有人認爲強制接種疫苗違反基本人權，但有人亦都認爲强制接種疫苗可以

大大減低感染傳染病嘅機會。而我係同意應該强制為所有身體條件合適嘅
嬰兒及兒童接種預防傳染病疫苗嘅。

大規模嘅疫苗注射活動係十分有效嘅。因爲接種疫苗而成功消滅傳染病嘅例子
亦都唔少，例如疫苗接種計劃曾係 1980 年幫手消滅天花，成為首個於世上絕跡
的人類傳染病，小兒麻痹症亦都因爲疫苗而幾乎徹底根除，由此可見接種疫苗
對防止傳染病同埋維持社會健康係十分有效嘅。呢個都係其中一個我同意强制
為所有身體條件合適嘅嬰兒及兒童接種預防傳染病疫苗嘅原因。

嬰兒及兒童對比起成年人，佢地嘅免疫力較低，感染疾病嘅機會亦較高，所以
我認爲為佢地强制接種疫苗因而去增强免疫力，絕對係利多於弊嘅。而且，需
要强制接種疫苗嘅嬰兒及兒童，都係身體條件適合接種疫苗嘅，並唔應該有過
敏嘅反應，所以我認爲並無需要擔心嬰兒及兒童會因爲接種疫苗而過敏，甚至
有生命危險。

但係除咗擔心會有過敏反應，大部分反對强制接種疫苗嘅人都會擔心接種疫苗
後所產生嘅副作用會對嬰兒及兒童嘅身體造成負擔，亦會對接種疫苗嘅安全性
作出質疑，據我所知，接種疫苗的確有可能產生嚴重的併發症，但係其實實際
比例相當少，而且呢啲併發症嘅風險比起未施打疫苗時，罹患疾病的風險要小很
多，所以，我認爲呢啲都係不必要嘅擔心，甚至係杞人憂天，而且為咗預防并
發症而唔接種疫苗，冒上會患傳染病嘅風險，實在係得不償失。

亦有人會認爲強制接種疫苗違反基本人權，使嬰兒及兒童無法自行決定醫療方
案，但係我並唔同意呢個講法，首先唔理有冇違反人權，相信大部分嘅嬰兒或
者兒童都無法自行決定醫療方案，通常係由大人或家長為佢地做出選擇，所以
我認爲呢個講法並唔成立，然後，我認爲唔理係兒童或成人，所有人都有擁有
健康嘅權利，透過接種疫苗，增强免疫力，守護自己嘅健康，相信所有嬰兒及
兒童同樣擁有呢一個權利。

强制為所有身體條件合適嘅嬰兒及兒童接種預防傳染病疫苗一直具有爭議性，
但係我仍然認爲，為咗嬰兒及兒童，仲有大部分人嘅健康著想，强制接種疫苗
係合適嘅選擇。我嘅睇法到此爲止，多謝。