TATA KEBAKTIAN KELUARGA GNKP-INDONESIA

Migu, 7 Maret 2021

1. Fangahono Dõdõ
S.A. : Ma’owai ama/ina mbanua niha keriso, Ya’ahowu !
Tebe’e ginõtõ ba wangandrõ ba dõdõ zamõsana, tabõrõgõ.

2. Famõrõgõ
a. S.A. : Musindro ita fefu ba manunõ ita moroi ba Buku Zinunõ No. 194
KUBALOGU YESU (YESU HAGA DÕDÕ, 185)
1) Kubalogu Yesu, ba Sangorifi. Lõ farõi sa khõgu, gõtõ wa’auri.
No sa Ikaonido, ya’o si taya, me u’ohia’õ nilau gafõkha.
2) Kubalogu Yesu, I’efa’õdo. Ba danõ simate, I’orifido.
Ihõli nosogu yaŵa ba rõfa, ba usõndra naha so’ahonoa.

b. S.H. : Tafalua sa’ae khõda Migu Wanõrõtõdõ Famakao Yesu Migu Oculi andre,
ba tafodanedane ia ba dõi Lowalangi Ama, ba dõi Yesu Keriso ba ba dõi
Geheha Ni’amoni’õ. Fangorifida dõi Yehowa si no mombõi banua si
yaŵa awõ danõ. Yaduhu!

3. Fombaso Oroisa Lowalangi

S.A. : Databaso Daroma Li Lowalangi salahi Goroisa moroi ba Zura YEREMIA 31
: 31 - 34

4. Sinunõ Fanema’õ Oroisa Lowalangi

S.A. : Manunõ ita moroi ba Buku Zinunõ No. 20 : 1
1) Misunosuno Zo’aya, mi be zumange-Nia.
Ba mi’aohasi gõlõ na, sotõi banua-Nia.
Me no Ikaoni gõi ami, afu metema wa’auri, khõ Nono-Nia Yesu.
Sato : (Manunõ moroi ba Buku Zinunõ No. 3 : 2 ma 20 : 1)
5. Fangandrõ Fangombakha Horõ
S.A. : Musindro ita fefu ba wangombakha horõda khõ Lowalangi.
No ta’ila ba aboto ba dõdõda wa ya’ita andre, niha si so horõ. Andrõ
wamangandrõ ita ba wangombakha horõda khõ Lowalangi. Mangandrõ ita,
He Lowalangi, sangila era’era dõdõ niha, awõ nilauma fefu. No aboto ba
dõdõma, wa bõrõ horõma soya sibai, si no to’ele khõ-U ba Zorugo, wa no
Õhare’õ khõ Nono-U omasiõ ngawalõ horõ si gõna khõma ena’õ, ya’ia
wamakao soya, ba fango’aya awõ wangailasi, ba fa’amate ba rõfa si no
fondrege wa’afõkhõ.
Ma’andrõ khõ-U a’asogõ ba dõdõma wamati saro, ena’õ manandrõsa khõma,
zi no Itaõgõ Yesu Keriso, fa tola te’orifi ndra’aga khõ-U, saefa ba wõnu-Mõ ba
luo safuria. Yaduhu!

6. Sinunõ Fanema’õ
S.A. : Manunõ ita “Ya’ita ba horõda” (Buku Zinunõ No. 66 : 4)
Sato : 4) Ya’ita ba horõda, si no oya fahõna, hulõ nene nasi.
Da’õ sa zimõi bõrõ, wa’Õtaõgõ zafõkhõ, horõda mbõrõ wamakao.

7. Fangombakha Turia Wa’ebua Dõdõ Lowalangi

a. S.A : Mifondrondrongo duria wa’ebua dõdõ Lowalangi me imane :
“He no hulõ gasumbo wa’oyo horõmi, ba hulõ muko safusi dania. Ba he no
hulõ mbaru luo wa’oyo, ba hulõ mbu mbiribiri dania, iŵa’õ Yehowa zato
andrõ.”
Lakhõmi khõ Lowalangi si yaŵa !
b. Sato : Do = D 4/4
3. 3 3│5. 4.│2. 3. │3. 2 . │ 2. 2 . │
Ba fa-‘a - tu - lõ ba gu - li da - nõ ba
2 . 2 .│2 . 3.│4. 3 .│3 . 2 .│ 1 . . 0║
ni - ha ni - ‘o - ma - si - ‘õ a - ndrõ
c. S.A. : Yafaofao khõmi Lowalangi !
d. Sato : Do = D 4/4
1 . 3 . │ 5 . 5 .│ 5 . 5 . │ 6 . 5 4 │ 3 . . 0 ║
Ya-fao khõu Ge he - ha - Ni - - a.
(Ifuli mudadao zato)
8. Fombaso Fanuturu Lala ba Wa’auri Sibohou
a. S.A. : Databaso wanuturu lala ba wa’auri si bohou moroi ba Zura YOHANE 12 : 24
- 28 (tetohugõ)
“Ya’ahowu zamondrongo Taroma Li Lowalangi, ba same’e ba dõdõnia.
Yaduhu
b. Sato : Do = G 4/4
1 . 7. . │1 . 1 . │2 . 1 . │ 1 . 1 . │ 7 . 1. . ║
Ya-du - hu, ya - du - hu, ya - du - hu

