Tempangaken, Nami kula Tania Indira Putri Kelas Sanga D Badhe ngaturaken ujian praktek basa jawi, PIDHATO.
ASSALAMUALAIKUM WARAHMATULLAHI WABARAKATUH
Bapak kepala sekolah ingkang minulyani, Bapak/Ibu Guru ingkang kula hurmati, Bapak/Ibu wali murid kelas sanga, sarta para kanco siswa-siswi kelas sanga ingkang sanget kula tresnani. Puji syukur mangga sareng-sareng kita unjukaken dhumateng ngarsanipun Gusti Ingkang Maha Agung, ingkang sampun paring kathah sanget kenikmatan saengga wonten ing siang punika kita saget makempal ngrawuhi adicara perpisahan siswa- siswi kelas sanga. Bapak/Ibu sarta para rawuh ingkang sanget kula hurmati, kula minangka wakil saking siswa kelas sanga, ingkang sepisan kaperanga ngaturaken agunging panuwun dhumateng para Bapak dhalah Ibu Guru ingkang sampun dhikdhik lan nggulawenthah kula sakanca wiwit kelas pitu ngantos sapunika sampun lulus kelas sanga. Kathah sanget ilmu pengetahuan lan ketrampilan ingkang sampun kula tampi. Mugi-mugi sedaya amal kesaenan Bapak lan Ibu dipuncatheht dening Gusti Ingkang Maha Kuwaos lan pinaringan ganjaran ingkang setimpal. Kaping kalihipun, kula sadhar bilih sadangunipun kula sakanca ngangsu kawruh wonten pawiyatan mriki, kathah sanget nindkaken khilaf tuwin salah. Wongsal- wangsul kula sakanca adamel gela pangalihipun Bapak lan Ibu Guru. Pramila ing kalodhangan punika kula sakanca nyuwun agunging samodra pangaksami. Kaping tiga, sasampunipun kula sakanca lulus saking pawiyatan mriki, tamtu kemawon kedah nglajengaken sekolah malih. Pramila saking punika, kula sakanca nyuwun tambahing pangestu, mugi-mugi kula sakanca saget pikantuk sekolah ingkang cocok kangge nggayuh idham-idhaman ingkang dereng paja-paja kasembadan. Bapak/Ibu Guru sarta para rawuh ingkang kinurmatan, sanadyan dinten punika kula sakanca sampun kawisuda lulus saking pawiyatan mriki, nanging kula sakanca tetepa dipundhaku dados putra-putri, siswa -siswi Bapak lan Ibu Guru sedaya. Kula sakanca badhe tansah tuhu bekti, lan tansah kapang dhumateng usap sih astanipun Bapak lan Ibu Guru. Wusana cekap semanten anggen kula matur, menawi wonten kirang tripsila anggen kula matur nyuwun sing agunging samodra pangaksami. WASSALAMUALAIKUM WARAHMATULLAHI WABARAKATUH