NOVENA HAN MGA KALAG HA PURGATORYO

Tungod san tigaman . . .

GINOO KO JESUKRISTO

Ginoo ko Jesukristo, matuod nga Dios ug matuod

nga tawo, Magburuhat ngan Manunubos ko, nagbabasul
ako nga gayud han akon mga sala ngatanan, ha bug-os ko
nga kasingkasing, kay naha-gugugma ako ha Imo labi han
ngatanan kay Dios ka man. Nagtutuyo ako hin diri na
pakasala liwat; igkokompisal ko an akon mga sala
ngatanan; naglalaum ako nga pagwawad-on Mo an akon
mga sala ngatanan, tungod han mahal nga pagkasakit ug
pagkamatay Mo ha Kruz tungod ha akon. Amen.

PAG-AMPO HA IKINAADLAW

O labi ka matam’is nga Jesus, nga ginraysang ka

dida ha Cruz. Kay Ikaw man an Amay nga maloloy’on;
gamiton Mo ha akon an Imo daku nga kalooy, kay ako an
labi kataramayon ug makalolooy nga makasasala, tungod
han Imo santos uyamot nga pagkasakit siplate an kalag ni
______ (an mga kalag) ha purgatoryo han, Imo mga mata
nga maloloy’on; ug an ngatanan nga mga kalag ha
Purgatoryo; ug tungod han mga kasakitan ug kapaitan

Página 1 de 25
han Imo Diosnon nga Iroy, Iroy nga maloloy’on ug
darangpan han magpakasasala, itugot Mo ha akon in usa
nga matuod nga kasakit han akon mga sala, ug talwasa
Ginoo an kalag ni ________ (an mga kalag) ha purgatoryo
hadton nga mga kasakit, ihatag Mo ha iya/ira an himaya
hadton ginsaad Mo ha ira nga pahuwayan. Amen

PAG-AMPO HAN SIYAHAN NGA ADLAW

Manunubos ko, gugma han putli nga kalag,

tungod han pagkasakit ug pagpaubos Mo han pagraysang
ha Imo ha Cruz, palahusan Mo an akon kalag han raysang
han santos nga kahadlok ha Imo, ug agaka ako ngadto
han dalan han Imo santos nga pagburot-an.
Nanginginyupo ako ha Imo tiilan, ug nagsisimba ako ha
Imo matam-is uyamot nga Jesus, tungod han kasakit nga
ginbati han Imo masulob’on nga Iroy ug nangangamuyo
ako ha Imo nga talwason Mo an kalag ni _______ (an
mga kalag) ha purgatoryo han iya/ira mga kasakit ug dad-
a hiya/hira han pahuwayan nga waray katapusan nga
kalipay. Amen.

PAG-AMPO

O maupay nga Jesus, Hadi han himaya, talwasa

ha mga kasakitan ha Purgatoryo an kalag ni _______ (an
mga kalag) ha Purgatoryo. Talwasa hiya/hira Ginoo han

Página 2 de 25
mga kabido nga ginbabati niya/nira tungod han Imo
ginbati ha kalbaryo, ug han gin-antos han Imo masulob-
on nga Iroy. Busa, ha pagtabang ha iya/ira, ihinahalad
namon ha Imo Dios ko, an amon mga pag-ampo, mga
pagpenitencia, ug pangaraba upod na an matuod nga
paghinulsol han amon mga sala. Karawata Ginoo ini nga
amon pag-ampo, ug itugot Mo nga hi San Miguel
Arkanghel ngan San Rafael Arkanghel nga gin-tungdan Mo
han mao nga buruhaton, makadto na basi magkuha han
kalag ni ______ (an mga kalag) nga bulahan, didto ha
kasisidman han kasubo ug mga kasakit, ug magdadara ha
iya/ira ngadto ha kalamragan ug kalipay, han himaya nga
waray katapusan. Amen.

Pag-ampo han Ika-duha ka Adlaw

O kamut nga tuo han Mamamawi, kamut han

mga pinili! Pira an gin-unungan Mo han pagtubos han
magpakasasala ha Imo dida ha Cruz; magpuyo ka
gihapon, Ginoo ko, ha akon tuo ha adlwa han paghukom,
tungod han pagpasakit nga gin-antos Mo nga ginbati han
Imo masulob’on nga Iroy, buhat nga kalugaringon han
kamut, kalooyan Mo ha daku nga paghinangop an kalag ni
_______(an mga kalag) ha Purgatoryo, kay nalooy ka ha

Página 3 de 25
pagpili ha iya/ira ha grasya, ihatag Mo an bunga han
pagkapinili, an himaya nga waray katapusan. Amen.

