Taon 34 Blg.
30 Ika-4 Linggo ng Adbiyento (B) — Lila
‘A nóng lakíng biyayà / At hamon,
at hiwagà, / Ang Diyós na
Maylikhâ / Ay nagkatawáng-kapwâ!’
Kakaiba ang ating Pasko ngayon.
Dahil sa pandemya, maraming mga
palamuti ang hindi natin makikita.
M a b a b awa s a n d i n a n g m g a
Christmas Party at mga Christmas
Shopping. Ngunit kung iisipin
baka may dala rin itong biyaya.
Pagkakataon na ito para higit nating
mapagnilayan ang mahahalagang
mensahe ng ating Pasko. Isipin mo,
ang Diyos na Maylikha ay hindi
lang nagkatawang-tao, kundi
nakipagkapwa! Ang Diyos na nasa
langit ay may ibang diskarte rin
pala sa lupa!
Mapagmahal na Kilos ng Diyos
sa Kasaysayan. “Ang anghel Gabriel
ay inutusan ng Diyos sa isang bayan
ng Galilea na tinatawag na Nazaret,
sa isang birheng naidulog na sa
isang lalaki sa lahi ni David.” Ang
pasimuno ng pagkilos sa kasaysayan
ay ang Panginoon. Siya ang nag-
utos sa anghel. Siya rin ang nagsabi
sa anghel kung saan siya dapat
tumungo at kung sino ang dapat
niyang puntahan. At talagang
pinili si Jose ‘pagkat kahanay siya
ni Haring David, na noon pa ma’y
pinangakuan ng Diyos na mula sa
kanyang angkan ay isisilang ang
Mesiyas. Si Gabriel din ang anghel
na isinugo kay Zacarias, tungkol
sa pagsilang ni Juan Bautista na
inihanda naman para patagin ang
landas kay Hesus.
Nakita ninyo? Talagang may plano
ang Diyos! Kahit parang virus na
hindi mo nakikita, hindi halata,
ngunit sa tahimik na paraan, may
ginagawa ang Diyos. May masinop
na paghahanda. May isinusugong
propeta at anghel. May pinipiling
mga tao na may dakilang kalooban.
Masarap isipin na mapagmahal na
kumikilos ang Diyos sa takbo ng
ating buhay.
Mapagmahal na Tugon ng mga
Banal para sa Kaligtasan. “Narito
po ako na lingkod ng Panginoon.
Matupad nawa sa akin kung anuman
Basahin ang pagninilay bago o pagkatapos lamang ng Misa upang
makabahagi nang taimtim at ganap sa Banal na Pagdiriwang.
Ibang Diskarte
ng Diyos
Fr. Albert E. Alejo, SJ
ang niloloob ng Diyos.” Bilang
matapat na Judio, alam ni Maria
na darating ang Mesiyas. Ngunit
hindi niya inaasahan na siya mismo
ang gagamitin ng Panginoon sa
katuparan ng kaniyang pangako ng
pagliligtas. Isang malaking bulaga
ito para kay Maria at para rin kay
Jose na kaniyang katipan. May iba
silang plano sa buhay, ngunit handa
rin silang sumunod sa mahiwagang
plano ng Diyos.
Normal naman na kapag hinamon
ka ng Diyos, mauunahan ka ng takot,
o pagtatanong, o pagdududa, o kung
minsan pa nga ay pagtutol. Subalit
tinutulungan tayo ng mga propeta
at ng mga anghel na isinusugo sa
atin ng Panginoon.
May mga pangyayari o tao na
bigla na lang dumarating sa ating
buhay, at maya-maya, naliliwanagan
ang ating isip—Ah, kaya pala! Ah,
ganun pala! Tama ang kutob ko, may
mensahe sa akin ang Diyos! At dito,
nararamdaman natin na masarap
pala na buong pagmamahal tayong
nagtitiwala sa kalooban ng Diyos,
alang-alang sa kaniyang plano ng
kaligtasan.
