WIE ICH NOG EIN JUNGSKE WAAS

WIE ICH NOG EIN JUNGSKE WAAS, ZOEË VAN ’N JAOR OF ZUS
DAO VONG ICH GEER VAN ALLES AAN EN LEET ICH NIKS MIT RUS
ZAOT ICH AAN ’T TRUMMELKE EN PAKTE MICH ’N KEUKSKE
DAN ZAG DE MAM: ‘DOE DEUGENEET, ICH ZET DICH IN ’T HEUKSKE

TRALALALALA, TRALALALALA, TRALALALALA, TRALALALALA

WIE ICH AL GET GROTER WAORT, DE SJOOLTIED WAAS VEURBIE

TOEN HAUW ICH GEER WIE EDEREIN ’N MAEDJE AAN MIEN ZIE
’N KNAP GEZICHTSKE, ’N AARDIG KIND, MIT OM DE KOP ’N DEUKSKE
ICH SJPRAOK DAN MIT DAT MAEDJE AAF OP EIN OF ANGER HEUKSKE

TRALALALALA, TRALALALALA, TRALALALALA, TRALALALALA

WIE ICH LATER VRIEË GONG, ICH WAAS VOL GOOIE MOOD
VEER NAOME AAFSJEID IN DE GANK, ICH WEIT ’T NOG ZO GOOD
OPINS VERSJEEN DE SJOONPAPA EN ZAG TOEN MIT ’N VLEUKSKE:
‘WAT MOT DAT MIT MIEN DOCHTER NOE, DAO IN DAT DUUSTER HEUKSKE’

TRALALALALA, TRALALALALA, TRALALALALA, TRALALALALA

WEN ICH ‘NS BIE PETRUS KOM, EN KLOP DAO AAN DE DEUR
DAN ZEIJT D’R: ‘JONG, KOM DOE MER IN, DOE SJTEIS D’R HEEL GOOD VEUR’
DOE HUBS TOCH NEEMES KWAOD GEDAON, D’R SJTEIT NIKS IN MIEN BEUKSKE
DAN VRAOG ICH: ‘PETRUS, ZET MICH MER MIT ’N ENGELKE IN ’N HEUKSKE’

TRALALALALA, TRALALALALA, TRALALALALA, TRALALALALA