SEC.

29
Ang atong prosecutor ug mga court personnel kay adunay obligasyon batok sa RA 9262 nga:
a. Makig storya sa biktima gamit ang lenggwahe nga mka sabot siya o ang iyang anak ug;
b. Pahibal-on ang biktima sa iyang mga katungod apil ang mga remedies ug prebelihiyo
kung sya isa ka indigent.
SEC. 30
Mga lakang nga himuon sa mga opisyal sa barangay sa pagdumala sa mga kaso sa VAWC Ubos
ni Sec. 47 sa IRR sa R.A. 9262, ang mga opisyal sa Barangay kinahanglan nga higpit nga sundon
ang mga musunud nga lakang sa pagdumala sa mga kaso sa VAWC sa lebel sa Barangay:

a) Kung mahibal-an ang usa ka aksyon sa VAWC, ang opisyal sa barangay kinahanglan nga
magpamatuod(verify) dayon sa kasayuran. Kung kinahanglan, ang opisyal mangayo tabang sa
pulisya;
b) Pagtubag dayon sa panawagan nga tabang o paghangyo ug tabang o proteksyon sa biktima
pinaagi sa pagsulod sa pinuy-anan bisan pa aduna o walay protection order nga ge issue alang sa
pagseguro sa kaluwasan sa biktima;
c) pag interview sa biktima ug mga saksi arun mahibal-an ang mga kasayuran ug ipahibalo sa
biktima ang iyang mga katungod ug mga remedyo o kahupayan. Pagpreserba sa pagpamatuod sa
biktima ug mga saksi pinaagi sa pag sulat o pagrekord sa opisyal sa barangay sa mga
pagpamatuod (testimony) pinaagi sa audio o videotape nga adunay pagtugot sa biktima;
d) Pag arresto sa nakasala bisan walay warrant kon adunay nahimo nga bisan unsa nga mga
buhat sa pagpanlupig(violence) o kon ang maong barangay opisyal adunay personal nga kahibalo
sa bisan unsang buhat o pang abuso nga nahimo na ug sa presensya sa nagkadool nga kadaot o
kakuyaw sa kinabuhi sa biktima. E kumpiska sa opisyal sa barangay ang bisan unsa nga
makamatay nga hinagiban nga gipanag-iya sa nakasala o bisan sa yano nga pagtan-aw;
e) Pagdala sa biktima sa labing dool nga ospital o pinakadool nga medical facility alang sa
pagtambal ug medico legal nga pagsusi. Ang maong opsiyal mag assist sa biktima sa pagkuha sa
medico legal nga report;
f) Kung ang sad-an wala makit-an dayon, tambagan siya nga temporaryong mobiya sa balay aron
malikayan ang pagpanlupig, o awhagon siya nga moadto sa sentro sa barangay, DSWD, LGU o
NGO, simbahan o uban pang mga grupo nga naghatag pagtambag alang sa mga sad-an;
g) sa higayon nga gikinahanglan nga ipahimutang ang biktima sa usa ka silong o luwas nga lugar
nga iyang pinili, ang opisyal sa barangay maghatag ug tabang sa pagkuha sa ilang personal nga
mga kabtangan ug pagdala sa ilang mga anak ug pagbalhin niini sa luwas nga lugar;
h) Pagreport sa panghitabo ug pag refer sa biktima sa Local Social Welfare and Development
Office sa LGU sulod sa upat (4) ka oras gikan sa oras sa pagreport. Ang maong opisyal mureport
usab sa maong panghitabo sa Women and Children’s Protection Desk sa pinakadool nga Police
Station sulod sa sama nga higayon;
i) Sa mga higayon diin ang biktima nga nag-aplay alang sa usa ka BPO usa ka menor de edad,
ang bisan kinsa nga opisyal sa barangay motabang sa biktima ug itugyan siya sa mga NGOs,
mga social worker alang sa pagtambag, temporary shelter, ug uban pang mga serbisyo nga
ikahatag kaniya;
j) Pag-monitor sa pagsunod sa respondent sa BPO;
k) Pagsiguro sa kaluwasan ug padayon nga pagsuporta sa biktima ug iyang pamilya sulod sa 15
ka adlaw;
l) Pagtabang sa biktima sa pagsumite sa angay nga sumbong sa PNP Women and Children's
Protection Desk o uban pang ahensya nga pagpatuman sa balaod;
m) Pagseguro nga tanan nga dokumento nga may kalabutan sa maong kaso mapasa PNP Women
and Children’s Protection Desk;
n) Pagbaton og usa ka lahi nga logbook alang sa mga reklamo ug mga kaso sa VAWC ug
ipadayon kini nga kompidensiyal, kanunay nga gisiguro ang pagkapribado sa mga biktima;
o) Paglikay sa pag-impluwensya sa biktima nga biyaan o dili pagdayon sa ang iyang reklamo;
p) Kung ang kahupayan o remedyo nga gipangayo kabahin sa pagpangayo ug suprta sa babaye o
sa iyang anak ilabi na sa edukasyon ug medical nga panginahanglan niini, ang Punong Barangay
o kon wala siya, bisan kinsa sa iyang mga kagawad, magpatawag sa sad-an nga lalaki alang sa
pagtambag ug pagpasabot kaniya sa iyang mga obligayon sa pagsuporta sa iyang asawa o iyang
mga menor de edad nga mga anak. Dili kini magpasabot nga usa kini ka pamaagi sa paghusay o
pagpataliwala sa matag partido ug kini pagabuhaton lamang sa presensya sa sad-an nga lalaki og
wala ang biktima.
Note: Ang bisan kinsa nga opisyal sa barangay o nagpatuman sa balaod nga dili mureport sa
paghitabo kabahin sa VAWC ngadto sa PNP mamahimong reponsable sa pagbayad ug multa dili
mulapas sa P10,000.00 o mahimong angayan siya nga pahamtangan og criminal, civil or
administrative liability.