Mapagmahal na Hamon na
Paglingkuran ang Sambayanan.
“Paglalaanan ko ang aking bayang
Israel ng isang matatag na pook na
dito’y walang gagambala sa kaniya,
sapagkat hindi na siya sisiilin ng
masasama gaya noong una.” Ang
kaligtasang nasa plano ng Diyos
Disyembre 20, 2020
ay hindi pala para sa pansariling
kaligtasan lang! Lagi Niyang nasa isip
ang kaniyang bayang minamahal.
Kung may plano siya, ito ay para
sa kaniyang bayang Israel.
Kung may isinusugo siyang
propeta o anghel, ito’y para
magdala ng balita o babala sa
kaniyang bayang minamahal.
Kung pumipili siya ng indibidwal,
ito’y para maglingkod sa kaniyang
bayang minamahal. Ang alok niyang
kaligtasan ay para sa isang buong
bansang hindi nagkakanya-kanya,
hindi watak-watak, hindi nag-aaway-
away, lalong hindi nagpapatayan,
kundi isang bayang nagbabayanihan.
Masarap maliwanagan na ang Pasko
pala ay paanyayang paglingkuran
ang sambayanang labis-labis na
minamahal ng Maykapal.
Samakatwid, ang Pasko ay
mahiwagang katuparan ng matagal
nang inihula ng mga propeta
at pinaghandaan ng Diyos sa
kasaysayan. May plano ang Diyos,
hindi man natin ito maunawaan
kaagad. May kahulugan pati ang
ating mga pagpapakasakit. Ang
Pasko rin ay pagkakataong mag-alay
ng sarili, bilang pakikiisa sa kaniyang
programang pangkaligtasan.
Ang Pasko ay hindi lang para sa
indibidwal na kaligtasan kundi
para sa sambayanan—lalo na
sa mga maysakit, biktima ng
karahasan at kawalang katarungan
at kapabayaan—sapagkat ang
Diyos ay naging isang kapwa at
nakipagkapwa.
Oo, marami tayong tanong, duda,
at galit pa nga, dahil sa mga mali
at buktot na desisyon ng lipunan.
Subalit sa pamamagitan ng mga
taong gumagalaw, kumikilos,
naninindigan, nakagagawa pa
rin ng paraan ang Diyos upang
mapalaya ang kaniyang bayan sa
mga “sumisiil.”
Kaya pala naisigaw ng mang-
aawit sa Salmo Responsorio: “Ang
mga biyaya ng Panginoon ay aking
aawitin magpakailanman.”
 PASIMULA
Antipona sa Pagpasok [Is 45: 8]
(Basahin kung walang pambungad na awit)
Pumatak na waring ulan mag­
mula sa kalangitan, nawa’y umus­
bong din naman mula sa lupang
taniman ang Manunubos ng tanan.
Ang Pagsisindi ng Kandila
ng Adbiyento
(Maaari itong gawin pagkatapos ng
pambungad na awit at dadasalin ang
sumusunod o kahalintulad na pana-
langin)
P - Ama, sa nalalapit na pagta-
tapos ng paglalakbay namin
sa panahon ng Adbiyento,
sinisindihan namin ang kandila
ng pag-asa, kapayapaan, at galak.
At ngayon ay sinisindihan namin
ang kandila ng pag-ibig. Gawaran
mo kami ng lakas ng loob na
magbahagi ng pagmamahal:
pagmamahal para sa buhay at
sa sangnilikha, pagmamahal sa
mga makasalanan at mga banal,
pagmamahal sa mga mahihirap.
Taos-puso kaming nagpapasalamat
para sa pag-asa na inihandog ng
iyong Anak, para sa kapayapaan
na kanyang ipinagkaloob, para
sa kagalakan ng iyong Espiritung
ibinuhos sa aming mga puso, at
para sa pagmamahal na nagliligtas
at naghahatid sa amin sa daan
patungo sa iyo.
