PWOSESIS REGILARIZASYON MIGRATWA 2021.

Ki moun ki ka aplike?

Nenpòt moun ki gen nenpòt nasyonalite ki te antre nan Chili anvan 18 Mas 2020 nan
kondisyon legal e ki iregilye nan moman aplikasyon an.

Kondisyon

Pou moun ki gen plis pase 18 lane:

1) Sètifika antesedan peyi w ki valab nan moman aplikasyon an (legalize oswa ki pase
nan notè, leta ayisyen oubyen leta chilyen).

2) Paspò ki valab nan moman aplikasyon an. Nan ka Venezyela, y’ap aksepte paspò
ekspire kite fèt depi nan lane 2013 ou plis.

3) Kat touris oswa biyè denyè Viza a.

Pou moun ki poko gen 18 lane:

1) Paspò valab nan moman aplikasyon an. Nan ka Venezyela, y’ap aksepte paspò
ekspire kite fèt nan lane 2013 ou plis.

2) Batistè (legalize oswa ki pase nan notè, leta ayisyen oubyen leta chilyen).

3) Deklarasyon sèman sou swen ak depans oswa gadyen timoun nan (devan yon notè
piblik).

4) Kat touris oswa biyè denyè Viza a.

Koman ou aplike?

Pwosesis aplikasyon an se 100% sou entènèt sou sit entènèt etranje yo

(https://tramites.extranjeria.gob.cl/ . Antre nan opsyon Regularización Migratoria 2021).

Kijan pwosesis la fèt:

- Antre nan pwosesis dijital la "Regularización migratoria 2021".

- Li kondisyon aplikasyon an.

- Konprann ke nan moman aplikasyon an, moun nan dwe bliye aplikasyon anvan yo. (Sa vle
di aplikasyon kite fèt anvan nouvo aplikasyon sa a pa valid ankò)

- Ranpli espas idantifikasyon pèsonèl yo.

 - Mete dokiman obligatwa yo pou aplikasyon an (tcheke detay dokiman ki nan imaj ki anwo
a).

- Peye dwa Viza a.

- Telechaje dokiman verifikasyon yo.

Ki dat limit pou aplike?

Pwosesis la dire 180 jou apati madi 20 avril 2021 (piblikasyon lalwa a).

Ki kalite Viza li ye?

Li se yon Viza tanporè ak pèmi travay (sèlman pou moun ki gen plis pase 18 lane) ki gen
yon dire de 1 lane, ki ka pwolonje oswa solisite Viza pèmanan soti 90 jou anvan ekspirasyon
Viza tanporè an.

Konbyen mwen dwe peye pou aplike?

Aplikan an dwe peye 90 dola ($63.140 pesos chilenos) nan fen aplikasyon an. Pa gen okenn
pri pou moun ki poko gen 18 lane.

Èske mwen ka aplike si mwen te antre ilegal?

Ou pap kapab aplike pou yon viza tanporè nan pwosesis sa a.

Si ou vle kite peyi a, ou ka fè sa pandan 180 jou ki pwosesis la dire, san sanksyon
migratwa, sèlman si ou pa gen yon dosye kriminèl oswa mezi rigid nan Chili.

Aspè yo konsidere:

· Ou dwe genyen dokiman ou yo sou fòm PDF, lizib, santre, an lòd.

· Yon aplikasyon pou chak moun e li rekòmande pou mete yon sèl imèl pou chak moun.

· Gen yon sèl opòtinite pou aplike.