BISAYA FULL GOSPEL

(your own interesting but concise introduction) (use ‘ipaambit’, not ‘i-sangyaw’)

Ang Diyos kay balaan, mahigugmaon, ug naa Kaniya ang kinabuhing walay katapusan. Gimugna sa Diyos ang tawo aron
Iyang higugmaon hangtod sa kahangturan. Adunay suod ug personal na relasyon ang Diyos ug ang tawo, apan kini nga
relasyon naputol tungod sa sala.

Ingon sa pulong sa Diyos sa Roma 3:23, Sanglit ang tanan nakasala ug nakabsan sa himaya sa Diyos.

Ingon pud sa Roma 6:23, ang bayad sa pagpakasala mao ang kamatayon. Adunay duha ka klase nga kamatayon. Una
kay ang spiritwal na kamatayon. Mao kini ang sitwasyon nga buhi ang tawo apan tungod kay naputol iyang relasyon sa
Diyos tungod sa sala, siya kay patay spiritually. Ang pisikal nga kamatayon, mao kini ang mahitabo kung mawad-an ug
gininhawa ang tawo.

Unsay mahitabo sa tawo human siya mamatay sa pisikal? Ingon sa pulong sa Diyos sa Hebreo 9:27, Ang tanan
kinahanglan mamatay sa makausa ug tapos niana, hukman siya sa Diyos.

Unsay hukom sa Diyos sa mga tawo nga patay sa pisikal ug spiritwal? Ingon sa Gipadayag 21:8, Apan ang mga talawan,
ang mga wala magtuo, ang mga malaw-ay, ang mga mamumuno, ang mga makighilawason, ang mga salamangkero,
ang mga nagsimbag mga diyos-diyos ug ang tanang bakakon itambog gayod sa linaw nga kalayo ug asupre (nga walay
pagkapalong) nga mao ang ikaduhang kamatayon. Mao kini ang impyerno.

Sa laing bahin, ang tawo nangita ug pamaage aron masuod sa Diyos. Kini pinaage sa maayong pamatasan, maayong
binuhatan, pagpaka-edukado, ug pagpaka-relihiyoso. Dili kini sayop apan dili kini igo aron mahibalik ang naputol na
relasyon sa Diyos ug sa tawo. Ingon sa Mga Taga-Efeso 2: 8-9, Kay pinaagi sa pagtuo, naluwas kamo, tungod sa grasya
sa Diyos. Dili kini inyong buhat kondili gasa sa Diyos. Busa walay makapasigarbo niini, sanglit dili man kini bunga sa
inyong mga paningkamot. Ing-ana ka walay paglaum ang sitwasyon sa tawo.

Tungod sa dakong gugma sa Diyos, Siya naghatag ug solusyon sa problema sa tawo ug kini nga gugma Iyang gipakita
kanato sa Juan 3: 16 Kay gihigugma pag-ayo sa Diyos ang kalibutan ug tungod niini gihatag Niya ang Iyang bugtong
Anak, aron tanan nga mutuo Kaniya dili malaglag kondili makabaton hinuon sa kinabuhing dayon.

Unsa ang pasabot anang ‘malaglag’? Mao na siya ang pagtambog sa impyerno. Apan kung ang tawo mutuo kay Hesus,
siya dili malaglag.

Unsa ang angay natong tuohan mahitungod kay Hesus?

Una, ingon sa Marcos 1:1, si Hesus kay anak sa Diyos.

Ikaduha, ingon sa 1 Pedro 3:18, Kay si Hesus usab namatay sa makausa alang sa tanan tungod sa mga sala, Siya nga
matarong alang sa dili matarong, aron kita Iyang madala ngadto sa Diyos (aron dad-on kita ug balik sa Amahan). Siya
namatay ingon sa lawas, ug Siya nabuhi ingon sa espirito.

Unsay pasabot sa ‘Siya namatay ingon sa lawas’? Si Hesus nga Diyos, nagpakatawo, ug namatay sa krus. Siya nag-antos,
gilatos ug nagsakripisyo sa silot nga para unta kanato, kay kita man ang nakasala, apan Iya tang gitubos. Ang Iyang hamili
nga dugo nga giula sa krus maoy nahimong bayad, aron kita mapasaylo.