(Isunod an Pag-ampo)

Pag-ampo han Ika-tulo ka Adlaw

Matam-is uyamot nga Jesus, kon an Imo kamut

nga wala bisan kun Diosnon sugad han tuo makakatudlok
han mga pinilian ug hira makokondinar man, nagsisimba
ako ha Imo harangdon nga Hustisya ug nagkukurog han
kahadlok, nga ako usa nga pinilian tungod han ka damo
ug kadagko han akon mga sala, nangangamuyo ako ha
Imo nga balhinon Mo unta tikang ha wala ngadto ha tuo,
kay nadangop ako tikang han kasina han Imo hustisya,
ngadto han katam’is han Imo kalooy, ug tungod han
kasakit han Hadi han mga Angeles, nga an Iya mga tinuod
nga devotos diri gud mahimo nga pinilian. Nag-aampo ako
ha Imo ha dako nga pagpaubos nga pakadtuon Mo na ha
langit an kalag ni _______ (an mga kalag) ha purgatoryo,
tikang han kakapuy, ngadto han pahuwayan ha himaya,
ngan diin magdadayeg hira han Imo mga kalooy, ha
waray katapusan. Amen.

(Isunod an Pag-ampo)
Pag-ampo han Ika-upat ka Adlaw

Página 4 de 25
 Jesus nga higugmaon, kon an mga hampak amo
an kastigo han mga uripon han yawa kay ano nga ikaw
nga tag-ada han amon kabubut’on, sugad nga waray na
hulagway tungod han mga hampak? Ay kawaray ko
kaawdanan, kay ano nga gin-bayaran Mo han Imo labi ka
putli nga lawas an mga sala nga mga taramayon han akon
lawas? Nagsasaad ako Ginoo hin pagbuhat han matuod
nga pagpenitencia ug pag-pugong han akon mga
karuyagon, tungod hini, upod an magngutngut nga mga
hampak didto han gingauran ha Imo, ihinahalad ko ha
Imo upod han mga kasakitan nga gin-antos han Imo
mahigugmaon nga Iroy, nga kaagi nga ura-ura hin
kamakaarawod, Karawata ini nga akon paghalad han akon
paghigugma ha Imo ha kadayunan. Amen.
(Isunod an Pag-ampo)

Pag-ampo han Ika-lima ka Adlaw

An mga magpakasasala nag-pipinudongpudong

hin mga bukad, ug Ikaw nga Matahum nga labi ka pinili
nga Nazareno, ginkoronahan hin mga tunok. Mahapatik pa
unta an mao nga korona ha akon ulo, basi masantop ko,
pinaagi han mug-idlot nga mga tunok an akon pag-
palabilabi ug an ngatanan nga mag-kadirudilain nga
maraut nga panhunahuna. Dumulot pa unta ha akon
konciencia ngan diri magpapahuway ha akon tubtob nga
magbalhin ako han akon kinabuhi. Diri na ako buot Dios
ko, hini nga Kalibutan ug han pagpudongpudong nga mga

Página 5 de 25
bukad kun di han mga tunok nga linahos han kasingkasing
han Imo gisasantosi nga Iroy, ug akon man Iroy nga
maloloy’on; tagi gad Ginoo an kalag ni_______ (an mga
kalag) ha Purgatoryo hin korona nga diri malalaya. Amen.

