PANALANGIN SA GITNA NG COVID-19 BY: BISHOP EFRAIM TENDERO

DAKILANG DIYOS NA MAKAPANGYARIHAN SA LAHAT, DIYOS NA LUMIKHA NG LANGIT AT LUPA,

LUMALAPIT KAMI SAYO PARA SA AMING BAYANG PILIPINAS, SA GITNA NG PANGANIB NG COVID – 19
NA WALA PANG LUNAS. PINUPURI KA NAMIN DAHIL HINDI KA NATUTULOG. BINABANTAYAN MO ANG
SAMBAYANANG PILIPINO SA PANAHONG ITO NG MATINDING PELIGRO. ANG AMING TULONG AY SA
IYO LANG NAGMUMULA. TUMATANGIS KAMI SA IYO AT HUMIHINGI NG AWA, ILIGAS MO PO KAMI SA
PANGANIB NA ITO. IKAW LAMANG ANG AMING KANLUNGAN. SA IYO ANG TIYAK NA KALIGTASAN.
ILIGTAS MO KAMI SA NAKAMAMATAY NA COVID-19. IPAGSANGGALANG ANG AMING BAYAN MULA SA
BITAG NG KARAMDAMAN. BIGYAN MO NG KARUNUNGAN AT PAGKAUNAWA ANG AMING PANGULO
AT ANG LAHAT NG SA AMI’Y NAGLILINGKOD AT NAMAMAHALA. GABAYAN MO SILA SA PAGBUO NG
MGA PATNUBAY, STRATEHIYA, AT PAGKILOS SA PAGPUPUNYAGING ANG COVID-19 AY MAPUKSANG
LUBOS. PANGUNAHAN MO ANG MGA PULIS AT MGA SUNDALO NANG ANG KAPAYAPAAN AT
KAAYUSAN SA LIPUNAN AY MANALO. BIGYAN MO NG KALAKASAN AT KAKAYAHAN ANG MGA
MANGGAGAMOT AT MGA NAGLILINGKOD SA PAGKALINGA SA MGA MAYSAKIT AT NATATAKOT, AT SA
PAGPAPANATILI SA KARAMIHAN NA MALAKAS AT LIGTAS SA SALOT. GABAYAN MO AT PANGUNAHAN
ANG MGA SIYENTIPIKO, UPANG MABILIS NILANG MAHANAP ANG LUNAS SA PELIGRONG ITO. SA
PANAHONG ITO NG PELIGRO, TULUNGAN MO KAMING MAGING MAHINAHON AT HUWAG MATAKOT.
SAPAGKAT ANG TAKOT AY HINDI MULA SA IYO. IPINAGKALOOB MO SA AMIN ANG
PANNAMPALATAYA, ANG PAGASA AT PAGIBIG. BINIGYAN MO KAMI NG WASTONG PAGIISIP AT
KAKAYAHANG KUMILOS NANG MAAYOS. AYON SA IYONG BANAL NA SALITA, BINIBIGYAN MO NANG
LUBOS NA KAPAYAPAAN ANG MGA TAONG SA IYO’S TUMATALIMA AT NAGTITIWALA. PANALANGIN
NAMIN SA GITNA NITONG PANDEMIC NG COVID-19, PAGKAISAHIN MO SA IYONG PAGIBIG ANG
SAMBAYANANG PILIPINO. BUKLURIN MO KAMI SA KAPAYAPAANG SA IYO LAMANG NAGMUMULA.
IPAGKALOOB MO SA AMIN ANG TUNAY NA PAGASA. PAGALINGIN MO NAWA ANG HIDWAAN SA
AMING BAYAN. AT IGAWAD MO SA AMIN ANG IYONG BIYAYA AT KALAKASAN. ITO’Y AMING DALANGIN
NANG MAY LUBOS NA PAGTITIWALA KAY HESUKRISTO NA ATING PANGINOON NA TAGAPAGLGTAS.
AMEN.