Pagbati
(Gawin dito ang tanda ng krus)
P - Sumainyo ang Panginoon.
B - At sumaiyo rin.
Paunang Salita
(Maaaring basahin ito o isang katulad
na pahayag)
P - Sa huling Linggo ng ating
paghahanda para sa Kapas-
kuhan, pagninilayan natin ang
pagdadalantao ng Birheng Maria
sa ating Panginoon. Dahil sa
kanyang pagiging bukas sa mga
pangako ng Diyos at matatag
na pananampalataya, naging
perpektong halimbawa si Maria
sa paghahanda sa pag­tanggap
sa Manunubos.
Pagsisisi
P - Mga kapatid, aminin natin
ang ating mga kasalanan upang
tayo’y maging marapat sa pagdi-
riwang ng banal na paghahaing
nagdudulot ng kapatawaran ng
Maykapal. (Tumahimik)
P - Panginoon, kami’y nagkasala
sa iyo.
B - Panginoon, kaawaan mo kami.
P - Kaya naman, Panginoon,
ipakita mo na ang pag-ibig mong
wagas.
B - Kami ay lingapin at sa
kahirapan ay iyong iligtas.
P - Kaawaan tayo ng makapang­
yarihang Diyos, patawarin tayo sa
ating mga kasalanan, at patnu­bayan
tayo sa buhay na walang hanggan.
B - Amen.
P - Panginoon, kaawaan mo kami.
B - Panginoon, kaawaan mo kami.
P - Kristo, kaawaan mo kami.
B - Kristo, kaawaan mo kami.
P - Panginoon, kaawaan mo kami.
B - Panginoon, kaawaan mo kami.
(Ang Gloria ay aawitin o bibig­kasin
lamang sa pagdiriwang ng Misa de Gallo)
Pambungad na Panalangin
P - Manalangin tayo. (Tumahimik)
Ama naming makapangyarihan,
kasihan mo kami ng iyong pag­
mamahal upang kaming nakabatid
sa pagbabalita ng anghel tungkol
sa pagkakatawang-tao ng Anak mo
ay makapakinabang sa kanyang
pagpapakasakit at pagkamatay sa
krus sa pagsapit namin sa pagka­
buhay niya sa langit sa pama­
magitan niya kasama ng Espiritu
Santo magpasawalang hanggan.
B - Amen.
PAgpapahayag
ng salita ng diyos
Unang Pagbasa [2 S 7:1-5, 8b-12,
14a, 16] (Umupo)
Iminumungkahi ni David na
magtayo ng gusali o templo para
sa Panginoon. Subalit pinili ng
Panginoon na itayo ang kaharian
ni David. At sa kanyang angkan
magmumula ang Mesiyas, ang
tutubos at maghahari sa Israel.
Pagbasa mula sa ikalawang aklat
ni Samuel
SI DAVID ay panatag nang
nakatira sa kanyang bahay. Sa
tulong ng Panginoon, hindi
na siya ginambala ng kanyang
mga kaaway. Tinawag niya si
Natan at sinabi, “Nakikita mong
nakatira ako sa tahanang sedro,
ngunit ang Kaban ng Tipan ay
sa tolda lamang.” Sumagot si
Natan, “Isagawa mo ang iyong
iniisip, sapagkat ang Panginoon
ay sumasaiyo.”
Ngunit nang gabing iyo’y
s i n a b i n g Pa n g i n o o n k ay
Natan, “Ganito ang sabihin
mo kay David: ‘Ipagtatayo mo
ba ako ng tahanan? Inalis kita
sa pagpapastol ng tupa upang
gawing pinuno ng bayang Israel.
Kasama mo ako saan mang dako
at lahat mong mga kaaway ay
aking nilipol. Gagawin kong
dakila ang iyong pangalan tulad
ng mga dakilang tao sa daigdig.
