DEPARTMENT OF EDUCATION

REGION III
DIVISION OF ZAMBALES
LAKAS HIGH SCHOOL
Botolan, Zambales

BANGHAY ARALIN SA ARALING PANLIPUNAN 9

(EKONOMIKS)
QUARTER 1

Panimula (INTRODUCTION)

Ang aralin na ito ay inihanda at ginawa para sa iyo. Sadyang pinili ang mga
gawaing angkop sa mga kasanayang dapat sa iyo ay malinang.

Sa aralin na ito,masusuri ang mga sumusunod na salik na nakakaapekto sa

pagkonsumo:

1. Pagbabago ng Presyo;
2. Kita;
3. Mga Inaasahan;
4. Pagkakautang;
5. Demonstration Effect

Layunin (OBJECTIVES)

Sa pagtatapos ng aralin na ito,ikaw ay inaaasahan na:

1. Makatutukoy ng mga salik na nakakaapekto sa pagkonsumo. AP9MKE –

Ih – 16
2. Makatatalakay sa epekto ng mga salik sa pagkonsumo.
3. Mapahahalagahan ang iba’t ibang salik na nakakaapekto sa pagkonsumo.

Subukin (PRE-TEST)

1. Ito ay pagbili at paggamit ng mga tao sa mga produkto para sa pang-

araw-araw na pamumuhay.
a. Pagkonsumo
 b. Produkto
c. Serbisyo
2. Ito ay salapi na tinatanggap ng mga manggagawa kapalit ng
pagtatrabaho.
a. Serbisyo
b. Kita
c. Utang

3. Ang tawag sa taong bumibili ng tapos na produkto ay ______.

a. konsyumer
b. pilantropo
c. artista

4. Ito ay paggaya ng mga tao sa kanilang naririnig, nakikita at napapanood

sa iba’t ibang uri ng media.

a. Ekonomiks
b. Demonstration Effect
c. Demand

5. Ito ang nagsisilbing tagapag-ugnay upang maging ganap ang palitan sa

pagitan ng konsyumer at prodyuser.

a. Presyo
b. Kita
c. Salapi

Tapos mo na bang sagutan? Ihambing ang iyong sagot sa Gabay sa

Pagwawasto.Kung nakakuha ka ng 5 tamang sagot,magaling!Ngunit
kapag ikaw ay nakakuha ng 4 pababa,para sa iyo ang modyul na
ito.Magpatuloy ka na.

Balik-aral (REVIEW)
Panuto : Iayos ang mga letra upang mabuo ang salita.

A G P N O K M U S O

Ano ang pagkonsumo?

 Sinasabing ang lahat ng tao ay konsyumer.Ang pagkonsumo ay
bahagi ng buhay ng tao simula nang kaniyang pagsilang sa mundo.Simula
sa gatas,gamot,bitamina,lampin,bakuna at marami pang iba ay mga bagay
na kaniyang kinokonsumo.Habang patuloy na nabubuhay ang tao ay
patuloy parin siya sa pagkonsumo.

Suriin (PRESENTATION)
Panuto: I – SHOOT MO SA BASKET!

Ipagpalagay na mayroon kang Php.1000 at may pagkakataon kang bumili ng

iyong mga personal na pangangailangan. Alin sa mga larawan ang iyong
bibilhin.

Larawan 1 : Pantalon (P350.00)

Larawan 2 : Sapatos(P500.00)
Larawan 3 : Limang kilong Bigas (P200.00)
Larawan 4 : Cellphone(P1,000.00)
Larawan 5: Mask (P35.00)
Larawan 6 : Isopropyl alcohol (P75.00)
Larawan 7 : Bitamina (P150.00)

Pamprosesong Tanong :

1. Ano-anong mga produkto ang iyong bibilhin?

2. Ano ang iyong naging batayan sa pagpili ng mga produkto.

May mga salik na nakakaapekto sa pagkonsumo. Ito ay ang mga sumusunod:

1. Pagbabago sa presyo
 Paano ang pagbabago ng presyo ay nakakaapekto sa
pagkonsumo?
Ang pagbabago ng presyo ay isa sa mga salik na
nakakaapekto sa pagkonsumo dahil kalimitan,mas mataas ang
pagkonsumo kung mababa ang presyo samantalang mababa
ang pagkonsumo kapag mataas ang presyo.
 Kadalasan,mas tinatangkilik ng mga mamimili ang produkto
o serbisyo kapag mura dahil marami silang
mabibili.Samantala,kaunti naman ang kanilang binibili kung
mataas ang presyo nito.