(Isunod an Pag-ampo)
Pag-ampo han Ika-unom ka Adlaw

Ginoo kay ano nga nag-aantos ka han mga

mapait nga luha didto ha Cruz? Nga ako waray man awasi
bisan hin usa la ka turo hin luha han akon mga
kasal’anan? Ay Dios ko pagkabuta ko, pagkaharayo han
akon pagkilala han karaut ug ka law’ay han akon pagbulag
ha Imo. Lamragan Mo ako maupay nga Jesus, kay ikaw
man an lamrag han kalibutan, ug kinahanglan han mga
nag-sasayop. Tungod han Imo mga luha, ug han Imo
masulob’on nga Iroy, pahumuka an akon kasingkasing ug
tagi ako han mga luha han pagbasul, kon nagtatalinguha
na ako hin diri pagbalik han akon mga sala ug an luha nga
dugo, pahiri gad Ginoo an masulob’on nga luha han kalag
ni _______ (an mga kalag) ha Purgatoryo, paangbiton Mo
hiya/hira han kalipay ha Imo diosnon nga nawong didto
han ginhadian ha langit. Amen.

(Isunod an Pag-ampo)

Pag-ampo han Ika-pito ka Adlaw

Página 6 de 25
 Kun tungod han kauhaw Mo Ginoo han salvacion
han mga kalag, maangkon ko unta gihapon an akon
salvacion, Manunubos ko, uunahon ko in pag-angkon han
mga virtudes sugad nga nalulunod ako han vicio ug an
mga sala. Ginkakarawat Mo Ginoo an kapaitan, waray Mo
pili-a an kalipay tungod han uraura na nga pagtampalas
han akon mga imim, ug ha waray pagpugong han akon
dila. Ibutang Mo maupay nga Jesus, ibutang Mo an
mainantuson nga pagsakit han Imo masulob’on nga Iroy.
Parunga na gad an kauhaw nga daku han kalag ni
_______ (an mga kalag) ha Purgatoryo; kauhaw han
pakigkita han Imo pag ka hadi upod han Imo, ug an
pagdayeg ha Imo hin waray katapusan. Amen.

(Isunod an Pag-ampo)
Pag-ampo han Ika-walo ka Adlaw

Matam’is uyamot nga Jesus, ano an angay ko

buhaton nga igu makakabayad han pag-antos Mo, tungod
han akon mga kasal’anan kon papalandungon ko an pag-
sakit Mo didto ha Cruz nga binayaan. Ug gintugutan Ka
han Dios nga Amay hin pag-sakit bisan kon Ikaw Iya
bugtong nga anak, ngan an siplat han masolob’on nga
Iroy in nakadugang han Imo kasakitan, sugad nga
makaarawod an akon waray pag-paciencia han mga
kaguol han akon kalawasan, ipadara ha akon Ginoo an
mga kakapoy nga makakalipay ha Imo, ug upod an pag-
antos nga amo an matuod nga dalan ngadto ha langit.

Página 7 de 25
Tungod han daku nga kamingaw nga ginbati han Imo
Berhin nga Iroy han paghingutas Mo ha atubangan han
Iya mga mata, panalipdi ako han mga panulay dinhi hini
nga mga kinabuhi. Updi ako ha ha takna han akon
kamatayon, ngan tungod hadton mga pagbaya nga gin-
antos han Imo Iroy, sakopa Ginoo an kalag ni_______ (an
mga kalag) ha Purgatoryo kay han Imo pagsakop ug
pagtabang han Imo Berhin nga Iroy, Naglalaum hira nga
hingangadto hiya/hira ha Imo atubangan pag-sid’aw han
Imo diosnon nga nawong. Amen.

(Isunod an Pag-ampo)

Pag-ampo han Ika-siyam ka Adlaw

O bangkaw nga matarum nga ginsamad Mo an

kagiliran han Manunubos bisan kun patay na Hiya. O
pagkatam’is ug pagka-mahigugmaon Mo ha akon, nga gin
abrihan Mo an purtahan nga susudlan ko ngadto han
matam’is uyamot nga kasingkasing ni Jesus. O,
kasingkasing ni Jesus. O kasingkasing ni Maria, nga
ginsamad hadton makaharamdok nga bangkaw, kuhaa an
akon kasingkasing ug-iglakip han Imo kasingkasing nga
buotan basi mahImo nga kasingkasing nga
mapainubsanon, usa nga kasingkasing nga matunaw han
gugma sa Dios, ug an igkasi tawo, nga malolooyon han
mga kalag ha purgatoryo ngan iba pa nga mga buhat nga
kinahanglanon ako magpakita hin kalooy. Nasangpit ako

Página 8 de 25
ha bug-os ko nga kasingkasing. Matam-is nga Jesus
nahagugugma ako ha Imo, lipayon Mo an mga kalag ha
Purgatoryo nga nangangandoy ngadto ha langit, lipaya na
hira O, Amay han kalipay, ug Dios han ngatanan nga
kalipay, tungod han labi kaputli nga kasingkasing ni Maria
nga amo gihapon an kalipay han akon kasingkasing,
nagsakit ako ug nagsasakit pa han pagtamay ha Imo
samtang nabubuhi pa ako, kay Ikaw man ug gihapon an
Jesus han akon kasingkasing. Amen.

