Ninuman ay hindi maiintindihan ang kasalukuyan kung hindi tutuklasin ang
nakaraan. Kaya’t inyong basahin ang maikling talambuhay ni Avrielle Angelene.
Ika-dalawampu’t dalawa ng Enero, taong 2003, isang supling ang dumating sa
buhay ng mag-asawang Leocadio at Arlen Amen. Siya ay pinangalanang Avrielle Angelene A. Amen. Ito ang pang-limang anak sa kanilang pamilya kaya tuwang-tuwa ang kanyang mga magulang dahil madadagdagan na naman ang kanilang masayang pamilya. Sila ay tahimik at simple na naninirahan sa Brgy. Manalad, munisipalidad ng Ilog. Sa murang edad na tatlo, siya ay nagsimulang mag-aral. Taong 2008, isang pagsubok ang dumating sa kanilang pamilya. Sa hindi inaasahang pagkakataon, namayapa ang kanyang ama sa na edad na 43. Limang taong gulang pa lamang siya ng mga panahong iyon, ganunpaman, hindi maibabatay sa tagal ng panahon ng pagkakasama para hindi siya mangulila sa kanyang pinakamamahal na ama. Sa mga nagdaang taon, tanging ang ina na lamang niya ang bumubuhay at nagpapa-aral sa kanila ngunit gaano man kahirap ang buhay hindi ito naging dahilan para sumuko siya, sa halip, ginawa niya itong inspirasyon at motibasyon upang magpatuloy at lalong pagbutihin ang kanyang pag-aaral. Sa edad na pito, siya’y nagsimulang nag-aral sa Paaralang Elementarya ng Malabong. Dito na rin nagsimula na malinang ang kanyang katalinuhan at talento. Kahit bata pa, siya ay naging karangalan ng kanilang paaralan, mula sa pagkakuha ng mga matataas na marka sa lahat ng asignatura hanggang sa pagiging kalahok sa patimpalak na pang-aham. Kahit bata pa, isa siya sa mga hinahangaan at tinitingala bilang isang mabuting lider at estudyante sa kanilang paaralan. Sa pagsisimula ng panibagong yugto ng kanyang buhay, tila ba sumasang-ayon pa rin sa kanya ang panahon. Naging mas malawak ang kanyang kaalaman at mas nahasa ang kanyang talento pagtuntong ng sekondarya. Ang lahat ng sakripisyo, pawis, at luha ay tila ba nagbunga nang magkamit siya ng iba’t-ibang parangal sa araw ng kanyang pagtatapos noong Marso, taong 2019. Pinarangalan bilang lider ng Campus Ministry, Corp. Commander ng CAT at ang nakakuha ng pinakamataas na marka sa National Course Assessment Examination. At higit sa lahat, nagtapos siya bilang honor student. Hindi niya pinabayaan ang kanyang akademiko kahit pa sinusubukan niyang maging aktibo sa pakikilahok sa mga gawain sa paaralan. Sa kasalukuyan, siya ay patuloy na nangangarap at nagsisikap sa bago niyang paaralan. Maikli lamang ang buhay, hindi natin alam kung hanggang saan at kailan ang ating paglalakbay. Ang tanging magagawa natin ay gawin ang isang bagay na tila ba hindi na natin magagawa bukas. Huwag sumuko at magpursigi!