Agnaed

1. Ragsak aldaw rabii, bayat ti pampannagnak,

Ta mangnibinibi ayatna kaniak,
Ta daytoy ti gapuna panagragsak kararuak,
Ti Mangliwliwa addan kaniak.

Koro:
Agnaed------------------Agnaed
Aleluya, agnaed kaniak;
Inaldaw adda ragsak, bayat ti pampannagnak
Ta Mangliwliwa addan kaniak.

2. Naminsan daytoy pusok, napno iti riribok,

Gapu iti basol ken kinadangkok;
Ngem idi inispalnak, immay talna’t kararuak
Ta Mangliwliwa addan kaniak.

3. Uray no sadinoman, kumuyog iti dalan,

Ket awanen ti innakto pagbutngan;
Dinatayto baybay-an, agmaymaysa ti dalan,
Uray aginggat’ panungpalan.

4. Ragsak di maibaga, ti adda kaniak ita,

Isu’t raragsak a nagpaiduma;
Nasam-it ti Nagana, di masao, maibaga
Jesus nangted iti liwliwa.
 Idi immayen ni Jesus

1. Ti biagkon naragsak awan ti pumadpad,

Ta addan ni Jesus kaniak;
Nasilawanen nasipnget a kararuak
Ta addan ni Jesus kaniak.

Koro:
Idi immayen ni Jesus,
A nagtaeng ditoy pusok
Toy kararuak ragsaknat’ agburburayok
Ta addan kaniak ni Jesus

2. Awan kaniakon ti pannakayaw-awan,

Ta addan ni Jesus kaniak;
Basolko naruayda ngem isut’ naugasan,
Ta addan ni Jesus kaniak

3. Ti ta-ay ni patay saanak a maublag

Ta addan ni Jesus kaniak
Ti ruangan ti siodad makitak nalawag
Ta addan ni Jesus kaniak

4. Innakto agtaeng diay siodad naraniag

Ta adda Jesus kaniak
Naragsak pudno a naragsak pannagnak
Ta addan ni Jesus kaniak.