St. Cecilia Choir ni ong.

baani

1997 bilsimango Cathedral Parishni sobha Alotgre songgitchamo bilsini

a.bachengachipak ong.angaha. Ua sobhao git ringdilnagita chadamberangni
dolko sobha gimik ring.dilna gita parish council meeting o pakwatahachim.
Indake chadambe dalkalgiparang adita nangrime gitrangko skiaha aro sobhako
namen chu.sokataha. Uni ja.mano adita jarangni jamanosa bilsi
bon.angachipak Sak 6 chonchonbegipa dambe panterang robibar attamsao
benediction na re.bao Fr. (Parish Priest) maiba kam namchongmotana apalchi
re.angna nangani gimin benedictionko ka.na man.jahachim. Indiba antangtang
giljao bi.e ongkatani ja.mano hai git skie rosrangnama ine ku.monge ‘Angming
Dongbo’ gitko BASS PART ko skie nitokaha. Maina panterarasajokona! Namen
uano donggipa sak 6 pantean ga.sunikaha aro an.sengnikaha indakesa hai
pangnan skisrangnama ine chanchieming mande sandiroro aro anti antian gital
gital gitrangko 4 voices ko skie ra.na jotton ka.tokaha. Indaken ua bilsion
Christmas aro bilsi gitalnaba ma.a parang baksa apsan melie gitko ring.angaha.
Adita jani ja.manon choir namen tangdoaha aro adita chadamberang notation
koba skie ra.nagita a.bachengtokaha aro bang.bata chadamberangan Choirna
gisik nangbatrorona gita a.bachengaha. Indaken bilsisamang ja.manosa Fr.Cyril
Jose (PP) na.songni patron Saint de dongkujakon sakoda donboha ine golpoe
romitingo janapaha. Unasa chanchie jinma St.Cecilako dono namgen maina
bian indinba music ni Patron ba ong.a ine namnikeming rachaktokaha. Ua
somoio choir ko a.bachengatgipa panterangde gimikan bia katokaha aro
saksasan parish tangniko jikgipa ra.e Cathedral Parish ode dongrikaiaha ! Iade
kandikgipa golposan ong.aia aro ia choirko a.bachengatgipa sak 6 pantekode
antangtang sanditokaiboha… Haha