ASUNTA, Gregoriop warmim

(Testimonio recogido por Ricardo Valderrama y Carmen Escalante, Cuzco)

Sipascha ka-chka-pti-y, ña yawarniymantapas unquchkaptiymi, kuraq kaq ñañay
Juliana, Runtupanpa comunerowan kasarakun, hinaspam kasarakusqan qhipallaman
comunidadninman apapun. Kaypim tiyarqan pay, chakrata ruraspa, uywankunata
qhawaspa, qusanpa larunpi. Pichqa wataña kasarasqa tiyasqanku kachkaptinmi, noticia
chayamuwanku chay comunidad runakuna wañuyuchkanmi kantunmanta kantunman
fiebrewan. Ñañaypas ña wañusqaña. Pay chay pacha kimsa wawachakunayuqña karqan,
hinaspam kay wawankunapas wañupullasqankuta kasqan unquywan. Kayta yachaspam
taytay alistakurqan Runtupampa rinanpaq, p’acha t'aqsaypi pusaq (8) p'unchayninpi
kananpaq. Hinaspam taytay kutimun iskay semananmanña, iskay p'unchaw wasiman
kutimusqanmantataq unqurqapun fiebrewan. Khaynatam fiebre qatikamusqa. Kay
unquywanqa wiksan ruphaq, umataq lliwta nanaq mana aguantayta. Khaynan runa
wañuq. Taytay fiebrenta contagiarqun. Hinaspam taytay kutimun iskay simananmanña,
iskay p'unchaw wasan ruphan qallariyllaman, mana astawan aguantanchu. Awlaykup
wañusqanmantaq fiebre p'itarqun kuraq kaq Juanico turaykuman, waynaña karqan. Pay
ñak'ay fiebreta aguantan tawa p'unchaylla, Juanicotaq wañum loqueayuspa:
-Umaymi yawrachkam! -nispa qapariq.
Wañun, 3ra persona

Kaypim, 1ra me consta