MGA PANGARABA HAN MGA KALAG HA

PURGATORYO
(GOSOS)

Ay tawo nga maloloy-on nga amon ginlalauman,

Baton: Ha lubnganan nga amon ginpupuy’an, Iyo

kami panabangan.

Ay, nag-agi na kami han dalan nga luhaan,

Ha iba kami nanabang, ug ha amon waray na tabang.
Diri niyo hikalimtan nga an magbalos babaluson.

Baton: Ha lubnganan nga amon ginpupuy’an, Iyo

kami panabangan.

Página 9 de 25
Ginlibutan man kami han kasakit nga kadam’an
Han kalayo nga masiga nga di’ gud mapaparong
Kay kanunay nga ginhuhuyop han diosnon nga
kinaadman.

Baton: Ha lubnganan nga amon ginpupuy’an, Iyo

kami panabangan.

An sala nga gutiay han amon pagpasipara,

Waray gud pagtagam han sugad nga batasan,
Nasugad kami nga takos hinin amon puruy’anan.

Baton: Ha lubnganan nga amon ginpupuy’an, Iyo

kami panabangan.

An lima nga baratian, nga han lawas rayandayan,

Nga han tawo ginagamit han iya kasal’anan,
Dinhi ginsakit han daku, balos han kalipayan.

Baton: Ha lubnganan nga amon ginpupuy’an, Iyo

kami panabangan.

An labi kadaku nga pag antos hini nga kamutangan.

Diri asay an kasakitan, lugod an kadugay lamang,
Han sa Dios pag-atubang, nga amon kinahihidlawan.

Baton: Ha lubnganan nga amon ginpupuy’an,

Iyo kami panabangan.

Página 10 de 25
Hin kalimut waray suga para han kaupdanan
Kay hira nakatagamtam han amon ginbudlayan
Ha waray nira pagpalandong han ira katigurangan.

Baton: Ha lubnganan nga amon ginpupuy’an,

Iyo kami panabangan.

An buhat nga kalooy, amo an ginkikinahanglan,

Ha pag-ampo ug ha santos nga misa, iyo kami
paghalaran, Waray lain nga kristyanos nga tambal, hini
nga kakurian.

Baton: Ha lubnganan nga amon ginpupuy’an,

Iyo kami panabangan.

Pulong man ni Jesukristo nga dalan ngadto ha langit

Hin kasingpit waray sugad, ug tag-usahay la ha
paglalaktan, Kami niyo kalooyan kay han Dios kamo
babaloson.

Baton: Ha lubnganan nga amon ginpupuy’an,

Iyo kami panabangan.

An iyo mga kinabuhi, sugad hin hangin mawawara,

Ug an kalipay nga tunan’on, daw aso nga lumalabay
lamang, An kalooy iyo tumanon kay ha urhi babaloson.

Página 11 de 25
 Baton: Ha lubnganan nga amon ginpupuy’an,
Iyo kami panabangan.

Ay tawo nga malolo’oyon nga amon gin lalauman.

Baton: Ha lubnganan nga amon ginpupuy’an,

Iyo kami panabangan.

Binati ako hin pulong nga nasiring,

Baton: Baraan an tawo nga namatay ha ngaran

han Gino-o.

PAG-AMPO

O Dios nga mahinatagon hin kalooy nga

mahigugmaon han kanan tawo katalwasan,
nangangamuyo kami hin kalooy, nga an amon mga
kabugtuan, kaurupdan nga hin uutangan hin buot, nga
kaapi han amon mga kapunungan, nga adto na ha lain
nga kinabuhi, pinaagi han panabang han mahal nga Virgin
Maria, Imo unta katagan Ginoo nga makaabot paghitempo
han Santos nga dayon nga Paghimaya.