2. Kita
 Paano ang kita ay isa sa mga salik na nakakaapekto sa
pagkonsumo?

Ang kita ay isa sa mga salik na nakakaapekto sa

pagkonsumo dahil kung malaki ang kita ng isang tao mas malaki
ang kakayahan niyang makabili ng maraming produkto
samantala kung maliit ang kita ng tao mas maliit lang ang
kakayahan niyang makabili ng mga produkto.
Ayon kay John Maynard Keynes, isang ekonomistang
British, sa kaniyang aklat na “The General Theory of
Employment, Interest, and Money” na inilathala noong 1936,
malaki ang kaugnayan ng kita ng tao sa kaniyang pagkonsumo.
Ayon sa kaniya, habang lumalaki ang kita ng tao ay lumalaki rin
ang kaniyang kakayahan na kumonsumo ng mga produkto at
serbisyo.

3. Mga Inaasahan
 Ano ba ang mga inaasahan?

Ang mga sumusunod ay mga halimbawa ng inaasahang mangyayari

sa hinaharap na makakaapekto sa pagkonsumo sa kasalukuyan.
 Pagtaas ng Demand sa Suplay
 Banta ng Kaguluhan
 Pagkakaroon ng Kalamidad
 Usaping Kalusugan tulad ng napapanahong Pandemya (COVID-
19)

4. Pagkakautang
 Paano nakakaapekto ang pagkakautang sa pagkonsumo?

Kapag maraming utang na dapat bayaran ang isang

tao,maaaring maglaan siya ng bahagi ng kaniyang salapi upang
 pambayad dito.Ito ay magdudulot ng pagbaba sa kaniyang
kakayahan na makabili ng produkto o serbisyo.

Tataas naman ang kakayahan niyang kumonsumo kapag

kaunti na lamang ang binabayaran niyang utang.

5. Demonstration Effect
Ano ang Demonstration Effect?
 Ito ay pag-iingganyo sa pamamagitan ng anunsiyo sa
radyo,telebisyon,pahayagan,at maging internet at iba pang
social media.
Paano ito nakakaapekto sa pagkonsumo?
Ito ay ang mga halimbawa.

 Pagtaas ng demand sa mask at alkohol

Dahil sa banta ng pandemya ng Covid-19, marami sa mga tao
ang bumibili ng iba’t ibang disenyo ng mask na kanilang
nakikita sa kanilang social media at matinding
pangangailangan ng alcohol bilang proteksiyon.
 Impluwensya ng social media sa mga produktong
pampaganda ng katawan tulad ng sabon,bitamina,gamot
at iba pa.

Pagyamanin ( ENRICHMENT ACTIVITIES)

Pinatnubayang Gawain 1
Panuto : Tukuyin kung anong salik ang nakakaapekto sa Pagkonsumo sa
mga sumusunod na sitwasyon

Sitwasyon 1: Ang nanay mo noon ay nakakabili ng 10 kilo na bigas sa

halagang P35.00, ngayon ay 5 kilo na lamang dahil nagkakahalaga na ito ng
P 45.00 kada kilo.

Sitwasyon 2: Si Walter ay kumikita ng P34,000.00 kada buwan

samantalang P21,000.00 lamang kay May. Kaya noong sila ay namili sa
grocery , nasa P15,000.00 ang kabuuang napamili ni Walter at P7,500.00
lamang ang napamili ni May.
 Sitwasyon 3: Nangutang sila Dorcas at Jane ng pabango at make-up sa
Boutique dahil sa susunod na buwan ay makakatanggap na sila ng kanilang
ayuda sa Social Amelioration Program ng DSWD.

Sitwasyon 4: Si April ay mahilig gumamit ng sabong pampaputi para siya

ay maging kaaya-aya katulad ng kanyang idolo na si Anne Curtis.
Sitwasyon 5: Dahil sa banta ng pandemya na Covid-19, marami ang
nagkumahog na ang bumili ng kanilang mga pangangailangan bilang
paghahanda.

Pinatnubayang Pagsusulit 2: Pataas o Pababa

Panuto : Lagyan ng arrow na pataas at arrow na pababa ang mga

sumusunod depende sa epekto ng mga salik sa pagkonsumo.