Bibigyan ko ang Israel ng kanyang
lupa at doon ko patitirahin. Wala
nang gagambala sa kanila roon;
wala nang aalipin sa kanila tulad
noong una, buhat nang maglagay
ako ng hukom nila. Magiging
payapa ka sapagkat wala nang
gagambala sa iyo. Bukod dito,
akong Panginoon ay nagsasabi
sa iyo: Patatatagin ko ang iyong
sambahayan. Pagkamatay mo, isa
sa iyong mga anak ang ipapalit ko
sa iyo. Patatatagin ko ang kanyang
kaharian. Kikilanlin ko siyang
anak at ako nama’y magiging
ama niya. Magiging matatag ang
iyong sambahayan, ang iyong
kaharia’y hindi mawawaglit sa
aking paningin at mananatili ang
iyong trono.’”
— Ang Salita ng Diyos.
B - Salamat sa Diyos.
Salmong Tugunan (Slm 88)
T - Pag-ibig mong walang maliw
ay lagi kong sasambitin.
1. Pag-ibig mo, Poon, na di nag­
mamaliw/ ang sa tuwi-t’wina’y
aking aawitin;/ ang katapatan
mo’y laging sasambitin./
Yaong pag-ibig mo’y walang
katapusan,/ sintatag ng langit
ang ’yong katapatan. (T)
2. Sabi mo, Poon, ikaw ay
may tipan/ na iyong ginawa
kay David mong hirang/ at
i t o a n g i yo n g p a n g a k o n g
iniwan:/ “Isa sa lahi mo’y laging
maghahari,/ ang kaharian mo
ay mamamalagi.” (T)
3. Ako’y tatawaging ama niya’t
Diyos,/ tagapagsanggalang
niya’t Manunubos./ Ang aking
pangako sa kanya’y iiral/
at mananatili sa kanya ang
tipan. (T)
Ikalawang Pagbasa
(Rom 16: 25-27)
Ang planong pagliligtas ng
Panginoon, na inilihim sa
mahabang panahon, ay naihayag
sa pag­dating ni Hesukristo. Ito
ay ibinunyag hindi lamang sa
bayang hinirang kundi pati na
rin sa mga pagano.
Pagbasa mula sa sulat ni Apostol
San Pablo sa mga taga-Roma
MGA KAPATID: Purihin ang
Diyos na makapagpapatibay
sa inyo sa pamamagitan ng
Mabuting Balita tungkol kay
Hesukristo na ipinangangaral ko
sa inyo. Ang Mabuting Balitang
iyan ay isang hiwaga na nalihim
sa loob ng mahabang panahon,
at sa utos ng walang hanggang
Diyos ay nahayag ngayon sa mga
Hentil upang sila’y manalig at
tumalima kay Kristo. Ang lahat
ng iyan ay ayon sa mga sulat ng
mga propeta.
Sa iisang Diyos, ang marunong
sa lahat—sa kanya iukol ang papuri
magpakailanman sa pama­magitan
ni Hesukristo! Amen.
— Ang Salita ng Diyos.
B - Salamat sa Diyos.
Aleluya [Lc 1:38] (Tumayo)
B - Aleluya! Aleluya! Narito
ang lingkod ng D’yos maganap
nawa nang lubos ang salita mong
kaloob. Aleluya! Aleluya!
Mabuting Balita (Lc 1: 26-38)
P - Ang Mabuting Balita ng
Panginoon ayon kay San Lucas
B - Papuri sa iyo, Panginoon.
NOONG panahong iyon: Ang
anghel Gabriel ay sinugo ng
Diyos sa Nazaret, Galilea, sa
isang dalaga na ang pangala’y
Maria. Siya’y nakatakdang ikasal
kay Jose, isang lalaki buhat sa
lipi ni Haring David. Paglapit
ng anghel sa kinaroroonan ng
dalaga, binati niya ito. “Matuwa
ka! Ikaw ay kalugud-lugod sa
Diyos,” wika niya. “Sumasaiyo
ang Panginoon!” Nagulumihanan
si Maria sa gayong pangungusap,
at inisip niyang mabuti kung ano
ang kahulugan niyon. Kaya’t sinabi
sa kanya ng anghel, “Huwag
kang matakot, Maria, sapagkat
kinalulugdan ka ng Diyos.
