ஒரு ஆற்றுக்குக் கட்டிய பாலத்தினூடாகப் போய்க்கொண்டிருந்த பஸ் , திடீர் என்று
“ படார் .... " என்கிற பெரும் சத்தத்துடன் ஒரு குலுங்கு குலுங்கிப் பின் அசைந்து வேகமாகச் சுழன்று , அங்கிருந்த சுவரில் மோதியவாறு மறுபுறம் சரியத் தொடங்கியது . முன்பக்கமாக விழப்போகிறோம் என்பதைப் புரிந்துகொண்ட சிவார்ப்பணா " ஓ நோ ... " என்று பதறியவாறு தலைக்கு மேலிருந்த கம்பியை இறுகப் பற்றி விழாதிருக்க எவ்வளவுதான் முயன்றும் , சரிந்த வேகத்திற்கு நிலைப்படுத்தமுடியாதவளாக , தனக்கு முன்புறமாக அமர்ந்திருந்த அந்த ராட்சஷனின் மீது முழுவதுமாக விழுந்தாள் . விழுந்த வேகத்தில் அவளுடைய தலை பஸ்சின் இருக்கையில் அமைத்திருந்த இரும்புக் கம்பியில் நச் என்ற மோதி பின் அவன் தலையுடன் முட்டிக்கொள்ள , அவனுடைய முகம் கச்சிதமாக அவள் மார்பில் தஞ்சம்புகுந்திருந்தது . அப்படியே , பஸ் சரிய ,அந்த சரிவிற்கேற்ப , இருவரும் ஒருவரை ஒருவர் அணைத்தவாறு சுழன்று நச்சென்று கீழே விழுந்தனர் . கொஞ்ச நேரம் அங்கே என்ன நடந்தது என்பது ஒருவருக்குமே புரியவில்லை . பஸ் முழுவதும் புழுதியும் புகையும் நிரம்பியிருந்தன . திடீர் என்று ஏற்பட்ட விபத்தில் , பேச்சு மூச்சின்றி அனைவரும் ஸ்தம்பித்திருந்தது சில கணங்களே , அடுத்து அனைவருக்கும் நிலைமை புரிய , முன்புறமாக விழுந்திருந்தவர்கள் அனைவரும் எழ முயன்றுகொண்டிருந்தனர் . தன் மீது பஞ்சுப்போதியென விழுந்துகிடந்தவளை தன்னோடு இறுக அணைத்துக்கொண்டிருந்தவன் பின் அவளுடைய தோள்களிலே கரத்தை வைத்து , தன்னிடமிருந்து பிரித்துத் தள்ள அவன் செய்த முயற்சிகள் எதுவும் பயனளிக்காமல் போக , எழ முடியாமல் அவன் அப்படியே இருக்க , கொஞ்ச நேரம் , இருவரும் ஒருவர் மீது ஒருவராக விழுந்து கிடந்தனர் . முதலாவதாக சுய நினைவு பெற்றவன் அந்த இளைஞன்தான் . " ஹலோ மிஸ் ... கான்யு கெட் அப் ... ? ” என்றான் எரிச்சலையும் கோபத்தையும் மறைக்காத குரலில் கூறுவது சிவார்ப்பணா விற்குக் கேட்கவே இல்லை . அவள்தான் அடிப்பட்ட வேகத்தில் மயக்கத்தில் இருந்தாளே . " ஹலோ மிஸ் ... உங்களைத்தான் ... " என்று அவளைச் சுற்றித் தன் கரத்தைப் போட்டு , உலுப்பியவாறு அழைத்துப் பார்த்தான் . அப்போதும் அவளிடம் சிறு அசைவும் இருக்கவில்லை . உடனே அவளுடைய தோள்களைப் பற்றித் தூக்கிப் பார்த்தான் . அவள் விழிகள் மூடிக்கிடந்தன . நெற்றி புடைத்திருந்தது . அப்படியே அருகே சரித்து அவள் தொடைகளின் இரு பக்கமும் தன் கால்களைப் போட்டு , வலது முழங்கால் தரையில் பதிந்திருக்கவும் , இடது கால் மடிந்து , கால்பாதம் தரையில் பதிந்திருக்கவும் , அவளை நோக்கிக் குனிந்தான் . " ஹே வேக்கம் ... " என்று அவளுடைய கன்னத்தைத் தட்டிப் பார்த்தான் மூடியிருந்த விழிகளில் எந்த அசைவும் இருக்கவில்லை. யோசனையாக அவள் கழுத்தில் சுண்டுவிரலையும் நடுவிரலையும் வைத்து நாடித்துடிப்பைப் பரீட்சித்துப் பார்த்தான் . மெல்லியதாக அது துடிக்க , தலையை அசைத்து வாயைக் குவித்து மெல்லியதாகப் பெருமூச்சு விட்டவன் , மீண்டும் அவள் கன்னத்தைத் தட்டி , " ஹலோ மிஸ் ... டிட் யு ஹியர் மி ... ஹலோ ... " என்று அவள் வயி ரம் பதித்து அசைத்துப் பார்த்தான் .
The Happiness Project: Or, Why I Spent a Year Trying to Sing in the Morning, Clean My Closets, Fight Right, Read Aristotle, and Generally Have More Fun