PAGBANSAY UG

PAGPAUSWAG SA
PAGBASA

PARA SA MGA
KABATAAN SA
IKATULONG ANG-ANG
(GRADE III)
MTB Grade 3
Pagbansay 1
Adunay bag-ong balay ang Pamilya Acedo. Daku
ug anindot kini. Pinintalan og puti ug lunhaw. Ug
aduna usab kini halapad nga hardin sa atubangan.
Si Angela usa sa mga anak sa pamilya Acedo.
Usa ka adlaw niana, iyahang giimbitar ang iyang
mga klasmeyt sa ilahang bag-ong balay. “Magsalu-
salo kita didto unya maghimo kita og gamay nga
programaug magdula-dula kita bisan unsa. Kamo
maoy akong mga bisita.”
“Ganahan kaayo mi magdula-dula. Ganahan
pud mi og programa. Maonga moadto gayod kami
sa inyong salu-salo,” matud pa sa mga klasmeyt ni
Angela.
 MGA PANGUTANA

1. Unsa kahay maayong iuluhan sa estorya?

a. Ang Halapad nga Hardin sa mga Bulak
b. Mga Dula ug Programa
c. Salu-salo sa Bag-ong Balay

2. Asa sa mga kapahayag ang tinuod?

a. Dili mo adto sa balay ang iyang mga klasmeyt
b. Ganahan kaayo magdula ang iyang mga klasmeyt.
c. Dili ganahan og programa ang mga klasmeyt ni
Angela.

3. Asa ang tinuod mahitungod sa balay?

a. Daku ug anindot kini.
b. Halapad ang hardin sa mga utanon.
c. Gamay kini apan nindot.
MTB Grade 3

Pagbansay 2

Gipangita dayon ni Joselito ang iyang Mama

sa pag-abot niya sa ilahang balay.
“Mama!, Mama! Asa ka Ma?” tawag ni
Joselito.
“Dia ko sa kusina!’ tubag sa iyang Mama.
“Ma, tan-awa ang akong mga test papers.
Tag-as ang nakuha naku nga eskor sa pasulit
namu sa Mathematics ug Reading.”
“Kahibalo ba ka kong nganong taas ang
imong eskor?” pangutana sa iyang Mama.
“Oo Ma, kahibalo ako kay nagtuon man ko
og maayo,” matud pa ni Joselito.
 MGA PANGUTANA

1. Mahitungod sa unsa ang estorya?

a. Unsaon pagtuon.
b. Ang Mama ug ang iyang anak nga lalaki
c. Ang eskor ni Joselito sa pasulit.

2. Unsa may tinuod mahitungod ni Joselito?

a. Nagtuon siya og maayo.
b. Dili siya ganahan nga magtuon.
c. Aduna siyay daku nga bag pang-eskuyla.

3. Unsa kahay gibuhat sa iyang Mama sa kusina?

a. Nagluto og para panihapon.
b. Nagtan-aw og telebisyon.
c. Nanghinlo sa hardin.
MTB Grade 3

Pagbansay 3

Nakigdula si Jose sa iyang manghod nga

si Luz. Nagsunod-sunod og dagan si Luz
kang Jose sa mga kwarto sa ilahang balay.
Dili gyud siya kadakop ni Jose.
Pagkataud-taod, gikapoy sila.
“Gikapoy naku og maayo,” matud ni Luz.
“Inuma una ang imong gatas sa dile pa
ikaw matulog,” ingon ni Jose. “Gikapoy usab
ako. Gusto kong matulog pud.”
Pagkahuman og inom ni Luz sa iyang
gatas, gipatulog na kini ni Jose. Ug
nakatulog usab si Jose.
 MGA PANGUTANA

1. Mahitungod sa unsa ang estorya?

a. Pag-inum sa gatas.
b. Pagkatulog
c. Ang igsuong lalaki ug ang iyang manghod nga babaye.