Makinig ka! Ikaw ay mag­lilihi
at manganganak ng isang lalaki,
at siya’y tatawagin mong Hesus.
Magiging dakila siya, at tatawaging
Anak ng Kataas-taasan. Ibibigay sa
kanya ng Panginoong Diyos ang
trono ng kanyang amang si David.
Maghahari siya sa angkan ni Jacob
magpakailanman, at ang kanyang
paghahari ay walang hanggan.”
“Paanong mangyayari ito,
gayung ako’y dalaga?” tanong
ni Maria. Sumagot ang anghel,
“Bababa sa iyo ang Espiritu
Santo, at lililiman ka ng
kapangyarihan ng Kataas-taasan.
Kaya’t banal ang ipanganganak
mo at tatawaging Anak ng
Diyos. Natatandaan mo ang
iyong kamag-anak na si Elisabet?
Alam ng lahat na siya’y baog,
ngunit naglihi siya sa kabila ng
kanyang katandaan. At ngayo’y
ikaanim na buwan na ng kanyang
pagdadalantao—sapagkat wa-
lang hindi mapangyayari ang
Diyos.”
Sumagot si Maria, “Ako’y
alipin ng Panginoon. Mangyari
sa akin ang iyong sinabi.” At
nilisan siya ng anghel.
— Ang Mabuting Balita ng
Panginoon.
B - Pinupuri ka namin, Pangi-
noong Hesukristo.
Homiliya (Umupo)
Pagpapahayag ng
Pananampalataya (Tumayo)
B - Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay Hesu-
kristo, iisang Anak ng Diyos,
Panginoon nating lahat, nagkata-
wang-tao siya lalang ng Espiritu
Santo, ipinanganak ni Santa
Mariang Birhen. Pinagpakasakit
ni Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao,
nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa
lahat. Doon magmumulang
paririto at huhukom sa nanga-
bubuhay at nangamatay na tao.
Sumasampalataya naman ako sa
Diyos Espiritu Santo, sa banal na
Simbahang Katolika, sa kasamahan
ng mga banal, sa kapatawaran ng
mga kasalanan, sa pagkabuhay na
muli ng nangamatay na tao at sa
buhay na walang hanggan. Amen.
Panalangin ng Bayan
P - Manalangin tayo sa Ama
upang tulad ni Maria, maging
bukas at handa ang ating
mga puso at isipan sa mga
n a i s a t k a l o o b a n n i ya s a
ating pamumuhay. Sa bawat
panalangin, ating itutugon:
T - Panginoon, dinggin mo kami.
L - Katulad ng Birheng Maria,
maging bukas nawa sa pagdaloy
ng banal na Espiritu ang Santo
Papa, mga obispo, mga pari at
diyakono upang magampanan
nila ang kanilang tungkuling
naaayon sa kagustuhan ng Diyos.
Manalangin tayo: (T)
L - Katulad ng Birheng Maria,
maging sensitibo nawa ang mga
namumuno sa pamahalaan sa
paggalaw ng banal na Espiritu
upang magabayan sila sa bawat
desisyon nila sa buhay at sa
kanilang mga hangad at pagkilos.
Manalangin tayo: (T)
L - Katulad ni Maria, matuto nawa
tayong kumalinga, tumulong, at
magmalasakit sa mga dukha, mga
nag-iisa, at napaba­bayaan sa ating
pamayanan. Manalangin tayo: (T)
L - Katulad ni Maria, maging
matatag nawa ang loob ng mga
kapatid nating frontliner at iba
pang nangangalaga sa mga
may karamdaman. Gabayan at
patatagin nawa sila ng Espiritu
sa mga pagsubok na kanilang
kinakaharap. Manala­ngin tayo: (T)
L - Katulad ni Maria, patuluyin
nawa ng Panginoon ang mga
kapatid nating yumao sa kanyang
tahanan sa langit. Manalangin
tayo: (T)
P - Dinggin mo ang aming mga
panalangin, O Diyos Ama. Tulad
ni Maria, dulutan mo ng galak
ang aming mga puso upang
matanggap namin nang ganap
ang iyong dakilang Anak na
siyang naghahari kasama mo at
ng Espiritu Santo magpasawalang
hanggan.
