Professional Documents
Culture Documents
Mbo’esyry: Poapyha
Mbo’ehao: ___________________________________________________
Temimbo’e: __________________________________________________
Mbo’ehára: ___________________________________________________
Tembiaporã
1. Emoñe᾿ẽ:
Arapoty
Arapoty oñepyrũ mokõipa peteĩ jasyporundýpe. Oĝuahẽ vove jahecha hetaite
mba’e porã. Yvypóra oñandu ipyahu jey hekove ha imbareteve.
Paraguái henyhẽ vy᾿águi.
Ñu oñemonde yvotýgui; kuarahy ojeroky yvága hovýpe; arai oñani ha okañymba;
mbyjakuéra opo ha omimbi pyharekue, ha jasy opukavy oipejúvo yvytu vevúi asy.
Ka’aguýre guyrakuéra opurahéi; ysyry potĩ oñe᾿ẽ omyakỹvo yvoty ojahúva
hembe’ýpe; pira’i oñembojaru ygáu guýpe ha panambi oguejy mbeguemi yvoty kyrỹi
rope rehe ha omombe᾿u chupe heta mba᾿e.
Eíra he᾿ẽ asýva henyhẽ eirusu raitýpe osãingóva yvyráre ka᾿aguýpe.
Pakuri ipotypa ha hogue kuágui oveve guyra᾿i pepo sa᾿yju, pyti᾿a pytãngýva
huguái pukúva. Ynambusevói iñasarambi ñúre ha piririta oguejy mbokajáre ojaitypóvo
ombo’a haĝua.
Hetaite yvoty ryakuãvurei ñahetû ha jahecha kokue rapére. Oĩ yvoty morotĩ, pytã,
sa᾿yju, hovy ha ipara᾿i asýva. Ñane ñe᾿ã opopo vy᾿águi ha mborayhu rypy᾿ũ omyenyhẽ
ñande rekove.
¡Iporãitépa arapoty!
2. Embohovái ko’ã porandu:
2.1. Araka’épa oñepyrũ arapoty.
3. Emoĩmba:
▪ Mba’emba’épa ojapo ko’ãva:
➢ Ñu: .................................................................................................................................
➢ Kuarahy: .....................................................................................................................
➢ Arai: ..............................................................................................................................
➢ Mbyjakuéra: ..............................................................................................................
➢ Jasy:...............................................................................................................................
4. Emongora tero rejuhúva haipyvópe:
Ka’aguýre guyrakuéra opurahéi; ysyry potĩ oñe’ẽ omyakỹvo yvoty ojahúva
hembe’ýpe; pira’i oñembojaru ygáu guýpe ha panambi oguejy mbeguemi yvoty kyrỹi
rope rehe ha omombe’u chupe heta mba’e.
5. Eg̃uenohẽ pa tero rejuhúva moñe᾿ẽrãme ha emohenda umi tero iñemohenda
rupive:
Jeporekaha
▪ Tu escuela en casa fecha 19 de mayo, 4 de agosto, 17 de agosto, 7 de
setiembre.