Professional Documents
Culture Documents
Basa Jawa Materi Kelas X
Basa Jawa Materi Kelas X
C. Wangsalan
Wangsalan yaiku unen-unen cangkriman nanging dibatang (dibedhek) dhewe.
Ukarané ora persis nanging mèmper wae. Wangsalan ana kang awujud ukara
selarik, bisa uga awujud tembang.
Tuladha:
Nyaron bumbung, nganti cengklungen nggonku ngenteni. (saron
bumbung=angklung)
Njanur gunung, kadingaren sliramu teka. (janur gunung=aren).
Sarung jagung, abot entheng ayo ditanggung (klobot)
Pindang lulang, kacek apa aku karo kuwe (Pindhang lulang = Krecek)
D.Paribasan
Pribasan yaiku unen-unen kang wis gumathok racikane lan mawa teges
tartemtu. Dhapukaning paribasan awujud ukara utawa kumpulaning tembung
(frase), lan kalebu basa pinathok. Racikaning tembung ora owah, surasa utawa
tegese uga gumathok, lumrahe ateges entar. Paribasan ngemu teges:
tetandhingan, pepindhan, utawa pepiridan (saemper pasemon).
Tuladha:
Becik ketitik ala ketara = sing becik bakal tinemu, sing ala bakale ketara.
Cebol nggayuh lintang = wong duwe panggayuh kang mokal
kecandhake.
Setembung sing duweni teges sedhakep ngawe-awe tegese = wis mareni
marang tumindak ala nanging ing batin isih kepingin nindakake maneh.
E. Bebasan
Bebasan yaiku unen-unen kang ajeg pangang-gone, mawa teges entar, ngemu
surasa pepindhan. Kang dipindhakake kaanan utawa sesipatane wong/barang.
Tuladha:
Kocak tandha lukak tegese : wong kang sugih omong pratandha durung
akeh kawruhe.
Sedhakep ngawe-awe tegese : wis mareni marang tumindak ala nanging
ing bathin isih kepingin nindakake maneh.
Ngubak-ngubak banyu bening tegese : gawe kerusuhan ing papan kang
tentrem.
Emban cindhe emban siladan: ora adil/ pilih kasih
Ancik-ancik pucuking eri: uripe tansah kuwatir
F. Saloka
Saloka yaiku unen-unen kang ajeg panganggone mawa teges entar, ngemu
surasa pepindhan. Nanging kang dipindhakake wonge
Tuladha:
Gajah ngidak rapah tegese : wong kang nglanggar wewalere dhewe.
Sumur lumaku tinimba tegese : wong kang kumudu-kudu dijaluki warah.
Lahan karoban manis tegese : wong bagus/ayu rupane tur becik bebudhene.
G. Purwakanthi
Purwakanthi yaiku tembung mawa wirama kang kadhapuk kanthi ngambali
peranganing swara utawa aksarane Purwakanthi kang runtut basane jenenge
purwakanthi basa, dene yen ing sastra sinebut purwakanthi sastra.
Tuladha :
Kudu jujur yen kowe kepingin makmur.
Ana dina ana upa, ana awan ana pangan
Kala kula kelas kalih, kalung kula kolang-kaling keli ing kalen kilen kula
Pak Kreta, nunggang kreta mudhun kreteg Kertasana.
Watake putri kudu gemi, nastiti, lan ngati-ati.
Sing sapa salah bakale seleh.
Angele sok ginawe dhewe.
H. Parikan
Parikan yaiku unen – unen kang dumadi saka rong ukara. Ukara sepisanan
kanggo narik kawigaten, lan ukara kapindho minangka isi. Parikan iku kaya
pantun nanging mung rong larik, parikan migunakake purwakanthi guru swara.
Paugeran utawa pathokane parikan Cacahing wanda kapisan, kudu padha karo
ukara kapindho. Ukara sing ngarep kanggo bebuka dene ukara sabanjure
minangka isi, wos. Tibaning ukara kang kapisan kudu padha karo ukara sing
kapindho. Parikan bisa dumadi saka rong gatra utawa patang gatra.
Tuladha:
Pitik blorok, manak siji. Jare kapok, malah ndadi
Wajik klithik, gula Jawa. Luwih becik, sing prasaja.
Nyangking ember, kiwa tengen. Lungguh jejer, tamba kangen.
Plesir sore, dina ahad. Naksir kowe, kakehan ragat.
Plesir sore, dina minggu. Naksir kowe ora kewetu.
Bisa nggender, ora bisa ndemung. Bisa jejer, ora bisa nembung.
Bayeme, wis kuning – kuning. Ayeme, yen wis nyandhing.
Klapa sawit, wite dhuwur wohe alit. Isih murid aja seneng keceh dhuwit.
Gawe cao nangka sabrang, kurang sirup luwih banyu. Aja awatak
gumampang, den sengkud nggregut sinau
Kece, ora enak. Melu kowe ora kepenak
Ngetan, bali ngulon. Tuwas edan, ora klakon.
I. Pepindhan
Pepindhan yaiku unen-unen kang ora ngemu surasa kang sejatine. Lumrahe
pepindhan nganggo tembung: kaya, lir, pindha, kadya lan liya-liyane kang
ngemu karep kaya. Pepindhan asring dipigunakake ing pacelathon padinan,
panyandra jroning adicara penganten, pagelaran wayang utawa jroning babagan
sastra.
Tuladhane:
Ayune kaya dewi Ratih
Dedege ngringin sungsang
Kulite kuning nemu giring pindha mas sinangling
Luruhe pindha Dewi Sembadra
Abang kumpul padha abang kaya alas kobong
Dawane barisan anglur selur pindha sela brakithi
Ijo kumpul padha ijo kaya bethet sayuta
Soca bang angatirah
Jaja bang mawinga-winga sinabet merang sagedheng bel mubal dahana.
Akehe lelara kaya kena pageblug
Bedane kaya bumi karo langit
Begjane kaya nemu cempaka sawakul
Begjane kaya nemu emas sakebo
Cumlorot kaya lintang alihan