Kung ating aalalahanin ang kasaysayan ng Panitikan, ating mapapansin, na tunay
ngang ganap na naging malaya, masigla, at progresibo na ito ngayon. Malaya na tayong nakapaghahayag ng ating mga saloobin. Ang bawat may-akda sa panahon ngayon, ay naipapahayag ang kanilang saloobin sa pamamagitan ng malikhaing pagpapahayag gamit ang mga makabagong teknolohiya (gaya ng website o blog) Sa tingin ko'y, marahil, malaki nga ang naitulong at nabago ng teknolohiya sa ating panitikan.
Ano nga ba ang mga uri, anyo at katangian ng panitikan mayroon tayo ngayon sa kontemporaryong panahon?
o Pamamayani ng realismo sa mga manunulat. Naglalahad ang mga manunulat hinggil
sa mga totoong pangyayari sa lipunan. o Mas ganap na matatapang ang mga manunulat ngayon, sa paglalahad ng mga ideya o mga kritisismo. o Aktibismo, Paniniwala o Ideolohiya, Kahirapan - ito ang mga karaniwang paksa ng mga dula. o Patuloy ang pagsusulat ng mga tula, maikling kwento, nobela at mga sanaysay sa ibat-ibang kategorya. o Ang mga tula ngayon, ay nagpapakita ng tunay na damdamin ng mga Makata. o Nagkaroon ng iba't ibang pamamaraan ng pagkukwento ng mga maiikling kwento. o Ang mga paksang dati ay 'di naisusulat, ngayon ay napapansin na.
Mababatid natin na sumasabay ang panitikan sa modernisasiyon ng mundo, sa
pabago-bagong aspekto ng teknolohiya at internet. Ang modernisasiyon na ito, ang nagpakilala sa mga makabagong anyo at pamamaraan ng pagtula, pagkukuwento at iba pang anyo ng panitikan. Bilang isang mag-aaral, nawa'y patuloy nating payabungin ang ating panitikan, alalahanin ang kasaysayan nito, kahit tayo na ay nasa modernong mundo. Dahil, ito'y pamana sa atin ng mga sinaunang Pilipino.