaay pag –ayo pinaagi sa binug-
os nga pag-amoma nga mohikap sa lawas kalag ug espiritu sa tawong
masakito. (KPB# 1822)

VI.Tubag sa Pagtoo

Maghalad ug pag-ampo sa mga masakiton.

I.Paksa: (LP#9) Sakramento sa Kasal:Bokasyon sa Pag asawa

II.Tumong:

Aral: Masabtan na sa sinugdan pa lang gigasa sa Ginoo ang paghigugmaay

ug pagtinabangay sa mga lalaki ug babae

Asal: Makahimo ug mga buhat para makatabang sa pagpadayon sa

pakighiusa sa gobyerno ug sa tibuok pamilya

Dasal: makapangayo ug pasalamat sa Ginoo sa gasa nga pamilya

 III.Kahalagahan: paghigugmaay,pagkamatinud-anon, ug pakighiusa sa
pamilya

IV.Pulong sa Ginoo:

“Apan sa sinugdan sa dihang gibuhat sa Diyos ang Kalibutan, gibuhat

niya ang lalaki ug babaye.Tungod niini, mobiya ang lalaki sa iyang amahan ug
sa iyang inahan ug makighiusa sa iyang asawa, ug silang duha mahimo ng
usa.busa ang bana ug ang asawa dili na duha kondili usa na lamang.Tungod
niini, ang gihiusa sa Diyos kinahanglan nga dili bulagon sa tawo. (San Marcos
10:6-9)

a. Giunsa pagbuhat sa Ginoo ang tawo?

b. Unsaon man sa lalaki pakighiusa sa babaye?
c. Kinsa ang nakighiusa sa lalaki ug sa babaye?
d. Unsa ang dili mahimo sa tawo sa paghiusa sa Ginoo?

Nadungog nato sa pagbasa kung unsa ang gipasabot sa atong labaw nga
makagagahom nga Diyos sa tawo isip babaye ug lalaki nga kung asa ang tawo
binuhat sa Diyos. Ang babaye ug lalaki ilang biyaan ang ilang mga ginikanan
para sila maghiusa isip mag asawa ug mamahimo silang usa. Sila gihiusa sa
Ginoo ug walay makabulag niini. Buot pasabot lamang nga ang binuhat sa
Diyos na lalaki ug babaye mag-uban hangtod sa kahangturan ug walay
makapabulag niini.Gipahibalo nga ang kinabuhi sa mag asawa usa ka sagrado
ug grasya nga gikan sa Ginoo.

V.Sitwasyon sa Kinabuhi:

Magpakita ug litrato sa usa ka pamilya.

a. Unsa imong nakita sa Litrato?

b. Kinsa ang mga sakop sa pamilya?
c. Kinsa sa inyo ang naay pamilya?
d. Unsa inyong gipakita sa matag usa kaninyo na myembro sa pamilya?
 e. Unsa may dapat buhato sa usa ka ginikanan sa ilang mga anak?
f. Unsa may buhaton sa mga anak diha sa ilang mga ginikanan?
g. Unsa ang inyong mabati kung sa sulod sa pamilya naay
pakighigugmaay ug pakighiusa diha sa sulod sa inyong pamilya? Nngano?
h. Unsa ang mahitabo kung ang isa ka pamilya walay pakighigugmaay ug
pagkahiusa?

Sa atong mga kinabuhi isip mga katoliko Kristiyano naa na jud sa atoang
mga batasan ang paghatag ug bili sa atong pamilya. Ilado kayo ta sa tibuok
kalibutan nga gitawag na “ Family Oriented” nga kung asa ato jung gitagaan ug
dakong bili ang atong mga pamilya. Sa laing bahin kita nga nasud gani ang wala
gayud mitugot sa Divorce tungod kay usa siya ka babag sa atong tradisyon ug
babag sa atoang pagtoo. Sa atong matag pamilya gipakita kanato ang atong
paghigugma pinaagi sa pagtabang, pagkamatinud-anon labi na jud na kung
naay gadaot sa atong pamilya ug naa poy problema ug pag-amoma usab sa
matag myembro sa pamilya ug ang pagpaningkamot para sa pamilya. Pero dili
jud nato matago nga naa juy pamilya nga gabulag-bulag ug gitawag nato
“Broken Family” busa isip mga anak paningkamutan gyud nato mamahimo ang
atong pamilya naa nagpabiling usa.

Unsa nga Sakramento nga ang mag-asawa naghatg ug paghigugma sa usag-

usa?

