 Pakigpulong: 

(5 min.) w07 7/15 26—Tema: Kinsay Nag-ani sa

mga Unang Bunga sa Sebada nga Gidala sa Sangtuwaryo?
(th tun-anan 13)
Kinsa man ang nag-ani sa mga unang bunga sa sebada nga gidala sa sangtuwaryo?

Kining pagpangani sa sebada nagsugod sa dihang ang tanang lalaking Israelinhon nagtambong
sa Pista sa Tinapay nga Walay Igpapatubo. So kinsa may nag-ani niini?

Usa nato na tubagon, ato unang subayon ang panghitabo sa maong pista. Ang Moisesnong
Balaod nagsugo sa mga Israelinhon diha sa Deuteronomio 16:16. Ato kining basahon (repeat
text)

Sumala sa maong texto, sukad sa panahon ni Haring Solomon padayon, dunay tulo ka pista nga
ginahimo sa Jerusalem. Ang una sa tulo ka pista gihimo sa sayong bahin sa tingpamulak nga
gitawag ug Pista sa Tinapay nga Walay Igpapatubo, ug nagsugod kini sa adlaw human gayod sa
pagsaulog sa Paskuwa sa Nisan 14 ug nagpadayon sa pito ka adlaw hangtod sa Nisan 21. Sa
ikaduhang adlaw sa pista, sa Nisan 16, nagsugod ang unang pag-ani sa tuig sumala sa gilagda sa
Diyos nga mga kalihokan alang sa nasod. Nianang adlawa, ang hataas nga saserdote magkuhag
“usa ka binangan sa mga unang bunga” sa ani nga sebada ug ‘itabyog kini atubangan kang
Jehova’ didto sa sangtuwaryo nga natala sa Levitico 23:5-12. Kay ang tanang lalaki kinahanglan
mang motambong sa Pista sa Tinapay nga Walay Igpapatubo, kinsa may nag-ani sa sebada nga
gihalad?

Ang tibuok nasod gisugo sa paghalad sa mga unang bunga sa sebada ngadto kang Jehova
panahon sa Pista sa Tinapay nga Walay Igpapatubo. Pero dili matag usa ang gisugo sa pagsugod
sa pagpangani ug sa pagdalag mga unang bunga ngadto sa sangtuwaryo para sa iyang
kaugalingon.

Apan, dihay mga tawo nga naghawas sa tibuok nasod nga nag-ani. Busa, ang pag-ani sa sebada
alang sa Pista sa Tinapay nga Walay Igpapatubo gihimo sa mga tawo nga gisugo sa pagpangani
sa duol nga uma.

Gani, dunay komento ang Encyclopaedia Judaica bahin niini nga nag-ingon: “Kon hinog na ang
sebada, kuhaon kini gikan sa duol sa Jerusalem; kon dili, kini mahimong kuhaon gikan sa ubang
dapit sa Israel. Anihon kini sa tulo ka tawo nga may tagsatagsa ka galab ug bukag.”

Pagkahuman niini, ang usa ka binangan nga sebada dad-on ngadto sa hataas nga saserdote
kinsa maoy mohalad niini kang Jehova. Ang sugo nga maghalad ug mga unang bunga sa sebada
naghatag ug maayo kaayong kahigayonan sa mga Israelinhon sa pagpahayag sa ilang
pagpasalamat sa Diyos sa pagpanalangin sa ilang yuta ug sa ilang ani. (Deuteronomio 8:6-10)
Apan dunay mas labaw nga hinungdanon niining selebrasyon sa paghalad nga maoy ‘landong
lamang sa maayong mga butang nga moabot.’ (Hebreohanon 10:1) Makahuloganon nga si Jesu-
Kristo gibanhaw niadtong Nisan 16 sa 33 K.P. nga sumala na sa atong gihisgotan kaganina, ang
adlaw nga ihalad ang mga unang bunga sa sebada kang Jehova. Mahitungod kang Jesus, dunay
gisulat si apostol Pablo diha sa 1 Corinto 15:20-23 bahin kang Jesus. Atong basahon mga igsoon.
Kini nag-ingon.

Busa ang binangan nga mga unang bunga nga itabyog sa hataas nga saserdote atubangan kang
Jehova naglandong kini sa binanhaw nga Jesu-Kristo, ang una nga gibanhaw nga gihatagag
kinabuhing walay kataposan. Busa pinaagi kang Kristo, giablihan ni Jesus ang dalan aron
mahigawas ang katawhan gikan sa sala ug kamatayon.