BANDILYO KONTRA COVID-19

PASABOT!
INI NGA BANDILYO IN KAMANDUAN HAN ATON TALAHURON NGA MAYOR HAN
Page | 1BUNGTO HAN PARANAS, UPOD AN PHILIPPINE NATIONAL POLICE, NGA ATON
GINPAPATUMAN HA ATON BARANGAY.
[

BASE HA TALAAN NGA GINPAGAWAS HAN DEPARTMENT OF HEALTH

(DOH) - EASTERN VISAYAS HA MGA NAGLABAY NGA ADLAW, PADAYON
AN PAGHATAAS HAN KASO HIN COVID-19 HA ATON REHIYON.
DUGANG HINI, GINDEKLARA GIHAPON HAN DOH NGA MAY MGA KASO NA
HIN LOCAL TRANSMISSION, PARTIKULAR HA MGA BUNGTO HAN
BASEY, VILLAREAL, SYUDAD HAN CATBALOGAN, NGAN TACLOBAN.
AN LOCAL TRANSMISSION IN NATATABO KUN AN USA NGA
PASYENTE IN WARAY HISTORY HIN PAGBIYAHE NGADTO HA IBA
NGA LUGAR PERO NAGPOSITIBO HAN COVID-19 TUNGOD NGA
HIYA IN NAGKAADA HIN CLOSE CONTACT HIN USA NGA POSITIBO
HAN NASABI NGA VIRUS.
MAYDA NA GIHAPON KASO HIN COMMUNITY TRANSMISSION KUN
DIIN AN NAGPOSITIBO HAN NASABI NGA VIRUS IN WARAY
HISTORY HIN PAGBYAHE HA IBA NGA LUGAR NGAN WARAY
MAGKAADA HIN CONTACT HA MGA NAUNA NGA NAGPOSITIBO
HAN COVID-19.
HA PAGKA-YANA, AN BUNGTO HAN PARANAS IN MAYDA DIRI MAUBOS
NGA 30 NGA KOMPIRMADO NGA KASO HIN COVID-19.
MAYDA NA PARANASNON NGA NAGPOSITIBO NGAN
GIHAPON
NAKUHA AN NASABI NGA VIRUS HA SYUDAD HAN TACLOBAN.
HA KADUGANGAN, AN PADAYON NGA PANGULI HAN MGA LOCALLY
STRANDED INDIVIDUALS (LSI) UG OVERSEAS FILIPINO WORKERS
(OFW) NGANHI HA ATON BUNGTO.

TUNGOD HINI, GIN-AAGHAT AN NGATANAN NGA MAGHIROT NGAN

MAG -OBSERBAR HAN MASUNOD NGA MGA BURUHATON;
1. STRIKTO NGA PAGSUNOD HAN ATON MGA PALISIYA NGA
GINMANTALA HAN INTER-AGENCY TASK FORCE (IATF). SERYOSO
INI NGA BUTANG, BURUBLIG KITA!

2. PAGGAMIT HIN BANGOT O FACEMASK NGAN FACE SHIELD KUN

MAGAWAS HAN ATON PANIMALAY LABI NA KUN
MAKIKIGHURUHIMANGRAW O MAKIG-STORYA HA IBA, NGAN
KUN MASAKAY HIN PAMPUBLIKO NGA SARAKYAN.
3. PAGBANTAY HAN ATON ISOLATION FACILITIES. BULIG KITA
PAGSAWAY HAN MGA MIYEMBRO HAN PAMILYA HAN LSI NGA
MAGPIPIRIT PAGSULOID HAN ISOLATION FACILITIES, KAY DIRI HIRA
PWEDE DUMAOP HAN IRA PARYENTE NGADA HAN KAHUMAN HAN
QUARANTINE PERIOD NGA GINMATALA.
 4. ATON SAWAYON AN TAWO NGA ATON MAKITA NGA MAGAWAS HA
IRA BALAY NGA DIRI TUHAY AN KASUL-OT HAN FACEMASK O
KUN WARAY GUD GAMIT HIN FACEMASK. KUN DIRI MAN
BUMALI, DERETSO NGA IG-REPORT O PAGSUMBONG HA RURAL
HEALTH UNIT (RHU) O PHILIPPINE NATIONAL POLICE (PNP) O HA
Page | 2 ATON LOCAL GOVERNMENT UNIT (LGU) HADTON MGA NATALAPAS
O NASUPAK HAN ATON MGA PALISIYA.

5. PAGREPORT HA BARANGAY O BARANGAY HEALTH EMERGENCY

RESPONSE TEAM (BHERT) HAN MGA MAY SAKIT O SINTOMAS HAN
UBO, SIPON, TRANGKASO, SAKIT HA BUT-OL UG IBA PA.