B - Amen.
Pagdiriwang
ng huling hapunan
Paghahain ng Alay (Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Sambayanan
niyang banal.
Panalangin ukol sa mga Alay
P - Ama naming Lumikha, ang
mga alay naming nakahain sa
iyong dambana ay pabanalin
nawa ng paglukob ng Banal na
Espiritu na pumuspos sa sina­
pupunan ng Mahal na Birheng
Maria upang mag­d alang-tao
at magsilang sa iyong Anak na
siyang namama­gitan mag­pasa­
walang hanggan.
B - Amen.
Prepasyo (Adbiyento II)
P - Sumainyo ang Panginoon.
B - At sumaiyo rin.
P - Itaas sa Diyos ang inyong
puso at diwa.
B - Itinaas na namin sa Pangi­noon.
P - Pasalamatan natin ang
Panginoong ating Diyos.
B - Marapat na siya ay pasala­matan.
P - Ama naming makapangyari­
han, tunay ngang marapat na
ikaw ay aming pasalamatan sa
pamamagitan ni Hesukristo na
aming Panginoon.
Ang pagsusugo mo sa kanya
ay ipinahayag ng lahat ng mga
propeta. Ang pagsilang niya’y
pina­n abikan ng Mahal na
Birheng kanyang Inang tunay
sa kapang­yarihan ng Espiritung
Banal. Ang pagdating niya’y
inilahad ni San Juan Bautista sa
kanyang pagbibinyag. Ngayong
pinag­h ahandaan namin ang
maligayang araw ng kanyang
pagsilang, kami’y nananabik at
nanalanging lubos na makaharap
sa kanyang kadakilaan.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B- Santo, santo, santo...(Lumuhod)
Pagbubunyi (Tumayo)
B - Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
Pakikinabang
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos. Ito
ang nag-aalis ng kasalanan ng
sanlibutan. Mapalad ang mga
inaanyayahan sa kanyang piging.
B - Panginoon, hindi ako ka-
rapat-dapat na magpatulóy sa
iyo ngunit sa isang salita mo
lamang ay gagaling na ako.
Antipona sa Komunyon
[Is 7:14]
Maglilihi itong birhen at mag­
sisilang ng supling na tatawa­ging
Emman’wel, taguring ibig sabihi’y
“Ang D’yos ay suma­saatin.”
Panalangin Pagkapakinabang
(Tumayo)
P - Manalangin tayo. (Tumahimik)
Ama naming mapagmahal,
amin nang pinagsaluhan ang
piging na nagbibigay-buhay.
Habang papalapit ang dakilang
kapistahan ng Pasko, lalo nawa
kaming makinabang nang may
pananabik sa pagiging marapat
sa pagdiriwang sa pagsilang ng
Anak mo na siyang namamagitan
magpasawalang hanggan.
B - Amen.
Pagtatapos
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayong lahat at
hingin ang pagpapala ng Diyos.
(Tumahimik)
Ama naming mapagpala,
pagpalain mo ng iyong mga
kaloob buhat sa langit ang iyong
sambayanan at pamalagiin mong
sumusunod sa iyong kalooban
sa pamamagitan ni Hesukristo
kasama ng Espiritu Santo
magpasawalang hanggan.
B - Amen.
P - Pagpalain kayo ng makapang-
yarihang Diyos, Ama at Anak
(†) at Espiritu Santo.
B - Amen.
Pangwakas
P - Tapos na ang Banal na Misa.
Humayo kayong mapayapa.
B - Salamat sa Diyos.