PALAGIP KADAGIDIAY MAKIPASET KADAGITI SIMPOSIUM ITI KOMBENSION

• Ti pasetyo ket mangipalawag iti maysa a benneg iti pannakabukel ti nalawlawa ti saklawenna a
tema. Pangngaasiyo ta buklenyo laeng ti material a naited kadakayo.
• Nasken ti panagsagana a naimbag tapno narayray ken makagutugot ti panangiparangyo iti
pasetyo.
• Kitaenyo a naimbag ti orasyo! Ipalawagyo ti balabala sigun iti naituding nga oras iti tunggal
subtitulo. No limbes ti orasyo, mapilitan ti kabsat a sumaruno kadakayo a mangpaababa iti
pasetna, ket kumapuy ti kinaepektibo ti programa. Ti intero a palawagyo—a pakairamanan
dagiti interbiu, demostrasion, monologo, ken ti panangyam-ammoyo iti sumaganad nga
ispiker—ket masapul a mairingpas iti naituding nga oras. Adu ti masayang nga oras iti atiddog
nga introduksion, isu a masapul nga ababa dayta ken direkta iti punto. (be 216) Makita ti oras
para iti tunggal benneg kadagiti subtitulo a nakasurat iti dadakkel a letra.
• Saan a kasapulan a basaen amin a naisitar a teksto. Ipaayanyo iti atension dagiti teksto a
mangsuporta kadagiti kangrunaan a punto.
• Ikkanyo iti gundaway dagiti agdengdengngeg a mangbirok kadagiti teksto. Dagiti singasing no
kasano nga aramiden daytoy iti naituding a tiempo ket masarakan iti libro nga Eskuelaan ti
Panagministro, panid 146, parapo 4-5.
• Ekstemporanio koma ti panagpalawagyo. SAANYO NGA IBASA TI PALAWAGYO ITI
TALLAONG.—be 50, 166, 174-178.
• Nupay nasayaat ti estilo a kasla makipatpatang, nasken nga adda puersana ti bosesyo,
kalkalainganna ti kapigsana, ken umiso ti panagipaganetgetyo. Iti sabali a bangir, annadanyo a
dikay agbalin a bombastiko.
• Inrantami a pinagsasaruno dagiti ideya a sangalenyo; kabesaduenyo ti panagsasaruno dagita
imbes a baliwanyo. Dikay mangiserrek kadagiti impormasion nga awan iti material wenno
personal a kapanunotan. Diyo dakdakamaten nga adda napateg a punto iti balabala a kayatyo
nga ibasa a sao por sao.
• Dikay agaramat kadagiti ilustrasion a makasair iti rikna ti dadduma nga agdengdengngeg.
—be 240-246.
• Iti panangpiliyo kadagiti mapagwadan nga agpaset, kanayon a makiumankayo nga umuna iti
Komite ti Serbisio ti Kongregasion a nakaikamenganda.
• Dagidiay mainterbiu masapul nga iturongda dagiti komentoda kadakayo imbes a kadagiti
agdengdengngeg, ngem saan a kasapulan a dakamatenda ti naganyo tunggal sumungbatda.
Espesipiko koma dagiti sungbat ken kaaduanna a saan nga at-atiddog ngem 30 agingga iti 60 a
segundo. Saanyo a kiddawen kadagidiay mainterbiu a mangipaayda kadagiti singasing wenno
balakad para kadagiti agdengdengngeg, malaksid no espesipiko a nadakamat iti balabala.
Responsabilidadyo nga iyaplikar dagiti punto a mangyilustrar, mangsuporta, wenno
manglawlawag kadagiti kangrunaan a punto.
• Masapul nga agpapada ti wagas ti panagngudo ti tunggal palawag iti simposium. Awan ti masayang
nga oras no rummuaren ti ispiker bayat nga agpalpalakpak ti tallaong. Gapuna, imbes a
mangipaaykayo iti konklusion, agsarimadeng, sa iyam-ammo ti sumaganad nga ispiker,
pangngaasiyo ta ti panangyam-ammoyo iti sumaganad nga ispiker ket paset koman ti makagutugot a
konklusionyo.
• No adda mausar a video camera, dayta ti masapul a kitaenyo a kasla makisarsaritakayo iti
maipatpateg a gayyem, a masansan a kumitakayo iti dayta. Ngem no adda ti camera iti bobida
wenno adda iti makinlikud a paset ti auditorium, masapul a kumitakayo kadagiti agdengdengngeg
nga adda iti makinsango a paset. Saan koma a ti camera ti kitaen dagidiay agpaset a mangipaay iti
panagkomento.

CO-91-IL Ph 12/15
• No ibaga ti balabala nga agsaokayo bayat a maipabpabuya ti maysa a video, ibagayo iti mangas-
asikaso iti video kabayatan ti walkthrough no kaano a mai-pause ken mai-play manen ti video.
• Ikararagyo ti pannakipasetyo iti programa iti daytoy a kombension, ket bendisionan ni Jehova ti
panagreggetyo.
• Kalpasan ti pasetyo, mabalin a makiddaw nga agreportkayo iti Chairman’s Office.

CO-91-IL Ph—panid 2