HAN-AY SA PAGHIMO SA INADLAWNG PAGROSARYO UG

NOVENA ATOL SA PAGSAULOG SA IYANG KASUMARAN

(Nasudnong Panaghiusa sa Pagrosaryo ug Novena pasidungog sa Mahal
nga Birhen Maria)

a. Pasiunang awit halad sa Mahal nga Birhen (eg. Bulak nga Putli)
b. Pangaliya sa Balaang Ispiritu
Umari ka Ispiritu Santo, tungod sa imong gamhanang pangaliya
sa putli nga kasing-kasing ni Maria imong pinalanggang esposa.
c. Pag-ampo sa Rosaryo (Pinanguluhan sa Talahurong Obispo, Kaparian o
Punong Alagad sa Kapilya)
d. Pag-ampo kang Maria niining panahon sa pandemya

O Maria, sa kanunay ikaw nagadan-ag sa among pagpanaw, isip

timaan sa among kaluwasan ug paglaum. Kami nagasalig kanimo, ikaw ang
kaayuhan sa mga masakiton. Sa tiilan sa balaang krus, ikaw nakaambit sa
kasakit ni Jesukristo ubos sa hugot nga pagsalig. Ikaw ang nagdala sa
kaluwasan sa mga Romanhon, nakaila sa among mga panginahanglan.
Nakasiguro kami nga ikaw magahatag sa among gipangayo sama sa imong
gihimo sa Cana didto sa Galilea, kami magsaulog sa kalipay ug kadaugan
pagkahuman niining pagsuway nga among nahiaguman. Tabangi kami
among Inahan sa Balaanong Gugma sa pagsunod kanunay sa kabubut-on sa
Amahan ug pagtuman sa mga pulong ni Jesukristo nga nag-ingon: “Kadtong
nag-antus sa iyang kaugalingon ug naghalad sa iyang mga kasakit ngadto sa
krus maiya ang kalipay sa kabanhawan”. Amen.

Kami nangaliya sa makanunayong pagpanalipod O Balaang Inahan sa

Diyos. Ayaw kawanga ang among mga pangamuyo, - kami nga ania nahiagum
niining pagsuway – ilikay kami sa tanang katalagman, O mahimayaon ug
Balaan nga Birhen.

e. Katapusang awit (eg. Adios Rayna Sa Langit)