HA KADUGANGAN, GIN-DIDIRI LA GIHAPON AN MGA MASUNOD;

a. MASS GATHERING O PAGKATITIROK HAN DAGKO NGA PUNDOK.

b. TUPADA/BULANG/SABONG O ANO PA MAN NGA KLASE HAN

HUYGO, AGUD MALIKAYAN AN DIRI IMPORTANTE NGA
PAGKATITIROK.

c. IRIGNOM HA PAMPUBLIKO NGA LUGAR O BISAN PA MAN HA

SULOD HAN PANIMALAY, KUN HA ATON PA, AN BISAN ANO NGA
KLASE NGA PAG-INOM HIN MAKAHURUBOG.

d. PAGLINAKAT KUN WARAY IMPORTANTE NGA KATUYUANAN

PARTIKULAR HA CATBALOGAN, TACLOBAN, BASEY,
VILLAREAL, UG IBA PA NGA LUGAR NGA MAY MGA KASO NA HIN
LOCAL TRANSMISSION. ATON HINUMDUMAN NGA DIRI KITA SUGAD KA-
POPULATED HAN METRO MANILA NGAN CEBU, SANGLIT KAYA
NATON INI MAPUYPOY INI NGA VIRUS KUN MAG-STAY AT
HOME NA LA ANAY KITA. KUN HA ATON PA, UKOY, PURUKO,
TAMBAY LA ANAY KITA HA ATON TAGSA-TAGSA NGA PANIMALAY.
e. PADAYON NGA PAGMONITOR O PAGBANTAY HAN MGA TIULI
NGANHI HA ATON BARANGAY UG PAGREPORT HADTON WARAY MGA
KOORDINASYUN HA RHU/LGU. ATON INI RESPONSIBILIDAD, AN
DIRI MAGTANGKOD PAGSUMAT HAN UNGOD, IN MAY LEGAL NGA
BARATUNON HA GOBYERNO NGAN MAKAKASUHAN.

HA ATON PAGSUNOD HINI, AMO INI AN ATON SIMPLE, DIRI

MAGASTO NGAN MAHINUNGDANON NGA KONTRIBUSYON HA
PAGPUYPOY HINI NGA NAGLULURAB NGAN DIRI KINIKITA NGA
VIRUS!
GINPAPAHINUMDOM GIHAPON AN NGATANAN NGA MAGSUNOD HAN BASIC
HEALTH PROTOCOLS, SUGAD HAN:

- PIRMI NGA PAGGAMIT HIN BANGOT/FACEMASK NGAN FACE

SHIELD,
- PAG-DISINFECT HAN KALUGARINGON SUGAD HAN
PAGHINAW NGA GINAMITAN HIN SABON HA SULOD HAN 20
SEGUNDO O PAG-GAMIT KANUNAY HIN ALCOHOL,
- NGAN PHYSICAL DISTANCING NGA DIRI MAUBOS 2 KA
METRO.
 HA KADUGANGAN, ATON IG-AMPO AN ATON MGA FRONTLINERS , AN
ATON MGA:

- HEALTH CARE WORKERS,

Page | 3 - MEN IN UNIFORM, AN KAPULISAN NGAN KASUNDALUHAN,
- LOCAL GOVERNMENT UNIT O MGA OPISYALES HAN ATON
GOBYERNO,

- UG AN IBA PA NGA VOLUNTEER ………NGA TANGKOD NGA

NAGHATAG HAN IRA SERBISYO AGUD MAPUG-NGAN AN
PAGSARANG HAN VIRUS.

ATON GIHAPON IG-AMPO AN MGA:

- NAMAGPOSITIBO HINI NGA VIRUS NGA HIRA IN MAGKAUUPAY

DAYUN NGAN MAHIBALIK AN IRA MAUPAY NGA PANLAWAS,

- AN MGA NAGKAMATAY NA TUNGOD HINI NGA VIRUS , NGA

MAKATAGAMTAM NA HIRA HAN PAHUWAY NGA DAYON DIDA HAN
ATON GINOO,

- UG SUGAD MAN AN ATON BARANGAY, BUNGTO, PROBINSYA, AN

NASUD PILIPINHON, NGAN AN BUG-OS NGA KALIBUTAN, NGA
MATALWAS KITA HINI NGA ATON GIN-AATUBANG NGA KASAKIT.

PANGARUON NATON:

- AN KALOOY SA DIOS,

- AN PANABANG NI MARA SANTISIMA, IROY NI CRISTO NGAN IROY

LIWAT NATON,

- AN BULIG NI SAN JOSE,

- NGAN AN MGA PAG-AMPO HAN ATON MINAHAL NGA MGA

PATRONO, SAN PEDRO UG SAN PABLO!
DAMO NGA SALAMAT.