1. Malaki ang kita.

2. Mataas ang presyo ng mga bilihin.
3. May inaasahang pagkakagastusan.
4. Kaunti na lamang ang kanyang binabayarang utang.
5. Hindi naiimpluwensyahan ng mga anunsiyo sa social media.

Pang-isahang Gawain : I-emote mo!

Lagyan ng  kung ang pangungusap ay tama at  kung ang pangungusap
naman ay mali.
1. Ang pagkonsumo ay bahagi ng buhay ng tao simula sa kaniyang
pagsilang sa mundo.
2. Mas mataas ang pagkonsumo kung mababa ang presyo samantalang
mababa ang pagkonsumo kapag mataas ang presyo.
3. Habang lumalaki ang kita ng tao ay bumababa rin ang kanyang
kakayahan na kumunsumo ng mga produkto at serbisyo.
4. Kung inaasahan ng mga tao na magkakaroon ng kakulangan sa supply
ng mga produkto ,tataas ang pagkonsumo nito sa kasalukuyang panahon
bilang paghahanda sa hinaharap.
5. Kapag maraming utang na dapat bayaran , magdudulot ito ng pagbaba sa
pagkonsumo.

Isaisip (GENERALIZATION)

GRAPHIC ORGANIZER
Panuto : Punan ang graphic organizer sa ibaba.
 Mga Salik na
Nakakaapekto sa
Pagkonsumo

Isagawa (Application)

Panuto: Itambal ang mga sitwasyon na nasa hanay A sa salik na

nakakaapekto sa pagkonsumo na nasa hanay B.

Hanay A Hanay B
Panic Buying Pagbabago sa Presyo
Oil Price Hike Pagkakautang
Online Shopping Demonstration Effect
Pag-iipon Inaasahan
Pagkuha ng hulugan na produkto Kita
 Tayahin (POST ASSESSMENT)
Tukuyin ang mga salik na nakakaapekto sa pagkonsumo upang mabuo
ang pangungusap.
1. Ang _______________ ay salik na nagpapakita ng pagtaas o pagbaba ng
kakayahang kumunsumo ng mga produkto at serbisyo.
2. Ang _______________ ay isa sa salik na nagpapakita ng mataas o
mababa na pagkonsumo batay sa nakatakdang presyo ng produkto.
3. Ang _______________ ay dulot ng pag-iingganyo sa pamamagitan ng
anunsiyo sa radio,telebisyon,pahayagan, internet at iba pang social
media.
4. Ang ________________ay isa sa salik na nakakaapekto sa pagkonsumo
na ang mga inaasahang mangyayari sa hinaharap ay nakaaapekto sa
pagkonsumo sa kasalukuyan.
5. Ang __________________ ay salik na nakakaapekto sa pagkonsumo
dahil kapag maraming utang na dapat bayaran ang isang tao,maaaring
maglaan siya ng bahagi ng kaniyang salapi upang pambayad dito.

Susi sa pagwawasto

Subukin (PRE-TEST)
1. a
2. b
3. a
4. b
5. a

Pinatnubayang Gawain 1
Sagot :
1. Pagbabago ng Presyo
2. Kita
3. Pagkakautang
4. Demonstration Effect
5. Inaasahan

Pinatnubayang Pagsusulit 2: Pataas o Pababa

Sagot :

1.
2.
3.
4.
5.
Pang-isahang Gawain : I-emote mo!
Sagot :
1. 
2. 
3. 
4. 
5. 

Isaisip (GENERALIZATION)
1. Kita
2. Pagbabago sa Presyo
3. Demonstration Effect
4. Inaasahan
5. Pagkakautang

Isagawa (Application)
1. Panic Buying - Inaasahan
2. Oil Price Hike - Pagbabago sa Presyo
3. Online Shopping - Demonstration Effect
4. Pag-iipon ( Savings/investment) - Kita
5. Pagkuha ng hulugan na produkto - Pagkakautang
 Tayahin (POST ASSESSMENT)
Mga Salik na Nakakaapekto sa Pagkonsumo
1. Kita
2. Pagbabago sa Presyo
3. Demonstration Effect
4. Inaasahan
5. Pagkakautang

Inihanda ni:
MAY BARCASE RAMOS
TEACHER - II

WALTER GEMPERLE JR.

TEACHER – II / ICT EXPERT