Republic of the Philippines

Department of Education
Region VI-Western Visayas
Schools Division of Iloilo
Schools District of Tigbauan
DAPDAP ELEMENTARY SCHOOL
SELF LEARNING MODULE IN MTB-III
Hibalu-a
Ako kag Akon Pamilya
Ang pagtulun-an nga ini ginhimo para sa kasubong mo nga bata
sa ikatatlo nga halintang para mapabutyag kag mapaambit mo ang
imo kaugalingon kag ang imo mga inagihan. Ang mga hilikuton nga
makita sa sini nga pagtulun-an makabulig sa imo para makilala kag
magamit sing husto ang abstract noun.

Ang pagtulun-an nga ini nahanungod sa:

• Kon paano makakilala kag makagamit sang abstract noun.
Pagkatapos sang mga Hilikuton sa pagtulun-an nga ini, ikaw
ginalauman nga:
• makakilala sang abstract noun nga gingamit sa istorya;
• makasulat sang abstract noun;
• makapabutyag sing hilway nahanungod sang imo kaugalingon
gamit ang abstract noun;
• makapakita sang interes sa leksyon nga ini paagi sa pagsabat
sa tanan nga mga hilikuton.

Tinguha-i
Hilikuton 1
Kay-uha ang mga kunla para makahimo sang bag-o nga tinaga
1. ngan-lam-ta-ha – ini nga bahin nahanungod sa
lugar kon sa diin ini natabo sa
istorya
 2. han-taw-ka
– ini nga bahin nahanungod sa
tawo,
kasapatan ukon butang sa
istorya

3. bo-na-hi – ini nga bahin nahanungod

sa nagkalatabo sa istorya

Balikan
Basaha ang istorya sing maathag kag matunog. Sabti ang mga
pamangkot sa idalum.
Nagtutom na si Ben
Lunes sang hapon, gintawag ni Ginang Reyes si Ben nga
magpalapit sa iya lamesa. Ginpamangkot ni Ginang Reyes si Ben kon
ano ang rason ngaa manubo ang iya iskor sa pagtilaw? Ginsabat ni
Ben sang matuod si Mam Berneso nga nawili sia hampang sa
computer. Nangayo sia sang pasensya sa iya manunudlo kag
nagpromisa nga hatagan na niya sang importansya ang iya pagtuon.
Sugod sadto nangin matutom na nga bata si Ben.

Mga pamangkot:
a. Sin-o ang mga katawhan sa istorya?
b. Diin natabo ang istorya?
c. Ano ang natabo sa istorya?
Kon ikaw si Ben, husto bala ang iya ginhimo?

Tukiba
A. Basaha ang istorya sing maathag kag matunog. Sabti ang mga
pamangkot sa idalum.
 Ang Promisa ni Iska
Si Iska ang bugtong nga bata nanday Nanay Besta kag Tatay
Nestor. Matahum sia apang pirme lang nagakalipat sa iya mga
ulubrahon.
Isa ka adlaw, ginpangita sia sang iya Nanay kay oras na sa
pagtig-ang. Didto niya nakita si Iska nga nagakatulog sa idalum sang
bayabas. Ginpukaw niya ini. Nakibot gid si Iska kay
nagadalamguhanon na sia. Sia kuno si Wonderwoman kag handum
gid niya nga mangin maisog kag mabinuligon pareho ni
Wonderwoman. Gulpi lang sia nakabugtaw kay nabatian niya ang
panawag sang iya Nanay kon nakatig-ang na sia. Gilayon niya
napanimahuan ang sunog nga tinig-ang. Nangakig si Nanay Besta.
Gani nangayo si Iska sang pasensya kag nagpromisa nga ituon na
niya ang iya atensyon sa iya ginaobra.

Sabti ang mga pamangkot:

a. Ano ang ngalan sang bata sa istorya?
b. Diin natabo ang istorya?
c. Sin-o ang iya mga ginikanan?
d. Ano ang iya promisa?
e. Ano ang mga tinaga nga makita sa istorya nga aton ginbasa nga
nagahingalan sang ideya, paminsaron, ukon balatyagon nga indi
pwede makaptan, makit-an ukon maagihan gamit ang nagkalainlain
nga igbalatyag?

Usisa-a
 Makilala mo bala ang mga abstract noun nga gingamit sa
nabasa mo nga istorya?
  Ngaa nga kinahanglan naton ini nga mahibaluan?
 Sa ano nga tinion naton magamit ang mga tinaga nga ini?