Ikatulo, ingon sa 1 Korinto 15: 3-4, Si Hesus nabanhaw sa kamatayon, ug kini nagpamatuod nga Siya Diyos.

Ug karon, kumpleto na ang gibuhat na pamaagi sa Amahan aron mahibalik ang atong naputol na relasyon Kaniya.

Unsay angay buhaton sa tawo?

Ingon sa Juan 5:24, Sultihan ko kamo, “Kung kinsa katong maminaw ug mutuo sa Amahan nga nagpadala Kaniya,
makabaton ining tulo ka saad:
Una, may kinabuhing dayon; mao kini ang solusyon sa kondisyon sa tawo nga siya patay spiritually.

Ikaduha, dili na paga-hukman; tungod niini, dili na maadto sa impyerno ang tawo.

Ikatulo, nakalatas na gikan sa kamatayon ngadto sa kinabuhi. Kay maski unsa pa ka-maayo ang kinabuhi sa tawo diri sa
kalibutanBisan unsa pa ka ha – pobre man or dato, sa mata sa Diyos siya patay tungod sa sala.yahay ang atong
mahimtang karon, kamatayon gihapon ang pagtan-aw sa Diyos kung putol gihapon ang atong relasyon Kaniya. Kung kita
mutuo, ibalhin ta sa Diyos gikan sa kamatayon ngadto sa tinuod na kinabuhi.

Ug unsay timailhan sa tinuod nga pagtuonga ang tawo kay mitoo? Niingon si Hesus sa Gipadayag 3:20, Ako nagatindog
sa pultahan ug nakatuktok, kon kinsa man ang makadungog sa Akong tingog ug ug muabli sa pultahan, musulod Ako ug
makigsalo sa pagkaon kaniya, ug siya Kanako. Buot pasabot, si Hesus naghanyag ug usa ka relasyon. Gusto Niya nga
magka-relasyon sa tawo aron mahibalik ang relasyon sa tawo ngadto sa Amahan.

Unsa ang dapat buhaton aron makabaton og on ang pakig-relasyon kay Hesus?

Ingon sa Roma 10:9-10, Kung ipadayag sa imong baba nga si Hesus Ginoo, maluwas ka. Ug kung kinasing-kasing kang
mutuo nga Siya nabanhaw, gipamatarong ka.

Sa laktod nga pagka-storya, duha lang gyud ang buhaton sa tawo – pagpadayag sa baba ug kinasing-kasing nga pagtuo.
Buot pasabot niini, ikaw mubuhat ug desisyon nga dawaton si Hesus isip Ginoo ug Manluluwas,. ug kini pinaage sa pag-
ampo.

Ug pinaagi niini, kita makabaton og relasyon ky Jesus. Kani nga relasyon magpamatuod na ato na siyang gidawat sa
atong kinabuhi isip atong Ginoo og manluluwas. Og kini atong mapadayag sa pag ampo.

Unsay sulod ani nga pag-ampo?

Una, imong angkunon na ikaw makasasala, ug mangayo kag pasaylo para sa imong mga sala. Mao pod kini ang akong
gibuhat kadtong gidawat nako si Jesus. ako ang nag-ampo.

Ikaduha, mutuo ka na si Hesus anak sa Diyos, namatay Siya sa krus, ug nabanhaw sa ika-tulo ka adlaw.

Ikatulo, dawaton nimo si Hesus isip imong personal na Ginoo ug Manluluwas.

Musabat lang ka sa pag-ampo nga akong ilitok pero buhata kini nga kinasing-kasing.

Ampo sa pagdawat kang Hesus:

Langitnong Amahan, akong giangkon nga ako makasasala. Ako nangayo ug pasaylo sa akong mga sala. Mutuo ako nga si
Hesus kay Imong anak, Siya namatay sa krus, ug Siya nabanhaw. Karon, akong gidawat si Hesu Kristo isip akong personal
na Ginoo ug Manluluwas.

(Optional last part:

Daghang salamat sa pagpasaylo sa akong mga sala, salamat sa kaluwasan, ug salamat sa presensya sa Balaang Espiritu
nga maoy mugiya kanako.)

Sa pangalan ni Hesus, Amen.