2. Asa sa mga kapahayag ang nagsulti mahitungod ni Jose?

a. Gihigugma ni Jose ang iyang manghod.
b. Gipasagdan ni Jose ang iyang manghod.
c. Walay pasensya si Jose sa iyang manghod.

3. Kinsa man ang gikapoy sa sige og dagan-dagan?

a. Si Luz ra
b. Si Jose ra
c. Si Luz ug si Jose

MTB Grade 3
 Pagbansay 4
Puno sa mga bulak ang hardin ni Rosa.
“Tan-awa ang sampaguita Ma,” ingon ni
Rosa samtang gitudlo niya ang anindot nga
puti nga bulak.
“Pagkanindot nila tan-awon! Tambis ang
baho sa bulak nga sampaguita.
Ang sampaguita mao usab ang
nasudnon nato nga bulak,” ingon sa iyang
Mama.
“Ganahan gyud kaayo ko sa bulak nga
sampaguita. Nindot sila kaayo.” Matud pa ni
Rosa.
“Ganahan pud kaayo ko sa sampaguita,”
ingon pud sa iyang Mama.
MGA PANGUTANA
1. Unsa kahay maayo nga iuluhan sa estorya?
a. Mga Bulak
b. Ang Hardin ni Rosa
c. Ang Bulak nga Sampaguita

2. Asa may tinuod mahitungod sa sampaguita?

a. Pula kini ug nindot.
b. Nasudnon nato nga bulak.
c. Nindot apan dili humot.

3. Asa may tinuod mahitungod ni Rosa?

a. Ganahan siya sa tanang klase sa mga bulak.
b. Ganahan siya sa bulak nga sampaguita.
c. Ganahan lang siya sa mga humot nga mga bulak.

MTB Grade 3
 Pagbansay 5

Naghilak si Lety. Dili siya makatulog

maong miadto siya sa kwarto sa iyang
Mama.
“Tabangi ko Ma,” ingon ni Lety.
Nakita sa iyang Mama ang nawong ni
Lety. Naghubag ug pula ang pikas aping
ni Lety. Ug init pa gyud kini.
“Ngangaha ang imong baba,” matud
pa sa iyang Mama. Nagkaon na usab ka
og daghan nga kendi.
Giingna na baya teka nga ang kendi
makadaot sa ngipon.
MGA PANGUTANA

1. Nganong naghilak man si Lety?

 a. Kay nahadlok siya.
b. Kay gigutom siya.
c. Kay nay sakit niya.

2. Asa sa mga kapahayag ang tinuod?

a. Katugon kaayo si Lety
b. Nagsakit ang ngipon ni Lety.
c. Nindot kaayo ang katulog ni Lety.

3. Asa man ang insakto?

a. Ang kendi mao ang kinamaayuhan nga pagkaon.
b. Ang kendi kay maayo sa ngipon.
c. Ang kendi kay makadaot sa ngipon.

MTB Grade 3
 PAGBANSAY 6
“Ngari kamo sa eskuylahan ugma sayo,
mga bata. Aduna kitay usa ka programa.
Atong saulogon ang adlawng natawhan ni
Dr. Jose Rizal,”ingon ni Miss Santos.
“Karon Hunyo 18.Karon nahibal-an nako
ang adlawng natawhan ni Jose
Rizal”miingon si Agnes.”Ugma kini”
Ngano nga gisaulog nato ang adlawng
natawhan ni Rizal?”Pangutana ni Rico.”Si
Jose Rizal ang atong nasudnon nga bayani.
Siya usa ka maayo nga Pilipino,”ingon ni
Miss Santos.

MGA PANGUTANA
__________________________________________________________
1. Kanus-a ang natawhan ni Dr. Jose Rizal?
A. Hunyo 19
B. Hunyo 18
C. Hunyo 17

2. Ngano nga gisultihan ni Miss Santos ang iyang mga bata nga mo
eskuyla og sayo?
A. Adunay usa ka parada.
B. Adunay usa ka kompetisyon.
C. Adunay usa ka programa.

