8 de marzo de 2021
O CEIP Manuel Mallo Mallo repensa o xeito de achegar o alumnado ás exposicións
Aisa V. Nadela
O alumnado do Colexio de Educación Infantil e
Primaria de Nadela, en Lugo, anda facendo este
curso 2020/2021 un percorrido que o está
levando de Lalín a Toquio, pasando por Madrid
ou París, sen esquecer Nova York e
Massachusetts. O de andar é un dicir, que ben
sabemos que coa pandemia as viaxes están
restrinxidas ou prohibidas… e non só entre
países. Fano sen saír do centro. E para que?
Para sabelo todo dalgúns dos museos máis
coñecidos do mundo pero tamén doutros dos
que moita xente -eu a primeira, recoñézoo-
nunca oiramos falar. “Tintileo no Museo” é o
proxecto documental integrado co que traballa
o profesorado deste centro lucense cun
obxectivo claro, que se vén repetindo desde hai
tempo: “espertar a curiosidade e desenvolver a
capacidade creativa e artística da rapazada”,
como nos explican desde o equipo docente.
Grandes espazos de coñecemento
As mestras cóntannos que este era un
proxecto pendente que decidiron poñer en
marcha tendo en conta as limitacións que
impón a crise sanitaria que atravesamos pola
COVID-19: “non podemos facer saídas nin
excursións, así que… que mellor que traer o
museo ó colexio!”. Pois iso. Que por que os
museos? “Porque son grandes espazos de
cultura, de coñecemento e de aprendizaxe,
cheos como están de obras marabillosas e de
O Museo na Escola
E non só un senón varios, de ata tres continentes
pezas do máis interesante que nos axudan a
motivar ás cativas e ós cativos, a activar as súas
ganas de saber, que son a base para avanzar”.
Ogallá tivese eu cando estudaba a
oportunidade de aprender vendo as cousas alí
onde están -hai que dicir que, para iso, as
novas tecnoloxías son fantásticas-,
mergullándome dentro e empapándome de
todo aquelo que suma para ampliar
coñecementos. Aprender xogando
preguntando, sen tanto chapar.
E no CEIP Manuel Mallo Mallo non só se trata
de achegarse ás obras e ós artistas, non: tamén
se trata de coñecer os distintos espazos que hai
nos museos, as persoas que traballan neles, os
edificios…, en definitiva, como son e que
conteñen. Porque non todo son pinacotecas:
están o Prado, o Reina Sofía e o MOMA -tres
das máis famosas do mundo, que non precisan
presentación- e o Museo da excéntrica artista
vangardista xaponesa Yayoi Kusama -cinco
plantas con case 300 dos seus inconfundibles
traballos cheos de lunares, de globos ou de
xirasois, a súa marca de identidade-; pero
tamén está o Museo de Libros Ilustrados do
escritor e ilustrador estadounidense Eric Carle,
dedicado fundamentalmente ó libro infantil; e
hainos ademais de oficios e artes tradicionais,
da ciencia, da auga, do xoguete ou
etnográficos, como a Casa do Patrón, en Lalín,
que alberga nos seus 2.000 metros cadrados
máis de 4.500 pezas recollidas por toda a
xeografía galega.
O mellor, a ilusión
Cada unha das nove clases deste centro
educativo traballa un museo -algunha varios- e
moito do que fan acábano poñendo en común
coas demais: o que se chama traballo en
equipo. Traballo en equipo que tamén fan en
cada unha das celebracións que teñen lugar ó
longo do curso, relacionándoas sempre co
proxecto dos museos: o Día da Paz, o do Libro,
e
o das Bibliotecas, o de Rosalía, a Semana da
Prensa na Escola, que se celebra xusto agora,
ou mesmo o Entroido. E cando son moitos a
facer ten que haber alguén que dirixa, que leve
a batuta, e no CEIP Manuel Mallo Mallo ese
non é outro que Tintileo: que, por se hai alguén
que a estas alturas aínda non saiba quen é, é o
que mellor representa ó colexio de Nadela… co
permiso da directora, claro! Tintileo, que xa foi
aventureiro ou inventor, converteuse este
curso nada máis nin nada menos que en
Gaudileo para guiar ó alumnado no seu
percorrido museístico. Din os profes que a
resposta da cativada -e das familias- está sendo
de novo “impresionante”, participando e
colaborando de xeito moi activo en tódalas
actividades que se propoñen. E malia a que van
xa moitos cursos traballando por proxectos non
deixan de sorprenderse “coa ilusión e coa
ledicia” das nenas e dos nenos, incluso en
tempos tan difíciles coma estes de pandemia
que non está tocando vivir. Os máis novos,
sempre dando exemplo.
Tintileo, o crocodilo máis famoso do mundo mundial