Republic Act No.

9262 o ang gina tawag ug Anti-Violence Against Women and Their Children Act
of 2004
Protection Orders

Maayong buntag ninyong tanan. Ako si Milcah Inggo.

Akong ipadayag ang mga importanteng detalye mahitungod sa “Protection Order” nga, base sa
giingon sa usa sa akong mga kauban ganiha, usa usab kini sa mga katungod ug kasiguro-an nga
gihatag sa mga biktima ubos niining balaora.
(Recap of what was previously discussed by groupmates)
Unsa man kining “Protection Order“?
Ang “Protection Order” usa ka mando nga gina issue aron mapugngan ang dugang pang
mga buhat sa pagpanlupig o pang-abuso ngadto sa babaye o sa iyang mga anak. Apil ani
nga mando ang pag hatag sa uban pang alibyo o kahupayan nga gikinahanglan arun ma
protektahan ang biktimi.
Ubos sa balaod, adunay tulo ka klase nga Protection Order:
a. Barangay Protection Order [ BPO ]
-kini mao ang Protection Order nga gina issue sa the Punong Barangay o kung wala ang
Punong Barangay, sa iyang kagawad, nga nag mando sa nakasala sa paghunong o pag
undang sa paghimo o paghulga ug pisikal nga pagpanakit o pisikal nga kadaot sa biktima.
Kini epektibo sa sulod sa kinsi (15) ka adlaw.
Asa ipadangat ang reklamo? (Venue)
Residente sa parehas nga barangay, sa barangay;
Residente nga nagpuyo sa usa ra ka munisipyo o syudad apan lahi nga barangay, sa
barangay diin ang respondent o usa sa mga respondents tinuud nga nagpuyo, sa kapilian
sa nagreklamo;
Kung nahitabo kini sa trabahoan sa nakiglalis nga mga partido o sa institusyon diin ang
matag partido ga-eskwela ipadangat sa barangay kung asa nahimutang ang maong
trabaho-an o tunghaan;
NOTE: Bisan unsa nga reklamo kabahin sa venue o lugar angay nga ipadangat sa Punong
Barangay nga nagpahigayon sa paghusay. Ang dili pagpadangat sa maong reklamo
mamahimo nga pagsalikway sa katungod sa pagsupak niini.
 b. Temporary Protection Order [ TPO ]
-Usa ka mando nga gina-issue sa korte diha sa maong petsa sa pagpadangat sa reklamo
human ang ex parte determinasyon sa korte nga ang maong mando kinahanglan nga
ma-issue. (Explain Ex parte briefly)
Ang korte mahimong maghatag og TPO sa bisan pila o tanan nga mga alibyo o paghupay
nga gi-hisgotan ani nga balaod ug kini epektibo sulod sa traynta (30) ka adlaw.

c. Permanent Protection Order [ PPO ]