O Dios nga maloloy-on nga Manunubos han

ngatanan nga Matinuohon, ihatag an pasaylo han
ngatanan nga mga sala han Imo mga soruguon nga hi

Página 12 de 25
________ (han Imo mga surogoon) pinaagi han Imo
kamainuklubon nga mga pangaraba, makaabot hiya/hira
han katalwasan nga iya/ira ginhihingyap, Ikaw nga buhi
ug naghahadi ha dayon nga mga katuigan. Amen.

Ihunong Mo na Ginoo an kasina Mo ha amon,

hustisya ka nga matadong, tungod han matam-is
nga ngaran ni Jesus.

KALOOYAN Mo an kalag ni _______ (an mga

kalag) ha Purgatoryo.

Ihunong Mo na Ginoo an kasina Mo ha amon,

hustisya ka nga matadong, tungod han matam-is
nga ngaran ni Jesus.

PASAYLOON Mo an kalag ni _______ (an

mga kalag) ha Purgatoryo.

Ihunong Mo na Ginoo an kasina Mo ha amon,

hustisya ka nga matadong, tungod han matam-is
nga ngaran ni Jesus.

KARAWTON Mo an kalag ni _______ (an

mga kalag) nga amon gin aampo.

M. An waraykatapusan nga pag pahuway ihatag Mo

na unta han kalag ni _____ (an mga kalag ha

Página 13 de 25
 porgaturyo) Ginoo.

S. An kahayag nga dayun sumulhog na unta ha

iya/ira.

M. Pumahuway na unta hiya/hira ha kalinaw.

S. Amen.

Pagdayegon ta an kasingkasing ni Jesus,

Pagdayegon ta an kasingkasing ni Maria Santisima,
Pagdayegon ta an kasingkasing ni Sr. San Jose nga
Patriarca Amay nga Mahimayaon.

Maghimaya ka Hadi….

Página 14 de 25
 ROSARIO HAN PASSION HA ATON GINOO

Tungod san tigaman…

Ginoo ko Jesukristo…

Bungata Ginoo an amon imim; bantara an amon

mga kasingkasing ngan hawani han mga hingyap nga
mahugaw; hayagi an amon mga sarabutan ug papasa an
waray pulos nga mga panhunahuna; ngan padasiga an
Imo mga kaburot’on basi ha bug-os namon nga
kasingkasing palandungon namon an kaagi han Imo
santos nga kasakit ug kamatay, upod an labi kamagpait
nga kasakitan han Imo gisasantosi nga Iroy, basi matakus
kami hin pagdungga ha atubangan han diosnon Mo nga

Página 15 de 25
kamaambong nga buhi ug naghahadi ha ngatanan nga
katuigan. Amen.

M. Labi ka Maloloy’on nga Jesus ko, siplati han Imo

mga mata nga mapaunguron an kalag ni
_______ (an mga kalag) nga binunyagan nga
namatay, tungod ha iya/ira namatay ug ginsakit
ka ha Cruz.

S. Amen.

(Amo ini an liwan han Amay Namon)

M. Jesus ko, tungod han masulog nga pag-balhasan

ha Imo hin dugo didto ha Getsemani.

S. Kalooyan Mo Ginoo an kalag ni _______ (an mga

kalag) ha Purgatoryo.

M. Jesus ko, tungod han pagtampaling han Imo

harangdon nga bayhon.

S. Kalooyan Mo Ginoo an kalag ni _______ (an mga

kalag) ha Purgatoryo.

M. Jesus ko, tungod han mabangis nga paghampaka

ha Imo.

Página 16 de 25
S. Kalooyan Mo Ginoo an kalag ni _______ (an mga
kalag) ha Purgatoryo.

M. Jesus ko, han pagpudongpudongi ha Imo hin

mag idlot nga tunok.

S. Kalooyan Mo Ginoo an kalag ni _______ (an mga

kalag) ha Purgatoryo.

M. Jesus ko, tungod han pagpas-an Mo han Cruz ha

dalan ha kapaitan.

S. Kalooyan Mo Ginoo an kalag ni _______ (an mga

kalag) ha Purgatoryo.

M. Jesus ko, tungod han duguon Mo nga bayhon

nga ipinatik Nimo dida han panyo ni Santa
Veronica.

