Jason L.

Tabuga
BSBA - 1

Ang build, build, build program ni Pangulong Rodrigo Roa Duterte

Sa unang bahagi pa lang ng pamumuno ng Pangulong Duterte ay ikinasa na kaagad ang “Build,

Build, Build”, at sa kasalukuyan ay malaking porsyento na ng mga proyekto ang naaprubahan at
sinisimulan na ang construction.

Isa ito sa mga repormang isinusulong sa ilalim ng kanyang administrasyon o agenda na

tinagurinang “Dutertenomics” ang pagbibigay prioridad sa pagtatayo ng mga imprastraktura sa
iba’t ibang bahagi ng bansa upang masiguro ang maayos na takbo ng kalakalan. Ito ay
ang “Build, Build, Build” program na sesentro sa pagtatayo ng mga modern transport systems,
mga kalsada, tulay, paliparan, pantalan, flood control, communication and information
technology sa loob ng anim na taon, na nagkakahalaga ng P8.44 trillion. At tiniyak na sisikapin
ng Duterte Administration na matapos ang mga infrastructure projects na inilatag nito sa
takdang oras, kaya naman magpapatupad ng 24/7 o non-stop na construction schedule ang
gobyerno sa pagtatayo ng mga panibagong imprastraktura.

Nasa 75 flagship infrastructure projects ang ipatutupad sa ilalim ng Administrasyong Duterte, sa

pangunguna ng mga sangay ng gobyerno tulad ng Department of Agriculture, Department of
Energy, Department of Public Works and Highways, Department of Transportation,
Autonomous Region in Muslim Mindanao; Bases Conversion and Development Authority;
Metropolitan Waterworks and Sewerage System at ng National Irrigation Administration.

Dagdag pa dito, tinataya rin na makalilikha ang mga naturang programa ng libo-libong trabaho
para sa mga Pilipino. Ayon sa International Labor Organization, 200,000 direct jobs ang nalilikha
ng gobyerno sakada US $1 Billion na ginagastos nito para sa imprastraktura.  Kaya naman
napakalaki ng maitutulong ng “Build, Build, Build” sa pagpapapaunlad ng kabuhayan ng mga
‘Pinoy.

Nitong Setyembre, inaprubahan ng National Economic and Development Authority (NEDA) ang

apat na flagship projects na nagkakahalaga ng P386.248 billion.  Ito ay karagdagan sa 35 major
projects na naunang naaprubahan ng NEDA, na nagkakahalaga ng P1.2 trillion.
“The approval and eventual completion of these projects will pave the way for us to achieve our
mid-term and long-term goals as a country and a nation,” ayon kay NEDA Director-
General Ernesto M. Pernia.

Kabilang sa mga pinakabagong inaprubahang proyekto ay ang P355.588-billion first

phase ng Metro Manila Subway project na tatakbo mula sa Mindanao Avenue sa Quezon City
patungo sa Food Terminal, Inc.(FTI) Complex sa Lungsod ng Taguig, at tutuloy hanggang
sa Ninoy Aquino International Airport sa Lungsod ng Parañaque.

Ang naturang underground railway system, na sisimulan ang pagtatayo sa susunod na taon, ay

popondohan sa pamamagitan ng Official Development Assistance (ODA) mula sa bansang
Japan. Kung matatapos ang nasabing proyekto, inaasahang malaki ang maitutulong nito upang
maresolba ang problema ng mabigat na trapiko sa Kalakhang Maynila, na nagdudulot ng aabot
sa P 2.4-billion na pagkalugi sa ekonomiya ng bansa ayon sa mga eksperto.

Ang iba pang proyektong naaprubahan ng NEDA kamakailan ay ang mga sumusunod:

Ang 19-billion Improving Growth Corridors in Mindanao Road Sector Project kung saan
pagagandahin ang pitong mga pangunahing kalsada at ang pagtatayo ng tatlong tulay sa Tawi-
tawi. Magsisimula ang naturang proyekto, na popondohan sa pamamagitan ng loan mula
sa Asian Development Bank, bago magtapos ang taong 2017 at inaasahang matatapos sa fourth
quarter ng taong 2020;
Ang Binondo-Intramuros at Estrella Pantaleon Bridges Construction Project na nagkakahalaga
ng P 5.97 billion. Ito ay popondohan ng grants mula China at pasisimulan ngayong taon;
Lower Agno River Irrigation System Improvement Project na nagkakahalaga ng 5 billion, na
popondohan ng gobyerno. Inaasahan na mabibigyan nito ng patubig ang nasa 12,650 na
ektarya ng bukirin at matutulugan ang nasa 10,372 na magsasaka sa mga lalawigan ng Nueva
Ecija, Pangasinan and Tarlac. Pasisimulan ang implementasyon sa Enero ng susunod na taon
hanggang Disyembre 2021;

At ang Infrastructure Preparation and Innovation Facility of the Department of Finance na

dinsesnyo para sa mabilis na implementasyon ng mga proyekto ng DPWH at DOTr. (Para sa
kumpletong listahan ng mga proyekto sa ilalim ng “Build, Build, Build”, tumungo
sa website nabuild.gov.ph)