Buhay Estudyante: Ang Pagsuong ko sa Dilim ng Pandemya
Noong nakaraang taon matatandaang umugong ang balitang may
nakakahawang sakit na natuklasan ang mga eksperto sa bansang Tsina at di rin nagtagal nabalitang nakaroon ang ating bansa ng iilang positibo. At wala ni isa sa atin ang nakabatid na ito ang sasakop at magiging tinik sa ating bansa. Napakadami ding naapektuhan ng sakit na dulot nito at isang halimbawa na lang nito ay sa sektor ng edukasyon. Ngunit sa kabila nito, kaming mga estudyante ay sumusuong sa dilim na dulot ng pandemyang ito.
Taliwas at naiiba sa kinagiwaang naming estudyante ang nangyayari sa panahon
ngayon. Sa halip na maaga kaming gumigising sa umaga upang makapaghanda para pumasok ay haharap kami sa aming kanya-kanyang gadget ay duon magsisimula ang aming magiging leksyon. Masasabi kong hindi ito madali para sa akin sapagkat tulad ng nakakarami nakakaranas din ako ng pagbagal ng koneksyon dahilan upang hindi ko maintindihan ang mga lesyon at mga impormasyon na tinatalakay ng aming mga guro. Maging sa problemang pinansyal, madalas ay isa ito sa nagiging balakid upang makadalo ako sa aming leksyon dahil sa halip na pagkain at iba pang mga gamit na bilihin sa aming tahanan ay load ang unang pagtutunan ng pansin dahil sa tingin ko ito ang mas kailangan ika nga nila edukasyon ang susi sa kahirapan. Ngunit bukod sa online mode of learning, modyul ang naging arternatibong gamit upang makakuha kami ng sapat na impormasyon ukol sa aming leksyon, ngunit sa aking kondisyon may pagkakataong nahihirapan akong intindihin at unawain ang mga nilalaman nito. Dahilan upang aking hinahanap-hanap ang gabay at presensya ng aking mga guro. At hindi lang dito nagtatapos ang pagsuong ko sa mga balakid na ito, minsan at may mga pagkakataon na hindi maiiwasang magkaroon ng pangsariling problema at malaki ang nagiging epekto upang hindi ako makagawa at makatapos sa mga aktibidad na dapat gawin. Hindi ko maiikaila na tunay nga na matatawag na ang sistema ng edukasyon na aming kinakaharap bilang mga estudyante ay isang pagsuot sa butas ng karayom. Ngunit batid ko at naniniwala ako na sa kabila ng tinatahak kong dilim ay may nakaabang na liwanag sa badang dulo at nakakatiyak ako na ang liwanag na ito ay mananatiling sulo at patuloy na pagtitibayin at pagliliabin ng panahon at magbubunga ng hingit sa sa sampung datong. Basta ngayon ang tanging magagawa ko lang ay manatiling matatag na nakatayo sa kabila ng hamon ng buhay.