3. Kinsa si Dr. Jose Rizal?

A. Ang among Presidente
B. Maayo namo nga higala
C. Atong nasudnon nga bayani.

MTB Grade 3
 PAGBANSAY 7

Naghilak si Ruth. Sa pag-abot gikan sa

eskuylahan. Nahugaw ang iyang sinina
ug basa ang iyang sapatos.”
Nganong naghilak ka?” Nangutana
iyang Mama” Nawala ang akong kwarta.
Nahulog ko kini sa diha nga ako
milukso sa kanal. Tingali sa pagkatagak
nadala sa tubig ugnaanod ”miingon si
Ruth.

MGA PANGUTANA
__________________________________________________________

1. Unsa ang gisulti sa estorya?

A. Ngano nga nasakit si Ruth.
B. Ngano nga ulahi na kaayo si Ruth.
C. Ngano nga naghilak si Ruth.

2. Unsa ang tinuod kabahin kang Ruth?

A. Siya gikan sa merkado.
B. Gikan siya sa eskuylahan.
C. Gikan siya sa sapa.

3. Nganong naghilak si Ruth?

A. Ang iyang bisti hugaw.
B. Nawala ang iyang kwarta.
C. Basa ang iyang sapatos.

MTB Grade 3
 PAGBANSAY 8

Bru-u-u-um! Bru-u-u-um!
Midagan si Little Liza ngadto sa iyang
inahan.
Iyang gipiyong ang iyang mga mata.
Gitabunan niya ang iyang dalunggan sa
iyang mga kamot.
”O, Mama, nahadlok ako”, miingon si
Liza.”“Ayaw kahadlok. Ang dalugdog dili
makapasakit kanimo”ingon ni Mama.
Pagkahuman mibundak ang ulan. Kusog
kaayo ang ulan. Nag-ulan sa bug-os nga
adlaw. Dili makagawas si Liza aron
magduwa.
Wala siyay makita sa gawas sa
balay.Kangitngit sa gawas.
 MGA PANGUTANA
________________________________________________________

1. Unsa ang gikahadlokan ni Liza?

A. Ang ulan
B. Ang kangitngit
C. Ang dalugdog

2. Unsang hugpong sa mga pulong ang nagsulti nga nahadlok si Liza?

A. Midagan sa iyang kwarto.
B. Gitan-aw ang pag-ulan.
C. Gipiyong ang iyang mga mata ug gitabunan ang iyang mga
dalunggan.

3. Ngano nga dili magduwa si Liza sa gawas?

A. Siya nagmasakiton.
B. Nag-ulan tibuok adlaw.
C. Wala siya gipalakaw ni mama.

MTB Grade 3
 Pagbansay 9

Bog! Bog! Bog! Ning hunong ang iyang

Mama sa pagdigamo sa ilang pamahaw. Iyang
gi tan-aw pagdali kong unsa tong maong
kasaba.
Nakita niya si Ligaya nga anaa na sa ubos sa
hagdan. Nagkatag ang iyang mga gamit sa
eskuylahan.
Naghilak si Ligaya. Iyang gigunitan ang iyang
ulo.Nagdagan paduol kang Ligaya ang iyang
Mama ug nagkanayon siya. “Ayaw usa og ka
eskuyla karon.”
 MGA PANGUTANA
1. Asa ang tinuod mahitungod kang Ligaya?
a. Natulog siya.
b. Mao pay pag-abot niya gikan sa eskuylahan.
c. Padulong siya mo eskuyla.