9. Famaduhu’õ Tuho Wamati Niha Keriso

S.A. : Musindro ita fefu ba tafaduhu’õ wamatida ya’ita Niha Keriso, endronga lida !
Ya’o mamati khõ Lowalangi, Ama si lõ ambõ fa’abõlõ, sombõi banua si
yaŵa awõ danõ.
Ya’o mamati khõ Yesu Keriso, So’aya ya’ita,
Ono Lowalangi si ha samõsa, nitema ninaNia Maria khõ Geheha
Ni’amoni’õ. Ono nono alawe Ia.
No manaõgõ huku Ia barõ mbawa Wondrio Filato, teforõfa Ia, mate ba
lako’o. No mõi Ia ba mbanua niha tou.
No maoso Ia moroi ba ngai zi mate, me no irugi tõlu ngaluo.
No manahae Ia, mõi ba Zorugo, dumadao ba gambõlõ Lowalangi Ama, si
lõ ambõ fa’abõlõ.
I’otarai da’õ mangawuli Ia dania ba wanguhuku niha sauri awõ zi no
mate.
Ya’o mamati khõ Geheha Ni’amoni’õ.
Ba ufati ha sambua mbanua ni’amoni’õ, fefu niha Keriso, ba fa’awõsa
niha ni’amoni’õ,
ba fangefa horõ,
ba femaoso mboto zi mate,
ba fa’auri si lõ aetu. Yaduhu!
(Mudadao zato)

10. Fangowuloi Sumange Fasõmbata

S.A. : Ta’owuloi zumange fasõmbata.
Imane Taroma li Lowalangi : “Ba da’õ niwa’õ-Gu : Na so zangatalisi tanõmõ,
ba lõ oya’oya ibasi, ba na so zi lõ alimagõ tanõmõ, ba oya gõi ibasi dania.”
 Manunõ ita moroi ba Buku Zinunõ No. 124 SI SÕKHI LI YESU SO’AYA
(NA HÕNÕ MBAWAGU ENA’Õ, 4)
1) Si sõkhi Li Yesu So’aya, tafonaha ba dõdõda.
Roti aurifa Ia khõda, na no ta’o’õ sa Ia.
Sõkhi Li Yesu So’aya, fangaro’õ wamatida.
2) Si sõkhi Li Yesu So’aya, si mõi aurifa nosoda.
Me no ato zi no te’ala, si lõ molo’õ Li-Nia.
Tologa ba wamalua, Taroma Li nirongoma.
3) Si sõkhi Li Yesu So’aya, me Ikata’õ horõda.
Lõ itehegõ na te’ala, dozi samati khõ-Nia.
Afu dozi oi tatema, wa’auri si oroi Nama.

11. Huhuo Sebua (Ba mimbar so Zangai Huhuo)

S.H. : Yafalukha ami fefu, wa’ebua dõdõ Zo’aya ya’ita Yesu Keriso, ba fa’omasi
Lowalangi Ama, ba fa’awõsa Geheha Ni’amoni’õ. Yaduhu!
a. Fombaso Bõrõ Huhuo (Heberai’o 5 : 7 - 10)
b. Fangandrõ Fõna Huhuo
c. Famotokhi Taroma Li Lowalangi
d. Fombaso Nitanõ ba Dõdõ (Heberai’o 5 : 9)
e. Fangandrõ Fanga’aro’õ Huhuo
f. Sinunõ Fanema’õ Huhuo
Sato : No mafondrondrongo liU, Lowalangi So’aya
Tanõ ba dõdõma ia, fa bõi olifuga.
Fahowu’õ ia khõma, ena’õ ohahau dõdõma fefu!
Heta ba dõdõ zi lõ sõkhi, ma’o’õ niŵa’õU

12. Fangasiwai
S.H. : Musindro ita fefu, tasuno Lowalangi moroi ba Buku Zinunõ No. 295 FASAO
NDRA’O HE YESU (OHE MANÕ DANGAGU, 291)
1) Fasao ndra’o he Yesu, ba lala-Mõ.
Me lõ fa’abõlõgu, ba tolodo.
Ahele sa gahegu, naha ya’o.
Fahõna wamaelungu, fasui ya’o.
 2) Si lõ farõi Ndra’ugõ, ba dana khõ-U.
Õ’ila wa tebaido, ba niŵa’õ-U.
Ba fa’erege dõdõ, Õfadõhõ.
Õnõnõ wa’abõlõ, Eheha-Mõ.

a. Fangandrõ Salahi
S.H. : (Tefalua wangandrõ salahi ba tetohugõ fangandrõ Zo’aya)
Sato : He Ama khõma si so ba Zorugo
Yate’amoni’õ dõiU.
Yatobali banuaU fefu niha.
Ya’itõrõ zomasi Ndra’ugõ, hulõ si mane ba Zorugo, ya simanõ gõi ba guli
danõ.
Õma sirugi ma’õkhõ be’e khõma ma’õkhõ andre.
Ba efa’õ khõma horõma, si mane fangefa’õma sala ba zi so sala ba khõma.
Bõi ohe ndra’aga ba wanandraigõ, ba efa’õga ba gafõkha.
Me khõU mbanua, awõ wa’abõlõ, awõ lakhõmi irugi zi lõ aetu. Yaduhu

b. Famahowu’õ
S.H. : Mi’angawuli ba mitema/tatema howuhowu Lowalangi
Yamufahowu’õ ami/ita Lowalangi,
Yamurorogõ ami/ita.
Yamufohaga mbawaNia khõmi/khõda,
Yamu’ebua’õ dõdõNia khõmi/khõda.
Yamufalemba hõrõNia khõmi/khõda,
Yamube’e wa’ohahau dõdõ khõmi/khõda fefu. Yaduhu !

c. Sinunõ Fangasiwai
S.H. : Manunõ ita : “HE SO’AYA TOLO, EBUA’Õ DÕDÕ” (Buku Zinunõ No. 126 : 1
ma tbn)
Sato : 1) He So’aya tolo, ebua’õ dõdõ,
be’e khõma haga-Mõ, be khõma Geheha-Mõ.

S.H : Ya’ahowu !
Sato : Ya’ahowu