VI.Pagsamba:

Sa sakramento sa kasal gihatag sa mag asawa ang grasya sa paghigugma sa

usag-usa pinaagi sa sakramento sa kasal nga mamahimo silang usa ug dili
magbulag ug mamahimo silang sagrado nga pamilya. Pinaagi niining
sakramento mamahimo usa diha kay Kristo sa simbahan. Ang grasya sa
paghigugmaay sa mag-asawa ilang maangkon ang gugma ni Kristo diha sa
iyang simbahan. Ang sakramento sa kasal nagsugod sa usa ka lalaki ug babaye
nga nagpakita sila ug kagawasan sa ilang paghigugmaay bisan sa kalipay,
kaguol, ug kalisod magpabilin gihapon silang usa hangtod sa kahangturan.
Parehas na lang sa atong pirme na dunggan “ ‘Till Death Do Us Part” buot
pasabot nga maghigugmaay sila hangtod sa kamatayon.

“ Ang kamingyuon maoy usa ka pagtawag sa pagpuyog kinabuhi diha ni

Kristo nga labaw ka puno sa gugmaang bug-os, putli, lawom ug lig-on diha sa
Espiritu sa Amahan ug kang Kristong nabanhaw.” (KPB#1926)

 Ang paglakaw sa babayeng kaslunon – nagpakita na naghatag ang

babaye nga kaslunon ngadto sa iyahang pangasaw-unon ug bag-ong pamilya.
 Ang Sanina sa kasal ug Belo – simbolo sa kalimpyo.
 Pongpong na Bulak – nagpasabot nga magmabdos ug anak sugod sa
iyang bag-ong pamilya.
 Ang Pagginunitay sa Kamot sa Kaslunon – simbolo sa ilang pakighiusa
sa usag-usa.
 Singsing – simbolo sa ilang paghigugmaay ug pagmatinud-anon sa
usag-usa.
 Pagbutang ug Kwarta sa lalaki ngadto sa Kamot sa babaye – simbolo
sa paghatag sa panginahanglanun sa pamilya.
 Duwa ka Kandila – simbolo sa Kahayag ni Kristo nga mamahimong giya
sa ilang kinabuhi isip mag-asawa.
 Belong Pangkasal – simbolo kay Kristo nga Ulo sa simbahan mao ang
lalaki kay ulo sa babaye. Ang pagtago sa nawong sa babaye nagpasabot sa
iyang asawa ra gayud ihalad ang iyang kaugalingon.

Kinsa ang naghatag nga ang babaye u gang lalaki paghiusahon?

VII.Katotohanan: Sa sinugdan pa lang gitugot sa Ginoo na ang babaye ug

ang lalaki mamahimong usa tungod sa gugma, gipasabot na ang tumong sa
kasal mao ang gugma ,pagtinabangay, ug pakighiusa sa mag asawa. Ang Ginoo
nagbilin sa mag-asawa mahitungod sa pagpadaghan ug kaliwat nga mahitabo
lang pamaagi sa pakighiusa ni lalaki sa babaye. Dili pud pasabot na ang pakig
asawa dili maong rason para lang maka anak kondili sila kay mag-uban sa
pagprotekta ug paggiya isip mga ginikanan sa ilahang mga anak. Kining
sakramento sa kasal mao ang tipan sa mag asawa na sila mamuyo isip usa, ug
handa sila makaanak, Ampingan ug pa eskwelahon ang ilahang mamahimong
anak. Kaya ang katungdanan sa mag asawa mao ang pag serbisyohan ang
usag-usa ug ilang anak.

VIII.Tubag sa Pagtoo

Sa unsa nga kasaluogan nga atong gisaulog ang paghigugma sa Diyos sa

katawhan?

I.Paksa: (LP#10) Sakramento sa Orden: Tawag sa Pag-alagad sa Katawhan sa

Diyos

II. Tumong:

Aral: Mapasabot nga ang pari gitawag para sa pag-alagad kay Hesus ug usa
ka apostol para mag-alagad sa misyon ni Kristo ug sa iyahang Simbahan.

Asal: Makahimo ug mga buluhaton adlaw-adlaw isip pag respeto,

pagtabang,paghigugma sa mga pari.

Dasal: Makapasalamat ug makapangayo sa grasya sa Diyos para ngadto sa

mga kaparian.

III. Kahalagahan: paghalad sa kaugalingon

IV.Pulong sa Ginoo:

Ang tanang pangulong pari gipili gikan sa katawhan ug gitudlo aron

mag-alagad sa Dios sa ngalan sa mga tawo. Maghalad siyag mga gasa ug mga
halad nga sunogon tungod sa mga sala. Sanglit huyang man siya sama kanato,
maluoy siya sa mga walay hibangkaagan ug sa mga masalaypon. Ug kay
huyang man siya kinahanglang maghalad siyag mga halad nga sunugon dili
lamang sa mga sala sa katawhan kondili sa iyahang kaugalingong mga sala
usab.Walay magpili sa iyahang kaugalingon aron mahimong pangulong pari
kondili ang Dios maoy magpili kaniya sama sa iyang gibuhat kang Aaron.
(Hebreo 5:1-4)

a. Asa man gikan ang mga pangulong pari?

b. Asa man sila mag-alagad?
c. Nganong maghalad man sila?
d. Unsa man ang ilang mga batasan?
e. Kinsa man ang nagpili sa kanila?

