mant"QIPA QAMUQ MUSEO NISQAN"

Pachamanta, kawsayninchikwan saqisqanchikmanta, nuqanchikmanta

Huq ch’illmiyllapi paqariq kawsayqa kanmi, chay kawsaypin lluy kawsaqpa, runakunaq,
uywakunaq, imayanaqpa pachanpas tupaspanku chaqrunakunku mana riqsichikunankupaq
hinaraq. Hawamanta kakqa mana hunt’a riqsisqapunin kanqa nuqanchik runakunapaqqa,
nuqanchik runakunaqa ña kusqanchasqaña ña t’aqasqaña kachkanchiq, imaymana
ruwasqanchikkunaq chawpimpi, paqarichinchik imaymanata, paqarichisqanchikta mat’ipaspa,
anchata munakunchik, qhawapayanchik tukuy sunqunchikwan wañunanchikpaq hinaraq,
kunqapullanchiktaq thanipunachik kaqtinqa.

Sichus kay tiqsi muyuq paqariynin waqmanta yuyanchay atikunman chayqa, lluy pachakunata,
suyukunata, allpakunata, sunqukunata ima ch’ullanchasunman, chayman hinapas lluy
kawsaykunata chullallapi huñurikunman, anchaytan kay “muestra artistica” nisqapi sutiyasun
qipaman hamuq nispa, anchaypin huñunakunku runakunaq kawsayninku tukuy pachamanta
kawsaq mana kawsaqpas. Chayhinapiqa Qipa Qamuq Museo nisqaqa, Qipaman hamuqmanta
qhawariyta munan, chay qhawariypaqqa pachakuna, kawsaykuna imaymana llank’ayman
tukuspa huñunakunku.

Chay raykum kay Qipa Qamuq museo, “Museo de lo que está por venir” nisqaqa mast’arimun
imaymanawan llank’aykuna paqariqta, chaykunaqa qipa hamuqmanta qhawariykunatam
riqsichikamunku, kawsaykunata simikunaq yachayninta ch’ullanchaspa hinaraq. Runa simi,
awichanchikkunaq siminkuqa, kawsapakamun kay musuq pachaman hinallataq kay
pachamanta runamanpas, kay runaqa museo nisqapi kunanninta paqarinnintawan
ch’uyanchakun, mana hayk’aq chinkaq plastikumanta, k’aspimanta, Choqemanta, aqhllasqa
llank’aykunata qhawaspa.

Diego Bejar Luksic.