ARTEFACTOKUNATA RANTI-NAPAQ

Qillqan: Tayta-Luchu

Wawqi paniykuna, ¿sumaqllachu kachkankichik? Kunanqa willakamusaq artefactos

qatukunamanta. ¿Riqsinkichikchu kay qatukunata? ¿Maypitaq rantinkichik artefactokunata?
¿Hayka chaniyuqtaq artefactokuna kachkan? Chaymantam kunan willa-ka-mu-saq.

Kachkanmi achka artefacto qatukuna. Hiraoka, Electra, Carsa, Plaza Vea, hukkunapas. Kay
qatukunapi artefactokunapa chaninqa nisyum. Kunanqa riqsinki huk sumaq qatuta: kay
qatuqa Hatun Wasi sutiyuqmi. ¿Maypitaq kay qatuqa kachkan? Arenales 235 kikllupim,
Lince distritupi.

¿Imakunatataq chay qatupi rantikunku? Tukuy imaniraq artefactokunatam. Hatun sumaq

televisorkunata, planchakunata, laptopkunata, radiokunatapas. Kay qatupiqa pisichalla
chaniyuqmi artefactokunaqa. Aswan riqsisqa qatukunapi artefactokunaqa nisyu chaniyuqmi.
Manam chayna-chu Hatun Wasipiqa, kaypiqa pisichalla chaniyuqmi kachkan tukuy
imakunapas.

Yacha-napaq: riqsisqa qatukunapi, huk televisor, smart tv, 55”, yaqapaschá 2999 soles
chaniyuq kachkan. Hatun Wasipiqa 2550 solesllam chaninqa. Huk Notebook HP, 15", 1499
soles chaniyuqmi kachkan. Hatun Wasipiqa 1230 solesllam. Hinallataq, qasa ruraqpa
chaninqa 550 solesmi kachkan. Hatun Wasipitaq 450 soleslla. Huk Licuadora Osterpa
chaninqa 277.80 solesmi. Hatun Wasipitaq 215 solesllam.

Tuku-ri-napaq, ñam yachankiña. Wakin qatukunapiqa nisyu chaniyuqmi artefactokunaqa

kachkan, Hatun Wasipitaq, pisilla chaniyuq. Hinaptinqa, ¿maypitaq kunan rantinki? Ñuqaqa
Hatun Wasipim rantini. ¿Qamrí?

Likaspa, tapuykunata kutichiy.

1. ¿Imamantataq Tayta Lu-Chu willakamun?

2. ¿Maypitaq artefactokunapa chanin nisyu kachkan? ¿Maypitaq aswan pisilla chaniyuq

kachkan?
3. ¿Imapaqtaq Tayta Lu-Chu qillqamun willakuyta?

4. Ima ninantaq hatun wasi?

5. ¿Maypitaq qam artefactokunata rantinki? ¿Imanasqa?

6. ¿Ima ninantaq “yachanapaq”?

7. ¿Haykataq artefactokunapa chanin hatun Wasipi, hinallataq wakin qatukunapi?

ARTEFACTO QATUKUNAPI HATUN WASIPI QULLQI

WAQAYCHNAPA
Q

Televisor

Notebook HP

Qasa ruraq

Licuadora Oster