Sumala sa atong pagbasa na nga tanang gipili nga mamahimong pangulong

pari gikan sa katawhan aron sila mag-alad sa Dios ug mga katawhan. Sanglit
man nga sila pinili sa Dios naay kahuyang ang ilang kaugalingon sa mga
nabuhat nila sa mga sala ug maloloy-on usab sila sa mga tawong
nanghinanglan . Busa ang mga katawhan mao ang mamahimo nilang kusog
aron sa pagpadayon sa pagpangalagad sa Dios. Ug sila gitawag para buhaton
ug lihokon nila ang gihatag na tahas sa ilaha sa Diyos na sila magpadayon sa
gitukod nga misyon ni Hesus sa pagpatukod sa maong Simbahan o “Katawhan
sa Dios”.Ang Sakramento sa pagkaparinga nadawat diha sa Simbahan,
nagbutang sa Kaugalingon alang sa pag-alagad sa Katawhan sa Dios ingon ug
iyaha ug hinulma ni Jesu-Kristo, inubanan sa gahum sa pagbuhat sa ngalan ug
sa persona kaniya nga mao ang Ulo ug Magbalantay sa Simbahan (PDV 35).
Ang tawag sa pagkaPari nanukad usab diha sa Santisima Trinidad:”pinaagi
konsagrasyon, diin nadawat niya ang Sakramento sa Orden, ang pari gipadala
sa Amahan, pinaaagi ni Jesu-Kristo aron magpuyo ug mobuhat pinaagi sa
gahum sa Espiritu Santo diha sa pag-alagad sa Simbahan (PDV 12).(KPB # 1947)

VI. Sitwasyon sa Kinabuhi

Magpakita ug litrao sa Santo papa, Obispo ug mga kaPariana

a. Kinsa inyong nakita sa litrato?

b. Nakakita na ba kamo kaniya sa personal?
 c. Unsa iyahang katungdanan sulod sa simbahan?
d. Kinsa man ang iyahang mga kauban sa pagserbisyo diha sa simbahan?
e. Kinsa man ang ilahang gi-alagaran?

Ang mga pari isa ka tinawag para musunod sa lakang ni Kristo ug usa
apostol nga sinugo para mag alagad sa simbahan ug misyon ni Kristo.

 Ang pari usa ka tinun-an nga gitawag sa pagsunod kay Kristo diha sa
bug-os nga pagtuman sa tawag sa Dios.(KPB #951)
 Ang pari usa ka apostol aron pag-alag sa misyon ni Hesus ug sa
simbahan.(KPB #952)
 Ang Pari usa ka magulang nga tinugyanan sa mabinantayong pag-
atiman sa mga sakop sa simbahan. Nagdala siya sa tinukod nga awtoritad dili
aron magmando kondili aron mag-alagad.(KPB #152)
 Ang Pari mao ang mangulo sa Yukaristiya samtang siya naghalad sa
Sakripisyo sa Misa in persona Christi (persona ni Kristo).Busa, gitigum ang
katawhan alang sa pag-ampo, ug kasagaran alang sa “pagpikas sa pan”(1 Cor
11:26) Sanglit ang Misa mao man ang kinatumyan sa mga pag-ampo ug buhat
sa Simbahan, dayag na lang na mao kini ang sentro sa tibuok adlaw sa pari.
Kini dinhi, sa paagi nga labing tin-aw ug tinuod, ang mga magtutuo makigtagbo
sa Ginoong Jesu-Kristo sa pulong ug sakramento.(KPB # 1953)

VII. Pagsasabuhay

Kitang tanan naay lain-lain na pagtawag gihatag kanato ang Ginoo sumala
sa misyon ni Kristo isip Propeta, Pari ug Hari.

 Propeta, Kita mga buhing saksi ni Kristo diha sa kalibutan pinaagi sa

pagpadayag sa Pagtoo diha sa pulong ug buhat, ilabi na sa atong pagkinabuhi.
 Pari, atong gihalad ang pagsimba sa Dios diha sa Yukaristiya, pinaagi
sa pagkalawat sa mga sakramento, ug paghalad ug mga pag-ampo ug
pasalamat.
  Hari, gipadayon nato ang pang-alagad ni Kristo sa pakighiuli, pag-agak
sa uban sa pagsunod sa iyang tawag sa mga buhat sa pakigdait pinaagi sa
pagbatok, sa mga pagdaog-daog ug sa mga pandaot inubanan sa kalooy ug
pasaylo. (KPB # 1960)

VIII. Tubag sa Pagtoo

Maghalad ug pag-ampo alang sa mga kaparian, kamadrehan ug sa

mga tawong nag-alagad sa simbahan.