Mula sa pagkabata hanggang sa kasalukuyan, bahagi na
ng buhay natin ang mga kaibigan. Hindi man natin sila
kadugo ngunit pamilya ang tingin natin sakanila. Mahalaga ang kaibigan sa buhay natin dahil sila ang tinatakbuhan natin sa oras ng pangangailangan. Madalas nga nila tayong asarin at inisin upang mapasaya ang iba pa nating kaibigan, at mahirap nga namang mabunot kapag kayo ay nagsama-sama. Para sa aking opinyon, mas mabuti sa tao ng magkaroon ng bilang lang na tunay na kaibigan kaysa sa maraming kaibigan na hindi naman totoo, dahil ang tunay na kaibigan ay alam natin na makakasama parin natin sa hanggang sa huli. Mas magiging madali ang magpatuloy sa buhay na tunay ang mga tao na kasama mo at hahatakin ka nila patungo sa ikabubuti mo, at hindi sa ikasisira mo. Mailalarawan ko ang isang kaibigan gamit ang mga letra nito. K bilang kasiyahan na nakukuha, A bilang Aasahan sa lahat ng bagay, I bilang iibigan sa lahat ng oras, B bilang bahagi ng buhay, I bilang iingatan hangga’t sa magtaga;, G bilang ginto sa buhay, A bilang aalagaan at hindi pababayaan at at N bilang ngiti na natatanggap.
Ang mga kaibigan ay hindi natin hinahanap, dahil kusa
silang dumadating sa ating buhay. Regalo sila ng diyos sa atin upang tayo ay mapasaya at destiny ang makakapagsabi kung para sa atin ang mga taong iyon bilang kaibigan natin. Trabaho ng isang tunay na kaibigan ang magpasaya at hindi ibigo ang kapwa niyang kaibigan. Kaibigan ang kasama sa buhay at ito ay isa sa ating happy pills na tiyak na ating kailangan. Kung gusto mo magkaroon ng tunay na mga kaibigan, magsimula ka sa iyong sarili at tratuhin mo ang mga kaibigan mo na kung paano mo gustong tratuhin ka nila. Maging mabuting kaibigan sa iyong kaibigan.