Maghanas
Kilalaha ang husto nga mga tinaga sa sulod sang kahon nga
magakompleto sa kada dinalan.

paghigugma katahum kalipay

kahadlok paglapas kasubo
1. Ang ______________ sa kasuguan may nagakaigo nga pinalidad.
2. Ang ______________ nga nabatyagan sang bata sang nabaton
niya ang regalo daw indi matungkad.
3. ________________ ang kinahanglan sang kada isa para
makaagum kita sang katawhayan.
4. Amo na lamang ang _____________ ni Lera sang makita niya ang
nagakamang nga man-og sa lupa.
5. Ang _____________sang palibot naghatag sang positibo nga
balatyagon sa aton tanan.

Tanda-i

*Ang abstract noun nagahingalan sang ideya, paminsaron o

balatyagon nga indi pwede makaptan, makit-an ukon maagihan
gamit ang nagkalain lain nga igbalatyagon.

*Importante nga makahibalo kita magkilala sang abstract noun para

magamit ini sang husto.

Himu-a

Hilikuton 1
Butangi sang tsek (√) ang abstract noun kag ekis kon indi.
________ 1. Paglapas ________ 4. paghigugma
 ________2. katahum ________ 5. kalipay
________ 3. kakahuyan
Hilikuton 2
Basaha ang mga tinaga kag bilugi ang abstract noun sa kada numero.

1. A. mapagros B. kahoy C. asul

2. A. balay B. kahadlok C. bayu
3. A. lapis B. tanum C. kamatuoran
4. A. abilidad B. baboy C. prutas
5. A. papel B. kaimulon C. kamalig

Hilikuton 3
Kompletuha ang aton istorya gamit ang abstract noun. Pili-a ang
sabat sa sulod sang kahon.
kalipay pagpalangga bayu
malampuwasan tampad kaimulon

Daku nga (1)__________ ang nabatyagan ni Gina tungod sa

(2)____________ halin sa iya mga abyan. Sa pihak sang ila
(3)____________sang ila pangabuhi. Gintinguhaan niya nga
(4)_______________ini. Paagi sa
(5)___________ nga mga hilikuton sa ila komunidad.

Sabti
Butangi sang linya ang abstract noun nga makita sa dinalan.
1. Importante ang katawhay sa pag-uswag sang aton pungsod.
2. Dapat naton hanason ang aton talento.
3. Ginpakigbato sang aton bagani ang aton nga kahilwayan.
4. Ang kaalam indi mabakal kag makawat sang iban.
5. Daku ang kasubo ni Joy sang nagtaliwan ang iya Nanay.
Dugang nga Hilikuton
Maghatag sang tatlo (3) ka halimbawa sang abstract noun kag gamita
ini sa dinalan.

Talamdan sa Pagsabat
Tinguhai
Hilikuton 1
1. halamtangan
2.katawhan
3.hinabo
Balikan
1. Ang mga katawhan sa istorya amo anday Ginang Reyes kag
Ben.
2. Natabo ang istorya sa eskwelahan.
3. Nubo ang iskor ni Ben sa ila test.
Husto ang ginhinyo ni Ben kay nangayo sia pasensya sa iya
manunudlo kag nagpromisa nga hatagan na niya sang importansya
ang iya pagtuon.
Tukiba
a. Ang ngalan sang bata sa istorya amo si Iska.
b. Natabo ang istorya sa balay nanday Iska.
c. Ang iya mga ginikanan amo anday Nanat Besta kag Tatay
Nestor.
d. Nagpromisa si Iska nga ituon na niya ang iya atensyon sa iya
ginaubra.
e. Ang mga abstract noun sa istorya ang mga masunod:
promisa matahum
nagakalipat nakibot
nagadalamguhanon handom
 maisog mabinuligon
Pasensya atensyon
Maghanas

1. paglapas 3. paghigugma 5. katahum

2. kalipay 4. kahadlok
Himu-a
Hilikuton 1 Hilikuton 2 Hilikuton 3
1. / 1. mapagros 1. kalipay
2. / 2. kahadlok 2. pagpalangga
3. X 3. kamatuora 3. kaimulon
n
4. / 4. malampuwasan
4. abilidad
5. / 5. tampad
5. kaimulon
Sabti
A. 1. katawhan
2. talento
3. kahilwayan
4. kaaram
5. kasubo

Dugang nga Hilikuton

Oral
Prepared by:
LOURDES T. VISAYA
TEACHER III

NOTED BY:
ROLANDO M. TANO
HEAD TEACHER III