S. Kalooyan Mo Ginoo an kalag ni _______ (an mga

kalag) ha Purgatoryo.

M. Jesus ko, tungod han panapton Mo nga duguon

nga ginrabnot dida ha Imo han mga tampalasan.

S. Kalooyan Mo Ginoo an kalag ni _______ (an mga

kalag) ha Purgatoryo.

Página 17 de 25
M. Jesus ko, tungod han gisasantosi Mo nga lawas
nga iginraysang ha Cruz.

S. Kalooyan Mo Ginoo an kalag ni _______ (an mga

kalag) ha Purgatoryo.

M. Jesus ko, tungod han santos Mo nga mga tiil ug

mga kamot nga nalagbas han dagku nga mga
raysang.

S. Kalooyan Mo Ginoo an kalag ni_______ (an mga

kalag) ha Purgatoryo.

M. Jesus ko, tungod han Imo kagiliran nga ginsamad

han bangkaw ug inawasan ka hin dugo ug tubig.

S. Kalooyan Mo Ginoo an kalag ni_______ (an mga

kalag) ha Purgatoryo.

M. An waray katapusan nga pagpahuway, ihatag na

gad ha iya/ira Ginoo.

S. An kahayag nga dayon sumulhog unta ha

iya/ira.

M. Pumahuway na unta hiya/hira ha kalinaw.

S. Amen.

Página 18 de 25
 O Jesus ko pasayloa kami han amon mga
kasal’anan, gawsa gad kami han kalayo ha impierno,
talwasa man an kalag ni ______ (an mga kalag) han mga
kasakitan ha purgatoryo. Amen. (makaupat, ini balika)

PANGAMUYO

Marahalon nga Jesus, nga tungod han pagtubos

Mo han kalibutan, napapagsakit ka ha Cruz.
Nangangamuyo kami nga tungod han labi kamapait nga
Imo mga kasakitan, gawson Mo na unta an kalag ni
_______ (an mga kalag) ha Purgatoryo han mga
kakurian, nga iya/ira gin-aantos, ngan papahuwayon Mo
na hiya/hira didto han Imo himaya nga waray katapusan.
Pumahuway na unta hiya/hira ha kalinaw. Amen.

Amay namon…
Maghimaya ka Maria…
Santa Maria…
Himaya ha Amay, ha Anak ug Espirito Santo…
(maka tulo, ini balika)

(Waray-waray “El credo de los Apóstoles) Natoo

Ako…

Página 19 de 25
 LETANIA HAN VIRGEN

Ginoo, kalooyan hiya/hira.

Cristo, kalooyan hiya/hira.

Ginoo, kalooyan Mo hiya/hira.

Cristo, pamatian Mo hiya/hira.

Cristo, dungon Mo hiya/hira.

Dios Amay ha mga langit; kalooyan Mo hiya/hira.

Dios, Anak, Manunubos han kalibutan; kalooyan Mo hiya/hira.

Dios, Espiritu Santo; kalooyan Mo hiya/hira.

Santos nga Trinidad; uusa la nga Dios, kalooyan Mo hiya/hira.

Santa Maria; ig-ampo Mo hiya/hira.

Santos nga Iroy sa Dios; ig-ampo Mo hiya/hira.

Santos nga Virgen han mga Virgen; ig-ampo Mo hiya/hira.

Iroy ni Cristo, ig-ampo Mo hiya/hira.

Página 20 de 25
Iroy han Diosnon nga gracia; ig-ampo Mo hiya/hira.

Iroy nga labi kauray; ig-ampo Mo hiya/hira.

Iroy nga labi ka putli; ig-ampo Mo hiya/hira.

Iroy nga waray hilabti; ig-ampo Mo hiya/hira.

Iroy nga waray hidum-iti; ig-ampo Mo hiya/hira.

Iroy nga higugmaon; ig-ampo Mo hiya/hira.

Iroy nga urusahon; ig-ampo Mo hiya/hira.

Iroy han maupay nga kasalagdunan; ig-ampo Mo hiya/hira.

Iroy han Taglarang; ig-ampo Mo hiya/hira.

Iroy han Manunubos; ig-ampo Mo hiya/hira.

Iroy han Singbahan; ig-ampo Mo hiya/hira.