-Ang mando sa proteksyon nga gipagawas sa korte pagkahuman sa pahibalo (notice) ug
pagdungog sa korte(hearing).
Ang korte mahimong muhatag sa bisan unsa o tanan nga mga relief o paghupay nga
gibungat sa PPO. Ang PPO mahimong epektibo hangtod kini bakwi-on sa korte pinaagi sa
usa ka aplikasyon sa hingtungdan diin ang maong order ge issue pabor kaniya. Ang korte
magseguro sa dinalian nga personal nga serbisyo sa PPO sa respondent.
Note: Kung mabantayan ninyo ang BPO mamahimong isang-at ngadto sa barangay
samtang ang TPO ug PPO sa Korte nga naay jurisdiction (Family Court, Regional Trial
Court RTC, Metropolitan Trial Court, Municipal Trial Court MTC o Municipal Circuit Trial
Court MCTC)
Mga kahupayan nga gihatag sa Protection Orders
(a) Pagdili sa respondent sa pagtinguha sa paghimo o nagahimo personal man o sa
pinaagi sa laing tawo sa bisan unsang mga gidili nga buhat.
(b) Pagdili sa pagharass, pagsamok, pagtawag sa telepono, pagkontak o
pakigsulti sa biktima, direkta man o dili direkta;
(c) Pagpahawa ug pagbulag sa ng-abuso gikan sa puloy-anan sa biktima.
(d) Pagmando sa ng-abuso nga magpalayo sa biktima;
(e) Pagmando sa balaodnon nga pag-angkon ug paggamit sa biktima sa sakyanan
(adunay pag escort sa usa ka opisyal nga nagpatuman sa balaod);
(f) Paghatag og temporaryo o permanente nga kustodiya sa anak o mga anak sa biktima;
(g) Pagmando sa ng-abuso sa paghatag ug supporta sa babaye o iyang anak sa angayan
supporta sumala sa balaod.
 (h) Pagdili sa ng-abuso sa paggamit o pag-angkon ug armas o makamatay nga hinagiban
(deadly weapon) ug pagmando kaniya sa pag-surrender sa maong armas sa korte alang
sa angay nga pagpahimutang niini.
(i) Pagpauli sa mga actual damages nga nahimo sa gipahamtang nga pagpanlupig;
(j) Pagdumala sa DSWD o bisan unsang angay nga ahensya para sa paghatag sa
gikinahanglan sa biktima.
Kinsa ang mamahimong mo – apply ug Protection Order?
Mamahimong mo-apply ug Protection Order ang biktima; ang iyang ginikanan o
tigbantay (guardian); lolo, lola, mga anak, kabanay o paryente sa biktima hangtod sa ika
upat nga civil degree of consanguinity or affinity; social workers sa DSWD o social
workers sa local government units; police officers, Punong Barangay o Kagawad (kung
Temporary Protection Order, sa korte); Abugado, magtatambag o kadtong nag atiman
sa biktima; o d ba at least duha (2) ka concerned ug responsible nga lumolupyo
(Concerned citizens) sa dapit diin mahitabo ang krimen nga adunay personal nga
kahibalo mahitungod sa nahitabong pang-abuso ngadto sa biktima
NOTE: Kung e-file sa lain nga tawo, nagkinahanglan ug pagtugot sa biktima.
Unsa ang proseso nga nalakip sa pagsang-at sa aplikasyon sa Proteksyon Order?
Ang proseso sa aplikasyon sa BPO dili kayo pormal sama sa aplikasyon alang sa PPO ug
TPO nga kinahanglan nahisulat, pinirmahan ug gipanumpaan.
Paglapas o pagsupak sa BPO
Ang reklamo sa paglapas sa usa ka BPO nga gi-isyu sa ilalom sa Balaod mahimo nga
isampa direkta sa bisan unsang Municipal Trial Court, Metropolitan Trial Court, o
Municipal Circuit Trial Court nga adunay teritoryal nga hurisdiksyon sa barangay nga
nagpagawas sa BPO. Ang paglapas sa usa ka BPO pagasilutan pinaagi sa pagkabilanggo
sa 30 ka adlaw nga wala’y pagpihig sa bisan unsang ubang kriminal o sibil nga aksyon
nga mahimo’g mapasaka sa bisan unsa nga buhat sa pagpanlupig nga nahimo na.
Ang reklamo sa paglapas sa usa ka BPO pagasugdan sa Punong Barangay o Kagawad nga
nagpagula sa BPO ug kung wala na siya sa katungdanan, ang usa ka reklamo alang sa usa
ka paglapas sa BPO mahimong isumite sa bisan kinsang barangay opisyal. Kini ang
mahimong panguna nga responsibilidad sa mga opisyal sa barangay nga magsugod sa
mga reklamo sa paglapas sa mga BPO.
Kung ang nahisgotan nga Punong Barangay o Kagawad o opisyal nagdumili sa pagsugod
sa usa ka reklamo alang sa usa ka paglapas sa usa ka BPO, ang biktima / aplikante
adunay katungod sa pag-file sa mao nga reklamo ug aduna usab siya katungod sa pag
file ug administratibo, sibil o kriminal nga aksyon batok sa opisyal sa barangay nga
hingtungdan.