2. Kanus-a kadto nahitabo?

a. Pagka gabii
b. Pagka buntag
c. Pagka hapon

3. Nganong naghilak man si Ligaya?

a. Kay naa siyay sakit.
b. Kay gigutom siya.
c. Kay nahagbong siya sa hagdanan.
MTB Grade 3

Pagbansay 10

“Maghilom kita kay natulog na si Papa,”

matud pa ni Nardo ngadto kang Ben.
Maong gihunong ni Ben ang pagdula sa
iyang bola. Mikuha hinuon siya og libro.
Miadto si Nardo sa gawas og nagdula sa
iyang bola.
Ug dili pa lang dugay gitawag siya sa iyang
Mama para pakan-on. “Ayaw sa pukawa ang
inyong Papa kay nagkinahanglan siyang
mopahulay,” matud sa iyang Mama.
Pagkahuman og kaon, gihugasan sa
managsuon ang mga plato.
 MGA PANGUTANA

1. Unsay tinuod mahitungod sa mga bata?

a. Ganahan sila nga magdula.
b. Dagko ug lig-on ang ilang lawas.
c. Maampingon ug manggihunahunaon sila.

2. Asa sa mga kapahayag ang tinuod?

a. Gipangkapoy ang duha ka managsuon.
b. Nahadlok ang duha sa ilang Papa.
c. Mas maguwang si Ben kaysa kang Nardo.

3. Unsay tinuod mahitungod ni Ben?

a. Nasakit siya.
b. Ganahan siya nga magbasa og libro.
c. Mas maguwang si Ben kaysa kang Nardo.
MTB Grade 3

Pagbansay 11

Lunes kadto sa buntag. Adunay sakyanan nga

mihunong atubangan sa eskuylahan.
Nihunong usab ang mga tawo sa kalsada.
Usa ka lalaki nagkuha sa iyang kalo.
Nanganta ang mga bata og Lupang Hinirang.
Gitaas sa mga Boy Scout ang bandira.
Ug unya, nagsugod na og larga ang
sakyanan. Ang mga tawo usab nanglakaw na.Ug
ang mga bata nangadto na sa ilahang lawak-
saringan.
 MGA PANGUTANA

1. Mahitungod sa unsa ang estorya?

a. Flag ceremony
b. Lupang Hinirang
c. Lunes sa buntag

2. Nganong nanghunong man sa paglakaw ang mga tawo?

a. Kay pula ang nahasiga.
b. Kay nanganta ang mga bata.
c. Kay giisa ang bandirang Pilipinhon.

3. Unsay makuhang leksyon bahin sa estorya?

a. Pagrespeto sa bandira.
b. Pagrespeto sa maestro
c. Pagrespeto sa eskuylahan.
MTB Grade 3
Pagbansay 12

“Ang tanan bang bulak kay pula, Miss Medina?”

pangutana ni Raquel.“Dili, adunay dalag, rosas,
kahil, ug puti nga mga bulak.

Aduna usay asul ug tapol nga mga bulak.”

Matud pa ni Miss Medina.“Humot ba ang tanang
bulak?” pangutana ni Araceli.

“Dili, dili tanang bulak kay humot. Ang ubang

bulak sama sa rose ug sampaguita kay mga humot
nga klase sa mga bulak. Ang uban, sama sa
gumamela kay dili,” matud pa ni Miss Medina.

“Ganahan ko og mga bulak,” ingon ni Elsie.“Ako

pud,” ingon usab ni Miss Medina.
 MGA PANGUTANA

1. Mahitungod sa unsa ang estorya?

a. sa mga Rose
b. sa mga bulak
c. sa mga Gumamela

2. Unsay tinuod bahin sa mga bulak?

a. Silang tanan kay pula.
b. Silang tanan kay humot.
c. Silang tanan kay nindot.

3. Unsay tinuod mahitungod sa bulak nga Rose?

a. Silang tanan kay pula.
b. Silang tanan kay humot.
c. Silang tanan kay puti.

Prepared by:
Dr. Wilfreda O. Flor
EPS, Filipino & MTB
Girlle S. Maquiring
Teacher 1, Corazon ES, San Miguel

Francisca G. Anunciado
Master Teacher 1, Corazon ES, San Miguel