Hindi maikakaila na sa panahon ngayon, laganap ang mga suliraning ating naharap. Isa sa pinaka naka apekto sa ating pamumuhay ay ang pag usbong nga COVID-19 Pandemic na talaga naming nagpa bagal sa ating ekonomiya at iba pang aspeto ng pamumuhay. Bawat araw, nagkakaroon ng mga bagong kaso ng mga taong nagkakasakit dahil sa virus. May mga lugar sa bansa na patuloy ang pag taas at may mga lugar din na medyo nakakaahon na at unti-unti nang bumabalik sa normal. Ngunit, hindi parin dapat tayo maging kumpyansa lalo pa at hindi pa tuluyang nawawala ang pandemya. Kung kaya, bilang isang mag-aaral, ako ay magbabahagi nga aking adbokasiya at partisipasyon upang makatulong sa mga hamong kinakaharap ng bansa. Ang aking adbokasiya ay tungkol sa mas pakikiisa sa pagpapalaganap ng ating gobyerno ng iba’t ibang impormasyon tungkol sa pandemyang ating kinakaharap o ang Covid-19. Ang adbokasiyang ito ay naglalayon ng mas higpit na seguridad na gagawin sa mga taong nasasakupan dito sa Pilipinas. Ang adbokasiyang ito ay humihikayat sa gobeyrno at ilang kumakatawan nito na mas maging mapanuri, mapagmatyag, at maging makatotohanan sa pagbibigay ng pahayag ukol sa pagtaas at pagbaba ng kaso ng Covid 19 dito sa ating bansa. Ang aking adbokasiya rin ay makakatulong sa mamayan na mas maging updated sila , sa mga mangyayari sa kapaligiran at magtuturo rin ng mga dapat at di dapat gawin sa panahon ngayon ng nagbabadyang sakuna. Ang gobyerno ang katuwang sa adbokasiyang ito dahil sila ang magbibigay ng tamang protocol at alituntunin upang ang mga tao ay mas maging alerto sa mga dapat gawin upang di madaling madapuan ng sakit na ito. Dahil sa tulong nga Social Media, mas mapapadali ang information dissemination sa patuloy na pagpapalaganap ng nakakatulong na impormasyon. Mga impormasyong magbibigay pansin sa gobyerno at makakaabot sa mas nakararaming tao. Kung lahat ay may pagmamalasakit sa bansa, siguradong mas mapapadali ang pagka hilom at pag usbong ng bagong pag-asa.