Virgen nga labi kabut’anon; ig-ampo Mo hiya/hira.

Virgen nga talahuron; ig-ampo Mo hiya/hira.

Virgen nga igsarangyaw; ig-ampo Mo hiya/hira.

Virgen nga gamhanan; ig-ampo Mo hiya/hira.

Virgen nga maloloy’on; ig-ampo Mo hiya/hira.

Página 21 de 25
Virgen nga matinumanon; ig-ampo Mo hiya/hira.

Salaaming han katadungan; ig-ampo Mo hiya/hira.

Lingkuranan han kinaadman; ig-ampo Mo hiya/hira.

Tinikangan han amon kalipay; ig-ampo Mo hiya/hira.

Baso nga espirituhanon; ig-ampo Mo hiya/hira.

Baso nga dungganan; ig-ampo Mo hiya/hira.

Baso nga hamili han kamainugupanon; ig-ampo Mo hiya/hira.

Bukad nga kalagnon; ig-ampo Mo hiya/hira.

Lantawan ni David, ig-ampo Mo hiya/hira.

Lantawan nga tipuso; ig-ampo Mo hiya/hira.

Balay nga bulawan; ig-ampo Mo hiya/hira.

Hinipusan han ginsaaran; ig-ampo Mo hiya/hira.

Ganghaan han langit; ig-ampo Mo hiya/hira.

Bitoon han kaagahon; ig-ampo Mo hiya/hira.

Kinabuhi han magsinakitnon; ig-ampo Mo hiya/hira.

Darangpan han magpakasasala, ig-ampo Mo hiya/hira.

Página 22 de 25
Magliliaw han magbiduon; ig-ampo Mo hiya/hira.

Hinabangan han mga kristyanos; ig-ampo Mo hiya/hira.

Reyna han ka angelesan; ig-ampo Mo hiya/hira.

Reyna han mga Patriarcas; ig-ampo Mo hiya/hira.

Reyna han mg Profetas; ig-ampo Mo hiya/hira.

Reyna han mga Apostoles; ig-ampo Mo hiya/hira.

Reyna han mga Marteres; ig-ampo Mo hiya/hira.

Reyna han mga Cofesores; ig-ampo Mo hiya/hira.

Reyna han mga Virgenes; ig-ampo Mo hiya/hira.

Reyna han ngatanan nga mga Santos; ig-ampo Mo hiya/hira.

Reyna nga iguinpanamkon nga waray sala nga

panurundon; ig-ampo Mo hiya/hira.

Reyna nga ginsaka ha Langit; ig-ampo Mo hiya/hira.

Reyna han gisasantosi nga rosaryo; ig-ampo Mo hiya/hira.

Reyna han pamilya; ig-ampo Mo hiya/hira.

Reyna han kadaet; ig-ampo Mo hiya/hira.

Página 23 de 25
 Cordero sa Dios nga nagkukuha ka han mga sala
han kalibutan, talwasa Mo Ginoo an kalag ni ______ ( ha
Purgatoryo).

Cordero sa Dios nga nagkukuha ka han mga sala

han kalibutan, dungga Mo Ginoo an kalag ni ______ ( ha
Purgatoryo).

Cordero sa Dios nga nagkukuha ka han mga sala

han kalibutan, kalooyan Mo Ginoo an kalag ni ______ ( ha
Purgatoryo).

M. Ig-ampo Mo hiya/hira Santos nga Iroy sa Dios;

S. Basi hiya/hira sumangpot han mga iginsaad ha amon

ni Jesuchristo.

PAG-AMPO

Ipiningangamaya namon ha Imo Ginoo an kalag

ni _______ (an mga kalag) ha Purgatoryo basi kay patay
naman hiya (hira) hinin kalibutan, mabuhi unta hiya (hira)
ha Imo, ug an ngatanan nga lara han iya (ira) mga
kasal’anan, magpapas na unta ha iya (ira), tungod han
waray katapusan nga Imo kalooy. Amen.

Página 24 de 25
M. An waray katapusan nga pagpahuway ihatag ha
iya (ira) Ginoo.

S. Ug an kahayag nga dayon sumulhog na unta ha

iya (ira).

M. Pumahuway na unta hiya (hira) kalinaw.

S. Amen.

Maghimaya ka Hadi…

Página 25 de 25